ដោយ៖ សុផារី

កណ្តាល៖ គម្រោងសាងសង់អាកាសយាន្តដ្ឋានអន្តរជាតិតេជោក្រុងតាខ្មៅ​ ដែលកំពុងដំណើរការសាងសង់យ៉ាងមមាញឹកខ្លាំង បាននិងកំពុងផ្តល់ផលប្រយោជន៍ ដោយបានលើកកម្ពស់ និងជំរុញសក្តានុពលខ្ពស់សម្រាប់ការវិនិយោគលើដីធ្លី នៃឃុំចំនួនបី​ឋិតក្នុងស្រុកកណ្តាលស្ទឹង​។ យ៉ាងណាក្តី អ្នកជំនាញមូលដ្ឋានបញ្ជាក់ថា ចរន្តការទិញលក់នៅជុំវិញតំបន់ខាងលើមានកំណើនតិចតួចជាងពេលមុន។

លោក ស៊ូ ប៊ុនសុង ប្រធានគ្រប់គ្រងក្រុមហ៊ុន Century 21 Zillion Holding ប្រចាំខេត្តកណ្តាល​ បានឱ្យដឹងថា ឃុំជើងកែប អំពៅព្រៃ និងឃុំកណ្តោក ទទួលបានប្រយោជន៍ច្រើនជាងគេ ពីគម្រោង​សាងសង់អាកាសយាន្តដ្ឋានអន្តរជាតិតេជោក្រុងតាខ្មៅ។

លោកបញ្ជាក់ឱ្យដឹងថា បច្ចុប្បន្នទីផ្សារដីធ្លីក្នុងឃុំទាំងបីមានតម្លៃដាក់លក់ជាមធ្យម ចន្លោះពី ៦០ ទៅ១៥០ដុល្លារក្នុងមួយម៉ែត្រការ៉េ ដែលជាតម្លៃខ្ពស់ជាងគេ​ ក្នុងស្រុកណ្តាលស្ទឹង។ យ៉ាងណាក្តី ទីផ្សារដីធ្លីក្នុងស្រុកកណ្តាលស្ទឹងហាក់មិនមានការប្រែប្រួលច្រើននោះទេ ហើយចំណែកប្រតិបត្តិការទិញ-លក់វិញក៏មានកំណើនតិចតួច​។

លោកមានប្រសាសន៍ថា “ទីតាំងនៅក្បែរៗតំបន់ព្រលានថ្មីនេះ មិនមានការទិញ លក់ ច្រើនដូចមុនទេ ដោយសារម្ចាស់ដីជាច្រើនដាក់លក់ក្នុងតម្លៃខ្ពស់រួចទៅហើយ។ ចំពោះអ្នកទិញវិញ គឺភាគច្រើនស្វែករកទីតាំងដី ដែលដាក់លក់តម្លៃក្រោមទីផ្សារ ព្រោះរំពឹងឱកាសនៃបង្កើតផលចំណេញ”។

យ៉ាងនេះក្តី លោកប៊ុនសុង រំពឹងថា ទីផ្សារដីធ្លីឋិតនៅតំបន់ព្រលានយន្តហោះថ្មីនេះនឹងកើនឡើងម្តងទៀត នៅពេលគម្រោងអភិវឌ្ឍន៍ដ៏ធំមួយនេះសម្រេចការសាងសង់រួចរាល់ ស្របពេលដែលគម្រោងវិនិយោគជាច្រើននឹងលេចចេញជារូបរាង។

បច្ចុប្បន្ន ស្រុកកណ្តាលស្ទឹងនៅសល់១៨ឃុំ និង១២៧ភូមិ បន្ទាប់ពីឃុំចំនួន៥ ត្រូវបានកាត់ចូលទៅខណ្ឌដង្កោ ក្រោមការគ្រប់គ្រងរដ្ឋបាលរាជធានីភ្នំពេញ។

គម្រោងសាងសង់អាកាសយាន្តដ្ឋានអន្តរជាតិតេជោក្រុងតាខ្មៅ​ ​ត្រូវ​បានសាងសង់លើផ្ទៃដីទំហំប្រមាណ២.៦០០ហិកតា ដែលលាតសន្ធឹងលើទឹកដីក្នុង​ក្រុងតាខ្មៅ ស្រុកកណ្តាលស្ទឹងខេត្តកណ្តាល និងដីខ្លះស្ថិតនៅក្នុងស្រុកបាទី ខេត្តតាកែវ។ គិតមកទល់បច្ចុប្បន្នសម្រេចការសាងសង់ជាង៣០ភាគរយ ហើយបញ្ចប់រួចរាល់ ដំណាក់កាលទី១ នៅឆ្នាំ២០២៣ខាងមុខ៕

McDonald’s said on Thursday (Aug 11) it plans on reopening its restaurants in Ukraine over the next few months in an early sign of western businesses returning to the country, even as the conflict with Russia continues.

The world’s biggest burger chain closed all its restaurants in Ukraine and Russia in March, following Moscow’s invasion of the eastern European country.

McDonald’s had 109 restaurants in Ukraine, but did not specify how many it planned to reopen. It sold most of its 850 restaurants in Russia to one of its local licensees in May.

The decision to reopen came after “extensive consultation and discussion with Ukrainian officials, suppliers, and security specialists, and in consideration of our employees’ request to return to work”, Paul Pomroy, McDonald’s head of international operated markets, said in a message to employees.

McDonald’s said it was working with suppliers to get products to restaurants and bring employees back on site with enhanced safety protocols.

The burger chain will begin restaurant reopenings in Kyiv and western Ukraine, areas which have been more shielded from the conflict.

Earlier this year, Ukraine’s government started a programme to relocate businesses westwards from war-ravaged areas looking to prevent further damage to its economy.

KFC and Pizza Hut owner Yum Brands said earlier this month nearly all of its stores in the country had reopened.

Source: Reuters

ដោយៈ សុផារី

ភ្នំពេញៈ ទោះប្រឈមវិបត្តិជំងឺកូវីដ១៩ក្តី អត្រាការចាក់វ៉ាក់សាំងបង្កើតភាពស៊ាំក្នុងសហគមន៍ បានបង្កើនទំនុកចិត្ត សម្រាប់អ្នកបញ្ជាទិញ និងអ្នកវិនិយោគចំពោះប្រទេសកម្ពុជា ដោយបានបង្កើនលំហូរការបើកដំណើរការរោងចក្រថ្មីៗជាច្រើន នៅក្នុងរាជធានីភ្នំពេញ និងបណ្តាខេត្តសក្តានុពលនានា។

ជាក់ស្តែង ក្រុមប្រឹក្សាអភិវឌ្ឍន៍កម្ពុជា (CDC) ទើបតែអនុម័តគម្រោងវិនិយោគថ្មីៗចំនួន៣ទៀត ក្រោមទុនវិនិយោគសរុបជិត១៦លានដុល្លារអាមេរិក និងអាចបង្កើតការងារបានជាច្រើនកន្លែង។

យោងតាមសេចក្តីប្រកាសផ្លូវការរបស់ CDC នៅថ្ងៃទី១២ ខែសីហាថា គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រ ចុះបញ្ជីគម្រោងវិនិយោគ ជូនដល់ក្រុមហ៊ុនដូចជា ទី១ ក្រុមហ៊ុនJADE FASHION (CAMBODIA) GARMENTS COMPANY LIMITED គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ក្នុងទុនវិនិយោគប្រមាណ៥,៣លានដុល្លារអាមេរិក និងអាចបង្កើតការងារបានចំនួន១.០២៤កន្លែង។

ទី២.ក្រុមហ៊ុន HONG YU FANG GARMENT CO., LTD គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិស្រង់ ឃុំស្រង់ ស្រុកគងពិសី ខេត្តកំពង់ស្ពឺ ក្នុងទុនវិនិយោគប្រមាណ៥,២លានដុល្លារអាមេរិក និងអាចបង្កើតការងារបានចំនួន១.០២៩កន្លែង។

ទី៣. ក្រុមហ៊ុនSHUN WEI FANG ZHI KE JI CO., LTD គម្រោងបង្កើតរោងចក្រផលិតអំបោះគ្រប់ប្រភេទ ដែលមានទីតាំងវិនិយោគស្ថិតនៅភូមិព្រៃខ្វាវ ឃុំរកាកោះ ស្រុកគងពិសី ខេត្តកំពង់ស្ពឺ ក្នុងទុនវិនិយោគប្រមាណ៥,២លានដុល្លារអាមេរិក និងអាចបង្កើតការងារបានចំនួន២២៦កន្លែង។

លោកហេង សុខគង់ រដ្ឋលេខាធិការនៃក្រសួងឧស្សាហកម្ម វិទ្យាសាស្រ្ត បច្ចេកវិទ្យានិងនវានុវត្តន៍ បានមានប្រសាសន៍នៅថ្ងៃទី១១ ខែសីហាម្សិលមិញថា វិស័យឧស្សាហកម្មនៅកម្ពុជា បានបង្ហាញកំណើនល្អប្រសើរ ជាពិសេសក្នុងរយៈពេល៦ខែឆ្នាំនេះ ដោយរំពឹងថា ផលិតភាពក្នុងវិស័យគ្រឹះនេះ នឹងរួមចំណែកជិត៤០ភាគរយ នៃផលិតផលក្នុងស្រុកសរុប (GDP) ក្នុងឆ្នាំនេះ។

លោកបានឱ្យដឹងថា គិតត្រឹមឆមាសទី១ឆ្នាំនេះ រោងចក្រថ្មីៗប្រមា​ណជាង១០០មកបណ្តាក់ទុន បើកដំណើរការនៅកម្ពុជា ដោយសារកម្ពុជានៅតែទទួលបានការផ្គត់ផ្គង់វត្ថុធាតុដើម សម្រាប់ផលិតកម្ម ដែលធ្វើឱ្យម្ចាស់រោងចក្រមិនបារម្ភពីកង្វះវត្ថុធាតុដើម ការបិទទ្វាររោងចក្រ ក៏ដូចជាមិនបារម្ភពីការបញ្ជាទិញ។

យោងតាមរបាយការណ៍របស់ក្រសួង បានឱ្យដឹងថា ក្នុងរយៈពេល៦ខែ ឆ្នាំ២០២២នេះ ផលិតផលក្នុងវិស័យឧស្សាហកម្ម ដែលបានផលិតសម្រាប់ផ្គត់ផ្គង់ទាំងក្នុងស្រុក និងនាំចេញទៅកាន់ទីផ្សារអន្តរជាតិ មានតម្លៃ៧.៥៧៧លានដុល្លារអាមេរិក កើនឡើង៣.២៥៤លានដុល្លារ ឬស្មើនឹង៧៥,២៧% បើធៀបនឹងរយៈពេលដូចគ្នា កាលពីឆ្នាំ២០២១។ ក្នុងនោះ ផលិតផលបម្រើទីផ្សារ ក្នុងស្រុកមានចំនួនជាង២.៣១៥លានដុល្លារអាមេរិក និង ផលិតផលនាំចេញ មានចំនួនជាង៥.២៦២លានដុល្លារអាមេរិក៕

ដោយៈ សុខុម

អន្តរជាតិ: ក្រុមហ៊ុនយក្ស McDonald’s ប្រកាសកាលពីថ្ងៃព្រហ​ស្បតិ៍ ទី១១ ខែសីហា ថា ខ្លួនមានគម្រោងបើកភោជនីយដ្ឋាន របស់ខ្លួនឡើងវិញនៅអ៊ុយក្រែន ក្នុងប៉ុន្មានខែខាងមុខនេះ។

នេះជាសញ្ញាបង្ហាញថា បណ្ដាអាជីវកម្មលោកខាងលិច ចាប់ផ្ដើមវិលត្រលប់ទៅប្រទេសនេះវិញជាបណ្ដើរៗហើយ ទោះជាសង្គ្រាមជាមួយរុស្ស៊ី កំពុងបន្តនៅឡើយក្ដី។

ក្រុមហ៊ុនខ្សែសង្វាក់បឺកហ្គើដ៏ធំបំផុត របស់ពិភពលោកមួយនេះ បានបិទភោជនីយដ្ឋានទាំងអស់ របស់ខ្លួននៅអ៊ុយក្រែន និងរុស្ស៊ី កាលពីខែមីនា បន្ទាប់ពីក្រុងមូស្គូ បានបញ្ឆេះសង្គ្រាមចូលឈ្លានពាន ប្រទេសនៅអឺរ៉ុបខាងកើត មួយនេះនៅថ្ងៃទី២៤ ខែកុម្ភៈ ដើមឆ្នាំនេះ។

ក្រុមហ៊ុន McDonald’s មានភោជនីយដ្ឋានសរុបចំនួន១០៩សាខានៅអ៊ុយក្រែន ប៉ុន្តែមិនបានបញ្ជាក់ពីចំនួន ដែលខ្លួនគ្រោងនឹងបើកដំណើរការឡើងវិញនោះឡើយ។

ក្រុមហ៊ុននេះ បានលក់ភោជនីយដ្ឋានទាំង៨៥០សាខារបស់ខ្លួន នៅរុស្ស៊ី ឱ្យទៅជនជាតិរុស្ស៊ី ម្នាក់ដែលជាអ្នកទទួលអាជ្ញាប័ណ្ណពីខ្លួន ក្នុងខែឧសភា ដើម្បីចាកចេញពីប្រទេសនេះ ក្រោយរងសម្ពាធទណ្ឌកម្មរបស់លោកខាងលិច និងបណ្ដាសម្ព័ន្ធមិត្ត។

ប្រធានទីផ្សារអន្តរជាតិនៃក្រុមហ៊ុន McDonald’s លោក Paul Pomroy បានលើកឡើងតាមរយៈសារមួយផ្ញើទៅកាន់បុគ្គលិកថា ការសម្រេ​ចចិត្តបើកដំណើរការឡើងវិញនេះ ធ្វើឡើងបន្ទាប់ពីមាន “ការពិគ្រោះយោបល់ និងពិភាក្សាយ៉ាងល្អិតល្អន់ ជាមួយមន្ត្រីអ៊ុយក្រែន អ្នកផ្គត់ផ្គង់ និងអ្នកជំនាញផ្នែកសន្តិសុខ និងដោយសារបុគ្គលិករបស់យើ ងស្នើសុំចូលធ្វើការវិញ”។

ក្រុមហ៊ុនអាហារសម្រន់ Yum Brands ដែលជាម្ចាស់ភោជនីយដ្ឋាន KFC និងភោជនីយដ្ឋានPizza Hut បានប្រកាសកាលពីដើមខែនេះថា ហាងស្ទើរតែទាំងអស់របស់ខ្លួន នៅក្នុងប្រទេសអ៊ុយក្រែន បានបើកដំណើរការឡើងវិញហើយ៕ Reuters៕

ដោយៈ គង់ សូរិយា

       អន្តរជាតិៈ  ការិយាល័យ​ស្រាវជ្រាវ​ម៉ាក្រូសេដ្ឋកិច្ច​អាស៊ាន​+ ៣ (AMRO) ដែលមាន​មូលដ្ឋាន​នៅ​ប្រទេស​សិង្ហបុរី​បាន​ព្យាករ​ថា សេដ្ឋកិច្ច​កម្ពុជា​នឹង​កើនឡើង៥ ភាគរយ​នៅក្នុង​ឆ្នាំ​ ២០២២។

ការព្យាករណ៍៍កំនើននេះ ដោយសារ​តែ​អត្រា​ការចាក់​វ៉ាក់សាំង​ខ្ពស់ និង​ការលើក​ទឹកចិត្ត​សារពើពន្ធ​ដ៏រឹងមាំ​ ប៉ុន្តែស្ថាប័ន​មួយ​នេះ ​បាន​ព្រមាន​ថា ការនាំចេញ​ជាពិសេស​សម្លៀកបំពាក់ និង​វាយនភណ្ឌ​ទៅ​អាមេរិក និង​សហភាព​អឺរ៉ុប​នឹង​ធ្លាក់ចុះ​នៅ​ឆមាស​ទី​២​។

ទោះជាយ៉ាងណាធនាគារជាតិនៃកម្ពុជាបានព្យាករណ៍កាលពីដំណាច់ត្រីមាសទី២ឆ្នាំនេះថា សេដ្ឋកិច្ចកម្ពុជានឹងសម្រេច បានកំនើន៥,៤ភាគរយ។

​យោងតាម​សេចក្តី​ប្រកាស​ព័ត៌មាន ដែលបានចេញផ្សាយ​នៅ​ថ្ងៃទី​១១ ខែសីហា ឆ្នាំ​ ២០២២ របស់ស្ថាប័ននេះបានបង្ហាញថា សេដ្ឋកិច្ច​កម្ពុជា​មាន​ភាពធន់​។ ការបន្ធូរបន្ថយ​ការរឹតបន្តឹង ​លើ​ការរីករាលដាល​ជំងឺ​កូវីដ​១៩ បាន​បង្កើន​សកម្មភាព​ក្នុងស្រុក ខណៈ​ដែល​តម្រូវការ​ខាងក្រៅ​ដ៏រឹងមាំ ​បាន​គាំទ្រ​ការស្ទុះ​ងើបឡើង​វិញ​នៅ​ឆមាស​ទី​១ ​ឆ្នាំ ​២០២២​។

ស្ថាប័នAMRO បាន​លើកឡើង​ថា​ “នៅពេល​ដែល​សេដ្ឋកិច្ច​ស្ទុះ​ងើបឡើង​វិញ ហើយ​ការរីករាលដាល​ជំងឺ​កូវីដ១៩ធូរស្រាល វា​នឹងមាន​សារៈសំខាន់​ណាស់ ​ក្នុង​ការ​ផ្តោតលើ​គោលនយោបាយ​ ឆ្ពោះ​ទៅរក​កំណែទម្រង់​រចនាសម្ព័ន្ធ ដែល​នឹង​ជួយ​បង្កើន​សក្តានុពល​ កំណើន​សេដ្ឋកិច្ច​រយៈពេល​វែង”។

សេចក្ដី​ប្រកាស​ព័ត៌មាន​បន្ថែម​ថា ការវាយតម្លៃ​បឋម​ត្រូវបាន​ធ្វើឡើង​ដោយ AMRO បន្ទាប់ពី​ដំណើរ​ទស្សនកិច្ច​ពិគ្រោះ​យោបល់ ​ប្រចាំឆ្នាំ​របស់​ខ្លួន បាន​មក​ប្រទេស​កម្ពុជា​នៅ​ថ្ងៃទី២០ ខែ​កក្កដា ដល់​ថ្ងៃទី​៣ ខែសីហា ឆ្នាំ ២០២២​។

​លោកJinho Choi អនុប្រធាន​ក្រុមAMRO និង​ជា​សេដ្ឋវិទូ​ជាន់ខ្ពស់​នៅAMRO​បានមានប្រសាសន៍ថា សេដ្ឋកិច្ច​កម្ពុជា​ត្រូវ​បាន​ព្យាករ​ថា នឹង​កើនឡើង ៥,០ភាគរយ​នៅ​ឆ្នាំ​ ២០២២​ កើនឡើង​ពី៣,០ ភាគរយ​កាលពី​ឆ្នាំ​២០២១​។ ស្របតាម​យុទ្ធសាស្ត្រ​របស់​កម្ពុជា ​ក្នុង​ការរស់នៅ​ជាមួយ​ជំងឺ​កូវីដ​១៩​ យើង​រំពឹងថា ​សេដ្ឋកិច្ច​ក្នុង​ស្រុក​នឹង​បន្ត​កើនឡើង​ ដែល​គាំទ្រ​ដោយ​អត្រា​ការចាក់​វ៉ាក់សាំង​ខ្ពស់ និង​ការពង្រឹង​វិធី​ការពារ​សុខភាព​​។

លោក​បន្តថា “ចក្ខុវិស័យ​សម្រាប់​ការនាំចេញ ​នឹងមាន​ការប្រកួត​ប្រជែ​ង ដោយសារ​តែ​អាមេរិក និង​សហភាព​អឺរ៉ុប​ត្រូវ​បាន​គេ​រំពឹងថា ​នឹង​ធ្លាក់ចុះ​យ៉ាងខ្លាំង​នៅ​ឆមាស​ទី២ឆ្នាំ​នេះ ដែល​អាចដាក់​សម្ពាធ​យ៉ាងខ្លាំង​លើ​វិស័យ​កាត់ដេរ”៕