The Biden administration plans to place Chinese chip maker Yangtze Memory Technologies (YMTC) and 35 other Chinese firms on a trade blacklist that would prevent them from buying certain American components, Bloomberg News reported on Tuesday (Dec 13).
The US Department of Commerce will add the Chinese companies to a so-called Entity List as early as this week, the report said, citing a person familiar with the matter.
Once a company is added to the entity list, its US suppliers must seek a special license to ship even low-tech items to it.
YMTC declined to comment, and the US Department of Commerce did not immediately respond to Reuters’ request for comment outside business hours.
Dozens of other Chinese entities, including YMTC, were “at risk” of being added to a trade blacklist as soon as Dec 6, a US Commerce Department official said in prepared remarks seen by Reuters last month.
In October, 31 entities, including YMTC, were added to a list of companies that US officials have been unable to inspect, ratcheting up tensions with Beijing.
Source: Reuters/cm

ដោយ: លាងហួរ

វ៉ាស៊ីនតោន: រដ្ឋបាលអាមេរិករបស់លោកចូ បៃដិន គ្រោងដាក់បញ្ចូលក្រុមហ៊ុនផលិតបន្ទះឈីបចិនYangtze Memory Technologies(YMTC) និងក្រុមហ៊ុនចិនចំនួន៣៥ផ្សេងទៀត ទៅក្នុងបញ្ជីខ្មៅពាណិជ្ជកម្ម  ដែលនឹងរារាំងពួកគេពីការទិញគ្រឿងបន្លាស់ របស់អាមេរិក។ នេះបើយោងតាមរបាយការណ៍ចេញផ្សាយដោយBlooberg។

របាយការណ៍ដដែលបានបន្តថា ក្រសួងពាណិជ្ជកម្មអាមេរិក នឹងបន្ថែមក្រុមហ៊ុនចិន ទៅក្នុងបញ្ជីឈ្មោះអង្គភាព នៅដើមសប្តាហ៍នេះ។

នៅពេលដែលក្រុមហ៊ុនមួយ ត្រូវបានបញ្ចូលទៅក្នុងបញ្ជីអង្គភាព នោះ អ្នកផ្គត់ផ្គង់នៅសហរដ្ឋអាមេរិក ត្រូវតែស្វែងរកអាជ្ញាប័ណ្ណពិសេស ដើម្បីដឹកជញ្ជូនសូម្បីតែវត្ថុបច្ចេកវិទ្យាជាន់ទាប ទៅកាន់ក្រុមហ៊ុននោះ។

ក្រុមហ៊ុន YMTC បានបដិសេធមិនធ្វើអត្ថាធិប្បាយនោះទេ ចំណែកក្រសួងពាណិជ្ជកម្មអាមេរិក ក៏មិនបានឆ្លើយតបភ្លាមៗ ចំពោះសំណើសុំការអត្ថាធិប្បាយរបស់កាសែត Reuters នៅខាងក្រៅម៉ោងធ្វើការផងដែរ។

មន្ត្រីក្រសួងពាណិជ្ជកម្មអាមេរិកបានអះអាងថា អង្គភាពរបស់ប្រទេសចិនរាប់សិបផ្សេងទៀត រួមទាំងក្រុមហ៊ុនYMTC បានស្ថិតក្នុងហានិភ័យពីការដាក់បញ្ចូលក្នុងបញ្ជីខ្មៅពាណិជ្ជកម្មភ្លាមៗ កាលពីថ្ងៃទី០៦ ខែធ្នូ ។

កាលពីខែតុលាកន្លងទៅ អង្គភាពចំនួន៣១របស់ប្រទេសចិន  រួមទាំងក្រុមហ៊ុន YMTC ត្រូវបានដាក់បញ្ចូល ទៅក្នុងបញ្ជីក្រុមហ៊ុនមួយ  ដែលក្រុមមន្ត្រីអាមេរិកមិនអាចត្រួតពិនិត្យបាន៕

 ដោយៈ វឌ្ឍនៈ

ភ្នំពេញៈ នៅឆ្នាំ២០២៣ខាងមុខនេះ ជាឆ្នាំដែលរដ្ឋាភិបាលគ្រោងនឹងចំណាយថវិកាច្រើន លើការអភិវឌ្ឍគម្រោងហេដ្ឋារចនាសម្ព័ន្ឋនានា ដើម្បីលើកស្ទួយសេដ្ឋកិច្ច ជំរុញការធ្វើពាណិជ្ជកម្មក្នុងនិងក្រៅប្រទេស។

ជាក់ស្ដែងគ្រាន់តែគម្រោង៣ប៉ុណ្ណោះ រដ្ឋាភិបាលនឹងចំណាយថវិកាប្រមាណ២០០០លានដុល្លារអាមេរិក ដែលថវិកានេះបានមកពីកម្ចីផងនិងថវិការបស់រដ្ឋផង។

គម្រោងធំៗទាំង៣ ដែលគ្រោងនឹងអភិវឌ្ឍន៍ ក៏ដូចជា សាងសង់នៅឆ្នាំ២០២៣ខាងមុខនេះ រួមមាន គម្រោងសាងសង់ស្ពានមិត្តភាពកម្ពុជា កូរ៉េ (ភ្នំពេញអរិយក្សត្រ) ដែលគ្រោងចំណាយប្រមាណ២៤៥,៩លានដុល្លារ គម្រោងលើកកម្ពស់ គុណភាពផ្លូវជាតិលេខ៧ពីស្គន់ទៅ ក្រុងកំពង់ចាម និងស្ពានឆ្លងទន្លេមេគង្គ ក្នុងខេត្តក្រចេះ គ្រោងនឹងចំណាយថវិកាប្រមាណ១១១លានដុល្លារអាមេរិក និងគម្រោងថ្មីមួយទៀត គឺផ្លូវល្បឿនលឿនភ្នំពេញ បាវិត គ្រោងចំណាយប្រាក់ជាង១៦០០លានដុល្លារអាមេរិក។

សម្ដេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃកម្ពុជាបានថ្លែងថា គម្រោងសំខាន់ៗទាំងនេះ នឹងជួយជំរុញសេដ្ឋកិច្ចកម្ពុជាឱ្យមានកំណើនមួយកម្រិតទៀត ពីព្រោះថាគម្រោងនេះ ទាំងសុទ្ធតែជាគម្រោ​ងដែលប្រជាពលរដ្ឋចាំបាច់ ក្នុងការប្រើប្រាស់ ដូចជា ស្ពានឆ្លងទន្លេពីផ្លូវជាតិលេខ១ទៅល្វាឯម គម្រោងស្ពានឆ្លងទន្លេពីភ្នំពេញទៅអរិយក្សត្រជាដើម។

លោកប៉ូ អ៊ាវគង់ អគ្គនាយកក្រុមហ៊ុនអចលនទ្រព្យAdvance បានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី១៤ ធ្នូនេះថា គម្រោងអភិវឌ្ឍន៍ទាំងនេះ នឹងជួយជំរុញចលនាទិញលក់ដីធ្លី ក៏ដូចជា ការអភិវឌ្ឍអចលនទ្រព្យបន្ថែមទៀត ដូចជាតំបន់អរិយក្សត្រ និងតំបន់ល្វាឯម នឹងរំពឹងថាមានការអភិវឌ្ឍអចលនទ្រព្យក្រោយស្ពានតភ្ជាប់រួចរាល់។

លោកបន្តថា “តំបន់មានការអភិវឌ្ឍ នឹង ទក់ទាញពល​រដ្ឋឲ្យផ្លាស់ទៅរស់នៅតំបន់នោះកាន់តែច្រើន នៅពេលមានផ្លូវធ្វើដំណើរកាន់តែស្រួល”។

ជាមួយគ្នានេះ អ្នកស្រីក្រី ម៉ាយ៉ាន់ ប្រធានសាខានៃក្រុមហ៊ុន KW ប្រចាំខេត្តកំពង់ចាមបានលើកឡើងថា ជាការពិតណាស់គម្រោងដែលរដ្ឋាភិបាលគ្រោងនឹងបើកការដ្ឋាននៅកំពង់ចាម ( ផ្លូវជាតិលេខ៧) នឹងធ្វើឱ្យមានការចាប់អារម្មណ៍បន្ថែមពីអ្នកអភិវឌ្ឍន៍ ជាពិសេសនៅតាមបណ្ដោយផ្លូវជាតិលេខ៧ផ្ទាល់តែម្ដង។

អ្នកស្រីបន្តថា បន្ទាប់ពីផ្លូវជាតិលេខ៧បានធ្វើរួច អ្នកស្រីរំពឹងថា អ្នកអភិវឌ្ឍន៍ជាច្រើន នឹងបាញ់មករកខេត្តកំពង់ចាម ពីព្រោះខេត្តនេះជាខេត្តមួយដែលមានសក្ដានុពល និងជាខេត្តដែលពលរដ្ឋ ធ្វើដំណើរឆ្លងកាត់ច្រើនហើយកំណើនប្រជាជន ក្នុងខេត្តកំពង់ចាមក៏មានច្រើន ធៀបនឹងបណ្ដាខេត្តនានាក្នុងប្រទេសកម្ពុជា។

អ្នកស្រីបន្តថា “អ្វីដែលជាសក្ដានុពល សម្រាប់អ្នកអភិវឌ្ឍន៍គឺទីផ្សារលំនៅឋាន កសិកម្ម ឧស្សាហកម្មនិងពាណិជ្ជកម្មជាដើម”។

ជាមួយគ្នានេះ សេដ្ឋវិទូកម្ពុជា លោកបណ្ឌិតម៉ី កល្យាណទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានមានប្រសាសន៍ថា ហេដ្ឋារចនាសម្ព័ន្ឋជាបញ្ហាប្រឈមមួយ ក្នុងការប្រកួតប្រជែងរបស់កម្ពុជា ជាមួយបណ្តាប្រទេសក្នុងតំបន់ ដោយមើលឃើញបញ្ហានេះ ទើបរាជរដ្ឋាភិបាលបាននិងកំពុងផ្តោត លើការវិនិយោគហេដ្ឋារចនាសម្ព័ន្ឋធំៗកាន់តែច្រើន ដើម្បីជម្រុញកំនើនសេដ្ឋកិច្ខជាតិ។

លោកបន្តថា “ការវិនិយោគលើហេដ្ឋារចនាសម្ព័ន្ឋ គឺចំណាយធំណា​ស់ ប៉ុន្តែរដ្ឋាភិបាលចាំបាច់ត្រូវតែធ្វើ ដើម្បីជម្រុញកំនើនសេដ្ឋកិច្ចជាតិ”៕

 ដោយៈ ច្រាយ ចំណាន

       ភ្នំពេញៈ ប្រធានាធិបតីបារាំង និងសម្តេចតេជោហ៊ុន សែននាយក​រដ្ឋមន្រ្តីនៃកម្ពុជា បានអំពាវនាវឱ្យរុស្ស៉ីបញ្ឈប់ការវាយប្រហារតាម ផ្លូវអាកាសរបស់ខ្លួន និងការវាយប្រហារលើប្រជាជនស៊ីវិល ព្រមទាំងហេដ្ឋារចនាសម្ព័ន្ធនានាជាបន្ទាន់។

លោកអេម៉ានុយអែល ម៉ាក្រុង ប្រធានាធិបតីបារាំងបានលើកឡើងក្នុង​សន្និសីទរួមគ្នា ជាមួយសម្តេចតេជោនៅទីក្រុងប៉ារីស ប្រទេសបារាំងថា ប្រទេសបារាំង រួមជាមួយប្រទេសកម្ពុជា អំពាវនាវឱ្យរុស្ស៉ីបញ្ឈប់ការវាយប្រហារតាម ផ្លូវអាកាសរបស់ខ្លួន និងការវាយប្រហារលើប្រជាជនស៊ីវិល ព្រមទាំងហេដ្ឋារចនាសម្ព័ន្ធនានាជាបន្ទាន់។

តាមរយៈបណ្តាញសង្គម Twiter លោកម៉ាក្រុង បានលើកឡើងថា សង្រ្គាមរបស់រុស្ស៉ី នៅក្នុងប្រទេសអ៊ុយក្រែន បានបង្កការឈឺចាប់យ៉ាង    សម្បើ​ម។ រួមជាមួយប្រទេសកម្ពុជា យើងអំពាវនាវឱ្យរុស្ស៉ីបញ្ឈប់ការវាយប្រហារតាម ផ្លូវអាកាសរបស់ខ្លួន និងការវាយប្រហារលើប្រជាជនស៊ីវិល ព្រមទាំងហេដ្ឋារចនាសម្ព័ន្ធនានាជាបន្ទាន់។ ប្រទេសដៃគូអន្តរជាតិ ក៏បានចូលរួមជាមួយពួកយើង ដើម្បីអំពាវនាវដូចគ្នានេះដែរ៕

  ដោយៈ គង់ សូរិយា

       អឺរ៉ុបៈ ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន អ្នកឧកញ៉ាគិត ម៉េងកាលពីរសៀលថ្ងៃទី១៣ ខែ ធ្នូ ឆ្នាំ២០២២ បានដឹកនាំគណៈប្រតិភូសភាពាណិជ្ជកម្មកម្ពុជា ចូលរួមកិច្ចប្រជុំកំពូលធុរកិច្ច អាស៊ាន សហភាពអឺរ៉ុបលើកទី១០ ដើម្បីជំរុញទំនាក់ទំនងកិច្ចសហប្រតិបត្តិការសេដ្ឋកិច្ចអាស៊ាន -សហភាពអឺរ៉ុប នៅទីក្រុងព្រុចសែល ប្រទេសប៊ែលហ្ស៊ិក។

នៅក្នុងវេទិកាដ៏មានសារៈសំខាន់នេះ មានការអញ្ជើញចូលរួមថ្លែងសុន្ទរកថាគន្លឹះពី ប្រធានក្រុមប្រឹក្សាសហភាពអឺរ៉ុប ប្រមុខរដ្ឋ ប្រមុខរដ្ឋាភិបាលអាស៊ាន រដ្ឋមន្ត្រីបណ្ដាប្រទេសអាស៊ាន មន្ត្រីជាន់ខ្ពស់ពីសហភាពអឺរ៉ុប និងអាស៊ាន និងធុរជនមកពីតំបន់អាស៊ាន និងអឺរ៉ុប។

លោក ឆាល មីឆែល (Charles Michel) ប្រធានក្រុមប្រឹក្សាសហភាពអឺរ៉ុប បានថ្លែងកោតសរសើរទំនាក់ទំនងសេដ្ឋកិច្ចពាណិជ្ជកម្ម រវាងអឺរ៉ុប និងអាស៊ានដែលមានការរីកចម្រើន ជាពិសេសលោកក៏បានសង្កេតឃើញកិច្ចព្រមព្រៀមពាណិជ្ជកម្មសេរីរ វាងបណ្តាប្រទេសអាស៊ាន និងអឺរ៉ុប កាន់តែច្រើនឡើងជាលំដាប់។

លោកក៏បានបន្តថា ការរៀបចំវេទិកានៅពេលនេះ បង្ហាញពីជំនឿទៅវិញទៅមករវាងធុរជនអាស៊ាន និងអឺរ៉ុប។ ជាមួយគ្នានេះលោកក៏បានប្ដេជ្ញាចិត្តថា នឹងជំរុញទំនាក់ទំនងឲ្យកាន់តែ ប្រសើរឡើងមួយកម្រិតថែមទៀត ជាពិសេស ផ្ដោតទៅលើវិស័យឌីជីថល ការតភ្ជាប់ទំនាក់ទំនងគ្នា ការអភិវឌ្ឍប្រកបដោយចិរភាព វិស័យសន្តិសុខ ការប្រែប្រួលអាកាសធាតុ។ល

ប្រធានបទសំខាន់ៗ ដែលភាគីពាក់ព័ន្ធបានយកមកពិភាក្សារួមមាន ការតម្រង់ទិសឡើងវិញនូវ ចំណាប់អារម្មណ៍របស់សហគមន៍អឺរ៉ុប ទៅលើអាស៊ាន ពាណិជ្ជកម្ម ការវិនិយោគនិងសេដ្ឋកិច្ចឌីជីថល ការសម្រេចបាននូវការអភិវឌ្ឍប្រកបដោយចីរភាព រួមទាំងកំណើនវិនិយោគពាណិជ្ជកម្ម។

សំរាប់កម្ពុជា លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម និងជាតំណាងសម្តេចតេជោហ៊ុន សែន ត្រូវបានវេទិកាអញ្ជើញជាវាគ្មិនសំរាប់ ចែករំលែកបទពិសោធន៍ និងជាធាតុចូលក្នុងវេទិកាផងដែរ។

កិច្ចប្រជុំកំពូលធុរកិច្ច អាស៊ានសហភាពអឺរ៉ុបលើកទី១០ គឺជាថ្នាលសម្រាប់សម្របសម្រួល កិច្ចសន្ទនាដ៏មានសារៈសំខាន់ ដែលប្រព្រឹត្តទៅក្រោមប្រធានបទ “ការធ្វើឲ្យកាន់តែស៊ីជម្រៅ នៃពាណិជ្ជកម្មអាស៊ាន-សហភាពអឺរ៉ុប ការអភិវឌ្ឍប្រកបដោយចីរភាពសម្រាប់ទាំងអស់គ្នា”។

កិច្ចប្រជុំកំពូលធុរៈកិច្ចអាស៊ាន សហភាពអឺរ៉ុប លើកទី១០ គឺធ្វើឡើងដើម្បី ប្រមូល នូវធាតុចូល ក៏ដូចជាអនុសាសន៍សំខាន់ៗ ដើម្បីពង្រឹងឲ្យកាន់តែរឹងមាំថែមទៀត នូវទំនាក់ទំនងពាណិជ្ជកម្ម និងវិនិយោគរួមគ្នារវាងអាស៊ាន និងសហភាពអឺរ៉ុប។

កិច្ចប្រជុំនេះ ក៏ជាការបង្ហាញចំណាប់អារម្មណ៍របស់អឺរ៉ុប ទៅកាន់តំបន់អាស៊ីអាគ្នេយ៍ ដោយចាត់ទុកថា គឺជាតំបន់ដែលមានកាលានុវត្តភាព ។ អាស៊ាន និងសហភាពអឺរ៉ុប បានអបអរសាទរខួបលើកទី៤៥ ឆ្នាំនៃភាពជាដៃគូសន្ទនា។

ចាប់តាំងពីឆ្នាំ១៩៧៧ រហូតមកដល់បច្ចុប្បន្ន ទំនាក់ទំនងរវាងអាស៊ាន និងសហភាពអឺរ៉ុបបានរីកចម្រើន កាន់តែស៊ីជម្រៅ និងមានវិសាលភាពកាន់តែទូលំទូលាយ។ ទំនាក់ទំនងនេះ ត្រូវបានលើកកម្ពស់ទៅដល់កម្រិត ភាពជាដៃគូយុទ្ធសាស្ត្រ។

សហភាពអឺរ៉ុប ក៏ទទួលស្គាល់ នូវមជ្ឈភាពអាស៊ាន ដោយចាត់ទុកថា តំបន់នេះគឺជាចំណុចស្នូល នៃយុទ្ធសាស្ត្រឥណ្ឌូប៉ាស៊ីហ្វិច និងមានកាលានុវត្តភាពជាច្រើននៅក្នុងតំបន់អាស៊ាន ដោយឃើញមានការកើនឡើងប្រជាជន ដែលមានចំណូលកម្រិតមធ្យម សេដ្ឋកិច្ចមានភាពរឹងមាំ កំពុងឆ្ពោះទៅកាន់សហគមន៍សេដ្ឋកិច្ច ការចរចាកិច្ចព្រមព្រៀងពាណិជ្ជកម្មសេរីទ្វេភាគីជាដើម៕

 ដោយៈ ជេស៊ីកា

       ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជានឹងអញ្ជើញបើកការដ្ឋានសាងសង់ និងធ្វើឲ្យប្រសើរឡើងនូវផ្លូវសំខាន់ៗចំនួនពីរ គឺផ្លូវលេខ៣៣ និងផ្លូវលេខ៣១នាពេលឆាប់ៗខាងមុខនេះ។

ព៌តមាននេះ ត្រូវបានបង្ហើបឲ្យដឹងដោយ លោកយូ ស៊ុនឡុងរដ្ឋមន្រ្តី​ប្រតិភូអមនាយករដ្ឋមន្រ្តី និងមន្រ្តីជាន់ខ្ពស់ពាក់ព័ន្ឋ ក្នុងពេលចុះការចុះត្រួតពិនិត្យផ្លូវជាតិលេខ៣៣ និងលេខ៣១ ដើម្បីត្រៀមបើកការដ្ឋានសាងសង់នាពេលឆាប់ៗខាងមុខនេះ។

ការអញ្ជើញចុះពិនិត្យនេះ ក៏មានការចូលរួមផងដែរពីអភិបាលខេត្តកំពត និងខេត្តកែប កងកម្លាំងអាជ្ញាធរមានសមត្ថកិច្ច បញ្ជាការដ្ឋានអង្គរក្ស គ្រប់អង្គភាព រួមទាំងមន្ត្រីជំនាញបច្ចេកទេសគ្រប់ផ្នែកពាក់ព័ន្ធ។

ការចុះពិនិត្យនេះធ្វើឡើងក្នុងគោលបំណង ដើម្បីជ្រើសរើសទីតាំង បែងចែកការទទួលខុសត្រូវការងារ ក្នុងការត្រៀមប្រារព្ធពិធីបើកការដ្ឋានសាងសង់ជាផ្លូវការ ក្រោមអធិបតីភាពដ៏ខ្ពង់ខ្ពស់ របស់សម្តេចតេជោនាយករដ្ឋមន្ត្រី ដែលគ្រោងនឹងប្រារព្ធនាពេលឆាប់ៗខាងមុខនេះ។

បន្ទាប់ពីចុះពិនិត្យលើទីតាំងនីមួយៗរួចមក រដ្ឋមន្ត្រីប្រតិភូទាំងពីរ បានជ្រើសរើយកទីតាំង សម្រាប់រៀបចំពិធីបើកការដ្ឋាន នៅភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត និងបានបន្តដឹកនាំកិច្ចប្រជុំពិភាក្សាបែងចែកតួនាទី និងភារកិច្ចមុនថ្ងៃចាប់ផ្តើម និងថ្ងៃប្រារព្ធពិធីនៅក្នុងកិច្ចប្រជុំ។

លោកយូ ស៊ុនឡុង រដ្ឋមន្រ្តីប្រតិភូអមនាយករដ្ឋមន្រ្តីទាំងពីររូប បានថ្លែងអំណរគុណដល់គ្រប់ផ្នែកពាក់ព័ន្ធ ដែលបានចូលរួម និងមានប្រសា​សន៍បញ្ជាក់ លើកឡើងពីជំហរក្នុងការអនុវត្តការងារ សូមធ្វើឱ្យមានប្រសិទ្ធភា​ពប្រកបដោយការទទួលខុសត្រូវ ដើម្បីញ៉ាំងឱ្យពិធីបើកការដ្ឋាននាឱកាសនោះអាចប្រព្រឹត្តិទៅដោយរលូន៕

ដោយៈ វឌ្ឍនៈ

ភ្នំពេញៈ តំបន់ផ្លូវ598 ឬផ្លូវជាសុផារ៉ាជាតំបន់ ដែលមើលឃើញថាមានការអភិវឌ្ឍខ្លាំងគួរឱ្យកត់សម្គាល់ ក្នុងរយៈពេលប៉ុន្មានឆ្នាំចុងក្រោយនេះដោយវត្តមានផ្សារទំនើប ហាងល្បីៗ និងលំនៅដ្ឋានបែបអភិជនកំពុងបង្ហាញខ្លួននៅតំបន់នេះ។

អ្នកអភិវឌ្ឍន៍លំនៅឋានមួយចំនួនមើលឃើញថា តំបន់នេះនឹងមានសន្ទុះកាន់តែខ្លាំង និងមានការទាក់ទាញបន្ថែមទៀត នៅរយៈពេល៣ទៅ៥ឆ្នាំខាងមុខនេះ ។

លោកសែម ផេ នាយកផ្នែកប្រតិបត្តិការនៃបុរី Dragon Land 598 បានមានប្រសាសន៍ឲ្យដឹងនាព្រឹកថ្ងៃទី១៤ ធ្នូនេះថា លោកមើលឃើញថាតំបន់នៅតាមបណ្ដោយផ្លូវ៥៩៨ ឬផ្លូវជាសុផារ៉ា ជាតំបន់អភិវឌ្ឍន៍ដែលមានសក្ដានុពលមួយ នៅពេលបច្ចុប្បន្ន និងពេលអនាគត ជាពិសេសនៅ    រយៈពេល៣ទៅ៥ឆ្នាំខាងមុខនេះ តំបន់តាមបណ្ដោយផ្លូវនេះនឹងកាន់តែមានសក្ដានុពលនិងមានការវិនិយោគកាន់តែច្រើន។

លោកបន្តថា ជាការកត់សម្គាល់នៅពេលនេះ មានគម្រោងរដ្ឋធំៗមួយចំនួន ដូចជា អគ្គស្នងការនគរបាលជាតិ ទីស្តីការក្រសួងសាធារណការនិងដឹកជញ្ជូន និងស្ថាប័នរដ្ឋមួយចំនួនទៀត ។ ក្រៅពីនេះក៏មានគម្រោងអភិវឌ្ឍន៍ដោយឯកជនជាច្រើន បានអភិវឌ្ឍន៍នៅតំបន់ផ្លូវ598 នៅតាមបណ្ដោយផ្លូវជាសុផារ៉ា និងមានគម្រោងមួយចំនួន កំពុងសម្លឹងរកការវិនិយោគជាបន្តបន្ទាប់នៅពេលអនាគតខាងមុខនេះ ។

លោករំពឹងថា “នៅឆ្នាំក្រោយនេះ ស្ថានភាពអចលនទ្រព្យនៅក្នុងប្រទេសកម្ពុជា នឹងមានកំណើនល្អប្រសើរឡើងវិញ ហើយក៏ជាពេលវេលាដែលអ្នកអភិវឌ្ឍន៍លំនៅឋាន ត្រូវចាប់ផ្ដើមអភិវឌ្ឍន៍ ដើម្បីផ្គត់ផ្គង់នៅលើទីផ្សារផងដែរ”។

ជាមួយគ្នានេះ លោកឧកញ៉ាខេង អគ្គនាយកនាយកក្រុមហ៊ុនCPL បានមានប្រសាន៍ផងដែរថា តំបន់ប៉ែកខាងជើងរាជធានីភ្នំពេញ ឃើញថាមានសក្ដានុពលគួរឱ្យកត់សម្គាល់ ក្នុងនោះយើងបានឃើញមានការអភិវឌ្ឍហេដ្ឋារចនាសម្ព័ន្ធកាន់តែច្រើន ត្រូវបានអភិវឌ្ឍន៍ឡើង និងជាសក្ដានុពលបន្ថែមទៀត សម្រាប់ទាក់ទាញឱ្យមានការវិនិយោគនៅតំបន់នោះ។

លោកឧកញ៉ាបន្តថា “តំបន់ណាដែលមានការអភិវឌ្ឍ ហេដ្ឋារចនាសម្ព័ន្ធ នឹងធ្វើឲ្យតំបន់នោះនឹងមានការទាក់ទាញការវិនិយោគបន្ថែម ហើយក៏កាន់តែធ្វើឱ្យតំបន់នោះ មានភាពអ៊ូអរជាងបច្ចុប្បន្នផងដែរ”៕

ដោយ: គង់ លាងហួរ

អន្តរជាតិៈ ធនាគារអភិវឌ្ឍន៍អាស៊ី(ADB)បានឱ្យដឹងថា សេដ្ឋកិច្ចរបស់ប្រទេសអាស៊ីកំពុងអភិវឌ្ឍន៍  អាចនឹងងើបឡើងក្នុងកម្រិតខ្សោយជាងការរំពឹងទុកពីមុន ដែលបានបង្ហាញនៅឆ្នាំ២០២២នេះ  និងនៅឆ្នាំ២០២៣ខាងមុខ។

យោងតាមរបាយការណ៍ របស់ធនាគារដែលមានមូលដ្ឋាន នៅទីក្រុងម៉ានីលប្រទេសហ្វីលីពីន បានឱ្យដឹងក្នុងរបាយការណ៍ចេញផ្សាយ នៅថ្ងៃទី១៤ ធ្នូនេះថា សេដ្ឋកិច្ចរបស់តំបន់អាស៊ី ត្រូវបានគេមើលឃើញថា នឹងកើនឡើង៤,២ភាគរយនៅឆ្នាំនេះ មុនពេលហក់ឡើងដល់៤,៦ភាគរយ ក្នុងឆ្នាំ២០២៣។

ការ​ព្យាករ​ណ៍ថ្មីរបស់ADB បានបង្ហាញពីសញ្ញានៃការធ្លាក់​ចុះ​ពី​កំណើ​ន ដែល​បាន​ព្យាករ​ណ៍ពី​មុន​ គឺ៤,៣ភាគរយ និង៤,៩ភាគរយរៀង​ៗគ្នា។

កំណើនសេដ្ឋកិច្ចរបស់ប្រទេសចិន  ដែលជាមហាអំណាចសេដ្ឋកិច្ចធំជាងគេនៅអាស៊ី  ត្រូវបានគេរំពឹងថានឹងធ្លាក់ចុះដល់៣ភាគរយ ធៀបនឹងកំណើន៣,៣ភាគរយ  ដែលត្រូវបានព្យាករណ៍កាលពីខែកញ្ញា។

ការព្យាករណ៍ដដែលបានបង្ហាញថា ផលិតផលក្នុងស្រុកសរុបរបស់តំបន់អាស៊ីអាគ្នេយ៍  នឹងកើនឡើង៥,៥ភាគរយ នៅឆ្នាំ២០២២នេះ  ធៀបនឹងការព្យាករណ៍ចំនួន៥,១ភាគរយ កាលពីលើកមុន  ដែលកំណើននេះត្រូវបានជំរុញដោយការប្រើប្រាស់ដ៏រ៉ឺងមាំ និងការងើបឡើងវិញនៃវិស័យទេស​ចរណ៍។

ចំណែកការព្យាករណ៍ពីអតិផរណានៅឆ្នាំ២០២២ សម្រាប់បណ្តាប្រទេ​សកំពុងអភិវឌ្ឍន៍នៅតំបន់អាស៊ី ត្រូវបានបន្ទាបចុះបន្តិចមកនៅត្រឹម៤,៤ភាគរយ ពី៤,៥ភាគរយ ប៉ុន្តែអតិផរណានឹងកើនឡើងដល់៤,២ភាគរយ ពី៤ភាគរយសម្រាប់ឆ្នាំ២០២៣៕