ដោយ ៖ វុត្ថា
កណ្តាល ៖ ព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់តែងតាំងលោក គង់ សោភ័ណ្ឌ ឋានន្តរស័ក្ដិឧត្តមមន្ត្រី ថ្នាក់លេខ៥ ជាអភិបាលនៃគណៈអភិបាលខេត្ត ជំនួសលោក ម៉ៅ ភិរុណ ដែលជាអតីតអភិបាលខេត្តកណ្តាលចំនួន២អាណត្តិ។
មុនពេលត្រាស់បង្គាប់តែងតាំងជាអភិបាលនៃគណអភិបាលខេត្តកណ្តាល លោក គង់ សោភ័ណ បានបម្រើការងារជាអភិបាលរងខេត្តកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកណ្ដាលផងដែរ។
ដោយឡែកសម្រាប់លោក ម៉ៅ ភិរុណ គេនៅមិនទាន់ដឹងនោះទេថា នឹងត្រូវផ្លាស់ប្ដូរទៅកាន់តំណែងអ្វីនៅឡើយនោះទេ។
