ដោយ Donald Lee
ក្រុងតូក្យូ៖ វិស័យអចលនទ្រព្យរបស់ជប៉ុនបានឈានដល់កម្រិតខ្ពស់បំផុត ហើយត្រូវបានព្យាករណ៍ថានឹងធ្លាក់ចុះយ៉ាងគំហុក ខណៈដែលកម្រិតបំណុលរបស់ក្រុមហ៊ុនអភិវឌ្ឍន៍ឈានដល់កម្រិតខ្ពស់នៅក្នុងស្ថានភាពសេដ្ឋកិច្ចមិនច្បាស់លាស់មួយនេះ។ នេះបើយោងតាមក្រុមហ៊ុនសេវាកម្មហិរញ្ញវត្ថុសកល Standard and Poor’s (S & P) ។
ក្រុមហ៊ុន S&P បានឲ្យដឹងថា “ទីផ្សារអចលនទ្រព្យរបស់ជប៉ុនកំពុងកើនដល់កម្រិតកំពូល ហើយត្រៀមនឹងធ្លាក់ចុះវិញ”។
របាយការណ៍ស្រាវជ្រាវហិរញ្ញវត្ថុបានបន្ថែមថា “ទោះបីជាលក្ខខណ្ឌក្នុងទីផ្សារជួលការិយាល័យមានលក្ខណៈរឹងមាំក៏ដោយ ក៏វាបង្ហាញពីសញ្ញានៃការធ្លាក់ចុះនៃប្រាក់ចំណូលរបស់ក្រុមហ៊ុន ជាពិសេសក្នុងចំណោមក្រុមហ៊ុនផលិតកម្ម”។
ធនាគារជប៉ុនក្នុងស្រុកបានបង្កើនប្រាក់កម្ចីយ៉ាងច្រើនដល់អ្នកអភិវឌ្ឍន៍ដែលកំពុងស្វែងរកមូលនិធិសម្រាប់គម្រោងកែច្នៃឡើងវិញដ៏ធំ និងការទិញភាគហ៊ុនរបស់ក្រុមហ៊ុន នៅពេលតម្រូវការប្រាក់កម្ចីរបស់សាជីវកម្មបានថយចុះ។
ប៉ុន្តែខណៈដែលសេដ្ឋកិច្ចរបស់ជប៉ុនបានឈានដល់កម្រិតជិតដល់វិបត្តិសេដ្ឋកិច្ច អ្នកវិភាគជឿជាក់ថា ធនាគារអាចដាក់កម្រិតលើការផ្តល់ប្រាក់កម្ចីដល់ក្រុមហ៊ុនអចលនទ្រព្យ និងបង្កើនចំណាយផ្នែកបំណុលសម្រាប់ក្រុមហ៊ុនធំៗ ដូចជា ក្រុមហ៊ុន Mitsubishi Estate Co. , ក្រុមហ៊ុន Mitsui Fudosan Co. , ក្រុមហ៊ុន Sumitomo Realty & Development Co. និង Nomura Real Estate។
ក្រុមហ៊ុនអចលនទ្រព្យធំៗជាច្រើនរបស់ប្រទេសជប៉ុនត្រូវបានចូលរួមនៅក្នុងការអភិវឌ្ឍ ការជួល ការគ្រប់គ្រងអចលនទ្រព្យ និងការលក់អគារស្នាក់នៅ និងអគារការិយាល័យនៅក្នុងប្រទេស។
ក្រុមហ៊ុន S&P បានឲ្យដឹងថា “ប្រសិនបើធនាគារបានកាត់បន្ថយប្រាក់កម្ចីរបស់ពួកគេទៅឲ្យក្រុមហ៊ុនអចលនទ្រព្យខណៈដែលស្ថានភាពហិរញ្ញវត្ថុកាន់តែយ៉ាប់យ៉ឺន ពួកគេអាចទាញតម្លៃអចលនទ្រព្យ និងបង្កើនចំណាយហិរញ្ញវត្ថុ។
ក្រុមហ៊ុន បន្ថែមថា វាអាចធ្វើឲ្យស្ថានភាពហិរញ្ញវត្ថុរបស់អចលនទ្រព្យកាន់តែអាក្រក់ទៅៗ៕
