ដោយៈសុខុម

អន្តរជាតិ: ស្ទើរតែពាក់កណ្តាលនៃពលរដ្ឋអាស៊ាន ដែលត្រូវបានស្ទង់មតិបានជ្រើសរើសប្រទេសចិន ជាដៃគូដ៏សំខាន់បំផុតសម្រាប់តំបន់អាស៊ាន នាពេលអនាគត ដោយវ៉ាដាច់ប្រទេសជប៉ុនជាលើកដំបូង។

លទ្ធផលនៃការស្ទង់មតិ ដែលធ្វើឡើងដោយរដ្ឋាភិបាលជប៉ុននេះបានបង្ហាញកាលពីថ្ងៃពុធ ទី២៥ ខែឧសភា ថា ៤៨%នៃអ្នកឆ្លើយដែលមកពីអាស៊ាន-១០ប្រទេសបានជ្រើសយកប្រទេសចិន។

ប្រទេសចិន បានជាប់ចំណាត់ថ្នាក់លេខ១ ដោយទទួលបានសំឡេងគាំទ្រច្រើនជាងគេ ខណៈប្រទេសជប៉ុន ជាប់ចំណាត់ថ្នាក់លេខ២ ជាមួយនឹងសំឡេងគាំទ្រ៤៣% ដោយធ្លាក់ចុះ៨%។ ទន្ទឹមនេះ សហរដ្ឋអាមេរិក ជាប់ចំណាត់ថ្នាក់លេខ៣ ជាមួយនឹងសំឡេងគាំទ្រ៤១% ដោយកើនឡើង៤ពិន្ទុ។

នេះជាលើកទី១ ហើយដែលរដ្ឋាភិបាលក្រុងប៉េកាំង បានជាប់ចំណាត់ថ្នាក់លេខ១ ចាប់តាំងពីក្រសួងការបរទេសជប៉ុន បានចាប់ផ្ដើមការស្ទង់មតិនេះចាប់តាំងពីឆ្នាំ២០១៥។

មន្ត្រីជប៉ុន មួយរូបបានលើកឡើងថា លទ្ធផលនេះឆ្លុះបញ្ចាំងឱ្យឃើញថា ប្រទេសចិន មានឥទ្ធិពលកាន់តែខ្លាំងឡើងៗនៅក្នុងតំបន់អាស៊ាន តាមរយៈការទូតវ៉ាក់សាំង៕ South China Morning Post៕

ដោយៈសុខុម

អន្តរជាតិ: ប្រធានធនាគារពិភពលោក ឬ World Bank បានព្រមានថា សង្គ្រាមរុស្ស៊ី ចូលឈ្លានពានអ៊ុយក្រែន អាចនឹងទាញពិភពលោកឱ្យធ្លាក់ចូលក្នុងវិបត្តិសេដ្ឋកិច្ច ខណៈចំណីអាហារ ថាមពល និងជីកសិកម្មហក់ឡើងថ្លៃស្រឺតៗ។ នេះបើយោងតាមសារព័ត៌មាន BBC ចុះផ្សាយកាលពីថ្ងៃព្រហស្បតិ៍ ទី២៦ ខែឧសភា។

លោក David Malpass ប្រធានធនាគារពិភពលោកបានថ្លែងក្នុងវេទិកាធុរកិច្ចមួយរបស់សហរដ្ឋអាមេរិក កាលពីថ្ងៃពុធ ទី២៥ ខែឧសភា ថា “យើងពិបាកនឹងរកវិធីជៀសផុតពីវិបត្តិសេដ្ឋកិច្ចណាស់”។

លោកក៏បានលើកឡើងដែរថា ការបិទខ្ទប់ជាបន្តបន្ទាប់ ដើម្បីទប់ស្កាត់ការរីករាលវីរុសកូវីដ-១៩ នៅក្នុងប្រទេសចិន ដែលជាសេដ្ឋកិច្ចធំបំផុតទី២ របស់ពិភពលោក កំពុងតែបន្ថែមការព្រួយបារម្ភ កាន់តែខ្លាំងអំពីសេដ្ឋកិច្ចដាំក្បាលចុះ។

ការអត្ថាធិប្បាយរបស់លោក គឺជាការព្រមានចុងក្រោយអំពីការកើនឡើងហានិភ័យ ដែលសេដ្ឋកិច្ចពិភពលោកទាំងមូល អាចនឹងដាំក្បាលចុះធ្ងន់ធ្ងរ។

លោក David Malpass បានលើកឡើងដោយមិនបានផ្តល់ការព្យាករជាក់លាក់ថា “បើក្រឡេកមើលទៅ GDP របស់ពិភពលោកឃើញថា ពេលនេះយើងលំបាក នឹងរកវិធីជៀសផុតពីវិបត្តិសេដ្ឋកិច្ចណាស់”។ លោកបានបន្ថែមថា “គ្រាន់តែគិតពីតម្លៃថាមពលហក់ឡើងទ្វេដង គឺគ្រប់គ្រាន់នឹងបង្កឱ្យមានវិបត្តិសេដ្ឋកិច្ចរួចទៅហើយ”។

កាលពីខែមុន ធនាគារពិភពលោកបានទម្លាក់ព្យាកររបស់ខ្លួនអំពីកំណើនសេដ្ឋកិច្ចពិភពលោក សម្រាប់ឆ្នាំនេះជិត១%ពេញមកនៅត្រឹម៣,២%៕ BBC៕

May 26 (Reuters) – Russia is advancing a new law allowing it to take control of the local businesses of western companies that decide to leave in the wake of Moscow’s invasion of Ukraine, raising the stakes for multinationals trying to exit.

The law, which could be in place within weeks, will give Russia sweeping powers to intervene where there is a threat to local jobs or industry, making it more difficult for western companies to disentangle themselves quickly unless they are prepared to take a big financial hit.

It comes as the Russian economy, increasingly cut-off due to western sanctions, plunges into recession amid double-digit inflation. read more

Italian lender UniCredit (CRDI.MI), Austrian bank Raiffeisen (RBIV.VI), the world’s biggest furniture brand, IKEA, fast food chain Burger King, and hundreds of smaller firms still have businesses in Russia. Any that try to leave face this tougher line.

IKEA, which has paused all operations in Russia, said it was closely following the development. Raiffeisen, said it was assessing all options, including a carefully managed exit. UniCredit declined to comment while Burger King did not immediately respond to a request for comment.

The bill paves the way for Russia to appoint administrators over companies owned by foreigners in “unfriendly” countries, who want to quit Russia as the conflict with Ukraine drags down its economy.

Moscow typically refers to countries as “unfriendly” if they have imposed economic sanctions on Russia, meaning any firms in the European Union or United States are at risk.

The European Commission proposed toughening its own stance on Wednesday to make breaking EU sanctions against Russia a crime, allowing EU governments to confiscate assets of companies and individuals that evade restrictions against Moscow.

Source: Reuters

ដោយៈសុខុម

អន្តរជាតិ: ពេលនេះប្រទេសរុស្ស៊ី កំពុងពន្លឿនការអនុម័តច្បាប់ថ្មីមួយដែលអនុញ្ញាតឱ្យខ្លួន រឹបអូសអាជីវកម្មក្នុងស្រុកកាន់កាប់ ដោយបណ្ដាក្រុមហ៊ុនលោកខាងលិចណា ដែលសម្រេចចិត្តចាកចេញ បន្ទាប់ពីរដ្ឋាភិបាលក្រុងមូស្គូ បញ្ឆេះសង្គ្រាមចូលឈ្លានអ៊ុយក្រែន។

យោងតាមទីភ្នាក់ងារព័ត៌មាន Reuters ចុះផ្សាយនៅថ្ងៃព្រហស្បតិ៍ ទី២៦ ខែឧសភា នេះឱ្យដឹងថា ច្បាប់ថ្មីដែលអាចនឹងដាក់ចេញ នៅប៉ុន្មានសប្តាហ៍ខាងមុខនេះ នឹងផ្តល់សិទ្ធិអំណាចធំធេងដល់រុស្ស៊ី នៅក្នុងការធ្វើអន្តរា​គមន៍នៅកន្លែងណា ដែលមានការគំរាមកំហែងដល់ការងារក្នុងស្រុក ឬឧស្សាហកម្ម ហើយចំណុចនេះ ធ្វើឱ្យក្រុមហ៊ុនលោកខាងលិច កាន់តែពិបាកផ្តាច់ខ្លួនចេញពីរុស្ស៊ីភ្លាមៗ លុះត្រាតែពួកគេត្រៀមចិត្តខាតបង់ធំធេង។

ការជំរុញអនុម័តច្បាប់ថ្មី ដែលនឹងរឹបអូសទ្រព្យសម្បត្តិរបស់វិនិយោគិនបរទេសនេះធ្វើឡើង បន្ទាប់ពីក្រុមហ៊ុនលោកខាងលិចជាច្រើន រួមមាន ដូចជាក្រុមហ៊ុន Starbucks ក្រុមហ៊ុន McDonald’s និងក្រុមហ៊ុនស្រាបៀរ AB InBev ជាដើមបានសម្រុកចាកចេញពីប្រទេសរុស្ស៊ី ហើយច្បាប់នេះគឺជាការបង្កើនសម្ពាធលើក្រុមហ៊ុនទាំងនោះកុំឱ្យចាកចេញ។

ការជំរុញច្បាប់ថ្មីនេះ ធ្វើឡើងស្របពេលសេដ្ឋកិច្ចរុស្ស៊ី បានធ្លាក់ចូលក្នុងវិបត្តិស្របពេលអតិផរណាហក់ឡើងពីរខ្ទង់ ក្រោយទទួលរងទណ្ឌកម្មជាបន្តបន្ទាប់ពីលោកខាងលិច។

ក្រុមហ៊ុនផ្តល់ប្រាក់កម្ចីអ៉ីតាលីUniCredit ធនាគារអូទ្រីស Raiffeisen ក្រុមហ៊ុន IKEA ដែលជាប៊្រែនគ្រឿងសង្ហារិមធំបំផុតរបស់ពិភពលោក ក្រុមហ៊ុនអាហារសម្រន់ Burger King និងក្រុមហ៊ុនរាប់រយផ្សេងទៀត នៅមានអាជីវកម្មក្នុងប្រទេសរុស្ស៊ីនៅឡើយ។ ដូចនេះ ក្រុមហ៊ុនបរទេសណា ដែលព្យាយាមចាកចេញពីប្រទេសរុស្ស៊ី នឹងត្រូវជួបវាសនាមិនល្អ ពោលគឺប្រឈមការខាតបង់យ៉ាងធំធេង។

ច្បាប់ថ្មីនេះត្រួសត្រាយផ្លូវឱ្យរុស្ស៊ី ចាត់តាំងអ្នកគ្រប់គ្រងពីលើក្រុមហ៊ុនកាន់កាប់ដោយជនបរទេស ដែលមកពីបណ្តាប្រទេស “អមិត្ត” ដែលចង់ចាកចេញពីប្រទេសរុស្ស៊ី ខណៈភ្លើងសង្គ្រាមជាមួយអ៊ុយក្រែន បានទាញសេដ្ឋកិច្ចរបស់រុស្ស៊ី ឱ្យដាំក្បាលចុះ៕ Reuters៕

ដោយៈសុខុម

អន្តរជាតិ: ពេលនេះប្រទេសរុស្ស៊ី កំពុងពន្លឿនការអនុម័តច្បាប់ថ្មីមួយដែលអនុញ្ញាតឱ្យខ្លួន រឹបអូសអាជីវកម្មក្នុងស្រុកកាន់កាប់ ដោយបណ្ដាក្រុមហ៊ុនលោកខាងលិចណា ដែលសម្រេចចិត្តចាកចេញ បន្ទាប់ពីរដ្ឋាភិបាលក្រុងមូស្គូ បញ្ឆេះសង្គ្រាមចូលឈ្លានអ៊ុយក្រែន។

យោងតាមទីភ្នាក់ងារព័ត៌មាន Reuters ចុះផ្សាយនៅថ្ងៃព្រហស្បតិ៍ ទី២៦ ខែឧសភា នេះឱ្យដឹងថា ច្បាប់ថ្មីដែលអាចនឹងដាក់ចេញ នៅប៉ុន្មានសប្តាហ៍ខាងមុខនេះ នឹងផ្តល់សិទ្ធិអំណាចធំធេងដល់រុស្ស៊ី នៅក្នុងការធ្វើអន្តរា​គមន៍នៅកន្លែងណា ដែលមានការគំរាមកំហែងដល់ការងារក្នុងស្រុក ឬឧស្សាហកម្ម ហើយចំណុចនេះ ធ្វើឱ្យក្រុមហ៊ុនលោកខាងលិច កាន់តែពិបាកផ្តាច់ខ្លួនចេញពីរុស្ស៊ីភ្លាមៗ លុះត្រាតែពួកគេត្រៀមចិត្តខាតបង់ធំធេង។

ការជំរុញអនុម័តច្បាប់ថ្មី ដែលនឹងរឹបអូសទ្រព្យសម្បត្តិរបស់វិនិយោគិនបរទេសនេះធ្វើឡើង បន្ទាប់ពីក្រុមហ៊ុនលោកខាងលិចជាច្រើន រួមមាន ដូចជាក្រុមហ៊ុន Starbucks ក្រុមហ៊ុន McDonald’s និងក្រុមហ៊ុនស្រាបៀរ AB InBev ជាដើមបានសម្រុកចាកចេញពីប្រទេសរុស្ស៊ី ហើយច្បាប់នេះគឺជាការបង្កើនសម្ពាធលើក្រុមហ៊ុនទាំងនោះកុំឱ្យចាកចេញ។

ការជំរុញច្បាប់ថ្មីនេះ ធ្វើឡើងស្របពេលសេដ្ឋកិច្ចរុស្ស៊ី បានធ្លាក់ចូលក្នុងវិបត្តិស្របពេលអតិផរណាហក់ឡើងពីរខ្ទង់ ក្រោយទទួលរងទណ្ឌកម្មជាបន្តបន្ទាប់ពីលោកខាងលិច។

ក្រុមហ៊ុនផ្តល់ប្រាក់កម្ចីអ៉ីតាលីUniCredit ធនាគារអូទ្រីស Raiffeisen ក្រុមហ៊ុន IKEA ដែលជាប៊្រែនគ្រឿងសង្ហារិមធំបំផុតរបស់ពិភពលោក ក្រុមហ៊ុនអាហារសម្រន់ Burger King និងក្រុមហ៊ុនរាប់រយផ្សេងទៀត នៅមានអាជីវកម្មក្នុងប្រទេសរុស្ស៊ីនៅឡើយ។ ដូចនេះ ក្រុមហ៊ុនបរទេសណា ដែលព្យាយាមចាកចេញពីប្រទេសរុស្ស៊ី នឹងត្រូវជួបវាសនាមិនល្អ ពោលគឺប្រឈមការខាតបង់យ៉ាងធំធេង។

ច្បាប់ថ្មីនេះត្រួសត្រាយផ្លូវឱ្យរុស្ស៊ី ចាត់តាំងអ្នកគ្រប់គ្រងពីលើក្រុមហ៊ុនកាន់កាប់ដោយជនបរទេស ដែលមកពីបណ្តាប្រទេស “អមិត្ត” ដែលចង់ចាកចេញពីប្រទេសរុស្ស៊ី ខណៈភ្លើងសង្គ្រាមជាមួយអ៊ុយក្រែន បានទាញសេដ្ឋកិច្ចរបស់រុស្ស៊ី ឱ្យដាំក្បាលចុះ៕ Reuters៕

ដោយៈវឌ្ឍនៈ

ភ្នំពេញៈ បណ្ដាខេត្តមួយចំនួន ដែលពីមុនមិនសូវមានសក្ដានុពលទាក់ទាញ និងវិនិយោគពីសំណាក់វិនិយោគិនក្នុង និងក្រៅប្រទេសនោះ ពេលនេះ បានចាប់ផ្ដើមទាក់ទាញនិងមានសកម្មភាព វិនិយោគជាបន្តបន្ទា​ប់ និងមានគម្រោងវិនិយោគក្នុងស្រុកមួយចំនួន បានបង្វែរទិសទៅកាន់ខេត្តព្រៃវែង។

លោកម៉ៅ មុនីរតនា ប្រធានសាខានៃ Century 21 Zillion Holding បានឱ្យដឹងតាមទូរស័ព្ទកាលពីរសៀលថ្ងៃទី២៦ ឧសភានេះថា កាលពីមុនខេត្តព្រៃវែង មិនមានការចាប់អារម្មណ៍ លើការវិនិយោគវិស័យអចលនទ្រព្យឬដីធ្លីនោះទេ ហើយតម្លៃដីធ្លីវិញក៏ឃើញថានៅមានកម្រិតទាប មួយហិចតាត្រឹមតែ២លានរៀល៣លានរៀលក៏មានដែរ។

ប៉ុន្តែក្រោយមានការអភិវឌ្ឍហេដ្ឋារចនាសម្ព័ន្ធ និងការបើកច្រកព្រំដែនរវាងកម្ពុជា និងវៀតណាមក៏ឃើញថា តំបន់មួយចំនួននៅក្នុងខេត្តព្រៃវែងមានការចាប់អារម្មណ៍ច្រើន ពីសំណាក់វិនិយោគិន និងមានវិនិយោគិនក្នុងស្រុកមួយចំនួន បានចាប់ផ្ដើមបញ្ចេញសកម្មភាពវិនិយោគ គម្រោងរបស់ខ្លួនជាបន្តបន្ទាប់ផងដែរ ។

លោកបន្តថា “តាមរយៈសកម្មភាព នៃការវិនិយោគនេះដែរ ក៏បានជំរុញតម្លៃដីធ្លី នៅក្នុងខេត្តព្រៃវែងមានសន្ទុះងើបឡើងខ្ពស់ និងបានកែប្រែដីធ្លីពីតម្លៃ២លានរៀល៣លានរៀល ទៅជាតម្លៃជិត១លានដុល្លារអាមេរិកក្នុងមួយហិចតា ជាពិសេសតំបន់នៅជិតព្រំដែនកម្ពុជានិងវៀតណាម”។ លោកបន្តថា “មួយវិញទៀត គម្រោងផ្លូវល្បឿនលឿនភ្នំពេញ បាវិតក៏បាននិងកំពុងធ្វើឱ្យវិស័យដីធ្លី និងអចលនទ្រព្យនៅខេត្តនេះ មានភាពទាក់ទាញមួយកម្រិតទៀតផងដែរ។

ចំណែកលោកឧកញ៉ានួន រឹទ្ធីអគ្គនាយកក្រុមហ៊ុនអចលនទ្រព្យ KFA បានមានប្រសាសន៍ផងដែរថា តាមពិតទៅព្រៃវែង មានទីតាំងមិនឆ្ងាយពីភ្នំពេញប៉ុន្មាននោះទេ តែដោយសារតែកង្វះហេដ្ឋារចនាសម្ព័ន្ធ ទើបធ្វើឱ្យខេត្តនេះ ហាក់នៅឆ្ងាយបន្តិច។ យ៉ាងណាក្ដី គម្រោងហេដ្ឋារចនាសម្ព័ន្ធផ្លូវនៅក្នុងខេត្តព្រៃវែង បានជំរុញឱ្យមានការចាប់អារម្មណ៍ ពីសំណាក់វិនិយោគិនក្នុងស្រុក និងបានស្វែងរកការវិនិយោគជាបន្តបន្ទាប់ ដូចជា ការពុះដីឡូត៍ ការសាងសង់ផ្ទះល្វែង និងតំបន់ពាណិជ្ជកម្ម នៅច្រកទ្វារអន្តរជាតិជាដើម ។

លោកឧកញ៉ារំពឹងថា “នៅពេលអនាគតខេត្តនេះ នឹងមានគម្រោងជាបន្តបន្ទាប់ទៀតចូលមក និងធ្វើឱ្យសកម្មភាព នៃការវិនិយោគដីធ្លីនិងអចលនទ្រព្យមានភាពសកម្មបន្ថែមទៀតផងដែរ”។

គម្រោងមួយ ដែលបានទៅដាក់ទុនវិនិយោគ នៅក្នុងខេត្តនេះគឺគម្រោងរបស់លោកឌិន សុមេធារឹទ្ធ ដែលលោកគឺជាអ្នកវិនិយោគលើម្រោងលំនៅឋានលំហែរកាយភូមិផ្កាត្រកួន នៅជិតរាជធានីភ្នំពេញ  ហើយបច្ចុប្បន្នលោកកំពុងវិនិយោគគម្រោងថ្មីមួយ ក្នុងស្រុកស្វាយអន្ទរ ខេត្តព្រែវែងផងដែរ៕

ដោយៈសុផារី

ភ្នំពេញៈ ឥទ្ធិពលសង្គ្រាមរុស្ស៊ី អ៊ុយក្រែន បានធ្វើឱ្យថាមពល និងវត្ថុធាតុដើមនៅទូទាំងពិភពលោក មានកំណើនយ៉ាងគំហុក។ ក្នុងនោះ តម្លៃសម្ភារសំណង់ ក៏បានកើនឡើងថ្លៃខ្ពស់ផងដែរ ដែលធ្វើឱ្យអ្នកជំនាញ និងអាជីវករលក់ សម្ភារៈសំណង់មានការព្រួយបារម្ភថា នឹងជះឥទ្ធិពលលើវិស័យអចលនទ្រព្យរបស់ប្រទេសកម្ពុជា។

លោកឧកញ៉ាតេង រិទ្ធី អគ្គនាយកក្រុមហ៊ុន R Investment Group និងជាម្ចាស់អាជីវកម្មលក់សម្ភារសំណង់ដ៏ធំមួយ បានមានប្រសាសន៍ប្រាប់គេហទំព័រ Property Area Asia តាមប្រព័ន្ធទូរស័ព្ទ នៅរសៀលថ្ងៃទី២៦ ខែឧសភា ឆ្នាំ២០២២នេះថា ដោយសារកំណើនតម្លៃសម្ភារសំណង់ បានធ្វើឱ្យប៉ះពាល់ដល់តម្រូវការសម្ភារនៃការសាងសង់។

លោកឧកញ៉ាបានបន្តថា “តម្រូវការបានធ្លាក់ចុះ ដោយសារតម្លៃមានការកើនឡើង ព្រោះអតិថិជនមានការសន្សំសំចៃ ត្បិតត្បៀតបន្ថែមទៀត ដោយគម្រោងដែលធ្លាប់តែគ្រោងធ្វើធំ ត្រូវបានបន្ថយមកនៅត្រឹមទំហំតូចជាងមុន តាមស្តង់ដារតម្លៃដែលបានគ្រោងទុក”។

អ្នកជំនាញរូបនេះ បានសម្តែងការព្រួយបារម្ភ អំពីផលប៉ះពាល់ដល់វិស័យអចលនទ្រព្យ ដោយសារតែការកើនឡើង នៃតម្លៃសម្ភារសំណង់គ្រប់ប្រភេទនេះ ដោយសារអ្នកអភិវឌ្ឍន៍ អាចត្រូវបង្ខំចិត្តកាត់បន្ថយការចំណាយមួយផ្នែកធំ និងបង្រួមទំហំនៃគម្រោងសាងសង់របស់ពួគគាត់។

លោកតេង រិទ្ឋីបានបន្តថា “វាប៉ះពាល់ទាំងអស់ ហើយប្រសិនបើតម្លៃនៃសម្ភារៈសំណង់នៅតែបន្តកើនឡើង មិនធ្លាប់ចុះសោះ នោះនឹងមានផលប៉ះពាល់ដល់សេដ្ឋកិច្ចទាំងមូល ជាពិសេសវិស័យអចលនទ្រព្យផងដែរ”។

កត្តាសំខាន់មួយចំនួន រួមមាន កំណើនតម្លៃប្រេងសាំង និងកំណើនតម្លៃនៃការដឹកជញ្ជូន ដោយសារតែបញ្ហាកូវីដ១៩ និងវិបត្តិថាមពលផង បានបណ្ដាលឱ្យមានកំណើនតម្លៃសម្ភារសំណង់ ប្រហែលជា១០ទៅ១៥ភាគរយ ដូចជា ដែក ឧបករណ៍បំពាក់ ផ្សេងៗ។

លោកឧកញ៉ាបញ្ជាក់ថា “មូលហេតុទី១ បណ្តាលមកពី ការដឹកជញ្ជូនមានការលំបាក ដោយសារកូវីដ១៩ ធ្វើឱ្យមានការឡើងថ្លៃមួយហើយ ទី២ សង្គ្រាមបណ្តាលឱ្យប្រេងមានការឡើងថ្លៃ។ យើងភាគច្រើននាំចូលពីបរទេ​សមក ដោយឆ្លងកាត់ការដឹកជញ្ជូន។ តម្រូវការដឹកជញ្ជូនឡើងថ្លៃ ធ្វើឱ្យទំនិញឡើងថ្លៃផងដែរ”។

ម្ចាស់អាជីវកម្មឃ្លាំងសម្ភារសំណង់ Smart Home ដែលមានទីតាំងនៅតាមបណ្តោយផ្លូវជាតិលេខ៦អា បានឱ្យដឹងថា ដោយសារតែប្រេងសាំងឡើងថ្លៃខ្ពស់ បណ្តាលឱ្យគ្រប់វត្ថុធាតុដើម មានកំណើនតម្លៃខ្ពស់។ មួយរយៈចុងក្រោយនេះ មានការថមថយការបញ្ជាទិញ ពីសំណាក់អតិថិជន ជាពិសេសក្រុមអ្នកអភិវឌ្ឍន៍លំនៅឋាន។

ម្ចាស់អាជីវកម្មរូបនេះបញ្ជាក់ថា “ឥលូវលក់ដាច់ដែរ តែមិនសូវដាច់ខ្លាំងនោះទេ ដោយសារគ្រប់យ៉ាងឡើងថ្លៃ ហើយប្រសិនបើយកមកលក់តម្លៃដដែល មិនកើតទេ”៕