ដោយៈ ម៉ាណេត
ព្រះសីហនុៈ ខេត្តព្រះសីហនុត្រូវបានមើលឃើញថា មានរីកចម្រើនឥតឈប់ឈររាប់ចាប់អាគារទំនើបខ្ពស់ៗ រហូតដល់កំពង់ផែទឹកជ្រៅ ដែលច្រកនាំចេញចូលសំខាន់សម្រាប់ផលិតផលកម្ពុជា និងផលិតផលពីអន្តរជាតិ ខណៈរដ្ឋាភិបាលកំពុងយកចិត្តទុកក្នុងការប្រែក្លាយខេត្តនេះ ឱ្យជាទៅជាតំបន់សេដ្ឋកិច្ចពិសេសគំរូពហុបំណង។
រដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយ ករដ្ឋមន្រ្តីនៃកម្ពុជា សម្រេចបង្កើតគណៈកម្មធិការបច្ចេកទេសអន្តរក្រសួង រៀបចំគោលនយោបាយគ្រប់គ្រង និងប្រើប្រាស់ដីធ្លី ក្នុងការអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង។
យោងតាមអនុក្រឹត្យ ដែលចេញផ្សាយនៅថ្ងៃទី១១ ខែមិថុនា ឆ្នាំ២០២១នេះ បានឱ្យដឹងថា គណៈកម្មធិការនេះ មានអក្សកាត់ «គ.ប.ដ» ដឹកនាំដោយ លោកឧបនាយករដ្ឋមន្រ្តីជា សុផារ៉ារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ អមដោយអនុប្រធាន២រូប និងមានសមាសភាពសរុប២៥រូប។
សារព័ត៌មាន Global Time បានចុះផ្សាយកាលពីថ្មីៗនេះថា បន្ទាប់ពីអនុញ្ញាត ឱ្យនាវា MS Westerdam និងអ្នកដំណើរនិងនាវិកចំនួន២០០០នាក់ ចូលចតនៅកំពង់ផែកាលពីខែកុម្ភៈឆ្នាំ២០២០កន្លងមកនេះ បានធ្វើកំពង់ផែក្រុងព្រះសីហនុ ដែលមានសភាពស្ងប់ស្ងាត់ និងតូចមួយនៅក្នុងប្រទេសកម្ពុជា បានជំរុញឱ្យមានការយកចិត្តទុកដាក់ជាសកល និងភាពអូអរឡើងវិញ។
ក្រៅពីការផ្តល់ជូនការចាកចេញ ប្រកបដោយសុវត្ថិភាពសម្រាប់អ្នកធ្វើដំណើរ ក្រុងព្រះសីហនុ កំពុងស្ថិតនៅក្នុងការផ្តល់ឱកាស ដល់អ្នករស់នៅក្នុងតំបន់នេះយ៉ាងច្រើនផងដែរ ។
ពាណិជ្ជកម្ម និងការវិនិយោគរបស់ចិន បាននាំឱ្យមានការអភិវឌ្ឍន៍សួនឧស្សាហកម្ម រោងចក្រ លំនៅដ្ឋាន ពាណិជ្ជកម្ម សណ្ឋាគារភោជនីយដ្ឋាននិងកាស៊ីណូផងដែរ។ ទីក្រុងទេសចរណ៍មាត់សមុទ្រ កំពុងផ្លាស់ប្តូរបន្តិចម្តងៗ ទៅជាទីក្រុងShenzhen និងក្បាលម៉ាស៊ីនសេដ្ឋកិច្ចរបស់ប្រទេសកម្ពុជា។
ក្នុងរយៈពេល៥ឆ្នាំកន្លងមកនេះ មនុស្សមួយចំនួនបានចាប់ផ្តើមហៅក្រុងព្រះសីហនុថាជាទីក្រុង Shenzhen ទី២។ ផ្លូវឆ្ពោះទៅការអភិវឌ្ឍមិនងាយស្រួលទេ ព្រោះទីក្រុងនៅតែប្រឈមនឹងបញ្ហាអភិវឌ្ឍន៍ជាច្រើន ប៉ុន្តែការចូលរួមក្នុងគំនិតផ្តួចផ្តើមខ្សែក្រវ៉ាត់ និងផ្លូវ និងការបង្កើនកិច្ចសហប្រតិបត្តិការ ជាមួយប្រទេសចិនបានក្លាយជាការមូលមតិគ្នាលើវិធីដើម្បីឆ្ពោះទៅមុខ។
ក្រុងព្រះសីហនុមានមូលដ្ឋានគ្រឹះល្អ សម្រាប់ការអភិវឌ្ឍលើគ្រប់វិស័យ។ ទោះយ៉ាងណាប្រជាជនកម្ពុជានៅមានលទ្ឋភាពតិចតួច ដើម្បីឆ្លើយតបស្របទៅនឹងទីផ្សារថ្មីនេះ មានន័យថា ការអភិវឌ្ឍន៍ខេត្តព្រះសីហនុ នៅតែប្រឈមនឹងកង្វះដើមទុន និងហេដ្ឋារចនាសម្ព័ន្ធបាននិងកំពុងអភិវឌ្ឍន៍។ ទុនវិនិយោគរបស់ចិនបានចាប់ផ្តើមជួយប្រទេសកម្ពុជា ឱ្យជៀសផុតពីឧបសគ្គទាំងនេះ។
កោះរ៉ុងព្រះសីហនុ មានអគារពាណិជ្ជកម្ម និងលំនៅដ្ឋានថ្មីៗជាច្រើន ដែលមានសំណង់ជាច្រើនទៀត ដែលធ្វើរកទីកន្លែងណាមួយ នៅក្នុងទីក្រុងព្រះសីហនុនៅទំនេរនោះទេ។
ខេត្តព្រះសីហនុបានអភិវឌ្ឍន៍ ពីទីក្រុងកំពង់ផែសមុទ្រដ៏ស្ងប់ស្ងាត់ ទៅជាទីក្រុងមានសភាពអ៊ូអរ នៅពេលដែលជនជាតិចិនកាន់តែច្រើនឡើងៗ ជាមួយនឹងការអភិវឌ្ឍក្រុមហ៊ុន និងអចលនទ្រព្យ ដូចទៅនឹងទីក្រុងShenzhen។
និន្នាការនេះ ត្រូវបានអមដោយការកើនឡើង នៃឧស្សាហកម្មសេវាកម្មទីក្រុងជាមួយភោជនីយដ្ឋាន និងសណ្ឋាគារចិន។
លោកវង្សី វិស្សុតរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុធ្លាប់បានលើកឡើងថា ក្រោមការគាំទ្រពីអង្គការអភិវឌ្ឍន៍ឧស្សាហកម្ម របស់អង្គការសហប្រជាជាតិ វិទ្យាស្ថានរៀបចំផែនការ និងរចនាប្លង់ទីក្រុងស៊ីនជិន បាននឹងកំពុងជួយក្រុងព្រះសីហនុ ក្នុងការរៀបចំបញ្ចូលទៅជា “ទីក្រុងសិនជិនកម្ពុជា” ដើម្បីទាក់ទាញការវិនិយោគបន្ថែមទៀត។
តើទីក្រុងShenzhenមានលក្ខណៈពិសេសបែបណា
ទីក្រុង Shenzhen ត្រូវបានគេចាត់ទុកថា ជាចំណុចសំខាន់នៃកំណែទម្រង់របស់ប្រទេសចិនអស់រយៈពេល៤០ឆ្នាំ ហើយឥឡូវនេះត្រូវបានគេចាត់ទុកថា ជាមជ្ឈមណ្ឌលច្នៃប្រឌិត ឈានមុខគេមួយរបស់ពិភពលោក។ ការកើនឡើងនេះ គឺជាករណីសិក្សាមួយសម្រាប់កំណើនសេដ្ឋកិច្ចបន្តរបស់ចិន។
ទី១ កំណែទម្រង់របស់ទីក្រុងសិនជិន ត្រូវបានគាំទ្រដោយរដ្ឋាភិបាលកណ្តាល។ ក្នុងខួបលើកទី៤០ នៃការបង្កើតតំបន់សេដ្ឋកិច្ចពិសេសនៅទីក្រុងសិនជិន លោកប្រធានាធិបតីស៊ី ជីនពីង បានប្រកាសគាំទ្រដល់កំណែទម្រង់សាកល្បងទីក្រុង ដោយមានការអនុញ្ញាតគ្រប់ជ្រុងជ្រោយ មានតម្រូវការលើការធ្វើកំណែទម្រង់ស៊ីជម្រៅទូលំទូលាយ ការបើកទូលាយការធ្វើទំនើបកម្ម ប្រព័ន្ធអភិបាលកិច្ច និងជំរុញការអភិវឌ្ឍយ៉ាងសកម្ម។
ទី២ កម្លាំងពលកម្មវ័យក្មេង ដែលមានថាមពលខ្លាំងក្លាបានធ្វើឱ្យក្រុង Shenzhen ក្លាយជាចំណុចស្នូល នៃការផ្លាស់ប្តូរនិងរីកចម្រើន សម្រាប់អ្នកច្នៃប្រឌិតថ្មីរបស់ចិនជំនាន់ថ្មី។ ទីក្រុង Shenzhen មានសមាមាត្រខ្ពស់បំផុត នៃចំនួនប្រជាជនសរុបទីក្រុងណាមួយទូទាំងពិភពលោក។
ទី៣ ការតភ្ជាប់ក្នុងតំបន់បានបង្កើតទីក្រុងសិនជិន ជាមូលដ្ឋានសម្រាប់ការកែទម្រង់ និងបើកទូលាយរបស់ចិន៕
