ដោយ៖ សុផារី

កំពង់ស្ពឺ៖ កីឡដ្ឋានខេត្តកំពង់ស្ពឹ ដែលមានតម្លៃ៣លានដុល្លារ ត្រូវបានសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី០៦ ខែកញ្ញា ឆ្នាំ២០២២នេះ ក្រោមអធិបតីភាពលោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ តំណាងដ៏ខ្ពង់ខ្ពស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។

កីឡដ្ឋានខេត្តកំពង់ស្ពឺនេះ បានបើកការដ្ឋានសាងសង់ជាផ្លូវការ កាលពីថ្ងៃទី២១ ខែកុម្ភៈ ឆ្នាំ២០២១ ក្រោមគំនិតផ្ដួចផ្ដើមរបស់លោក ហ៊ុន ម៉ានី តំណាងរាស្រ្ដមណ្ឌលកំពង់ស្ពឺ និងជាប្រធានសហភាពសហព័ន្ធយុវជនកម្ពុជា (ស.ស.យ.ក) ដោយចំណាយថវិកាជាង៣លានដុល្លារ។

កីឡដ្ឋានបាល់ទាត់ខេត្តកំពង់ស្ពឺ មានទីតាំងស្ថិតនៅភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ ដោយសាងសង់លើផ្ទៃដីជាង៤ហិកតា ដែលជាកីឡដ្ឋានមានលក្ខណៈស្ដង់ដារ អាចទទួលរៀបចំការប្រកួតក្នុងប្រទេស និងកម្រិតតំបន់បាន។

កីឡដ្ឋានបាល់ទាត់ខេត្តកំពង់ស្ពឺ ក្នុងដំណាក់កាលទី១ នៃការសាងសង់ បានបញ្ចប់ការសាងសង់ ដោយមានកន្លែងអង្គុយចំនួន៣០០០កៅអី និងទីតាំងសម្រាប់ភ្ញៀវ VIP ផងដែរ៕

ដោយៈ សុខុម

បាងកក: ទោះបីជាកំណើនសេដ្ឋកិច្ច មានសន្ទុះយឺតនៅក្នុងបណ្ដាប្រទេសជិតខាងរបស់ខ្លួនមាន និងដោយសារវិធានការសូន្យកូវីដ-១៩ ក្នុងប្រទេសចិន យ៉ាងណាក្ដី ក៏ពាណិជ្ជកម្មឆ្លងដែនរបស់ប្រទេសថៃ នៅតែត្រូវបានរំពឹងថា នឹងសម្រេចបានកំណើនយ៉ាងតិច៥%ក្នុងឆ្នាំ២០២២។

ទំហំពាណិជ្ជកម្មឆ្លងដែនរបស់ប្រទេសថៃ ជាមួយកម្ពុជា និងបណ្ដាប្រទេសក្បែរខាង ត្រូវបានរំពឹងឈានដល់៤៩ពាន់លានដុល្លារអាមេរិក ក្នុងឆ្នាំនេះ ដែលភាគច្រើនជំរុញ ដោយសារកំណើនតម្រូវការប្រេងឥន្ធនៈ ប្រេងឆា និងគ្រឿងបន្លះរថយន្ត។ នេះបើយោងតាមកាសែត Bangkok Post ចុះផ្សាយកាលពីថ្ងៃច័ន្ទ ទី៥ ខែកញ្ញា។

លោក Pitak Udomwichaiwat អគ្គនាយកនៃអគ្គនាយកដ្ឋានពាណិជ្ជកម្មបរទេសរបស់ថៃ បានលើកឡើងថា អគ្គនាយកដ្ឋាននៅតែមានជំនឿចិត្តលើទស្សនវិស័យ ពាណិជ្ជកម្មនៅតាមព្រំដែន បន្ទាប់ពីកិច្ចប្រជុំរួមកាលពីពេលថ្មីៗនេះ ជាមួយតំណាងសភាពាណិជ្ជកម្មថៃ សហព័ន្ធឧស្សា​ហកម្មថៃ និងតំណាងខាងពាណិជ្ជកម្ម ដែលទៅពីកម្ពុជា ឡាវ មីយ៉ាន់ម៉ា វៀតណាម និងប្រទេសចិន ដើម្បីវាយតម្លៃស្ថានភាពពាណិជ្ជកម្ម នៅតាមព្រំដែនក្នុងឆមាសទី២។

ទោះជាយ៉ាងណា កិច្ចប្រជុំនេះបានគូសបញ្ជាក់ ពីកំណើនសេដ្ឋកិច្ចមានសន្ទុះយឺត នៅក្នុងបណ្ដាប្រទេសក្បែរខាងថៃ ដូចជា ឡាវ និងមីយ៉ាន់ម៉ា ជាដើម ខណៈផលប៉ះពាល់នៃវិធានការដ៏តឹងរ៉ឹង នៅតាមច្រកព្រំដែនសំខាន់ៗរបស់ប្រទេសចិន ជាផ្នែកមួយនៃគោលនយោបាយសូន្យកូវីដ-១៩ របស់ខ្លួន ក៏ទំនងជាបង្កការគំរាមកំហែងដល់ពាណិជ្ជកម្មឆ្លងដែនដែរ។

អគ្គនាយកដ្ឋាននេះ កាលពីពេលថ្មីៗបានរាយការណ៍ពីពាណិជ្ជកម្មឆ្លងដែនសរុប មានទំហំ១៥០ពាន់លានបាត (៤,០៩ពាន់លានដុល្លារ) ក្នុងខែកក្កដា ដោយកើនឡើង១,៨៥%ពីខែដូចគ្នាក្នុងឆ្នាំ២០២១។

ទន្ទឹមនេះប្រទេសថៃ ក៏មានអតិរេកពាណិជ្ជកម្ម២៥,២ពាន់លានបាត (៦៨៧លានដុល្លារ) ផងដែរក្នុងខែកក្កដា។

ក្នុងរយៈពេល៧ខែដើមឆ្នាំនេះ ពាណិជ្ជកម្មនៅតាមព្រំដែន និងឆ្លងដែនរបស់ប្រទេសថៃ មានទំហំសរុប១ទ្រីលានបាត (២៧,២៦ពាន់លានដុល្លារ) បើធៀបនឹងរយៈពេលដូចគ្នាកាលពីឆ្នាំមុន៕ Bangkok Post៕

ដោយៈ សហសេវិក

       ភ្នំបេញៈ ការបិទការលេងល្បែងអនឡាញ ក្នុងក្រុងព្រះសីហនុ និងការមកដល់នៃជំងឺរាតត្បាតកូវីដ-១៩ ក្នុងឆ្នាំ២០២០ បានធ្វើឲ្យសេដ្ឋកិច្ចក្រុងព្រះសីហនុដាំក្បាលចុះ ស្របពេលពពុះទីផ្សារអចលនទ្រព្យក៏បានបែកធ្លាយជាមួយគ្នា។

ជាលទ្ឋផលនៃវិបត្តិទាំងពីរនេះ បានធ្វើឲ្យគម្រោងសាងសង់សរុបចំនួន១១៥៥ ត្រូវបានទុកចោលមិនបញ្ចប់ការដ្ឋាន ខណៈតម្លៃជួលអចលនទ្រព្យនៅក្នុងខេត្តនេះ ក៏បានធ្លាក់ចុះយ៉ាងខ្លាំងពីខ្ទង់ម៉ឺន មកត្រឹមខ្ទង់ពាន់ ឬដល់ខ្ទង់រយសម្រាប់ទីតាំងខ្លះ នេះបើយោងតាមតួលេខផ្លូវការ។

តើ​អនាគត​នៃ​អគារ​គាំងស្ទះទាំងនេះ ​នឹង​ទៅ​ជា​យ៉ាង​ណា? នេះ​ជា​ផ្លូវ​ដែលភាគីនិយោគិន​ចិន រដ្ឋាភិបាល​កម្ពុជា និង​ម្ចាស់​ដីត្រូវ​ដើរ​រួម​គ្នា​ដើម្បី​រក​ច្រក​ចេញ។

ទស្សនៈរបស់វិនិយោគិនចិន

យោងតាមសារព៌តមានNikkei Asia ដែលបានសម្ភាសអ្នកវិនិយោគចិនជាច្រើននាក់ ដោយសួរពីទស្សនវិស័យ និងផែនការអនាគតរបស់ពួកគេចំពោះគម្រោងដែលជាប់គាំងទាំងនោះ។

វិនិយោគិនចិនភាគច្រើន បានបង្ហាញចំណាប់អារម្មណ៍ ក្នុងការត្រឡប់មកវិញ ប៉ុន្តែមានឧបសគ្គច្រើនយ៉ាងទាំងផ្នែកសង្គម និងសេដ្ឋកិច្ច ដែលជាការរារាំងពួកគេ។

កត្តាសំខាន់បំផុតមួយ ដែលធ្វើឱ្យវិនិយោគិនចិនពិបាក ក្នុងបន្តគម្រោងដែលជាប់គាំង គឺការខ្វះខាតការគាំទ្រ និងជ្រោមជ្រែងពីរដ្ឋាភិបាលកម្ពុជា។

ជាក់ស្ដែង កាល​ពី​ដើម​ខែ​កក្កដា ម្ចាស់​គម្រោង​ចិន​មួយ​ក្រុម​បាន​ជួប​ពិភាក្សា​ជាមួយ​មន្ត្រី​ រដ្ឋបាល​ខេត្ត​ព្រះសីហនុ​ជុំវិញ​បញ្ហា​នេះ ប៉ុន្តែនៅមិនទាន់ទទួលបានផ្លែផ្កាអ្វីទាំងអស់។

ដើម្បីត្រលប់មកវិញ ពួកគេបានស្នើសុំរដ្ឋាភិបាល ឱ្យជួយកាត់បន្ថយពន្ធពាក់ព័ន្ធនឹងគម្រោងរបស់ខ្លួន និងជួយបង្កើតសន្ទស្សន៍តម្លៃដី ដែលច្បាស់លាស់ ដើម្បីទប់ស្កាត់បញ្ហាម្ចាស់ដីក្នុងស្រុកបំប៉ោងតម្លៃ។

សំណើសំខាន់បំផុត ដែលវិនិយោគិនទាមទារ គឺការសម្របសម្រួលពីដ្ឋាភិបាលក្នុងការដោះស្រាយវិវាទដីធ្លីរវាងពួកគេ និងម្ចាស់ដីក្នុងស្រុក។

វិនិយោគិនចិនមួយចំនួនបានរាយការណ៍ថា ម្ចាស់ដីបានរឹបអូសអគាររបស់ពួកគេជាថ្នូរនឹងតម្លៃជួល ដែលវិនិយោគិនយល់ថាថ្លៃខ្លាំងពេក។

អ្នកអភិវឌ្ឍន៍ចិនឈ្មោះ Qiu បានប្រាប់ Nikkei ថា គាត់បានវិនិយោគលើសណ្ឋាគារតម្លៃ៣លានដុល្លារ នៅក្រុងព្រះសីហនុក្នុងឆ្នាំ២០១៧ ។ ការសាងសង់ត្រូវបានបញ្ចប់នៅឆ្នាំ២០២០ ប៉ុន្តែមិនអាចបើកបានទេ ដោយសា​រជម្លោះជាមួយម្ចាស់ដី ដែលចង់រឹបអូសយកគម្រោងទាំងស្រុង។

ដូចគ្នានេះ អ្នកអភិវឌ្ឍន៍ម្នាក់ឈ្មោះ Gong ដែលបានមកពីខេត្ត Sichuan បានឱ្យដឹង ក្នុងឆ្នាំ២០១៨ និង២០១៩ គ្រប់យ៉ាងគឺរលូន ប៉ុន្តែពេលមានវិបត្តិ ម្ចាស់ដីមិនសូវមានការយោគយល់នោះទេ។

តើ​ម្ចាស់​ដី​ក្នុង​ស្រុក​យល់​យ៉ាង​ណាចំពោះបញ្ហានេះ?

ផ្ទុយពីអ្វីដែលអះអាងខាងលើ ម្ចាស់ដីក្នុងស្រុកអះអាងថា អ្នកវិនិយោគចិនបានបំពានកិច្ចសន្យា ហើយមិនបង់ថ្លៃជួលដូចការសន្យា។ បន្ទាប់ពីបិទល្បែងអនឡាញ និងការមកដល់នៃវិបត្តិកូវីដ១៩ អ្នកវិនិយោគចិនបានចាកចេញ ពីប្រទេសកម្ពុជាដោយគ្មានពាក្យផ្ដែផ្ដាំ ហើយថែមទាំងមិនព្រមបង់ថ្លៃជួលដីទៀតផង។ នេះបើយោងតាមការសម្ភាសម្ចាស់ដីជាមួយ The Strait Times ។

អ្នក​ខ្លះទៀត​អះអាង​ថា ដោយសារវិនិយោគិន ទៅបាត់ស្ងាត់សូន្យនេះហើយ ដែល​ជា​ហេតុផលធ្វើឱ្យពួក​គេ​គ្មាន​ជម្រើស​ ក្រៅ​ពី​កាន់កាប់​អគារនោះទុក​វត្ថុ​បញ្ចាំ ហើយ​រង់ចាំ​ឱ្យម្ចាស់គម្រោងចិន​ មក​ដោះស្រាយ​ថ្លៃ​ជួល​វិញ។ ពួកគេ​គ្មាន​ចេតនា​រឹបអូស​អគារនោះ​ជា​អចិន្ត្រៃយ៍​ទេ។

ប្រធានសភាពាណិជ្ជកម្មខេត្តព្រះសីហនុ លោកឧកញ៉ា វណ្ណ សុខហេងមានប្រសាសន៍ថា ដើមចមនៃបញ្ហានេះ ដោយសារភាគីទាំងស​ង​ខាង [អ្នកវិនិយោគចិន និងម្ចាស់ដីក្នុងស្រុក] មិនព្រមសម្របសម្រួលគ្នា។

លោកឧកញ៉ាបានបន្តថា អ្នកវិនិយោគចិនយកលេសរឿងបញ្ហាវិបត្តិកូវីដថា ជាហេតុប្រធានសក្ដិដើម្បីមិនបង់ថ្លៃជួល ឬសុំបញ្ចុះថ្លៃជួល ខណៈម្ចាស់ដីប្រើកិច្ចសន្យា ដើម្បីបង្ខំយកថ្លៃជួលខ្ពស់ ដូចសម័យមុនកូវីដ-១៩។ ភាគី​ទាំង​សង​ខាង មិនព្រមថយម្នាក់មួយជំហាន។ ដូច្នេះទើបបញ្ហានេះ​មិន​ដាច់ស្រាច់”។

អ្នកខ្លះថា ប្រសិនបើវិនិយោគិនចិន មិនមានដើមទុនដើម្បីបន្តគម្រោងនេះទេ ពួកគេអាចលក់សំណង់ទាំងនោះទៅឱ្យម្ចាស់ដី ឬអ្នកវិនិយោគថ្មីក្នុងតម្លៃទាប។ បន្ទាប់​មក គម្រោង​ដែល​គាំង​ទាំង​នោះ​នឹង​មាន​ជីវិត​ឡើង​វិញ។

ទោះជាយ៉ាងនេះក្តី លោកឧកញ៉ា សុខហេងបានឲ្យដឹងថា ដំណោះស្រាយខាងលើ មិនងាយស្រួលដូចការគិតនោះទេ ដោយសារគម្រោងសំណង់ ដែលជាប់គាំងភាគច្រើន មិនមានលិខិតអនុញ្ញាតសាងសង់ត្រឹមត្រូវ ដែលធ្វើអ្នកវិនិយោគថ្មីខ្លាចរអាមិនហ៊ានទិញ ព្រោះមិនអាចបន្ដការអភិវឌ្ឍបាន សូម្បីតែសុំភ្ជាប់ប្រព័ន្ធទឹកភ្លើង។

លោកបញ្ជាក់ថា “ដូច្នេះ​ដើម្បី​ដោះស្រាយ​បញ្ហានេះបាន ដូច្នេះរដ្ឋាភិបាល​គួរតែ​ចូល​រួម។ មធ្យោបាយមួយ​គឺ​រដ្ឋាភិបាល ​ជួយ​ធ្វើ​ឱ្យ​គម្រោង​ទាំង​នោះ​ស្រប​ច្បាប់ ​ដោយ​ផ្តល់​លិខិត​អនុញ្ញាត​សាងសង់”។ លោកបន្តថា “ម  ន្ត្រីពីក្រសួង អាចត្រួតពិនិត្យគុណភាពសំណង់ទាំងអស់នោះ ប្រសិន​បើមិន​បង្ក​គ្រោះថ្នាក់​ដល់​សាធារណជន​ទេ ក្រសួង​គួរ​ចេញ​លិខិត​អនុញ្ញាតឱ្យពួកគាត់។ ការ​ធ្វើ​ដូច្នេះ​ នឹង​លើក​ទឹក​ចិត្ត​​ដល់​អ្នក​វិនិយោគ​ថ្មី​ក្នុង​ការ​ទិញ​គម្រោងទាំងនេះ”។

លោកបន្ថែមថា ចំណុចទី២ ដែលរដ្ឋាភិបាលគួរតែធ្វើ គឺការជួយសម្របសម្រួលជម្លោះរវាងភាគីទាំង២ តាមរយៈការកែសម្រួលកិច្ចសន្យា។ ការផ្ដាស់ប្ដូរ​អាចជា ការបន្ថយថ្លៃ​ជួល ឬឱ្យវិនិយោគិនបង់រំលួសថ្លៃជួលក្នុងរយៈពេលវែងណាមួយ។

ទោះជាយ៉ាងនេះក្តី អស់រយៈពេលជាង២ឆ្នាំទៅហើយ នៅមិនទាន់ឃើញដំណោះស្រាយចេញជាផ្លែផ្កាអ្វីទាំងអស់ បើទោះបីជារដ្ឋាភិបាលបានប្រកាសយ៉ាងក្ដែងៗក្ដីថា នឹងស្តារសេដ្ឋកិច្ចខេត្តព្រះសីហនុឡើងវិញ។

​អ្វី​ទៅ​ជា​ចក្ខុវិស័យ​រយៈពេល​វែង​របស់​រដ្ឋាភិបាល​កម្ពុជា?

លោកបណ្ឌិត Ivan Franceschini អ្នកស្រាវជ្រាវសាកលវិទ្យាល័យជាតិអូស្ត្រាលី បានពន្យល់ពីមូលហេតុដែលរដ្ឋាភិបាលកម្ពុជា ព្រងើយកន្តើយ មិនទាន់ចង់ដោះស្រាយបញ្ហានេះ។

លោកបណ្ឌិត Ivan បាននិយាយថា កម្ពុជានៅមានអំពើពុករលួយច្រើន ហើយម្ចាស់ដីក្នុងខេត្តព្រះសីហនុ ភាគច្រើនជាសេដ្ឋី និងអ្នកមានអំណាចក្នុងជួររដ្ឋាភិបាល ដែលធ្វើឱ្យរដ្ឋាភិបាលកម្ពុជា ពិបាកដោះស្រាយបញ្ហាតាមសំណើររបស់វិនិយោគចិនទាំងនោះ។​

យោងតាមការសិក្សារបស់គាត់ រដ្ឋាភិបាលកម្ពុជាជាក់ស្ដែងក៏ចង់ដោះស្រាយបញ្ហានេះខ្លាំងណាស់ដែរ ប៉ុន្តែត្រូវការពេលវេលា។

លោកជឿជាក់ថា បញ្ហានឹងធូរស្រាលនៅថ្ងៃណាមួយ ព្រោះជាក់ស្ដែងរដ្ឋាភិបាលបានចំណាយថវិកាជាង៣០០លានដុល្លាររួចហើយ ក្នុងការធ្វើឱ្យប្រសើរឡើងនូវហេដ្ឋារចនាសម្ព័ន្ធ ដូច្នេះមានន័យថារដ្ឋាភិបាល ​មាន​ចក្ខុវិស័យ​វែងឆ្ងាយ​សម្រាប់​ខេត្ត​នេះ​។

ប្រសិនបើរដ្ឋាភិបាល មិនមានទស្សនវិស័យច្បាស់លាស់ទេ រដ្ឋាភិបាល នឹងមិនហ៊ានចំណាយថវិកាផ្ទាល់របស់រដ្ឋដ៏ធំសម្បើមនេះ ដើម្បីកសាងហេដ្ឋារចនាសម្ព័ន្ធក្នុងខេត្តនេះឡើងវិញនោះទេ។

លោកបន្តថា ពិសេសជាងនេះ ការសម្រេចចិត្តបញ្ចប់ល្បែងអនឡាញនៅឆ្នាំ ២០១៩ គឺជាជំហានដ៏ក្លាហានមួយរបស់រដ្ឋាភិបាល ដែលហ៊ាន បោះលុយចោល ដែលកំពុងហូរចូលយ៉ាងគគ្រឹកគគ្រេង ហើយទ្រាំឈឺចាប់មួយពេលដើម្បីអនាគតដែលភ្លឺស្វាងជាងមុន។

រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិកាប្រចាការនៃ​ក្រសួង​សេដ្ឋកិ​ច្ច និងហិរញ្ញវត្ថុ លោកវង្សី វិសុទ្ធធ្លាប់បានមានប្រសាសន៍ថា រដ្ឋាភិបាលបាន និងកំពុងរកមធ្យោបាយល្អបំផុត ដើម្បីដោះស្រាយបញ្ហានេះ។

លោកបន្តថា “ការសាងសង់អគារខ្ពស់ៗជាច្រើន ត្រូវបានផ្អាកការសាងសង់ ឬបោះបង់ចោល។ យើងដឹងពីបញ្ហានេះហើយ យើង​នឹង​ជួយ​ជំរុញ​ការ​អភិវឌ្ឍ​អគារ​ទាំង​នោះ ​តាម​រយៈ​ការ​ទាក់​ទាញ​អ្នក​វិនិយោគថ្មី មកទិញបន្ត”។

ផែនការនេះគឺជាផ្នែកមួយ នៃគោលដៅរបស់រដ្ឋាភិបាលកម្ពុជា ក្នុងការប្រែក្លាយក្រុងព្រះសីហនុ ទៅជាតំបន់សេដ្ឋកិច្ចពិសេស ពហុគោលបំណងនាពេលអនាគត។

គម្រោងនេះ គឺជាមហិច្ឆតាធំរបស់កម្ពុជា ក្នុងការប្រែក្លាយក្រុងព្រះសីហនុ ទៅជាតំបន់សេដ្ឋកិច្ចដ៏សំខាន់មួយ ក្នុងតំបន់អាស៊ីអាគ្នេយ៍ និងជាតំបន់ឧស្សាហកម្មជឿនលឿន ដែលបម្រើដល់ខ្សែសង្វាក់ផលិតកម្មក្នុងតំបន់ និងពិភពលោក តាមរយៈការប្រើប្រាស់បច្ចេកវិទ្យាឆ្លាតវៃ។

លើសពីនេះ ខេត្តនេះក៏នឹងត្រូវតភ្ជាប់ជាមួយរាជធានីភ្នំពេញ ដោយផ្លូវល្បឿនលឿនតម្លៃ២ពាន់លានដុល្លារអាមេរិក ដែលគម្រោងបើកដំណើរក្នុងខែតុលាខាងមុខនេះ។

ដោយមើលឃើញពីចក្ខុវិស័យ និងសកម្មភាពរយៈពេលវែងរបស់រដ្ឋាភិបាលកន្លងមក អ្នកជំនាញផ្នែកអចលនវត្ថុក្នុងស្រុកភាគច្រើន បានព្យាក​រណ៍ថា សេដ្ឋកិច្ចខេត្តព្រះសីហនុនឹងងើបឡើងវិញ ក្នុងពេលដ៏ខ្លីខាងមុខ។

ពួកគេបានឱ្យនិយមន័យវិបត្តិសេដ្ឋកិច្ចមួយនេះថា ការផ្លាស់ប្ដូរដែលឈឺចាប់ តែគឺដើម្បីការអភិវឌ្ឍន៍ដែលមានគុណភាព និងនិរន្តរភាពនាពេលអនាគត ឬ ហើយតាមសុភាសិតខ្មែរគឺ ពិបាកមុន ស្រណុកក្រោយ។

ទោះជាយ៉ាងណាក្ដី លោកបណ្ឌិត Ivan ក៏យល់ឃើញថា “ជនជាតិចិន នឹងមិនត្រឡប់មកវិញនៅពេលឆាប់ៗនេះទេ​ ព្រោះតែឧបសគ្គខាងសង្គម និងសេដ្ឋកិច្ចខាងលើ”។លោកបន្ថែមថា “វិនិយោគិនចិនចាស់ អាចនឹងមិនត្រលប់មកវិញទេ ព្រោះពួកគេខ្លាចនឹងជួបបញ្ហាដូចមុន។ ដូច្នេះក្តីសង្ឃឹមអាចពឹងផ្អែកលើវិនិយោគិនថ្មី”៕

ដោយៈជេស៊ីកា

       កណ្តាលៈ វាជារឿងវិជ្ជមានមួយ បន្ទាប់ពីប្រមុខរាជរដ្ឋាភិបាលបង្ហើបពីផែនការកសាងទីក្រុងល្វាឯមនាពេលអនាគត ប៉ុន្តែវាជាទីក្រុងមួយដែលនឹងចំណុះឲ្យទឹកដី ខេត្តកណ្តាល។

ក្រុមអ្នកជំនាញ​អចលនទ្រព្យ​ និង​​សេដ្ឋកិច្ច​មើល​ឃើញ​ថា ​ស្រុក​ល្វាឯម ​អាច​នឹង​ក្លាយ​ទៅជា​ទីក្រុង​ទំនើប​នាពេល​អនាគត ក្រោយពី​រដ្ឋាភិបាល​បាន​បង្ហាញ​ពី​គម្រោង​សិក្សា​អភិវឌ្ឍ​ស្រុក​ស្រុក​មួយ​នេះ​។​

លោកច្រឹក សុខនីម ប្រធាន​សមាគម​អ្នក​វាយ​តម្លៃ និងភ្នាក់ងារអចលនវត្ថុកម្ពុជា​បាន​មាន​ប្រសាសន៍​ថា ​ការប្រកាស​របស់​ប្រមុខ​រដ្ឋាភិបាល​ ក្នុងការ​បង្កើត​ក្រុង​ល្វាឯម​ ជា​សញ្ញា​វិជ្ជមាន​មួយ​សម្រាប់​អ្នក​វិនិយោគ​ប្រមើល​មើល​ពី​ឱកាស​ក្នុង​ការរកស៊ី​ជួញដូរ​នៅ​ម្ដុំ​នោះ​។

លោក​ថ្លែង​ថា​ “សម្រាប់​ការអនុវត្ត​ជាក់ស្ដែង ​ទាល់តែ​យើង​ដឹង​ពី​ពេលវេលា​ជាក់លាក់​ថា ​តើ​គម្រោង​ទាំង​អស់​ហ្នឹង​ចាប់ផ្ដើម​អនុវត្ត​នៅ​ពេលណា​?” លោកបន្តថា “​ទោះជា​យ៉ាងណាក៏ដោយ នៅតែ​ជា​សញ្ញា​មួយ​ក្នុង​ការបង្ហាញ​ទំនុកចិត្ត​របស់​វិនិយោគិន​ថា យើង​នឹង​មាន​គម្រោង​ហ្នឹង​ណាមួយ​ក្នុង​ក្រុង​ល្វាឯម​ពេល​អនាគត”។​

ជាមួយគ្នានេះ អ្នកជំនាញ​សេដ្ឋកិច្ចនៃរាជ​បណ្ឌិតសភា​កម្ពុជា ​លោក គី សេរីវឌ្ឍ លើក​ឡើង​ថា ល្វាឯម​អាច​ក្លាយ​ទៅជា​ទីក្រុង​រណប​ នៅពេល​អនាគត ​ដែល​អាច​ដើរ​តួនាទី​សំខាន់​ជាទី​ក្រុង​ទំនើប​ ព្រោះ​ភ្នំពេញ​បច្ចុប្បន្ន​នឹង​ប្រែ​ក្លាយជា​ទីក្រុង​បុរាណ​ ដោយ​ផ្អែក​តាម​រចនាសម្ព័ន្ធ​សំណង់​ និង​ផ្លូវ​ថ្នល់​បែប​បុរាណ​បន្សល់​ទុក​ច្រើន​។

លោក​បន្តថា “ស្រុក​ឯ​ល្វាឯម​នឹង​ក្លាយជា​ក្រុង​ទំនើប ​សម័យថ្មី​ដែល​បង្ហាញ​ពី​ការលូតលាស់​របស់​ប្រទេស​កម្ពុជា ហើយ​ម្យ៉ាង​ល្វាឯម​នៅ​មិន​ឆ្ងាយ​ប៉ុន្មាន​ពី​ទីក្រុង​ភ្នំពេញ​ ដោយ​មាន​ស្ពាន​ជា​តំណ​ភ្ជាប់ ​ដែល​នឹង​ធ្វើ​ឲ្យ​មាន​ការ​លូតលាស់​ផ្នែក​អចលនទ្រព្យ​ទៅជាមួយ”។

ស្រុក​ល្វាឯម​ស្ថិតនៅ​ខេត្ត​កណ្ដាល​មាន ​១៥ ​ឃុំ​ និងភូមិសរុបចំនួន​៤៣៕

HÀ NỘI — Under a new action plan, the capital city is looking to further develop its urban landscape, with plans for a new ring road and another international airport.

The move is part of the direction to build a modern transport and logistics system that fits the development needs of Hà Nội and the northern region.

The infrastructure of Nội Bài Airport is also expected to be improved and expanded.

Ring Road No 4 is scheduled for construction in June next year and will be completed by 2027, while planning for Ring Road No 5 will be finished by 2030. Hà Nội Party Secretary Đinh Tiến Dũng recently approved a new action plan for the capital city, which set out the development direction and missions by 2030 with a vision to 2045.

Action plan No 16-CTr/TƯ specifies four key goals, requirements and criteria, as well as eight key missions and solutions that aim to create high consensus in the way of thinking and action of the Party, political system and the people of Hà Nội.

Hà Nội Party Committee will continue to raise awareness of the role, position and importance of the capital city. The plan also set out six tasks and solutions for rapid and sustainable economic development in the city, which will be based on restructuring the economy, innovating growth models, and mobilising every resource.

According to these missions, advanced science – technology and innovation will be the driving force behind socio-economic development.

Digital transformation, digital economy and society, as well as new economic models such as urban economy, green economy, and circular economy will be the area of focus, along with a restructured labour force. Total factor productivity (TFP) and the digital economy will also make significant contributions to the gross regional domestic product (GRDP), while labour productivity is expected to reach 7.5 per cent by 2030.

The city will prioritise developing services with high added value such as finance, banking, insurance and logistics, with Hà Nội as the leading finance-banking centre in the North and playing a key role on the national scale.

Focused sectors for development include cultural tourism and e-commerce, as well as industrial parks and zones, with particular attention to hi-tech industries and start-up innovation. The city also aims to develop ecological, high-tech agricultural production based on applied technologies and improve productivity, while also rearranging farming land for concentrated, large scale-production.

The action plan also includes a programme titled “Convergence of quintessence and amplified power of national culture”, which will be a new source of growth for Hà Nội and position the capital as the cultural centre of the country.

Restoration work for relic sites will be conducted in the 2022 – 2025 period and beyond. Preservation and promotion of cultural and architectural heritage will also be a focus, with national and world heritage sites being the priority. At least two per cent of the annual budget expenditure must be spent on investment in the cultural sector.

The city’s human development index (HDI) is expected to reach 0.86 to 0.88 in 2025, and approximately 0.88 to 0.9 in 2030.

Hà Nội is also striving to have 100 per cent of its schools meet the national standards by 2030. A transformation is expected in urban planning with transport-oriented development (TOD) and the creation of satellite cities.

Deteriorating old buildings in the city will also be addressed to ensure safety and improve the urban landscape. The key mission for the capital remains to ensure national security and defence, social order and safety; promote diplomacy, international integration and cooperation, elevate the role and reputation of the city, as well as continue building the Party.

Hà Nội Party Committee also underlines the importance of having a complete legal framework with suitable policies and mechanisms, in order to respond to the development requirements in the new context. — VNS

Source: Vietnam News

ដោយ៖ សុធីតា

ភ្នំពេញ៖ លោកបណ្ឌិត ហ៊ុន ម៉ាណែត បានលើកឡើងថា ការអប់រំបណ្តុះបណ្តាលធនធានមនុស្ស មិនត្រឹមតែចូលរួមពង្រឹងឯករាជ្យម្ចាស់ការរបស់ប្រទេសជាតិប៉ុណ្ណោះទេ ប៉ុន្តែក៏ដើរតួនាទីសំខាន់ក្នុងការជំរុញភាពប្រកួតប្រជែងដែលកាន់តែស្វិតស្វាញក្នុងចរន្តសាកលភាវូបនីយកម្មក្នុងពេលបច្ចុប្បន្ននេះផងដែរ។

ការលើកឡើងបែបនេះ របស់លោកបណ្ឌិត ហ៊ុន ម៉ាណែត បានធ្វើឡើងក្នុងឱកាសអញ្ជើញជាអធិបតីភាពពិធីប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យឥន្ទ្រវិជ្ជា នៅព្រឹកថ្ងៃទី០៥ ខែកញ្ញា ឆ្នាំ២០២២នេះ។

លោកបណ្ឌិត បានលើកឡើងថា ស្ថានភាពនៃវិបត្តិកូវីដ១៩ ពិតជាបានពន្លឿននូវការចាប់យកបច្ចេកវិទ្យា ដើម្បីបង្កើនប្រសិទ្ធភាពការងារ និងការរៀនសូត្រ ដែលជានិន្នាការសាកល។ យ៉ាងណាក៏ដោយ ទាំងបច្ចុប្បន្ន និងតទៅអនាគត រាជរដ្ឋាភិបាលក៏នៅបន្តកសាងសាលារៀន និងអភិវឌ្ឍហេដ្ឋារចនាសម្ព័ន្ធនានា ដើម្បីជំរុញ និងរក្សាសន្ទុះនៃការសិក្សាដោយផ្ទាល់នៅក្នុងសាលា ដែលនៅតែជាការងារសំខាន់ជាអាទិភាព ពីព្រោះការអប់រំត្រូវមានលក្ខណៈមូលជុំគ្រប់ជ្រុងទាំងអស់តាមរយៈសកម្មភាព ទំនាក់ទំនង និងការគិតពិចារណា ទើបអាចធានាបាននូវប្រសិទ្ធភាពជាក់ស្តែងទាន់ពេលវេលា។

បន្ថែមពីនេះ លោកបណ្ឌិត ហ៊ុន ម៉ាណែត បានបន្តថា សមិទ្ធផលធំបំផុតរបស់ប្រទេសជាតិ ដែលកើតឡើងក្រោយឆ្នាំ១៩៧៩ ដោយផ្អែកលើការផ្តល់អាទិភាពលើការអនុវត្តគោលនយោបាយ និងចក្ខុវិស័យលើវិស័យអប់រំតាំងពីជំនាន់នោះមក គឺការទទួលបាននូវធនធានមនុស្សដែលមានសមត្ថភាព លទ្ធភាព គុណធម៌ និងសីលធម៌ និងដែលបានចូលរួមក្នុងការដឹកនាំ គ្រប់គ្រង កសាង និងអភិវឌ្ឍប្រទេសដោយឯករាជ្យម្ចាស់ការលើគ្រប់វិស័យ ទាំងផ្នែករដ្ឋ វិស័យឯកជន និងអង្គការសង្គមស៊ីវិល។

លោកបណ្ឌិត ហ៊ុន ម៉ាណែត បានបញ្ជាក់ថា “នេះគឺជាមោទនភាព ហើយដែលយើងត្រូវរួមគ្នាបន្តពង្រឹងទៅមុខទៀត ដើម្បីនិរន្តរភាពនៃការអភិវឌ្ឍជាតិ។ ធនធានមនុស្សម្នាក់ គឺជាសសរមួយដើមដែលទ្រទ្រង់ប្រទេសជាតិ ជាពិសេសសរជំនាន់ថ្មីៗដែលទទួលបានឱកាសពេញលេញក្នុងការសិក្សារៀនសូត្រ គឺត្រូវខិតខំកសាងពង្រឹងខ្លួនឱ្យបានរឹងមាំ ដើម្បីទ្រទ្រង់ និងទទួលបន្ទុកភារកិច្ចបន្តកសាងប្រទេស ដែលចេះតែរីកចម្រើនធំធាត់”។

លោកបណ្ឌិត ហ៊ុន ម៉ាណែត បានលើកឡើងយ៉ាងដូច្នេះថា “ការអប់រំបណ្តុះបណ្តាលធនធានមនុស្ស មិនត្រឹមតែចូលរួមពង្រឹងឯករាជ្យម្ចាស់ការរបស់ប្រទេសជាតិប៉ុណ្ណោះទេ ប៉ុន្តែក៏ដើរតួនាទីសំខាន់ក្នុងការជំរុញភាពប្រកួតប្រជែងដែលកាន់តែស្វិតស្វាញក្នុងចរន្តសាកលភាវូបនីយកម្មក្នុងពេលបច្ចុប្បន្ននេះផងដែរ។ គម្លាតខួរក្បាល ខុសពីគម្លាតផ្នែកហេដ្ឋារចនាសម្ព័ន្ធ។ យើងត្រូវប្រើពេលវេលាខ្លះដើម្បីកាត់បន្ថយគម្លាតហេដ្ឋារចនាសម្ព័ន្ធ ប៉ុន្តែចំពោះគម្លាតខួរក្បាល គឺអាចត្រូវបានដោះស្រាយបានលឿនជាង ប្រសិនបើយើងមានឱកាសអប់រំសិក្សារៀនសូត្រ និងការបង្កលក្ខណៈ ជាពិសេសក្នុងដំណាក់កាលសុខសន្តិភាពដូចពេលបច្ចុប្បន្ន ពីព្រោះថាមនុស្សមានសមត្ថភាពខួរក្បាលដូចគ្នាដើម្បីអភិវឌ្ឍខ្លួនទៅមុខ ដោយមិនបែងចែងរវាងជាតិសាសន៍ និងប្រទេសតូចធំនោះឡើយ”។

ទន្ទឹមនឹងនេះដែរ លោកបណ្ឌិត ហ៊ុន ម៉ាណែត បានបន្តថា ការអភិវឌ្ឍ ខុសពីកំណើន។ កំណើនសំដៅតែទៅលើការកើនឡើងតួលេខ ឬលទ្ធផលប៉ុណ្ណោះ។ ការអភិវឌ្ឍ គឺត្រូវពឹងផ្អែកទៅលើការកែប្រែប្រព័ន្ធការងារក្នុងការដឹកនាំគ្រប់គ្រង ផ្នត់គំនិត និងវិធីសាស្ត្រ ពីលក្ខណៈប្រពៃណីដោយឈានទៅទំនើបកម្ម ព្រមទាំងការប្រែប្រួលរបៀបរបបធ្វើការទាំងលក្ខណៈបុគ្គល និងស្ថាប័ន ដើម្បីអាចធានាបាននូវចីរភាព និងនិរន្តរភាពយូរអង្វែង។ ក្នុងន័យនេះ ការអភិវឌ្ឍមិនអាចនៅនឹងថ្កល់នោះទេ ហើយទាមទារឱ្យមានប្រព័ន្ធអប់រំមួយរស់រវើស ដែលត្រូវជំរុញទាំងការសិក្សារៀនសូត្រដោយខ្លួនឯងតាមរយៈការស្រាវជ្រាវ និងការរៀនក្នុងបរិយាកាសខាងក្រៅ តាមប្រព័ន្ធសាលារៀន និងកន្លែងធ្វើការ ជាដើម។

លោកបណ្ឌិត ហ៊ុន ម៉ាណែត បានបញ្ជាក់ថា សម្រាប់ទិសដៅទៅអនាគត គន្លឹះធំបំផុតនៃការកសាងធនធានមនុស្ស គឺការពង្រឹងគុណភាពអប់រំនៅថ្នាក់បឋម រហូតដល់ថ្នាក់ទី១២ ជាពិសេសនៅតាមបណ្តាគ្រឹះស្ថានរដ្ឋ ដោយសារនេះ គឺជាមូលដ្ឋានគ្រឹះដើមដំបូង ដែលត្រូវចម្រាញ់យកគុណភាពឱ្យបានជាចាំបាច់ ពីព្រោះគុណភាពអាស្រ័យជាចម្បងលើការផ្តល់ការអប់រំ និងហាត់ពត់លត់ដំតាំងពីក្មេងវ័យ ជាពិសេសនៅក្នុងមជ្ឈដ្ឋានសាលា និងគ្រួសារតែម្តង ដើម្បីទទួលបាននូវធនធានមនុស្ស ដែលគ្រប់ជ្រុងជ្រោយ ទាំងលើកត្តាសមត្ថភាពចំណេះដឹង សុខភាព គុណធម៌ សីលធម៌ វិន័យ និងការទទួលខុសត្រូវ ព្រមទាំងបន្ថែមដោយការលើកកម្ពស់ការយល់ដឹងអំពីវប្បធម៌-អរិយធម៌ផងដែរ សំដៅធ្វើយ៉ាងណាឱ្យទំពាំងស្នងឫស្សីរបស់យើង អាចធ្វើការវិភាគចាប់យកអ្វីល្អ បោះចោលអ្វីមិនល្អ និងអនុវត្តសិទ្ធិសេរីភាពរបស់ខ្លួនប្រកបដោយការទទួលខុសត្រូវ។

ជារួម នេះគឺជាអភិក្រមនៃការអភិវឌ្ឍសមត្ថភាពធនធានមនុស្ស ដែលផ្តោតទៅលើការកែប្រែផ្នត់គំនិតនៃការប្រកួតប្រជែង និងការជឿទុកចិត្តលើសមត្ថភាពខ្លួនឯង ដោយត្រូវអនុវត្តចាប់ពីអាយុក្មេងវ័យឡើងមក៕