ដំណឹងល្អៈតម្លៃសំបុត្រយន្តហោះធ្វើដំណើរទៅមករវាងចិន និងកម្ពុជាកំពុងធ្លាក់ចុះដល់កម្រិតមុនជំងឺកូវីដ

ដោយ: គង់ លាងហួរ

ភ្នំពេញ: តម្លៃសំបុត្រយន្តហោះធ្វើដំណើរទៅមករវាង កម្ពុជា និងចិន ដែលបានឡើងថ្លៃខ្លាំង ក្នុងអំឡុងពេលនៃជំងឺកូវីដ-១៩ និងបានកំពុងធ្លាក់ចុះជាលំដាប់ ដល់តម្លៃមុនជំងឺរាតត្បាត។

លោក ឆាយ ស៊ីវលីន ប្រធានសមាគមទេសចរណ៍កម្ពុជា បានបញ្ជាក់ប្រាប់សារព័ត៌មានក្នុងស្រុក កាលពីម្សិលមិញនេះថា តម្លៃសំបុត្រយន្តហោះ ពីភ្នំពេញទៅប្រទេសចិនបច្ចុប្បន្ន មានតម្លៃចន្លោះពី៤០០ដុល្លារ ទៅជាង៥០០ដុល្លារ អាស្រ័យលើតំបន់។

លោកស្រីបានចង្អុលបង្ហាញថា “តម្លៃនេះប្រហែលជា មិនបន្តធ្លាក់ចុះទេ ទោះបីជាប្រទេសចិន ប្រកាសលុបចោលវិធានការកូវីដ-១៩ ចាប់ពីថ្ងៃទី ៨ ខែមករា យ៉ាងណាក្តី”។ លោកស្រីបានបន្តថា “តម្លៃអាចនឹងកើនឡើងបន្តិច ប្រសិនបើជើងហោះហើរមិនត្រូវបានបន្ថែមទេ ព្រោះតម្រូវការអាចកើនឡើង”។

ប្រទេសចិនបានប្រកាសកាលពីថ្ងៃទី២៧ ខែធ្នូថា ខ្លួននឹងបញ្ចប់ តម្រូវការសម្រាប់ការចូលប្រទេសនេះ ចាប់ពីថ្ងៃទី០៨ ខែមករា ឆ្នាំ២០២៣ ដែលជាជំហានដ៏សំខាន់ ឆ្ពោះទៅរកការបើកប្រទេសឡើងវិញ ចាប់តាំងពីការបិទព្រំដែនរបស់ខ្លួន នៅដើមឆ្នាំ២០២០ ។

លោក ស៊ិន ច័ន្ទសិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល ក៏បានបញ្ជាក់ប្រាប់សារព័ត៌មានមួយផងដែរថា បន្ទាប់ពីប្រទេសចិនបានប្រកាសបើកប្រទេសឡើងវិញ ក្រុមហ៊ុនទេសចរណ៍ចិនមួយចំនួន បានបង្ហាញនិន្នាការនៃការតភ្ជាប់ ជើងហោះហើរត្រង់មកកម្ពុជាឡើងវិញ។

លោកបន្តថា “បច្ចុប្បន្នមានក្រុមហ៊ុនអាកាសចរណ៍ចិន បានស្នើសុំរក្សាទុកចំណតសម្រាប់ពួកគេរួចហើយ”៕

រដ្ឋាភិបាលថៃគ្រោងបន្តផែនការផលិតធនធានប្រេងរួមគ្នានៅឈូង សមុទ្រថៃជាមួយកម្ពុជា

ដោយ: គង់ លាងហួរ

អន្តរជាតិ: យោងតាមប្រភពរដ្ឋាភិបាលបានឱ្យដឹងថា រដ្ឋាភិបាលថៃគ្រោងបន្តផែនការ រយៈពេលជាច្រើនឆ្នាំរបស់ខ្លួន ក្នុងការផលិតធនធានប្រេងនៅឈូងសមុទ្រថៃរួមគ្នាជាមួយប្រទេសកម្ពុជា។

ប្រភពដដែលបានឲ្យដឹងថា ឧបនាយករដ្ឋមន្ត្រីថៃ លោកPrawit Wongsuwon បានជំរុញឲ្យមានកិច្ចសហប្រតិបត្តិការ ជាមួយប្រទេសកម្ពុជាជាច្រើនឆ្នាំមកហើយ។

លោកបានពិភាក្សាជាមួយ លោក ស៊ុយ សែម រដ្ឋមន្ត្រីក្រសួងរ៉ែ និងថាមពលកម្ពុជា នៅទីក្រុងបាងកក កាលពីថ្ងៃទី ១៦ ខែធ្នូ ឆ្នាំ ២០២២ កន្លងទៅ ដោយភាគីទាំងពីរបានចាត់ទុកកិច្ចសហប្រតិបត្តិការ ដែលអាចធ្វើទៅបាន ជាដំណោះស្រាយចំពោះបញ្ហាកង្វះថាមពល។

កាលពីថ្ងៃអង្គារកន្លងទៅ គណៈរដ្ឋមន្ត្រីថៃមានការពិភាក្សាក្រៅផ្លូវការមួយស្តីពី ការសម្រេចបាននូវការផលិតធនធានប្រេងរួមគ្នា ដែលត្រូវបានប៉ាន់ស្មានថា មានចំនួន៥ពាន់ពាន់លានបាត (ប្រហែល១៤៦,៥៤ពាន់លានដុល្លារ)។

ប្រភពដដែលបានបន្តថា ចំណាត់ការនេះបានកើតឡើង ក្រោយពីមានសញ្ញាវិជ្ជមានពីកម្ពុជា ក្នុងការស្តារការចរចាឡើងវិញ ស្តីពីការផលិតប្រេងរួមគ្នាលើតំបន់ទាមទារត្រួតគ្នា (OCA) រវាងប្រទេសទាំងពីរ ដោយផ្អែកលើគំរូតំបន់អភិវឌ្ឍន៍រួមម៉ាឡេស៊ី-ថៃ (JDA) ។

នាយករដ្ឋមន្ត្រីថៃ លោក ប្រាយុទ្ធ ចាន់អូចា បានមានប្រសាសន៍ថា បញ្ហានេះមានសារៈសំខាន់ និងមានភាគីពាក់ព័ន្ធជាច្រើន ហើយក្រសួងការបរទេស និងក្រសួងថាមពលថៃ បាននិងកំពុងត្រួតពិនិត្យលើបញ្ហានេះផងដែរ៕

Indian gov’t signs 1.2 bln USD loan agreements with ADB for infrastructure projects

NEW DELHI, Jan. 3 (Xinhua) — India’s federal government and the Asian Development Bank (ADB) Tuesday signed four different loan agreements worth 1.22 billion U.S. dollars for developing infrastructure in four Indian states, the federal finance ministry said.

The four separate agreements would cover infrastructural projects ranging from metro rail, power, and road to economic areas in Tamil Nadu, Tripura, Assam and Maharashtra respectively.

According to the finance ministry, a 350 million dollar loan from ADB will be used to build new lines and improve the connectivity of the metro rail system in Chennai, the capital city of Tamil Nadu.

In Tripura, a 220 million dollar loan will be used to strengthen the state’s power sector. Likewise, a 300 million dollar loan from ADB will be used to upgrade over 300 km of state highways and major district roads in Assam.

For Maharashtra, a 350 million dollar loan will be used to improve the connectivity of key economic areas in the state, the ministry said.

Source: Xinhua

ប្រទេសជប៉ុនគ្រោងស្វែងរកការគាំទ្រពីសហរដ្ឋអាមេរិកលើផែនការ យុទ្ធសាស្ត្រការពារជាតិថ្មីរបស់ខ្លួន

ដោយ: គង់ លាងហួរ

វ៉ាស៊ីនតោន: ប្រធានាធិបតីអាមេរិក លោកចូ បៃដិន និងនាយករដ្ឋមន្ត្រីជប៉ុន លោកFumio Kishida ត្រូវបានគេរំពឹងថា នឹងជួបពិភាក្សាទល់មុខគ្នា នៅទីក្រុងវ៉ាស៊ីនតោន នៅថ្ងៃទី១៣ ខែមករា ខាងមុខនេះ។

ជំនួបរវាងសហរដ្ឋអាមេរិក និងដៃគូអាស៊ីដ៏សំខាន់របស់ខ្លួន ក្នុងការក្រោកឈរឡើង ចំពោះការកើនឡើងឥទ្ធិពលរបស់ចិន បានកើតមានឡើង ស្របពេលដែល ប្រទេសកូរ៉េខាងជើង បានតេស្តសាកល្បងកាំជ្រួច និងអំពាវនាវ ឱ្យមានការបង្កើនឃ្លាំងអាវុធនុយក្លេអ៊ែរធំជាងនេះ ដោយធ្វើឱ្យសម្ព័ន្ធមិត្តអាមេរិកមានក្តីបារម្ភនៅក្នុងតំបន់។

លោក Kishida គ្រោងនឹងពិភាក្សា អំពីគោលនយោបាយសន្តិសុខថ្មីរបស់ទីក្រុងតូក្យូ ក្នុងការកសាងយោធាដ៏ធំបំផុតមិនធ្លាប់មាន ចាប់តាំងពីសង្គ្រាមលោកលើកទី២។ នេះបើយោងតាមការចុះផ្សាយដោយ កាសែតប្រចាំថ្ងៃ Yomiuri របស់ជប៉ុន កាលពីសប្តាហ៍មុន ដោយដកស្រង់ប្រភពរដ្ឋាភិបាលជប៉ុន ដែលមិនបញ្ចេញអត្តសញ្ញាណជាច្រើន។

សេតវិមានអាមេរិក បានបដិសេធមិនធ្វើអត្ថាធិប្បាយ លើផែនការណាមួយសម្រាប់កិច្ចប្រជុំនេះទេ ដោយខ្លួនមិនបានប្រកាស ហើយស្ថានទូតជប៉ុន ក៏បានបដិសេធមិនបញ្ជាក់កាលបរិច្ឆេទផងដែរ។

នៅក្នុងដំណើរទស្សនកិច្ចទៅកាន់ប្រទេសជប៉ុន កាលពីខែឧសភា ឆ្នាំ២០២២ លោកចូ បៃដិន បានសាទរចំពោះការប្តេជ្ញាចិត្តរបស់ លោក Kishida ក្នុងការពង្រឹងសមត្ថភាពការពារជាតិរបស់ជប៉ុន។

ផែនការការពារជាតិ ក្នុងទំហំទឹកប្រាក់៣២០ពាន់លានដុល្លាររបស់ជប៉ុន រួមមាន ការទិញមីស៊ីល ដែលមានសមត្ថភាពវាយប្រហារប្រទេសចិន និងត្រៀមខ្លួនសម្រាប់ជម្លោះរយៈពេលវែង ស្របពេលមានក្តីបារម្ភថា សង្គ្រាមឈ្លានពាន របស់រុស្ស៊ីលើអ៊ុយក្រែន អាចជំរុញប្រទេសចិនឱ្យធ្វើសង្គ្រាមជាមួយកោះតៃវ៉ាន់ ដែលជាអ្នកជិតខាងរបស់ជប៉ុន។

ប្រទេសជប៉ុន ក៏នឹងរៀបចំធ្វើជាម្ចាស់ផ្ទះ នៃកិច្ចប្រជុំក្រុមប្រទេសG7 នៅឆ្នាំ២០២៣នេះ រួមទាំងកិច្ចប្រជុំកំពូលរបស់ថ្នាក់ដឹកនាំ នៅក្នុងខែឧសភា នៅទីក្រុងហ៊ីរ៉ូស៊ីម៉ា ដែល លោក ចូ បៃដិនគ្រោងនឹងចូលរួមផងដែរ។

សមាជិករបស់ក្រុមប្រទេស G7 នេះ រួមមាន សហរដ្ឋអាមេរិក ចក្រភពអង់គ្លេស បារាំង អាល្លឺម៉ង់ អ៉ីតាលី ជប៉ុន និងកាណាដា នឹងផ្តោតសំខាន់លើកិច្ចខិតខំប្រឹងប្រែងរបស់ លោកចូ បៃដិន ក្នុងការធ្វើឱ្យ សម្ព័ន្ធភាពរបស់សហរដ្ឋអាមេរិក មានភាពរស់រវើកឡើងវិញ ដើម្បីប្រឆាំងនឹងការគំរាមកំហែងពីប្រទេសចិន រុស្ស៊ី និងលើសពីនេះ។

រដ្ឋមន្ត្រីក្រសួងការបរទេសជប៉ុន លោក Yoshimasa Hayashi បានបញ្ជាក់ប្រាប់សន្និសីទសារព័ត៌មាន Reuters NEXT ថា ប្រទេសជប៉ុននឹងប្រើប្រាស់តួនាទីដឹកនាំG7 និងអង្គការសហប្រជាជាតិ ដើម្បីដាក់សម្ពាធលើរុស្ស៊ីឱ្យបញ្ឈប់សង្គ្រាមរបស់ខ្លួននៅអ៊ុយក្រែន។

លោក Christopher Johnstone ប្រធានកម្មវិធីជប៉ុននៅមជ្ឈមណ្ឌលគិតគូរផ្នែកយុទ្ធសាស្ត្រ និងអន្តរជាតិនៃទីក្រុងវ៉ាស៊ីនតោន បានមានប្រសាសន៍ថា ដំណើរទស្សនកិច្ចរបស់ លោកKishida នឹងពង្រឹងជំហររបស់ជប៉ុន ក្នុងនាមជាសម្ព័ន្ធមិត្តដ៏សំខាន់បំផុតរបស់អាមេរិក នៅក្នុងតំបន់ឥណ្ឌូប៉ាស៊ីហ្វិក។

លោកបានបន្តថា លោក Kishida នឹងស្វែងរកការយល់ព្រមពីលោក ចូ បៃដិន លើយុទ្ធសាស្ត្រសន្តិសុខ និងការពារជាតិរបស់ជប៉ុន និងជាពិសេស ការគាំទ្រលើការទិញសមត្ថភាពប្រឆាំង ការវាយប្រហាររបស់សហរដ្ឋផងដែរ។

យុទ្ធសាស្ត្រការពារជាតិរបស់ជប៉ុន ទាមទារឱ្យមានការដាក់ឱ្យប្រើប្រាស់កាំជ្រួចTomahawk ផលិតដោយសហរដ្ឋអាមេរិក ក្នុងពេលដ៏ខ្លីខាងមុខនេះ ប៉ុន្តែមិនបានបញ្ជាក់ពីពេលវេលាកំណត់នោះទេ។

លោកChristopher Johnstone បន្ថែមថា លោក Kishida នឹងស្វែងរកការគាំទ្រ របស់ប្រធានាធិបតីអាមេរិក ដើម្បីចាត់ចំណាត់ការយ៉ាងឆាប់រហ័ស។

សហរដ្ឋអាមេរិក និងជប៉ុន ក៏នឹងផ្តោតយ៉ាងខ្លាំងលើបញ្ហា សន្តិសុខផ្នែកសេដ្ឋកិច្ច ទាក់ទងនឹងប្រទេសចិន រួមទាំងកិច្ចសហប្រតិបត្តិការលើការត្រួតពិនិត្យការនាំចេញ សម្រាប់បច្ចេកវិទ្យានានា ដូចជា បន្ទះ semiconductors ជាដើម៕

Biden, Japan’s Kishida expected to meet in Washington as soon as Jan 13: Report

US President Joe Biden and Japanese Prime Minister Fumio Kishida are expected to meet in Washington as soon as Jan 13, a person engaged in the preparations told Reuters on Tuesday (Jan 3).

The meeting between Washington and its key Asian partner in standing up to China’s increasing might comes as North Korea’s missile tests and calls for a larger nuclear arsenal worry US allies in the region.

Kishida plans to discuss Tokyo’s new security policy, which saw the unveiling in December of Japan’s biggest military build-up since World War II, Japan’s Yomiuri daily newspaper reported last week, citing multiple unidentified Japanese government sources.

The White House declined to comment on any plans for the meeting, which it has not announced. Japan’s embassy also declined to confirm dates.

On a visit to Japan in May, Biden applauded Kishida’s determination to strengthen Japanese defence capabilities.

Japan’s US$320 billion defence plan includes the purchase of missiles capable of striking China and readying the country for sustained conflict, amid concerns that Russia’s Ukraine invasion could embolden China to move against self-ruled Taiwan, a neighbour of Japan.

Japan hosts the Group of 7 nations this year, including a leaders’ summit in May in Hiroshima that Biden plans to attend. The club, which also includes the United Kingdom, France, Germany, Italy and Canada, has been a focus of Biden’s efforts to revitalise US alliances to counter threats from China to Russia and beyond.

Japan also took up a two-year term on the UN Security Council on Jan 1 and holds the rotating monthly presidency of the 15-member body for January.

Japanese Minister of Foreign Affairs Yoshimasa Hayashi told a Reuters NEXT conference last month Japan will use G7 and UN leadership roles to pressure Russia to halt its war in Ukraine.

Christopher Johnstone, head of the Japan program at Washington’s Center for Strategic and International Studies think tank, said Kishida’s visit would reinforce Japan’s stature as America’s most critical ally in the Indo-Pacific.

He said Kishida would seek Biden’s endorsement of his national security and defence strategies, and in particular support for its acquisition of counterstrike capabilities.

“Japan’s defence strategy
calls for the introduction of US-made Tomahawk cruise missiles in the near term, but does not specify a timeline. Kishida will look for the president’s support to move quickly,” he said.

“They will also focus heavily on ‘economic security’ issues related to China, including cooperation on export controls for sensitive technologies like semiconductors”.

Source: Reuters/ec

ADBផ្តល់កម្ចីជាង១០០០លានដុល្លារដើម្បីអភិវឌ្ឍគម្រោងហេដ្ឋារចនា សម្ព័ន្ធក្នុងប្រទេសឥណ្ឌា

ដោយ: គង់ លាងហួរ

អន្តរជាតិ: ក្រសួងហិរញ្ញវត្ថុសហព័ន្ធឥណ្ឌាបានឱ្យដឹងថា រដ្ឋាភិបាលសហព័ន្ធរបស់ប្រទេសឥណ្ឌា និងធនាគារអភិវឌ្ឍន៍អាស៊ី (ADB) បានចុះហត្ថលេខា លើកិច្ចព្រមព្រៀងកម្ចីចំនួន៤ផ្សេងគ្នា ដែលមានតម្លៃ១,២២ពាន់លានដុល្លារអាមេរិក សម្រាប់ការអភិវឌ្ឍហេដ្ឋារចនាសម្ព័ន្ធ នៅក្នុងរដ្ឋចំនួន៤របស់ប្រទេសឥណ្ឌា។

កិច្ចព្រមព្រៀងចំនួន៤ដាច់ដោយឡែក នឹងគ្របដណ្តប់លើគម្រោងហេដ្ឋារចនាសម្ព័ន្ធនានា រាប់ចាប់ពី ផ្លូវរថភ្លើងក្រោមដី ថាមពល និងផ្លូវ ទៅកាន់តំបន់សេដ្ឋកិច្ចនៅរដ្ឋ Tamil Nadu, រដ្ឋ Tripura រដ្ឋ Assam និងរដ្ឋ Maharashtra រៀងៗគ្នា។

យោងតាមក្រសួងហិរញ្ញវត្ថុបានឱ្យដឹងថា ប្រាក់កម្ចីចំនួន៣៥០លានដុល្លារ ពីធនាគារ ADB នឹងត្រូវបានប្រើប្រាស់ ដើម្បីសាងសង់ ខ្សែផ្លូវដែកថ្មី និងធ្វើអោយប្រសើរឡើងនូវ ការតភ្ជាប់នៃប្រព័ន្ធរថភ្លើងក្រោមដី នៅទីក្រុង Chennai ដែលជារដ្ឋធានីនៃរដ្ឋ Tamil Nadu ។

នៅទីក្រុង Tripura ប្រាក់កម្ចីចំនួន២២០លានដុល្លារ នឹងត្រូវបានប្រើប្រាស់ ដើម្បីពង្រឹងវិស័យថាមពលរបស់រដ្ឋ។

ដូចគ្នានេះដែរ ប្រាក់កម្ចីចំនួន៣០០លានដុល្លារពីធនាគារ ADB នឹងត្រូវបានប្រើប្រាស់ ដើម្បីធ្វើឱ្យប្រសើរឡើងនូវផ្លូវហាយវេរបស់រដ្ឋ ដែលមានប្រវែងជាង៣០០គីឡូម៉ែត្រ និងផ្លូវសំខាន់ៗនៅក្នុងរដ្ឋ Assam ។

សម្រាប់រដ្ឋ Maharashtra ប្រាក់កម្ចីចំនួន៣៥០លានដុល្លារ នឹងត្រូវបានប្រើប្រាស់ ដើម្បីធ្វើឱ្យប្រសើរឡើងនូវ ការតភ្ជាប់នៃតំបន់សេដ្ឋកិច្ចសំខាន់ៗ នៅក្នុងរដ្ឋមួយនេះ៕

លោកឧកញ៉ាបណ្ឌិតគីម ហ៊ាងលើកឡើងពីគុណតម្លៃរបស់បុរីវិមានសំណាង

ដោយៈ គង់ សូរិយា

ភ្នំពេញៈ ជាមួយនឹងការគិតគូ ដល់បែបផែននៃការរស់នៅសម័យថ្មី និងមានភាពស៊ីវិល័យ បុរីវិមានសំណាងបាន និងកំពុងគិតពីផាសុខភាពដល់អ្នករស់នៅ និងចូលរួមលើកកំពស់ស្តង់ដាបៃតង និងគុណភាពជីវិតរបស់អ្នកទិញលំនៅដ្ឋានក្នុងបុរីទំហំជាង២០ហិកតានេះ។

លោកឧកញ៉ាបណ្ឌិតគីម ហ៊ាងប្រធានKW Cambodia និងកំពុងអភិវឌ្ឍន៍បុរីវិមានសំណាង បានមានប្រសាសន៍ឲ្យដឹងលើផេកផ្លូវការរបស់លោកាលពីពេលថ្មីៗនេះថា បុរី វិមានសំណាងបានសាងសង់ លើផ្ទៃដី២៥ហិកតា មានព្រែកធម្មជាតិហូរកាត់ប្រវែង១០០០ម៉ែត្រ ដែលយើងនឹងមើលថែរអោយបានល្អ និងស្អាត ដើម្បីជាផលប្រយោជន៍រួមសម្រាប់បងប្អូន ពុកម៉ែ ពូមីង និងមិត្តភក្តិ ដែលរស់នៅក្នុងបុរី វិមានសំណាងផ្ទាល់តែម្តង។

លោកបន្តថា បុរីវិមានសំណាង ស្ថិតនៅភាគខាងជើងក្រសួងរៀបចំដែនដី នគរូបនីយកម្ម និងសំណង់ថ្មីចម្ងាយប្រមាណ២៥០០ម៉ែត្រ និងជាទីតាំងមួយដែលព័ទ្ឋជុំវិញដោយផ្សារទំនើប ផ្សារសហគមន៍ រមណីយដ្ឋានធម្មជាតិ និងធ្វើដំណើរប្រមាណ១០នាទី ទៅដល់ពហុកីឡាដ្ឋានមរតកតេជោ ដែលជាទីតាំងនឹងរៀបចំកីឡាស៊ីហ្គេម នៅឆ្នាំ២០២៣ខាងមុខនេះ។

លោកឧកញ៉ាបណ្ឌិតគីម ហ៊ាងបានបន្តថា តំបន់ភាគខាងជើង ជាតំបន់ ដែលមានក្រុមអភិជនចាប់ផ្តើមចូលទៅរស់នៅច្រើន ដោយសារតំបន់

មានហេដ្ឋារចនាសម្ព័ន្ឋល្អប្រសើរ ក្រសួងធំៗមួយចំនួនបានបោះទីតាំងនៅតំបន់នេះ ពិសេសផ្សារទំនើបលំដាប់អន្តរជាតិដូចជា AEON Mall2 , Global House, Makro, និងគំរោងអភិវឌ្ឍន៍ជាច្រើនបាន និងកំពុងលេចរូបរាង និងត្រៀមបង្ហាញវត្តមាននៅតំបន់នេះ។

លោកឧកញ៉ាបានបន្តថា “អ្វីកាន់តែពិសេសតំបន់នេះ ជាតំបន់តភ្ជាប់រវាងផ្លូវជាតិលេខ៥ មហាវិថីឈ្នះៗ និងផ្លូវជាតិលេខ៦អា ដែលជាតំបន់មានការអភិវឌ្ឍន៍លឿន និងជាតំបន់ត្រៀមសម្រាប់ ការចាប់ផ្តើមប្រារពកីឡាស៊ីហ្គេមនាឆ្នាំ២០២៣ខាងមុខ ដែលធ្វើឲ្យតំបន់នេះកាន់តែទាក់ទាញការចាប់អារម្មណ៍ពីក្រុមអ្នកមានលុយកាន់តែច្រើន ចូលមករស់នៅតំបន់នេះ៕

លោកឧបនាយករដ្ឋមន្រ្តីជា សុផារ៉ាថ្លែងអំណរគុណក្រុមហ៊ុនសុខាអូតែលដែលអភិវឌ្ឍន៍យ៉ាងសកម្មលើរមណីយដ្ឋានបូកគោ

ដោយៈ គង់ សូរិយា

កំពតៈ អញ្ជើញចូលរួមបើកការដ្ឋានសាងសង់ ពុទ្ឋបដិមាខ្ពស់ជាងគេនៅកម្ពុជា និងពិភពលោកក្នុងរចនាបទទ្រង់ភ្នែន លោកឧបនាយករដ្ឋមន្រ្តីជា សុផារ៉ាបានថ្លែងអំណរគុណដល់ក្រុមហ៊ុនសុខាអូតែល។

លោកឧបនាយករដ្ឋមន្រ្តីបានថ្លែងបែបនេះ ក្នុងពេលអញ្ជើញជាតំណាងដ៏ខ្ពង់ខ្ពស់សម្តេចតេជោហ៊ុន សែននាយករដ្ឋមន្រ្តីនៃកម្ពុជាក្នុងពិធីបើកកាតដ្ឋានសាងសង់ពុទ្ឋបដិមាកំពស់១០៨ម៉ែត្រ លើកំពូលភ្នំបូកគោ នាចំណុចវាលស្រែ៥០០នាព្រឹកថ្ងៃទី៤ មករាកន្លងមកនេះ។

លោកឧបនាយករដ្ឋមន្ត្រី ជា សុផារ៉ា បានថ្លែងអំណរគុណដល់ក្រុមហ៊ុនសុខាអូតែល ដែលបានរួមចំណែកយ៉ាងសកម្ម ក្នុងការអភិវឌ្ឍន៍តំបន់រមណីយដ្ឋានបូកគោ និងបានផ្ដួចផ្ដើមគំនិតសាងសង់ ព្រះពុទ្ធបដិមានេះឡើង ដែលនឹងក្លាយទៅជាមជ្ឈមណ្ឌលទេសចរណ៍ ព្រះពុទ្ធសាសនាដ៏ធំមួយនៅព្រះរាជាណាចក្រកម្ពុជា និងលើពិភពលោក។

ជាមួយគ្នានេះ លោកជំទាវឧកញ៉ាសុខ ចន្ថា តំណាងក្រុមហ៊ុនសុខាអូតែលបានឱ្យដឹងថា ដោយពិនិត្យឃើញថា មានបណ្ដាប្រទេសជាច្រើននៅលើពិភពលោក ជាពិសេសប្រទេសកាន់ព្រះពុទ្ធសាសនា បានសាងសង់ព្រះពុទ្ធរូបធំៗ ដើម្បីរំលឹកដល់គុណព្រះសម្មាសម្ពុទ្ធ និងជាទីសក្ការៈប្រកបដោយភាពទាក់ទាញ តាមរចនាបទប្រទេសនីមួយៗនោះ ដូច្នេះហើយទើបក្រុមហ៊ុនសុខាអូតែល មានគំនិតផ្ដួចផ្ដើមសាងសង់ ព្រះពុទ្ធបដិមាដ៏ធំមួយអង្គនៅលើខ្នងភ្នំបូកគោ ស្ថិតក្នុងភូមិសាស្ត្រវាលស្រែ៥០០ នៃឧទ្យានជាតិព្រះមុនីវង្សបូកគោ ដើម្បីជាទីសក្ការៈសម្រាប់ពុទ្ធសាសនិកជន ប្រតិបត្តិធម៌និងឧទ្ទិសសុំសេចក្តីសុខ សេចក្តីចម្រើនរុងរឿងជានិច្ចនិរន្ត តរៀងទៅសម្រាប់ប្រជាពលរដ្ឋ និងព្រះរាជាណាចក្រកម្ពុជាទាំងមូល។

លោកជំទាវបន្តថា គម្រោងសាងសង់ព្រះពុទ្ធបដិមានេះ ត្រូវបានធ្វើការសិក្សា និងសាងសង់ស្ថាបត្យកម្ម ដោយយុវស្ថាបត្យករជាកុលបុត្រកុលធីតាខ្មែរមួយក្រុម ដោយមានការផ្ដល់យោបល់បន្ថែម ពីក្រុមការងារអន្តរក្រសួង ដឹកនាំដោយក្រសួងបរិស្ថាន និងចូលរួមដោយក្រសួងធម្មការនិងសាសនា ក្រសួងវប្បធម៌និងវិចិត្រសិល្បៈ ក្រសួងរៀបចំដែនដី នគរូបនីយកម្ម និងសំណង់ ក្រសួងទេសចរណ៍និងរដ្ឋបាលខេត្តកំពត។

ក្នុងនាមអាជ្ញាធរដែនដី លោកម៉ៅ ធនិន អភិបាលនៃគណៈអភិបាលខេត្តកំពតមានប្រសាសន៍ថា ក្រោមការដឹកនាំរបស់ប្រមុខរាជរដ្ឋាភិបាលកម្ពុជា បានធ្វើឲ្យប្រទេសជាតិមានសុខសន្តិភាព ស្ថេរភាពនយោបាយ និងមានការអភិវឌ្ឍលើគ្រប់វិស័យទូទាំងប្រទេស ក៏ដូចជា ក្នុងខេត្តកំពតមានការអភិវឌ្ឍលើហេដ្ឋារចនាសម្ព័ន្ធសំខាន់ៗ ជាច្រើនសម្រាប់បម្រើឲ្យផលប្រយោជន៍របស់ប្រជាពលរដ្ឋ សំដៅលើកកម្ពស់ជីវភាពរបស់ប្រជាពលរដ្ឋ ឲ្យកាន់តែប្រសើរឡើង។

លោកបន្តថា ដោយឡែកចំពោះការបើកការដ្ឋានសាងសង់ ព្រះពុទ្ធបដិមាកំពស់១០៨ ម៉ែត្រនៅលើខ្នងភ្នំបូកគោនាពេលនេះ គឺជាសមិទ្ធផលថ្មីមួយទៀតនៅក្នុងខេត្តកំពត ក្នុងការរួមចំណែកលើកកម្ពស់ ការប្រតិបត្តិព្រះពុទ្ធសាសនា ដែលជាសាសនារបស់រដ្ឋ និងបង្កើតបាននូវសក្តានុពលទេសចរណ៍ថ្មីមួយទៀតផងដែរ៕

ខេត្តកំពត និងកែបកាន់តែបង្ហាញសក្ដានុពលក្រោយពេលរដ្ឋាភិបាលនិងក្រុមហ៊ុនឯកជនអភិវឌ្ឍន៍គំរោងធំៗជាច្រើន

ដោយៈ វឌ្ឍនៈ

កំពត/កែបៈ តំបន់មួយចំនួននៃខេត្តកំពត និងកែប ក្នុងរយៈពេលចុងក្រោយនេះត្រូវបានមើលឃើញថា កំពុងបង្ហាញពីការទាក់ទាញបន្ថែមទៀត ក្រោយរដ្ឋ និងឯកជនបង្ហាញគម្រោងអភិវឌ្ឍន៍ជាបន្តបន្ទាប់ ទាំងហេដ្ឋារចនាសម្ព័ន្ធនិងតំបន់រមណីយដ្ឋាន។

ខេត្តទាំងពីរនេះរំពឹងថា នឹងទទួលបានកំណើនភ្ញៀវទេសចរ តម្រូវការសេវាសម្រាប់ភ្ញៀវទេសចរ ក៏នឹងកើនឡើងទៅតាមនោះផងដែរ។

គម្រោងអភិវឌ្ឍន៍ហេដ្ឋារចនាសម្ព័ន្ធតភ្ជាប់ពីភ្នំពេញ និងផ្លូវនៅក្នុងតំបន់នៃខេត្តទាំងពីរគឺផ្លូវលេខ៣១ និងផ្លូវលេខ៣៣ ជាសក្ខីភាពយ៉ាងច្បាស់ ពីការទាក់ទាញវិនិយោគិន លើការវិនិយោគអចលនទ្រព្យហើយគម្រោងអភិវឌ្ឍន៍ផ្លូវទាំងនេះដែរ នឹងជំរុញឱ្យវិនិយោគិនទៅកាន់ទឹកដីនៃមាត់សមុទ្រមួយនេះបន្ថែមទៀត ដើម្បីសិក្សាពីសក្ដានុពលនៃការវិនិយោគទៅតាមជំនាញរបស់ខ្លួន ។

មុនបិទបញ្ចប់ឆ្នាំ២០២២មួយថ្ងៃ រដ្ឋាភិបាលបានប្រកាសពីការសាងសង់លើកកម្រិតគុណភាពផ្លូវពីរខ្សែនៅ ក្នុងខេត្តកំពតនិងកែប តភ្ជាប់ពីផ្លូវជាតិលេខ៣ ដែលផ្លូវទាំងនេះ គឺជាផ្លូវសំខាន់សម្រាប់ទេសចរ និងការដឹកជញ្ជូនទំនិញ។

នៅមុននេះដែរ រដ្ឋាភិបាលក៏បានបើកការដ្ឋានសាងសង់ លើកកម្រិតគុណភាពផ្លូវលេខ៤១ តភ្ជាប់ពីផ្លូវជាតិលេខ៤ ទៅកាន់ផ្លូវជាតិលេខ៣និងបន្តឆ្ពោះទៅកាន់ទឹកដីខេត្តកំពតផងដែរ ដែលផ្លូវនេះដែរ វានឹងនាំភ្ញៀវទេសចរពីបណ្ដាខេត្តប៉ែកខាងជើងភ្នំពេញ ទៅកាន់ទឹកដីសមុទ្រនៃព្រះរាជាណាចក្រកម្ពុជា ។

ក្រៅពីផ្លូវទាំងនេះ កំពតក៏មានគម្រោងហេដ្ឋារចនាសម្ព័ន្ធ កំពុងសាងសង់មួយចំនួនទៀត ដូចជា ផ្លូវតភ្ជាប់ពីផ្លូវជាតិលេខ៤ មកកាន់ភ្នំបូកគោ ក្រោមការវិនិយោគ របស់អ្នកឧកញ៉ាសុខ គង់ប្រធានក្រុមហ៊ុនសុខាអូតែល ផ្លូវលេខ៤៣ ដែលតភ្ជាប់ពីកំពតទៅខេត្តកំពង់ស្ពឺ ជាផ្លូវថ្មី និងកំពុងជំរុញឱ្យមានការអភិវឌ្ឍដីធ្លីជាបន្តបន្ទាប់ផងដែរ ។

អ្វីដែលសំខាន់ទៅទៀតនេះ រូបព្រះពុទ្ធប្បដិមាដ៏ធំជាងគេ ក្នុងប្រទេសកម្ពុជា និងស្ថិតជាព្រះពុទ្ធប្បដិមាខ្ពស់ៗ លើពិភពលោក នឹងកាន់តែទាក់ទាញលើវិស័យទេសចរនៅក្នុងខេត្តកំពត ទាំងទេសចរជាតិ និងទេសចរអន្តរជាតិដែលមកដល់កម្ពុជា។

គំរោងអភិវឌ្ឍន៍ទាំងនេះ គឺជាសក្ដានុពលធំៗនៅក្នុងខេត្តកំពត ដែលយើងបានរៀបរាប់និងមានច្រើនទៀត ដូចជាកំពង់ផែទឹកជ្រៅក្នុងខេត្តកំពត មជ្ឈមណ្ឌលភស្តុភារកម្ម ជាដើម ។

អ្នកអភិវឌ្ឍន៍អចលនទ្រព្យជាច្រើន បានបង្ហាញពីសុទិដ្ឋិនិយមខ្ពស់ចំពោះខេត្តកំពតនិងកែប ហើយមួយចំនួនក៏កំពុងអភិវឌ្ឍន៍ គម្រោងរបស់ខ្លួនជាបន្តបន្ទា ប់ជាពិសេសគម្រោងលំនៅដ្ឋានលំហែរកាយ និងដីឡូត៏លំហែ ដែលពួកគេរំពឹងថាបន្តិចទៀតនេះ ការអភិវឌ្ឍផ្នែកទាំងនេះនឹងមានតម្រូវការខ្ពស់។

អគ្គនាយកក្រុមហ៊ុនYoungsia Real EstateលោកCooler Tanដែលបានអភិវឌ្ឈន៍គំរោងជាច្រើន បានមានប្រសាសន៍ឲ្យដឹងកាលពីពេល ថ្មីៗនេះថា ខេត្តកែប និងកំពតជាខេត្តមានសក្តានុពលសេដ្ឋកិច្ចផង និងទេសចរណ៍ផង ដោយសារខេត្តទាំងពីរនេះ មានសក្តានុពលលើធនធានធម្មជាតិ ពិសេសភាពអំណោយផលនៃហេដ្ឋារចនាសម្ព័ន្ឋ ដែលតភ្ជាប់ខ្វាត់ខ្វែងជាមួយបណ្តាខេត្តដទៃទៀត។

លោកបន្តថា “ការតភ្ជាប់និងពង្រីកផ្លូវជាតិលេខ៣បញ្ចប់ បានធ្វើឲ្យទឹកដីខេត្តកំពត កែប បានទាក់ទាញគំរោងអភិវឌ្ឍន៍ជាច្រើន ស្របពេលកំណើនភ្ញៀវទេសចរណ៍ជាតិ អន្តរជាតិបានកើនឡើងជាប្រចាំ”៕

តើព្រះពុទ្ធបដិមាកំពស់១០៨ម៉ែត្រមានចំណុចពិសេសអ្វីខ្លះដែល អ្នកគួរដឹង?

ដោយ: គង់ លាងហួរ

ភ្នំពេញ: ក្រុមហ៊ុន សុខា អូតែល បានទទួលការអនុញ្ញាតពីរាជរដ្ឋាភិបាលកម្ពុជា ឱ្យធ្វើការវិនិយោគ និងអភិវឌ្ឍន៍នៅឧទ្យានជាតិព្រះមុនីវង្ស “បូកគោ”។

លោកជំទាវឧកញ៉ាសុខ ចាន់ថាតំណាងក្រុមហ៊ុនសុខាអូតែលបានមានប្រសាសន៍ឲ្យដឹង ក្នុងពេលពិធធីបញ្ចុះបឋមសិលាសាងសង់បដិមាដ៏ខ្ពស់នេះក្រោមអធិបតីភាព លោកឧបនាយករដ្ឋមន្រ្តីជា សុផារ៉ារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់នាព្រឹកថ្ងៃទី៤ មករាកន្លងមកថា នៅក្នុងរយៈកាលកន្លងមកនេះ ក្រុមហ៊ុនបានខិតខំប្រឹងប្រែងតស៊ូយ៉ាងសកម្មមោះមុតបំផុត ក្នុងការចាត់ចែងរៀបចំ និងដំណើរការគម្រោងវិនិយោគដ៍ធំធេងមួយនេះ ចាប់តាំងពីដើមឆ្នាំ២០០៨ មកដោយបានសាងសង់ហេដ្ឋារចនាសម្ព័ន្ធ ពីជើងភ្នំរហូតដល់លើខ្នងភ្នំ មានផ្លូវគមនាគមន៍ ប្រព័ន្ធផ្គត់ផ្គង់អគ្គិសនី ប្រព័ន្ធផ្គត់ផ្គង់ទឹកស្អាត ដែលជាតម្រូវការចាំបាច់និងជាអាទិភាពបំផុតសម្រាប់ការអភិវឌ្ឍនៅលើភ្នំនេះ។

លោកជំទាវបានបនយថា ទន្ទឹមនឹងនេះ សំណង់សណ្ឋាគារ រមណីយដ្ឋាន លំនៅឋាន និងអគារសេវាកម្មមួយចំនួន ក៍បានផុសរូបរាងឡើងជាបន្តបន្ទាប់ទៅ តាមប្លង់គោល និងច្បាប់អនុញ្ញាតពីក្រសួងមានសមត្តកិច្ចយកពន្ធ ហើយក្រៅពីនេះ ក្រុមហ៊ុនក៏បានបង្កើតឱ្យមាននូវ កសិដ្ឋានដាំបន្លែ ផ្លែឈើ និងសត្វចិញ្ចឹមផងដែរ។

បច្ចុប្បន្ន ក្រុមហ៊ុនបាននិងកំពុងយកចិត្តទុកដាក់ បន្តការរៀបចំប្លង់គោលចក្ខុវិស័យ សម្រាប់ការអនុវត្តក្នុងបរិវេណផ្ទៃដីជាង៨១.០០០ ហិកតា ដែលរាជរដ្ឋាភិបាលបានផ្ដល់សិទ្ធិឱ្យក្រុម ហ៊ុនធ្វើការវិនិយោគ និងអភិវឌ្ឍ។

លោកជំទាវឧកញ៉ាសុខ ចាន់ថាបានបន្តថា ជាមួយគ្នានេះដែរ ក្រុមហ៊ុន ក៏កំពុងអនុវត្តគម្រោងសាងសង់ផ្លូវមេមួយខ្សែទៀត ដែលរាជរដ្ឋាភិបាលបានអនុញ្ញាតឱ្យតភ្ជាប់ពីផ្លូវជាតិលេខ៤ ត្រង់បង្គោលគីឡូម៉ែត្រលេខ ១៥៨+២៩១ ឆ្ពោះទៅតំបន់ អភិវឌ្ឍន៍នៅលើភ្នំបូកគោ ដែលមានប្រវែងប្រមាណជាង៦០គីឡូម៉ែត្រ។

ក្រៅពីការវិនិយោគ អភិវឌ្ឍលើផ្នែកហេដ្ឋារចនាសម្ព័ន្ធ សំណង់ និងសេវាកម្មនានា ក្រុមហ៊ុនក៍បានយក ចិត្តទុកដាក់លើវិស័យជំនឿ និងសាសនា ដែលជាវប្បធម៌ និងទំនៀមទម្លាប់ ប្រពៃណី របស់បងប្អូនប្រជាពលរដ្ឋយើង ជាយូរលង់មកហើយ។

ក្រុមហ៊ុនបានសាងសង់រូបសំណាក ព្រះពិស្ណុការ នៅចំណុចក្លោងទ្វារចូលឧទ្យានជាតិ ព្រះមុនីវង្ស “បូកគោ” មានកម្ពស់៥ម៉ែត្រ សាងសង់រូបសំណាក លោកយាយម៉ៅ ដ៍ធំមួយនៅលើភ្នំ ត្រង់គីឡូម៉ែត្រ លេខ២២ មានកម្ពស់ ២៣,៨៧ ម៉ែត្រ និងសាងសង់ វិមានអ្នកតាភ្នំ មួយកន្លែង នៅលើខ្នងភ្នំ ដើម្បីសេចក្តីសុខ សេចក្តីចម្រើនរុងរឿង និងជាទីសក្ការៈ សម្រាប់បងប្អូនប្រជាពលរដ្ឋ ព្រមទាំងភ្ញៀវទេសចរដែលបានមកដល់ទីនេះ ផងដែរ។

ព្រះពុទ្ធប្បដិមានេះ មានទំហំធំ ហើយខ្ពស់ជាងគេ នៅក្នុងប្រទេសកម្ពុជាយើង ហើយក៏ស្ថិតក្នុងចំណោម ព្រះពុទ្ធប្បដិមាដែលខ្ពស់ៗ នៅក្នុងប ណ្តាប្រទេសលើពិភពលោក។

ព្រះអង្គមានទម្រង់ជា ព្រះពុទ្ធមារវិជ័យឬផ្ចាញ់មារ នៃរចនាប័ទ្មបាយ័ន ដែលជារចនាថ្មី កំពូលនៃព្រះពុទ្ធសាសនា ក្នុងរជ្ជកាលព្រះបាទ ជ័យវ័រ្មនទី៧ នាសតវត្សរ៍ទី១៣ ។

ព្រះពុទ្ធប្បដិមានេះ សាងសង់នៅលើខ្នងភ្នំបូកគោ ដែលមាននីវ៉ូដីកម្ពស់៩៦២ម៉ែត្រ ពីផ្ទៃសមុទ្រ ក្នុងភូមិសាស្ត្រវាលស្រែប្រាំរយ នៃឧទ្យានជាតិព្រះមុនីវង្ស បូកគោ។

លោកជំទាវសុខ ចាន់ថាបានបញ្ជាក់ថា រូបសំណាកនេះ នឹងត្រូវបានសាងសង់ពីបេតុងអាម៉េ មានពណ៌មាស បែរព្រះភក្ត្រទៅទិសខាងកើត មានកម្ពស់១០៨ម៉ែត្រនីវ៉ូសូន្យ នៃខឿនផ្ទាល់ដី ដល់កំពូលព្រះមោលី ដែលតំណាងឱ្យមង្គលទាំង១០៨របស់ព្រះអង្គ ទ្រង់គង់ភ្នែននៅលើបល្ល័ង្កផ្កាឈូក រាងរង្វង់ (តំណាងឱ្យវាល វត្តសង្ខារ ដែលក្បាច់រចនារបស់បល្ល័ង្កយកតាមលំនាំនៃផ្នែកមួយ របស់សសរពេជ្រប្រាសាទដំរីក្រាប នៃរចនាប័ទ្ម គូលែន ក្នុងរជ្ជកាលព្រះបាទជ័យវរ្ម័នទី២ នាសតវត្សរ៍ទី៤។

ចំពោះខឿនផ្ទាល់ដីមានបណ្ដោយ២៤៨ ម៉ែត្រទទឹងជាង១០០ម៉ែត្រ មានជណ្តើរធំចំនួន៤ អមដោយបង្កាន់ដៃនាគ ដែលតំណាងឱ្យទិសទាំង៤ យកតាមលំនាំ រចនាប័ទ្មអង្គរវត្ត ក្នុងរជ្ជកាលព្រះបាទសូរ្យវរ្ម័នទី២ នាសតវត្សរ៍ទី១២។

ចំណែកឡើងជាន់ទី១ មានក្ដារបែនឬរានហាល នៅចំពីមុខព្រះពុទ្ធប្បដិមា សម្រាប់ប្រារព្ធពិធីសាសនា ហើយមានព្រះពុទ្ធរូប៧អង្គ និងព្រះអសីតិសាវ័ក៥អង្គ សរុបចំនួន១២អង្គ (តំណាងឱ្យខែ និងឆ្នាំទាំង១២គត់) តម្កល់ជុំវិញព្រះពុទ្ធប្បដិមាអង្គធំ និងមានជណ្តើរចំនួន៨ (តំណាងទិសទាំង ៨ និងអរិយមង្គទាំង៨) សម្រាប់ឡើងទៅកាន់ទីសក្ការៈព្រះពុទ្ធប្បដិមា។

ចំពោះផ្នែកខាងក្នុងនៃខឿនផ្ទាល់ដីគឺ នឹងមានការរៀបចំតម្កល់ព្រះពុទ្ធរូបតូចៗ នៅតាមជញ្ជាំង រៀបចំជាកន្លែងជួប ប្រជុំប្រារព្ធពិធីសាសនា ជាសារមន្ទីរ ជាហោត្រ័យតម្កល់ពន្លឺព្រះត្រៃបិតក ជាកន្លែងវិបស្សនា…។ល។

បច្ចុប្បន្ន ក្រុមហ៊ុនកំពុងសិក្សារៀបចំអភិវឌ្ឍប្លង់ ដើម្បីឱ្យគម្រោងព្រះពុទ្ធប្បដិមាដ៏ធំនេះ ក្លាយទៅជាមជ្ឈមណ្ឌលទេសចរណ៍ ព្រះពុទ្ធសាសនាដ៏ធំមួយនៅកម្ពុជា និងពិភពលោក៕

1...1,1061,1071,108...3,260 Page 1,107 of 3,260