Amata, BGRIM to develop city in EEC

Industrial developer Amata Corporation Plc has teamed up with B.Grimm Power Plc (BGRIM) to conduct a feasibility study on the construction of Amata European Smart City, expected to serve European companies investing in the Eastern Economic Corridor (EEC).

The companies plan to set up a joint venture to develop the project, set to be located on 200 rai of land in Amata City Chon Buri, said Vikrom Kromadit, chief executive of Amata Corp.

“Amata will hold a 60% share in the joint venture, with the remaining 40% funded by BGRIM,” he said.
They want the project to support smart energy, smart logistics and smart manufacturing.

Mr Vikrom expects European investors to be interested in this new project in the EEC, the government’s planned site for a high-tech industrial hub.

There are more than 1,400 factories in Amata City Chon Buri and Amata City Rayong, all of which are in the EEC.

Harald Link, chief executive of BGRIM, expects investors from countries such as Finland, the UK and Germany to invest in the Amata European Smart City because it is a high-potential project in Asean.

“Some European companies tend to overlook Thailand. They are interested in India and China because those countries have the largest populations in the world,” said Mr Link.

“We are asking them to consider investing in Thailand because the country can serve as a gateway to Asean.”

Thailand is developing a high-speed railway with China bridging the two nations and promoting 12 targeted S-curve industries in the EEC.

The industries are: cars; smart electronics; affluent, medical and wellness tourism; agriculture and biotechnology; food; robotics for industry; logistics and aviation; biofuels and biochemicals; digital; medical services; defence; and education development.

He expects Amata European Smart City to attract foreign direct investment, which will play a key role in driving the Thai economy.

Amata also wants to develop a new industrial complex to serve South Korean investors in the future, said Mr Vikrom.

Source: Bangkok Post

បុរីវីឡាទួលសង្កែអរិយក្សត្រ បញ្ចុះតម្លៃពិសេសដល់អតិថិជន ជាមួយនឹងការពន្លឿនបើកដំណើរការផ្សារAK AVENUE

ដោយៈ គង់ សូរិយា

ភ្នំពេញៈ បុរីវីឡាទួលសង្កែ ដែលជាបុរីធំជាងគេ ស្ថិតនៅក្នុងទីក្រុងអរិយក្សត្របាន និងកំពុងផ្តល់ការបញ្ចុះតម្លៃពិសេស និងលក្ខខ័ណ្ឌបង់ប្រាក់ងាយស្រួលសម្រាប់អតិថិជន។

ជាមួយគ្នានេះ ក្រុមហ៊ុនអភិវឌ្ឍនបុរីវីឡាទួលសង្កែអរិយក្សត្រ ក៏បាននិងកំពុងត្រៀមបើកដំណើរការផ្សារ បែបសហគមន៍ជាលើកដំបូង គឺAK AVENUE នាពេលឆាប់ៗនេះផងដែរ។

លោកធី វណ្ណាប្រធានផ្នែកទីផ្សារនៃបុរីវីឡាទួលសង្កែ អរិយក្សត្របានមានប្រសាសន៍ឲ្យដឹងកាលពីសប្តាហ៍មុនថា ជាមួយនឹងគោលដៅលើកទឹកចិត្តអតិថិជន ដែលបានគាំទ្របុរីនេះកាន់តែច្រើន ក្រុមហ៊ុនបានសម្រេចចិត្តបញ្ចុះតម្លៃពិសេសដល់អតិថិជន ចាប់ពី៨ទៅ១៧ភាគរយ ដល់អ្នកមកទិញផ្ទះក្នុងគំរោងនេះ ដែលលក្ខខ័ណ្ឌបញ្ចុះនេះ អាស្រ័យលើលក្ខខ័ណ្ឌបង់ប្រាក់ និងប្រភេទផ្ទះផងដែរ។

លោកបន្តថា “យើងបានសហការជាមួយធនាគារ ដែលផ្តល់ភាពងាយស្រួល ក្នុងការផ្តល់ឥណទានទិញផ្ទះដល់អតិថិជន ក្នុងរយៈពេលវែងនិងលក្ខខ័ណ្ឌងាយស្រួលផងដែរ”។

បុរីវីឡាទួលសង្កែអរិយក្សត្រ បាននិងកំពុងអភិវឌ្ឍន៍តាមដំណាក់កាលរបស់ខ្លួន ជាមួយទស្សនវិស័យអភិវឌ្ឍន៍ប្រកបដោយភាពស៊ីវិល័យ ដោយក្រុមហ៊ុនបានសាងសង់ផ្លូវធំៗ មានដាំដើមឈើខៀវស្រងាត់ ពិសេសអ្នកទិញផ្ទះក្នុងបុរីនេះអាចប្រកបអាជីវកម្មបាន ស្របពេលផ្សារទំនើបរបស់គំរោងនេះ បាននិងកំពុងទទួលការជួលស្តង់កាន់តែច្រើន និងត្រៀមបើកដំណើរការនៅពេលឆាប់ៗនេះផងដែរ៕

អគ្គនាយកគេហទំព័័រPropertyarea.asia សូមប្រកាសគាំទ្រចំពោះចំណាត់ការលុបអាជ្ញាបណ្ណសារព័ត៌មាន VOD ដើម្បីពង្រឹងវិជ្ជាជីវៈសារព័ត៌មាន និងលុបបំបាត់ព័ត៌មានក្លែងក្លាយ

ដោយៈ សហសេវិក

ភ្នំពេញៈ សហស្ថាបនិកនិងជាអគ្គនាយកនៃគេហទំព័រProertyarea .asia និងCambodiafinancialtimes.com សូមប្រកាសគាំទ្រចំពោះចំណាត់ការរបស់ រាជរដ្ឋាភិបាលកម្ពុជា ដែលមានសម្តេចតេជោហ៊ុន សែន ជានាយករដ្ឋមន្រ្តី ក្នុងការសម្រេចឱ្យលុបអាជ្ញាបណ្ណវីអូឌី (VOD) ចាប់ពីពេលនេះតទៅ និងត្រូវបញ្ចប់ការផ្សាយ នៅត្រឹមម៉ោង១០ព្រឹកថ្ងៃទី១៣ ខែកុម្ភៈ ឆ្នាំ២០២៣ ជាកំហិត។

ចំណាត់ការសម្រេចឱ្យលុបអាជ្ញាបណ្ណវីអូឌី (VOD) នេះ គឺជាការកែទំរង់ដ៏ល្អប្រសើរបំផុតមួយ និងជាការអនុវត្តច្បាប់ និងក្រមសីលធម៌ វិជ្ជាជីវៈសារព័ត៌មាននៅកម្ពុជា ដើម្បីឲ្យកម្ពុជាទាំងមូលរួមគ្នា បំបាត់ចោលនូវពត៌មានក្លែងក្លាយ ដែលបំពានអ្នកដទៃ បំភ្លៃការពិត ដែលជាគ្រោះថ្នាក់បង្កនូវភាពច្របូលច្របល់ និងហានិភ័យដល់ស្ថេរភាពសង្គម និងសន្តិសុខជាតិ។

សម្តេចតេជោ ហ៊ុន សែន ធ្លាប់បានផ្តល់នូវពាក្យស្លោកដល់អ្នកសារព័ត៌មានកម្ពុជា ដើម្បីជាការពង្រឹកវិជ្ជាជីវៈ និងបង្កើនជំនឿទុកចិត្តពីសាធារណជនគឺ “អ្នកសារព័ត៌មាន កុំបំពានសិទ្ធិអ្នកដទៃ កុំបំភ្លៃការពិត”។

សូមគាំទ្រចំពោះសារព័ត៌មានភាគច្រើន ដែលមានវិជ្ជាជីវៈត្រឹមត្រូវ ប៉ុន្តែមិនគាំទ្រចំពោះសារព័ត៌មានដែលនិយាយ មិនទទួលខុសត្រូវនោះទេ ជាពិសេសមិនគាំទ្រសារព័ត៌មាន ដែលបង្កើតឡើងដោយបុគ្គលមួយចំនួនតូចជ្រកក្រោម ផ្លាកសារព័ត៌មានក្នុងគោលបំណងញុះញង់ បង្កការបែកបាក់ឯកភាពជាតិ។

កាលល្ងាចថ្ងៃទី១២ ខែកុម្ភៈ ឆ្នាំ២០២៣ ដោយប្រើសិទ្ធិការពារកិត្តិយស និងសេចក្តីថ្លៃថ្នូរស្ថាប័នជាតិ សម្តេចតេជោ ហ៊ុន សែន នាយករដ្ឋមន្ត្រីបានសម្រេចឱ្យក្រសួងព័ត៌មានលុប ចោលអាជ្ញាបណ្ណវិទ្យុវីអូឌី (VOD) និងត្រូវបញ្ចប់ការផ្សាយ នៅត្រឹមម៉ោង១០ព្រឹកថ្ងៃទី១៣ ខែកុម្ភៈ ឆ្នាំ២០២៣ ក្រោយសម្តេចតេជោ និងឯកឧត្តម ហ៊ុន ម៉ាណែត បានផ្តល់ឱកាសគ្រប់គ្រាន់ ដើម្បីថ្នាក់ដឹកនាំវិទ្យុនេះ ធ្វើការបង្ហាញភស្តុតាង និងសុំទោសជាសាធារណៈ ចំពោះកំហុសវិជ្ជាជីវៈរបស់ខ្លួន ក្នុងការផ្សាយព័ត៌មានមិនពិត មានចរិតញុះញង់ មួលបង្កាច់ និងបង្ខូចកេរ្តិ៍ឈ្មោះឯកឧត្តម ហ៊ុន ម៉ាណែត ថាបានដើរតួនាទីជំនួសសម្តេចតេជោ ហ៊ុន សែន ចុះហត្ថលេខាលើឯកសារផ្តល់ជំនួយដល់ប្រទេសតួកគី ដើម្បីជួយជនរងគ្រោះក្នុងគ្រោះធម្មជាតិរញ្ជួយដី ដែលការពិតមិនមានការចុះហត្ថលេខាឡើយ៕

ប្រធានាធិបតីចិនឯកភាពឲ្យកម្ពុជាចូលជាសមាជិកអង្គការCIPS ដែលផ្តោតលើការគ្រប់គ្រងប្រព័ន្ឋទូទាត់ឆ្លងដែនរបស់ចិន

ដោយៈ គង់ សូរិយា

ភ្នំពេញៈ ប្រធានាធិបតីចិន លោកស៊ី ជីនពីងបានអនុញ្ញាត្តឲ្យកម្ពុជាចូលជាសមាជិកចូលជាសមាជិកអង្គការCIPS (Cross-Border Interbank Payment System) ដែលគ្រប់គ្រងការលើប្រព័ន្ធទូទាត់ឆ្លងដែនរបស់ចិន បន្ទាប់ពីមានការស្នើសុំពីសម្តេចតេជោ នាយករដ្ឋមន្រ្តីនៃកម្ពុជា។

ថ្លែងក្នុងសន្និសីទសារព័ត៌មាន ស្តីពីលទ្ធផលនៃដំណើរបំពេញទស្សនកិច្ចផ្លូវការរបស់សម្តេចតេជោ ហ៊ុន សែន នៅប្រទេសចិន កាលពីសប្តាហ៍មុន លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការ ក្រុមប្រឹក្សាអភិវឌ្ឍន៍កម្ពុជាបានឲ្យដឹងថា ក្នុងជំនួបពិភាក្សាការងាររបស់សម្តេចតេជោ ហ៊ុន សែន ជាមួយលោកប្រធានាធិបតីចិន លោក ស៉ី ជិនពីង, សម្តេចតេជោនាយករដ្ឋមន្ត្រី បានស្នើសុំឲ្យកម្ពុជា បើតាមលោក សុខ ចិន្តាសោភា ការចូលជាសមាជិកអង្គការ CIPS មានសារសំខាន់ខ្លាំងណាស់ ដែលនឹងបង្កលក្ខណៈងាយស្រួល ក្នុងការទូទាត់ឆ្លងដែន ដែលជាផ្នែកមួយក្នុងការទាក់ទាញវិនិយោគិន ការធ្វើធុរកិច្ច ពាណិជ្ជកម្ម និងទេសចរចិនផងដែរ។

ជាការឆ្លើយតបនឹងសំណើរ របស់សម្តេចតេជោហ៊ុន សែន លោកប្រធានាធិបតីចិនបានបង្ហាញភាពវិជ្ជមាន ដោយស្វាគមន៍នូវសំណើនេះ និងជំរុញក្រុមការងារបច្ចេកទេសពិនិត្យ និងសិក្សាអំពីកិច្ចសហប្រតិបត្តិការនេះ។

លោករដ្ឋមន្ត្រី សុខ ចិន្តាសោភា បានថ្លែងក្នុងសន្និសីទសារព័ត៌មានយ៉ាងដូច្នេះថា ភាគីកម្ពុជា បានលើកសំណូមពរ ដែលចេញពីធនាគារជាតិនៃកម្ពុជា សុំចូលជាសមាជិករបស់ (CIPS-Cross-Border Interbank Payment System) គឺរបស់អង្គការចិន ដែលមានតួនាទីក្នុងការគ្រប់គ្រងការទូទាត់ ពីធនាគារមួយទៅធនាគារមួយ China interbank System។

ជាគោលការណ៍ចិន គាត់ស្វាគមន៍ ដែលប្រព័ន្ធទូទាត់នេះធ្វើឲ្យចរាចរណ៍រោងចក្រ អ្នកវិនិយោគិនចិនមកដាក់ទុននៅកម្ពុជា អាចប្រើប្រព័ន្ធនេះងាយស្រួល។ ដោយសារយើងចង់ឲ្យវិនិយោគិនចិនមកច្រើន ចង់ឲ្យមានទំនាក់ទំនងធុរកិច្ច វិនិយោគ ពាណិជ្ជកម្ម ទេចរណ៍ជាមួយចិនច្រើន យើងចង់ចូលទៅក្នុងអង្គការ ដែលគ្រប់គ្រងប្រព័ន្ធទូទាត់របស់ចិននេះ។ ជាវិជ្ជមាន លោកប្រធានាធិបតីចិន បានស្វាគមន៍សំណើនេះ គ្រាន់តែថាចាំឲ្យមើលផ្នែកបច្ចេកទេសទៅពិនិត្យ ថាត្រូវធ្វើយ៉ាងណាអីយ៉ាងណា។

ប្រព័ន្ធទូទាត់ហិរញ្ញវត្ថុអន្តរធនាគារឆ្លងព្រំដែន ហៅកាត់ថាCIPS ត្រូវបានប្រទេសចិន ដាក់ដំណើរការជាផ្លូវការ កាលពីឆ្នាំ២០១៥ ក្រោមគោលដៅចម្បង ដើម្បីសម្របសម្រួលការទូទាត់ប្រាក់យ័នឆ្លងព្រំដែន ក៏ដូចជាដើម្បីជំរុញការប្រើប្រាស់រូបិយវត្ថុចិន នៅលើឆាកអន្តរជាតិ។

ធនាគារកណ្តាលចិនPBOC បានចាប់ផ្តើមការសាងសង់ប្រព័ន្ធទូទាត់ផ្នែកហិរញ្ញវត្ថុនេះ ដំបូងកាលពីឆ្នាំ២០១២។ អំឡុងការចាប់ផ្តើមដំណើរការនាពេលនោះ ប្រព័ន្ធ CIPS មានស្ថាប័នចូលរួមផ្ទាល់ចំនួនត្រឹម១៩ និងស្ថាប័នចូលរួមមិនផ្ទាល់ចំនួន១៧៦ មក៥០ប្រទេសនិងតំបន់ នៅលើទ្វីបចំនួន៦។

មកដល់បច្ចុប្បន្ន គិតត្រឹមឆ្នាំ២០២១ CIPS បានធ្វើប្រតិបត្តិការលុយយន់ខ្ទង់៨០ទ្រីលានយន់ ឬស្មើនឹង១២.៦៨ទ្រីលានដុល្លារអាមេរិក ដោយមានស្ថាប័នហិរញ្ញវត្ថុសរុបប្រមាណ ១,២៨០ស្ថាប័ន នៅប្រទេសនិងតំបន់សរុបចំនួន១០៣ តភ្ជាប់ជាមួយប្រព័ន្ធនេះ៕

បុរីវិមានសំណាងចុះMOUជាមួយធនាគារហ្វីលីព ត្រាស់ធីអនុញ្ញាតឱ្យជនបរទេសអាចទិញដីនិងផ្ទះនៅកម្ពុជាបាន

ដោយៈ ស៊ីវ ម៉េង

ភ្នំពេញៈ ថ្នាក់ដឹកនាំបុរីវិមានសំណាង បានចុះអនុស្សរណៈនៃការយោគយល់ ជាមួយក្រុមហ៊ុនហ្វីលីព ត្រាសធី (ខេមបូឌា) ឯ.ក ជាមួយប្រកបដោយការប្តេជ្ញាចិត្តរួមគ្នា ក្នុងការផ្តល់សេវាកម្មបរធនបាលកិច្ច (Phillip Trustee) ប្រកបដោយវិជ្ជាជីវៈ ចំណេះដឹង និងបទពិសោធន៍ច្បាស់លាស់ ដើម្បីឆ្លើយតបនឹងតម្រូវការ ក្នុងវិស័យអចលនទ្រព្យនៅកម្ពុជាពីសំណាក់វិនិយោគិនបរទេស។

ជាពិសេសគឺអាចធ្វើឱ្យជនបរទេស អាចទិញដីឬទិញផ្ទះ នៅប្រទេសកម្ពុជាបាន។

លោកឧកញ៉ាបណ្ឌិត គីម ហ៊ាង អគ្គនាយកបុរី វិមានសំណាង បានថ្លែងឱ្យដឹងបន្ទាប់ពីពិធីចុះហត្ថលេខា កាលពីសប្តាហ៍មុនថា កន្លងមកបុរី វិមានសំណាង បានធ្វើកិច្ចសហការជាមួយ ធនាគារ ហ្វីលីព គឺដើម្បីផ្តល់ឥណទានដល់អ្នកទិញបុរី វិមានសំណាង មានន័យថាខ្មែរយើងដែលចង់ទិញបុរី វិមានសំណាង ធនាគារហ្វីលីព ផ្តល់ជូនឥណទានពី៧០ ដល់ ៨០% នៃតម្លៃទិញលក់។

ឧទាហរណ៍ថា បើទិញផ្ទះតម្លៃ១លានដុល្លារ ធនាគារផ្តល់ជូនឥណទានពី៧០ ដល់៨០ម៉ឺនដុល្លារ។

លោកឧកញ៉ាបានបន្តថា បន្ទាប់មកធនាគារហ្វីលីព មានសេវាកម្មមួយទៀត គឺហ្វីលីព ត្រាសធី ជាសេវាកម្មមួយ ដែលជួយដល់ភ្ញៀវបរទេស អាចទិញផ្ទះឬទិញដីនៅប្រទេសខ្មែរ តាមរយៈហ្វីលីព ត្រាស់ធី មកទិញបុរី វិមានសំណាង។ ការសហការនេះ ក្នុងគោលបំណងជំរុញការលក់របស់បុរី វិមានសំណាង ទៅកាន់ទីផ្សារជនជាតិសិង្ហបុរី។ សម្រាប់ជនជាតិសិង្ហបុរី ពីដើមមក ភាគច្រើនពួកគេតែងទិញខុនដូ ហើយនៅពេលគេចង់ទិញផ្ទះ ឬទិញបុរី ទិញមិនបាន។ ទោះយ៉ាងណា នៅពេលសហការជាមួយ ហ្វីលីព ត្រាស គឺយើងជួយសម្រួលដល់អតិថិជនសិង្ហបុរី អាចទិញផ្ទះបុរី វិមានសំណាងបាន។ នេះហើយជាមូលហេតុនៃកិច្ចសហការគ្នា ដើម្បីជំរុញការលក់ឱ្យបានច្រើនជាងមុន។

លោកឧកញ៉ា គីម ហ៊ាង បានឱ្យដឹងបន្ថែមថា ពីដើមមកនៅពេលជនបរទេសចង់ទិញផ្ទះ ឬទិញដីនៅកម្ពុជា គឺជារឿងមហាលំបាក។ បើថៅកែធំៗតែម្តង ពួកគេអាចជួយជាតិ ដើម្បីបានសញ្ជាតិខ្មែរ (ការសុំសញ្ជាតិ) ប៉ុន្តែការធ្វើបែបនេះ គឺចំណាយខ្ពស់ណាស់ ដែលអ្នកល្មមៗគ្មានលទ្ធភាពនោះទេ។ ប៉ុន្តែពេលនេះ នៅពេលមានសេវាកម្ម ហ្វីលីព ត្រាសធី គឺមានភាពងាយស្រួលសម្រាប់ជនបរទេស ឧទាហរណ៍បើផ្ទះមួយតម្លៃកន្លះលានដុល្លារ បើពួកគាត់មានកន្លះលានដុល្លារ គឺគាត់អាចទិញផ្ទះបានតែម្តង ហើយគាត់ជាម្ចាស់ផ្ទះហ្នឹងតែម្តង។

លោកឧកញ៉ាបានបញ្ជាក់ថា ជាពិសេសពេលប្លង់រឹងចេញមក គឺជាកម្មសិទ្ធិរបស់ពួកគាត់តាមរយៈ ហ្វីលីព ត្រាស់ធី ហើយបើនៅបួនដប់ឆ្នាំ ថ្ងៃក្រោយចង់លក់ឱ្យខ្មែរវិញ អាចលក់ផ្ទេរឈ្មោះបានយ៉ាងងាយស្រួលដូចគ្នា។

សេវាកម្ម ហ្វីលីពត្រាសធី នឹងជួយជំរុញឱ្យការទិញលក់ ផ្ទះសម្បែងដីធ្លីនៅស្រុកខ្មែរ មានការកើនឡើងច្រើន ព្រោះបរទេសអ្នកមានខ្លាំងៗ គេចូលសញ្ជាតិ រីឯអ្នកមានល្មមៗជាច្រើនចង់ទិញផ្ទះ គឺមានតែតាមរយៈ ហ្វីលីព ត្រាស។ ដូច្នេះសេវាកម្ម ហ្វីលីព ត្រាស នឹងជួយឱ្យវិនិយោគិនបរទេស ដែលចង់ទិញផ្ទះឬដីនៅប្រទេសកម្ពុជា នឹងមានសន្ទុះកើនឡើងខ្លាំង។ លោកឧកញ៉ាបណ្ឌិត គីម ហ៊ាង បានបញ្ជាក់បន្ថែម។

ហ្វីលីពកាពីតាល់ គ្រុប បានឈានជើងចូលប្រទេសកម្ពុជាដំបូង កាលឆ្នាំ២០០៩ ជាមួយនឹងទុនវិនិយោគប្រមាណ១០ម៉ឺនដុល្លារ ប៉ុន្តែបច្ចុប្បន្នធនាគារ ហ្វីលីព នៅកម្ពុជាមានទុនសរុបប្រមាណដល់ចន្លោះពី១៧០ ទៅ១៨០លានដុល្លារសហរដ្ឋអាមេរិក។

ចំណែកឯសេវាកម្ម ត្រាសធី ដែលជាបុត្រសម្ព័ន្ធមួយរបស់ធនាគារ ហ្វីលីព នឹងអនុញ្ញាតឱ្យភ្ញៀវបរទេស អាចចុះបញ្ជីអចលនទ្រព្យបាន តាមរយៈ ហ្វីលីព ត្រាស ដែលបច្ចុប្បន្ននេះសេវាកម្ម ត្រាសធី មានតែ៣ធនាគារប៉ុណ្ណោះ។ វិនិយោគិនបរទេស ដែលត្រូវការទិញអចលនទ្រព្យផ្ទះ ឬដីតាមរយៈ ហ្វីលីពត្រាស់ធី អាចទុកចិត្តបាន១០០% ព្រោះធនគារ ហ្វីលីព ជាធនាគារដែលមានទុនវិនិយោគច្រើន និងចាស់វស្សានៅប្រទេសកម្ពុជា។

បុរី វិមានសំណាង របស់លោកឧកញ៉ា បណ្ឌិត គីម ហ៊ាង និងលោកជំទាវឧកញ៉ា គង់ សំណាង ជាបុរី លំដាប់ អភិជន ដែលមានម៉ូដផ្ទះវីឡា ៣ប្រភេទគឺ វីឡាឃីង វីឡាឃ្វីន និងវីឡាព្រីន។ ប្រិយមិត្តអាចអញ្ជើញទៅកាន់ការិយាល័យរបស់គម្រោង បុរី វិមានសំណាង ផ្ទាល់ ដែលមានទីតាំងស្ថិតលើមហាវិថីឈ្នះ ឈ្នះ ភូមិផ្សារលិច សង្កាត់ព្រែក ព្នៅខណ្ឌព្រែកព្នៅ រាជធានីភ្នំពេញ។

បុរី វិមានសំណាង ស្ថិតនៅខាងជើងក្រសួងដែនដី ២៥០០ម៉ែត្រ សាងសង់លើដី២៥ហិកតា ជាវីឡាព្រីន បែបក្លាសិក វីឡាឃ្វីន បែបក្លាសិក និងជាវីឡាឃីង បែបក្លាសិក ឬបែបបារាំង ដែលចំណាយថ្លៃសាង សង់ច្រើនជាង និងប្រណិតជាងការសាងសង់វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេង កីឡា ផ្លូវ ធំ ដើមឈើច្រើន និងព្រែកធម្មជាតិ ស្មើជិត៤០% នៃផ្ទៃដីសរុប ដែលស័ក្តិសមបំផុត សម្រាប់គ្រួសារអភិជន កម្ពុជាស្នាក់នៅប្រចាំថ្ងៃ៕

មហាយក្សចិន ខឹងអាមេរិកជុំវិញបម្រាមមិនឱ្យពលរដ្ឋចិនទិញ អចលនទ្រព្យ

ដោយៈ សុខុម

ប៉េកាំង: ក្រសួងការបរទេសចិន បានចេញមុខប្រកាសអះអាងក្ដែងៗកាលពីថ្ងៃសុក្រ ទី១០កុម្ភៈថា សហរដ្ឋអាមេរិក កំពុងតែរំលោភបំពានគោលការណ៍សេដ្ឋកិច្ចទីផ្សារ និងច្បាប់ពាណិជ្ជកម្មអន្តរជាតិ ចំពោះការចេញបម្រាមមិនឱ្យពលរដ្ឋចិន ទិញអចលនទ្រព្យនៅក្នុងសហរដ្ឋអាមេរិក។

លោកស្រី Mao Ning អ្នកនាំពាក្យក្រសួងការបរទេសចិន បានថ្លែងក្នុងសន្និសីទសារព័ត៌មានមួយថា “ការយកបញ្ហាទូទៅមកធ្វើជាបញ្ហាសន្តិសុខជាតិ និងយកបញ្ហាសេដ្ឋកិច្ច ពាណិជ្ជកម្ម និងការវិនិយោគមកធ្វើជាបញ្ហានយោបាយ គឺជាការរំលោភបំពានច្បាប់សេដ្ឋកិច្ចទីផ្សារ និងច្បាប់ពាណិជ្ជកម្មអន្តរជាតិ”។

អ្នកនាំពាក្យរូបនេះបានលើកឡើងបែបនេះ ដើម្បីឆ្លើយតបទៅសំណួរចោទសួរអំពីរដ្ឋតិចសាស (Texas) និងរដ្ឋហ្វ្លរីដា (Florida) ដែលពិចារណាចេញបម្រាមមិនឱ្យពលរដ្ឋចិន នៅក្នុងសហរដ្ឋអាមេរិក ទិញអចលនទ្រព្យ។

យោងតាមរបាយការណ៍មួយចំនួនឱ្យដឹងថា រដ្ឋតិចសាស រដ្ឋហ្វ្លរីដា រដ្ឋអាខាន់សាស (Arkansas) និងរដ្ឋមួយចំនួនទៀត កំពុងពិចារណាចេញបម្រាមហាមឃាត់មិនឱ្យពលរដ្ឋចិន ទិញអចលនទ្រព្យ ខណៈភាពតានតឹងរវាងសហរដ្ឋអាមេរិក និងប្រទេសចិន កើនឡើងកាន់តែខ្លាំងជុំវិញបញ្ហាសន្តិសុខជាតិ។

លោកស្រី Mao Ning លើកឡើងថា “ខ្ញុំចង់សង្កត់ធ្ងន់ថា កិច្ចសហប្រតិបត្តិការសេដ្ឋកិច្ច និងពាណិជ្ជកម្មចិន-អាមេរិក បានផ្ដល់ផលប្រយោជន៍ទៅវិញទៅមក”។ លោកស្រីបន្តថា “រយៈពេលប៉ុន្មានឆ្នាំមកនេះ បណ្ដាក្រុមហ៊ុនសហគ្រាសចិន បានវិនិយោគនៅក្នុងសហរដ្ឋអាមេរិក និងបានរួមចំណែកយ៉ាងសំខាន់ នៅក្នុងការលើកកម្ពស់ការងារក្នុងស្រុក និងការអភិវ ឌ្ឍសេដ្ឋកិច្ចក្នុងសហរដ្ឋអាមេរិក”។

ចំណាត់ការនេះធ្វើឡើង នៅពេលសហរដ្ឋអាមេរិក ស្នើឱ្យបង្កើនវិធានការសងសឹក បន្ទាប់ពីបាឡុងចិន ដ៏ធំមួយដែលជាប់សង្ស័យថា ជាបាឡុងចារកម្ម ត្រូវបានបាញ់ទម្លាក់ បន្ទាប់ពីហោះចូលក្នុងដែនអាកាសរបស់សហរដ្ឋអាមេរិក៕ Reuters៕

Clean energy projects worth over 6 bln yuan launched in China’s Liaoning

A total of 10 clean energy projects, with an investment of over 6 billion yuan (about 883.9 million U.S. dollars), have recently started construction in northeast China’s Liaoning Province, the provincial commission of development and reform said Sunday.

The wind power and photovoltaic projects are located in Shenyang, Dalian, Dandong, Yingkou and Chaoyang cities.

After these projects are put into operation, it is estimated that the annual on-grid electricity generation will reach more than 2.2 billion kWh, which can meet the annual electricity demand of 2 million households.

The projects can also save 675,700 tonnes of standard coal and reduce greenhouse gas emissions by over 2 million tonnes every year.
The projects are part of the cooperation between the provincial government and China Huaneng Group Co., Ltd.

The group plans to pool more than 100 billion yuan of investment in Liaoning during the 14th Five-Year Plan period (2021-2025), which is expected to drive related industrial investment of more than 50 billion yuan.

Source: Xinhua

ក្រុមហ៊ុនអចលនទ្រព្យធំៗចំនួន២គ្រោងចាប់ដៃគ្នាសាងសង់គម្រោងបែបអឺរ៉ុប Amata European Smart City

ដោយ: គង់ លាងហួរ

បាងកក: ក្រុមហ៊ុនអភិវឌ្ឍន៍ឧស្សាហកម្ម Amata Corporation Plc បានសហការជាមួយក្រុមហ៊ុន B.Grimm Power Plc (BGRIM) ដើម្បីសិក្សាលទ្ធភាព លើការសាងសង់គម្រោង Amata European Smart City ដែលរំពឹងថា វានឹងបម្រើក្រុមហ៊ុនអឺរ៉ុប ដែលបោះទុនវិនិយោគនៅក្នុងច្រករបៀងសេដ្ឋកិច្ចភាគខាងកើត (EEC)។

លោក Vikrom Kromadit នាយកប្រតិបត្តិនៃក្រុមហ៊ុន Amata Corp បានមានប្រសាសន៍ថា ក្រុមហ៊ុនទាំង២គ្រោងបង្កើតក្រុមហ៊ុនបណ្តាក់ទុនរួមគ្នា ដើម្បីអភិវឌ្ឍគម្រោងនេះ ដោយកំណត់ទីតាំងនៅលើផ្ទៃដីទំហំ៣២ហិកតា នៅក្នុងតំបន់ Amata City Chon Buri។

លោកបន្តថា “ក្រុមហ៊ុន Amata នឹងកាន់កាប់ភាគហ៊ុន៦០ភាគរយនៅក្នុងការបណ្តាក់ទុនរួមគ្នា ដោយភាគហ៊ុន៤០ភាគរយទៀត ដែលនៅសល់ត្រូវបានផ្តល់មូលនិធិដោយក្រុមហ៊ុន BGRIM”។

ក្រុមហ៊ុនទាំង២ គ្រោងប្រែក្លាយគម្រោងនេះ ដើម្បីគាំទ្រដល់វិស័យថាមពលឆ្លាតវៃ ការដឹកជញ្ជូនឆ្លាតវៃ និងការផលិតឆ្លាតវៃ។

លោកVikrom រំពឹងថា “វិនិយោគិនអឺរ៉ុបនឹងចាប់អារម្មណ៍លើគម្រោងថ្មីនេះ នៅក្នុងច្រករបៀងសេដកិច្ច (EEC) ដែលជាទីតាំងគ្រោងទុករបស់រ ដ្ឋាភិបាលថៃ សម្រាប់អភិវឌ្ឍមជ្ឈមណ្ឌលឧស្សាហកម្ម បច្ចេកវិទ្យាជាន់ខ្ពស់”។

លោក Vikrom បានបន្ថែមថា ក្រុមហ៊ុន Amata ក៏គ្រោងនឹងអភិវឌ្ឍបរិវេណឧស្សាហកម្មថ្មីមួយ ដើម្បីបម្រើដល់វិនិយោគិនកូរ៉េខាងត្បូង នាពេលអនាគតផងដែរ។

លោក Harald Link នាយកប្រតិបត្តិនៃក្រុមហ៊ុន BGRIM រំពឹងថា វិនិយោគិនមកពីបណ្តាប្រទេសដូចជាហ្វាំងឡង់ ចក្រភពអង់គ្លេស និងអាល្លឺម៉ង់នឹងបោះទុនវិនិយោគនៅ Amata European Smart City ព្រោះវាជាគម្រោង ដែលមានសក្តានុពលខ្ពស់នៅក្នុងតំបន់អាស៊ាន។

លោកបន្តថា “ក្រុមហ៊ុនអឺរ៉ុបមួយចំនួន មានទំនោរមើលរំលងប្រទេសថៃ ដោយពួកគេចាប់អារម្មណ៍ វិនិយោគលើប្រទេសឥណ្ឌា និងចិន ពីព្រោះប្រទេសទាំងនោះ មានប្រជាជនច្រើនជាងគេបំផុតក្នុងពិភពលោក”។

លោកបញ្ជាក់ថា យើងកំពុងស្នើឲ្យពួកគេពិចារណា លើការវិនិយោគនៅប្រទេសថៃ ព្រោះប្រទេសនេះ អាចបម្រើជាច្រកចេញចូលរបស់អាស៊ាន។

លោក Harald Link រំពឹងថា គម្រោង Amata European Smart City នឹងទាក់ទាញលំហូរវិនិយោគផ្ទាល់ពីបរទេស ដែលវានឹងដើរតួយ៉ាងសំខាន់ក្នុងការជំរុញសេដ្ឋកិច្ចថៃ៕

HANUMAN VIP LOUNGE នៅផ្សារទំនើប AEON MALL សែនសុខ ចាប់ផ្តើមបើកដំណើរការជាផ្លូវការហើយ

ដើម្បីជាតម្រូវការ នឹងភាពងាយស្រួលដល់អតិថិជនដែលតែងតែគាំទ្រនូវគម្រោងលំនៅឋានរបស់ក្រុមហ៊ុន ហនុមាន អ៊ីស្ទេត (Hanuman Estate) បានបើកដំណើរការជាផ្លូវការនូវ ហនុមាន វីអាយភី ឡោញ (Hanuman VIP Lounge) ដែលស្ថិតនៅក្នុងផ្សារទំនើប អ៊ីអនម៉ល សែនសុខ (AEON Mall sen sok) ដើម្បីជាភាពងាយស្រួល ក្នុងការផ្ដល់ព័ត៌មាន នៃគម្រោង ដឹ អាណាចក្រ (The Anajak) និងគម្រោង ដឹ វីន វីន (The Win Win)។ មិនត្រឹមតែជាទីកន្លែងសម្រាប់អតិថិជនទទួលព័ត៌មានប៉ុណ្ណោះទេ ប៉ុន្តែអតិថិជនទាំងអស់នឹងទទួលបានការប្រឹក្សាយោបល់ មុនពេលសម្រេចចិត្តកក់ ឬទិញ ជាមួយទីកន្លែងដែលមានផាកសុខភាព។

លើសពីនេះទៅទៀត ដើម្បីជាការអបអរនូវការបើកដំណើរការនេះ ហនុមាន អ៊ីស្ទេត សូមណែនាំនូវប្រភេទផ្ទះថ្មី វីឡាភ្លោះ គង្គារ ប្រភេទប៊ី (KONGKEA Twin Villa B) តម្លៃពិសេសត្រឹមតែជាង$12មឺុន បង់ប្រចាំខែត្រឹមតែ $598 គ្មានការប្រាក់ គ្មានប្រាក់កក់ រំលស់ដើមសុទ្ធ រយៈពេលវែង អាចចរចាពេលវេលាបង់ប្រាក់ទៅតាមស្ថានភាពចំណូលរបស់លោកអ្នកផ្ទាល់ ដែលស្ថិតនៅក្នុងគម្រោង ដឹ អាណាចក្រ គម្រោង ដឹ អាណាចក្រ ទំហំជាង 300 ហិកតា នៅតាមបណ្តោយផ្លូវជាតិលេខ5 ត្រឹមតែ 15នាទី ពី ផ្សារទំនើប អ៊ីអន សែនសុខ។

លោកអ្នកក៏អាចសាកសួរព័ត៌មានអំពីគម្រោង ដឹ វីន វីន (The Win Win) របស់ក្រុមហ៊ុន ហនុមាន អ៊ីស្ទេតដូចគ្នា ដែលគម្រោងដីខ្នាតវីឡា តម្លៃចាប់ពីជាង $9មឺុន ផ្ទះអាជីវកម្ម តម្លៃតែជាង $12មឺុន ជាប់ផ្លូវរដ្ឋ 30ម៉ែត្រ សល់ដីមុខផ្ទះ 7ម៉ែត្រ និង ដីក្រោយផ្ទះ 2ម៉ែត្រ ស្ថិតនៅលើផ្លូវមហាវិថី ឈ្នះឈ្នះ ក្បែរផ្លូវហាណូយ។

ព័ត៌មានបន្ថែមទាក់ទងនឹងគម្រោងទាំងពីរ របស់ក្រុមហ៊ុន ហនុមាន អ៊ីស្ទេតសូមចូលទៅកាន់page ផ្លូវការ៖
The Win Win by Hanuman Estate

The Anajak by Hanuman Estate

កុំភ្លេចអញ្ជើញមកសាកសួរព័ត៌មានអំពីគម្រោងទាំងពីរនៅ ហនុមាន វីអាយភី ឡោញ (Hanuman VIP Lounge) ផ្សារទំនើប អ៊ីអនម៉ល សែនសុខ (AEON Mall sen sok) ទាំងអស់គ្នា។

សម្រាប់ព័ត៌មានបន្ថែមសូមទំនាក់ទំនងតាមរយៈលេខទូរសព្ទ៖

093 903 330 / 078 913 330 ឬចូលរួមជាមួយ Telegram Channel: https://t.me/hanumanestate៕

ក្រុមហ៊ុនOCIC សម្ភោធលក់គំរោងវីឡាដ៏ប្រណីតនៃគម្រោង ជ្រោយចង្វារហ្គាដិន

ដោយៈ គង់ សូរិយា

ភ្នំពេញៈ គម្រោងថ្មីស្រឡាងមួយផ្សេងទៀត ស្ថិតនៅក្នុងតំបន់ដ៏មានសក្ដារនុពល នៃភាគខាងកើតរាជធានីភ្នំពេញ របស់ក្រុមហ៊ុនOCIC បានប្រកាសសម្ភោធ និងដាក់លក់ជាផ្លូវការហើយ នាព្រឹកថ្ងៃទី១១ ខែកុម្ភៈ ឆ្នាំ២០២៣។

ក្រុមហ៊ុនអាណិកជនវិនិយោគទុនកម្ពុជា(OCIC) នាព្រឹកថ្ងៃសៅរ៍ ត្រូវនឹងថ្ងៃទី១១ ខែកុម្ភៈ ឆ្នាំ២០២៣ បានរៀបចំពិធី ប្រកាសបើកសម្ភោធ និងដាក់លក់ជាលើកដំបូងសៀលវើវីឡា នៃគម្រោងជ្រោយចង្វារហ្គាដិនជាគម្រោងថ្មីស្រឡាង និងចុងក្រោយគេ ដែលប្រមូលផ្ដុំដោយលំនៅឋានប្រភេទផ្ទះវីឡាប្រណិតៗ ស្ថិតនៅតាមបណ្ដោយផ្លូវ អូស៊ីអាយស៊ី នៃទីក្រុងរណបជ្រោយចង្វារ ដែលបច្ចុប្បន្នកំពុងទទួលបានការអភិវឌ្ឍន៍ និងរីកដុះដាលយ៉ាងឆាប់រហ័ស។

គម្រោងជ្រោយចង្វារហ្គាឌិន ផ្ដល់ជូនអតិថិជន របស់ក្រុមហ៊ុន OCIC ជាមួយបទពិសោធន៍ដ៏ល្អ នៃការរស់នៅប្រកបដោយភាពសុខដុម ជាទីប្រជុំជនហ៊ុំព័ទ្ធដោយហេដ្ឋារចនាសម្ព័ន្ធខ្វាត់ខ្វែង បង្ករភាពងាយស្រួលសម្រាប់ការធ្វើដំណើរទៅកាន់គោលដៅជិតឆ្ងាយក្នុងទីក្រុង។

អតិថិជនទាំងអស់ អាចជ្រើសរើសប្រភេទផ្ទះវីឡាចំនួន ៨ ប្រភេទ ដូចជា វីឡាកូនកាត់, វីឡាអាជីវកម្ម, វីឡាភ្លោះ, Premium Villas, Premium Gold Villa, អគារពាណិជ្ជកម្ម, Luxury Villa និង Silver Villa ដែលត្រូវបានគូសប្លង់ និងសាងសង់ឡើងស្របតាមបទដ្ឋានបច្ចេកទេស ដើម្បីធានាឱ្យបាននូវនិរន្តរភាពនៃសំណង់អគារ។

ស្ថិតក្នុងឱកាសសម្ភោធជាផ្លូវការនោះ លោកស្រី តាំង ស៊ុយចាន់ ប្រធានផ្នែកលក់នៃគំរោងចង្វារហ្គាដិនមានប្រសាសន៍ថា គម្រោងជ្រោយចង្វារហ្គាឌិន បានរួមចំណែកយ៉ាងសំខាន់ ក្នុងការអភិវឌ្ឍន៍ទីក្រុងរណបជ្រោយចង្វារ ឱ្យកាន់តែល្អប្រសើរឡើងថែមមួយកម្រិតទៀត ក៏ដូចជាពង្រីកស្នាដៃអភិវឌ្ឍន៍លំនៅឋានរបស់ក្រុមហ៊ុន OCIC ដែលមានបទពិសោធន៍ជាច្រើនឆ្នាំនៅក្នុងវិស័យអចលនទ្រព្យ។

គម្រោងជ្រោយចង្វារហ្គាឌិន អភិវឌ្ឍន៍ឡើងលើផ្ទៃដីសរុប១៣ ហិកតា ស្ថិតនៅទីក្រុងរណបជ្រោយចង្វារ ដែលបច្ចុប្បន្នកំពុងមានការអភិវឌ្ឍន៍យ៉ាងឆាប់រហ័ស នៃសំណង់អគារជាច្រើនទាំងរដ្ឋ និងឯកជន ថែមទាំងតភ្ជាប់ទៅស្ពានឬស្សីកែវ ដែលគ្រោងនឹងសម្ភោធឆាប់ៗទៀតផង។ គម្រោងនេះ គឺជាស្នាដៃនៃការអភិវឌ្ឍន៍ទីក្រុងរណបទី២ បន្ទាប់ពីទីក្រុងកោះពេជ្រ របស់ក្រុមហ៊ុនOCIC ដែលជាក្រុមហ៊ុនអភិវឌ្ឍន៍អចលនទ្រព្យធំជាងគេ និងឈានមុខគេក្នុងប្រទេសកម្ពុជា តាមរយៈទំហំវិនិយោគ និងចំនួនគម្រោងដែលបានអភិវឌ្ឍ៕

សម្រាប់ព័ត៌មានបន្ថែមសូមទំនាក់ទំនងតាមទូរស័ព្ទលេខ៖ ០៨៩ ៨២២ ០០៩ និង ០៩៣ ៨២២ ០០៩ ឬសាកសួរព័ត៌មានដោយផ្ទាល់នៅការិយាល័យលក់ ដែលមានអាសយដ្ឋានស្ថិតនៅ៖ វិថីអភិវឌ្ឍន៍ ភូមិដើមគរ ទីក្រុងរណបជ្រោយចង្វារ។

1...1,0521,0531,054...3,259 Page 1,053 of 3,259

ព័ត៌មានបន្ថែមទាក់ទងនឹងគម្រោងទាំងពីរ របស់ក្រុមហ៊ុន ហនុមាន អ៊ីស្ទេតសូមចូលទៅកាន់page ផ្លូវការ៖ The Win Win by Hanuman Estate

ព័ត៌មានបន្ថែមទាក់ទងនឹងគម្រោងទាំងពីរ របស់ក្រុមហ៊ុន ហនុមាន អ៊ីស្ទេតសូមចូលទៅកាន់page ផ្លូវការ៖
The Win Win by Hanuman Estate