ដោយៈ វឌ្ឍនៈ

ភ្នំពេញៈ ចូលដល់ឆ្នាំ២០២២នេះហើយ ការអភិវឌ្ឍន៍លំនៅឋាននៅតែជួបបញ្ហាដោយអន្លើ ក្នុងនោះដែរការអភិវឌ្ឍលំនៅឋានក្នុងបុរី ក៏នៅតែទទួលផលប៉ះពាល់ ជាពិសេសសម្រាប់អ្នកអភិវឌ្ឍន៍ ដែលមានដើមទុនតិចតួច ឬដើមទុនមិនគ្រប់គ្រាន់។

លោកឧកញ៉ាបណ្ឌិតគីម ហ៊ាងប្រធានក្រុមហ៊ុន KW Khmer Real Estate បានមានប្រសាសន៍ឱ្យដឹងកាលពីសប្តាហ៍មុនថា ក្នុងរយៈពេល៩ខែនៃឆ្នាំ២០២២នេះ ការសាងសង់បុរីនៅក្នុងប្រទេសកម្ពុជាឃើញថា នៅមានបញ្ហាខ្លះៗ មិនទាន់រលូនដូចកាលឆ្នាំមុនវិបត្តិកូវីដ១៩នោះទេ។

លោក​បន្តថា “ម្ចាស់បុរីដែលមានលុយគ្រប់គ្រាន់ គឺមិនមានជាបញ្ហានោះទេក្នុងដំណាក់កាលនេះ ឬដំណាក់កាលកូវីដ១៩ឆ្នាំ២០២០ ឆ្នាំ ២០២១ ប៉ុន្តែសម្រាប់គម្រោងបុរី ដែលម្ចាស់អភិវឌ្ឍន៍មិនមានទុនគ្រប់គ្រាន់ ឬខ្ចីលុយគេមកសាងសង់នៅតែជួបបញ្ហាដដែល”។

លោកឧកញ៉ាបន្តថា មានមតិមួយចំនួនបានលើកឡើងថា ដោយសារតែវិបត្តិកូវីដ១៩ផង វិបត្តិនៃសង្គ្រាមរវាងរុស្ស៊ីនិងអ៊ុយក្រែនផង ធ្វើឱ្យការសាងសង់បុរី នៅក្នុងប្រទេសកម្ពុជាយើងមានបញ្ហា ប៉ុន្តែលោកគីមហ៊ាងបានមើលឃើញថា សម្រាប់ម្ចាស់បុរីជើងចាស់ ឬបុរីមានកេរ្តិ៍និងបុរីធំៗនៅតែបន្តសាងសង់ និងលក់បានជាហូរហែក្នុងរយៈពេល៩ខែដើមឆ្នាំ ២០២២នេះ តែសម្រាប់បុរីមានដើមទុនតិចតួច ឬក៏អ្នកអភិវឌ្ឍន៍ខ្នាតតូចៗគឺជៀសមិនផុសពីប៉ះពាល់នោះឡើយ ។

លោកបន្ថែមថា “ដំណាក់កាលនេះ ជាដំណាក់កាលដែលបញ្ជាក់ថា អ្នកណាខ្លាំងអ្នកណាខ្សោយ ។ ដំណាក់កាលនេះអ្នកណាខ្លាំង អាចឈរជើងបានយូរ អ្នកណាខ្សោយអាចនឹងហានិភ័យ”។ លោកឧកញ៉ា “វិបត្តិកូវីដ១៩ បានធ្វើឱ្យប៉ះពាល់ដល់អ្នកមានប្រាក់ចំណូលមធ្យម និងក្រោមមធ្យម ហើយក្នុងប្រទេសកម្ពុជាយើង ប្រជាពលរដ្ឋដែលមានប្រាក់ចំណូលមធ្យមនិងក្រោមមធ្យមមានច្រើន ដូច្នេះហើយវាក៏បានធ្វើឱ្យប៉ះពាល់ ដល់ការទិញអចលនទ្រព្យ សម្រាប់អ្នកមានចំណូលមធ្យមនិងក្រោមមធ្យមនេះដែរ”។

យ៉ាងណាក្ដីមានអ្នកជំនាញមួយចំនួន បានផ្ដល់ជាយោបល់ដល់អ្នកមានប្រាក់ចំណូលមធ្យម និងក្រោមមធ្យម មិនគួរវិនិយោគលើលំនៅឋានឡើយ។

ក្នុងស្ថានភាពដែលសេដ្ឋកិច្ច មិនទាន់ច្បាស់លាស់នៅឡើយនោះ អ្នកមានប្រាក់ចំណូលមធ្យម ឬក្រោមមធ្យម បើសិនជាចង់វិនិយោគគួររកទិញដីធ្លីតែជាដីធ្លីនៅឆ្ងាយពីទីក្រុង និងមានតម្លៃទាប ដើម្បីចំណេញនៅពេលពីរបីឆ្នាំឬនៅពេលស្ថានភាពបានល្អប្រសើរឡើងវិញ។

លោកផូន សុអុនដែនប្រធានផ្នែកទីផ្សារនៃក្រុមហ៊ុន KH Land បានលើកឡើងផងដែរថា សម្រាប់គម្រោងដែលអភិវឌ្ឍន៍ដីឡូត៏ និងលំនៅឋាននៅតំបន់ផ្លូវ៥១ នៅតែបន្តអភិវឌ្ឍន៍ទៅតាមផែនការ ទោះបីជាអំឡុងកូវីដ១៩ឬមកដល់ពេលនេះក្ដី ។ ក្រុមហ៊ុនបានអភិវឌ្ឍន៍ហេដ្ឋារចនាសម្ព័ន្ធ ក្នុងគម្រោង មានដូចជាផ្លូវ ភ្លើង និងប្រព័ន្ធលូជាដើម ដើម្បីជាការផ្ដល់ទំនុកចិត្តដល់អតិថិជន ដែលបានទិញគម្រោងរបស់ខ្លួនរួចហើយ។

លោកបន្តថា “អ្នកទិញផ្ទះមិនថាទិញដើម្បីវិនិយោគ ឬទិញដើម្បីស្នាក់នៅទេ ក្នុងដំណាក់កាលនេះ គាត់មានការប្រយ័ត្នប្រយែង និងឆ្លាតវៃជាងមុនៗឆ្ងាយណាស់”។ លោកបន្តថា “ពីមុនគាត់ទិញផ្ទះទិញដីមិនសូវពិនិត្យមើលច្រើនទេ គាត់មើលតែទីតាំងល្អ អាចរកស៊ីអាចមានឱកាសចំណេញគាត់ចាប់ផ្ដើមកក់លុយទិញយកតែម្ដង ប៉ុន្តែពេលនេះគាត់បានពិនិត្យមើលច្រើនទាំងគុណភាព ទាំងអ្នកអភិវឌ្ឍន៍ និងដំណើរការអភិវឌ្ឍជាដើម”៕

ដោយៈសុផារី

ភ្នំពេញៈ ក្រសួងសាធារណការ និងដឹកជញ្ជូន បានផ្តល់អនុសាសន៍ណែនាំដល់ក្រុមហ៊ុនកូរ៉េ ហានស៊ីន ធ្វើយ៉ាងណាឱ្យគម្រោងផ្លូវជាតិលេខ២ និងលេខ២២ បញ្ចប់ការសាងសង់ ប្រកបដោយគុណភាព និងត្រឹមត្រូវតាមលក្ខណៈបច្ចេកទេស ក្រោយត្រូវបានពន្យាពេលម្តងជាពីរដង។

ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន លោកស៊ុន ចាន់ថុល បានជួបប្រជុំ ជាមួយលោក Park Heung-Kyeong អគ្គរដ្ឋទូតសាធារណរដ្ឋកូរ៉េប្រចាំកម្ពុជា លើការងារសាងសង់ផ្លូវជាតិលេខ២ និងលេខ២២ នាព្រឹកថ្ងៃទី៦ តុលាកន្លងមកនេះ។

កិច្ចប្រជុំនេះ មានការចូលរួមពី លោកស្រី Minnie Chey នាយិកាមូលនិធិ នៃកិច្ចសហប្រតិបត្តិការអភិវឌ្ឍសេដ្ឋកិច្ច (EDCF) តំណាងក្រសួងសេដ្ឋកិច្ចនិងហិរញ្ញវត្ថុ ក្រុមហ៊ុនម៉ៅការសាងសង់ និងក្រុមហ៊ុនទីប្រឹក្សាប  ច្ចេកទេស។

កន្លងមក ក្រុមហ៊ុន ហានស៊ីន (Hanshin) របស់កូរ៉េខាងត្បូង ដែលទទួលបានសិទ្ធិសាងសង់ផ្លូវជាតិលេខ២ និងលេខ២២ ត្រូវបានរកឃើញថា សាងសង់ផ្លូវមិនមានគុណភាព និងមិនបានត្រឹមត្រូវ ទៅតាមកម្រិតបច្ចេក​ទេសនោះឡើយ ដោយលោកទេសរដ្ឋមន្ត្រី បានអះអាងថា លោកមិនអាចទទួលយកបាននូវការសាងសង់នេះឡើយ។

ជំនួបពិភាក្សានេះ ភាគីទាំងពីរ (កម្ពុជា-កូរ៉េ) បានលើកយកបញ្ហាប្រឈមដែលបានកើតឡើង មកជជែកពិភាក្សាស្វែងរកដំណោះស្រាយរួមគ្នា ក៏ដូចជា ការស្តាប់សំណូមពររបស់ក្រុមហ៊ុនម៉ៅការសាងសង់ និងភាគីពាក់ព័ន្ធទាំងអស់ ដែលបានជួបប្រទះក្នុងការបំពេញ ការងាររបស់ខ្លួននាពេលកន្លងមក ដើម្បីស្នើសុំអនុសាសន៍ណែនាំបន្ថែម ក្នុងគោលបំណងជំរុញឱ្យការអនុវត្ត គម្រោងធ្វើឱ្យប្រសើឡើងវិញផ្លូវជាតិលេខ២ និងលេខ២២ អាចសម្រេចបាននូវលទ្ធផលល្អ ប្រកបដោយគុណភាព និងត្រឹមត្រូវតាមលក្ខណៈបច្ចេកទេស។

លោកទេសរដ្ឋមន្ត្រី រដ្ឋមន្រ្តីក្រសួងសាធារណការ និងដឹកជញ្ជូន បានផ្តល់អនុសាសន៍ណែនាំល្អៗ ដល់ក្រុមហ៊ុនម៉ៅការសាងសង់ ត្រូវបន្តអនុវត្តការងារ និងដោះស្រាយបញ្ហាប្រឈម ដែលបានកើតឡើងដោយស្មារតីទទួលលខុសត្រូវខ្ពស់ និងមិនបណ្តែតបណ្តោយឱ្យបញ្ហាប្រឈម ទាំងអស់ជះផលប៉ះពាល់ដល់ការអនុវត្តគម្រោងការងារ ដែលជាកត្តាអវិជ្ជមានធ្វើឱ្យប៉ះពាល់ដល់ការធ្វើដំណើរ ការរស់នៅ និងការប្រកបអាជីវកម្មរបស់បងប្អូនប្រជាពលរដ្ឋនៅតាមបណ្តោយផ្លូវនេះ។

លោកឯកអគ្គរដ្ឋទូតកូរ៉េ Park Heung-Kyeong ក្នុងនាមប្រធានគណៈប្រតិភូ រួមជាមួយតំណាងមូលនិធិ នៃកិច្ចសហប្រតិបត្តិការអភិវឌ្ឍសេដ្ឋកិច្ច(EDCF) និងក្រុមហ៊ុនម៉ៅការសាងសង់ បានបង្ហាញនូវឆន្ទៈយ៉ាងមុតមាំក្នុងការសហការឱ្យបានជិតស្និទ្ធ ជាមួយភាគីពាក់ព័ន្ធទាំងអស់ ដើម្បីធានា និងជំរុញឱ្យការអនុវត្តគម្រោង សម្រេចបានជោគជ័យប្រកបដោយគុណភាព និងត្រឹមត្រូវតាមបទដ្ឋានបច្ចេកទេសសាងសង់ ដែលបានកំណត់នៅក្នុងសៀវភៅបន្ទុកការងារ។

គម្រោងកែលំអផ្លូវជាតិលេខ២ និង២២ មានប្រវែងសរុប៧២,១៧គីឡូម៉ែត្រ។ ក្នុងនោះកំណាត់ផ្លូវជាតិលេខ២ ចាប់ពីរង្វង់មូលតាខ្មៅដល់អូរចំបក់ មានប្រវែង៦២,៥៦ គីឡូម៉ែត្រ និងផ្លូវជាតិលេខ២២ ពីអូរចំបក់ ដល់អង្គតាសោម មានប្រវែង៩,៦១គីឡូម៉ែត្រ ស្ថិតក្នុងភូមិសាស្រ្តខេត្តតាកែវ។

គម្រោងនេះគ្រោងចំណាយ ថវិកា៥៦,១លានដុល្លាសហរដ្ឋអាមេរិក ដែលជាហិរញ្ញប្បទានពីរដ្ឋាភិបាលសាធារណរដ្ឋកូរ៉េ និងថវិកាបដិភាគរបស់រាជរដ្ឋាភិបាលកម្ពុជា សាងសង់ដោយក្រុមហ៊ុនHasan Engineering & Constructions Co., Ltd និងត្រួតពិនិត្យបច្ចេកទេសដោយសម្ព័ន្ធក្រុមហ៊ុន Dasan Constructions Co., Ltd, Dong II Engineering Consultants Co., Ltd និង Seoyoung Engineering Co., Ltd Join Venture។ គម្រោងនេះ បានប្រកាសបើកការដ្ឋានសាងសង់កាលពីថ្ងៃទី១១ ខែកុម្ភៈ ឆ្នាំ២០២០ ក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា៕

ដោយៈ សុផារី

ភ្នំពេញៈ គិតត្រឹមត្រីមាសទី៣ ឆ្នាំ២០២២នេះ តម្លៃលក់ខុនដូ និងតម្លៃជួលខុនដូ បានធ្លាក់ចុះគ្រប់ប្រភេទ ទោះបីជាមិនមានការផ្គត់ផ្គង់គម្រោងខុនដូយូនីតថ្មីក៏ដោយ។

ការធ្លាក់ចុះតម្លៃខុនដូនេះ បាននាំមកនូវនិន្នាការថ្មីមួយ គឺការស្វែងរក និងការពេញនិយមក្នុងការទិញ ឬជួលខុនដូទំហំធំ និងប្រណីតពីសំណាក់អ្នកវិនិយោគ។

របាយការណ៍ស្រាវជ្រាវរបស់ CBRE Cambodia ដែលទើបចេញផ្សាយកាលពីថ្ងៃទី៧ ខែតុលា ឆ្នាំ២០២២បានបង្ហាញថា គិតត្រឹមចុងត្រីមាសទី៣ ឆ្នាំ២០២២ មិនមានគម្រោងអភិវឌ្ឍន៍ខុនដូណាមួយ បានបញ្ជប់ការសាងសង់ និងចាក់បញ្ជូលទៅក្នុងទីផ្សារនេះឡើយ ស្របពេលដែលគម្រោងខុនដូ ដែលធ្លាប់បានផ្អាកការសាងសង់កាលពីមុន បានចាប់ផ្តើមដំណើរការសាងសង់ឡើងវិញ ចំនួនប្រមាណ៩០០យូនីតតែប៉ុណ្ណោះ។

របាយការណ៍ CBRE Cambodia បើធៀបនឹងត្រីមាសទី២ ឆ្នាំ២០២២ សម្រាប់តម្លៃលក់ និងជួលខុនដូ ក្នុងត្រីមាសទី៣ ឆ្នាំ២០២២ ឃើញថា មានការធ្លាក់ចុះ សម្រាប់គ្រប់ប្រភេទ និងកម្រិតនៃខុនដូ។ បើធៀបនឹងត្រីមាសទី២ ឆ្នាំ២០២២ តម្លៃលក់ជាមធ្យមក្នុងមួយម៉ែត្រការ៉េ របស់បន្ទប់ខុនដូប្រណីត (High-End) ជាមធ្យមប្រមាណ២.៦៣៩ដុល្លារក្នុង១ម៉ែត្រការ៉េ បានធ្លាក់ចុះ១,២ភាគរយ បន្ទប់ខុនដូតម្លៃមធ្យម (Mid-Range) ជាមធ្យមប្រមាណ២.០៧៩ដុល្លារ ក្នុង១ម៉ែត្រការ៉េ ធ្លាក់ចុះ០,៨ភាគរយ និងប្រភេទតម្លៃសមរម្យ (Affordable) ជាមធ្យមប្រមាណ១.៣៩៥ដុល្លារក្នុង១ម៉ែត្រការ៉េ ធ្លាក់ចុះ១,២ភាគរយ។

ដោយឡែក សម្រាប់តម្លៃជួលគឺខុនដូប្រណីត (High-End) មានតម្លៃជាមធ្យម១០,៩ដុល្លារក្នុង១ម៉ែត្រការ៉េសម្រាប់១ខែ ធ្លាក់ចុះ០,៣ភាគរយ ប្រភេទតម្លៃមធ្យម (Mid-Range) មានតម្លៃ៩,៥ដុល្លារ ធ្លាក់ចុះ០,៩ភាគរយ និងប្រភេទតម្លៃសមរម្យ (Affordable) មានតម្លៃ៧,៧ដុល្លារ ធ្លាក់ចុះ២,៣ភាគរយ។

តាមរយៈរបាយការណ៍នេះ បានបង្ហាញថា ខុនដូប្រភេទតម្លៃសមរម្យមានការធ្លាក់ចុះខ្លាំង ជាងខុនដូប្រភេទប្រណីត និងខុនដូតម្លៃមធ្យម ដោយ​សារតែទិន្នាការ នៃការបញ្ចុះតម្លៃបានធ្វើឱ្យក្រុមអ្នកវិនិយោគ និងម្ចាស់កម្មសិទ្ធចាប់អារម្មណ៍ក្នុងការទិញ ឬជួលប្រភេទខុនដូប្រណីត និងខុនដូតម្លៃមធ្យមច្រើនជាងខុនដូប្រភេទ Studio និង One-Bedroom៕

SINGAPORE: Wealthy Chinese nationals have been the top foreign buyers of expensive private properties in Singapore this year as the country reaps the benefits of post-pandemic reopening and a relatively strong currency, despite tax increases.

Buyers from China accounted for about one-fifth of the 425 luxury units – defined as costing more than S$5 million (US$3.52 million)- sold from January to August this year. This was followed by 34 units bought by Americans and 28 units by Indonesians.

Singapore has long been a magnet for the mega-rich, wooed by the country’s stable politics, strong currency, and reputation as a safe haven to park assets, analysts said. Singapore’s property prices have also tended to accelerate gradually, with few booms and wild busts seen in other popular markets.

Meanwhile, China is facing a property crisis, with slumping sales and developers defaulting on debts, and consumer confidence has been soured by repeated COVID-19 lockdowns.

All in, the number of luxury units sold to foreigners in Singapore in the first eight months of this year – including those with permanent residency – has outpaced the 282 in the same period in pre-pandemic 2019 and the 322 in 2018.

The data, from the Urban Redevelopment Authority and property consultancy OrangeTee & Tie, show that Singapore property remains popular among foreigners despite the Government raising taxes for purchases last December.

In a bid to cool the private property market, stamp duties for foreigners without permanent residency were raised from 20 per cent to 30 per cent.

Still, 143 luxury apartments were sold to these foreigners from January to August this year – higher than the 136 during the same period in pre-pandemic 2019.

In a bulk purchase in June, one Chinese tycoon splurged more than S$85 million on 20 new units in central Singapore, while another Chinese buyer snapped up four units for around S$60 million.

ដោយ: លាងហួរ

ម៉ានីល: ធនាគារអភិវឌ្ឍន៍អាស៊ី (ADB) បានឱ្យដឹងថា នាយកដ្ឋានដឹកជញ្ជូននៃប្រទេសហ្វីលីពីន នៅថ្ងៃព្រហស្បតិ៍នេះ បានចុះហត្ថលេខាលើកិច្ចសន្យាការងារស៊ីវិលចំនួន៤ ដែលមានទំហំទឹកប្រាក់សរុបចំនួន១,៨៧ពាន់លានដុល្លារអាមេរិក សម្រាប់គម្រោង South Commuter Railway Project ។

ធនាគារដែលមានមូលដ្ឋាននៅទីក្រុងម៉ានីលនេះ បានរាយការណ៍ថា គម្រោងដែលនឹងដាក់ពង្រាយផ្លូវដែក ប្រវែងជិត៥៥គីឡូម៉ែត្រ គឺដើម្បីភ្ជាប់ Metro Manila ជាមួយទីក្រុង Calamba ក្នុងខេត្ត Laguna ដែលនៅជិតនោះត្រូវបានផ្តល់ហិរញ្ញប្បទាន ជាមួយនឹងប្រាក់កម្ចីចំនួន៤,៣ពាន់លានដុល្លារអាមេរិក ជាប្រាក់កម្ចីដែលត្រូវបានអនុម័ត ដោយ ADB ក្នុងខែមិថុនា ឆ្នាំនេះ។

នាយករង ADB  ឧត្តមសេនីយ៍ Winfried Wicklein ប្រចាំតំបន់អាស៊ីអាគ្នេយ៍បានថ្លែង ក្នុងពិធីចុះហត្ថលេខាលើកិច្ចសន្យា នៅទីក្រុង Calamba ថា គម្រោង South Commuter Railway នឹងបើកឱកាសយ៉ាងធំធេង សម្រាប់សមាហរណកម្មសេដ្ឋកិច្ច នៅទូទាំងMetro Manila និងខេត្តជិតខាង ហើយបង្កើតផលជាវិជ្ជមានយ៉ាងសំខាន់ លើសេដ្ឋកិច្ចក្នុងតំបន់។

លោកបានបន្ថែមថា ការស្ទុះងើបឡើងវិញនៃសេដ្ឋកិច្ច របស់ប្រទេស បង្កើតការងារសំណង់ចំនួន៣៥.០០០ និងការងារអចិន្ត្រៃយ៍ជាង៣.០០០ក្នុងអំឡុងពេលប្រតិបត្តិការផ្លូវដែក និងធ្វើអោយប្រសើរឡើងនូវលទ្ធភាពទទួលបានសម្រាប់អ្នករស់នៅ ក្នុងខេត្តLaguna ដើម្បីធ្វើការនៅ Metro Manila ។

នៅពេលគម្រោងនេះត្រូវបញ្ចប់នាពេលខាងមុខ ធនាគារADB បានបញ្ជាក់ថា គម្រោងផ្លូវដែកនេះ នឹងផ្តល់នូវការដឹកជញ្ជូនសាធារណៈ ដែលមានតម្លៃសមរម្យ សុវត្ថិភាព និងរហ័ស ជួយសម្រួលការកកស្ទះចរាចរណ៍ផ្លូវគោក និងកាត់បន្ថយការបញ្ចេញ ឧស្ម័នផ្ទះកញ្ចក់ជាង២៨៤.០០០តោននៃកាបូនឌីអុកស៊ីតជារៀងរាល់ឆ្នាំ នៅពេលដែលអ្នកដំណើរប្តូរពីផ្លូវទៅកាន់ការដឹកជញ្ជូនផ្លូវដែក។

ធនាគារ ADB កំពុងផ្តល់មូលនិធិ ដល់ការងារស៊ីវិលសម្រាប់ផ្លូវដែក ស្ថានីយ៍ ស្ពាន ផ្លូវរូងក្រោមដី និងអគារដេប៉ូ។

គម្រោងនេះ គឺជាផ្នែកមួយនៃបណ្តាញផ្លូវរថភ្លើង North-South Commuter Railway ដែលជាហិរញ្ញប្បទានហេដ្ឋារចនាសម្ព័ន្ធ ដ៏ធំបំផុតរបស់ ADB នៅអាស៊ី និងប៉ាស៊ីហ្វិករហូតមកដល់បច្ចុប្បន្ន៕