ដោយ វុត្ថា
ចិនៈ ការិយាល័យស្ថិតិជាតិចិន (National Bureau of Statistics) បានចេញរបាយការណ៍ឱ្យដឹងថា ការវិនិយោគលើវិស័យអចលនទ្រព្យរបស់ប្រទេសចិន បានកើនឡើង១១,២% ក្នុងសន្ទស្សន៍ប្រចាំឆ្នាំរបស់ខ្លួនក្នុងរយៈពេល៥ខែដំបូងនៃឆ្នាំនេះ។
របាយការណ៍ដែលបានចេញផ្សាយ កាលពីចុងសប្តាហ៍កន្លងមកនេះបានបន្តថា កំណើននេះយឺតជាង ១១,៩ភាគរយ ដែលបានកត់ត្រាក្នុងកំឡុងចន្លោះខែមករា -មេសា ប៉ុន្តែមានកំណើនលឿនជាងកាលពីឆ្នាំមុ ដែលមាន ៩,៥ ភាគរយ។
NBS បានឱ្យដឹងថា ការវិនិយោគអចលនទ្រព្យសរុប ក្នុងរយៈពេល៥ខែដំបូងមានទំហំទឹកប្រាក់ចំនួន ៤,៦១ ពាន់ពាន់លានយ័នស្មើប្រហែល ៦៦៧ពាន់លានដុល្លារ ដោយក្នុងនោះ ប្រមាណ ៧៣,៣ ភាគរយត្រូវបានវិនិយោគលើអគារស្នាក់នៅ។
យោងតាម NBS បានឱ្យដឹងបន្តថា នៅក្នុងអំឡុងខែមករាដល់ខែឧសភាការវិនិយោគលើអគារស្នាក់នៅបានកើនឡើង១៦,៣% ក្នុងសន្ទស្សន៍ប្រចាំឆ្នាំ ពោលគឺកើនឡើងទឹកប្រាក់ចំនួន ៣,៣៨ ពាន់ពាន់លានយ័ន។
ក្នុងអំឡុងពេលដូចគ្នានេះដែរ អ្នកសាងសង់របស់ប្រទេសចិន បានសាងសង់អាគារនៅលើទំហំដីចំនួន ៧,៤៥ពាន់ម៉ែត្រការ៉េ ពោលគឺកើនឡើង ៨,៨ ភាគរយពីមួយឆ្នាំទៅមួយឆ្នាំ។
ការលក់លំនៅឋានពាណិជ្ជកម្មត្រូវបានគេប៉ាន់ប្រមាណថា មានទំហំ ៥៥៥,១៨ លានម៉ែត្រការ៉េក្នុងរយៈពេល៥ខែដំបូងនៃឆ្នាំនេះ បានធ្លាក់ចុះ ១,៦% ក្នុងសន្ទស្សន៍ប្រចាំឆ្នាំ ជាមួយនឹងតម្លៃ ៥,១៨ ពាន់ពាន់លានយ័នគឺកើនឡើង ៦,១% បើប្រៀបធៀបទៅនិងឆ្នាំមុន៕
