ដោយៈរ៉ាម៉េត

ភ្នំពេញៈ ស្របតាមការអភិវឌ្ឍឥតឈប់ឈរ តាមផែនការមេឆ្នាំ2035 នៅជុំវិញរាជធានីភ្នំពេញ ត្រូវបានគេមើលឃើញថា ភាគខាងត្បូងកំពុងតែមមាញឹកអភិវឌ្ឍ ជាមួយនឹងសន្ទុះយ៉ាងលឿន មានទាំងហេដ្ឋារចនាសម្ព័ន្ធផ្លូវថ្នល់ គម្រោងអភិវឌ្ឍអចលនទ្រព្យ ពាណិជ្ជកម្ម ផ្សារទំនើប សាលារៀនអន្តរជាតិ មន្ទីរពេទ្យអន្តរជាតិ ដើម្បីក្លាយជាទីក្រុងរណបក្នុងពេលឆាប់ៗនេះ។

ស្ថិតនៅតាមបណ្តោយផ្លូវក្រវ៉ាត់ក្រុងទី2 (ផ្លូវ50ម៉ែត្រ) ចំងាយ៣នាទីប៉ុណ្ណោះ ពីមហាវិថីសម្តេចតេជោហ៊ុន សែន (ផ្លូវ 60ម៉ែត្រ) ដឹស្តា មេរាហ្កាដិន ជាគម្រោងអភិវឌ្ឍលើផ្ទៃដីរហូតដល់40​ហិចតា ដែលពោពេញទៅដោយសក្តានុពលនៃលំហបៃតង ក្រោមការអភិវឌ្ឍរបស់បុរី ប៉េង ហួត បានក្លាយជាចំណែកមួយនៃការអភិវឌ្ឍភាគខាងត្បូងនេះផងដែរ។

គម្រោងនេះផ្ទាល់ ជាគម្រោងអភិវឌ្ឍបែបធម្មជាតិ លេចធ្លោជាងគេ ក្នុងតំបន់ ដែលកំពុងតែទទួលបាននូវការអភិវឌ្ឍចម្រុះឥតឈប់ឈរ ជាមួយនឹងហេដ្ឋារចនាសម្ព័ន្ធធំទូលាយ រៀបចំឡើងតាមស្តង់ដារនៃការរស់នៅ រួមមានសួនច្បារធំជាងគេ អមដោយដើមឈើធំៗ បណ្តុំទៅដោយរុក្ខជាតិដ៏ស្រស់បំព្រង ជាពិសេសផ្កាចម្រុះពណ៌ជាច្រើនប្រភេទ រីកគ្រប់រដូវកាល វេទិកាសិល្បៈ និងសាលប្រគុំតន្រ្តីកណ្តាលសួនច្បារ ទីធ្លាកីឡា ក្លឹបហាត់ប្រាណដ៏ទំនើបទាន់សម័យ ទីតាំងពិចនិចជួបជុំសម្រាប់គ្រួសារ និងសួនកុមារដែលមានឧបករណ៌ប្លែកៗជាច្រើនប្រភេទ សម្រាប់ការកម្សាន្តចម្រុះ ផ្តល់ជូននូវបរិយាកាសបរិសុទ្ធ ប្រកបដោយកិត្យានុភាព ផាសុកភាព ភាពរីករាយ និងភាពស្រស់ថ្លាទ្វេដង ក្នុងការរស់នៅជាមួយឧត្តមភាពបែបធម្មជាតិ។

ក្រៅពីការអភិវឌ្ឍផ្សារភ្ជាប់បែបធម្មជាតិ ដឹស្តា មេរាហ្កាដិន បានបន្ថែមនូវតំបន់ពាណិជ្ជកម្ម ពោរពេញទៅដោយហាងទំនិញ សេវាកម្ម និងអគារពាណិជ្ជកម្ម សម្រាប់ផ្គត់ផ្គង់តម្រូវការក្នុងគម្រោង ក៏ដូចជាក្នុងតំបន់ បានក្លាយជាសហគមន៍រស់នៅទំនើបចម្រុះ។

ក្នុងគម្រោងនេះទៀតសោត បានផ្តល់ជូននូវវីឡាស៊ីវិល័យជាច្រើនប្រភេទ ដែលរួមមាន៖ វីឡាទោល វីឡាភ្លោះ វីឡាកូនកាត់ និងហ្សបហោស៍ ត្រូវបានរចនាឡើង ប្រកបដោយភាពច្នៃប្រឌិតខ្ពស់ គុណភាពសំណង់រឹងមាំ និងសោភ័ណភាពដ៏ល្អឥតខ្ចោះ ផ្តោត់សំខាន់ទៅលើការរស់នៅសម័យទំនើប ដើម្បីផ្ដល់នូវជម្រើសកាន់តែសម្បូរបែបដល់អតិថិជន។

អតិថិជន ដែលមានបំណងចង់បានគេហដ្ឋាន ក្នុងគម្រោងដឹ​ស្តា មេរាហ្កាដិន លោកអ្នកនឹងទទួលបានការផ្តល់ជូនប្រូម៉ូសិន ពិសេសជាមួយនឹងការបង់ប្រាក់កាន់តែមានភាពងាយស្រួល។ លើសពីនេះទៅទៀត លោកអ្នកអាចធ្វើការបង់រំលស់ ជាមួយនឹងធនាគារដៃគូ ដែលមានអត្រាការប្រាក់សមរម្យចាប់ពី 4.39% ឡើងទៅ ទំហំកម្ចីរហូតដល់ 100% ថែមទៀតផង។

សម្រាប់ព័ត៌មានបន្ថែម សូមទាក់ទងទូរសព្ទលេខ 015 90 6789 Email: [email protected] ឬចូលទៅកាន់គេហទំព័រ Facebook: www.facebook.com/boreypenghuoth ឬអាចអញ្ជើញមកសាកសួរព័ត៌មាន ពីគ្រប់ការិយាល័យលក់ ដែលមានទីតាំងក្បែរលោកអ្នក រៀងរាល់ម៉ោងធ្វើការ៕

ដោយ: សុផារី

ភ្នំពេញ: និន្នាការរស់នៅក្នុងអាគារសហកម្មសិទ្ធិ ឬខុនដូ កាន់តែមានភាពពេញនិយម នៅក្នុងស្រទាប់ប្រជាជនកម្ពុជា ដែលបង្ហាញតាមរយៈកំណើនការអភិវឌ្ឍអាគារខុនដូថ្មីៗជាច្រើនក្នុងក្រុងភ្នំពេញ។

ស្របពេលល្បឿនការអភិវឌ្ឍន៍មានសន្ទុះខ្លាំងក្លា តម្រូវការហាក់មានការកើនយឺត ខណៈទីផ្សារបន្តប្រឈមវិបត្តិកូវីដ១៩។ តើការសាងសង់ខុនដូនៅក្នុងប្រទេសកម្ពុជានាពេលបច្ចុប្បន្ន ពិតជាឆ្លើយតបនឹងតម្រូវការទីផ្សារពិតមែនឬ?

លោក ខន គង្គា អគ្គនាយកក្រុមហ៊ុនអចលនទ្រព្យ ERA បានមានប្រសាសន៍នៅថ្ងៃទី៣០ ខែឧសភានេះថា តម្រូវការក្នុងវិស័យខុនដូ ពិតជាមានការកើនឡើង ស្របពេលដែលការផ្គត់ផ្គង់ក៏មានសន្ទុះផងដែរ។

លោកថា “សម្រាប់អ្នកវិនិយោគ ឬអ្នកសាងសង់ យើងសាងសង់ទៅរំពឹងថាគេមកទិញយើង ឬមានតម្រូវការហើយទើបសាងសង់។ ជាធម្មតា យើងមិនអាចយកលុយទៅកប់ចោលបានទេ មែនទេ? បើកប់លុយ៥ឆ្នាំ ១០ឆ្នាំ យកលុយនេះធ្វើអ្វីផ្សេង វាល្អប្រសើរជាង”។ លោកបន្តថា “ដោយ​សារតែ អ្នកវិនិយោគទាំងនោះដឹងថា មានតម្រូវការហើយ ទើបគាត់សាងសង់ ដែលជំរុញឱ្យមានការរីកចម្រើន ក្នុងវិស័យអចលនទ្រព្យ ជាពិសេសក្នុងវិស័យខុនដូ”។

ក្នុងរយៈពេល៤ឆ្នាំចុងក្រោយនេះ ខុនដូកាន់តែមានភាពទំនើប និងស្អាតជាងមុន។ ជាក់ស្តែងបច្ចុប្បន្ននេះ មានខុនដូប្រភេទ Penthouse ដែ​លមានតម្លៃប្រហែល៧លានដុល្លារ ដល់១០លានដុល្លារក្នុងមួយយូនីតនៅក្នុងទីផ្សារ។

អ្នកនាង គឹម គិនកេសា អ្នកគ្រប់គ្រងជាន់ខ្ពស់ CBRE Cambodia បានមានប្រសាសន៍ប្រាប់ Property Area Asia ថា ការផ្គត់ផ្គង់ខុនដូនៅក្នុងក្រុងភ្នំពេញ ពិតជាមានកំណើនខ្ពស់ពិតមែន តែការលក់របស់គម្រោងទាំងឡាយណា ដែលសិក្សាពីតម្រូវការជាក់ស្តែងច្បាស់លាស់ នៅតែអាចបន្តទទួលបានភាពជោគជ័យ។

អ្នកនាងថា “ទាក់ទងនឹងចំនួនវាជាការពិត គឺពិតជាមានច្រើន ប៉ុន្តែ ប្រសិនបើគម្រោងនេះធ្វើការសាងសង់ ដោយបានសិក្សា និងយល់ច្បាស់ពីតម្រូវការរបស់អ្នកទិញ គាត់នៅតែអាចបន្តលក់បាន”។ អ្នកនាងបន្តថា “ជាពិសេស គម្រោងមួយចំនួននៅតែជោគជ័យខ្លាំងផងដែរ ដោយសារគាត់បានសិក្សាស្វែងយល់ពីអ្នកទិញ ជាពិសេសអ្នកទិញក្នុងស្រុក ដែលជាទូទៅ តែងតែទិញ ដើម្បីចូលរស់នៅដោយខ្លួនឯង ជាជាងអ្នកទិញទុក ដើម្បីវិនិយោគ”។

អ្នកនាងកេសាបានបន្តថា ជាធម្មតាទេ ការផ្គត់ផ្គង់នៅក្នុងស្រុក មានការកើនឡើងលឿនជាងតម្រូវការ។ ល្បឿននៃការទិញ មិនទាន់ល្បឿននៃការផ្គត់ផ្គង់ថ្មីនៅឡើយ។

អ្នកនាងបញ្ជាក់ថា អ្នកនាងមិនអាចអះអាងថា នេះជាការផ្គត់ផ្គង់លើសសម្រូវការនោះទេ។ ទោះបីជាយ៉ាងណាក្តី បើតាមការលើកឡើងរបស់អ្នកនាងកេសា នៅក្នុងឆ្នាំ២០២១ អ្នកអភិវឌ្ឍន៍បានធ្វើការបន្ថយល្បឿន ដែលអនុញ្ញាត ឱ្យទីផ្សារខុនដូប្រើប្រាស់ពេលមួយឆ្នាំ ដើម្បីស្រូបយកទាំងអ្នកទិញក្នុងស្រុក និងអ្នកទិញបរទេសផងដែរ៕

ដោយៈវឌ្ឍនៈ

ភ្នំពេញៈ វិស័យដីធ្លីនៅក្នុងប្រទេសកម្ពុជា បានរងផលប៉ះពាល់មិនខុសពីវិស័យផ្សេងទៀតឡើយ ក្នុងរយៈពេល២ឆ្នាំកន្លងមកនេះ ដោយសារតែវិបត្តិនៃជំងឺឆ្លងសកល កូវីដ១៩ តែមកដល់ពាក់កណ្ដាលឆ្នាំ២០២២នេះ អ្នកជំនាញនៃវិស័យនេះ បានមើលឃើញថា ដល់ពេលដែលវាត្រូវងើបឡើងវិញ និងបន្តមានសន្ទុះទៅមុខទៀតចាប់តាំងពីពេលនេះតទៅ។

លោកឧកញ៉ាចេង ខេង អគ្គនាយកក្រុមហ៊ុនអចលនទ្រព្យ CPL និងជាអ្នកជំនាញដីធ្លីមួយរូបនៅក្នុងប្រទេសកម្ពុជា បានមានប្រសាសន៍កាលពីពេលថ្មីៗនេះថា វាដល់ពេលដែលវិស័យអចលនទ្រព្យ ជាពិសេសវិស័យដីធ្លីចាប់ផ្ដើមកក្រើកឡើងវិញ ។

លោកបន្តថា “វិស័យនេះ វានឹងចាប់ផ្ដើមងើបឡើងវិញ ក្នុងស្ថានភាពល្អប្រសើរ ហើយវាមិនមែនងើបឡើង តែក្នុងឆ្នាំ២០២២នេះទេ តែក្នុងឆ្នាំក្រោយៗទៀត វានឹងកាន់តែល្អប្រសើរបន្តទៀត” ។

លោកឧកញ៉ាបន្តថា កត្តាដែលយើងហ៊ានអះអាងថា វិស័យនេះនឹងកាន់តែល្អនៅឆ្នាំក្រោយៗ គឺកម្ពុជានឹងធ្វើជាម្ចាស់ផ្ទះ ព្រឹត្តិការណ៍កីឡាស៊ី  ហ្គេម ហើយជាធម្មតាទាំងគេទាំងយើង នឹងមិនទៅបណ្ដាក់ទុនរកស៊ីឬវិនិយោគនៅប្រទេសណា ដែលយើងមិនធ្លាប់បានទៅដល់ មិនធ្លាប់ស្គាល់នោះទេ។

លោកបន្តថា ព្រឹត្តិការណ៍ស៊ីហ្គេម នឹងនាំមនុស្សពាសពេញពិភពលោកមកជុំគ្នានៅកម្ពុជា ដើម្បីទស្សនាការប្រកួត។ ក្រៅពីការប្រកួតវិនិយោ​គិននឹងដើរទស្សនា នៅតំបន់ផ្សេងៗទៀតក្នុងប្រទេសកម្ពុជា ហើយនៅពេលដែលគេបានដឹង បានយល់ពីកម្ពុជា នោះគេនឹងបណ្ដាក់ទុនវិនិយោគរកស៊ីក្នុងប្រទេសកម្ពុជា ដែលអាចនាំមកនូវប្រាក់ចំណូល ការងារដល់ប្រជាពលរដ្ឋកម្ពុជា ជាពិសេសលើកមុខមាត់ប្រទេសកម្ពុជា ស្មើមុខស្មើមាត់នឹងប្រទេសជិតខាងផងដែរ។

លោកឧកញ៉ាចេង ខេងបានបន្ថែមថា ជាការកត់សម្គាល់មួយទៀត ដែលយើងអះអាងថា វិស័យដីធ្លីដល់ដំណាក់កាល កម្រើកឡើងវិញនោះ តាមរយៈសកម្មភាពនៃអាជីវកម្មក្នុងស្រុក ចរាចរណ៍ចាប់ផ្ដើមស្ទះហើយវាស្ទះខ្លាំងជាងកាលមុនកូវីដ១៩ទៅទៀត ដែលបញ្ជាក់ពីភាពមមាញឹកនៃការរកស៊ីរបស់ប្រជាពលរដ្ឋអាជីវករ ក្នុងប្រទេស  ។

ជាមួយគ្នានេះ លោកឧកញ៉ាបណ្ឌិតគីម ហ៊ាង ប្រធានក្រុមហ៊ុន KW Cambodia ក៏បានលើកឡើងផងដែរ ក្នុងរយៈពេលជាង៣សប្ដាហ៍កន្លងទៅនេះ កម្ពុជារកមិនឃើញករណីឆ្លងថ្មីនៃកូវីដ១៩នោះទេ ហើយកម្ពុជាក៏បានបើកទូលាយ ដល់អ្នកដំណើរមកពីបរទេស ដោយមិនធ្វើចត្តាឡ័ក និងមិនធ្វើតេស្ត សម្រាប់អ្នកដំណើរចាក់វ៉ាក់សាំងរួច។

លោកបន្តថា “ទាំងនេះគឺជាសញ្ញាល្អសម្រាប់វិស័យដីធ្លី ក្នុងប្រទេសកម្ពុជា ដែលអាចនឹងទទួលបានការវិនិយោគ ការទិញ លក់ឡើងវិញក្រោយពីទទួលរងផលប៉ះពាល់២ឆ្នាំកន្លង”។

ក្នុងនាមជាអ្នកវិនិយោគក្នុងស្រុកមួយរូបលោកថា នឹងធ្វើយ៉ាងណាផ្សព្វផ្សាយពីសក្ដានុពលវិនិយោគនៅកម្ពុជា ដល់វិនិយោគិនបរទេសចូលមកស្វែងរកការបណ្ដាក់ទុនបន្ថែម ហើយកម្ពុជាក៏ជាប្រទេសមួយ ដែលមានសក្ដានុពសល និងទូលាយសម្រាប់ការវិនិយោគដីធ្លីផងដែរ៕

ដោយៈសុផារី

ភ្នំពេញៈ សកម្មភាពលើវិស័យអចលនទ្រព្យ ត្រូវបានមើលឃើញថា មានសកម្មភាពល្អប្រសើរឡើងបណ្តើរៗ ជំរុញដោយការបើកសេដ្ឋកិច្ចរបស់រាជរដ្ឋាភិបាល ដែលនាំមកនូវការបន្តសកម្មភាពអភិវឌ្ឍន៍ និងលំហូឬវិនិយោគ។

អ្នកជំនាញបានអះអាងថា ស្របពេលជាមួយគ្នានេះ ខេត្តមួយចំនួននៅតែបន្តមានសក្តានុពលអភិវឌ្ឍន៍ខ្ពស់ និងអាចផ្តល់នូវផលចំណេញបានច្រើននាពេលអនាគត។

លោកស្រី ហ្គ្រេស រចនីហ្វុង អគ្គនាយិកាក្រុមហ៊ុន Century 21 Cambodia បានមានប្រសាសន៍បញ្ជាក់កាលពីចុងសប្តាហ៍មុនថា ខេត្តដែលមានការអភិវឌ្ឍ និងគួរសម្លឹងមើលឱកាសវិនិយោគ មានខេត្តមួយចំនួណដែលមានសក្តានុពលនៃតំបន់បួនប្រភេទ រួមមាន តំបន់ពាណិជ្ជកម្ម តំបន់លំនៅឋាន តំបន់រីសត និងតំបន់កសិកម្ម។

បើតាមការបញ្ជាក់ពីលោកស្រី តំបន់ទី១គឺ “តំបន់រីសត” ជាទូទៅមាននៅក្នុងខេត្តកំពត និងខេត្តកែប និងខេត្តថ្មីមួយទៀត ដែលកំពុងតែមានសក្តានុពលថ្មីគឺ ខេត្តមណ្ឌលគិរី ដែលអ្នកវិនិយោគគួរសម្លឹងមើល។

ក្រៅពីនេះ តំបន់ទី២ “តំបន់ពាណិជ្ជកម្ម ឬតំបន់សេដ្ឋកិច្ច” គួរសម្លឹងមើលខេត្តកំពង់ស្ពឺ ដោយសារខេត្តមួយនេះ មានទីតាំងនៅតាមបណ្តោយផ្លូវជាតិលេខ៤ ឆ្ពោះទៅកាន់ខេត្តព្រះសីហនុ ដែលមានកំពង់ផែទឹកជ្រៅ ហើយខេត្តមួយនេះ មានតម្រូវការការសាងសង់ ជាតំបន់ពាណិជ្ជកម្ម តំបន់សេដ្ឋកិច្ច និងឃ្លាំងច្រើន។

លោកស្រីបន្តថា តំបន់ទី៣ “តំបន់លំនៅឋាន” អ្នកវិនិយោគគួរសម្លឹងមើលខេត្តមួយចំនួន ជាពិសេស ខេត្តកំពត កំពុងពេញនិយមលើប្រភេទផ្ទះលំហែ និងផ្ទះវិស្សមកាល។

ចំណែកតំបន់ទី៤ “តំបន់កសិកម្ម” ដោយសារតែកំណើនសក្តានុពលវិនិយោគពីក្រុមហ៊ុនបរទេស និងក្រុមហ៊ុនក្នុងស្រុក ដែលមានបំណងចង់នាំចេញផលិតផលកសិកម្មមួយចំនួន ដូចជា ស្វាយចន្ទី ម្រេច ជាដើមទៅកាន់ក្រៅប្រទេស។

ជាមួយគ្នានេះ លោកឧកញ៉ា តេង រិទ្ធី អគ្គនាយកក្រុមហ៊ុន R Investment Group បានមានប្រសាសន៍ផងដែរថា ខេត្តដែលបន្តមានសក្តានុពលខ្ពស់លើការវិនិយោគដីធ្លី និងអចលនទ្រព្យ រួមមាន ខេត្តព្រះសីហនុ ខេត្តកំពត ខេត្តមណ្ឌលគិរី នៅបន្តមានកំណើនតម្លៃដីធ្លីខ្ពស់។

លោកឧកញ៉ាថា ខេត្តបីនឹងកំពុងតែងើបខ្លាំងមែនទែន ដោយសារមានអ្នកវិនិយោគជាច្រើនបានស្វែងរកទិញដី ពួកគាត់មានការចូលចិត្តទេសភាព និងអាកាសធាតុនៅក្នុងខេត្តទាំងនោះ ទើបធ្វើឱ្យមានតម្រូវការដីធ្លីបន្ថែម។

លោកឧកញ៉ា ចេង ខេង អគ្គនាយកក្រុមហ៊ុនអចលទ្រព្យ CPL បានមានប្រសាសន៍ឱ្យដឹងថា ក្រៅពីរាជធានីភ្នំពេញ ខេត្តដែលបន្តមានសកម្ម​ភាពទិញលក់ខ្ពស់ មានដូចជា ខេត្តព្រះសីហនុ ខេត្តសៀមរាប ខេត្តកំពត ខេត្តកែប ខេត្តមណ្ឌលគិរី និងខេត្តជុំវិញក្រុងភ្នំពេញ ដូចជា ខេត្តកណ្តាល ខេត្តកំពង់ស្ពឺ ជាដើម។

លោកឧកញ៉ាបន្តថា “ខេត្តសំខាន់ៗ ដែលកំពុងលើកមុខមាត់ប្រទេសកម្ពុជា ដូចជា ខេត្តព្រះសីហនុជាច្រើន មានកំណើនតម្លៃដីធ្លីខ្លាំងក្លាណាស់ ហើយប្រសិនបើបងប្អូន បានទៅទស្សនាក្រុងព្រះសីហនុ នាពេលបច្ចុប្បន្ននេះ នោះនឹងប្លែកចិត្តស្ទើរមិនជឿថា នេះគឺជាក្រុងព្រះសីហនុនោះទេ”៕

ដោយៈគង់ សូរិយា

ភ្នំពេញៈ ជាគម្រោងវិនិយោគប្រកបដោយភាពច្នៃប្រឌិត និងជាការវិនិ​យោគប្រកបដោយការទទួលខុសត្រូវសង្គម អ្នកវិនិយោគគំរោងដីលំហែរកាយ “ឆ្នេរសមុទ្រកោងកាង”នឹងប្រែក្លាយគំរោងនេះ ទៅជាផលិតផលទេស​ចរណ៍ដ៏ទាក់ទាញមួយ។

“ឆ្នេរសមុទ្រកោងកាង” ជាគំរោងវិនិយោគដីលំហែរកាយ ធំជាងគេ ស្តង់ដាអន្តរជាតិលើកដំបូងក្នុងខេត្តកែប ដែលមានផ្ទៃដីរហូតដល់១៥ហិកតា និងមានចម្ងាយប្រមាណពីរគីឡូម៉ែត្រពីរង្វង់មូលសេះ “ស”។

លោក Cooler Tan អគ្គនាយកក្រុមហ៊ុន Youngsia Real Estateបានមានប្រសាសន៍ឲ្យដឹងថា “ខ្ញុំនឹងឆ្នៃគម្រោង “ឆ្នេសមុទ្រកោងកាង”អោយក្លាយជាតំបន់ទេសចរណ៍ ក្នុងស្រុកក្នុងពេលឆាប់ៗនេះ”។ លោកបន្តថា “ទូកចំនួន 30ទូកនឹងដឹកមកគម្រោង ក្នុងពេលឆាប់ៗនេះ បងប្អូនដែលចង់ជិះទូកកំសាន្តតាមដៃសមុទ្រ អាចអញ្ជើញមកគម្រោងជិះកំសាន្តដោយឥតគិតថ្លៃ”។

លោកបន្តថា ជាមួយនឹងទីតាំងពោរពេញដោយសក្តានុពល យើងបាននិងកំពុងបង្ហាញនូវទិដ្ឋភាព និងមោទនភាពសម្រាប់ខេត្តកែប ចំពោះគំរោងរបស់យើង ព្រោះគំរោងនេះស្ថិតនៅជាមួយនឹងធម្មជាតិ រួមមានទេស​ភាពជួរភ្នំដ៏វែងអន្លាយ ដងព្រែកដែលអាចជិះទូកកំសាន្ត ស្ទូចត្រី និងជិះទូកឬកាណូតទៅកាន់សមុទ្ខបាន ពិសេសយើងមានឆ្នេរដ៏ស្រស់ស្អាត រួមជាមួ​យនឹងព្រៃកោងកាង និងទេសភាពស្រែអំបិលដ៏គួរឲ្យជាប់ចិត្ត។

លោកបន្តថា “អ្នកវិនិយោគគំរោងនេះ ដើម្បីសាងសង់ផ្ទះលំហែរ ដើម្បីទុកលក់យកចំណេញ នឹងទទួលបានឱកាសដ៏កម្រ ពីគំរោង “ឆ្នេរសមុទ្រកោងកាង”៕