ដោយវុត្ថា
ភ្នំពេញ៖ សម្តេចតេជោ ហ៊ុន សែន នាយកដ្ឋមន្ត្រីនៃកម្ពុជា បានប្រកាសកាត់បៀវត្សរបស់សម្តេចក្នុងរយៈពេល ៧ ទៅឱ្យគណៈកម្មាធិការជាតិប្រយុទ្ធប្រឆាំងជំងកូវីដ ១៩ ខណៈដែលសម្តេចពិនិត្យឃើញថា ស្ថានភាពនៃជំងឺកូវីដ ១៩ មិនទាន់ថមថយ។
សម្តេចតេជោ បានសរសេរនៅក្នុងលិខិតមួយច្បាប់ផ្ញើរជូនលោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោក ម៉ម ប៊ុន ហេង រដ្ឋមន្ត្រីក្រសួង សុខាភិបាល នៅថ្ងៃទី ១ ខែមេសា ឆ្នាំ ២០២០ នេះ បានឱ្យដឹងថា ដោយសារស្ថានភាពនៃការវិវត្តន៍របស់ជំងឺកូវីដ ១៩ នៅក្នុងកម្ពុជា នៅតែមិនទាន់បង្ហាញសញ្ញា នៃការថមថយ ណាមួយនោះ សម្តេចតេជោ ស្ម័គ្រចិត្តកាត់បៀវត្សជានាយកដ្ឋមន្ត្រី រយៈពេល ៧ ខែ ចាប់ពីខែមីនា រហូតដល់ខែកញ្ញា ឆ្នាំ ២០២០។
សម្តេចតេជោ បានប្រាប់ទៅ លោក អូន ព័ន្ធមុនីរ័ត្ន ឧបនាយកដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ចាត់ចែងប្រាក់បៀវត្សរបស់សម្តេចបញ្ចូលទៅក្នុងគណៈរបស់គណៈកម្មាធិការជាតិប្រយុទ្ធប្រឆាំងជំងឺកូវីដ ១៩ តាមការគួរ៕
