Lao Airlines ចាប់ផ្តើមជើងហោះហើរពីឡាវ ទៅកាន់ក្រុង ឆាងសា ប្រទេសចិនឡើងវិញ

ដោយៈ សុខុម

វៀងចន្ទន៍: ក្រុមហ៊ុនអាកាសចរណ៍ឡាវ Lao Airlines បានបន្តសេវាកម្មហោះហើររបស់ខ្លួន ទៅកាន់ទីក្រុងឆាងសា (Changsha) ខេត្តហ៊ូណាន (Hunan) ប្រទេសចិន ឡើងវិញកាលពីថ្ងៃសុក្រ សប្ដាហ៍មុន បន្ទាប់ពីបានផ្អាកយ៉ាងយូរ ដោយសារការរឹតបន្តឹងការធ្វើដំណើរដើម្បីទប់ស្កាត់កូវីដ-១៩។

យោងតាមសារព័ត៌មាន Laotian Times ចុះផ្សាយកាលពីថ្ងៃអង្គារ ទី០២ ខែឧសភា ឱ្យដឹងថា ជើងហោះហើរពីរដ្ឋធានីវៀងចន្ទន៍ ទៅកាន់ទីក្រុងឆាងសា គ្រោងនឹងហោះហើរ២ដង ក្នុងមួយសប្តាហ៍គឺនៅថ្ងៃច័ន្ទ និងថ្ងៃសុក្រ ដោយសារកំណើនភ្ញៀវទេសចរ និងអ្នកធ្វើដំណើរក្នុងមុខជំនួញនៅទូទាំងតំបន់។អាជ្ញាធរជឿជាក់ថា ការតភ្ជាប់ផ្លូវហោះហើរបន្ថែមទៀត រវាងប្រទេសឡាវ និងប្រទេសចិន ក៏នឹងជំរុញពាណិជ្ជកម្ម និងសកម្មភាពសេដ្ឋកិច្ចទូទៅរវាងប្រទេសទាំងពីរផងដែរ។

លោក Noudeng Chanthaphasouk ប្រធានផ្នែកពាណិជ្ជកម្មនៃក្រុមហ៊ុនអាកាសចរណ៍ឡាវ បានប្រាប់កាសែត Vientiane Times កាលពីថ្ងៃសុក្រ សប្ដាហ៍កន្លងទៅថា ជើងហោះហើរ ក្រុងវៀងចន្ទន៍-ក្រុងឆាងសា មានតម្រូវការខ្ពស់មុនពេលផ្ទុះវិបត្តិកូវីដ-១៩ ហើយភ្ញៀវទេសចរ និងអាជីវកម្មជាច្រើន បានប្រើប្រាស់ជើងហោះហើរនេះ។

លោកបន្តថា សូម្បីនៅពេលនេះ ទោះជាសំបុត្រយន្តហោះត្រូវបានដាក់លក់ត្រឹមតែ២ថ្ងៃ មុនការហោះហើរលើកដំបូងក៏ដោយ ក៏មានអ្នកដំណើរកក់រហូតដល់ទៅ៨០%។

លោកក៏បានលើកឡើងដែរថា ក្រុមហ៊ុនអាកាសចរណ៍ឡាវ ទទួលបានមតិត្រលប់ជាវិជ្ជមាន ពីទីផ្សារប្រទេសចិន ហើយគ្រោងនឹងបន្ថែមជើងហោះហើរ ទៅកាន់សេដ្ឋកិច្ចធំបំផុតទី២ របស់ពិភពលោកមួយនេះបន្ថែមទៀត ដើម្បីជួយជំរុញវិស័យទេសចរណ៍ និងសម្រួលដល់សកម្មភាពពាណិជ្ជកម្មរវាងប្រទេសទាំង២។

ការធ្វើបែបនេះ នឹងមិនត្រឹមតែជួយធ្វើឱ្យវិស័យទេសចរណ៍ ក្នុងប្រទេសឡាវ មានភាពរស់រវើកឡើងវិញប៉ុណ្ណោះទេ ថែមទាំងធ្វើឱ្យប្រសើរឡើង នូវការតភ្ជាប់របស់ប្រទេសនេះ ជាមួយនឹងតំបន់កាន់តែទូលំទូលាយ និងធ្វើឱ្យសេដ្ឋកិច្ចរបស់ខ្លួនកាន់តែរីកចម្រើនផងដែរ។

ក្រៅពីទីក្រុងឆាងសា ក្រុមហ៊ុនអាកាសចរណ៍ឡាវ ក៏ដំណើរការជើងហោះហើរទៅកាន់ទីក្រុងគុនមីង (Kunming) និងគ័ងចូវ ឬ ក្វាងចូវ (Changzhou) ក្នុងប្រទេសចិន ហើយក៏មានគម្រោងចាប់ផ្តើមសេវាកម្មរបស់ខ្លួន លើផ្លូវហោះហើរជាច្រើនទៀត ដូចជា ពីក្រុងវៀងច័ន្ទ ទៅកាន់ទីក្រុងសៀងហៃ ក្រុងឈឹងទូ (Chengdu) ក្រុងឆាងចូវ (Changzhou) និងក្រុងហាងចូវ (Hangzhou) ផងដែរ៕ Laotian Times៕

Jack Ma ត្រូវបានតែងតាំងជាសាស្ត្រាចារ្យនៅសកលវិទ្យាល័យ តូក្យូមួយទៀត

ដោយៈ សុខុម

តូក្យូ: កំពូលមហាសេដ្ឋី Jack Ma សហស្ថាបនិកក្រុមហ៊ុនបច្ចេកវិទ្យាខ្នាតយក្សរបស់ចិន Alibaba Group Holding ទទួលបានការតែងតាំង ជាសាស្ត្រាចារ្យបំពេញទស្សនកិច្ចបង្រៀន (Visiting Professor) នៅសកលវិទ្យាល័យក្រុងតូក្យូ (University of Tokyo)។ នេះបើយោងតាមគេហទំព័ររបស់សាកលវិទ្យាល័យនេះ។

សាស្ត្រាចារ្យបំពេញទស្សនកិច្ចបង្រៀន ជាសាស្ត្រាចារ្យនៅមហាវិទ្យាល័យ ឬ សកវិទ្យាល័យមួយ ដែលត្រូវបានអញ្ជើញឱ្យទៅបង្រៀននៅមហាវិទ្យាល័យ ឬ សកលវិទ្យាល័យផ្សេងមួយទៀតសម្រាប់រយៈពេលខ្លី ដូចជាមួយឆមាស ឬ មួយឆ្នាំជាដើម។យោងតាមការចុះផ្សាយរបស់សារព័ត៌មាន Japan Times ឱ្យដឹងថា លោក Jack Ma ដែលមានវ័យ៥៨ឆ្នាំ បានចាប់ផ្តើមទទួលមុខតំណែងថ្មីនេះកាលពីថ្ងៃច័ន្ទ ទី១ ដើមខែឧសភា ហើយគេរំពឹងថាលោកនឹងចូលរួមចំណែកក្នុងវិស័យមួយចំនួន។

លោក Jack Ma នឹងផ្តល់អនុសាសន៍ លើប្រធានបទស្រាវជ្រាវ និងធ្វើការសិក្សាស្រាវជ្រាវ ជាពិសេសលើវិស័យកសិកម្ម និងផលិតកម្មស្បៀងដែលប្រកបដោយនិរន្តរភាព។ លោកក៏នឹងផ្ដល់ការបណ្ដុះបណ្ដាលក្នុងសិក្ខាសាលាអំពីសហគ្រិនភាព និងនវានុវត្តន៍ថ្មីផងដែរ។

ដោយធ្លាប់ជាថ្នាក់ដឹកនាំអាជីវកម្ម ដ៏ល្បីល្បាញបំផុតរបស់ប្រទេសចិន លោក Jack Ma បានបាត់ដំណឹងឈឹងគួរឱ្យសង្ស័យ បន្ទាប់ពីលោក បានរិះគន់ក្រុមនិយ័តករចិន ក្នុងឆ្នាំ២០២០ ហើយពេលនោះក្រុមហ៊ុន Ant Group បុត្រសម្ព័ន្ធរបស់ Alibaba ដែលលោកក៏ជាសហស្ថាបនិកដែរនោះ ក៏បានផ្អាកផែនការរបស់ខ្លួនក្នុងការបោះផ្សាយមូលបត្រជាសាធារណៈលើកដំបូង (IPO)។ទោះជាយ៉ាងណា មហាសេដ្ឋីរូបនេះបានលេចមុខជាថ្មី គួរឱ្យភ្ញាក់ផ្អើលនៅទីក្រុងហាងចូវ (Hangzhou) ប្រទេសចិន កាលពីខែមីនា។

ការតែងតាំងជាសាស្ត្រាចារ្យ នៅសកលវិទ្យាល័យក្រុងតូក្យូ នេះកើតមានឡើង បន្ទាប់ពីលោកJack Ma ទើបតែទទួលបានការតែងតាំងជាសាស្ត្រាចារ្យបង្រៀន នៅសកលវិទ្យាល័យហុងកុង (Hong Kong University) កាលពីពេលថ្មីៗនេះ ហើយមុខវិជ្ជាដែលលោកបង្រៀននោះគឺមុខវិជ្ជាពាណិជ្ជកម្ម។ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃសុក្រ ទី២១ ខែមេសានេះ៕ Japan Times៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

តើគំរោងមង្គលវីឡា ព្រៃវែងបុរីមានការវិវត្តដូចម្តេច និងមានទស្សនទានអភិវឌ្ឍន៍បែបណា?

ដោយៈ និស្ស័យ

ព្រៃវែងៈ ទីប្រជុំជននៃស្រុកស្វាយអន្ទរ ដែលកំពុងអភិវឌ្ឍន៍យ៉ាងលឿនក្រោមម្លប់សន្តិភាព អ្នកអភិវឌ្ឍន៍ក្រុងស្រុកមួយចំនួនបាននិងកំពុងសម្លឹងទៅកាន់តំបន់នេះ ជាមួយនឹងបច្ចុប្បន្នភាព ផ្សារភ្ជាប់ជាមួយចក្ខុវិស័យអនាគត។

មង្គលវីឡា ព្រៃវែងបុរីបាននិងកំពុងបង្កើតឡើង ជាមួយអ្នកអភិវឌ្ឍន៍ពោរពេញដោយភាពច្នៃប្រឌិត ការបង្កើតថ្មីឬនវានុវត្តន៍ ដោយប្រែក្លាយផ្ទៃវាលស្រែ ដែលខៀវស្រងាត់នារដូវវស្សា និងព៌ណលឿងទុំនារដូវប្រាំង ទៅជាសហគមន៍ស៊ីវិល័យមួយ ដែលសាធារណៈជនអាចជិះកាយ៉ាក់ អង្គុយគយគន់ទេសភាពថ្ងៃរះ និងថ្ងៃលិចលើខ្ទូសសាងសង់ឡើងប្របមាត់បឹងសម្បនិម្មិត។ការអភិវឌ្ឈន៍មួយ ដែលមានចក្ខុវិស័យច្បាស់លាស់ និងមានភាពចម្រុះបាននិងកំពុងរៀបចំឡើង និងចាប់ផ្តើមបង្ហាញរូបរាងបណ្តើរៗហើយ ស្របពេលផ្ទះអាជីវកម្ម សួនកំសាន្ត ទីធ្លាសាធារណៈ បឹងសំរាប់ជិះទូកកាយ៉ាក់ ផ្សារសហគមន៍ បាននិងកំពុងអភិវឌ្ឈន៍ក្នុងគំរោងមង្គលវីឡា ព្រៃវែងបុរី។

គំរោងអភិវឌ្ឈន៍នេះ បាននិងកំពុងលើកកំពស់សក្តានុពលមូលដ្ឋាន និងគុណតម្លៃសម្រាប់ប្រជាជនរស់នៅ ក្នុងតំបន់ផងដែរ តាមរយៈការផ្តល់ការងារដល់ប្រជាពលរដ្ឋ ការផ្តល់នូវសកម្មភាពនិងការប្រកបអាជីវកម្ម ការកំសាន្ត ការទទួលបានសេវាកម្មអប់រំប្រកបដោយគុណភាពដូចនៅរាជធានីភ្នំពេញផងដែរ។ ជាក់ស្តែងលោកឧកញ៉ាប៉ិច បូឡែនប្រធានសមាគមសហគ្រិនវ័យក្មេង និងជាប្រធានអគ្គនាយកសាលាវេសឡាញន៍ បាននិងកំពុងត្រៀមសាងសង់សាលារៀន នៅក្នុងគំរោងមង្គលវីឡា ព្រៃវែងបុរី ដែលទីតាំងត្រូវបានត្រៀម និងចាប់ផ្តើមសាងសង់នាពេលខាងមុខនេះ។

ការអភិវឌ្ឍន៍ដែលផ្តោតលើទស្សនវិស័យថ្មី និងស្ថិតក្នុងផែនការកសាងកូនទីក្រុងមួយនៅតំបន់នេះ លោកឌិន សុមេធារីទ្ឋម្ចាស់គំរោងមង្គលវីឡា ព្រៃវែងបុរីបានមានប្រសាសន៍ឲ្យដឹង កាលពីពេលថ្មីៗនេះថា យើងបាននិងកំពុងជម្រុញការអភិវឌ្ឍន៍នៅមូលដ្ឋាន និងគាំទ្រការរៀបចំផែនការបង្កើតទីក្រុងថ្មីៗ ដែលមានឋានៈស្មើនឹងស្រុករបស់រដ្ឋាភិបាល ហេតុនេះទើបគំរោងនេះ រៀបចំឡើងក្នុងបរិបទជាទីក្រុងតាមរយៈការរៀបចំហេដ្ឋារចនាសម្ព័ន្ឋ ផែនការប្រើប្រាស់ដីលំអិត និងគំរោងរៀបចំជាផ្សារសហគមន៍ ដែលប្រជាពលរដ្ឋអាចមកលក់ទំនិញបានដោយឥតគិតថ្លៃ។ លោកបន្តថា “យើងកំពុងកសាងទីក្រុងមួយ នៅក្នុងស្រុកស្វាយអន្ទរ ដើម្បីពង្រីកសក្តានុពលសេដ្ឋកិច្ចមូលដ្ឋានផង និងលើកកំពស់ជីវភាពរបស់ប្រជាពលរដ្ឋផង”៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

ក្រុងថ្មីចំនួន២និងស្រុកចំនួន១បានប្រកាសពីសមាសភាពថ្នាក់ ដឹកនាំជាផ្លូវការ

ដោយៈ គង់ សូរិយា

កណ្តាលៈ អភិបាលនៃគណៈអភិបាលខេត្តកណ្តាល លោកគង់ សោភ័ណ្ឌ នៅថ្ងៃទី៣ ខែឧសភា ឆ្នាំ២០២៣នេះ បានអញ្ជើញប្រកាសឱ្យចូលកាន់តំណែងជាផ្លូវការ លោកចាន់ ដារ៉ា ជាអភិបាលក្រុងអរិយក្សត្រ (ទើបបង្កើតថ្មី) លោកអេង សុវិចិត្ត ជាអភិបាលក្រុងសំពៅពូន (ទើបបង្កើតថ្មី) និងលោក ឆែ វណ្ណឌី ជាអភិបាលស្រុកកោះធំ។

រដ្ឋបាលក្រុងអរិយក្សត្រ ត្រូវបានជ្រើសរើសទីតាំងក្នុងបុរីវីឡាទួលសង្កែអរិយក្សត្រ ដែលជាបុរីធំជាងគេទំហំជាង៦០ហិកតា នៅក្នុងតំបន់នេះ។លោកអភិបាលខេត្តបានថ្លែងបន្តថា ពេលបានតំណែងហើយ ត្រូវចេះដាក់ខ្លួន ឥរិយាបថល្អចំពោះមន្ត្រីក្រោមឱវាទ និងពិសេសទៅចំពោះប្រជាពលរដ្ឋ ដោយប្ដេជ្ញា និងដឹងខ្លួនថា ជាអ្នកបម្រើរាស្ត្រមិនតាំងខ្លួនជាចៅហ្វាយរាស្ត្រទេ ហើយត្រូវបម្រើសេវាជូនពួកគាត់ឱ្យល្អ ត្រូវធ្វើយ៉ាងណាឱ្យពួកគាត់ពេញចិត្ត ពេញថ្លើម។

លោកគង់ សោភ័ណ្ឌ ក៏បានជំរុញដល់អភិបាលក្រុង-ស្រុក ដែលទើបតែងតាំងថ្មី ត្រូវមានគណនេយ្យភាព ជាមួយរាជរដ្ឋាភិបាល ថ្នាក់លើ និងធ្វើជាគំរូដោយត្រូវភាពស្មោះត្រង់ មានការទទួលខុសត្រូវ ខិតខំបម្រើ ការពារមន្រ្តីក្រោមឱវាទ និងប្រជាពលរដ្ឋនៅមូលដ្ឋាន។ បន្ថែមលើសនេះ ត្រូវឈ្វេងយល់អំពីច្បាប់នានា ត្រូវសិក្សារៀនសូត្រពីការងារជាក់ស្ដែង រៀនសូត្រពីចាស់ទុំដើម្បីធ្វើឱ្យការងារទទួលបានជោគជ័យកាន់តែប្រសើរឡើង។អភិបាលខេត្តបានសង្កត់ធ្ងន់ថា សម្ដេចតេជោ ហ៊ុន សែន បានខិតខំកសាងប្រទេសជាតិ តាំងពីបាតដៃទទេ មករហូតដល់មានការរីកចម្រើនលើគ្រប់វិស័យ និងមានភាពល្បីរន្ទឺទូទាំងសកលលោក ដូច្នេះសូមមន្ត្រីមូលដ្ឋាន ត្រូវតាំងចិត្ត តាំងស្មារតីខ្លួនឱ្យល្អ ក្នុងការបម្រើដល់ប្រជាពលរដ្ឋ កុំឱ្យមានការថ្នាំងថ្នាក់ មានបញ្ហាត្រូវដោះស្រាយឱ្យបានល្អ ជាពិសេសត្រូវធ្វើយ៉ាងណា បង្កើនការគាំទ្រពីសំណាក់ប្រជាពលរដ្ឋ មកលើរាជរដ្ឋាភិបាលកម្ពុជា ឱ្យបានកាន់តែខ្លាំងឡើងៗ។

ជាមួយគ្នានេះដែរ លោក អេង សុវិចិត្ត អភិបាលក្រុងសំពៅពូន លោក ឆែ វណ្ណឌី អភិបាលស្រុកកោះធំ និងលោក ចាន់ ដារ៉ា អភិបាលក្រុងអរិយក្សត្រ បានប្ដេជ្ញាបម្រើជាតិ បម្រើប្រជាពលរដ្ឋឱ្យអស់ពីសមត្ថភាព និងយកសមត្ថភាពដែលមានមកអនុវត្តន៍ ឱ្យអស់ពីចិត្ត សំដៅប្រសិទ្ធភាពការងារ ប្រកបដោយគុណភាព និងគុណធម៌៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

លោកឧកញ៉ាគីម ហ៊ាងបង្ហើបពីចំណេះដឹងសំខាន់ដែលអ្នកនៅ ក្នុងវិស័យអចលនទ្រព្យត្រួវដឹង

ដោយៈ គង់ សូរិយា

ភ្នំពេញៈ លោកឧកញ៉ា គីម ហ៊ាង ប្រធាន KW Cambodia និងជាអ្នកវិនិយោគ និងអភិវឌ្ឍន៍ ក្នុងវិស័យអចលនទ្រព្យល្បីឈ្មោះមួយរូប នៅកម្ពុជា បានចែករំលែកនូវបទពិសោធន៍របស់ខ្លួន និងប្រាប់ពីចំណេះដឹងដែលគួរតែមាន មុននឹងសម្រេចចិត្តវិនិយោគ ដែលអាចទទួលបានផលនៅក្នុងវិស័យមួយនេះ។ចំណេះដឹងសំខាន់ៗ ដែលវិនិយោគិនអចលនទ្រព្យ គួរតែមាន នោះ ចំណេះដឹងផ្នែកសេដ្ឋកិច្ច

ការមានចំណេះដឹងផ្នែកសេដ្ឋកិច្ចនេះ នឹងជួយដល់វិនិយោគិនឱ្យដឹងពីតម្រូវការទីផ្សារ និងការអភិវឌ្ឍឱ្យចំទិសដៅតែម្ដង។ ពាក្យថាចំណេះដឹងផ្នែកសេដ្ឋកិច្ច គឺត្រូវយល់ពីបរិបទ នៃសេដ្ឋកិច្ចប្រទេសយើង សេដ្ឋកិច្ចប្រទេសក្នុងតំបន់អាស៊ាន ក៏ដូចជាចំណេះដឹងពិភពលោក។ ពេលដែលយើងបានដឹងពីចំណេះដឹងទាំងនេះហើយ វាអាចឱ្យយើងបានត្រៀមខ្លួន និងបានដឹងពីតម្រូវការក្នុងតំបន់ ក៏ដូចជាពិភពលោកផងដែរ។

ចំណេះដឹងផ្នែកនយោបាយ

ក្រៅពីចំណេះដឹងផ្នែកសេដ្ឋកិច្ច អ្នកអភិវឌ្ឍន៍អចលនទ្រព្យត្រូវមានចំណេះដឹងមួយទៀត គឺចំណេះដឹងផ្នែកនយោបាយ។ អ្នករកស៊ីក៏ត្រូវតែមានចំណេះដឹងផ្នែកនេះដែរ ហើយបើសិនជាពាណិជ្ជករទាំងឡាយណា មិនយល់ដឹងពីផ្នែកនយោបាយ មិនតាមដាននយោបាយ វានឹងគ្រោះថ្នាក់។

ប្រទេសជាច្រើនក្នុងពិភពលោក គឺនយោបាយដឹកនាំសេដ្ឋកិច្ច ជាពិសេសប្រទេសក្នុងតំបន់អាស៊ាន និងបណ្ដាប្រទេសនៅអាស៊ី ។អ្នករកស៊ីអ្នកជំនួញ គឺត្រូវដើរតាមនយោបាយ និងដឹងថាថាតើនយោបាយបត់ទៅណា ត្រូវចេះបត់ទៅតាមហ្នឹងដែរ។

ចំណេះដឹងផ្នែកប្រជាសាស្រ្ត និងភូមិសាស្រ្ត

លោកឧកញ៉ាបណ្ឌិតគឹម ហ៊ាង បានបន្ថែមថា ក្រៅពីសេដ្ឋកិច្ច និងនយោបាយ អ្នកអភិវឌ្ឍន៍ក៏ត្រូវមានចំណេះដឹងមួយទៀត គឺកត្តាប្រជាសាស្ត្រ និងភូមិសាស្ត្រ ។

លោកបានលើកជាឧទាហរណ៍ថា មុននឹងការធ្វើអភិវឌ្ឍន៍គម្រោងអ្វីមួយ ត្រូវសិក្សាពីកត្តាប្រជាសាស្ត្រជាមុនសិន ទើបគម្រោងនោះអាចទទួលបានជោគជ័យ ជាពិសេស អ្នកអភិវឌ្ឍន៍ក៏ត្រូវតែចេះមើលពីភូមិសាស្ត្រ នៃតំបន់នីមួយៗផងដែរ មុននឹងបណ្ដាក់ទុនវិនិយោគលើគម្រោងអ្វីមួយ៕

តើទំនាក់ទំនងរវាងកម្ពុជា កូរ៉េបានឈានដល់ដំណាក់កាលណាហើយ និងទទួលបានផ្លែផ្កាដូចម្តេច?

ដោយៈ សហការី

ភ្នំពេញៈ ប្រទេសកម្ពុជា និងសាធារណរដ្ឋកូរ៉េ បានបង្កើតទំនាក់ទំនងការទូតផ្លូវការឡើងវិញនៅថ្ងៃទី ៣០ ខែតុលា ឆ្នាំ ១៩៩៧ ពោលគឺមានរយៈពេលជាង២៦ ឆ្នាំហើយ។

ក្នុងរយៈពេលជាង២៦ឆ្នាំមកនេះ ប្រទេសទាំង២បានបោះជំហានជាវិជ្ជមាន ក្នុងការពង្រឹង និងពង្រីកទំនាក់ទំនង និងកិច្ចសហប្រតិបត្តិការលើគ្រប់វិស័យ និងបានផ្ដល់ផលផ្លែជាច្រើន សម្រាប់ប្រជាជននិងប្រជាជាតិទាំង២។ទំនាក់ទំនងដ៏ល្អនេះ ស្ដែងចេញឱ្យឃើញតាមរយៈការផ្លាស់ប្ដូរទស្សនកិច្ចជាញឹកញាប់ របស់ថ្នាក់ដឹកនាំនៃប្រទេសទាំង២ កំណើននៃទំហំពាណិជ្ជកម្ម ការវិនិយោគ និងទេសចរណ៍ក៏ដូចជាការផ្លាស់ប្ដូររវាងប្រជាជន និងប្រជាជនផងដែរ។

ក្នុងក្របខ័ណ្ឌនយោបាយ ថ្នាក់ដឹកនាំនៃប្រទេសទាំង ២ បានបន្តការប្រាស្រ័យទាក់ទងគ្នាជាញឹកញាប់។ ជាក់ស្ដែងសម្ដេចតេជោនាយករដ្ឋមន្ត្រីហ៊ុន សែនបានបំពេញទស្សនកិច្ចនៅសាធារណរដ្ឋកូរ៉េ ចំនួន៨លើក ខណៈដែល លោកឧបនាយករដ្ឋមន្ត្រីប្រាក់ សុខុន បានបំពេញទស្សនកិច្ចនៅកូរ៉េចំនួន២លើក។

ដោយឡែកថ្នាក់ដឹកនាំកូរ៉េ រួមមាន អតីតប្រធានាធិបតី រ៉ូ មូយុន (Roh Moohyun) អតីតប្រធានាធិបតី លី ម្យុងបាក់ (Lee Myungbak) អតីតប្រធានាធិបតី មូន ជេអ៊ីន (Moon Jaein) ហើយកាលពីចុងឆ្នាំ ២០២២ កន្លងមកនេះលោកប្រធានាធិបតី យូន ស៊ុកយ៉ល (Yoon Sukyeol) ក៏បានបំពេញទស្សនកិច្ច និងចូលរួមកិច្ចប្រជុំនៅកម្ពុជាផងដែរ។

ប្រទេសទាំង២ក៏មានយន្ដការ ដើម្បីជំរុញកិច្ចសហប្រតិបត្តិការទ្វេភាគីផងដែរ ក្នុងនោះមានកិច្ចប្រជុំគណៈកម្មការចម្រុះកម្ពុជាសា.កូរ៉េ ដែលធ្វើឡើងជារៀងរាល់២ឆ្នាំម្ដង និងកិច្ចប្រជុំគណៈកម្មាធិការសេដ្ឋកិច្ចចម្រុះ ដែលធ្វើឡើងជារៀងរាល់ឆ្នាំ។

ពាក់ព័ន្ធនឹងទំនាក់ទំនងសេដ្ឋកិច្ចកូរ៉េ គឺជាដៃគូពាណិជ្ជកម្មដ៏សំខាន់មួយរបស់កម្ពុជា។ ក្នុងរយៈពេលប៉ុន្មានឆ្នាំចុងក្រោយនេះ ទំហំពាណិជ្ជកម្មទ្វេរភាគី មានការកើនឡើងជាលំដាប់ ទោះស្ថិតក្នុងស្ថានភាពនៃជំងឺកូវីដ១៩ក៏ដោយ។យោងតាមទិន្នន័យពីក្រសួងពាណិជ្ជកម្មបង្ហាញថា ទំហំពាណិជ្ជកម្មកម្ពុជា-កូរ៉េ បានកើនពី៧២៩,១៣ លានដុល្លារ ក្នុងឆ្នាំ២០២០ ដល់៧៧៨,៩២លានដុល្លារ ក្នុងឆ្នាំ ២០២២។

ដោយឡែកអ្នកវិនិយោគកូរ៉េឈរនៅលំដាប់ទី២ ដែលមានទុនវិនិយោគច្រើនជាងគេ នៅក្នុងប្រទេសកម្ពុជា ពោលគឺមានប្រមាណ ៥,០៦ប៊ីលានដុល្លារ គិតចាប់ពីឆ្នាំ១៩៩៤ ដល់ឆ្នាំ ២០២២ ដែលគ្របដណ្ដប់លើគម្រោងចំនួន២២២ នេះបើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា។ លើសពីនេះកិច្ចព្រមព្រៀងពាណិជ្ជកម្មសេរីកម្ពុជាកូរ៉េ (CKFTA) និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ដែលបានចូលជាធរមានថ្មីៗនេះនឹងជួយជំរុញបន្ថែមទៀត នូវទំនាក់ទំនាក់ទំនងពាណិជ្ជកម្ម និងវិនិយោគរវាងប្រទេសទាំង២។

សាធារណរដ្ឋកូរ៉េ ក៏ជាប្រទេសដែលផ្ដល់ឥណទាន និងជំនួយឥតសំណងដ៏សំខាន់មួយ សម្រាប់ការអភិវឌ្ឍហេដ្ឋារចនាសម្ព័ន្ធរូបវ័ន្ដ និងសេដ្ឋកិច្ចសង្គម នៅកម្ពុជា។ ផ្លូវជាតិលេខ ៣ (កំពត-ត្រពាំងរពៅ) ផ្លូវជាតិលេខ៣ (ភ្នំពេញ-កំពត) ផ្លូវជាតិលេខ ៣១ ផ្លូវជាតិលេខ ៣៣ និងផ្លូវជាតិលេខ១១៧ ត្រូវបានសាងសង់រួច ក្រោមកម្ចីឥណទានរបស់កូរ៉េស្របពេល ដែលគម្រោងសាងសង់ផ្លូវជាតិលេខ២ លេខ ២២ និងលេខ៤៨ ព្រមទាំងការកែលម្អផ្លូវជនបទជំហានទី ៣ និងការកែលម្អស្ទឹងសៀមរាបជំហានទី២ កំពុងដំណើរការ។ ចំណែកឥណទានសម្រាប់គម្រោងស្ពានមិត្តភាពកម្ពុជា-សា.កូរ៉េ ដែលមានទឹកប្រាក់ប្រមាណ២៤៦លានដុល្លារ ក៏ត្រូវបានចុះហត្ថលេខារួចហើយ កាលពីថ្ងៃទី៩ ខែធ្នូ ឆ្នាំ ២០២២ កន្លងមកនេះ។

ដោយឡែកកូរ៉េ គឺជាគោលដៅធំទី២ ដែលបានទទួលពលករចំណាកស្រុកកម្ពុជាទៅធ្វើការ។ គិតចាប់ពីឆ្នាំ២០០៧ ដល់ខែតុលា ឆ្នាំ ២០២២ កម្ពុជាបានបញ្ជូនពលករសរុប៧៥,៨៥២នាក់ ទៅធ្វើការនៅកូរ៉េ ក្នុងនោះ៤៨ ០៥៩ នាក់កំពុងធ្វើការនៅតាមរោងចក្រ និងកសិដ្ឋាននានា ដែលទទួលបានប្រាក់ខែជាមធ្យម ប្រមាណ១ ៤៥០ ដុល្លារ។

យោងតាមប្រសាសន៍របស់ឯកឧត្តម បណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ ដែលបានថ្លែងក្នុងឱកាសមហាសង្ក្រាន្តនៅកូរ៉េ កាលពីថ្ងៃទី ១៦ ខែមេសា ឆ្នាំ ២០២៣ ថា ជាមធ្យមពលករខ្មែរដែលធ្វើការនៅកូរ៉េ អាចផ្ញើប្រាក់ទៅគ្រួសារប្រមាណ១ពាន់ដុល្លារក្នុង១ខែ និងបានរួមចំណែករកប្រាក់ចំណូលជូនជាតិប្រមាណ៦០០ លានដុល្លារជារៀងរាល់ឆ្នាំ។លោករដ្ឋមន្ត្រី បន្ថែមទៀតថាកូរ៉េ ជាប្រទេសតែ១គត់ ដែលបន្តនាំយកពលករខ្មែរទៅធ្វើការ ក្នុងអំឡុងផ្ទុះវិបត្តិជំងឺកូវីដ១៩។លទ្ធផលទាំងអស់នេះ កើតចេញពីទំនាក់ទំនងដ៏ល្អរវាងប្រទេសទាំង២ ជាពិសេសក្រោមការដឹកនាំដ៏ឈ្លាសវៃ របស់សម្ដេចតេជោនាយករដ្ឋមន្ត្រី ដែលសម្ដេចតែងតែព្យាយាម បង្កើតទំនាក់ទំនងឱ្យបានល្អជាមួយប្រទេសដទៃ ពោលគឺពង្រឹងទំនាក់ទំនាក់ទំនងជាមួយប្រទេសចាស់ និងពង្រីកទំនាក់ទំនងជាមួយប្រទេសថ្មី។

ក្រៅពីនេះ ទំនាក់ទំនងរវាងប្រជាជន និងប្រជាជនរវាងប្រទេសទាំង២មានការកើនឡើងគួរឱ្យកត់សម្គាល់។

គិតត្រឹមដើមឆ្នាំ ២០២៣ នេះពលរដ្ឋកម្ពុជាជាង៧ម៉ឺននាក់ កំពុងរស់នៅកូរ៉េ រួមទាំងពលរដ្ឋដែលរៀបការជាមួយជនជាតិកូរ៉េ។ ពលរដ្ឋខ្មែរទាំងនោះ បានបង្កើតជាសហគមន៍ខ្មែរ ប្រចាំតំបន់នានា ដើម្បីរក្សាទំនាក់ទំនង និងជួយគ្នាក្នុងសហគមន៍ផង និងដើម្បីលើកកម្ពស់វប្បធម៌ប្រពៃណីរបស់ខ្មែរផង។

ជារៀងរាល់ឆ្នាំ ពលរដ្ឋខ្មែរនៅតាមសហគមន៍ និងនៅតាមតំបន់នានាបានរៀបចំពិធីបុណ្យសំខាន់ៗរបស់ខ្មែរ រួមមាន បុណ្យភ្ជុំបិណ្ឌ និងបុណ្យចូលឆ្នាំ ដើម្បីថែរក្សាទំនៀមទម្លាប់ប្រពៃណី ដ៏ល្អរបស់ខ្មែរ និងផ្សព្វផ្សាយអំពីទំនៀមទម្លាប់ ប្រពៃណីដ៏ល្អនោះ ដល់ប្រជាជនកូរ៉េ។ ជាក់ស្ដែងក្នុងឆ្នាំ ២០២៣ នេះបន្ទាប់ពីស្ថានភាពកូវីដ ១៩ បានធូរស្បើយ និងបន្ទាប់ពីកូរ៉េកបើកប្រទេសឡើងវិញ ពលរដ្ឋខ្មែរនៅតាមតំបន់នានា រួមមានតំបន់ជេជូ តំបន់ប៊ូសាន តំបន់គូមី តំបន់ក្វាងជូធំ និងតំបន់អឺយចុងប៊ូបានរៀបចំសង្ក្រាន្ដឆ្នាំ ២០២៣ យ៉ាងអធិកអធម និងមានការចូលរួមយ៉ាងច្រើនកុះករ។

ដោយឡែកស្ថានទូតកម្ពុជាប្រចាំកូរ៉េ បានសហការជាមួយក្រសួងការងារ និងបណ្ដុះបណ្ដាលវិជ្ជាជីវៈ និងសមាគមខ្មែរប្រចាំកូរ៉េ រៀបចំមហាសង្ក្រាន្ដនៅកូរ៉េឆ្នាំ ២០២៣ នៅទីក្រុងអឺយចុងប៊ូ ដោយមានការចូលរួមជាអធិបតីពី លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងគណៈប្រតិភូពីកម្ពុជា មន្ត្រីស្ថានទូត អង្គទូតនានានិងប្រជាពលរដ្ឋខ្មែរ ដែលកំពុងរស់នៅ និងធ្វើការនៅកូរ៉េជាង៥ពាន់នាក់។ការអនុញ្ញាតឱ្យសហគមន៍ខ្មែរ អាចរៀបចំព្រឹត្តិការណ៍នានា នៅលើទឹកដីកូរ៉េ ក៏កើតចេញពីទំនាក់ទំនងដ៏ល្អ រវាងស្ថានទូតកម្ពុជានៅកូរ៉េ ជាមួយនឹងអាជ្ញាធរពាក់ព័ន្ធកូរ៉េ ក៏ដូចជាទំនាក់ទំនងដ៏ល្អរវាងរដ្ឋាភិបាលនៃប្រទេសទាំង២ផងដែរ។

ទាំងអស់នេះគ្រាន់តែចំណុចខ្លះៗ នៃផលផ្លែដែលកើតចេញពីទំនាក់ទំនងដ៏ល្អរវាងប្រទេសទាំង២ ដោយមិនរាប់បញ្ចូលវិស័យសន្ដិសុខ ការពារជាតិ ការអប់រំ និងកិច្ចសហប្រតិបត្តិលើឆាកអន្តរជាតិ។ ក្រោមការដឹកនាំដ៏ប៉ិនប្រសប់ របស់ប្រមុខរាជរដ្ឋាភិបាលកម្ពុជា ដែលមានសម្ដេចតេជោហ៊ុន សែន ជានាយករដ្ឋមន្ត្រីនោះ ច្បាស់ណាស់ កម្ពុជានឹងបន្តពង្រឹង និងពង្រីកកិច្ចសហប្រតិបត្តិការដ៏ល្អ ដែលមានស្រាប់នេះ ឱ្យកាន់តែរឹងមាំថែមទៀតជាមួយកូរ៉េ ដើម្បីទាញយកផលប្រយោជន៍សម្រាប់ប្រជាជនទាំង២៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

ប្រទេសរុស្ស៊ីចោទប្រកាន់ប្រទេសអ៊ុយក្រែន ថាប៉ុនប៉ងធ្វើឃាត លោកវ្លាឌីមៀ ពូទីន ដល់វិមានក្រឹមឡាំង

ដោយៈសុខុម

ម៉ូស្គូ: ប្រទេសរុស្ស៊ី ចោទប្រកាន់ប្រទេសអ៊ុយក្រែន ថាបានប៉ុនប៉ងធ្វើការវាយប្រហារ ដោយយន្តហោះដ្រូនពេលយប់ ទៅលើវិមានក្រឹមឡាំង ក្នុងគោលបំណងធ្វើឃាត ប្រធានាធិបតីរុស្ស៊ី លោក វ្ល៉ាឌីមៀ ពូទីន។

នេះជាការចោទប្រកាន់ដ៏ធ្ងន់ធ្ងរបំផុត ដែលរដ្ឋាភិបាលក្រុងមូស្គូ បានធ្វើឡើង ទៅលើរដ្ឋាភិបាលទីក្រុងគៀវ ចាប់តាំងពីរុស្ស៊ី បានបញ្ឆេះសង្គ្រាមចូលឈ្លានពានទៅលើអ៊ុយក្រែន ដែលជាប្រទេសក្បែរខាង។

ការចោទប្រកាន់នេះ ត្រូវបានធ្វើឡើងកាលពីថ្ងៃពុធ ទី៣ ខែឧសភា ពីសំណាក់រដ្ឋាភិបាលរុស្ស៊ី និងត្រូវបានទីភ្នាក់ងារព័ត៌មានរដ្ឋមួយចំនួនចុះផ្សាយព្រោងព្រាត។មន្ត្រីជាន់ខ្ពស់របស់ប្រធានាធិបតីអ៊ុយក្រែន លោក Mykhailo Podolyak បានប្រាប់ទីភ្នាក់ងារព័ត៌មាន Reuters ថា រដ្ឋាភិបាលទីក្រុងគៀវ គ្មានអ្វីពាក់ព័ន្ធនឹងឧប្បត្តិហេតុ ដូចដែលត្រូវបានចោទប្រកាន់នោះទេ។

តាមរយៈសំណេរបង្ហោះ លើបណ្ដាញទំនាក់ទំនងសង្គមTwitter មន្ត្រីរូបនេះបានច្រានចោលថា ការអះអាងរបស់ប្រទេសរុស្ស៊ី គ្មានការពិត និងគ្មានមូលដ្ឋាន ហើយនិយាយថា “ច្បាស់ណាស់ថា ប្រទេសរុស្ស៊ី កំពុងត្រៀមបើកការវាយប្រហារភេរវកម្មទ្រង់ទ្រាយធំ”។

ក្រុមមន្ត្រីរុស្ស៊ីបញ្ជាក់ថា នៅពេលកើតហេតុ លោក ពូទីន មិនបានស្ថិតនៅក្នុងវិមានក្រឹមឡាំងនោះទេ ហើយវិមានក្រឹមឡាំង ក៏មិនបានទទួលរងការខូចខាតនោះដែរ ដោយព្រមានថា ពួកគេមានសិទ្ធិធ្វើការសងសឹកវិញ។

សារព័ត៌មានរដ្ឋ RIA បានផ្សាយថា “វិមានក្រឹមឡាំង បានធ្វើការវាយតម្លៃសកម្មភាពទាំងនេះថា ជាសកម្មភាពភេរវកម្មគ្រោងទុក និងជាការប៉ុនប៉ងធ្វើឃាត លោកប្រធានាធិបតីនៅមួយថ្ងៃ មុនទិវាជ័យជម្នះ គឺការហែក្បួនព្យុះហយាត្រាថ្ងៃ៩ ឧសភា”។

សារព័ត៌មាននេះបានបន្ថែមថា លោក ពូទីន មិនបានផ្លាស់ប្តូរកាលវិភាគរបស់លោកនោះទេ ហើយកំពុងធ្វើការនៅរបស់លោកនៅនិវេសនដ្ឋានNovo Ogaryovo របស់លោកនៅខាងក្រៅទីក្រុងមូស្គូ។

លោក Pavel Felgenhauer អ្នកវិភាគផ្នែកការពារជាតិរុស្ស៊ី ដែលមានតួនាទី ជាមន្ត្រីស្រាវជ្រាវជាន់ខ្ពស់ នៅបណ្ឌិត្យសភាវិទ្យាសាស្ត្រសូវៀត (Soviet Academy of Sciences) បានប្រាប់សារព័ត៌មាន Al Jazeera ថា ដើម្បីសងសឹក ប្រទេសរុស្ស៊ី អាចនឹងបញ្ជាកងកម្លាំងរបស់ខ្លួន នៅក្នុងប្រទេសអ៊ុយក្រែន ឱ្យធ្វើការវាយប្រហារទៅលើការិយាល័យ ប្រធានាធិបតីនៅកណ្តាលទីក្រុងគៀវ៕ Aljazeera៕

Washington agrees to lessen burden on Korean firms investing in US

South Korea and the United States have agreed to minimize uncertainty and business burdens for Korean companies investing in the U.S. arising from the implementation of the CHIPS Act, according to the Ministry of Trade, Industry and Energy, Friday. The two nations also decided to work closely with Korean companies to address their concerns regarding the Inflation Reduction Act (IRA).

Minister of Trade, Industry and Energy Minister Lee Chang-yang and his counterpart U.S. Secretary of Commerce Gina Raimondo issued a joint declaration at the first U.S.-Korea Supply Chain and Commercial Dialogue in Washington, D.C., held on the occasion of President Yoon Suk Yeol’s state visit to the U.S. on Thursday (local time).

The two countries agreed to minimize investment uncertainty and management burdens for companies under the obligations set out in the CHIPS Act, including the conditions for applying for subsidies and the guardrail clause that limits semiconductor production capacity in China for 10 years upon receipt of a subsidy.

Korea and the U.S. will also establish a public and private semiconductor cooperation forum to strengthen ties in the chip industry between the two countries.

Regarding semiconductor export controls, where the U.S. has banned the export of U.S.-made equipment to semiconductor companies in China, they will discuss how to operate export control measures more predictably to minimize supply chain disruptions after the expiration of the one-year blanket license applied to Korean companies in October.

The U.S. has been attempting to limit China’s chip technology development through the CHIPS Act but the details of the regulations have raised concerns over Korean companies actively selling their chips in China.

Source: Korea Times

Over 24,400 businesses with investment capital of $7.4 billion registered with single portal

More than 24,400 businesses with a total of US$7.42 billion in investment capital have been registered in the first phase of the Online Business Registration System known as Single Portal under the Ministry of Economy and Finance – as of April this year.

Over 14,500 business names of companies are in the stage of checking for approval, a ministry’s report said.

In terms of investment value by sector, construction took the lead, accounting for 15 percent, equal to US$1,050 million, followed by real estate 12 percent, equal to US$893 million.

Management consultant activities represented 10 percent, manufacturing 5 percent, financial and insurance activities 4 percent, and others 54 percent, the report added.

Men-owned businesses accounted for 62 percent of the total registered businesses, the same source pointed out.

The ministry launched the first phase of the Online Business Registration platform on June 15, 2020, and the second phase on Sept. 15, 2021.

Aun Pornmoniroth, Deputy Prime Minister and Minister of Economy and Finance, has said that the new system cut down on complex procedures, repetition of information, lost time and the cost of the old process.

All registrations are automatically shared with the relevant ministries and institutions for review and approval, ensuring that all departments are kept in the loop, he stressed.

Source: Khmer Times

តើហេតុអ្វីបានជាការអភិវឌ្ឍសំណង់នៅលើកោះត្រូវចំណាយទុនខ្ពស់ជាងដល់ទៅ៣ដងនៃការអភិវឌ្ឍនៅលើដីគោក

ភ្នំពេញ ៖ បច្ចុប្បន្ននេះ វិនិយោគិនក្នុងនិងអន្តរជាតិជាច្រើនបានចាប់អារម្មណ៍និងវិនិយោគនៅតំបន់កោះជាហូរហែរដែលធ្វើឱ្យបណ្ដាកោះនានានៅក្នុងប្រទេសកម្ពុជាចាប់ផ្ដើមមានការអភិវឌ្ឍជាបន្តបន្ទាប់ ។យ៉ាងណាក្ដីការអភិវឌ្ឍសំណង់នានានៅលើកោះត្រូវចំណាយទុនខ្ពស់រហូតដល់៣ដងនៃការអភិវឌ្ឍនៅលើដីគោក ។

លោក Ateeb Shrestha អ្នកគ្រប់គ្រងទូទៅនៃរីសតកោះក្របី នៅក្នុងខេត្តព្រះសីហនុបានមានប្រសាសន៍ថា ការចំណាយលើការសាងសង់សំណង់នានា ដូចជាបន្ទប់ស្នាក់នៅ វីឡានិងសំណង់នានា ត្រូវការចំណាយលុយច្រើនជាងការអភិវឌ្ឍនៅតំបន់ដីគោក ។ លោកថា”មុននឹងយើងទទួលបានសមិទ្ធផលសំណ់ងវីឡា រីសតនេះ គឺយើងត្រូវការដឹកជញ្ជូនសម្ភារៈមកកាន់កំពង់ផែ រួចហើយត្រូវដឹកតាមទូកម្ដងបន្តិចៗមកកាន់ដីកោះ ហើយដូចយើងដឹងហើយការដឹកជញ្ជូនតាមផ្លូវទឹកពីកំពង់ផែមកកាន់កោះ គឺត្រូវចំណាយលុយច្រើន ” ។

លោកបន្តថា ការអភិវឌ្ឍនៅលើដីកោះត្រូវការពេលវេលា គឺត្រូវធ្វើម្ដងបន្តិចៗ មិនមែនដូចការអភិវឌ្ឍនៅលើដីគោកនោះទេ ហើយការថែទាំក៏ត្រូវចំណាយច្រើនជាងការថែទាំសំណង់នៅដីគោកដូចគ្នាដែរ ។
បើតាមលោកគួច ចំរើន អភិបាលខេត្តព្រះសីហនុបានមានប្រសាសន៍ថា បើសិនជាយើងអភិវឌ្ឍន៍សំណង់មួយឬក៏វីឡាមួយនៅលើដីកោះ យើងអាចយកលុយនោះទៅអភិវឌ្ឍន៍ដីគោកបានដល់ទៅ៣ឯណោះ ដូច្នេះហើយ ការអភិវឌ្ឍនៅលើកោះត្រូវចំណាយទុន៣ដងនៃ ទុននៅលើដីគោក ។

លោកបន្តថា បច្ចុប្បន្ននេះ មានក្រុមហ៊ុនបរទេសនិងក្នុងស្រុកជាច្រើន ចាប់អារម្មណ៍តំបន់កោះនៅក្នុងខេត្តព្រះសីហនុ ហើយបានអភិវឌ្ឍកោះនានាក្នុងខេត្តព្រះសីហនុជាបន្តបន្ទាប់ ដោយបច្ចុប្បន្នក្នុងចំណោមកោះទាំងអស់ក្នុងខេត្តព្រះសីហនុត្រូវបានក្រុមហ៊ុនប្រឹក្សាអភិវឌ្ឍន៍អនុម័តឱ្យធ្វើការវិនិយោគប្រមាណ៧០ភាគរយទៅហើយ ។
លោកថោង ខុន រដ្ឋមន្ត្រីក្រសួងទេសចរណ៍ក៏បានមានប្រសាសន៍ថា ទេសចរណ៍តំបន់កោះឃើញថាមានការកើនឡើងគួរឱ្យកត់សម្គាល់ ដូច្នេះការអភិវឌ្ឍតំបន់កោះក៏បានជួយលើកស្ទួយវិស័យទេសចរណ៍និងជាផលិតផលទេសចរណ៍បន្ថែមសម្រាប់ភ្ញៀវទេសចរក្នុងនិងក្រៅប្រទេស ថ្វីត្បិតតែការស្នាក់នៅនិងការចំណាយនៅលើកោះមានតម្លៃខ្ពស់ជាងនៅលើគោកក៏ពិតមែន តែ ក៏មានភ្ញៀវទេសចរក្នុងស្រុកជាច្រើនដែលមានលទ្ធភាពបានទៅសម្រាកនិងកម្សាន្តនៅតំបន់កោះជាច្រើនផងដែរ ៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!