ការលក់ផ្ទះថ្មីនៅសិង្ហបុរីហក់ឡើងខ្ពស់កប់ពពកនៅត្រីមាសទី៣ និងរំពឹងបន្តកើនឡើងរហូតដល់ដំណាច់ឆ្នាំ

ដោយ: សហសេវិក
អន្តរជាតិ: យោងតាមរបាយការណ៍ពីក្រុមហ៊ុន Savills Singapore បានឱ្យដឹងថា ការលក់ផ្ទះថ្មីនៅប្រទេសសិង្ហបុរីបានកើនឡើងជិត៣ដងដល់ចំនួន៣.២៨៨យូនីតក្នុងត្រីមាសទី៣ ឆ្នាំ២០២៥ បើធៀបនឹងចំនួន១.២១២យូនីតក្នុងត្រីមាសទី២។

បើគិតលើមូលដ្ឋានប្រចាំំឆ្នាំ ការលក់ផ្ទះថ្មីនៅទូទាំងប្រទេសនេះបានហក់ឡើង១៨៣,៤ភាគរយនៅត្រីមាសទី៣ ឆ្នាំ២០២៥ បើធៀបនឹងរយៈពេលដូចគ្នាកាលពីឆ្នាំមុន។

កំណើននៃការលក់ត្រូវបានជំរុញដោយការកើនឡើងនៃការបើកដាក់ឱ្យដំណើរការនូវគម្រោងលំនៅឋានថ្មីសរុបចំនួន៩ក្នុងអំឡុងត្រីមាសទី៣។ នេះបើយោងតាមរបាយការណ៍ពីក្រុមហ៊ុនប្រឹក្សាអចលនទ្រព្យ Savills Singapore។

នៅក្នុងត្រីមាសទី៣ ឆ្នាំ២០២៥ ចំនួនលំនៅឋាន ដែលបានបើកដំណើរការលក់មានចំនួន៤.១៩១យូនីត កើនឡើងជាង២ដង បើធៀបនឹងលំនៅឋានចំនួន១.៥២០យូនីត ដែលបានដាក់ឱ្យដំណើរការក្នុងត្រីមាសទី២ ឆ្នាំនេះ។

គម្រោងលំនៅឋាន ដែលលក់ដាច់ជាងគេបំផុតទាំង៥ ជាគម្រោងថ្មីៗ ដែលទើបនឹងបើកដាក់លក់ក្នុងត្រីមាសទី៣ ដោយគម្រោង Lydenwoods ឈរនៅលំដាប់កំពូល តាមពីក្រោយដោយគម្រោង Springleaf Residence គម្រោង River Green គម្រោង Upperhouse at Orchard Boulevard និងគម្រោង Canberra Crescent Residences។

ក្រុមហ៊ុន Savills រំពឹងថា ការលក់ផ្ទះនៅសិង្ហបុរីនឹងនៅតែបន្តកើនឡើងរហូតដល់ចុងឆ្នាំនេះ មុនពេលធ្លាក់ចុះនៅឆ្នាំ២០២៦ ដោយសារភាពមិនប្រាកដប្រជាផ្នែកសេដ្ឋកិច្ច ដែលបណ្តាលមកពីគោលនយោបាយពន្ធគយរបស់សហរដ្ឋអាមេរិក៕ប្រភព: Edgeprop៕

ព្រលានថ្មីបើក ល្បីថាផ្ទះនៅគម្រោងនេះមាន Promotion ច្រើន

ឱកាសថ្មីបានមកដល់ទៀតហើយ សម្រាប់អតិថិជនរបស់បុរី ប៉េងហួត ដែលកំពុងចង់ស្វែងរកផ្ទះនៅក្នុងតំបន់ 60 ម៉ែត្រ ដែលជាតំប់សំខាន់ក្បែរនឹងព្រលានយន្តហោះថ្មី។ នៅថ្ងៃទី 15-16 ខែវិច្ឆិកា ឆ្នាំ2025 នេះបុរី ប៉េង ហួត គម្រោង ដឹស្ដា ដាយមិន នឹងធ្វើកម្មវិធី Weekend Exclusive ដែលមានប្រូសិនដ៏ពិសេស សម្រាប់អតិថិជនដែលកក់ផ្ទះ។

នេះជាឱកាសដ៏ល្អមួយសម្រាប់អ្នកដែលចង់រស់នៅ និងវិនិយោគជាមួយបុរី ប៉េង ហួត ក្នុងតំបន់ផ្លូវ 60 ម៉ែត្រដែលកៀកទៅនឹងព្រលានយន្តហោះអន្តរជាតិតេជោ។ យើងបានដឹងហើយថាមហាវិថីសម្ដេចតេជោ ហ៊ុន សែន ឬ ផ្លូវ 60 ម៉ែត្រ នេះ ជាខ្សែផ្លូវដ៏សំខាន់មួយក្នុងការតភ្ជាប់ព្រលានយន្តអន្តរជាតិតេជោ ក្រុងតាខ្មៅ មកកាន់រាជធានីភ្នំពេញ ដែលមានចរាចរណ៍មមារញឹកយ៉ាងខ្លាំង ចាប់តាំងពីបើកដំណើរព្រលានយន្តហោះថ្មីនេះមក។ ក្នុងពេលបច្ចុប្បន្ននេះ នៅតាមបណ្ដាយផ្លូវ 60 ម៉ែត្រ ចាប់ផ្ដើមមានជីវកម្មជាច្រើនកំពុងតែចាប់ផ្ដើមរីកយ៉ាងលឿន ធ្វើឱ្យតំបន់នោះក្លាយជាតំបន់ពាណិជ្ជកម្មថ្មីមួយទៀតដ៏ធំរបស់រាជធានីភ្នំពេញ ដោយពុំអាចប្រកែកបាន។

កម្មវិធីនេះនឹងប្រារព្ធឡើងនៅទីតាំងការិយាល័យលក់ផ្ទះ និង ផ្ទះគំរូ អាជីវកម្មកាហ្វេ ក្នុងគម្រោង ដឹស្ដា ដាយមិន ថ្ងៃទី 15-16 ខែវិចិ្ឆកា ឆ្នាំ2025 ចាប់ពីម៉ោង 9 ព្រឹក ដល់ម៉ោង 6 ល្ងាច។

ទីតាំងកម្មវិធី ៖ https://bit.ly/SaleOfficeTheStarDiamond

សូមកុំឱ្យកាសដ៏ល្អនេះកន្លងផុតទៅ សូមទំនាក់ទំនងដើម្បីទទួលបានព័ត៌មានបន្ថែមតាមលេខទូរសព្ទ 016/017 59 6789 ឬមកកាន់ទីតាំងការិយាល័យលក់ផ្ទះរបស់បុរី ប៉េង ហួត ទាំង 4 ដែលនៅជិតលោកអ្នកបំផុត។

Cambodia and Laos agree to upgrade tourism cooperation

By. MOT

Ryhyat, On the occasion of leading a high-level delegation of the Ministry of Tourism to attend UN Tourism-26th General Assembly in Riyadh capital, Kingdom of Saudi Arabia; H.E. Mr. HUOT Hak, Minister of Tourism, held a highl-level working discussions and exchanged insightful view with H.E. Mrs. Suanesavanh Vignaket, Minister of Culture and Tourism of the Lao People’s Democratic Republic, and esteemed colleagues.

In a fruitful and in-depth meeting, the two sides agreed to request for the high-level permission of the top leaders of the two countries to upgrade the existing tourism cooperation to a deeper and more active level, with the common goal and interests of both peoples to attract more national and international tourists to visit the two countries by strengthening cooperation in the tourism sector within the regional and sub-regional frameworks such as ASEAN, GMS, CLMV, ACMECS; organizing tourism promotion events, especially in border provinces; examining the possibility of connecting direct flights between major cities and tourist destinations between Cambodia and Laos; arranging for private parties in the tourism sector of the two countries to meet and discuss to create tour packages; and examining the possibility of creating a tour route between Angkor Wat and Wat Phu, both of which are World Heritage Sites.

កំណាត់ផ្លូវលេខ២៦០បេ៧អា នៅខេត្តក្រចេះនឹងត្រូវពង្រឹងគុណភាពបន្ថែម

ដោយៈ ម៉ាណា

ភ្នំពេញៈ រដ្ឋលេខាធិការក្រសួងសាធារណការ និងដឹកជញ្ជូន លោកនូ សុវត្ថិ បានអញ្ជើញដឹកនាំកិច្ចប្រជុំពិនិត្យ ពិភាក្សាលើការងារពង្រឹងគុណភាព កំណាត់ផ្លូវលេខ២៦០បេ៧អា ប្រវែង៥០,៧០គីឡូម៉ែត្រ នៅខេត្តក្រចេះ។

កិច្ចប្រជុំនេះធ្វើឡើង ជាមួយប្រតិភូក្រុមហ៊ុន K.P Cement Industry Co.,Ltd ដោយមានការចូលរួមពី លោកអនុរដ្ឋលេខាធិការ លោកប្រធានមន្ទីរសាធារណការ និងដឹកជញ្ជូនខេត្តក្រចចេះ និងមន្ត្រីជំនាញពាក់ព័ន្ធផងដែរ។

កិច្ចប្រជុំនេះរៀបចំឡើង ក្នុងបំណងដើម្បីពិនិត្យពិភាក្សា ទៅលើបទបង្ហាញពាក់ព័ន្ធ ការងារពង្រឹងគុណភាព កំណាត់ផ្លូវលេខ២៦០បេ៧អា ទទឹង៦ម៉ែត្រ នៅខេត្តក្រចេះ ដើម្បីជាមូលដ្ឋាន និងព័ត៌មានច្បាស់លាស់ពាក់ព័ន្ធការងារបច្ចេកទេស ក៏ដូចជា បទដ្ឋានគតិយុត្តផ្សេងៗ ក្នុងការរៀបចំគម្រោងពង្រឹង គុណភាពកំណាត់ផ្លូវនេះឱ្យបានឆាប់រហ័ស សំដៅជួយសម្រួល ដល់ការធ្វើដំណើររបស់ប្រជាពលរដ្ឋ ការដឹកជញ្ជូនឆ្លងកាត់ និងលើកកម្ពស់ដល់សេដ្ឋកិច្ចជាតិ៕

ទុនវិនិយោគជិត២០០លានដុល្លារនឹងហូរចូលទៅកាន់ខេត្តចំនូន២តាមរយៈការអភិវឌ្ឍតំបន់សេដ្ឋកិច្ចពិសេស

ដោយៈ ម៉ាលីនណា

ភ្នំពេញៈ មន្រ្តីជាន់ខ្ពស់នៃក្រុមប្រឹក្សាអភិវឌ្ឍន៍កម្ពុជា បានបើក“កិច្ចប្រជុំច្រកចេញ-ចូលតែមួយ” ដើម្បីពិនិត្យពិភាក្សាលើគម្រោងស្នើសុំបង្កើតតំបន់សេដ្ឋកិច្ចពិសេសចំនួន២។

កិច្ចប្រជុំកាលពីថ្ងៃទី១២ ខែវិច្ឆិកា ឆ្នាំ២០២៥ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានរៀបចំកិច្ចប្រជុំច្រកចេញ-ចូលតែមួយ ដើម្បីពិនិត្យពិភាក្សាលើគម្រោងស្នើសុំ បង្កើតតំបន់សេដ្ឋកិច្ចពិសេសចំនួន២ ក្រោមអធិបតីភាពលោកជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ដោយមានការអញ្ជើញចូលរួមពីសំណាក់តំណាងក្រសួង-ស្ថាប័ន និងរដ្ឋបាលខេត្តពាក់ព័ន្ធ។

គម្រោងវិនិយោគបង្កើតតំបន់សេដ្ឋកិច្ចពិសេសទាំងនេះ មានទុនវិនិយោគសរុបប្រមាណ១៩៥លានដុល្លារអាម៉េរិក នឹងក្លាយជាកម្លាំងចលករយ៉ាងសំខាន់ ក្នុងការស្រូបយកគម្រោងវិនិយោគ មកបណ្តាក់ទុននៅក្នុងតំបន់សេដ្ឋកិច្ចពិសេសទាំងនេះ ព្រមទាំងអាចបង្កើតការងារលើកកម្ពស់ជីវភាពរស់នៅរបស់ប្រជាពលរដ្ឋ។ បង្កើនផលិតផលក្នុងស្រុក បង្កើនការនាំចេញទៅកាន់ទីផ្សារអន្តរជាតិ ជាពិសេសចូលរួមចំណែកជំរុញកំណើនសេដ្ឋកិច្ចជាតិ ។

គម្រោងវិនិយោគបង្កើត តំបន់សេដ្ឋកិច្ចពិសេសទាំងពីរនេះ មានទីតាំងស្ថិតនៅស្រុកជុំគីរី ខេត្តកំពត និងក្រុងច្បារមន ខេត្តកំពង់ស្ពឺ៕

លោកអ្នកឧកញ៉ាពុង ឃាវសែចាប់ផ្តើមដំណើរការមូលនិធិ បណ្តាក់ទុនគំរោងថ្មីមួយ

ដោយៈ គង់ សូរិយា

ភ្នំពេញៈ ក្រុមហ៊ុនCanadia Group របស់លោកអ្នកឧកញ៉ា ពុង ឃាវសែ បានដំណើរមូលនិធិបណ្ដាក់ទុនថ្មីមួយឈ្មោះ Canadia Impact Fund Co. (CIFC) ជាមួយគោលដៅចូលរួមគាំទ្រដល់វិស័យធុរកិច្ចថ្មីនៅកម្ពុជា។

ធុរកិច្ចថ្មីដំបូងដែលក្រុមហ៊ុន Canadia Impact Fund ទើបបានបណ្ដាក់ទុន គឺក្រុមហ៊ុនដឹកជញ្ជូនចល័ត ឡូជីស្ទីក (Jalat Logistics) ក៏ប៉ុន្តែទំហំដើមទុន និងរង្វាស់តម្លៃ (Valuation) មិនត្រូវបានគេបង្ហាញជាសាធារណៈនោះទេ។

យោងតាមគេហទំព័ររបស់ Canadia Impact Fund បង្ហាញថាមូលនិធិបណ្ដាក់ទុននេះ ផ្ដោតការវិនិយោគលើវិស័យសក្ដានុពលមួយចំនួន រួមមាន AI, អប់រំ, ដឹកជញ្ជូន, សុខាភិបាល, និងបច្ចេកវិទ្យាថាមពលបៃតង។

វត្តមាននៃមូលនិធិបណ្ដាក់ទុន (Investment Fund) គាំទ្រដោយសាជីវកម្មក្នុងស្រុកដ៏ធំCanadia Group នេះ ជាការផ្ដល់ឱកាស និងក្ដីសង្ឃឹមថ្មីបន្ថែម សម្រាប់ស្ថាបនិកធុរកិច្ចថ្មីនៅកម្ពុជា ក្នុងការស្វែងរកដើមទុនដើម្បីដំណើរការ និងអភិវឌ្ឍន៍គម្រោងធុរកិច្ចថ្មីរបស់ខ្លួន។

ក្រៅពីមាន Canadia Impact Fund ក្រុមហ៊ុន Canadia Group ក៏មានមជ្ឍមណ្ឌលច្នៃប្រឌិតថ្មីៗ Connexion Hub ដែលជាជំរកប្រមូលផ្ដុំធុរកិច្ចថ្មី ចម្រុះវិស័យនៅតំបន់កោះពេជ្យផងដែរ៕

គំរោងសាងសង់មជ្ឈមណ្ឌលពាណិជ្ជកម្មលំដាប់ផ្កាយ៥នៅខេត្តព្រះសីហនុតម្លៃ១០០០លានដុល្លារកំពុងសម្រេចបានវឌ្ឍនភាព

ដោយៈ ម៉ាលីនណា

ព្រះសីហនុៈ អភិបាលនៃគណអភិបាលខេត្តព្រះសីហនុ បានអញ្ជើញជាអធិបតី ក្នុងពិធីដំឡើងធ្នឹមសំណង់ទម្ងន់១៨០០តោន នៃគម្រោងសណ្ឋាគារលំដាប់ផ្កាយ៥ នៅក្រុងព្រះសីហនុ។

ការដំឡើងធ្នឹមជាប្រវត្តិសាស្ត្រ ធ្នឹមដែលត្រូវបានដំឡើងតភ្ជាប់សំណង់អគារសណ្ឋាគារនាពេលនេះ មានទម្ងន់សរុបប្រមាណ ១,៨០០តោន ដែលមានបណ្តោយប្រវែង៥០ម៉ែត្រ និងទទឹង២៥ម៉ែត្រ។

ការងារស្ទូចដែកតំណរជាឆ្អឹងអាគារនេះ ត្រូវបានលើកឡើងកម្ពស់១៣ជាន់ ស្មើនឹង៥៩ម៉ែត្រ ដោយភ្ជាប់ពីជាន់ទី១៣ ដល់ជាន់ទី១៦ ក្នុងល្បឿន៥ម៉ែត្រក្នុងមួយម៉ោង និងប្រើប្រាស់ពេល២ថ្ងៃ។ ភាពជោគជ័យនៃការដំឡើងធ្នឹមដ៏ធ្ងន់នេះ បានបង្ហាញពីសមត្ថភាពបច្ចេកទេស និងវឌ្ឍនភាពដ៏លឿនរបស់គម្រោង។

គម្រោងរបស់ក្រុមហ៊ុន Peninsula Bay Investment Co., Ltd. នេះ កំពុងដំណើរការសាងសង់លើផ្ទៃដី សរុបប្រមាណ១៦ហិកតា ជាមួយនឹងទុនវិនិយោគដំបូង ប្រមាណ៥៧៤លានដុល្លារអាមេរិក។

តាមការវាយតម្លៃរបស់ក្រុមហ៊ុន នៅពេលបញ្ចប់ការសាងសង់ទាំងស្រុងនៅឆ្នាំ២០២៨ ទុនវិនិយោគនឹងកើនឡើងដល់ប្រមាណ១ ពាន់លានដុល្លារអាមេរិក ដែលនឹងក្លាយជាគម្រោងដ៏សំខាន់មួយ នៅក្នុងខេត្តព្រះសីហនុ។

គិតមកដល់បច្ចុប្បន្ន គម្រោងទាំងមូលបានសាងសង់រួចរាល់ប្រមាណ៤៥ភាគរយ ហើយក្នុងនោះ អគារសណ្ឋាគារលំដាប់ផ្កាយប្រាំ (កម្ពស់៣៧ ជាន់ ចំនួន២,៨៧០បន្ទប់) បានសង់ដល់កម្ពស់៣០ជាន់។

ដោយឡែកអគារការិយាល័យ និងខុនដូ បានប្រមាណ៨០ភាគរយ ហើយគ្រោងនឹងដាក់ឱ្យប្រើប្រាស់ នៅពាក់កណ្តាលឆ្នាំ២០២៦ ខាងមុខនេះ។

តាំងពីចាប់ផ្តើមសាងសង់នៅដើមឆ្នាំ២០២៤ គម្រោងនេះបានផ្តល់ឱកាសការងារសរុបប្រមាណ៣,០០០នាក់ និងប៉ាន់ស្មានថានឹងផ្តល់ការងារជូនប្រជាពលរដ្ឋកម្ពុជា ប្រមាណជាង៥,០០០នាក់ នៅពេលបញ្ចប់។

គម្រោងនេះត្រូវបានបែងចែកជា២តំបន់ដូចជា តំបន់B: ជាអគារខុនដូរ និងអគារពាណិជ្ជកម្ម គ្រោងបញ្ចប់នៅដើមឆ្នាំ២០២៦ និងតំបន់A: សណ្ឋាគារលំដាប់ផ្កាយ៥ ផ្សារទំនើប និងសួនកម្សាន្តផ្សេងៗ គ្រោងនឹងបញ្ចប់នៅឆ្នាំ២០២៨។

ការអភិវឌ្ឍដ៏ធំនេះ នឹងចូលរួមចំណែកយ៉ាងសកម្ម ក្នុងការប្រែក្លាយខេត្តព្រះសីហនុ ឱ្យទៅជាតំបន់ពាណិជ្ជកម្ម និងទេសចរណ៍លំដាប់អន្តរជាតិ ស្របតាមចក្ខុវិស័យរបស់រាជរដ្ឋាភិបាលកម្ពុជា។

កាលពីថ្ងៃទី២៤ ខែមីនា ឆ្នាំ២០២៥ ក្រុមហ៊ុនបានចុះកិច្ចព្រមព្រៀងជាដៃគូសហការដ៏សំខាន់ ជាមួយសណ្ឋាគារអន្តរជាតិ Intercontinental (IHG) និងក្រុមហ៊ុន Luxury Business Group (LBG) ក្រោមអធិបតីភាពលោកម៉ាង ស៊ីណេតផងដែរ។

កិច្ចសហការនេះ មានគោលបំណងជំរុញទំនាក់ទំនង ជាមួយក្រុមហ៊ុនបរទេស ដើម្បីនាំយកផលិតផលគុណភាពខ្ពស់ និងទុនវិនិយោគបន្ថែមទៀតមកកាន់កម្ពុជា៕

ដំណឹងល្អៈ កម្ពុជា សឹង្ហបុរីដាក់ឲ្យដំណើរការប្រព័ន្ឋទូទាត់ឆ្លងដែនដំណាក់កាលទី១

ដោយៈ ម៉ាណា

សឹង្ហបុរីៈ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញជាអធិបតីភាព ក្នុងពិធីដាក់ឱ្យដំណើរការជាផ្លូវការការទូទាត់ឆ្លងដែនតាមឃ្យូអរកូត រវាងព្រះរាជាណាចក្រកម្ពុជា និងសាធារណរដ្ឋសិង្ហបុរី ដំណាក់កាលទី១“កម្ពុជាស្កេន ឃ្យូអរកូតនៅក្នុងប្រទេសសិង្ហបុរី”។

ពិធីនេះបានធ្វើកាលពីថ្ងៃទី១២ ខែវិច្ឆិកា ឆ្នាំ២០២៥ ក្នុងឱកាសនៃព្រឹត្តិការណ៍បច្ចេកវិទ្យាហិរញ្ញវត្ថុសិង្ហបុរី ឆ្នាំ២០២៥ នៅប្រទេសសិង្ហបុរី។

ការដាក់ឱ្យដំណើរការជាផ្លូវការ នៃការទូទាត់ឆ្លងដែនតាមឃ្យូអរកូតនេះ នឹងផ្ដល់លទ្ធភាពឱ្យប្រជាជនកម្ពុជា ដែលមានគណនីជាប្រាក់រៀល អាចធ្វើប្រតិបត្តិការទូទាត់ថ្លៃទំនិញនិងសេវា ងាយស្រួល រហ័ស និងសុវត្ថិភាព នៅពេលធ្វើដំណើរទៅកាន់ប្រទេសសិង្ហបុរី ដោយប្រើប្រាស់កម្មវិធីទូទាត់បាគង ឬកម្មវិធីធនាគារចល័តរបស់គ្រឹះស្ថានធនាគារ និងហិរញ្ញវត្ថុ ដែលជាសមាជិកបាគង ដើម្បីស្កេនទូទាត់តាម RoamQR របស់ពាណិជ្ជករSGQR នៅទូទាំងប្រទេសសិង្ហបុរី៕

The Soudi Arabia interested on Tourism in Cambodia

By MOT

Phnom Penh, The Saudi Arabia–Cambodia Business Council expresses strong interest in Cambodia’s tourism potential and investment opportunities On the occasion of leading a high-level delegation from the Ministry of Tourism to attend the 26th General Assembly of the UN Tourism in Riyadh capital, the Kingdom of Saudia Arabia, H.E. Mr. HUOT Hak, Minister of Tourism, grants a courtesy call to H.E. Walid bin Nasser Al-Shahri, Chairman of the Saudia Arabia-Cambodia Business Council to get understand about the real situation of political, and economic as well as tourism potential and investment opportunities.

After the meeting, H.E. Chairman of the Saudia Arabia-Cambodia Business Council expressed its keen interest in exploring Cambodia’s rich tourism potential as an emerging market and good investment opportunities by setting a very VIP FAM trip to Cambodia in this December.

Riyadh capital, November 10, 2025.

កម្ពុជាកាន់តែមានឯករាជ្យភាព ស្របពេលវារីអគ្គិសនីទំហំ១៥០មេហ្កាវ៉ាត់ថ្មីមួយទៀតត្រៀមបញ្ចប់ការសាងសង់

ដោយៈ គង់ សូរិយា

ពោធិ៍សាត់ៈ កម្ពុជាកាន់តែមានឯករាជ្យភាព ស្របពេលវារីអគ្គិសនីថ្មីមួយ មានអានុភាព១៥០មេហ្កាវ៉ាត់ នៅក្នុងខេត្តពោធិ៍សាត់បានសាងសង់បានប្រមាណ៧០ភាគរយហើយ។

អភិបាលខេត្តពោធិ៍សាត់ លោកខូយ រីដា បានចុះត្រួតពិនិត្យវឌ្ឍនភាពការស្ថាបនាសាងសង់ គម្រោងវារីអគ្គិសនីស្ទឹងមេទឹក ដែលមានអានុភាព១៥០មេហ្កាវ៉ាត់ (150MW)ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់ (តាមបណ្តោយដងស្ទឹងមេទឹក) ខណៈដែរបច្ចុប្បន្នគម្រោងនេះ ស្ថាបនាបានប្រមាណ៧០%ហើយ នឹងត្រូវប្រើប្រាស់ពេលសាងសង់ប្រមាណជា៥ឆ្នាំ។

គម្រោងវារីអគ្គិសនីស្ទឹងមេទឹក គឺជាគម្រោងមួយ ក្នុងចំណោមគម្រោងវារីអគ្គិសនីសំខាន់ៗ ដែលកំពុងអភិវឌ្ឍនៅកម្ពុជា។ គម្រោងនេះមានអនុភាពផលិតអគ្គិសនី ប្រមាណ១៥០មេហ្គាវ៉ាត់(150MW) ស្ថិតនៅព្រំប្រទល់ខេត្តពោធិ៍សាត់ និងខេត្តកោះកុង។ ជាក់ស្ដែងនៅខេត្តពោធិ៍សាត់ គឺស្ថិតក្នុងឃុំថ្មដា ស្រុកវាលវែង។

គម្រោងនេះដែរ វិនិយោគដោយក្រុមហ៊ុន Steung Meteuk Hydropower Co.,Ltd ដែលត្រូវបានគេដឹងថា ជាគម្រោងរបស់លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ខណៈដែរបច្ចុប្បន្នគម្រោងនេះ ស្ថាបនាបានប្រមាណ៧០%ហើយ នឹងត្រូវប្រើប្រាស់ពេលសាងសង់ប្រមាណ៥ឆ្នាំ។

ផ្ទៃអាងស្តុកទឹក នៃគម្រោងនេះ មានចំនួន៣កន្លែង ដែលគ្របដណ្តប់លើផ្ទៃដី ក្នុងខេត្តពោធិ៍សាត់ ប្រមាណ២,៦៦០ហិកតា (ឬ២,៥៧៦ហិកតា) និងខេត្តកោះកុង ប្រមាណ៩៩៤ហិកតា (ឬ៨៧២ហិកតា)។

នៅទូទាំងប្រទេសកម្ពុជា ខេត្តដែលមានវារីអគ្គិសនី កំពុងដំណើរការរួមមាន ទី១៖ ខេត្តកោះកុង៖ (៣គម្រោង) គីរីរម្យ៣, ស្ទឹងឫស្សីជ្រុំក្រោម ស្ទឹងតាតៃ។ ទី២ ខេត្តកំពត៖ (១គម្រោង) កំចាយ។
ទី៣ ខេត្តពោធិ៍សាត់៖ (១គម្រោង) ស្ទឹងអាតៃ មានទីតាំងជាប់ខេត្តកំពង់ស្ពឺ និងកោះកុង)។ ទី៤ ខេត្តកំពង់ស្ពឺ៖ (១គម្រោង) គីរីរម្យ១ មានទីតាំងជាប់ខេត្តព្រះសីហនុ។

ទី៥ ខេត្តស្ទឹងត្រែង៖ (១គម្រោង) សេសានក្រោម២។ សម្រាប់គម្រោងវារីអគ្គិសនី ដែលកំពុងសាងសង់ និងកំពុងអភិវឌ្ឍន៍ (ក្នុងដំណាក់កាលសិក្សា ឬសាងសង់) រួមមាន ទី១ វារីអគ្គិសនីស្ទឹងមេទឹក (Steung Meteuk)អនុភាព១៥០MW ក្នុងខេត្តពោធិ៍សាត់ និងខេត្តកោះកុង។ ទី២ វារីអគ្គិសនីស្ទឹងតាតៃល (Stung Tatay Krom) អនុភាព២៣០ សាងសង់ពីរដំណាក់កាល) ក្នុងខេត្តកោះកុង។

ទី៣ វារីអគ្គិសនីស្ទឹងស្រែពកក្រោម៣ (Sre Pok Krom 3) អនុភាព៣៦៧MW ក្នុងខេត្តរតនគិរី និងខេត្តមណ្ឌលគិរី៕

1...100101102...3,251 Page 101 of 3,251