តើមុននឹងប្រើប្រាស់កម្ចីពិសេសតាមប្រព័ន្ធអនឡាញត្រូវពិនិត្យ លើកត្តាអ្វីខ្លះ?

ដោយៈ ម៉ាលីនណា

ភ្នំពេញៈ អ្នកជំនាញមកពីសមាគមមីក្រូហិរញ្ញវត្ថុកម្ពុជា (CMA) និងសមាគមធនាគារនៅកម្ពុជា បានពន្យល់ពីហានិភ័យ នៃការប្រើប្រាស់កម្ចីក្រៅផ្លូវការ ដែលទាមទារឲ្យមានការពិនិត្យច្បាស់លាស់។

កម្មវិធីនេះ បានលើកឡើងសន្និសីទ ដែលរៀបចំដោយសមាគមមីក្រូហិរញ្ញវត្ថុកម្ពុជា និងសមាគមធនាគារកម្ពុជា។

សមាគមនេះរៀបចំឡើង មានគោលបំណងផ្សព្វផ្សាយ និងបញ្ជ្រាបចំណេះដឹងផ្នែកហិរញ្ញវត្ថុជូនប្រជាពលរដ្ឋ និងបុគ្គលិកពាក់ព័ន្ធ ដើម្បីឆ្លើយតប និងកាត់បន្ថយការផ្តល់កម្ចីក្រៅផ្លូវការ និងសេវាហិរញ្ញវត្ថុដែលគ្មានច្បាប់អនុញ្ញាតត្រឹមត្រូវ។ ការបញ្ជ្រាបចំណេះដឹងនេះ បានត្រូវគេរំពឹងថា នឹងជួយឱ្យប្រជាពលដ្ឋ ធ្វើការសម្រេចចិត្តផ្នែកហិរញ្ញវត្ថុបានត្រឹមត្រូវ និងចៀសវាងផុត ពីការប្រើប្រាស់សេវាហិរញ្ញវត្ថុក្រៅផ្លូវការផងដែរ។

លោក សុខ វឿន ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា (CMA) បានលើកឡើងថាបន្ទាប់ ពីសេចក្តីប្រកាសរួមរវាងធនាគារជាតិនៃកម្ពុជា និងអគ្គនគរបាលស្នងការជាតិ អំពីកម្ចីក្រៅផ្លូវការ ឬខុសច្បាប់តាមប្រព័ន្ធអនឡាញ យើងនឹងមានការផ្សព្វផ្សាយបន្ថែមទៀត ដល់សហគមន៍ និងអាជ្ញាធរមូលដ្ឋានផងដែរ ដើម្បីឱ្យគាត់យល់ និងជ្រាបច្បាស់អំពីការជ្រើសរើស ឬប្រើប្រាស់កម្ចីពីស្ថាប័ន ដែលមានអាជ្ញាប័ណ្ណត្រឹមត្រូវនិងមានការការពារអតិថិជនច្បាស់លាស់ ដើម្បីចៀសវាងកុំឱ្យអតិថិជនប្រើប្រាស់កម្ចីក្រៅផ្លូវការ និងមិនមានការទទួលស្គាល់ពីអាជ្ញាធរ។

លោកបានបន្តថា សមាគមមីក្រូហិរញ្ញវត្ថុ នឹងមានបញ្ជីឈ្មោះស្ថាប័ន ដែលមានអាជ្ញាប័ណ្ណត្រឹមត្រូវ ពីធនាគារជាតិដើម្បីចែកជូន ទៅតាមសហគមន៍នីមួយៗ ហើយប្រសិនពួកគាត់ពិនិត្យបញ្ជីឈ្មោះទៅ ហើយមិនឃើញស្ថាប័ន ដែលពួកគាត់មានបំណង ចង់ប្រើប្រាស់កម្ចីនោះវាអាចមានបញ្ហា ឬពួកគាត់អាចរាយការណ៍ មកកាន់អាជ្ញាធរមានសមត្ថកិច្ច។

លោកបន្តថា ក្នុងន័យនេះ វានឹងអាចជួយប្រជាពលរដ្ឋ ដែលបំណងចង់ប្រើប្រាស់កម្ចី ងាកមកប្រើប្រាស់កម្ចីផ្លូវការពីស្ថាប័ន ដែលទទួលស្គាល់ពីធនាគារជាតិនៃកម្ពុជា និងអាជ្ញាធារមានសមត្ថកិច្ច ហើយចៀសផុតពីកម្ចីក្រៅ ឬខុសច្បាប់ដែលមានហានិភ័យខ្ពស់”។

លោក សុខ វឿន បានបន្តថា សមាគមទាំងពីរ និងភាគីពាក់ព័ន្ធនានា នឹងបន្តផ្សាព្វផ្សាយ និងបញ្ជ្រាបចំណេះដឹងផ្នែកហិរញ្ញវត្ថុ តាមរយៈកម្មវិធី និងមធ្យោបាយនានាជូនប្រជាពលរដ្ឋ និងសាធារណជន ដើម្បីធ្វើយ៉ាងណាឱ្យមានប្រជាពលរដ្ឋ ធ្វើសម្រេចចិត្តផ្នែកហិរញ្ញវត្ថុ ពិសេសការប្រើប្រាស់កម្ចីបានត្រឹមត្រូវ។

លោកបានបន្តថា ទន្ទឹមនឹងនេះ សមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា និងសមាគមសហព័ន្ធហិរញ្ញវត្ថុ និងបច្ចេកវិទ្យានៃកម្ពុជា បានដាក់ចេញក្រមប្រតិបត្តិ សម្រាប់គ្រឹះស្ថានធនាគារ និងហិរញ្ញវត្ថុ ក៏ដូចជាវិធានផ្តល់កម្ចី ប្រកបដោយទំនួលខុសត្រូវ (Responsible Lending) ដើម្បីជួយឱ្យវិស័យហិរញ្ញវត្ថុ និងអ្នកប្រើប្រាស់កម្ចី (អតិថិជន) មានការរីកចម្រើនទាំងអស់គ្នា។

ចំណែកលោក រ័ត្ន សោភ័ណ អនុប្រធានសមាគមធនាគារនៅកម្ពុជា (ABC) បានថ្លែងថា នាពេលកន្លងមក សមាគមបានផ្សព្វផ្សាយពីបញ្ជីគ្រឹះស្ថានធនាគារ និងហិរញ្ញវត្ថុផ្លូវការ ដែលទទួលបានអាជ្ញាបណ្ណពីធនាគារជាតិនៃកម្ពុជាត្រឹមត្រូវជូនសាធារណៈជន ដើម្បីឱ្យពួកគាត់យល់ជ្រៀបអំពីគ្រឹះស្ថានផ្លូវការ ដែលពួកគាត់អាចទទួលបាន ការប្រើប្រាស់កម្ចីផ្លូវការ និងចៀសវាងពីការប្រើប្រាស់កម្ចីក្រៅផ្លូវការ។

លោកបានថ្លែងបន្តថា “កម្ចីក្រៅផ្លូវការ តែងតែមានលក្ខខណ្ឌងាយស្រួល តែបង្កហានិភ័យខ្ពស់ ដូចជាការប្រាក់ខ្ពស់”។ លោកបន្តថា “ដោយឡែកសម្រាប់គ្រឹះស្ថានធនាគារ និងហិរញ្ញវត្ថុផ្លូវការតែងតែពិនិត្យ និងសួរនាំច្រើន មុនផ្តល់កម្ចីដល់អតិថិជន ហើយអ្វីដែលសំខាន់គឺពិនិត្យមើលលទ្ធភាពសង និងគោលបំណងនៃឥណទាន ហើយទ្រព្យបញ្ចាំគឺស្ថិតនៅចំណុចក្រោយគេនៃលក្ខណៈវិនិច្ឆ័យមុនផ្តល់កម្ចី”។

លោកបន្តថា ដូច្នេះបរិយាបន្នហិរញ្ញវត្ថុ ពិតជាមានសារៈសំខាន់ណាស់ ដែលជំរុញឱ្យប្រជាជនទទួលបាន សេវាហិរញ្ញវត្ថុបានទូលំទូលាយ។

លោក រ័ត្ន សោភ័ណ បានឱ្យដឹងថា បន្ថែមពីលើសនេះ ការផ្សព្វផ្សាយនិងបញ្ជ្រាបចំណេះដឹងផ្នែកហិរញ្ញវត្ថុ តាមរយៈមធ្យោបាយនានាជូប្រជាពលរដ្ឋ និងសាធារណជន គឹស្ថិតនៅក្នុងរបៀបវីវៈសំខាន់ របស់សមាគមទាំងពីរដែលនឹងបន្តផ្សព្វផ្សាយ ជូនប្រជាពលរដ្ជាយាន ក្នុងការសម្រេចចិត្តផ្នែកហិរញ្ញវត្ថុ និងចៀសផុតពីការប្រើប្រាស់ កម្ចីក្រៅផ្លូវការនានា ដែលអាចបង្កហានិភ័យខ្ពស់៕

ក្រុមហ៊ុនអចលនទ្រព្យPFគ្រោងបោះទុន៥៩លានដុល្លារដើម្បីអភិវឌ្ឍន៍គម្រោងប្រើប្រាស់ចម្រុះ

ដោយ: គង់ លាងហួរ

អន្តរជាតិ: ក្រុមហ៊ុនអភិវឌ្ឍន៍អចលនទ្រព្យ Property Perfect Plc (PF) ដែលបានចុះបញ្ជីក្នុងផ្សារហ៊ុនថៃ (SET) គ្រោងបោះទុនប្រមាណ៥៩,៦៦លានដុល្លារ ដើម្បីបង្កើតគម្រោងប្រើប្រាស់ចម្រុះ និងទីស្នាក់ការកណ្តាលថ្មីរបស់ខ្លួននៅលើផ្លូវ Ratchadaphisek ស្ថិតក្នុងទីក្រុង Huai Khwang។

លោក Sanith Adhyanasakul នាយកប្រតិបត្តិក្រុមហ៊ុន PF បានមានប្រសាសន៍ថា គម្រោងនេះនឹងក្លាយជាការអភិវឌ្ឍន៍ បែបពាណិជ្ជកម្មដំបូងបង្អស់របស់ខ្លួន ហើយគម្រោងនេះ នឹងត្រូវចំណាយពេលសាងសង់ចំនួន២ឆ្នាំ និងចាប់ផ្តើមបង្កើតប្រាក់ចំណូលនៅឆ្នាំ២០២៥។

លោកបន្តថា “យើងបានជួលដីនេះកាលពី១០ឆ្នាំមុន ហើយបានស្វែងរកដៃគូ ដើម្បីគ្រប់គ្រងកន្លែងលក់រាយ នៅក្នុងគម្រោងរបស់យើង”។លោកបញ្ជាក់ថា “យើងក៏បានចំណាយរយៈពេល២ខែ ដើម្បីបញ្ចប់កិច្ចព្រមព្រៀង ជាមួយប្រតិបត្តិករក្រុមហ៊ុន Jodd Fairsផងដែរ”។

WeRetail ដែលជាក្រុមហ៊ុនបុត្រសម្ព័ន្ធលក់រាយ របស់ក្រុមហ៊ុនមេ PF បានចុះកិច្ចសន្យាជាមួយលោក Pairoj Roykaew ដែលជាប្រតិបត្តិករក្រុមហ៊ុន Jodd Fairs ដែលនឹងគ្រប់គ្រងតំបន់ទិញទំនិញ នៅក្នុងគម្រោង រួមមានផ្ទៃ ក្នុងទំហំ២៥.០០០ម៉ែត្រការ៉េ ដែលមាន៣ជាន់ និងផ្ទៃខាងក្រៅទំហំ៥,៦រ៉ៃ នៅខាងមុខប៉ម។

ប៉មនេះមានកម្ពស់១២ជាន់ ដែលជាន់ចំនួន៥ត្រូវបានបែងចែកសម្រាប់ការិយាល័យ ដែលមានទំហំសរុប២០.០០០ម៉ែត្រការ៉េ និងត្រូវបានប្រើប្រាស់ដោយក្រុមហ៊ុន PF ជាការិយាល័យកណ្តាលថ្មីរបស់ខ្លួន។

ចំណែក ការិយាល័យមួយចំនួនទៀត ត្រូវបានបែងចែកទៅឱ្យក្រុមហ៊ុនបុត្រសម្ព័ន្ធរបស់ខ្លួនគឺ Grande Asset Hotels & Property Plc.។

គម្រោងមិនបញ្ចេញឈ្មោះនេះ ស្ថិតនៅលើដីទំហំ១៣រ៉ៃ នៅលើផ្លូវ Ratchadaphisek ជិត Big C Extra Ratchadaphisek និងស្ថានីយ៍ MRT របស់ប្រទេសថៃ ដែលក្រុមហ៊ុន PF បានជួលពីម្ចាស់ដីអស់រយៈពេល៣០ឆ្នាំមកហើយ៕

ឯកអគ្គរដ្ឋទូតជប៉ុនថ្មីសរសើរពីការរីកចម្រើនរបស់កម្ពុជាប្រាប់ សម្តេចតេជោ

ដោយៈ វឌ្ឍនៈ

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានស្នើជប៉ុនជួយជំរុញកំណើន ទំហំពាណិជ្ជកម្មទ្វេភាគី ទន្ទឹមគ្នានឹងការជួយជំរុញអ្នកវិនិយោគជប៉ុន មកកាន់កម្ពុជាបន្ថែមទៀត។

សម្តេចតេជោលើកឡើងបែបនេះ ក្នុងពេលអនុញ្ញាត្តឲ្យលោក EUNO Atsushiឯកអគ្គរដ្ឋទូតជប៉ុនថ្មីប្រចាំកម្ពុជា ចូលជួបសម្តែងការគួរសមកាលពីថ្ងៃទី៨ កុម្ភៈកន្លងមកនេះ។

លោកឯកអគ្គរដ្ឋទូតថ្មី ដែលធ្លាប់បានមកកាន់កម្ពុជា កាលពីឆ្នាំ១៩៩២ បានបញ្ជាក់ថា កម្ពុជាបច្ចុប្បន្ន មានការអភិវឌ្ឍយ៉ាងខ្លាំង មានស្ថិរភាព និងមានសន្តិភាព។ ទំនាក់ទំនងរវាងទាំងពីរកម្ពុជា និងប្រទេសជប៉ុន គឺល្អបំផុតនៅពេលនេះ ស្របពេលដែលប្រទេសទាំងពីរ បានជំរុញទំនាក់ទំនងទៅជាដៃគូ យុទ្ធសាស្ត្រគ្រប់ជ្រុងជ្រោយ។

លោកប្ដេជ្ញា និងប្រឹងប្រែងឱ្យអស់ពីសមត្ថភាព ដើម្បីពង្រឹងពង្រីកទំនាក់ទំនងទ្វេភាគីកម្ពុជា-ជប៉ុន ឱ្យកាន់តែរឹងមាំថែមទៀត តាមរយៈជំរុញអ្នកវិនិយោគមកកាន់កម្ពុជា ជំរុញទេសចរណ៍មកកម្ពុជា និងជួយគាំទ្រកម្ពុជា លើការរៀបចំដំណើរការកីឡាស៊ីហ្គេម បោះឆ្នោតនាខែកក្កដាខាងមុខ ការងារដោះមីន កិច្ចសហប្រតិបត្តិការលើវិស័យសេដ្ឋកិច្ច និងការងារដទៃទៀត។

សម្ដេចតេជោ នាយករដ្ឋមន្ត្រី បានមានប្រសាសន៍ថា ជប៉ុនអាចជួយគាំទ្រដំណើរការស៊ីហ្គេមរបស់កម្ពុជា តាមរយៈលើកទឹកចិត្តឱ្យមានអ្នកមកទស្សនា និងរៀបចំឲ្យមានការហោះហើរត្រង់ ឬ Chater Flight មកកាន់កម្ពុជា។ ដោយឡែកលើវិស័យសេដ្ឋកិច្ច និងវិនិយោគ សម្ដេចបានសុំឱ្យឯកឧ ត្តមអគ្គរាជទូត ជួយជំរុញកំណើនទំហំពាណិជ្ជកម្ម រវាងប្រទេសទាំងពីរ និងជួយជំរុញឱ្យអ្នកវិនិយោគ មកកាន់កម្ពុជាកាន់តែច្រើនឡើងថែមទៀត ។

បើតាមរបាយការណ៍ពីក្រុមប្រឹក្សាអភិវឌ្ឍន៍កម្ពុជា បានឱ្យដឹងថាជប៉ុនជាវិនិយោគិន មានគម្រោងវិនិយោគច្រើនជាងគេមួយ ក្នុងចំណោមប្រទេសធំៗ ដែលបានដាក់ទុនវិនិយោគនៅក្នុងប្រទេសកម្ពុជា ដោយក្នុងនោះជប៉ុនបានបណ្ដាក់ទុនទៅលើវិស័យឧស្សាហកម្ម អចលនទ្រព្យ ហិរញ្ញវត្ថុជាដើម ៕

តើទីផ្សារដីធ្លីនៅតែមានឱកាសក្នុងការវិនិយោគទៀតដែរឬទេក្នុងឆ្នាំ២០២៣នេះ?

ដោយៈ សុផារី

ភ្នំពេញ: នៅក្នុងស្ថានភាពពិបាក ទីផ្សារនីមួយៗនៃអចលនទ្រព្យ តែងតែមានទាំងបញ្ហាប្រឈម ឱកាស និងវិបត្តិនៃការវិនិយោគ។

អ្នកជំនាញមើលឃើញថា ទោះយ៉ាងនោះក្តី អ្នកវិនិយោគដីធ្លីនៅតែមានឱកាស ប៉ុន្តែការវិនិយោគត្រូវធ្វើឡើង ប្រកបដោយការពិចារណាសម្រេចចិត្តឲ្យបានច្បាស់លាស់។

លោក ប៉ូវ អ៊ាវគង់ អគ្គនាយកក្រុមហ៊ុន Advance Property បានមានប្រសាសន៍នៅថ្ងៃទី៧ ខែកុម្ភៈ ឆ្នាំ២០២៣ ថា ទោះបីក្នុងមួយរយៈពេលចុងក្រោយនេះចរន្តនៃការទិញដីធ្លី មិនសូវមានច្រើនដូចកាលមុនក្តី ប៉ុន្តែការវិនិយោគនៅលើដីធ្លី នៅក្នុងតំបន់សក្តានុពល នៅតែជាឱកាសមួយដ៏ល្អនៅក្នុងទីផ្សារអចលនទ្រកម្ពុជាក្នុងឆ្នាំ២០២៣។

អ្នកជំនាញរូបនេះ បានណែនាំដល់អ្នក ដែលចង់វិនិយោគដីធ្លីថា ត្រូវតែពិនិត្យ ឲ្យបានច្បាស់លាស់ទៅលើទីតាំង តម្លៃ ទិសដៅអភិវឌ្ឍន៍ និងសក្តានុពលនៃតំបន់ទាំងនោះ។

លោកក៏បានផ្ដល់យោបល់ថា ចំពោះអ្នកវិនិយោគធំៗ គួរតែស្វែងរកការប្រឹក្សាយោបល់ ពីអ្នកជំនាញនៅក្នុងទីផ្សារអចលនទ្រព្យ ផ្នែកដីធ្លីឲ្យបានច្បាស់លាស់ មុននឹងសម្រេចចិត្តវិនិយោគ។

អ្នកជំនាញរូបនេះបានណែនាំថា អ្នកវិនិយោគត្រូវសិក្សាឱ្យបានច្បាស់លាស់អំពីចរន្ត នៃទីផ្សារនិងតម្រូវការនៃទីផ្សារ។ ម្យ៉ាងទៀត ការវិនិយោគនៅក្នុងប្រទេសកម្ពុជា ក៏ពាក់ព័ន្ធជាមួយនឹងការទស្សទាយទុក និងការជ្រើសរើសទីតាំងក្នុងការវិនិយោគផងដែរ ថាតើតំបន់ណាមួយដែលទិញទុកហើយ នឹងផ្ដល់នូវផលចំណេញត្រឡប់មកវិញបានច្រើន។

លោកបញ្ជាក់ថា “អ្នកវិនិយោគដីគួរតែពិចារណា ទៅលើចំណុចទីតាំង ទីកន្លែង តម្លៃ និងទិសដៅវិនិយោគថា តើក្នុងតំបន់នោះនឹងរីកចម្រើនទៅក្នុងទិសដៅច្បាស់លាស់ក្នុងវិស័យណាមួយ?”។

ជាមួយគ្នានេះលោក សន សៀបប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ថា តាមកែសង្កេតរបស់លោកគិតត្រឹមចូលឆ្នាំ២០២២ នេះការទិញលក់ដីធ្លីនៅមានកម្រិតនៅឡើយ។

លោកបានបញ្ជាក់ថា “ប្រសិនបើធៀបជាមួយនឹងឆ្នាំ២០២១ ចរន្ត នៃការទាញលក់ដីធ្លីក្នុងឆ្នាំ២០២២ មានការធ្លាក់ចុះប្រមាណពី២០ ទៅ៣០ភាគរយ”។ លោកបន្តថា “សព្វថ្ងៃនេះសកម្មភាព នៃការលក់ចេញមានចំនួនច្រើនជាងការទិញ ដែលនេះគឺជាបញ្ហាលំបាក របស់ភ្នាក់ងារអចលនទ្រព្យកម្ពុជា”។

យ៉ាងណាក៏ដោយ លោកបញ្ជាក់ថា លំហូរចូលឡើងវិញនៃភ្ញៀវទេសចរណ៍ចិន នឹងជំរុញឲ្យមានលំហូរថវិកា ក្នុងចរន្តសេដ្ឋកិច្ចកម្ពុជា ដែលនឹងជំរុញឲ្យកំណើនសេដ្ឋកិច្ចល្អប្រសើរឡើងវិញ។ កាលណាកំណើនសេដ្ឋកិច្ចល្អប្រសើរនោះ សកម្មភាពក្នុងទីផ្សារដីធ្លីក៏ល្អប្រសើរឡើងវិញផងដែរ៕

លោកឡូង ឌីម៉ងលើកឡើងពីការជ្រើសរើសអាគារជាប់គាំងចំនួន៦០០ដើម្បីដោះស្រាយ

ដោយៈ ជេស៊ីកា

ភ្នំពេញៈ អភិបាលរងខេត្តព្រះសីហនុ លោកឡុង ឌីម៉ង់បានលើកឡើងថា ក្រុមការងារដោះស្រាយបញ្ហាអាគារជាប់គាំង នៅក្រុងព្រះសីហនុ បានជ្រើសរើសអាគារចំនួន៦០០ ដើម្បីយកមកដោះស្រាយ។

លោកបានមានប្រសាសន៍ឲ្យដឹងបែបនេះ ក្នុងវេទិកាពិភាក្សា ដែលរៀបចំដោយសភាពាណិជ្ជកម្មអាមេរិកប្រចាំកម្ពុជា នៅក្នុងគំរោងThe Factory Phnom Penh កាលពីល្ងាចថ្ងៃទី៨ កុម្ភៈថា បញ្ហាអាគារជាប់គាំងនៅក្រុងព្រះសីហនុ មានការលើកឡើងពីចំំនួនអាគារ ចន្លោះ១០០០ ទៅ១១០០ ដែលបាននិងកំពុងជាប់គាំង ប៉ុន្តែយើងជ្រើសរើសអគារចំនួន៦០០ ដើម្បីសិក្សានិងកំណត់អត្តសញ្ញាណ ដើម្បីឈានទៅដោះស្រាយនាពេលខាងមុខ។

លោកបន្តថា “បញ្ហាបច្ចុប្បន្ន គឺមានជម្លោះរវាងម្ចាស់ដី និងម្ចាស់អាគារដែលជាអ្នកអភិវឌ្ឈន៍ ប៉ុន្តែម្ចាស់ដីបានទាមទារយកអគារ ក្រោយពី អ្នកអភិវឌ្ឍន៍មិនបានបង់ប្រាក់ជូនពួកគេ”។ លោកបន្តថា “កិច្ចការនេះមានសភាពស្មុគ្រស្មាញណាស់ ប៉ុន្តែយើងត្រូវតែដោះស្រាយបញ្ហានេះ”។

លោកឡុង ឌីម៉ង់បានបន្តថា រដ្ឋាភិបាលនឹងកំណត់អត្តសញ្ញាណ និងសិក្សារកអ្នកវិនិយោគថ្មី ឲ្យបន្តសាងសង់អាគារជាប់គាំងនានា ដើម្បីឲ្យអគារទាំងនោះអាចដំណើរការឡើងវិញ ប៉ុន្តែទោះជាយ៉ាងណាការដោះស្រាយដោយឈរលើយន្តការបែបនេះ មិនទាន់សម្រេចននៅឡើយទេ។

អ្នកស្រីCatherine Chanអគ្គនាយិកាក្រុមហ៊ុនThe Factory Phnom Penh ដែលកំពុងវិនិយោគកសាងគំរោងអភិវឌ្ឍន៍ចម្រុះ បែបសហគមន៍ជាលើកដំបូង នៅរាជធានីភ្នំពេញបានមានប្រសាសន៍ថា ខេត្តព្រះសីហនុ និងខេត្តសៀមរាប ពិតជាមានសក្តានុពលរីកចម្រើនបន្ថែមទៀត ដោយសារខេត្តទាំងនេះ មានសក្តានុពលលើវិស័យទេសចរណ៍ ប៉ុន្តែអ្នកស្រីសម្រេចជ្រើសរើសវិនិយោគនៅរាជធានីភ្នំពេញ ដោយសាររាជធានីជាបេះដូងរបស់កម្ពុជា៕

ផ្លូវលេខ២០០៤ប្រែពីតំបន់ឃ្លាំងលក់រថយន្តជជុះ ក្លាយជាតំបន់ លំនៅឋានប្រណីតៗ

ដោយៈ វឌ្ឍនៈ

ភ្នំពេញៈ តំបន់តាមបណ្ដោយផ្លូវ២០០៤ពីមុន គ្រាន់តែជាតំបន់ដាក់តាំងលក់រថយន្តជជុះ ឬមួយទឹកប៉ុន្តែបច្ចុប្បន្ននេះ តំបន់តាមបណ្ដោយផ្លូវ២០០៤ បានក្លាយជាតំបន់លំនៅដ្ឋានប្រណីតៗ ដ៏គួរឱ្យទាក់ទាញ ដោយមានក្រុមហ៊ុនក្នុងស្រុកជាច្រើន បានអភិវឌ្ឍន៍លំនៅឋាននៅតំបន់នេះ យ៉ាងមមាញឹក និងបានធ្វើឱ្យតំបន់នេះកាន់តែមានភាពស៊ីវិល័យ។

បើយើងធ្វើដំណើរពីចំណុផ្លូវ២៧១ ឬផ្លូវខេមរភូមិន្ទ មកកាន់ទីស្នាក់ការគណបក្សប្រជាជនកម្ពុជា រាជធានីភ្នំពេញ តាមបណ្ដោយផ្លូវនេះកំពុងមានការកែប្រែយ៉ាងឆាប់រហ័ស ដោយមានផ្សារទំនើប ហាងកាហ្វេល្បីៗ សាលារៀនអន្តរជាតិ និងលំនៅដ្ឋានលំដាប់អភិជនជាច្រើន ដែលខុសពីកាលពីប៉ុន្មានឆ្នាំមុននេះ តំបន់តាមបណ្ដោយផ្លូវ២០០៤ ភាគច្រើនជាងឃ្លាំងលក់រថយន្តជជុះៗតែប៉ុណ្ណោះ ។

តំបន់នេះត្រូវបានចាប់ផ្ដើមមានការអភិវឌ្ឍ ចាប់តាំងពីមានគម្រោងខុនដូមួយរបស់សិង្ហបុរី បានបោះទីតាំងវិនិយោគនៅទីនោះ ហើយបន្តបន្ទាប់ក៏មានគម្រោងផ្សេងៗទៀត បានចាប់ផ្ដើមអភិវឌ្ឍន៍ជាបន្តបន្ទាប់ ដែលនឹងធ្វើឱ្យតំបន់នេះ កាន់តែមមាញឹក និងកាន់តែទំនើបនាពេលឆាប់ៗនេះ ។

អ្នកជំនាញនៃវិស័យអចលនទ្រព្យកម្ពុជាបានមើលឃើញថា តំបន់ផ្លូវ២០០៤នេះគឺជាតំបន់ល្អ និងមានសក្ដានុពល ដោយបច្ចុប្បន្ននេះ មានមន្ទីរពេទ្យ សាលារៀនអន្តរជាតិធំៗ មានផ្សារទំនើប មជ្ឈមណ្ឌលពាណិជ្ជកម្មនិងអាពាហ៍ពិពាហ៍ ក៏ដូចជានៅជិតព្រលានយន្តហោះអន្តរជាតិភ្នំពេញ ដែលធ្វើដំណើរចេញចូលទៅ ព្រលានយន្តហោះបានលឿនរហ័ស។ តំបន់នេះ ក៏ងាយស្រួល ក្នុងការធ្វើដំណើរទៅបណ្ដាខេត្តងាយស្រួល ក្នុងការចេញនិងចូលក្នុងទីក្រុងជាដើម។

លោកច្រឹក សុខនីម អគ្គនាយកក្រុមហ៊ុន Century 21 Mekong បានឱ្យដឹងថា នៅពេលរាជធានីភ្នំពេញកាន់តែរីកសាយ តំបន់ជាយក្រុងកាលពីមុន នឹងក្លាយជាតំបន់ទីប្រជុំជន ឬកណ្ដាលក្រុងវិញ ហើយតំបន់ជាយក្រុង នឹងកាន់តែខិតទៅឆ្ងាយពីទីប្រជុំជនឬកណ្ដាលក្រុង។

លោកបន្តថា ការអភិវឌ្ឍរាជធានីភ្នំពេញ យើងឃើញថានៅកណ្ដាលក្រុង នឹងត្រូវបានយកសម្រាប់អភិវឌ្ឍន៍ តំបន់ពាណិជ្ជកម្មឬអគារខ្ពស់ៗ ហើយតំបន់ជាយៗ នឹងត្រូវអភិវឌ្ឍន៍ជាលំនៅដ្ឋាន ប្រភេទជាផ្ទះជាប់ដី ប៉ុន្តែតំបន់ណា ដែលមានហេដ្ឋារចនាសម្ព័ន្ធច្រើន តំបន់នោះនឹងទទួលបានការអភិវឌ្ឍនិងចាប់អារម្មណ៍ខ្លាំង ពីប្រជាពលរដ្ឋនិងអ្នកវិនិយោគ ។

ចំណែកលោកប៉ូ អ៊ាវគង់ អគ្គនាយកក្រុមហ៊ុនAdvance បានមានប្រសាសន៍កន្លងមកដែរថា កាលណាទីក្រុងកាន់តែរីកចម្រើន ការប្រែសក្ដានុពលនៅក្នុងតំបន់មួយនឹងកើតឡើង ជាក់ស្ដែងតំបន់រោងចក្រ ឧស្សាហកម្មនៅជិតៗក្រុង នឹងត្រូវរើទីតាំងទៅកាន់តំបន់ជាយក្រុង ហើយជំនួសមកវិញនូវលំនៅឋានឬតំបន់ពាណិជ្ជកម្ម៕

PF allots B2bn for HQ, project

SET-listed developer Property Perfect Plc (PF) plans to spend 2 billion baht to develop a mixed-use project and its new headquarters on Ratchadaphisek Road in Huai Khwang, with retail space managed by the operator of Jodd Fairs night bazaar.

Chief executive Sanith Adhyanasakul said the project would be its first commercial development.

It would have a construction period of two years and start generating revenue in 2025.

“We leased this plot 10 years ago, with 20 years remaining on the lease, and always sought a partner to manage retail spaces at our project,” he said.

“We spent two months to finalise a deal with the operator of Jodd Fairs.”
WeRetail, PF’s retail subsidiary, signed a contract yesterday with Pairoj Roykaew, the operator of Jodd Fairs, who will manage shopping areas at the project comprising indoor space of 25,000 square metres covering three floors and an outdoor area covering 5.6 rai in front of the tower.

The tower has 12 storeys, with five allotted for office space totalling 20,000 sq m being used by PF as its new headquarters. Some of the offices are allocated to its unit Grande Asset Hotels & Property Plc.

The unnamed project is on a 13-rai plot on Ratchadaphisek Road near Big C Extra Ratchadaphisek and the Thailand Cultural Center MRT station, which PF has leased from a landlord for 30 years.

Jodd Fairs market opens from 4-12pm and is adjacent to Central Rama 9, one station away from the project.

It has 700-800 shops. Its rental rate is 500 baht per day for a space measuring 4 sq m.

Source: Bangkok Post

ពិធីចុះហត្ថលេខា លើកិច្ចព្រមព្រៀងជាដៃគូសហការ រវាង ក្រុមហ៊ុន ព្របណិកស៍ (ខេមបូឌា) ឯ.ក និងគម្រោងលំនៅឋានវង្ស

បច្ចុប្បន្ន វិស័យអភិវឌ្ឍន៍សំណង់និងសេវាផ្គត់ផ្គង់លំនៅឋាន នៅព្រះរាជាណាចក្រកម្ពុជា គឺជាចំណែកមួយដ៏សំខាន់ ក្នុងការផ្តល់សេចក្តីសុខក្សេមក្សាន្ត និងសហគមន៍រស់នៅក្នុងតំបន់នីមួយៗ ឲ្យមានគុណភាព សោភ័ណភាព ឈានឡើងមួយកម្រិតទៀត។ ប៉ុន្តែអ្វីទាំងនោះក៏មិនមែនត្រឹមម្ចាស់គម្រោងវិនិយោគតែឯងអាចសម្រេចគោលដៅ ជូនដល់អតិថិជនឲ្យបានប្រសិទ្ធិភាពនិងទំនុកចិត្តនោះទេ។ ម៉្លេះហើយគម្រោង លំនៅឋានវង្ស បានតែងតែស្វះស្វែងលើការចាប់យកដៃគូសហការ ក្នុងការផ្តល់សេវានិងផ្តល់ទំនុកចិត្តបន្ថែមជូនដល់អតិថិជនអោយបានកាន់តែប្រសើរឡើងថែមទៀត។

យ៉ាងណាមិញ ព្រឹត្តិការណ៍កាលពីថ្ងៃទី ៨ ខែកុម្ភះ ឆ្នាំ ២០២៣ គម្រោង លំនៅឋានវង្ស បានសម្រេចរៀបចំពិធីចុះហត្ថលេខាលើកិច្ចព្រមព្រៀង ជាដៃគូរសហការរវាង ក្រុមហ៊ុន ព្របណិកស៍ (ខេមបូឌា) ឯ.ក និងគម្រោង លំនៅឋានវង្ស។

លោកជំទាវអគ្គនាយិកានៃគម្រោង លំនៅឋានវង្ស ម៉ឺន ស្រីណែត ក៏បានមានប្រសាសន៍ផងដែរថា “ក្រោមការសិក្សាសម្រេចចិត្តដោយថ្នាក់ដឹកនាំរបស់នាងខ្ញុំ រួមនឹងការស្វែងយល់និងសង្កេតឃើញពីវត្តមាននៃសកម្មភាពការងារដ៏មានជំនាញនិងវិជ្ជាជីវៈ ក្រុមការងារដែលពេញដោយសមត្ថភាព គួបផ្សំនឹងលទ្ធផលស្នាដៃក្នុងការជំរុញទីផ្សារអចលនទ្រព្យ ក៏ដូចជាទីប្រឹក្សាសម្រាប់អតិថិជនកន្លងមក គឺប្រកបដោយគុណភាព ប្រសិទ្ធិភាពពិតប្រាកដ។ ដោយនាងខ្ញុំរំពឹងថាការចាប់ផ្តើមពីថ្ងៃនេះតទៅ គម្រោង លំនៅឋានវង្ស និង ក្រុមហ៊ុន ព្របណិកស៍ គឺនឹងនាំមកនូវការពង្រឹងលើប្រសិទ្ធិភាព និងសមត្ថភាពសម្រាប់គម្រោងនាងខ្ញុំ ព្រមទាំងសម្រាប់អតិថិជនទាំងអស់ ឲ្យកាន់តែមានទំនុកចិត្តប្រកបដោយប្រសិទ្ធិភាពពិតជាក់ជាពុំខាន ”។

គួររំលឹកផងដែរថាគម្រោង លំនៅឋានវង្ស គឺមានចក្ខុវិស័យក្នុងការបង្កើតនូវបរិបទថ្មីនៃការរស់នៅជាសហគមន៍ល្អ ដែលមានភាពសុខដុម ក្នុងលំនៅឋានបែបស៊ីវីល័យ រួមមានអគារពាណិជ្ជកម្ម អគារការិយាល័យ ផ្ទះអាជីវកម្ម និងវីឡា ដែលកំពុងលេចត្រដែតជារូបរាងឡើង ឋិតក្នុងតំបន់មានសក្តានុពលខ្លាំង ជាប់នឹងផ្លូវធំរដ្ឋ50ម៉ែត្រ ជិតនឹងអាកាសយានដ្ឋានថ្មីនិងផ្លូវក្រវាត់ក្រុងទី៣។

ប្រជាជនកម្ពុជាជាប់ចំណាត់ថ្នាក់ជនជាតិមានកម្រិត IQ ខ្ពស់លំដាប់ទី១៥ក្នុងលោក

ដោយ៖ សុផារី

ភ្នំពេញ៖ ប្រជាជនកម្ពុជាបានជាប់ចំណាត់ថ្នាក់ ជាជនជាតិ ដែលមានកម្រិត IQ (Intelligence Quotient) ខ្ពស់លំដាប់ទី១៥ក្នុងចំណោមប្រទេសទាំងអស់នៅក្នុងពិភពលោក ប្រចាំឆ្នាំ២០២៣នេះ។

យោងតាមទិន្នន័យបង្ហាញដោយវេសាយ world population review នៅក្នុងឆ្នាំ២០២៣ នេះ ប្រជាជនជប៉ុនជាប់ចំណាត់ថ្នាក់ជាប្រជាជន ដែលមានកម្រិត IQ ខ្ពស់បំផុត ដោយពិន្ទុ ១០៦,៤៨ តាមដោយជនជាតិតែវ៉ាន់ (ពិន្ទុ ១០៦,៤៨ ) សិង្ហបុរី (ពិន្ទុ ១០៦,៤៧) ហុងកុង (ពិន្ទុ ១០៥,៨៩) ចិន (ពិន្ទុ ១០៤,១០) កូរ៉េខាងត្បូង (ពិន្ទុ ១០២,៣៥) ។ល។

ចំណែកប្រជាជនកម្ពុជាស្ថិតនៅក្នុងលំដាប់ទី១៥ ដោយទទួលបានពិន្ទុចំនួន ៩៩,៧៥។

IQ គឺជារង្វាស់នៃភាពវៃឆ្លាតរបស់អ្នក ហើយត្រូវបានបង្ហាញចេញជាតួលេខ។ IQ របស់មនុស្សម្នាក់ៗអាចគណនាបានដោយឱ្យពួកគេធ្វើតេស្ត៍បញ្ញា ឬភាពវៃឆ្លាត។ ពិន្ទុមធ្យមរបស់IQ គឺស្មើនឹង ១០០។ ប្រសិនបើអ្នកទទួលបានពិន្ទុខ្ពស់ជាង ១០០ មានន័យថាអ្នកឆ្លាតជាងមនុស្សមានបញ្ញាមធ្យម៕

មូលនិធិបរទេសបន្តហូរចូលផ្សារហ៊ុននៅតំបន់អាស៊ី ស្របពេល សេដ្ឋកិច្ចងើបឡើងវិញ

ដោយ: គង់ លាងហួរ

បាងកក: មូលនិធិបរទេសបានបន្តហូរចូល ទៅក្នុងទីផ្សារភាគហ៊ុនអាស៊ីក្នុងខែមករា ដែលគាំទ្រដោយការស្ទុះងើបនៃសេដ្ឋកិច្ច និងការបើកដំណើរការឡើងវិញរបស់ប្រទេសចិន។ នេះបើយោងតាមការសង្ខេបរបស់ផ្សារហ៊ុនថៃ (SET)។

ដោយតម្លៃប្រាក់បាតហក់ឡើងថ្លែ ក្រុមវិនិយោគិនបរទេសកាលពីខែមុនបានប្រកាសទិញផ្សារហ៊ុន និងសញ្ញាប័ណ្ណជាង៥៨ពាន់លានបាត(ប្រហែល១,៧៣ពាន់លានដុល្លារ)។

ទស្សនវិស័យដ៏វិជ្ជមាននេះ ត្រូវបានគាំទ្រដោយការកើនឡើងនៃចំនួនភ្ញៀវទេសចរណ៍ និងលទ្ធភាពដែលកំណើន នៃការនាំចេញអាចបន្តងើបឡើងវិញនាពេលខាងមុខ។

លោក Soraphol Tulayasathien អនុប្រធានប្រតិបត្តិជាន់ខ្ពស់របស់ SET បានមានប្រសាសន៍ថា “ការព្រួយបារម្ភរបស់វិនិយោគិនអំពីការធ្លាក់ចុះនៃសេដ្ឋកិច្ចបានធូរស្រាល ដោយសារអតិផរណាមានការថយចុះ ដែលអាចលើកទឹកចិត្ត ឱ្យធនាគារកណ្តាល បន្ធូរបន្ថយគោលនយោបាយរូបិយវត្ថុលឿនជាងការរំពឹងទុក”។

លោក Soraphol បានបន្តថា “ដោយសារវិនិយោគិនមានជំនឿចិត្តលើសេដ្ឋកិច្ចថៃ គួបផ្សំនឹងការបើកព្រំដែនឡើងវិញ របស់ប្រទេសចិន មូលនិធិ បានបន្តហូរចូលទៅក្នុងទីផ្សារភាគហ៊ុនអាស៊ី ជាពិសេសផ្សារហ៊ុនថៃនៅក្នុងខែមករា”។

កាលពីខែមករា សន្ទស្សន៍ផ្សារហ៊ុនថៃ SET បានហក់ឡើង០,២ភាគរយ ធៀបនឹងខែធ្នូដល់១៦៧១,៤៦ពិន្ទុ ហើយសន្ទស្សន៍គោលបានហក់ឡើង៥,៦ភាគរយបើគិតជាប្រាក់ដុល្លារ៕

1...1,0571,0581,059...3,259 Page 1,058 of 3,259