ដោយៈ រ៉ាណេត
ភ្នំពេញៈ ក្រសួងរៀបចំដែនដី នគរូបនីយកម្មនិងសំណង់ បានធ្វើការជូនដំណឹងសាជាថ្មីទៅដល់ស្ថាបត្យករ វិស្វករជំនាញសំណង់ស៊ីវិល និងវិស្វករជំនាញអគ្គិសនីស្ដីពី ការរៀបចំវគ្គផ្សព្វផ្សាយ “ច្បាប់ស្ដីពីសំណង់” ជាលើកចុងក្រោយ ក្រោមអធិបតីភាពរបស់លោកឧបនាយករដ្ឋមន្ត្រីជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។
យោងតាមសេចក្ដីជូនដំណឹងរបស់ក្រសួងរៀបចំដែនដី នគរូបនីយកម្ម និងសំណង់ ដែលចេញនៅថ្ងៃទី១៩ ខែកុម្ភៈ ឆ្នាំ២០២០ បានបញ្ជាក់ថា នៅព្រឹកថ្ងៃទី២១ ខែកុម្ភៈ ឆ្នាំ២០២០ខាងមុខនេះ នៅសណ្ឋាគារ ហ្គាឌិន ស៊ីធី ភ្នំពេញ ស្ថិតនៅតាមបណ្តោយផ្លូវ លីយ៉ុងផាត់ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ វេលាម៉ោង ៧,៣០នាទីព្រឹក នឹងមានការរៀបចំវគ្គផ្សព្វផ្សាយ “ច្បាប់ស្ដីសំណង់” លោកចុងក្រោយក្រោមអធិបតី ដ៏ខ្ពង់ខ្ពស់របស់លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។
-->
សេចក្ដីប្រកាសដដែលនេះ ចាត់ទុកជាការជូនដំណឹងទៅដល់បណ្តាស្ថាបត្យករ ដែលបានចុះបញ្ជីនៅគណៈស្ថាបត្យករកម្ពុជា និងវិស្វករជំនាញសំណង់ស៊ីវិល ក៏ដូចជាវិស្វករជំនាញអគ្គិសនី ដែលបានចុះបញ្ជីគណៈវិស្វករកម្ពុជា ដែលអវត្តមានក្នុងការចូលរួមវគ្គផ្សព្វផ្សាយ “ច្បាប់ស្ដីពីសំណង់” សម្រាប់អ្នកវិជ្ជាជីវៈក្នុងវិស័យសំណង់ទាំង២លើកថា វគ្គផ្សព្វផ្សាយនេះ មានគោលបំណង់ផ្តល់លទ្ធភាពជូនស្ថាបត្យករ និងវិស្វករឱ្យបំពេញបានគ្រប់លក្ខខណ្ឌដែលមានកំណត់ក្នុងច្បាប់។
សម្រាប់សិក្ខាកាមដែលបានបំពេញ គ្រប់លក្ខខណ្ឌរបស់វគ្គផ្សព្វផ្សាយ នឹងទទួលបានវិញ្ញាបនបត្របញ្ជាក់កា រសិក្សាចេញដោយក្រសួងរៀបចំដែនដី នគរូបនីយកម្ម និងសំណង់ ដែលជាឯកសារចាំបាច់សម្រាប់ស្ថាបត្យករចុះបញ្ជី និងវិស្វករចុះបញ្ជីក្នុងការស្នើសុំអជ្ញាប័ណ្ណប្រកបវិជ្ជាជីវៈក្នុងវិស័យសំណង់។ ស្ថាបត្យករ និងវិស្វករ ដែលបានចុះបញ្ជីមុនថ្ងៃទី២ ខែវិច្ឆិកា ឆ្នាំ២០១៩ ហើយខកខានមិនបានចូលរួមវគ្គផ្សព្វផ្សាយច្បាប់ស្ដីពីសំណង់ ត្រូវចាត់ទុកថាជាស្ថាបត្យករ និងវិស្វករដែលបោះបង់សិទ្ធិ និងបាត់បង់កាយសម្បទា ព្រមទាំងពុំបានបំពេញគ្រប់លក្ខខណ្ឌរបស់ច្បាប់ ដើម្បីប្រកបវិជ្ជាជីវៈក្នុងវិស័យសំ ណង់។
សេចក្ដីលម្អិត សូមអានបន្ថែមនៅក្នុងសេចក្ដីជូនដំណឹងដូចខាងក្រោម ៖
