ដោយ វុត្ថា
ភ្នំពេញ៖ ជាអ្នកជំនាញរយៈពេលជាង១០ឆ្នាំ លោក ច្រឹក សុខនីម ប្រធានសមាគម អ្នកវាយតម្លៃនិងភ្នាក់ងារអចលនវត្ថុកម្ពុជា បានបង្ហើបពីវិធីសាស្រ្តចំនួន៦ ដើម្បីវិនិយោគលើវិស័យអចលនទ្រព្យឲ្យទទួលបានផលចំណេញ និងត្រឹមត្រូវ អ្នកវិនិយោគទាំងឡាយពិនិត្យមើលគន្លឹះមួយចំនួនដើម្បីបញ្ជៀសហានីភ័យទៅថ្ងសក្រោយ។
លោកច្រឹក សុខនីមបានចែករំលែកនូវចំណេះដឹង និងបទពិសោធន៍របស់ខ្លួនថា អ្នកវិនិយោគក្នុងវិស័យនេះ ត្រូវពិនិត្យនិងឈរលើមូលដ្ឋានចំនួន៦ជាសំខាន់ ដូចជា ទី១ អ្នកវិនិយោគគួរតែតាមដានរាល់ព័ត៌មានពាក់ព័ន្ធ នឹងវិស័យអចលនទ្រព្យឲ្យបានទំលំទូលាយ ។ ទី ២ អ្នកវិនិយោគត្រូវតែសសេពគមជាមួយអ្នកអភិវឌ្ឍន៍ ក៏ដូចជាអ្នកវិយោគផ្សេងទៀត ឲ្យបានច្រើនដើម្បីទទួលបានព័ត៌មានជុំវិញ ការវិនិយោគអចលនទ្រព្យក៏ដូចសិក្សាយកចំណេះដឹងពីពួកគេ សម្រាប់យកមកអភិវឌ្ឍន៍អចលនទ្រព្យរបស់ខ្លូនឲ្យទទួលបានជោគជ័យ។
-->
ទី ៣ ត្រូវពិនិត្យមើលលើទិដ្ឋភាពផ្លូវច្បាប់ ជុំវិញអចលនទ្រព្យនោះប្លង់រឹង ឬមិនមាន ដើម្បីងាយស្រួយក្នុងការវិនិយោគបន្ត។ ទី៤ ពិនិត្យមើលចំពោះលំហូសាច់ប្រាក់របស់ខ្លួនសម្រាប់ការវិនិយោគលើអចលនទ្រព្យ។ ទី៥ ពិនិត្យមើលទីតាំងដែលត្រូវវិនិយោគមានសក្តានុពល និងមានហេដ្ឋាចរនាសម្ព័ន្ធឲ្យបានត្រឹមត្រូវ និងទី ៦ ត្រូវតាមដានពិនិត្យមើលសេដ្ឋកិច្ចនៅក្នុងប្រទេស ។
លោកថា “បើនិយាយពីសេដ្ឋកិច្ចជាតិ គឺគេនិយាយពីដំណើការនៃការអភិវឌ្ឍអចលនទ្រព្យនៅក្នុងប្រទេសនោះ”។
លោកច្រឹក សុខនីមបានបន្តថា កំនើនវិស័យអចលនទ្រព្យ នៅក្នុងប្រទេសកម្ពុជានៅក្នុងរយៈពេលប៉ុន្មានឆ្នាំចុងក្រោយនេះ បានជួយកំនើនសេដ្ឋកិច្ចដ៏រ៉ឹងមាំរបស់កម្ពុជា ពិសេសប្រជា ប្រជាជនកម្ពុជាចាប់ផ្តើមយល់ពីការវិនិយោគក្នុងវិស័យនេះ។ បន្ថែមពីនេះ ទាំងអ្នកវិនិយោគចិន ជប៉ុនក៏បមកវិនិយោគកាន់តែច្រើនផងដែរ ដោយសារតែអចលនទ្រព្យកម្ពុជា បើធៀបកម្ពុជាជាមួយប្រទេសក្នុងតំបន់អាស៊ាន ប្រទេសកម្ពុជាមានសក្តានុពលអចលនទ្រព្យខ្ពស់។
លោកបន្តថា អ្នកវិនិយោគជាតិ អន្តរជាតិ នៅទទួលបានប្រាក់ចំណេញខ្ពស់ជាងប្រទេសក្នុងតំបន់។ ជាមួយគ្នានេះ អ្នកវិនិយោគបរទេសមួយចំនួន ពួកគេចាត់ទុកកម្ពុជាជាកូននាគនៅអាស៊ី ដោយការវិនិយោគរបស់ពួកគេ ទទួលបានផ្លែផ្កាខ្ពស់ ដែលជាកត្តាទាក់ទាញការវិនិយោគពីបរទេស៕
[…] ប្រភព៖ Property Area […]