PHNOM PENH, CAMBODIA – Media OutReach – 6 September 2022 – “Cambodia’s retail outlook is looking stronger than ever going into 2023 with regional new players looking to expand into Indochina with Cambodia being one of the most attractive markets,” said Edward Lee, Chief Executive Officer (CEO) of Prince Real Estate Group (Prince Real Estate) during its business matching event with the Malaysia Retail Chain Association (MRCA).

Prince Real Estate Group, Malaysia Retail Chain Association and Malaysian Business Chamber of Cambodia signed the Tripartite Memorandum of Understanding on 6 September.

Prince Real Estate hosted MRCA’s trade mission delegations of 60 Malaysian entrepreneurs from over 40 companies led by Dato Vincent Choo, the organizing chairman of the trade mission and vice president of MRCA, at the Raffles Hotel Le Royal.

Prince Real Estate hosted MRCA’s trade mission delegations of 60 Malaysian entrepreneurs from over 40 companies led by Dato Vincent Choo, the organizing chairman of the trade mission and vice president of MRCA.

During the event, the Group entered a tripartite Memorandum of Understanding (MoU) with MRCA and the Malaysian Chamber of Cambodia, witnessed by His Excellency Cheuy Vichet, Ambassador of Cambodia to Malaysia.

The MoU promotes investment into the Kingdom, specifically the retail industry, by facilitating Malaysian companies interested in expanding into Cambodia through knowledge sharing and providing data-driven insights.

The business matching event is part of Prince Real Estate’s efforts to strengthen its expansion strategies via inward investments in line with the Group’s vision to transform the retail industry in Cambodia by bringing in more regional brands to complement the local players.

“Cambodia has been an investment-friendly country with three main pull factors: the Cambodian law permits 100% foreign ownership of a business, there is no capital control, and the Kingdom is a dollarized economy,” said Edward.

Prince Real Estate reboots progressive expansion, seeing a return to normality post opening of Cambodia’s economy early this year. The Group launched its first open-concept-inspired street mall, the Prince Times Square, in June this year. Prince Real Estate is also launching its flagship project – the Prince International Plaza, end of Q4 2022.

Last week, Prince Real Estate clinched two top developer awards of the year as the Best Developer and Best Mixed Use Developer at the 7th PropertyGuru Cambodia Property Awards 2022 at a gala event in Sofitel Hotel, Phnom Penh, Cambodia.

ដោយៈ គង់ សូរិយា

ភ្នំពេញៈ អាជ្ញាធរខេត្តបាត់ដំបង បាននិងកំពុងស្នើឲ្យប្រជាពលរដ្ឋក្នុង

ក្រុង រៀបចំសណ្ដាប់ធ្នាប់ សោភ័ណភាព របៀបរៀបរយ ក្នុងក្រុងបាត់ដំបង ពិសេស តំបន់អភិរ័ក្សសំណង់បេតិកភ័ណ្ឌក្នុងទីក្រុង។

អភិបាលខេត្តបាត់ដំបង លោកសុខ លូ អភិបាល បានអញ្ជើញជាអធិបតីភាព ក្នុងកិច្ចប្រជុំផ្សព្វផ្សាយ ស្ដីពីការរៀបចំសណ្ដាប់ធ្នាប់ សោភ័ណភាព របៀបរៀបរយ ក្នុងក្រុងបាត់ដំបង ជូនដល់ប្រជាពលរដ្ឋ ដែលរស់នៅក្នុងក្រុងបាត់ដំបង ដើម្បីឱ្យមានការយល់ដឹងអំពីគោលបំណង នៃការរៀបចំសណ្ដាប់ធ្នាប់ក្នុងក្រុង ការកាត់សំយ៉ាបមុខផ្ទះ ឬផ្ទាំងប៉ាណូពាណិជ្ជកម្មធំៗ និងការលាបថ្នាំពណ៌ផ្ទះជាដើម។

មានប្រសាសន៍នាឱកាសនោះ លោក សុខ លូ អភិបាល នៃគណៈអភិបាលខេត្តបាត់ដំបង បានថ្លែងនូវអំណរគុណ និងការកោតសរសើរចំពោះប្រជាពលរដ្ឋ ដែលរស់នៅក្នុងតំបន់អភិរក្សទាំងអស់ ដែលបានចូលរួមយ៉ាងសស្រាក់សស្រាំ ជាមួយរដ្ឋបាលខេត្តបាត់ដំបង ក្នុងការសហការរៀបចំការកាត់សំយ៉ាបផ្ទះ ការកាត់ផ្ទាំងប៉ាណូពាណិជ្ជកម្មធំៗនៅមុខផ្ទះ ដែលនេះគឺជាមោទនភាពមួយ ដែលប្រជាពលរដ្ឋចូលរួមយ៉ាងដូច្នេះ ហើយក៏បានធ្វើការរៀបចំសាងសង់សំយ៉ាបផ្ទះថ្មី ដែលស្របតាមគោលការណ៍ប្លង់រួមមួយ ដែលរដ្ឋបាលខេត្តបានកំណត់ផងដែរ។

ចំណែកឯផ្លូវឡាអេ និងផ្លូវព្រះវិហារក៏មានការរៀបចំសំយ៉ាប រៀបចំសណ្ដាប់ធ្នាប់ដូចគ្នាដែរ ។ ចំពោះការសាងសង់សំយ៉ាបថ្មីនេះ គឺមិនមានការបង្ខិតបង្ខំឡើយ ពោលគឺប្រជាពលរដ្ឋអាចធ្វើក៏បាន មិនធ្វើក៏បាន ហើយចំពោះប្រជាពលរដ្ឋ ដែលសាងសង់សំយ៉ាបថ្មីនេះ គឺមិនអាចឱ្យអ្នកណាលើសអ្នកណាឡើយ គឺត្រូវមានប្រវែងស្មើៗគ្នា និងប្រកបដោយភាពរឹងមាំ មានប្រក់ក្បឿងដូចគ្នា។

លោកបានបន្តទៀតថា សព្វថ្ងៃនេះ រដ្ឋបាលខេត្តបាត់ដំបង បានខិតខំយ៉ាងខ្លាំង ក្នុងការរៀបចំសណ្ដាប់ធ្នាប់ក្នុងក្រុង ឱ្យកាន់តែមានរបៀបរៀប​រយ ក្នុងនោះការរៀបចំទុកដាក់សំរាម ការប្រមូលជនញៀនថ្នាំ ជនមានសតិមិនគ្រប់ និងជនអនាថាដែលនៅតាមសាធារណៈ ការកាត់ដើមឈើក្នុងក្រុងគ្រប់ប្រភេទ ដើម្បីរក្សាសណ្ដាប់ធ្នាប់ក្នុងក្រុង ក្នុងនោះឯកឧត្តម ក៏បានសំណូមពរដល់ប្រជាពលរដ្ឋ សហការជាមួយរដ្ឋបាលខេត្ត ក្នុងការចេះទុកដាក់រៀបចំសំរាមរបស់ខ្លួន ពិសេសចូលរួមក្នុងការបង់ថ្លៃជូនដល់ក្រុមហ៊ុនប្រមូលសំរាម ដើម្បីឱ្យក្រុមហ៊ុនមានលទ្ធភាព ក្នុងការទិញជារថយន្តបន្ថែម ឬឧបករណ៍ ឬមានបុគ្គលិកសម្អាតកាន់តែច្រើន និងធ្វើការប្រមូលសំរាមឱ្យកាន់តែឆាប់រហ័សជាងមុន។

ចំពោះផ្ទះរបស់ប្រជាពលរដ្ឋ ដែលនៅក្នុងតំបន់អភិរក្ស គឺត្រូវធ្វើការលាបពណ៌ផ្ទះរបស់ខ្លួន តាមការកំណត់ពណ៌របស់រដ្ឋបាលខេត្ត ហើយសម្រាប់ផ្ទះ ប្រជាពលរដ្ឋដែលស្ថិតនៅលើផ្លូវលេខ១ និងលេខ៣ គឺអាចលាបពណ៌តាមចំណង់ចំណូលចិត្តបាន ក៏ប៉ុន្តែមុននឹងធ្វើការលាបត្រូវស្នើសុំដល់អាជ្ញាធរមុនសិន ដើម្បីឱ្យអាជ្ញាធរពិនិត្យជាមុនសិន។

លោកសុខ លូបានបន្តថា នៅថ្ងៃខាងមុខទៀតនេះ រដ្ឋបាលខេត្តនឹងបន្តរៀបចំចំណីផ្លូវ សម្រាប់អ្នកដំណើរថ្មើជើងឱ្យងាយស្រួលដើរ ដោយមានក្រាលជាថ្មក្រានីត ដែលមានកម្ពស់ស្មើៗគ្នា ក្នុងនោះរដ្ឋបាលខេត្តនឹងស្វែងរកក្រុមហ៊ុនផ្គត់ផ្គង់ថ្មក្រានីត ដែលព្រមលក់ជូនប្រជាពលរដ្ឋ ក្នុងតម្លៃទាបជាងទីផ្សារ សម្រាប់ឱ្យប្រជាពលរដ្ឋ ជាវយកទៅប្រើប្រាស់ស្ថិតក្នុងតម្លៃទទួលយកបាន ។

លោកបញ្ជាក់ទៀតថា ដើម្បីជាការឆ្លើយតបចំពោះប្រជាពលរដ្ឋ រដ្ឋបាលខេត្តនឹងធ្វើការអ៊ុតកៅស៊ូប្រភេទប៉េទីម ទាំងអស់សម្រាប់តំបន់អភិរក្ស ជូន​ដល់ប្រជាពលរដ្ឋប្រើប្រាស់ បន្ទាប់ពីបញ្ចប់រដូវវស្សារួច និងបន្ទាប់ពីគម្រោ​ងជីកលូរំដោះទឹកកខ្វក់ ដែលជាគម្រោងរបស់ADB ធ្វើការជីករួចរាល់ផងដែរ៕

ដោយៈ គង់ សូរិយា

       ភ្នំពេញៈ លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញបំណងចង់ឲ្យក្រុមហ៊ុនដែលសាងសង់ផ្ទះ ទៅផ្សាយគំរូផ្ទះ នៅភូមិធម្មជាតិរុនតាឯក ខេត្តសៀមរាប។

ការផ្សព្វផ្សាយនេះ ជាការសំដៅដល់អ្នកដែលបានស្ម័គ្រចិត្ត រុះរើសំណង់ខុសច្បាប់ ចេញពីតំបន់រណីយដ្ឋានអង្គរ ហើយទទួលបានដីឡូតិ៍ ដែលផ្តល់ពីរាជរដ្ឋាភិបាលនៅតំបន់នោះ។

លោកឧបនាយករដ្ឋមន្រ្តី ជា សុផារ៉ា បានបញ្ជាក់តាមរយៈការ Comment លើទំព័រហ្វេសបុកអចនទ្រព្យមួយ នៅថ្ងៃទី៦ ខែកញ្ញា ឆ្នាំ២០២២ យ៉ាងដូច្នេះថា “ខ្ញុំចង់ឲ្យក្រុមហ៊ុនដែលសាងសង់ផ្ទះ ទៅធើ្វការផ្សាយគំរូផ្ទះនៅភូមិធម្មជាតិរុនតាឯក ខេត្តសៀមរាប ដែលទីនោះប្រជាពលរដ្ឋត្រូវទៅតាំងទីលំនៅនៅទីនោះ ប្រមាណ២០០០គ្រួសារ ដែលបានចាប់ឆ្នោតរួច”។

ថ្មីៗនេះ រាជរដ្ឋាភិបាល បានផ្តល់ឲ្យប្រជាពលរដ្ឋ ដែលគ្រប់លក្ខខណ្ឌ និងស្ម័គ្រចិត្ត រុះរើសំណង់ខុសច្បាប់ចេញ ពីតំបន់រណីយដ្ឋានអង្គរ ទៅចាប់ឆ្នោតជ្រើសរើសដីឡូតិ៍ នៅតំបន់រុនតាឯក ក្នុងមួយគ្រួសារទទួលបានដីចំនួន១ឡូតិ៍ ទំហំ២០ម៉ែត្រ x ៣០ ម៉ែត្រ។

ក្រុមការងារអន្តរក្រសួងដឹកនាំដោយ លោកឧបនាយករដ្ឋមន្ត្រី ជា សុផារ៉ា បាននិងកំពុងបើកយុទ្ធនាការ ទ្រង់ទ្រាយធំចុះវាស់វែង កំណត់និយាមកាក្បាលដី និងអត្តសញ្ញាណអ្នកកាន់កាប់ដី និងសំណង់ខុសច្បាប់ក្នុងតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា៕

ដោយ: លាងហួរ

សឹង្ហបុរី: ឧបនាយករដ្ឋមន្ត្រីសឹង្ហបុរីលោក Lawrence Wong នៅថ្ងៃចន្ទ ទី៥ ខែកញ្ញា បានប្រាប់នាយករដ្ឋមន្ត្រីម៉ាឡេស៊ីលោក Ismail Sabri Yaakob ថាសឹង្ហបុរីបើកចំហចំពោះសំណើថ្មី ពីម៉ាឡេស៊ីលើគម្រោងរថភ្លើងល្បឿនលឿន Singapore-Kuala Lumpur (HSR) ដែលត្រូវបានលុបចោលពីមុន។

លោក Wong ក៏បានកត់សម្គាល់ផងដែរ នូវការចាប់អារម្មណ៍របស់ម៉ាឡេស៊ី ក្នុងការធ្វើឱ្យមានការពិភាក្សាឡើងវិញលើគម្រោងនេះ ដោយបានលើកឡើងនូវការអត្ថាធិប្បាយរបស់នាយករដ្ឋមន្ត្រី Lee Hsien Loong បន្ទាប់ពីលោកបានជួបសមភាគីម៉ាឡេស៊ី លោក Ismail Sabri ក្នុងអំឡុងពេលទស្សនកិច្ចផ្លូវការលើកដំបូង របស់នាយករដ្ឋមន្ត្រីម៉ាឡេស៊ីទៅកាន់ប្រទេសសឹង្ហបុរី កាលពីខែវិច្ឆិកាឆ្នាំមុន។

គម្រោង HSR គ្រោងកាត់បន្ថយពេលវេលាធ្វើដំណើររវាងសឹង្ហបុរី និងគូឡាឡាំពួមកត្រឹម៩០នាទី ប៉ុន្តែគម្រោងនេះ ត្រូវបានបញ្ឈប់បន្ទាប់ពីការពន្យារពេលជាច្រើនដង តាមការស្នើសុំរបស់ម៉ាឡេស៊ី និងការពន្យារពេលជាយថាហេតុនៃកិច្ចព្រមព្រៀងក្នុងខែធ្នូ ឆ្នាំ២០២០។

ប្រទេសម៉ាឡេស៊ី បានបង់ប្រាក់សំណងជាង១០២លានដុល្លារសឹង្ហ​បុរី ដល់ប្រទេសសឹង្ហបុរី សម្រាប់គម្រោងដែលត្រូវបានលុបចោល។

កាលពីថ្ងៃច័ន្ទម្សិលមិញនេះ ការិយាល័យនាយករដ្ឋមន្ត្រី (PMO) បាននិយាយ នៅក្នុងការចេញផ្សាយតាសារព៌តមានថា លោក Wong បានអំពាវនាវដល់លោក Ismail Sabri ហើយអ្នកទាំងពីរបានអះអាងសារជាថ្មីអំពីខ្លឹមសារសំខាន់ និងទូលំទូលាយនៃកិច្ចសហប្រតិបត្តិការ រួមគ្នារវាងម៉ាឡេស៊ី និងសឹង្ហបុរី។

អ្នកទាំងពីរបានស្វាគមន៍ចំពោះវឌ្ឍនភាពល្អ ដែលធ្វើឡើងលើគម្រោងតភ្ជាប់ប្រព័ន្ធដឹកជញ្ជូនរហ័ស Johor Bahru-Singapore ដែលគ្រោងនឹងចាប់ផ្តើមសេវាកម្មនៅចុងឆ្នាំ២០២៦។

លោកនាយករដ្ឋមន្ត្រី Ismail Sabri និងឧបនាយករដ្ឋមន្ត្រី Wong បានទន្ទឹងរង់ចាំសឹង្ហបុរី និងម៉ាឡេស៊ីធ្វើការរួមគ្នា សម្រាប់ការបន្តផលប្រ​យោ​ជន៍ទៅវិញទៅមកនៃប្រទេសទាំងពីរ រួមទាំងក្នុងវិស័យថ្មីនៃកិច្ចសហប្រតិបត្តិការនៅក្នុងសេដ្ឋកិច្ចបៃតង និងឌីជីថល៕

 ដោយៈគង់ សូរិយា

       ភ្នំពេញៈ អ្នកឧកញ៉ាម៉ុង រិទ្ឋីដែលជាមហាសេដ្ឋីកម្ពុជាមួយរូបបានបើក​ដំំណើរការរោងចក្រ​ផលិត​ចំណី​សត្វ​ថ្មី​១ទៀត ក្រោម​ទុនវិនិយោគ​សរុប​ប្រមាណ៥៤​លាន​ដុល្លារ។

រោងចក្រថ្មីនេះ គ្រោង​ចាប់ផ្តើម​ដំណើរការ ​នៅ​ត្រីមាស​ទី​១ ឆ្នាំ​ ២០២៣ខាងមុខ ដោយ​អាចមាន​សមត្ថភាព​ផលិត​ចំណី​សត្វ​បាន៣៦ ម៉ឺន​តោន​ក្នុង១​ឆ្នាំ​។

រោងចក្រ​ថ្មី​នេះ​សាងសង់​លើ​ផ្ទៃដី​ទំហំ២៤ហិកតា ​ក្នុងនោះ​ការចំណា​យ​លើ​តម្លៃ​ដី​មាន​ចំនួន​២៤លាន​ដុល្លារ​ រោងចក្រ​សំណង់​អគារ និង​ហេដ្ឋារចនាសម្ព័ន្ធ​១៥ លាន​ដុល្លារ និង​វត្ថុធាតុដើម១៥ ​លាន​ដុល្លារ​ក្នុង​១​ខែ​។

រោងចក្រ​នេះ មានទីតាំង​ស្ថិតនៅ​ផ្លូវជាតិ​លេខ​ ៤ ក្នុង​ភូមិ​មនោរម្យ ឃុំ​តានៃ ស្រុក​ព្រៃនប់ ខេត្ត​ព្រះសីហនុ​។

អ្នកឧកញ៉ាម៉ុង ឫទ្ធី ប្រធាន​ក្រុមហ៊ុន ម៉ុង ឫទ្ធី គ្រុបបានមានប្រ​សាសន៍ឲ្យដឹងថា ការវិនិយោគ​លើ​រោងចក្រ​ផលិត​ចំណី​សត្វ​នេះ គឺ​ឆ្លើយតប​នឹង​តម្រូវការ​ទីផ្សារ​ក្នុង​ស្រុក ​ដែល​កំពុង​កើនឡើង ហើយក៏​ជួយ​លើក​ទឹកចិត្ត​ដល់​អ្នក​ផលិត និង​អ្នក​ចិញ្ចឹម ដើម្បី​កាត់បន្ថយ និង​ឈាន​ទៅ​ដល់​ការលុប​បំបាត់​ការនាំ​ចូល​សត្វ​ពី​ក្រៅប្រទេស​ផងដែរ​។

លោក​បន្ថែមថា “រោងចក្រ​ផលិត​ចំណី​សត្វ​នេះ ​នឹង​ផ្តោត​លើ​ការផលិត​ចំណី​ជ្រូក តាមរយៈ​ការជំរុញ​ការចិញ្ចឹម​សត្វ​នៅ​កម្ពុជា ​ឱ្យ​កាន់តែ​រីកចម្រើន និង​ការប្រកួត​ប្រជែង​បន្ថែមទៀត​”។ លោកបន្ថែមថា “ក្នុង​ដំណាក់កាល​នេះ ​ក្រុមហ៊ុន​មិនមាន​គម្រោង​នាំ​ចេញ ​ទៅ​លក់​នៅ​ទីផ្សារ​អន្តរជាតិ​ទេ ដរាបណា​មិន​ទាន់​បំពេញ​តម្រូវការ​ក្នុង​ស្រុក​បាន​គ្រប់គ្រាន់”​។

អ្នកឧកញ៉ាបានបញ្ជាក់ថា​ ​ការបង្កើន​សមត្ថភាព​ផលិតកម្ម​ចំណី​សត្វ​នេះ ក៏​ដើម្បី​ឱ្យ​ប្រទេស​កម្ពុជា​អាច​ធានា​បាន នូេះ​សន្តិសុខ​ស្បៀង​ដោយ​ខ្លួនឯង និង​មិន​ពឹង​ផ្អែកលើ​ការនាំ​ចូល​ពី​បរទេស។

ក្រៅពី​រោងចក្រ​នេះ បច្ចុប្បន្ន​ក្រុមហ៊ុន ម៉ុង ឫទ្ធី គ្រុប ក៏មាន​រោងចក្រ​មួយ​ ដែល​បាន​បើក​ដំណើរការ​តាំងពី​ឆ្នាំ​២០១៧ ដោយ​រោងចក្រ​នោះ​អាច​ផលិត​ចំណី​សត្វ​ (​ជ្រូក​) ​បាន​២០តោន​ក្នុង​១​ម៉ោង​។ រោងចក្រ​នេះ​ស្ថិត​លើ​ផ្ទៃដី១០​ហិកតា ស្ថិតនៅក្នុងស្រុក​ព្រៃនប់ ខេត្ត​ព្រះសីហនុ​។

​ក្រុមហ៊ុនម៉ុង ឫទ្ធីគ្រុបបានឲ្យដឹងថា ក្នុង​១​ឆ្នាំ​ប្រទេស​កម្ពុជា​ បាន​ចំណាយ​ប្រាក់​ប្រមាណ១៨០លាន​ដុល្លារ ​លើ​ការនាំចូល​ចំណី​សត្វ​ពី​ក្រៅ​ប្រទេស​មក​បំពេញ​តម្រូវការ​ចំណី​សត្វ​នៅក្នុង​ស្រុក​៕

ដោយ: លាងហួរ

ប៉េកាំង: មន្ត្រី និងអ្នកជំនាញឧស្សាហកម្មបាននិយាយថា ប្រទេសចិនបានប្រកាសកាត់បន្ថយសមាមាត្រ តម្រូវការបំរុងប្តូររូបិយប័ណ្ណបរទេសសម្រាប់ធនាគារកាលពីថ្ងៃចន្ទ ទី៥ ខែកញ្ញាដែលជាវិធានការណ៍ថ្មី ដើម្បីជំរុញការគាំទ្រសម្រាប់ការស្ទុះងើបឡើងវិញនៃសេដ្ឋកិច្ច។

អ្នកជំនាញបាននិយាយថា គោលនយោបាយនេះ នឹងជំរុញទំនុកចិត្តទីផ្សារយ៉ាងខ្លាំង និងបង្កើនតម្រូវការក្នុងស្រុក ដោយស្តារឱ្យកំណើនសេដ្ឋកិច្ចរបស់ប្រទេសចិនងើបឡើងវិញ ក្នុងរយៈពេលប៉ុន្មានខែខាងមុខ ដល់ប្រហែល៥ភាគរយនៅក្នុងត្រីមាសទី៣ និងទី៤។

ធនាគារប្រជាជនចិន ដែលជាធនាគារកណ្តាលរបស់ប្រទេសចិន ក៏បានប្រកាសផងដែរថា  ធនាគារនឹងកាត់បន្ថយសមាមាត្រ តម្រូវការបំរុងប្តូររូបិយប័ណ្ណបរទេស សម្រាប់ធនាគារពី៨ភាគរយ ទៅ៦ភាគរយនៅថ្ងៃទី១៥ខែកញ្ញា។ ចំណែកអត្រាប្តូរប្រាក់នៅក្នុងស្រុក និងក្រៅប្រទេសនៃប្រាក់យ័នធៀបនឹងប្រាក់ដុល្លារ បានកើនឡើងបន្ទាប់ពីការប្រកាសនេះ។

ការផ្លាស់ប្តូរនេះ បានកើតឡើងបន្ទាប់ពីអត្រាប្តូរប្រាក់ របស់ប្រាក់យ៉េនបានឈានដល់កម្រិតទាបរយៈពេលពីរឆ្នាំ ត្រឹម៦,៩៤យ័ន ធៀបនឹងប្រាក់ដុល្លារកាលពីថ្ងៃចន្ទ ខណៈដែលការរឹតបន្តឹងរូបិយវត្ថុ នៅសហរដ្ឋអាមេរិកបានធ្វើឱ្យប្រាក់ដុល្លារហក់ឡើងថ្លៃយ៉ាងខ្លាំង។

អ្នកជំនាញបានបន្ថែមថា ការផ្លាស់ប្តូរនេះត្រូវបានគេរំពឹងថា នឹងធ្វើឱ្យប្រាក់យ័នមានស្ថេរភាព មិនត្រឹមតែជួយបង្កើនសាច់ប្រាក់ដុល្លារ នៅក្នុងទីផ្សារប្តូរប្រាក់បរទេសប៉ុណ្ណោះទេ ប៉ុន្តែក៏ផ្តល់សញ្ញាច្បាស់លាស់ថា អាជ្ញាធរចិនបានត្រៀមខ្លួន និងអាចផ្តល់ការគាំទ្រយ៉ាងច្រើន សម្រាប់រូបិយប័ណ្ណ និងសេដ្ឋកិច្ចរបស់ចិន។

លោក Liu Guoqiang ទេសាភិបាលរងនៃធនាគារប្រជាជនចិនបាននិយាយនៅក្នុងសន្និសីទសារព័ត៌មានមួយ កាលពីថ្ងៃចន្ទថា ប្រទេសចិនមានសមត្ថភាពរក្សាប្រាក់យ័ន ជាទូទៅឱ្យមានស្ថិរភាព ដោយបានប្តេជ្ញាថានឹងប្រើប្រាស់ឧបករណ៍ គោលនយោបាយឱ្យបានល្អ ដើម្បីរក្សាស្ថិរភាពកំណើនសេដ្ឋកិច្ច និងការងារ។

លោក Liu បាននិយាយថា ប្រទេសចិនអាចគ្រប់គ្រងបានផលប៉ះពាល់ ពីការរឹតបន្តឹងគោលនយោបាយរូបិយវត្ថុ របស់សហរដ្ឋអាមេរិក ដោយ​សារប្រទេសនេះ មានស្ថិរភាពរបស់ និងនិន្នាការកើនឡើងថ្មីៗនៅក្នុងសកម្មភាពសេដ្ឋកិច្ច ហើយប្រាក់យ័នបានឡើងថ្លៃ ធៀបនឹងរូបិយប័ណ្ណ មិន មែនដុល្លារសំខាន់ៗនៅឆ្នាំ២០២២នេះ៕

ដោយៈ សុផារី

ភ្នំពេញៈ ខេត្តនៅទិសពាយ័ព្យចំនួនពីររបស់ប្រទេសកម្ពុជា គឺខេត្តបន្ទាយមានជ័យ និងខេត្តសៀមរាប បានទទួលបានការកោតសរសើរ មិនដាច់ពីមាត់នូវការអភិវឌ្ឍ និងសមិទ្ធផលថ្មីៗនៅក្នុងខេត្ត ពីសំណាក់ប្រតិភូអង្គទូតនៃប្រទេសចំនួន១៩ ដែលមានប្រជាជនសរុបជាង១,៥ពាន់លាននាក់។

ការកោតសរសើរនេះធ្វើឡើង បន្ទាប់ពីបានចូលរួមដំណើរទស្សនកិច្ចសិក្សាលើកទី២ របស់អង្គទូតបរទេស និងក្រុមគ្រួសារពីប្រទេសថៃ ទៅកាន់ខេត្តទាំងពីរ រយៈពេល៣ យប់៤ថ្ងៃ ដែលជាកិច្ចសហការរៀបចំរវាងស្ថានទូតកម្ពុជា នៅទីក្រុងបាងកក និងក្រុមការងារសម្របសម្រួលការទូតសេដ្ឋកិច្ច នៃក្រសួងការបរទេស និងសហប្រតិបត្តិការអន្តរជាតិ ព្រមទាំងអន្តរក្រសួង/ស្ថាប័ន។

សេចក្តីប្រកាសព័ត៌មាន ដែលចេញផ្សាយនៅថ្ងៃទី៥ ខែកញ្ញានេះ បានបញ្ជាក់ថា ក្នុងនាមប្រធានប្រតិភូអង្គទូត និងស្ថានទូតបរទេស នៅក្នុងប្រទេសថៃ លោក Waldemar Dubaniowski ឯកអគ្គរដ្ឋទូតប៉ូឡូញប្រចាំប្រទេសថៃ បានអបអរសាទរចំពោះវឌ្ឍនភាពរបស់កម្ពុជា។

លោកបានវាយតម្លៃខ្ពស់ ចំពោះដំណើរទស្សនកិច្ចលើកនេះ ដែលបានផ្ដល់ឱកាសជូនអង្គទូតចូលរួមទាំងអស់ អាចស្វែងយល់ពីសក្តានុពល និងសមិទ្ធផល នៅក្នុងខេត្តបន្ទាយមានជ័យ និងខេត្តសៀមរាប គោលនយោបាយសំខាន់ៗ របស់រាជរដ្ឋាភិបាលកម្ពុជា ប្រវត្តិរឿងរ៉ាវទាក់ទងនឹងតំបន់ឧទ្យានបុរាណអង្គរ និងការទទួលទានមុខម្ហូបដ៏ឆ្ងាញ់ ដែលចំអិនចេញពីសៀវភៅ “កេរដំណែលស្នាដៃម្ហូបខ្មែរ ឬ The Taste of Angkor” ដែលផ្តួចផ្តើមរៀបចំដោយលោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ។

លោកអ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ បានបញ្ជាក់ថា ពិភពលោកនឹងស្គាល់កម្ពុជាកាន់តែច្បាស់ថែមទៀត តាមរយៈដំណើរទស្សនកិច្ចនេះ ដោយសារអង្គទូតនៃប្រទេសនីមួយៗ នឹងរាយការ​ណ៍​ពីរឿងរ៉ាវល្អៗ ដែលបានជួបប្រទះនៅក្នុងខេត្តទាំងពីរ ជូនរដ្ឋាភិបាល និងប្រជាជនរបស់គាត់ ក៏ដូចជាប្រាប់ followers រាប់លាននាក់ នៅក្នុងកម្មវិធីបណ្តាញសង្គម ហើយនៅពេលពួកគាត់ Post រូបភាពស្អាតៗពីទឹកដីប្រទេសកម្ពុជា វានឹងអន្ទងចិត្តប្រជាជន និង Fans របស់គាត់ ឱ្យចង់ធ្វើដំណើរចូលមកកម្សាន្តផ្ទាល់ ដើម្បីស្វែងយល់ពីការពិតបន្ថែម៕