ដោយ ស៊ីវ ម៉េង
ភ្នំពេញៈ ជាលទ្ឋផលប្រជាពលរដ្ឋកម្ពុជាកាន់តែច្រើនបានចាប់ផ្តើមទិញខុនដូសំរាប់រស់នៅពិសេសខុនដូដែលមានតម្លៃមធ្យមចន្លោះពី៥០,០០០ទៅ១០០,០០០ដុល្លារអាមេរិក។
ប្រជាពលរដ្ឋខ្មែរចាប់ផ្តើមទិញខុនដូដែលមានតម្លៃមធ្យមកាន់តែច្រើន
នាយិកាប្រចាំប្រទេសនៃក្រុមហ៊ុន CBRE Cambodia អ្នកនាង អាន សុធីតា បានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី២១មិថុនានេះថាទីផ្សារខុនដូតម្លៃមធ្យមដែលមានតម្លៃចន្លោះ១២០០ទៅ២០០០ដុល្លារក្នុងមួយម៉ែត្រការ៉េកំពុងទទួលបានការចាប់អារម្មណ៍ពីប្រជាពលរដ្ឋខ្មែរ។អ្នកនាងបន្តថាជាមួយនឹងការកើនឡើងនូវការចាប់អារម្មណ៍ពីប្រជាពលរដ្ឋខ្មែរអ្នកវិនិយោគជាតិនិងអន្តរជាតិកាន់តែច្រើនបានងាកទៅវិនិយោគខុនដូដែលមានតម្លៃបែបនេះ។
អ្នកនាងបន្តថា“ប្រជាពលរដ្ឋខ្មែរចាប់ផ្តើមទិញខុនដូតម្លៃមធ្យមព្រោះពួកគេមិនអាចយកប្រាក់៥ទៅ១០ម៉ឺនដុល្លារទិញផ្ទះនៅក្នុងក្រុងបានទេបើទិញបានក៏ជាផ្ទះដែលមានតម្លៃឆ្ងាយពីទីក្រុងភ្នំពេញ”។
យោងតាមការសិក្សារបស់ក្រុមហ៊ុន CBRE Cambodia បានឲ្យដឹងថាដំណាច់ត្រីមាសទី១ឆ្នាំនេះមានគំរោងខុនដូតម្លៃមធ្យមចំនួន៣បានសាងសង់និងមានផ្ទះសរុបចំនួនប្រមាណ២០០០យូនីត។
ទោះជាយ៉ាងណាកាលពីពេលថ្មីៗនេះខុនដូតម្លៃមធ្យមមួយចំនួនបានសាងសង់ផងដែរដូចជាគំរោងខុនដូរបស់ក្រុមហ៊ុនជីពម៉ុងដែលស្ថិតនៅក្នុងខ័ណ្ឌសែនសុខគម្រោងខុនដូ Urban Village ដែលស្ថិតនៅស្របតាមបណ្តោយផ្លូវ៦០ម៉ែត្រជាដើម។
ជាមួយនឹងការវិនិយោគកាន់តែច្រើនពីអ្នកវិនិយោគក្នុងស្រុកនិងអន្តរជាតិគម្រោងខុនដូថ្មីមួយគឺខុនដូ HCN Malland Residence ដែលបោះទុនវិនិយោគដោយវិនិយោគិនខែ្មរនិងបាននិងកំពុងសាងសង់យ៉ាងសកម្មនិងគ្រោងបញ្ចប់ការសាងសង់នៅឆ្នាំ២០២០ខាងមុខពិសេសគម្រោងនេះបាននិងកំពុងទទួលចំណាប់អារម្មណ៍ពីអ្នកវិនិយោគក្នុងស្រុកច្រើន។
កញ្ញាឃិន លីដា តំណាងផ្នែកលក់នៃគម្រោងខុនដូ HCN Malland Residenceបានឲ្យដឹងថា HCN Malland Residence របស់យើងមានកម្ពស់ចំនួន២៣ជាន់ដែលវានឹងប្រើប្រាស់ជាមជ្ឈមណ្ឌលពាណិជ្ជកម្មនិងលំនៅដ្ឋានដោយចាប់ពីជាន់ទី១ដល់ទី៤វាជាផ្សារទំនើបដែលមានរោងភាពយន្ត និងកន្លែងលក់អីវ៉ាន់ហើយជាន់ទី៥ជាកន្លែងសម្រាប់កីឡាដែលមានអាងហែលទឹកធំកន្លែងហាត់ប្រាណស្ទីមនិងសោនានិងចាប់ពីជាន់ពី៦ឡើងទៅជាយូនីតខុនដូសុទ្ធ។គម្រោងនេះមានផ្ទះសរុបចំនួន៧២០យូនីត។
ជាមួយនឹងការអភិវឌ្ឈដោយទំនួលខុសត្រូវក្រុមហ៊ុនវិនិយោគគម្រោងនេះក៏យកចិត្តទុកដាក់លើចំណតរថយន្តដែលមានធំទូលាយសម្រាប់អតិថិជនផងដែរ។
គម្រោងខុនដូ HCN Malland Residence ស្ថិតនៅលើផ្លូវ៥១៦សង្កាត់បឹងកក់១ខណ្ឌទួលគោកភ្នំពេញ។
កញ្ញាលីដាបានឲ្យដឹងទៀតថាសម្រាប់ទីតាំងនេះអតិថិជនដើរមើលគម្រោងផ្សេងៗច្រើនតែគាត់ជ្រើសរើសគម្រោងយើង។ហើយហេតុផលរបស់គាត់ឃើញចំណតរថយន្តយើងច្រើនសំណង់របស់យើងសាងសង់ឡើងជារៀងរាល់ថ្ងៃហើយតម្លៃរបស់យើងសមរម្យជាងគេបើធៀបគម្រោងៗក្នុងតំបន់នេះហើយទីតាំងរបស់យើងជាប់ផ្លូវធំនិងជិតផ្សារទំបនើប TK ។
ពិសេសជាងនេះទៀតយើងមានការផ្តល់ជួនគ្រឿងសង្ហារឹមមួយឈុតក្នុងនោះរួមមានទូទឹកកកម៉ាស៊ីនត្រជាក់ម៉ាស៊ីន បោកខោអាវ និងទូរទស្សន៍ដែលនឹងរៀបចំរួចរាល់សម្រាប់អតិថិជន៕
