សម្ដេចតេជោ ហ៊ុន សែន ជំរុញឱ្យប្រើប្រាស់ឌីជីថលូបនីយកម្មក្នុងវិស័យទេសចរណ៍ឱ្យបានច្រើន

ដោយ៖ សហការី

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ផ្តល់អាទិភាពដល់ការជំរុញឌីជីថលូបនីយកម្មក្នុងដំណើរការអភិវឌ្ឍវិស័យទេសចរណ៍កម្ពុជា និងជំរុញឱ្យគ្រប់ភាគីក្នុងវិស័យទេសចរណ៍ផ្ដោតសំខាន់លើការប្រើប្រាស់បច្ចេកវិទ្យាឱ្យបានច្រើន។

នេះបើតាមសារលិខិតអបអរសាទរទិវាទេសចរណ៍ពិភពលោកឆ្នាំ២០២២ របស់សម្ដេចតេជោនាយករដ្ឋមន្ត្រី ដើម្បីជាការចូលរួមអបអរសាទរ ទិវាទេសចរណ៍ពិភពលោកឆ្នាំ២០២២ ក្រោមប្រធានបទ “ការគិតគូរឡើងវិញពីទេសចរណ៍” សម្ដេចតេជោ ហ៊ុន សែន បានអំពាវនាវឱ្យមានការចូលរួមផុសផុលបន្ថែមទៀតពីគ្រប់ភាគីពាក់ព័ន្ធ ទាំងភាគីរដ្ឋ ឯកជន សហគមន៍ទេសចរណ៍ ដើម្បីស្តារវិស័យទេសចរណ៍កម្ពុជា ទាំងទៅលើទិដ្ឋភាពគុណភាព និងបរិមាណ។

សម្ដេចតេជោបានជំរុញការកសាងផែនការរួមគ្នា ការប្រើប្រាស់រួមគ្នា និងអភិបាលកិច្ចស៊ីសង្វាក់រួមគ្នា ដោយឈរលើអភិក្រម “ពីក្រោមឡើងលើ” នៅតាមគោលដៅទេសចរណ៍អាទិភាព ក្នុងនោះត្រូវពង្រឹងការរៀបចំយន្តការគ្រប់គ្រងគោលដៅទេសចរណ៍ (DMO) ដែលអនុញ្ញាតឱ្យគ្រប់ភាគីពាក់ព័ន្ធ រដ្ឋ ឯកជន សហគមន៍ទេសចរណ៍ ពិសេសអនុញ្ញាតឱ្យអាជីវកម្មទេសចរណ៍គ្រប់កម្រិត ទាំងខ្នាតតូចបំផុត ខ្នាតតូច និងមធ្យមឱ្យមានការ “រួមគិត រួមធ្វើ រួមទទួលខុសត្រូវ” ក្នុងដំណើរការអភិវឌ្ឍទេសចរណ៍ និងការបង្កើនភាពប្រកួតប្រជែងគោលដៅរបស់ខ្លួន។

សម្ដេចតេជោក៏បានជំរុញទៅលើការផ្តល់អាទិភាពដល់ឌីជីថលូបនីយកម្មក្នុងដំណើរការអភិវឌ្ឍវិស័យទេសចរណ៍កម្ពុជា ដើម្បីពង្រឹងភាពធន់ ចីរភាព គុណភាព និងឧត្តមភាពប្រកួតប្រជែង ចូលរួមគាំទ្រដល់ការកសាងសេដ្ឋកិច្ច សង្គមឌីជីថល សេដ្ឋកិច្ចច្នៃប្រឌិត សេដ្ឋកិច្ចចក្រា និងសេដ្ឋកិច្ចបៃតងនៅកម្ពុជា។

ជាមួយនឹងការប្រែប្រួលដ៏ឆាប់រហ័សនៃឧស្សាហកម្មធ្វើដំណើរ និងទេសចរណ៍ ដែលបានធ្វើឱ្យប្រែប្រួលលើទិដ្ឋភាពនៃទីផ្សារការងារសម្រាប់បុគ្គលិក ដោយក្នុងនោះតម្រូវការអ្នកជំនាញទេសចរណ៍ ដែលមានចំណេះដឹង និងជំនាញថ្មីៗ ដែលទាមទារឱ្យមានការពង្រឹងការបណ្តុះបណ្តាល និងតម្រង់ទិស ទាំងការពង្រឹងជំនាញដែលមានស្រាប់ និងបណ្តុះបណ្តាលជំនាញបន្ថែម (Reskilling & Upskilling) ដើម្បីផ្តល់លទ្ធភាពឱ្យកំលាំងពលកម្មក្នុងវិស័យទេសចរណ៍មានសមត្ថភាព និងលទ្ធភាពគ្រប់គ្រាន់ក្នុងការបត់បែនទៅតាមនិន្នាការទេសចរណ៍។

សម្ដេចរីករាយជាខ្លាំង ដែលកម្ពុជាត្រូវបានទេសចរអន្តរជាតិបោះឆ្នោតផ្ដល់មតិគាំទ្រ និងទទួលរង្វាន់ពីអង្គភាពរង្វាន់ទេសចរណ៍ពិភពលោក (World Tourism Award) ជាគោលដៅទេសចរណ៍វប្បធម៌នាំមុខក្នុងទ្វីបអាស៊ី ឆ្នាំ២០២២ (Asia’s Leading Culture Destination Award 2022) និងជាគោលដៅទេសចរណ៍យុវជននាំមុខក្នុងទ្វីបអាស៊ី ឆ្នាំ២០២២ (Asia’s Leading Youth Travel Destination Award 2022)។ ដូច្នេះសម្ដេចក៏បានជំរុញពិពិធកម្មការអភិវឌ្ឍផលិតផល និងគោលដៅទេសចរណ៍ ប្រកបដោយគុណភាព សុវត្ថិភាព ភាពទាក់ទាញ គំនិតច្នៃប្រឌិត និងនវានុវត្តន៍ ព្រមទាំងជំរុញពិពិធកម្មការផ្សព្វផ្សាយតាមគ្រប់រូបភាព។

សម្ដេចតេជោបានផ្ដល់អនុសាសន៍ ឱ្យបន្តពង្រឹងកិច្ចសហប្រតិបត្តិការទេសចរណ៍ ក្នុងក្របខណ្ឌទ្វេភាគី និងពហុភាគី រួមមាន កិច្ចសហប្រតិបត្តិការទេសចរណ៍ក្នុងក្របខណ្ឌអាស៊ាន (ASEAN) ក្នុងក្របខណ្ឌអេកម៉ិក (ACMECS) ក្នុងក្របខណ្ឌ CLMV (កម្ពុជា-ឡាវ-មីយ៉ាន់ម៉ា-វៀតណាម) ក្នុងក្របខណ្ឌកិច្ចសហប្រតិបត្តិការមេគង្គ ក៏ដូចជាកិច្ចសហប្រតិបត្តិការជាមួយអង្គការទេសចរណ៍ពិភពលោក (UNWTO) និងសហគមន៍ទេសចរណ៍អន្តរជាតិជាច្រើនផ្សេងទៀត ដើម្បីទ្រទ្រង់ដល់ការជំរុញលំហូរទេសចរអន្តរជាតិមកកម្ពុជា។

បច្ចុប្បន្ននេះ កម្ពុជាបាននិងកំពុងទទួលនូវកំណើនភ្ញៀវទេសចរអន្តរជាតិជាបណ្តើរៗ ហើយរំពឹងថានៅឆ្នាំ២០២២នេះ កម្ពុជានឹងទទួលបានទេសចរអន្តរជាតិប្រមាណ១.៥លាននាក់ទៅ២លាននាក់ និងប្រមាណ៧លាននាក់នៅឆ្នាំ២០២៦៕

ក្រសួងស្នើឲ្យ ABA បន្តគាំទ្រនិងសហការអភិវឌ្ឍនិងប្រើប្រាស់ថ្នាលគ្រឹះឌីជីថលជាមួយមជ្ឈមណ្ឌលបណ្ដុះធុរកិច្ចថ្មីតេជោ

ដោយ៖ សូរិយា

ភ្នំពេញ៖ លោក អូន ព័ន្ធមុនីរ័ត្ន បានស្នើឲ្យធនាគារ ABA បន្តគាំទ្រនិងសហការយ៉ាងជិតស្និទ្ធិបន្ថែមទៀត ជាមួយមជ្ឈមណ្ឌលបណ្ដុះធុរកិច្ចថ្មីតេជោ ក្នុងការចូលរួមគាំទ្រសហការរៀបចំអភិវឌ្ឍ និងប្រើប្រាស់ថ្នាលគ្រឹះឌីជីថលកម្ពុជា រួមមានថ្នាលផ្លាស់ប្តូរទិន្នន័យកម្ពុជា (CamDX) ថ្នាល CamDigiKey និងថ្នាល CamDigiPay ផងដែរ។

លោកបណ្ឌិត អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២០ ខែកញ្ញា ឆ្នាំ២០២២ បានទទួលជួប និងពិភាក្សាការងារជាមួយគណៈប្រតិភូធនាគារវឌ្ឍនៈអាស៊ីចំកាត់ ហៅកាត់ថាធនាគារ ABA ដែលដឹកនាំដោយលោក Yves Jacquot ប្រធានក្រុមប្រឹក្សាភិបាលរបស់ធនាគារ ABA អមដំណើរដោយលោក Madi Akmambet អភិបាលប្រតិបត្តិធនាគារ ABA លោក Askhat Azhikhanov នាយកប្រតិបត្តិធនាគារ ABA Dominic Jacques នាយករងផ្នែកអភិវឌ្ឍអន្តររជាតិ នៃធនាគារជាតិកាណាដា និងលោកស្រី ធាម រមណីយ នាយិកាទំនាក់ទំនងគូភាគី និងជាប្រធានគ្រប់គ្រងតំបន់ធនាគារ ABA។

លោកបានសម្ដែងការស្វាគមន៍យ៉ាងកក់ក្ដៅ ដោយបានកោតសរសើរ និងថ្លែងអំណរគុណដល់ធនាគារ ABA ដែលបានចូលរួមយ៉ាងសកម្ម លើការអភិវឌ្ឍវិស័យហិរញ្ញវត្ថុនៅកម្ពុជា និងបានណែនាំប្រជាជនកម្ពុជានូវផលិតផល និងសេវាកម្មឌីជីថលថ្មីៗ ប្រកបដោយនវានុវត្តន៍ សំដៅជំរុញវិស័យបច្ចេកវិទ្យាហិរញ្ញវត្ថុនៅកម្ពុជាទៅមុខមួយកម្រិតទៀត។

លោកបណ្ឌិតបានគូសបញ្ជាក់ពីកិច្ចសហប្រតិបត្តិការរវាងមជ្ឈមណ្ឌលបណ្ដុះធុរកិច្ចថ្មី “តេជោ” សេនាធិការក្រសួងសេដ្ឋកិច្ច និងហិរញ្ញវត្ថុ ជាមួយនិងធនាគារ ABA នាពេលកន្លងមក ដែលបានឆ្លុះបញ្ចាំងតាមរយៈអនុស្សរណៈយោគយល់គ្នារវាងស្ថាប័នទាំងពីរ និងក្នុងកម្មវិធីផ្សេងៗទៀត ក្នុងក្របខណ្ឌធុរកិច្ចថ្មីបច្ចេកវិទ្យា បច្ចេកវិទ្យាហិរញ្ញវត្ថុ និងថ្នាលគ្រឹះឌីជីថល។

ឆ្លៀតក្នុងឱកាសនេះ អគ្គបណ្ឌិតសភាចារ្យក៏បានស្នើធនាគារ ABA បន្តផ្ដល់ការគាំទ្រ និងសហការយ៉ាងជិតស្និទ្ធិបន្ថែមទៀត ជាមួយមជ្ឈមណ្ឌលបណ្ដុះធុរកិច្ចថ្មី “តេជោ” ក្នុងការចូលរួមគាំទ្រសហការរៀបចំអភិវឌ្ឍ និងប្រើប្រាស់ថ្នាលគ្រឹះឌីជីថលកម្ពុជា រួមមានថ្នាលផ្លាស់ប្តូរទិន្នន័យកម្ពុជា (CamDX) ថ្នាល CamDigiKey និងថ្នាល CamDigiPay ផងដែរ។

លោក Yves Jacquot ក៏បានថ្លែងអំណរគុណដល់អគ្គបណ្ឌិតសភាចារ្យ អូន ព័ន្ធមុនីរ័ត្ន ដែលបានផ្ដល់ការអនុញ្ញាតដល់គណៈប្រតិភូធនាគារ ABA ចូលសម្ដែងការគួរសម។

លោកបានបន្ថែមថា ធនាគារ ABA កន្លងមកធ្លាប់បានធ្វើការជាមួយមជ្ឈមណ្ឌលបណ្ដុះធុរកិច្ចថ្មី “តេជោ” រួចមកហើយ និងនៅតែបន្តធ្វើការជាមួយគ្នាបន្តទៀត តបតាមការស្នើសុំរបស់អគ្គបណ្ឌិតសភាចារ្យ ដែលក្នុងនោះរួមមានទាំងការគាំទ្រជាថវិកា មិនមែនថវិកា និងធនធានមនុស្ស (Mentors) ផ្ដួចផ្ដើមបង្កើតកម្មវិធីថ្មីសម្រាប់គាំទ្រដល់ធុរកិច្ចថ្មីបច្ចេកវិទ្យា ផ្ដល់នូវបរិស្ថានសាកល្បង PayWay សម្រាប់ធុរកិច្ចថ្មីធ្វើតេស្ដសាកល្បង និងអភិវឌ្ឍផលិតផល ឬ សេវាកម្មរបស់ខ្លួន ចូលរួមប្រើប្រាស់ថ្នាលគ្រឹះឌីជីថលផ្សេងៗរបស់រាជរដ្ឋាភិបាលដែលគាំទ្រដល់វិស័យហិរញ្ញវត្ថុធនាគារ និង អភិវឌ្ឍថ្នាលគ្រឹះឌីជីថលរួមគ្នា។

លោកបានថ្លែងអំណរគុណសារជាថ្មីម្ដងទៀត ដល់ធនាគារ ABA និងសង្ឃឹមយ៉ាងមុតមាំថា ធនាគារនឹងបន្តផ្ដល់ការគាំទ្រ និងសហការផ្សេងៗទៀត ជាមួយរាជរដ្ឋាភិបាល សំដៅរួមចំណែកដល់ការអភិវឌ្ឍសេដ្ឋកិច្ចឌីជីថលកម្ពុជា ក្នុងក្របខណ្ឌវិស័យហិរញ្ញវត្ថុធនាគារ៕

បារាំងសន្យាបន្តផ្តល់ឥណទានសម្បទានប្រចាំឆ្នាំពី១០០-១២០លានអឺរ៉ូរួមចំណែកអភិវឌ្ឍនិងស្តារសេដ្ឋកិច្ចកម្ពុជា

ដោយ៖ សុផារី

ភ្នំពេញ៖ នាយកទីភ្នាក់ងារបារាំងសម្រាប់ការអភិវឌ្ឍថ្មី ប្រចាំតំបន់អាស៊ីអាគ្នេយ៍ បានអះអាងថា រដ្ឋាភិបាលបារាំង នៅតែរក្សាកិច្ចសហប្រតិបត្តិការហិរញ្ញប្បទាន ក្នុងទំហំឥណទានសម្បទានប្រចាំឆ្នាំចន្លោះពី១០០-១២០លានអឺរ៉ូ សម្រាប់រួមចំណែកក្នុងការអភិវឌ្ឍ និងស្តារសេដ្ឋកិច្ចកម្ពុជា បន្ទាប់ពីវិបត្តិកូវីដ១៩។

នាយក AFD ថ្មី ប្រចាំតំបន់អាស៊ីអាគ្នេយ៍បានអះអាង ក្នុងឱកាសចូលជួបសម្តែងការគួរសម និងពិភាក្សាការងារជាមួយអគ្គបណ្ឌិតសភាចារ្យ អូន ព័ន្ធមុនីរ័ត្ន នៅរសៀលថ្ងៃទី២០ ខែកញ្ញា ឆ្នាំ២០២២។

ជាក់ស្តែង ក្នុងរយៈពេល៣០ឆ្នាំចុងក្រោយនេះ តាមរយៈ AFD សាធារណរដ្ឋបារាំងបានផ្តល់ហិរញ្ញប្បទានសរុបប្រមាណ៨៨៨លានអឺរ៉ូដល់កម្ពុជា។ ក្នុងនោះ ឥណទានសម្បទានចំនួន៥៣៣លានអឺរ៉ូ និងហិរញ្ញប្បទានឥតសំណងចំនួន១៧៨លានអឺរ៉ូ ដោយផ្ដោតលើការអភិវឌ្ឍហេដ្ឋារចនាសម្ព័ន្ធ ដូចជា ផ្លូវជនបទ ធារាសាស្រ្ត កសិកម្ម ទឹកស្អាត អគ្គិសនី អប់រំ និងសុខាភិបាល។

លោកឧបនាយករដ្ឋមន្ត្រី អូន ព័ន្ធមុនីរ័ត្ន បានស្វាគមន៍យ៉ាងកក់ក្តៅ និងអបអរសាទរចំពោះលោក Jean-Pierre Marcelli ដែលទើបត្រូវបានតែងតាំងជានាយក AFD ប្រចាំតំបន់អាស៊ីអាគ្នេយ៍ និងលោកស្រី Sandrine Boucher ដែលទើបត្រូវបានតែងតាំងជានាយក AFD ប្រចាំកម្ពុជា និងមានជឿជាក់យ៉ាងមុតមាំថា កិច្ចសហការរវាងរាជរដ្ឋាភិបាលកម្ពុជា និង AFD នឹងត្រូវបានពង្រឹង និងពង្រីកឥតឈប់ឈរហើយនាំមកនូវលទ្ធផលប្រកបដោយផ្លែផ្កា។

លោកក៏បានថ្លែងអំណរគុណ និងវាយតម្លៃខ្ពស់ចំពោះ AFD ដែលបានចូលរួមចំណែក យ៉ាងសកម្មដល់ការអភិវឌ្ឍសេដ្ឋកិច្ច និងសង្គមនៅកម្ពុជា តាមរយៈការផ្ដល់ហិរញ្ញប្បទាន ដល់គម្រោងអភិវឌ្ឍន៏របស់រាជរដ្ឋាភិបាលកម្ពុជា និងផ្ដល់ហិរញ្ញប្បទានដល់វិស័យឯកជន។

ហិរញ្ញប្បទានសហប្រតិបត្តិការនេះ បានឆ្លើយតបនឹងតម្រូវការនៃការអភិវឌ្ឍ និងទាន់ពេលវេលា ស្របតាមកម្មវិធី និងគោលនយោបាយរបស់រាជរដ្ឋាភិបាលកម្ពុជា ជាពិសេស បានអនុលោមទៅនឹងផែនការយុទ្ធសាស្រ្តអភិវឌ្ឍន៍ជាតិ យុទ្ធសាស្រ្តចតុកោណ យុទ្ធសាស្ត្រស្តីពីការគ្រប់គ្រងបំណុលសាធារណៈ ក្របខណ្ឌយុទ្ធសាស្រ្តកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ២០២១-២០២៣ និងកម្មវិធីវិនិយោគសាធារណៈឆ្នាំរំកិល២០២២-២០២៤ ជាដើម។

លោកក៏បានគូសបញ្ជាក់ថា ទោះបីកម្ពុជាទទួលបាននូវជោគជ័យធំធេង នៅក្នុងសមរភូមិប្រយុទ្ធនឹងជំងឺកូវីដ-១៩ ដើម្បីការពារអាយុជីវិត និងលំនឹងជីវភាពប្រជាជន ហើយបើកប្រទេសលើគ្រប់វិស័យ ដើម្បីស្តារ និងជំរុញកំណើនសេដ្ឋកិច្ចឡើងវិញក្តី។ ប៉ុន្តែការមកដល់នៃវិបត្តិជាបន្តបន្ទាប់ទៀត ដូចជា ការកើនឡើងខ្ពស់នៃអត្រាអតិផរណា និងអត្រាការប្រាក់ ការថមថយសេដ្ឋកិច្ចនៅប្រទេសអភិវឌ្ឍ និងប្រទេសចិន និងវិបត្តិសង្គ្រាមនៅអ៊ុយក្រែន ព្រមទាំងបញ្ហាភូមិសាស្រ្តនយោបាយក្នុងតំបន់ និងអន្តរជាតិ បាន និងកំពុងបង្កផលប៉ះពាល់អវិជ្ជមាន ដល់កិច្ចដំណើរការស្តារ និងជំរុញ កំណើនសេដ្ឋកិច្ចឡើងវិញរបស់កម្ពុជា ក៏ដូចជាការងើបឡើងវិញនៃសេដ្ឋកិច្ចពិភពលោកទាំងមូល។

ចំពោះមុខ រាជរដ្ឋាភិបាលកម្ពុជា នឹងបន្តជំរុញការធ្វើកំណែទម្រង់រចនាសម្ព័ន្ធ ដោយផ្តោតលើវិស័យអាទិភាពនានា ដូចជា ឡូជីស្ទីក ថាមពល ជំនាញឌីជីថល សហគ្រាសធុនតូច និងមធ្យម និងកិច្ច សម្រួលពាណិជ្ជកម្ម ព្រមទាំងការកែលម្អបរិយាកាសវិនិយោគ និងធុរកិច្ច ដើម្បីជំរុញការធ្វើពិពិធកម្មសេដ្ឋកិច្ច ការទ្រទ្រង់កំណើន និងការលើកកម្ពស់ភាពប្រកួតប្រជែង ព្រមទាំងការជំរុញការនាំចេញ ទាំងក្នុងក្របខណ្ឌកិច្ចព្រមព្រៀង ពាណិជ្ជកម្មសេរីទ្វេភាគី និងពហុភាគី ក៏ដូចជាទាំងក្នុងនិន្នាការនៃការផ្លាស់ទីតាំងវិនិយោគ (Investment Relocation) នៅក្នុងតំបន់ផងដែរ។

លោក Jean-Pierre Marcelli បានសម្តែងនូវអំណរសាទរ ចំពោះរាជរដ្ឋាភិបាលកម្ពុជា ក៏ដូចជាក្រសួងសេដ្ឋកិច្ច និងហិរញ្ញវត្ថុ ដែលសម្រេចបានលទ្ធផលដ៏ត្រចះត្រចង់ ក្នុងការគ្រប់គ្រងម៉ាក្រូសេដ្ឋកិច្ច និងទទួលបានកំណើនសេដ្ឋកិច្ច គួរឱ្យកត់សម្គាល់ ក្នុងបរិការណ៍ដែលពិភពលោកកំពុងប្រឈមនឹងវិបត្តិសេដ្ឋកិច្ច ដែលបណ្ដាលមកពីការរីករាលដាលនៃជំងឺកូវីដ១៩ និងសង្រ្គាមរវាងរុស្សីនិងអ៊ុយក្រែន។

លោក Jean-Pierre Marcelli បានវាយតម្លៃខ្ពស់ចំពោះ រាជរដ្ឋាភិបាលកម្ពុជា ដែលបានគ្រប់គ្រងការរីករាលដាលនៃជំងឺកូវីដ១៩ យ៉ាងមានប្រសិទ្ធភាព និង ចាប់ផ្ដើមបើកប្រទេស និងសេដ្ឋកិច្ច ឡើងវិញយ៉ាងឆាប់រហ័ស និងបានគូសបញ្ជាក់ផងដែរថា AFD នឹងបន្តគាំទ្ររាជរដ្ឋាភិបាលកម្ពុជា ដោយសន្យាបង្កើនទំហំហិរញ្ញប្បទានសហប្រតិបត្តិការសម្រាប់កម្ពុជាឱ្យស្របទៅនឹងបរិការណ៍បច្ចុប្បន្ន ។

ក្នុងភាពជាដៃគូអភិវឌ្ឍន៍ លោក Jean-Pierre Marcelli បានគួសបញ្ជាក់ថា រដ្ឋាភិបាលបារាំង នៅតែរក្សាកិច្ច សហប្រតិបត្តិការហិរញ្ញប្បទានក្នុងទំហំឥណទានសម្បទានប្រចាំឆ្នាំចន្លោះពី១០០-១២០ លានអឺរ៉ូ សម្រាប់រួមចំណែកក្នុងការអភិវឌ្ឍ និងស្តារសេដ្ឋកិច្ចកម្ពុជាបន្ទាប់ពីវិបត្តិកូវីដ-១៩ ស្របតាមគោលនយោបាយ និងយុទ្ធសាស្ត្រអភិវឌ្ឍន៍ជាតិ របស់កម្ពុជា និងយុទ្ធសាស្ត្ររបស់ AFD (Country Strategy 2022-2026) ដែលផ្តោតទៅលើគោលដៅសំខាន់បី ១. ការអភិវឌ្ឍដែលបន្សាំទៅនឹងបម្រែបម្រួលអាកាសធាតុ និងកាត់បន្ថយការបំភាយឧស្ម័នកាបូន ២. ការចូលរួមបង្កើត ការងារ និងកំណើនសេដ្ឋកិច្ច និង ៣. ការអភិវឌ្ឍ ហេដ្ឋារចនាសម្ព័ន្ធប្រកបដោយចីរភាព និងអភិបាលកិច្ចល្អ៕

CDC អនុម័តគម្រោងថ្មីមួយតម្លៃជិត៦លានដុល្លារនៅរាជធានីភ្នំពេញ

ដោយ៖ សុផារី

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចចេញវិញ្ញាបនបត្រចុះបញ្ជី លើគម្រោងវិនិយោគ ដែលមានទុនសរុប៥,៦លានដុល្លារអាមេរិក ដើម្បីបង្កើតរោងចក្រចំនួន ១កន្លែង នៅរាជធានីភ្នំពេញ។

ក្រុមហ៊ុន MI QI (CAMBODIA) GARMENT CO., LTD បានស្នើសុំវិនិយោគលើគម្រោងបង្កើតរោងចក្រកាត់ដេរសម្លៀកបំពាក់មួយកន្លែង ដែលមានទីតាំងស្ថិតនៅភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ក្នុងទុនវិនិយោគប្រមាណ៥,៦លានដុល្លារអាមេរិក។

បើតាមក្រុមប្រឹក្សាអភិវឌ្ឍន៍កម្ពុជា (CDC) គម្រោងថ្មីមួយនេះ នឹងបង្កើតការងារចំនួន ១.៨៨៦៣កន្លែងជូនប្រជាពលរដ្ឋ៕

ប្រូម៉ូសិនភ្ជុំបិណ្ឌពីបុរី ប៉េង ហួត ចំណេញសន្ធឹកសន្ធាប់មិនធ្លាប់មាន!

ដោយ៖ សហការី

រាជធានីភ្នំពេញ៖ បុរី ប៉េង ហួត បានបង្កើតកម្មវិធី “ប្រូម៉ូសិនភ្ជុំបិណ្ឌ” សម្រាប់ផ្ដល់ជូនអតិថិជនក្នុងឱកាសដ៏ពិសេសនេះ ដើម្បីអបអរសាទរឱកាសនៃពិធីបុណ្យភ្ជុំបិណ្ឌ និងដើម្បីបំពេញតម្រូវការរបស់អតិថិជន ក្នុងការទទួលបានផ្ទះក្នុងក្ដីស្រមៃ ជាមួយនឹងការតុបតែងរួចជាស្រេច ព្រមទាំងគោលការណ៍បង់ប្រាក់កាន់តែងាយស្រួលផងនោះ។

កម្មវិធីនេះនឹងប្រព្រឹត្តទៅនៅថ្ងៃទី២២ ខែកញ្ញា ឆ្នាំ២០២២នេះ នៅការិយាល័យលក់បុរី ប៉េង ហួត ហ្គ្រេនស្តា ផ្លាទីនីម តាមបណ្ដោយផ្លូវជាតិលេខ១។

ជាមួយប្រូម៉ូសិនភ្ជុំបិណ្ឌនេះ អតិថិជននឹងទទួលបានការផ្ដល់ជូនបន្ថែមពីលើប្រូម៉ូសិនប្រចាំខែកញ្ញា ដូចជា៖

ដេគ័របន្ទប់មេគ្រួសារចំនួន២ បន្ទប់ តាមស្តង់ដារផ្ទះគំរូ
ផ្តល់ជូន គ្រឿងអេឡិចត្រូនិចដ៏ទំនើប១ឈុត រួមាន៖
- ទូទឹកកកដ៏ស្រស់ស្អាត
- Smart TV
- ម៉ាស៊ីនបោកសម្លៀកបំពាក់សេរីថ្មី
- ម៉ាស៊ីន Microwave
- និងចង្ក្រានអគ្គិសនីដ៏ទាន់សម័យភ្លាមៗ
ការបញ្ចុះតម្លៃពិសេស ដែលផ្ដល់ជូនសម្រាប់តែ៥ផ្ទះប៉ុណ្ណោះ
គោលការណ៍បង់ប្រាក់ជាមួយបុរីផ្ទាល់ ដែលមានអត្រាការប្រាក់ទាបបំផុត មិនធ្លាប់មាន

https://www.youtube.com/watch?v=E70ZIXHM9UM

សូមអញ្ញើញមកកាន់ ការិយាល័យលក់ បុរី ប៉េង ហួត ហ្រ្គេនស្តាផ្លាទីនីម ស្ថិតតាមបណ្តោយផ្លូវជាតិលេខ១ ចាប់ពីម៉ោង៩ព្រឹក ដល់៥ល្ងាច នៅថ្ងៃព្រហស្បតិ៍ ទី២២ ខែកញ្ញានេះ។

សម្រាប់ព័ត៌មានបន្ថែម សូមទាក់ទងមកកាន់សហការីលក់ បុរី ប៉េង ហួត តាមរយៈទូរសព្ទ័លេខ 017 59 6789 ឬចូលរួមក្នុង Channel Telegram: Borey Peng Huoth ឥឡូវនេះ!

ដំណឹងល្អ តម្លៃប្រេងឥន្ធនៈនិងប្រេងម៉ាស៊ូតបន្តចុះថ្លៃចាប់ពីថ្ងៃនេះដល់ចុងខែកញ្ញានេះ

ដោយ៖ សុផារី

ភ្នំពេញៈ ក្រសួងពាណិជ្ជកម្មបានប្រកាសថា ប្រេងសាំងធម្មតាលក់រាយមានតម្លៃ៤.៣៥០រៀល និងប្រេងម៉ាស៊ូត៤.៨៥០រៀល ក្នុង១លីត្រ ចាប់អនុវត្តពីថ្ងៃនេះ ដល់ចុងខែកញ្ញា ឆ្នាំ២០២២នេះ។

បើយោងតាមសេចក្តីប្រកាសព័ត៌មាន របស់ក្រសួងពាណិជ្ជកម្មកម្ពុជា នៅថ្ងៃទី១២ ខែកញ្ញា ឆ្នាំ២០២២នេះ បានបញ្ជាក់ថា ផ្អែកតាមតម្លៃប្រេងឆៅនៅលើទីផ្សារអន្តរជាតិ តម្លៃលក់រាយប្រេងឥន្ធនៈក្នុងរយៈពេលដូចគ្នាខាងលើ ត្រូវលក់៤.៦១៧រៀល ក្នុងមួយលីត្រ សម្រាប់ប្រេងសាំងធម្មតា EA92 និង៥.១១៧រៀល សម្រាប់ប្រេងម៉ាស៊ូត ក្នុងមួយលីត្រ។

ក្រសួងបានបញ្ជាក់បន្ថែមថា ដើម្បីជួយសម្រួល់ដល់ជីវភាពរបស់ប្រជាជន និងដោយមានការរួមចំណែក ពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៦,៥សេនដុល្លារ ក្នុងមួយលីត្រ៕

Evaluation of land prices key to market transparency

HÀ NỘI — Land prices should be more market-based to develop transparency in the real estate market, attract more capital and promote socio-economic development, experts said at the 2022 Việt Nam Socio-Economic Forum on Sunday.

The draft amended Law on Land removed the State-regulated land price table and aimed to set more market-based land prices.

Former Deputy Minister of Natural Resources and Environment Đặng Hùng Võ highlighted the need to add definitions of market prices under international standards in the revised law.

He said that market land prices should be distinguished from the land prices in transactions.

Many countries determined State-regulated land prices at around 70-80 per cent of the market price. This is reasonable, Võ said, adding that land value should not be simply an arithmetical number but should be based on statistics.

He stressed that it was necessary to set up a database to calculate and establish market land prices.

In Việt Nam, the existing State-regulated land price table, which was used for taxation or site clearance compensation, was much lower than the market prices.

According to Đậu Anh Tuấn, Deputy General Secretary of the Việt Nam Chamber of Commerce and Industry, localities might face confusion when determining land prices for compensation if they follow the principle the compensation price must be consistent with the popular land price.

Hoàng Văn Cường, Vice Rector of the National Economics University, said land prices should be established on the valuation of land to ensure stability because prices are a changing factor. Cường stressed the importance of developing a land price database.

He added that the selection of realty developers must also follow market mechanisms.

Nguyễn Thành Phong of the Party Central Committee’s Economic Commission said developing a transparent real estate market would bring opportunities to draw capital at home and abroad, propelling socio-economic development.

Minister of Natural Resources and Environment Trần Hồng Hà said that transparency in land prices would help harmonise the relationship between the Government, land owners whose land was revoked and enterprises.

Market-based land price was expected to prevent speculation, Hà said.

Finance Minister Hồ Đức Phớc said solutions to evaluate land prices should be reviewed to add amendments to the Law on Land.

In the upcoming fourth meeting, the amended Law on Land will be submitted to the legislature for consideration.

At another session on policies supporting businesses and workers for sustainable development, a representative from the State Bank of Vietnam (SBV) said policies would be revised to increase enterprises’ disbursement of a 2-per-cent interest rate support package.

Chairwoman of Deloitte Việt Nam Hà Thu Thanh said that most Vietnamese companies were small and medium-sized and found it hard to access capital via commercial banks. Moreover, their collateral assets had limited value, so the loans they could obtain were insufficient to expand operations.

To fix it, the SBV would set up an inter-sectoral working group to take field trips to localities and answer their questions, hold more conferences linking businesses and banks, and work closely with ministries and agencies to tackle difficulties. — VNS

យន្តការវាយតម្លៃដីធ្លីឱ្យបានត្រឹមត្រូវពិតជាសំខាន់ណាស់ចំពោះតម្លាភាពទីផ្សារអចលនទ្រព្យ

ដោយ៖ សុខុម

ហាណូយ: ជាការពិតណាស់ តម្លៃដីធ្លីគួរតែត្រូវបានកំណត់ដោយផ្អែកលើទីផ្សារជាក់ស្ដែង ដើម្បីនាំមកនូវតម្លាភាពកាន់តែប្រសើរនៅក្នុងទីផ្សារអចលនទ្រព្យ និងទាក់ទាញមូលធនកាន់តែច្រើន ព្រមទាំងជំរុញការអភិវឌ្ឍសេដ្ឋកិច្ចសង្គម។

នេះបើយោងតាមអ្វី ដែលក្រុមអ្នកជំនាញបានលើកឡើង នៅឯវេទិកាសេដ្ឋកិច្ចសង្គមវៀតណាម ឆ្នាំ២០២២ (Việt Nam Socio-Economic Forum 2022) កាលពីថ្ងៃអាទិត្យ ទី២០ ខែកញ្ញា។

សេចក្តីព្រាងវិសោធនកម្មច្បាប់ស្តីពីដីធ្លី បានលុបចោលតារាងតម្លៃដីធ្លីចេញដោយរដ្ឋ ហើយមានបំណងកំណត់តម្លៃដីធ្លី ដោយផ្អែកលើទីផ្សារជាក់ស្ដែងជំនួសវិញ។

អតីតអនុរដ្ឋមន្ត្រីក្រសួងធនធានធម្មជាតិ និងបរិស្ថាន លោក Đặng Hùng Võ បានលើកឡើងថា វាពិតជាចាំបាច់ណាស់ក្នុងការបន្ថែមនិយមន័យនៃតម្លៃដីធ្លីក្នុងទីផ្សារក្រោមស្តង់ដារអន្តរជាតិនៅក្នុងច្បាប់ ដែលត្រូវបានកែសម្រួល។

លោកបានគូសបញ្ជាក់ថា តម្លៃដីធ្លីក្នុងទីផ្សារគួរតែត្រូវបានកំណត់ដោយផ្អែកលើតម្លៃដីធ្លីដែលត្រូវបានទិញលក់។

លោកបានធ្វើការកត់សម្គាល់ថា នៅក្នុងប្រទេសជាច្រើន រដ្ឋបានកំណត់តម្លៃដីធ្លីក្នុងរង្វង់ប្រមាណ៧០%ទៅ៨០%នៃតម្លៃដីធ្លីក្នុងទីផ្សារ ហើយលោកបានយល់ស្របថា ធ្វើបែបនេះគឺសមហេតុផល ព្រោះតម្លៃដីធ្លីមិនគួរគ្រាន់តែផ្អែកលើតួលេខនោះទេ ប៉ុន្តែគួរតែផ្អែកលើស្ថិតិ។

លោកសង្កត់ធ្ងន់ថា វាពិតជាចាំបាច់ណាស់ដែលត្រូវរៀបចំឱ្យមានប្រព័ន្ធទិន្នន័យ (Database) ដើម្បីគណនា និងកំណត់តម្លៃដីធ្លីក្នុងទីផ្សារ។

នៅប្រទេសវៀតណាម តារាងតម្លៃដីធ្លីមានស្រាប់ដែលកំណត់ដោយរដ្ឋត្រូវបានប្រើប្រាស់សម្រាប់ការបង់ពន្ធ ឬសំណងលើការរើសចេញពីទីតាំង គឺទាបជាងតម្លៃទីផ្សារច្រើន។

យោងតាមលោក Đậu Anh Tuấn អគ្គលេខាធិការងនៃសភាពាណិជ្ជកម្ម និងឧស្សាហកម្មវៀតណាម ឱ្យដឹងថា តំបន់នានាអាចនឹងមានការភាន់ច្រឡំនៅពេលកំណត់តម្លៃដីធ្លីសម្រាប់ការផ្ដល់សំណង។ ហើយប្រសិនបើពួកគេអនុវត្តតាមគោលការណ៍តម្លៃសំណង ត្រូវតែឱ្យស្របទៅនឹងតម្លៃដីរបស់ប្រជាជន។

លោក Hoàng Văn Cường សាកលវិទ្យាធិការរងនៃសាកលវិទ្យាល័យសេដ្ឋកិច្ចជាតិរបស់វៀតណាម លើកឡើងថា តម្លៃដីគួរតែត្រូវបានកំណត់ដោយផ្អែកលើការវាយតម្លៃដីធ្លីជាក់ស្ដែងដើម្បីធានាបាននូវស្ថិរភាព ព្រោះតម្លៃប្រែប្រួលឡើងចុះមិនទៀង ដូចនេះចាំបាច់ត្រូវរៀបចំឱ្យមានប្រព័ន្ធទិន្នន័យតម្លៃដីធ្លី។

លោក Nguyễn Thành Phong ដែលមកពីគណៈកម្មាធិការសេដ្ឋកិច្ចនៃគណៈកម្មាធិការមជ្ឈិមបក្សកុម្មុយនីស្តវៀណាម ថ្លែងថា ការអភិវឌ្ឍទីផ្សារអចលនទ្រព្យមួយប្រកបដោយតម្លាភាពនឹងនាំមកនូវឱកាសទាក់ទាញមូលធនទាំងក្នុងប្រទេស និងក្រៅប្រទេស ដោយជំរុញការអភិវឌ្ឍសេដ្ឋកិច្ចសង្គម។

រដ្ឋមន្ត្រីក្រសួងធនធានធម្មជាតិ និងបរិស្ថាន លោក Tran Hồng Hà លើកឡើងថា តម្លាភាពនៃតម្លៃដីធ្លីនឹងជួយសម្រួលទំនាក់ទំនងរវាងរដ្ឋាភិបាល ម្ចាស់ដីធ្លី និងសហគ្រាស។

លោកលើកឡើងបន្ថែមទៀតថា តាមការរំពឹងទុក តម្លៃដីធ្លីដែលផ្អែកលើទីផ្សារជាក់ស្ដែងនឹងជួយរារាំងទប់ស្កាត់ការទិញទុកចំណេញ។

រដ្ឋមន្ត្រីក្រសួងហិរញ្ញវត្ថុ លោក Hồ Đức Phớc ថ្លែងថា ដំណោះស្រាយដើម្បីវាយតម្លៃដីធ្លីគួរតែត្រូវ បានពិនិត្យឡើងវិញដើម្បីបន្ថែមវិសោធនកម្មលើច្បាប់ស្តីពីដីធ្លី៕ Vietnam News៕

ADB ព្យាករកំណើនសេដ្ឋកិច្ចកម្ពុជានៅត្រឹម៥,៣ភាគរយក្នុងឆ្នាំ២០២២ និង៦,២ភាគរយនៅឆ្នាំ២០២៣

ដោយ៖ សុផារី

ភ្នំពេញ៖ ធនាគារអភិវឌ្ឍន៍អាស៊ី (ADB) បានរក្សាការព្យាករកំណើនសេដ្ឋកិច្ចរបស់ខ្លួន សម្រាប់ប្រទេសកម្ពុជានៅកម្រិត៥,៣% ក្នុងឆ្នាំ២០២២ ប៉ុន្តែបានបន្ទាបការព្យាករឆ្នាំ២០២៣ មកនៅត្រឹម៦,២% ពី៦,៥% ដោយសារការចុះខ្សោយនៃកំណើនសេដ្ឋកិច្ចពិភពលោក។ នេះបើតាមសេចក្ដីប្រកាសព័ត៌មានរបស់ ADB ដែលចេញផ្សាយនាពេលថ្មីៗនេះ។

យោងតាមការធ្វើបច្ចុប្បន្នភាពនៃទស្សនវិស័យអភិវឌ្ឍន៍អាស៊ីឆ្នាំ២០២២ (ADO 2022 Update) ចេញផ្សាយនៅថ្ងៃនេះ ការនាំចេញផលិតផលសម្លៀកបំពាក់ ទំនិញធ្វើដំណើរ និង ស្បែកជើងរបស់កម្ពុជា នៅតែរឹងមាំ ជាមួយកំណើន៣៩,៨% ក្នុងឆមាសទីមួយនៃឆ្នាំ២០២២ ធៀបនឹងរយៈពេលដូចគ្នាកាលពីឆ្នាំមុន បើទោះបីជាមានការថយចុះនៃកំណើនសេដ្ឋកិច្ចសហរដ្ឋអាមេរិក និង អឺរ៉ុបក៏ដោយ។

វិស័យកម្មន្តសាលមិនមែនកាត់ដេរ បានបន្តសន្ទុះកំណើនដ៏រឹងមាំ។ វិស័យសំណង់បានងើបឡើងវិញជាបណ្តើរៗ ជាមួយការនាំចូលសម្ភារសំណង់កើនឡើង ២២,៨%។ វិស័យឧស្សាហកម្ម ត្រូវបានព្យាករថា នឹងកើនឡើង៩,១% នៅឆ្នាំនេះ មុនពេលថយមកត្រឹម៨,៦% នៅឆ្នាំ២០២៣ ដោយសារការចុះខ្សោយនៃតម្រូវការក្រៅស្រុក។

នាយិកា ADB ប្រចាំកម្ពុជា លោកស្រី Jyotsana Varma បានថ្លែងថា ការកើនឡើងនៃការនាំចេញផលិតផលកម្មន្តសាលរបស់កម្ពុជា និងការងើបឡើងវិញបន្តិចម្តងៗ ក្នុងវិស័យសំណង់ និងសេវាកម្ម បានជួយដល់កំណើនសេដ្ឋកិច្ចនៅឆ្នាំ២០២២ ទោះបីជាមានការថយចុះនៃកំណើនវិស័យកសិកម្ម ដែលបណ្តាលមកពីការកើនឡើងនៃថ្លៃប្រេងឥន្ធនៈ និងជី និងភ្លៀងធ្លាក់ខ្លាំងក៏ដោយ។

នាយិកា ADB ប្រចាំកម្ពុជា បន្ដទៀតថា “អន្តរាគមន៍សេដ្ឋកិច្ចសង្គមរបស់រាជរដ្ឋាភិបាល ដូចជាកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ បាននិងកំពុងមានប្រសិទ្ធភាព ក្នុងការកាត់បន្ថយផលប៉ះពាល់នៃការកើនឡើងថ្លៃទំនិញលើពិភពលោក សម្រាប់ពលរដ្ឋក្រីក្រ”។

របាយការណ៍ខាងលើ បានដំឡើងការព្យាករអតិផរណាឆ្នាំ២០២២ របស់កម្ពុជាទៅ៥,០% ពីការព្យាករ៤,៧% ក្នុងខែមេសា ដោយសារឥទ្ធិពលរាលដាល នៃការកើនឡើងតម្លៃប្រេងឥន្ធនៈដែលបណ្តាល មកពីការឈ្លានពានរបស់រុស្ស៊ីលើអ៊ុយក្រែន។ ការព្យាករអតិផរណាសម្រាប់ឆ្នាំ២០២៣ ត្រូវបានរក្សាទុកនៅ២,២%។

ហានិភ័យសម្រាប់ទស្សនវិស័យនេះរួមមាន ការលេចឡើងនៃមេរោគកូវីដ១៩ប្រភេទថ្មី និងជំងឺអុតស្វា កំណើនឆាប់រហ័សនៃកម្ចីមិនដំណើរការ កំណើនសេដ្ឋកិច្ចនៃដៃគូពាណិជ្ជកម្មសំខាន់ៗមានភាពកាន់ តែទន់ខ្សោយ ការរំខាននានាដល់ខ្សែសង្វាក់ផ្គត់ផ្គង់ជាសកល និង ការកើនឡើងនៃថ្លៃថាមពលនិងទំនិញ នានាដែលអាចអាក្រក់ជាងការរំពឹងទុក។

ការគាំទ្ររបស់ ADB ដល់កម្ពុជា គឺស្របទៅនឹងអាទិភាពកំណើនរបស់រាជរដ្ឋាភិបាល។ បច្ចុប្បន្ន ADB កំពុងអនុវត្តគម្រោងវិនិយោគដែលមានទឹកប្រាក់២,៤៣ ពាន់លានដុល្លារនៅកម្ពុជា។ នៅឆ្នាំ២០២១ ADB បានសន្យាផ្តល់ប្រាក់កម្ចី និងជំនួយសម្រាប់ស្ថាប័នរដ្ឋចំនួន៣២៧,១លានដុល្លារ ហើយបានកៀគរបន្ថែម៥លានដុល្លារ តាមរយៈសហហិរញ្ញប្បទានសម្រាប់កម្ពុជា។

ប្រាក់កម្ចីត្រៀមរបស់ ADB សម្រាប់កម្ពុជាឆ្នាំ២០២២-២០២៥ រួមមានការផ្តល់កម្ចីសម្បទានចំនួន១,១៧ពាន់លានដុល្លារ និង ជំនួយចំនួន៤៣,៩លានដុល្លារ ដើម្បីគាំទ្រដល់ការអភិវឌ្ឍសេដ្ឋកិច្ចរបស់ប្រទេស និងការស្តារឡើងវិញ ពីជំងឺរាតត្បាតកូវីដ-១៩៕

ការពន្យារពេលគម្រោងអភិវឌ្ឍន៍ព្រលានយន្តហោះមណ្ឌលគីរីធ្វើឱ្យទីផ្សារដីធ្លីហាក់នៅទ្រឹង

ដោយ៖ វឌ្ឍនៈ

ភ្នំពេញ ៖ គម្រោងអភិវឌ្ឍន៍ព្រលានយន្តហោះមណ្ឌលគីរីត្រូវបានពន្យារពេលអនុវត្តន៍ ដោយមិនទាន់ដឹងពេលវេលាជាក់លាក់ ថានឹងចាប់ផ្តើមអភិវឌ្ឍន៍នៅពេលណានោះឡើយ។ កន្លងមក អ្នកវិនិយោគនិងប្រជាពលរដ្ឋ ដែលមានលុយ បាននាំគ្នាសម្រុកស្វែងរកទិញដីទុកវិនិយោគ ទៅខេត្តមណ្ឌលគីរី ដោយរំពឹងថាផលចំណេញខ្ពស់ នៅពេលព្រលានយន្តហោះមួយនេះចាប់ផ្ដើមអភិវឌ្ឍន៍។

អ្នកនាំពាក្យរដ្ឋលេខាធិការអាកាសចរស៊ីវិល បានលើកឡើងថា គម្រោងនេះមិនទាន់កំណត់ពេលវេលាជាក់លាក់នៅឡើយ ថានឹងចាប់ផ្ដើមអភិវឌ្ឍន៍ពេលណានោះទេ។ ការពន្យារពេល និងភាពមិនច្បាស់លាស់នៃពេលវេលាក្នុងការអភិវឌ្ឍគម្រោងនេះ ធ្វើឱ្យទីផ្សារដីធ្លីនៅក្នុងខេត្តមណ្ឌលគីរីនៅមានសភាពទ្រឹងបន្តិច ដោយអ្នកលក់ច្រើនជាងអ្នកទិញ។

លោក មាឃ រឹទ្ធីជ័យ ប្រធានសាខានៃក្រុមហ៊ុនអចលនទ្រព្យ Century 21 Zillion Holding បានមានប្រសាសន៍ថា កាលពីមុន អ្នកស្វែងរកទិញដីធ្លីនៅមណ្ឌលគីរីមានច្រើនណាស់ ទាំងអ្នកនៅក្នុងខេត្តផ្ទាល់ និងអ្នកមកពីតំបន់ផ្សេងៗ ដូចជា ភ្នំពេញ និងបណ្ដាខេត្តផ្សេងៗ។ មកដល់ពេលនេះ អ្នកប្រកាសលក់ដីធ្លីមានច្រើនជាងអ្នកទិញទៅវិញ ហើយវាអាចមកពីការពន្យារពេលនៃគម្រោងព្រលានយន្តហោះអន្តរជាតិមណ្ឌលគីរីផងដែរ។

លោកបន្តថា ទោះបីជាបច្ចុប្បន្ននេះ អ្នកលក់មានចំនួន ច្រើនជាងអ្នកទិញក្ដី តែតម្លៃនៃអចលនទ្រព្យក៏មិនធ្លាក់ចុះខ្លាំងណាស់ណាដែរ។ ផ្ទុយទៅវិញ ម្ចាស់ទ្រព្យខ្លះប្រកាសលក់ដី ក្នុងតម្លៃខ្ពស់ជាងមុន ឬប្រហាក់ប្រហែលនឹងពេលមុនដែរ ដូច្នេះហើយទើបសកម្មភាពនៃការដោះដូរមិនសូវមានច្រើននោះទេ។

លោកបន្តទៀតថា អ្នកទិញដីសម្រាប់អភិវឌ្ឍន៍ នៅក្នុងខេត្តមណ្ឌលគីរី ក៏មានច្រើនដែរ ដោយពួកគាត់ទិញហើយទុកអភិវឌ្ឍន៍ និងមានសកម្មភាពអភិវឌ្ឍន៍ជាបណ្ដើរៗផងដែរ ដោយមួយចំនួនបានរៀបចំជាចំការលំហែសម្រាប់ទាក់ទាញភ្ញៀវទេសចរជាតិ និងអន្តរជាតិ ដូចជា ចំការកាហ្វេ ចំការដំណាំ នានា ដើម្បីស្រូបទាញទេសចរវិញ។

លោក សន សៀប នាយកប្រតិបត្តិនៃក្រុមហ៊ុនអចលនទ្រព្យ Key Real Estate ក៏បានលើកឡើងក្នុងបទបង្ហាញទៅកាន់វិនិយោគិនរាប់រយនាក់ថា មណ្ឌលគីរីត្រូវបានចាត់ទុកជាតំបន់ប៉ូលសេដ្ឋកិច្ចមួយរបស់កម្ពុជា ហើយជាទីតាំង ដែលវិនិយោគិនគួរចាប់អារម្មណ៍ ជាពិសេស សក្ដានុពលលើវិស័យកសិកម្ម និងទេសចរណ៍។

លោកថា ”ក្នុងចំណោមតំបន់ប៉ូលសំខាន់ៗ ក៏មានមណ្ឌលគីរីមួយដែរ ដែលគួរចាប់អារម្មណ៍ និងផ្សព្វផ្សាយទៅកាន់វិនិយោគិនជាតិ និងអន្តរជាតិ ឱ្យបានដឹង និងទាក់ទាញការវិនិយោគបន្ថែម”៕

1...1,2461,2471,248...3,261 Page 1,247 of 3,261