តើស្ថានភាពទីផ្សារអចលនទ្រព្យនៅប្រទេសចិនកំពុងវិវឌ្ឍបែបណានៅក្នុងរយៈពេល២ខែដំបូងនេះ?

ដោយ: គង់ លាងហួរ

ប៉េកាំង: ការវិនិយោគអចលនទ្រព្យ នៅប្រទេសចិនបានធ្លាក់ចុះក្នុងល្បឿនយឺតជាងមុន ក្នុងរយៈពេល២ខែដំបូង ឆ្នាំ២០២៣ ដោយបង្ហាញសញ្ញានៃភាពប្រសើរឡើង ដែលត្រូវបានជំរុញដោយគោលនយោបាយគាំទ្រមួយចំនួន ទោះបីជាអ្នកទិញ និងអ្នកអភិវឌ្ឍន៍នៅតែមានការប្រុងប្រយ័ត្នយ៉ាងណាក្តី។

យោងតាមទិន្នន័យពីការិយាល័យស្ថិតិជាតិ (NBS) បានឱ្យដឹងថា ការវិនិយោគលើអចលនទ្រព្យ បានធ្លាក់ចុះ៥,៧ភាគរយ នៅក្នុងខែមករាដល់ខែកុម្ភៈ បន្ទាប់ពីបានធ្លាក់ចុះរហូត ដល់១២,២ភាគរយនៅក្នុងខែធ្នូ និងយឺតជាងការធ្លាក់ចុះ១០ភាគរយ ដែលបានចុះបញ្ជីសម្រាប់រយៈពេលដូចគ្នាក្នុងឆ្នាំ២០២២។

នៅដើមកិច្ចប្រជុំប្រចាំឆ្នាំ នៃសភារបស់ប្រទេសចិនកាលពីសប្តាហ៍មុន រដ្ឋាភិបាលចិនបានធ្វើការ ដើម្បីការពារហានិភ័យចំពោះអ្នកអភិវឌ្ឍន៍អចលនទ្រព្យកំពូលៗ ដែលជាអាទិភាពចម្បងមួយ ក្នុងអាទិភាពជាច្រើនផ្សេងទៀត នៅក្នុងរបាយការណ៍ការងារសម្រាប់ឆ្នាំ២០២៣នេះ។

លោក Yan Yuejin អ្នកវិភាគនៅស្ថាប័នស្រាវជ្រាវ និងអភិវឌ្ឍន៍ E-house China ក្នុងទីក្រុងសៀងហៃ បានអះអាងថា “តួលេខនេះគឺជាការចាប់ផ្តើមដ៏ល្អមួយ សម្រាប់ការងើបឡើងវិញ នៃទីផ្សារអចលនទ្រព្យក្នុងឆ្នាំ២០២៣នេះ និងបង្កើនទំនុកចិត្តបន្ថែមទៀតផងដែរ”។ លោកបានបន្តថា “តួលេខនៃការលក់អចលនទ្រព្យ ត្រូវបានគេរំពឹងថា នឹងប្រែក្លាយពីអវិជ្ជមានទៅជាវិជ្ជមាន នៅក្នុងត្រីមាសទី១នៃឆ្នាំនេះ ដែលជាសញ្ញាដ៏ធំបំផុត ដើម្បីបង្ហាញថាទីផ្សារអចលនទ្រព្យកំពុងងើបឡើងវិញ”។

ការលក់ផ្ទះគិតជាផ្ទៃក្រឡា បានធ្លាក់ចុះ៣,៦ភាគរយពីមួយឆ្នាំទៅមួយឆ្នាំ ក្នុងរយៈពេលពីរខែដំបូង ឆ្នាំ២០២៣ ធៀបនឹងការធ្លាក់ចុះរហូតដល់២៤,៣ភាគរយ នៅឆ្នាំ២០២២ ដោយសារគ្រួសារជាច្រើននៅតែមិនទាន់ អាចសម្រេចចិត្តលើការទិញផ្ទះ។

ចំណែក ការចាប់ផ្តើមសាងសង់ថ្មី ដែលវាស់វែងដោយផ្ទៃក្រឡាបានធ្លាក់ចុះ៩,៤ភាគរយ នៅក្នុងខែមករាដល់ខែកុម្ភៈធៀបនឹងឆ្នាំមុន បន្ទាប់ពីបានធ្លាក់ចុះ៤៤ភាគរយនៅក្នុងខែធ្នូ និងធ្លាក់ចុះ៣៩ភាគរយសម្រាប់រយៈពេលដូចគ្នាក្នុងឆ្នាំ២០២២។

ស្ថានភាពសម្រាប់ការទទួលបានមូលនិធិ របស់អ្នកអភិវឌ្ឍន៍ក៏មានភាពប្រសើរឡើងផងដែរ។

មូលនិធិដែលប្រមូលបាន ដោយអ្នកអភិវឌ្ឍន៍បានធ្លាក់ចុះ១៥ភាគរយ ក្នុងរយៈពេលពីរខែដំបូង បើធៀបនឹងការធ្លាក់ចុះរហូតទៅដល់២៦ភាគរយ ក្នុងរយៈពេលដូចគ្នាកាលពីឆ្នាំមុន។

កាលពីខែមករាកន្លងទៅ តម្លៃផ្ទះថ្មីបានកើនឡើងជាលើកដំបូងក្នុងរយៈពេលមួយឆ្នាំ ដែលត្រូវបានជំរុញពីការគាំទ្រ យ៉ាងខ្លាំងក្លារបស់ក្រុមអ្នកបង្កើតគោលនយោបាយ និងការបោះបង់ចោលគោលនយោបាយសូន្យកូវីដ កាលពីដំណាច់ឆ្នាំ២០២២។

លោក Ni Hong រដ្ឋមន្ត្រីក្រសួងលំនៅដ្ឋានបានមានប្រសាសន៍នៅក្រៅកិច្ចប្រជុំប្រចាំឆ្នាំរបស់សភាថា “លោកមានទំនុកចិត្តថា ទីផ្សារអចលនទ្រព្យចិន នឹងមានស្ថិរភាព និងស្ទុះងើបឡើងវិញនៅឆ្នាំ២០២៣”៕

អតិថិជនអាចស្វែងរកបន្លែធម្មជាតិ និងទឹកពិសារ “ឋានសួគ៌បូកគោ”នៅតាមម៉ាតធំៗ និងMart លើផ្លូវក្រមូនស

ដោយៈ គង់ សូរិយា

ភ្នំពេញៈ ជាមួយនឹងផែនការពង្រីកការដាំដុះ និងផលិតទឹកពិសារ “ឋានសួគ៌បូកគោ” ដែលបានចែកចាយតាមMart ធំៗ និងMini Martលើផ្លូវក្រមួន “ស” ក្រុមហ៊ុនបូកគោ ហ្វាមបាននិងកំពុងត្រៀមពង្រីកទុន ដើម្បីវិនិយោគលើផលិតផលទាំងនេះបន្ថែមទៀត។

ក្រុមហ៊ុនបូកគោហ្វាម បាននិងកំពុងវិនិយោគទឹកប្រាក់ប្រមាណ៤លានដុល្លារ ដាំបន្លែសរីរាង្គ លើភ្នំបូកគោ និងកំពុងផលិតទឹកពិសារឋានសួគ៌បូកគោ មានផ្ទុកសារធាតុPH8 ដែលជួយលើកកំពស់សុខភាពអ្នកបរិភោគ និងជំនួយដល់ថ្លើមផងដែរ។

បន្លែដែលបាន និងកំពុងដាំលើភ្នំកំពស់១០៧៥ម៉ែត្រ បាននិងកំពុងទទួលបានការគាំទ្រពីអតិថិជន ដោយសារបន្លែត្រូវបានថែរទាំតាមធម្មជាតិ ដែលធ្វើឲ្យមានរសជាតិឆ្ងាញ់។

បន្លែទាំងនេះ បាននិងកំពុងចែកចាយនៅតាមសណ្ឋាគារទាំង៧របស់ក្រុមហ៊ុនសុខា និងតាមម៉ាតនានា។ ចំណែកទឹកពិសារឋានសួគ៌បូកគោ ដែលចម្រាញ់ចេញពីទឹកភ្លៀង គ្មានសារធាតុគីមី ត្រូវបានផលិតដោយបច្ចេកវិទ្យាតទំនើបបំផុត ដើម្បីធ្វើឲ្យប្រាកដថាទឹកពិសារនេះ មានគុណភាព អនាម័យខ្ពស់ និងជួយលើកសុខភាពអ្នកទទួលទាន។

កញ្ញា ណោត លីដាអ្នកជំនាញផ្នែកបន្លែសរីរាង្គ ដែលបាននិងកំពុងធ្វើការនៅក្នុងកសិដ្ឋាន បានមានប្រសាសន៍ឲ្យដឹងកាលពីពេលថ្មីៗនេះថា ការដាំបន្លែនៅទីនេះ ក្រុមហ៊ុនបានផ្តោតលើបន្លែអឺរ៉ុបច្រើន ដោយក្នុងនោះ ប្រភេទសាឡាត់អឺរ៉ុប មាន៨មុខ មានដូចជា សាឡាត់ផ្កាថ្មក្រហម សាឡាត់រ៉ូមែន សាឡាត់អាយបឺក(សាឡាត់ក្តោប) សាឡាត់ប៉ាតតូវែ ជាដើម។

ដោយឡែក បន្លែផ្លែមានដូចជា ស៊ូគីនី(ននោងបារាំង) ននោងបារាំងលឿង និងននោងបារាំងខៀវ ជាដើម។

នៅប្រទេសកម្ពុជា មិនសូវមានកសិករដាំបន្លែទាំងនេះនោះទេ ដោយសារប្រភេទបន្លែទាំងនេះ ត្រូវការអាកាសធាតុត្រជាក់ និងពិបាកក្នុងការដាំដុះ ប៉ុន្តែនៅលើភ្នំបូកគោ អំណោយផលក្នុងការដាំប្រភេទបន្លែទាំងនេះ និងទទួលបានទិន្នផលខ្ពស់។ នេះជាការបន្ថែមរបស់កញ្ញា ណោត លីដា។

កញ្ញាបានឱ្យដឹងថា “បន្លែងបួកគោ អាចផ្គត់ផ្គង់អតិថិជនគ្រប់ប្រាំងគ្រប់វស្សា មានន័យថា បើបន្លែនៅខាងក្រៅ រងការខូចខាត ដោយសារជំនន់ទឹកភ្លៀងនៅរដូវវស្សា តែនៅបូកគោនៅតែអាចផ្គត់ផ្គង់បានធម្មតា”។

អ្នកជំនាញបច្ចេកទេស ដែលបានបញ្ចប់ការសិក្សាផ្នែកកសិកម្មជាន់ខ្ពស់ពីបរទេសរូបនេះ បានលើកឡើងថា ចំពោះការដាំដុះ ដែលអំណោយផលល្អសម្រាប់បន្លែ គឺចាប់ពីខែ វិច្ឆិកា រហូតដល់ខែ មីនា ដែលចន្លោះពេលនេះ ការដាំដុះគឺទទួលបានទិន្នផលខ្ពស់។

កញ្ញាបានបន្តថា អ្វីដែលពិសេសសម្រាប់បន្លែសុវត្ថិភាព និងសរីរាង្គ នៅកសិដ្ឋានបូកគោហ្វាម គឺការដាំដុះមិនប្រើជាតិគីមី១០០ភាគរយ គឺប្រើតែជីលាមកប្រជៀវ ជីលាមកគោ ជីត្រីធ្វើជាកំប៉ុសទឹក ដែលជីទាំងនេះ បានជួយឱ្យបន្លែផ្លែមានទំហំធំ ជាងដំណាំនៅតាមតំបន់ផ្សេងៗ។

ជាមួយគ្នានេះ អ្នកស្រី សៀ ចាន់រ៉ា នាយកផ្នែកលក់ និងទីផ្សារនៃក្រុមហ៊ុនបូកគោហ្វាម ដែលជាបុត្រសម្ព័ន្ធក្រុមហ៊ុន សូគម៉ិច អ៊ិនវេសមេនគ្រុប បានឱ្យដឹងថា ក្រៅពីបន្លែបែបអឺរ៉ុប នៅក្នុងកសិដ្ឋាន មានដាំដុះ ដូចជា បន្លែស្ពៃក្តោប ស្ពៃបូកគោ ខាត់ណា ប៉េងប៉ោះខៀវ ប៉េងប៉ោះក្រហម និងប្រភេទសាឡាត់ជាច្រើនមុខទៀត៕

Why Silicon Valley Bank collapsed and what it could mean

Silicon Valley Bank collapsed with astounding speed on Friday. Investors are now on edge about whether its demise could spark a broader banking meltdown.

The US federal government has stepped in to guarantee customer deposits, but SVB’s downfall continues to reverberate across global financial markets. The government has also shut down Signature Bank, a regional bank that was teetering on the brink of collapse, and guaranteed its deposits.

In a sign of how seriously officials are taking the SVB failure, US President Joe Biden told Americans Monday that they “can rest assured that our banking system is safe,” adding: “We will do whatever is needed on top of all this.”

Why did it collapse?
SVB’s collapse came suddenly, following a frenetic 48 hours during which customers yanked deposits from the lender in a classic run on the bank.

But the root of its demise goes back several years. Like many other banks, SVB ploughed billions into US government bonds during the era of near-zero interest rates.

What seemed like a safe bet quickly came unstuck, as the Federal Reserve hiked interest rates aggressively to tame inflation.

When interest rates rise, bond prices fall, so the jump in rates eroded the value of SVB’s bond portfolio. The portfolio was yielding an average 1.79% return last week, far below the 10-year Treasury yield of around 3.9%, Reuters reported.

At the same time, the Fed’s hiking spree sent borrowing costs higher, meaning tech startups had to channel more cash towards repaying debt. At the same time, they were struggling to raise new venture capital funding.

That forced companies to draw down on deposits held by SVB to fund their operations and growth.

Source: CNN

ច្បាប់គ្រប់គ្រង និងអភិវឌ្ឍភស្តុភារថ្មីនឹងស្រូបទាញលំហូរវិនិ យោគកាន់តែច្រើនចូលកម្ពុជា

ដោយ: គង់ លាងហួរ

ភ្នំពេញ: ប្រទេសកម្ពុជា គ្រោងកំណត់កម្រិតសីតុណ្ហភាពសម្រា ប់ផលិតផលផ្សេងៗគ្នា ដូចជា អាហារ ឱសថ សារធាតុគីមី និងឧបករណ៍អេឡិចត្រូនិក ដើម្បីរក្សាគុណភាពនៃផលិតផល និងការពា រការខូចខាតក្នុងអំឡុងពេលដឹកជញ្ជូន។

ដើម្បីជាប្រយោជន៍ដល់សេដ្ឋកិច្ច និងសុខភាពទូទៅ កម្ពុជានឹងលើកកម្ពស់ម្ហូបអាហារ ប្រកបដោយសុវត្ថិភាព តាមរយៈការដឹកជញ្ជូនតាមខ្សែសង្វាក់ត្រជាក់ និងប្រើប្រាស់គោលការណ៍ណែនាំអាស៊ាន-ជប៉ុនសម្រាប់ជាឯកសារយោង។

កិច្ចប្រជុំក្រុមអ្នកជំនាញអាស៊ាន-ជប៉ុនស្តីពី ភស្តុភារ (AJEGML) បានបញ្ចប់ដោយលទ្ធផលសំខាន់ៗចំនួន៤។

ក្រសួងដែនដី ហេដ្ឋារចនាសម្ព័ន្ធ ពាណិជ្ជកម្ម និងទេសចរណ៍ (MLIT) នៃប្រទេសជប៉ុនបានធ្វើបច្ចុប្បន្នភាព សកម្មភាពភាពជាដៃគូដឹកជញ្ជូនអាស៊ាន-ជប៉ុន និងផែនការបណ្តុះបណ្តាលផ្នែកភស្តុភារ។

លោក ឈៀង ពេជ្រ អគ្គនាយកនៃអគ្គនាយកដ្ឋានភស្តុភារកម្ម បានមានប្រសាសន៍ថា “លេខាធិការដ្ឋានអាស៊ាន បានប្រកាសសេដ្ឋកិច្ចរាងជារង្វង់ក្នុងផ្នែកភស្តុភារ ហើយតំបន់អាស៊ានទាំងអស់ បានធ្វើបច្ចុប្បន្នភាពលើឡូជីស្ទីកខ្សែសង្វាក់ត្រជាក់ផងដែរ”។

យោងតាមការណែនាំអាស៊ាន -ជប៉ុនបានឱ្យដឹងថា ការកកគឺស្ថិតនៅត្រឹម -៤០C សម្រាប់ត្រីធូណា និង -៤០C ដល់ -១៨C សម្រាប់អាហារសមុទ្រ សាច់ អាហារកក ការ៉េម ខណៈត្រជាក់គឺ -១៨C ដល់ +១០C សម្រាប់ផលិតផលទឹកដោះគោ ប៉ាស្តា បន្លែ និងអាហារសមុទ្រស្រស់។

សីតុណ្ហភាពថេរគឺ +៥C ដល់ +១៨C សម្រាប់ mayonnaise បង្អែមសូកូឡា ភេសជ្ជៈ អង្ករ និងគ្រាប់ធញ្ញជាតិផ្សេងទៀត ហើយសីតុណ្ហភាពធម្មតាគឺសម្រាប់គ្រឿងទេស។ នេះបើយោងតាមសេចក្តីប្រកាសព័ត៌មាន។

ប្រទេសកម្ពុជា គ្រោងបង្កើតគោលការណ៍ណែនាំ និងការកំណត់សមស្របបំផុត ដោយផ្អែកលើសីតុណ្ហភាព និងលក្ខខណ្ឌនៃប្រទេស ហើយកម្ពុជានឹងជំរុញការអភិវឌ្ឍ ហេដ្ឋារចនាសម្ព័ន្ធភស្តុភារ ដែលទាមទារគោលនយោបាយថ្មី ហើយគុណភាពនៃអ្នកផ្តល់សេវាភស្តុភារនឹងត្រូវបានធ្វើបច្ចុប្បន្នភាពផងដែរ។

លោក ឈៀង ពេជ្រ បានបញ្ជាក់ថា “ក្រសួងសារធារណការ និងដឹកជញ្ជូនកំពុងរៀបចំច្បាប់ស្តីពី ការគ្រប់គ្រង និងការអភិវឌ្ឍន៍ភស្តុភានៅកម្ពុជា”។

លោកបានបន្ថែមថា “វានឹងជំរុញការអភិវឌ្ឍផ្នែកភ័ស្តុភារ នៅកម្ពុជា ដោយទទួលបានទំនុកចិត្តបន្ថែមទៀត ពីវិនិយោគិនក្នុងការធ្វើអាជីវកម្ម ហើយការអភិវឌ្ឍផ្នែកភ័ស្តុភារនេះ ក៏នឹងជួយរួមចំណែកដល់កំណើនសេដ្ឋកិច្ចជាតិផងដែរ”៕

Cambodia’s trade valued at over $6.8 billion in first two months

The total trade volume between Cambodia and other countries around the world reached more than $6.8 billion in the first two months of 2023, down 21.8 percent when compared to the same period last year.

Figures from the General Department of Customs and Excise at the Ministry of Economy and Finance showed that Cambodia exported nearly $3.3 billion worth of products to foreign markets, a year-on-year decline of 8.6 percent.

At the same time, the Kingdom’s imports saw a decrease by 30.9 percent to over $3.5 billion.

Cambodia’s largest markets were the United States, Vietnam, China, Japan, Thailand, Canada, Germany, the United Kingdom, Spain, and the Netherlands.

The main export items included garments, footwear, travel goods, bicycles, rice, machinery and electrical equipment, and vegetables and fruits.

The country imported mostly raw materials, construction materials, automobiles, pharmaceutical products, electronics and electrical equipment, fertilizers and pesticides.

Source: Khmer Times

មកដឹងពីតម្លៃដីធ្លីនៅតាមបណ្ដាសង្កាត់ក្នុងខណ្ឌទួលគោក ក្នុងឆ្នាំ ២០២៣នេះ

ដោយៈ វឌ្ឍនៈ

ភ្នំពេញៈ ខណ្ឌទួលគោកជាតំបន់មួយ ដែលមានការអភិវឌ្ឍគួរឱ្យកត់សម្គាល់ ក្នុងរយៈពេលប៉ុន្មានឆ្នាំកន្លងមកនេះ ហើយតាមរយៈការអភិវឌ្ឍនេះដែរ ក៏បានជំរុញឱ្យតម្លៃដីធ្លី នៅក្នុងខណ្ឌមួយនេះកើនឡើងជាបន្តបន្ទាប់ផងដែរ។

នៅថ្ងៃនេះយើងនឹងបង្ហាញពីតម្លៃដីធ្លី នៅតាមបណ្ដាសង្កាត់នានា ក្នុងខណ្ឌទួលគោកសម្រាប់វិនិយោគិន ឬអ្នកអភិវឌ្ឍន៍សិក្សាក្នុងការពិចារណាវិនិយោគឬអភិវឌ្ឍន៍។

១. សង្កាត់ផ្សារដេប៉ូ១

សង្កាត់នេះតម្លៃដី មានចន្លោះពី២១០០ដុល្លារអាមេរិក ក្នុងមួយម៉ែត្រការ៉េដល់៥៦០០ដុល្លារអាមេរិក ក្នុងមួយម៉ែត្រការ៉េ វាអាស្រ័យទៅលើស្ថានភាពដីទីតាំង នៅផ្លូវធំៗឬផ្លូវតូច។

២.សង្កាត់ផ្សារដេប៉ូ២

តម្លៃដីធ្លីនៅក្នុងសង្កាត់មួយនេះ មានចន្លោះពី២១០០ដុល្លារទៅ៥៧០០ដុល្លារអាមេរិកក្នុងមួយម៉ែត្រការ៉េ ។

៣.សង្កាត់ផ្សារដេប៉ូ៣

តម្លៃដីធ្លីនៅក្នុងសង្កាត់មួយនេះ មានតម្លៃមិនខុសពីតម្លៃដីធ្លីនៅក្នុងសង្កាត់ផ្សារដេប៉ូ២ឡើយ ពោលគឺស្ថិតនៅក្នុងចន្លោះពី២១០០ដុល្លារទៅ៥៧០០ដុល្លារអាមេរិក ក្នុងមួយម៉ែត្រការ៉េ ។

៤.សង្កាត់ទឹកល្អក់១

សង្កាត់នេះក៏ជាតំបន់សំខាន់មួយ នៅក្នុងខណ្ឌទួលគោក ហើយតម្លៃដីធ្លីវាមានតម្លៃចន្លោះ ពី២១០០ដុល្លារអាមេរិក ទៅ៥៦០០ដុល្លារអាមេរិក។

៥.សង្កាត់ទឹកល្អក់២

សង្កាត់មួយនេះតម្លៃដីធ្លី គឺប្រហាក់ប្រហែលនឹងតម្លៃដីធ្លី ក្នុងសង្កាត់ទឹកល្អក់១ដែរ ដោយតម្លៃដីធ្លី មានចាប់ពី២១០០ដុល្លារអាមេរិក ទៅ៥៦០០ដុល្លារអាមេរិកអាស្រ័យលើទីតាំង។

៦.សង្កាត់ទឹកល្អក់៣

តម្លៃដីធ្លីនៅតំបន់ទឹកល្អក់៣ មានការខុសគ្នាបន្តិចពីតំបន់ នៃសង្កាត់ទឹកល្អក់១ និងទឹកល្អក់២ ពោលគឺតម្លៃនៅក្នុងសង្កាត់ទឹកល្អក់មានតម្លៃ ចន្លោះពី២១០០ដុល្លារទៅ ៥១០០ដុល្លារអាមេរិកក្នុងមួយម៉ែត្រការ៉េ។

៧. សង្កាត់បឹងកក់១និង២

បឹងកក់ជាតំបន់ដែលមានសក្ដានុពល ក្នុងការទាក់ទាញការវិនិយោគហើយបច្ចុប្បន្ននេះ មានគម្រោងជាច្រើន ក៏កំពុងលេចរូបរាងជាបន្តបន្ទាប់នៅតំបន់។

តម្លៃដីធ្លីនៅសង្កាត់បឹងកក់ចាត់ថា មានតម្លៃខ្ពស់ជាងក្នុងខណ្ឌទួលគោកដោយ នៅសង្កាត់បឹងកក់១ មានតម្លៃចន្លោះពី២៣០០ដុល្លារអាមេរិកទៅ៦១០០ដុល្លារអាមេរិក ហើយសង្កាត់បឹងកក់២មានតម្លៃចន្លោះពី២៨០០ដុល្លារ ដល់៦១០០ដុល្លារអាមេរិក។

៨.សង្កាត់ផ្សារដើមគរ

ផ្សារដើមគរក៏ជាតំបន់មមាញឹក និងពិបាកក្នុងការស្វែងរកដីធ្លីសម្រាប់វិនិយោគបន្តិច ប៉ុន្តែតម្លៃនៅតំបន់នេះ មានតម្លៃពី២១០០ដុល្លារអាមេរិក ទៅ៥៦០០ដុល្លារអាមេរិក ក្នុងមួយម៉ែត្រការ៉េ ។

៩. សង្កាត់បឹងសាឡាង

ដីធ្លីនៅសង្កាត់បឹងសាឡាង ក៏មិនខុសគ្នាប៉ុន្មានដែរ ពីតំបន់ក្នុងសង្កាត់ផ្សារដើមគរ ក្នុងនោះតម្លៃដី មានចាប់១៩០០ដុល្លារអាមេរិកដល់៥៥០០ដុល្លារអាមេរិកក្នុងមួយម៉ែត្រការ៉េ ។

ជាការកត់សម្គាល់ឃើញថា តម្លៃដីធ្លីនៅក្នុងរាជធានីភ្នំពេញនិងតាមបណ្ដាខេត្តនានា ក្នុងប្រទេសកម្ពុជា ទោះបីជាស្ថានភាពនៃវិបត្តិកូវីដ១៩ និងវិបត្តិនៃសង្គ្រាមរុស្ស៊ីអ៊ុយក្រែនក្ដី មិនមានការប្រែប្រួលធ្លាក់ចុះទេ ពោលគឺនៅរក្សាថេរ ឬមានការកើនឡើងតិចតួច ធៀបនឹងមុនវិបត្តិ។

យ៉ាងណាក៏មានតំបន់ខ្លះ បានធ្លាក់ចុះតិចតួច អាស្រ័យលើម្ចាស់ដី ដោយមិនទាក់ទងនឹងទីផ្សាររួមឡើយ៕

ក្រុងតូក្យូ នឹងបើកដំណើរការអគារការិយាល័យថ្មីៗយ៉ាងច្រើនក្នុងឆ្នាំនេះ ខណៈតម្រូវការស្ថិតក្នុងភាពស្រពេចស្រពិល

ដោយៈ សុខុម

តូក្យូ: បណ្ដាតំបន់ប៉ែកកណ្តាលនៃទីក្រុងតូក្យូ ប្រទេសជប៉ុន គឺជាទីតាំងក៏ពេញនិយម និងតម្លៃថ្លៃសម្រាប់អគារការិយាល័យ ដោយការិយាល័យកណ្តាល របស់ក្រុមហ៊ុនធំៗជាច្រើន ប្រមូលផ្តុំនៅទីនោះ ហើយកន្លែងធ្វើការលំដាប់ខ្ពស់ ត្រូវបានគេចាត់ទុកជានិមិត្តសញ្ញាបញ្ជាក់ពីឋានៈ។

ទោះជាយ៉ាងណា អត្រាការិយាល័យទំនេរចោល នៅក្នុងទីក្រុងនេះបាន និងកំពុងកើនឡើងក្នុងប៉ុន្មានឆ្នាំចុងក្រោយនេះ ដោយសារវិបត្តិកូវីដ-១៩ បានធ្វើឱ្យបុគ្គលិកងាក ទៅធ្វើការងារពីផ្ទះកាន់តែច្រើនឡើង។ ទន្ទឹមនេះ អគារការិយាល័យថ្មីៗយ៉ាងច្រើន គ្រោងនឹងបើកដំណើរការនៅទីក្រុងតូក្យូ ក្នុងឆ្នាំនេះ ខណៈគម្រោងអភិវឌ្ឍន៍ឡើងវិញមួយចំនួនឈានដល់ការបញ្ចប់ជាស្ថាពរ។

ក្រុមហ៊ុនភិវឌ្ឍន៍ធំៗមានជំនឿចិត្តថា ការិយាល័យលំដាប់ខ្ពស់នៅតាមតំបន់កណ្តាលក្រុង នឹងនៅតែមានតម្រូវការខ្ពស់ ខណៈក្រុមហ៊ុនកាន់តែច្រើន កំពុងផ្តោតលើសារៈសំខាន់ នៃការទំនាក់ទំនងទល់មុខគ្នាដែលមានន័យថា ក្រុមហ៊ុនជាច្រើននឹងត្រូវការិយាល័យ ដើម្បីឱ្យបុគ្គលិកមកធ្វើការងារជុំគ្នាឡើងវិញ។

ទោះជាយ៉ាងណា អ្នកឃ្លាំមើលស្ថានការណ៍មួយចំនួន នៅក្នុងវិស័យឧស្សាហកម្មនិយាយថា ស្ថានភាពទីផ្សារការិយាល័យ មិនប្រាកដប្រជានោះឡើយ។

ស្ថិតិការិយាល័យទំនេរចោល សម្រាប់តំបន់ប៉ែកកណ្ដាលចំនួន៥ នៃក្រុងតូក្យូ រួមមានតំបន់ Chuo តំបន់ Shibuya តំបន់ Minato តំបន់ Chiyoda និងតំបន់ Shinjuku បានកើនឡើងខ្ពស់ជាងអត្រាមុនពេលផ្ទុះវិបត្តិកូវីដ-១៩។

យោងតាមទិន្នន័យពីក្រុមហ៊ុនឈ្មួញ ជើងសារការិយាល័យ Miki Shoji បង្ហាញថា អត្រាការិយាល័យទំនេរចោល នៅក្នុងខែកុម្ភៈ ដើមឆ្នាំ២០២៣ គឺស្ថិតក្នុងរង្វង់៦,១៥% ខណៈអត្រានេះស្ថិតក្រោម៣%នៅចន្លោះពីខែមីនា ឆ្នាំ២០១៨ ដល់ខែកក្កដា ឆ្នាំ២០២០។

ជាទូទៅ អត្រាការិយាល័យទំនេរចោល លើសពី៥%ត្រូវបានចាត់ទុកថា ផ្គត់ផ្គង់លើសពីតម្រូវការទៅហើយ។

ទន្ទឹមនឹងនេះ ស្ថិតិពីក្រុមហ៊ុនផ្ដល់សេវា ជួលការិយាល័យ Sanko Estate ក៏បានបង្ហាញផងដែរថា អត្រាការិយាល័យទំនេរចោលសម្រាប់តំបន់ទាំង៥ខាងលើ គឺខ្ពស់ជាងគេក្នុងអត្រា៤,៦៦%នៅក្នុងត្រីមាសទី៤ ចុងឆ្នាំ២០២២ បើធៀបនឹង០,៦៩%ក្នុងរយៈពេលដូចគ្នាក្នុងឆ្នាំ២០១៩។

យោងតាមក្រុមហ៊ុន Sanko Estate ឱ្យដឹងថា ទោះបីជាមានការកើនឡើង នូវអត្រាការិយាល័យទំនេរចោលយ៉ាងណាក្ដី ក៏តំបន់ទាំង៥ខាងលើ នឹងផ្គត់ផ្គង់ការិយាល័យថ្មីៗ ជាង៧៦០.០០០ម៉ែត្រការ៉េនៅឆ្នាំនេះ គឺច្រើនជាងទ្វេរដង បើធៀបនឹងតួលេខកាលពីឆ្នាំមុន និងជាតួលេខខ្ពស់បំផុតមួយ ក្នុងរយៈពេល១ទសវត្សរ៍មកនេះ។

នៅមុនពេលផ្ទុះវិបត្តិកូវីដ-១៩ តម្រូវការការិយាល័យក្នុងទីក្រុងតូក្យូ បានកើនឡើងខ្លាំង ដោយសារគោលនយោបាយរបស់នាយករដ្ឋមន្ត្រី ស៊ីនហ្សូ អាបេ បានជួយបង្កើនប្រាក់ចំណេញ និងការងាររបស់ក្រុមហ៊ុននានា ជាពិសេសសម្រាប់ស្ត្រី និងមនុស្សចាស់៕ Japan Times៕

ឯកអគ្គរដ្ឋទូតចិនៈ ខ្សែភាពយន្តស្នាមញញឹមកម្ពុជា ជាអំណោយដ៏ថ្លៃថ្លាសម្រាប់ឆ្នាំមិត្តភាពកម្ពុជា ចិន

ដោយៈ ច្រាយ ចំណាន

ភ្នំពេញៈ លោក Wang Wentian ឯកអគ្គរដ្ឋទូតចិនប្រចាំកម្ពុជាបានថ្លែងថា ខ្សែភាពយន្ត ស្នាមញញឹមកម្ពុជា គឺជាអំណោយដ៏ថ្លៃថ្លាសម្រាប់ឆ្នាំមិត្តភាពកម្ពុជាចិន។

លោកជឿជាក់ថា ក្រោមការដឹកនាំជាយុទ្ធសាស្ត្ររបស់ថ្នាក់ដឹកនាំកំពូលនៃប្រទេសទាំងពីរ និងការខិតខំប្រឹងប្រែងរួមគ្នារបស់ភាគីទាំងពីរ ការកសាងសហគមន៍ជោគវាសនារួមកម្ពុជា ចិននាយុគសម័យថ្មី នឹងមិនត្រឹមតែផ្តល់ផលប្រយោជន៍ កាន់តែប្រសើរឡើងសម្រាប់ប្រជាជន និងប្រទេសទាំងពីរប៉ុណ្ណោះ ប៉ុន្តែក៏នឹងដើរតួនាទីកាន់តែធំក្នុងសន្តិភាព ស្ថិរភាព និងការអភិវឌ្ឍក្នុងតំបន់ និងលើពិភពលោកផងដែរ។

លោកWang Wentien បានមានប្រសាសន៍បែបនេះ ក្នុងកម្មវិធីសម្ពោធការចាក់បញ្ចាំងភាពយន្តឯកសារ “ស្នាមញញឹមកម្ពុជា” ដែលសហការរៀបចំដោយ វិទ្យុមិត្តភាពកម្ពុជាចិន នៃអគ្គស្ថានីយវិទ្យុ និងទូរទស្សន៍មជ្ឈិមចិន និងអគ្គនាយកដ្ឋានទូរទស្សន៍ជាតិកម្ពុជា នៅថ្ងៃទី១៤ ខែមីនា ឆ្នាំ២០២៣នេះ បានប្រារព្ធឡើងដោយជោគជ័យនារាជធានីភ្នំពេញ។

លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន លោក Wang Wentian ឯកអគ្គរដ្ឋទូតចិនប្រចាំនៅកម្ពុជា និងភ្ញៀវកិត្តិយសជាង ១០០ នាក់ ជាតំណាងមកពីប្រព័ន្ធផ្សព្វផ្សាយនានានៅកម្ពុជា ក្រុមហ៊ុនសហគ្រាសចិននិង វិទ្យាស្ថានខុងជឺ បានមានវត្តមានចូលរួមក្នុងកម្មវិធីនេះ។

គណៈអធិបតី និងភ្ញៀវកិត្តិយសទាំងអស់ បានទស្សនាភាពយន្តឯកសារ“ស្នាមញញឹមកម្ពុជា” និងបានពិភាក្សាអំពីកាលានុវត្តភាពអភិវឌ្ឍន៍ថ្មី ដែលទំនើបកម្មតាមបែបចិន នាំជូនមកប្រទេសកម្ពុជា និងប្រទេសដទៃទៀតលើពិភពលោក។

លោក ខៀវ កាញារីទ្ធ បានថ្លែងថា ទំនាក់ទំនងនិងកិច្ចសហប្រតិបត្តិការរវាងប្រទេសកម្ពុជានិងចិន ក្នុងវិស័យផ្សព្វផ្សាយព័ត៌មានមានប្រវត្តិយូរអង្វែងណាស់មកហើយ ហើយការផ្សព្វផ្សាយខ្សែភាពយន្ត “ស្នាមញញឹមកម្ពុជា” លើកនេះ បានចូលរួមជាកម្លាំងប្រព័ន្ធផ្សព្វផ្សាយសម្រាប់ការបន្ថែមអត្ថន័យថ្មី នៅក្នុងកិច្ចសហប្រតិបត្តិការប្រទេសទាំងពីរកម្ពុជាចិន ក៏ដូចជា ដើម្បីប្រកៀកស្មាគ្នាកសាងសហគមន៍ជោគវាសនារួមកម្ពុជាចិន ប្រកបដោយគុណភាពខ្ពស់ កម្រិតខ្ពស់ ស្ដង់ដារខ្ពស់ នៅក្នុងយុគសម័យថ្មី។

មហាសន្និបាតសភាទាំងពីរ របស់ប្រទេសចិនទើបតែបញ្ចប់ទៅ ក៏បានគូសវាសគោលដៅថ្មី ក្នុងការជំរុញទំនើបកម្មបែបផែនចិន។

លោកបញ្ជាក់ថា “ខ្ញុំពិតជាទន្ទឹងរង់ចាំមើលប្រទេសចិន លើចំណុចចាប់ផ្ដើមថ្មី នៃដំណើរថ្មី អាចចែករំលែកកាលានុវត្តភាពអភិវឌ្ឍន៍កាន់តែច្រើន បន្ថែមទៀតជូនពិភពលោក ជាពិសេសប្រទេសនៅជុំវិញ ដើម្បីចូលរួមកាន់តែច្រើនទៀតក្នុងសន្តិភាព និងវឌ្ឍនភាពនៃមនុស្សជាតិ”។

លោកបណ្ឌិតជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជាចិន និងជាអ្នកជំនាញស្រាវជ្រាវ ការអភិវឌ្ឍន៍របស់ប្រទេសកម្ពុជា និងប្រទេសចិន បានថ្លែងថា ការអភិវឌ្ឍន៍ប្រកបដោយគុណភាពខ្ពស់នៃសេដ្ឋកិច្ច សង្គម អរិយធម៌ អេកូឡូស៊ី និងវិស័យផ្សេងៗទៀតរបស់ប្រទេសចិន សបញ្ជាក់ឱ្យឃើញថា ទំនើបកម្មតាមបែបផែនចិនគឺជាគំរូ នៃការអភិវឌ្ឍន៍ប្រកបដោយភាពជោគជ័យ។

លោកបន្តថា “វាបានពង្រីកមាគ៌ា សម្រាប់ប្រទេសកំពុងអភិវឌ្ឍន៍អាចសម្រេចបានទំនើបកម្ម”។ លោកបន្ថែមថា “កម្ពុជាអាចស្វែងរកវិធីសាស្រ្តដ៏សមស្របសម្រាប់ខ្លួនឯង ចេញពីបទពិសោធន៍ទំនើបកម្មតាមបែបផែនចិន និងបង្កើតមាគ៌ាទំនើបកម្មដែលស្របតាមស្ថានភាពជាក់ស្ដែង និងមានលក្ខណៈពិសេសផ្ទាល់ខ្លួន”។

ឆ្នាំ២០២៣ គឺជាខួបលើកទី៦៥ នៃការបង្កើតទំនាក់ទំនងការទូតរវាងចិន និងកម្ពុជា ហើយក៏ជាឆ្នាំមិត្តភាពកម្ពុជាចិន និងជាខួបគម្រប់១០ឆ្នាំនៃការដាក់ចេញនូវ គំនិតផ្តួចផ្តើម «ខ្សែក្រវាត់ និងផ្លូវ»។ ភាពយន្តឯកសារ ស្នាមញញឹមកម្ពុជា ចំនួនបីភាគ ដែលផលិតយ៉ាងផ្ចិតផ្ចង់ដោយ មជ្ឈមណ្ឌលភាសាតំបន់អាស៊ី និងអាហ្វ្រិក នៃអគ្គស្ថានីយវិទ្យុ និងទូរទស្សន៍មជ្ឈិមចិន ផ្តោតលើប្រជាជនទូទៅនៅកម្ពុជា បង្ហាញពីលទ្ធផលជាផ្លែផ្កា ដែលសម្រេចបានដោយប្រទេសចិន និងកម្ពុជា ក្នុងដំណើរការរួមគ្នាកសាងសហគមន៍ ជោគវាសនារួមនៃមនុស្សជាតិ និងការផ្លាស់ប្តូរជាវិជ្ជមាន ក្នុងជីវភាពរស់នៅរបស់ប្រជាជនកម្ពុជា៕

តើការដួលរលំធនាគារលំដាប់យក្សអាមេរិក Silicon Valley អាចជះផលប៉ះពាល់ដល់ទីផ្សារអចលនទ្រព្យថៃឬយ៉ាងណា?

ដោយ: គង់ លាងហួរ

អន្តរជាតិ: បណ្តាក្រុមហ៊ុនអភិវឌ្ឍអចលនទ្រព្យ បានបង្ហាញក្តីបារម្ភអំពីផលប៉ះពាល់ លើទីផ្សារលំនៅដ្ឋានពីការដំឡើងអត្រាការប្រាក់នាពេលអនាគត ដោយធនាគារកណ្តាលអាមេរិក ខ្លាំងជាងការដួលរលំភ្លាមៗនៃធនាគារ Silicon Valley (SVB) ។

លោក Meesak Chunharuckchot ប្រធានសមាគមអចលនទ្រព្យថៃបានមានប្រសាសន៍ថា “ការដួលរលំនៃធនាគារអាមេរិក មិនត្រូវបានគេរំពឹងថា នឹងមានឥទ្ធិពលខ្លាំង លើទីផ្សារលំនៅដ្ឋាននោះទេ ប៉ុន្តែការរំពឹងទុកការកើនឡើង នៃអត្រាការប្រាក់ទំនងជាមានផលប៉ះពាល់កាន់តែខ្លាំង”។

លោកបានបន្តថា ការកើនឡើងទាំងនេះ ទំនងជាជះឥទ្ធិពលខ្លាំងជាងមុនលើសេដ្ឋកិច្ចពិភពលោក ហើយនឹងប៉ះពាល់ដល់វិស័យនាំចេញ សេដ្ឋកិច្ចថៃ និងអំណាចនៃការទិញផ្ទះថែមទៀតផង”។

លោកបានបញ្ជាក់ថា សមត្ថភាពខ្ចីប្រាក់ គឺជាបញ្ហាសំខាន់ក្នុងចំណោមអ្នកទិញផ្ទះ ក្នុងទំហំទឹកប្រាក់៣លានបាត និងទាបជាងនេះ។ ទោះបីជាគម្រោងផ្ទះ១លានខ្នងរបស់រដ្ឋាភិបាលថៃ ផ្តល់ការប្រាក់ទាប សម្រាប់ប្រាក់កម្ចីទិញផ្ទះយ៉ាងណាក្តី ប៉ុន្តែគណៈរដ្ឋមន្ត្រីថ្មីមួយ ក្រោយការបោះឆ្នោតនឹងត្រូវអនុម័តការបន្តរបស់ខ្លួន។

លោក Wasan Kiangsiri ប្រធានសមាគមអាជីវកម្មលំនៅដ្ឋានបានមានប្រសាសន៍ថា “យូនីតទិញទាំងនោះ មានតម្លៃ៣លានបាត(ប្រហែល៨៦.៩៧៤ដុល្លារ) និងទាបជាងនេះ មានការព្រួយបារម្ភអំពីការទទួលបានការអនុម័តប្រាក់កម្ចីទិញផ្ទះ ដោយសារពួកគេមានអត្រាខ្ពស់បំផុត នៃការបដិសេធសម្រាប់ការស្នើសុំកម្ចីទិញផ្ទះ”។

សម្រាប់អ្នកដែលកំពុងស្វែងរកទិញយូនីត ដែលមានតម្លៃចន្លោះពី៣ទៅ៥លានបាត ការព្រួយបារម្ភដ៏សំខាន់មួយនោះ គឺការកើនឡើងនៃអត្រាការប្រាក់ និងសុវត្ថិភាពប្រាក់ចំណូលរបស់ពួកគេ ដោយសារពួកគេភាគច្រើន ទើបតែចាប់ផ្តើមមានគ្រួសារ និងមានការចំណាយពាក់ព័ន្ធជាច្រើនដែលត្រូវពិចារណា។

លោក Peerapong Jaroon-ek ប្រធានសមាគមខុនដូថៃ បានមានប្រសាសន៍ថា “កំណើនទីផ្សារលំនៅដ្ឋានកំពស់ទាបៗ ត្រូវបានគេរំពឹងថានឹងនៅទ្រឹងនៅឆ្នាំនេះ បន្ទាប់ពីបានកើនឡើងក្នុងអំឡុងពេលនៃជំងឺរាតត្បាត ប៉ុន្តែទីផ្សារខុនដូត្រូវបានព្យាករណ៍ថា នឹងកើនឡើងប្រហែល៣០ភាគរយ”។

លោកបានបន្ថែមថា កត្តាជំរុញសំខាន់ នៃការស្ទុះងើបទីផ្សារខុនដូមានដូចជា យូនីតដែលមានតម្លៃសមរម្យ និងការបន្តនៃអ្នកទិញបរទេស ខណៈទីផ្សារខុនដូជួលដែលធ្លាប់ដាំក្បាលចុះ ក្នុងវិបត្តិកូវីដបានងើបត្រលប់ទៅ៧០ភាគរយ នៃកម្រិតមុនកូវីដរួចទៅហើយ៕

ទីផ្សារលំនៅដ្ឋានថ្លៃបំផុតរបស់ពិភពលោក កំពុងជួបវិបត្តិដែល ពិបាកដោះស្រាយបំផុត

ដោយៈ សុខុម

ហុងកុង: នៅពីក្រោយអគារខ្ពស់ៗកប់ពពក និងផ្ទះតម្លៃជាច្រើនលានដុល្លារ ដែលបានធ្វើឱ្យទីក្រុងហុងកុង ក្លាយជាទីផ្សារអចលនទ្រព្យ មានតម្លៃថ្លៃបំផុតរបស់ពិភពលោក ដែលបាននិងកំពុងរងវិបត្តិដ៏ធ្ងន់ធ្ងរមួយ។

បញ្ហានេះ បានក្លាយជាជំងឺរ៉ាំរ៉ៃ នោះគឺវិបត្តិលំនៅដ្ឋានដែលពិបាកដោះស្រាយបំផុតក្នុងពិភពលោក។

នៅក្នុងទីក្រុងហុងកុង ដែលផ្ទះជាមធ្យមមានតម្លៃចាប់ពី១លានដុល្លារឡើងទៅ ហើយសូម្បីចំណតរថយន្ត ក៏អាចមានតម្លៃជិត១លានដុល្លារដែរ។ ទោះជាយ៉ាងណា មានពលរដ្ឋរហូតដល់ទៅជាង២០០.០០០នាក់ ដែលបានរង់ចាំយ៉ាងហោចណាស់កន្លះទសវត្សរ៍ គឺរង់ចាំលំនៅដ្ឋានសាធារណៈ ដែលទទួលបានការឧបត្ថម្ភធន។

សារព័ត៌មាន CNN បានចុះផ្សាយកាលពីថ្ងៃច័ន្ទ ទី១៣ ខែមីនា ថា ទិន្នន័យបង្ហាញថា ក្នុងចំណោមពលរដ្ឋហុងកុង៥នាក់ គឺមានម្នាក់ហើយដែលរស់នៅក្រោមបន្ទាត់នៃភាពក្រីក្រ ហើយពួកគេជាច្រើនត្រូវបង្ខំចិត្តរស់នៅក្នុងបន្ទប់ ឬយូនីតដែលត្រូវបានខណ្ឌចែកបន្ថែមទៀតយ៉ាងចង្អៀត ឬសូម្បីរស់នៅក្នុងទ្រង់ក្នុងប្លុកអគារ ដែលចាស់ទ្រុឌទ្រោមទៀតផង។

យោងតាមរដ្ឋបាលក្រុងនេះឱ្យដឹងថា មូលហេតុដែលបង្កបញ្ហានេះ គឺភាពរ៉ាំរ៉ៃនៃកង្វះផ្គត់ផ្គង់ ដែលមិនអាចបំពេញតម្រូវការរបស់ពលរដ្ឋហុងកុងសរុបជាង៧លាននាក់ ដែលបានប្រជ្រៀតជ្រែកគ្នារស់នៅ តាមសង្កាត់នានានៃក្រុងហុងកុង ដែលមានប្រជាជនច្រើនបំផុតនៅលើពិភពលោក។

លោក John Lee ចៅហ្វាយក្រុងហុងកង បានថ្លែងសុន្ទរកថាគោលនយោបាយដំបូងរបស់លោក កាលពីខែតុលា ថា បញ្ហាលំនៅដ្ឋានគឺជា “របៀបវារៈកំពូល” នៃគោលនយោបាយរបស់លោក ហើយលោកបានប្ដេជ្ញា សាងសង់ផ្ទះចំនួន៣០.០០០យូនីត ដើម្បីផ្គត់ផ្គង់ដល់ទីផ្សារនៅរយៈពេល៥ឆ្នាំខាងមុខ។

ការសន្យានេះ ធ្វើឡើងបន្ទាប់ពីមានបទបញ្ជា ពីរដ្ឋាភិបាលកណ្តាលនៅទីក្រុងប៉េកាំង ដើម្បីកំណត់កិច្ចការនេះ ជាកិច្ចការអាទិភាព។

ប៉ុន្តែបណ្ដាអ្នករិះគន់ មានមន្ទិលសង្ស័យជាយូរមកហើយ ចំពោះការពឹងផ្អែករបស់រដ្ឋបាលក្រុងហុងកុង លើបុព្វលាភដីធ្លី ការលក់ដីធ្លី និងពន្ធ ដែលមានប្រមាណ២០% នៃប្រាក់ចំណូលប្រចាំឆ្នាំរបស់ខ្លួន៕ CNN៕

1...1,0081,0091,010...3,258 Page 1,009 of 3,258