ដោយ: លាងហួរ

ថៃ: ក្រោយពីវិបត្តិជំងឺកូវីដ១៩បានវាយលុកលើទីផ្សារខុនដូ ក្រុមហ៊ុនអភិវឌ្ឍន៍អចលនទ្រព្យ Habitat Group បានសម្រេចប្តូរទៅអភិវឌ្ឍផ្ទះទាបៗ ដូចជាលំនៅដ្ឋានទំនើបៗ និងផ្ទះវិស្សមកាល នៅប៉ាតាយ៉ា(Pattaya) ក្នុងគោលបំណងបង្កើនផលបត្រពី២០ទៅ៤០ភាគរយ ក្នុងរយៈពេលពីរបីឆ្នាំខាងមុខ​។

លោក Chanin Vanijwongse  នាយកប្រតិបត្តិក្រុមហ៊ុន Habitat Group បាននិយាយថា ក្រុមហ៊ុនបានចំណាយពេលកែប្រែផែនការរបស់ខ្លួន នៅពេលដែលទីផ្សារខុនដូបានធ្លាក់ចុះ ក្នុងឆ្នាំ២០២០ ដល់ឆ្នាំ២០២១ ដោយសារជំងឺរាតត្បាត។

លោកបានបន្តថា “កាលពី២ឆ្នាំមុន ក្រុមហ៊ុនមិនបានបើកដំណើរការគម្រោងថ្មីនោះទេ បើទោះបីជាមានដីធ្លីធំៗច្រើនក៏ដោយ ព្រោះដីទាំងអស់នោះត្រូវបានកំណត់សម្រាប់អភិវឌ្ឍគម្រោងខុនដូ”​។ មុនពេលមានជំងឺរាតត្បាត ក្រុមហ៊ុនបានប្រថុយប្រថានទិញដី សម្រាប់ការអភិវឌ្ឍ ខុនដូថ្មី ដោយសារខុនដូរបស់យើងមានការលក់ល្អនៅពេលនោះ”។

ជាការពិត ការអភិវឌ្ឍន៍លំនៅដ្ឋានទាបៗ មានភាពបត់បែនជាងការអភិវឌ្ឍខុនដូ ដោយសារវាអាចបែងចែកជាដំណាក់កាល។  ប្រសិនបើដំណាក់កាលណាមួយមានការលក់មិនល្អ ការរចនាលំនៅឋាន និងទំហំអាច ត្រូវបានផ្លាស់ប្តូរ ដើម្បីទាក់ទាញអតិថិជន។

លោក Chanin បានមានប្រសាសន៍ថា ក្រុមហ៊ុននឹងផ្លាស់ប្តូរទៅជាការអភិវឌ្ឍន៍លំនៅដ្ឋានទាបៗ ពីការអភិវឌ្ឍលំនៅដ្ឋានខ្ពស់ៗ ដូចជា ខុនដូ ដើម្បីបង្វែរហានិភ័យ និងកាត់បន្ថយដើមទុនដែលត្រូវការ។

លោកថា “យើងត្រូវធ្វើពិពិធកម្មការអភិវឌ្ឍន៍របស់យើង ដោយផ្តោតលើតម្រូវការក្នុងស្រុក  និងតម្រូវការពិតប្រាកដ”៕

ដោយ៖ សុផារី

ភ្នំពេញ៖  ភ្នាក់ងារអចលនទ្រព្យ ជាបុគ្គលសំខាន់ ដែលនឹងជំរុញការលក់ និងរីកចម្រើនរបស់ក្រុមហ៊ុនមួយ។ ការស្វែងរកមនុស្សមកជាភ្នាក់ងារអចលនទ្រព្យ អាចជារឿងមួយងាយស្រួល ប៉ុន្តែការគ្រប់គ្រង និងរៀបចំភ្នាក់ងារទាំងនោះឱ្យធ្វើការប្រកបដោយប្រសិទ្ធភាពអាចមិនមែនជារឿងងាយស្រួលនោះទេ។

អគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ Century 21 Advance លោក ឡុង គីមសួគ៌ បានមានប្រសាសន៍នៅថ្ងៃទី២៥ ខែសីហា ឆ្នាំ២០២២ ថា ដើម្បីគ្រប់គ្រងភ្នាក់ងារអចលនទ្រព្យ នៅក្នុងក្រុមហ៊ុនមួយឱ្យធ្វើការ ប្រកបដោយប្រសិទ្ធិភាព និងនៅធ្វើការជាមួយក្រុមហ៊ុនបានយូរ ថ្នាក់ដឹកនាំគួរគិតគូរចំណុចសំខាន់ៗចំនួន៥រួមមានៈ

ទី១ ត្រូវប្តូរពីការគ្រប់គ្រងមកជាការដឹកនាំ មានន័យថា យើងមិនអាចគ្រប់គ្រងមនុស្សដោយការបញ្ជាតាមរយៈការប្រើប្រាស់តំណែងធំជាងនោះទេ។ ជាធម្មតា ថ្នាក់ដឹកនាំគួរជាអ្នកបង្ហាញផ្លូវ ដល់ភ្នាក់ងារថាតើគួរដើរផ្លូវណា ធ្វើអ្វីខ្លះ មានផែនការយ៉ាងណា ហើយក៏គួរស្តាប់យោបល់របស់ភ្នាក់ងារផងដែរ។ អ្នកដឹកនាំគួរបើកចិត្តទូលាយ និងបើកឱកាស ដល់សមាជិកដើម្បីបង្ហាញមតិយោបល់ផ្ទាល់ខ្លួន។

លោកថា “ការគ្រប់គ្រងរបៀបនេះជាការដឹកនាំទៅរកផ្លូវល្អ សម្រាប់ក្រុមហ៊ុន និងភ្នាក់ងារក្រុមហ៊ុន។ កាលណាមនុស្សសប្បាយចិត្តនឹងធ្វើការ នោះគាត់នឹងធ្វើការមិនហត់ ធ្វើការចេញពីបេះដូង និងនៅជាមួយយើងយូរ”។

ទី២ ត្រូវមានស្មារតីរួបរួម ព្រោះការងារជាភ្នាក់ងារអចលនទ្រព្យ ជាការងារក្រុម ដែលត្រូវតែកំណត់គោលដៅរួមគ្នា ធ្វើយ៉ាងណាឱ្យមនុស្សធ្វើការរួមគ្នា និងធ្វើការជាក្រុម ដោយបែងចែកតាមផ្នែក តាមជំនាញរៀងៗខ្លួន។ កាលណាមានសមាជិកណាមួយមិនពេញចិត្តនឹងគោលដៅរួម នោះនឹងធ្វើឱ្យប៉ះពាល់ដល់ការងារទាំងមូល។

លោកបញ្ជាក់ថា ” អ្នកដឹកនាំត្រូវតែមើលឱ្យបានដិតដល់អំពីស្មារតីនៃក្រុម ថាតើក្រុមការងាររបស់យើងកំពុងបែកបាក់ឈ្លោះ ឬបែងចែកបក្សពួក? ប្រសិនបើមានបញ្ហាទាំងនេះ នោះការងារយើងនឹងមានបញ្ហា”។

ទី៣ ការងារផ្តល់ឲ្យនូវអ្វីដែលភ្នាក់ងារចង់បាន មានន័យថា  នៅពេលក្រុមហ៊ុនផ្តល់អ្វីដែលក្រុមការងារចង់បាន និងតាម លទ្ធភាពរបស់ក្រុមហ៊ុន នោះបុគ្គលិកនឹងមានភាពកក់ក្តៅ សប្បាយចិត្តហើយនឹងនៅធ្វើការជាមួយក្រមហ៊ុនរយៈពេលវែង។

ទី៤ ប្រព័ន្ធការងារច្បាស់លាស់។ នៅពេលស្ថាប័នការងារមួយមានការបែងចែកប្រព័ន្ធការងារមិនច្បាស់លាស់ នោះភ្នាក់ងារនឹងធ្វើការមិនស៊ីចង្វាក់គ្នា កើតមានបញ្ហាទាស់ទែង មិនមានតម្លាភាពក្នុងការងារ ហើយការងារនឹងមិនមានប្រសិទ្ធភាព។

លោកបន្តថា “ប្រព័ន្ធការងារក៏មានសារៈសំខាន់ណាស់ ដូច្នេះត្រូវយកចិត្តទុកដាក់ ថ្លឹងថ្លែង គិតគូរ ធ្វើយ៉ាងណាឲ្យមានប្រព័ន្ធការងារច្បាស់លាស់ លំហូរការងារច្បាស់លាស់”។

ទី៥ ចក្ខុវិស័យវែងឆ្ងាយរបស់អ្នកដឹកនាំ: ក្រុមហ៊ុនត្រូវតែមានទស្សនៈវិស័យវែងឆ្ងាយ ក្នុងការអភិវឌ្ឍក្រុមហ៊ុនឲ្យរីកចម្រើនរហូតបាន ដែលអាចផ្តល់ទំនុកចិត្តដល់ភ្នាក់ងារឲ្យនៅជាមួយក្រុមហ៊ុនបានយូរបាន៕

ដោយ៖ សុធីតា

ភ្នំពេញ៖ គិតត្រឹមដំណាច់ខែកក្កដា ឆ្នាំ២០២២ សណ្ឋាគារ និងផ្ទះសំណាក់ជាង៥០០ទីតាំងនៅកម្ពុជា បានបើកដំណើរជាធម្មតាវិញហើយ ខណៈជិត២០០ទីតាំងទៀត នៅបន្តផ្អាកអាជីវកម្ម និង២៩ទីតាំងបានបិទអាជីវកម្មតែម្តង ដោយសារការរងផលប៉ះពាល់ធ្ងន់ពីវិបត្តិកូវីដ១៩ ក្នុងរយៈពេលជាង២ឆ្នាំមកនេះ។

បើយោតាមរបាយការណ៍របស់ក្រសួងទេសចរណ៍ ដែលចេញផ្សាយថ្មីៗនេះ បានបញ្ជាក់ថា គិតត្រឹមថ្ងៃទី៣១ ខែកក្កដា ឆ្នាំ២០២២នេះ សណ្ឋាគារ និងសេវាកម្មស្នាក់នៅ នៅកម្ពុជាមានសរុបមានចំនួន៧៣៩ទីតាំង ក្នុងនោះ៥២០ទីតាំងកំពុងបើកដំណើរការ១៩០ទីតាំងបានផ្អាកអាជីវកម្ម និង ២៩ ទីតាំងទៀតបានសម្រេចបិទអាជីវកម្មតែម្តង។

ដោយឡែក ភោជនីយដ្ឋាន ដែលបច្ចុប្បន្នមានចំនួនសរុប២.៥២៩ទីតាំង ក្នុងនោះជាង២ពាន់កន្លែងកំពុងបើកដំណើរការ និង៣៦៣ទីតាំងទៀតបានបន្តផ្អាក និងបិទអាជីវកម្ម។

លោក តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានមានប្រសាសន៍ថា ក្នុងអំឡុងពេលនៃការរីករាលនៃជំងឺកូវីដ១៩ ខេត្តសៀមរាប ជាខេត្តដែលរងផលប៉ះពាល់ធ្ងន់ធ្ងរជាងគេ ដែលមូលដ្ឋានអាជីវកម្មនៅក្នុងខេត្តនេះប្រមាណ៩០%បានផ្អាក និងបិទអាជីវកម្ម ចំណែកខេត្តគោលដៅទេសចរណ៍ផ្សេងទៀត រងផលប៉ះពាល់តិចតួច។

លោកបានបញ្ជាក់ថា ក្រោយពេលដែលភ្ញៀវទេសចរជាតិ និងអន្តរជាតិ ចាប់ផ្តើមកើនឡើងជាបណ្តើរៗ មូលដ្ឋានអាជីវកម្មទេសចរណ៍ នៅក្នុងខេត្តសៀមរាប រួមមានសណ្ឋាគារ ផ្ទះសំណាក់ ភោជនីយដ្ឋាន ប្រមាណ៤៦% ក្នុងចំណោមអាជីវកម្មដែលបានបិទទ្វារ ដោយសាររងផលប៉ះពាល់ពីវិបត្តិជំងឺកូវីដ១៩ បានបើកដំណើរការឡើងវិញជាបន្តបន្ទាប់។

លោកបន្ថែមថា មូលដ្ឋានអាជីវកម្មប្រមាណជាងពាក់កណ្តាលទៀត មិនទាន់អាចបើកដំណើរការនៅឡើយទេ ដោយសារតែចំនួនភ្ញៀវទេសចរណ៍ ទើបតែចាប់ផ្តើមដើរកម្សាន្ត និងមានចំនួនតិចតួចនៅឡើយ ដែលធ្វើឱ្យម្ចាស់អាជីវកម្មមួយចំនួននៅស្ទាក់ស្ទើរ មិនទាន់បើកដំណើរការ។

បើតាមអ្នកនាំពាក្យរូបនេះ នាពេលបច្ចុប្បន្ននៅទូទាំងប្រទេស មានភ្ញៀវទេសចរអន្តរជាតិដែលធ្វើដំណើរកម្សាន្តមកកម្ពុជាមាន ប្រមាណ៥០០០នាក់ ក្នុងនោះនៅខេត្តសៀមរាប មានប្រមាណពី៧០០នាក់ទៅ៨០០នាក់ នៅក្នុងមួយថ្ងៃ។

លោកបន្ថែមថា “នៅក្នុងរដូវកាលមានទេសចរណ៍ច្រើន ចាប់ពីខែតុលា វិច្ឆិកា ធ្នូ អាចថាដល់ពេលនោះ ចំនួនភ្ញៀវទេសចរអន្តរជាតិអាចនឹងឡើងច្រើន ដែលធ្វើឱ្យចំនួនមូលដ្ឋានអាជីវកម្មទេសចរណ៍ ដែលបានបិទកន្លងទៅ ក៏គាត់អាចបើកបន្តថែមទៀតដែរ”៕

SHANGHAI/BEIJING : China’s central bank has stepped up pressure on lenders with new instructions to grow loans, six bankers with knowledge of the matter said, as the world’s second-biggest economy faces an economic downturn and a plunge in borrowers’ confidence.

The informal message, issued via phone calls over recent months to commercial, rural and even foreign banks, was to lend more money to productive businesses and put less of it in financial investments, the banking sources said.

The calls, which the sources said came from the People’s Bank of China (PBOC) and in one case the China Banking and Insurance Regulatory Commission (CBIRC), are the latest in a series of official efforts to encourage money out of a financial system awash with cash and into lending that can drive real growth.

ដោយ: លាងហួរ

បាងកក: ក្រុមប្រឹក្សាវិនិយោគរបស់ប្រទេសថៃ (BOI) បានចេញផ្សាយបទប្បញ្ញត្តិថ្មី កាលពីថ្ងៃព្រហស្បតិ៍ ដែលអនុញ្ញាតឱ្យក្រុមហ៊ុនបរទេ សផ្តល់សិទ្ធិវិនិយោគ ក្នុងការទិញដីនៅក្នុងប្រទេសនេះ។ នេះបើយោងតាមសារពត៌មានThe Nations។

បទប្បញ្ញត្តិដែលបានចុះហត្ថលេខា ដោយនាយករដ្ឋមន្ត្រីកាលពីថ្ងៃទី៨ខែសីហា មានប្រសិទ្ធភាពឡើងវិញចាប់តាំងពីថ្ងៃទី ១៣ខែមិថុនាក្រោមច្បាប់ជំរុញការវិនិយោគឆ្នាំ១៩៧៧។

ឥឡូវនេះ ក្រុមហ៊ុនបរទេសដែលមានដើមទុន ចុះបញ្ជីយ៉ាងតិច៥០លានបាត អាចកាន់កាប់ដីនៅក្នុងប្រទេសថៃ ក្រោមលក្ខណៈវិនិច្ឆ័យដូចខាងក្រោមៈ

• អាចទិញបានរហូតដល់៥រ៉ៃ(៨ពាន់ម៉ែត្រការ៉េ) ដើម្បីសាងសង់ការិយាល័យ។
• អាចទិញបានរហូតដល់១០រ៉ៃ (១៦០០០ម៉ែត្រការ៉េ) ដើម្បីសាងសង់លំនៅដ្ឋានសម្រាប់នាយកប្រតិបត្តិ ឬអ្នកជំនាញ។
• អាចទិញបានរហូតដល់២០រ៉ៃ (៣២០០០ម៉ែត្រការ៉េ) ដើម្បីសាងសង់ផ្ទះសម្រាប់បុគ្គលិក។
• ការិយាល័យ និងកន្លែងស្នាក់នៅរបស់និយោជិត មិនត្រូវស្ថិតនៅក្នុងបរិវេណតែមួយ ជាមួយកន្លែងអាជីវកម្ម ឬរោងចក្រនោះទេ។ បទប្បញ្ញត្តិតម្រូវឱ្យអាជីវកម្មលក់ ឬផ្ទេរដីក្នុងរយៈពេលមួយឆ្នាំ បន្ទាប់ពីស្ថានភាពដែលត្រូវបានអនុម័តដោយ BOI បានផុតកំណត់។

កម្មសិទ្ធិដីធ្លីនីមួយៗ នឹងត្រូវបានពិចារណាលើករណីនីមួយៗ ដោយ BOI ៕