Developers require rejig to flatten prices

WRITER: KANANA KATHARANGSIPORN

Bangkok: Residential developers should revise down unit sizes and adjust some features to keep housing prices flat in order to accommodate sluggish purchasing power after prices were pushed up by higher costs caused by the impact of the Russia-Ukraine war.

Meanwhile, developers will be more cautious about land purchases to avoid incurring higher costs from a new tax.

Issara Boonyoung, honorary president of the Housing Business Association, said home construction costs would rise by 5-10%, particularly for residential units for which the portion of construction cost was higher than land.

“Inflation and the sluggish economy will cause a decrease in home purchasing power,” he said. “While costs increase, developers may be unable to raise housing prices as homebuyers may not be able to afford a unit as their purchasing power has stayed the same or decreased.”

To keep housing prices flat, developers should downsize units from 18 square wah to 16 sq w for a townhouse or shift to duplex houses instead of single detached houses, Mr Issara said.

Atip Bijanonda, vice-chairman of the Board of Trade of Thailand, said low-rise housing developers should adjust products to reduce costs, for example, cutting unnecessary features or using design solutions.

“Some functions or features that incur too high costs should be replaced with choices which will not affect homebuyers’ usage,” he said.

He said completed, ready-to-transfer condo units would face no impact from the rising costs as their costs were from the period before higher inflation kicked in.

But for condo projects under construction, developers may reduce their profit margin to keep sales prices flat to drain their stocks.

Tritecha Tangmatitham, managing director of SET-listed developer Supalai Plc, said revising down unit size slightly could help developers offer units at old prices.

“Higher costs are mainly derived from global inflation,” he said. “If the war is prolonged, housing prices cannot avoid an increase.”

Vichai Viratkapan, acting director-general of the Real Estate Information Center (REIC), said prices of vacant land had been rising more slowly for a period of over two years due to the economic slowdown caused by the pandemic.

“The situation got worse with the Russia-Ukraine war. The Thai economy will likely have a lower growth than expected which will have an impact on home purchasing power,” he said.

Source: Bangkok Post

សភាអាមេរិក គ្រោងអនុម័តថវិកាជិត៤០ពាន់លានដុល្លារ បន្ថែមទៀតសម្រាប់ជួយអ៊ុយក្រែនច្បាំងនឹងរុស្ស៊ី

ដោយ៖ សុខុម

វ៉ាស៊ីនតោន: ក្រុមសមាជិកសភាអាមេរិក មកពីគណបក្សប្រជាធិបតេយ្យបានយល់ព្រមបញ្ជូនជំនួយបន្ថែមរហូតដល់ទៅ៣៩,៨ពាន់លានដុល្លារ សម្រាប់ជួយដល់អ៊ុយក្រែន។ នេះបើយោងតាមប្រភពច្បាស់ការទម្លាយឱ្យដឹងកាលពីថ្ងៃច័ន្ទ ទី0៩ ខែឧសភា។

ដំណឹងនេះបានរម្ងាប់ការព្រួយបារម្ភ ដែលលើកឡើងថា ការពន្យារពេលបោះឆ្នោតអនុម័ត អាចធ្វើឱ្យរាំងស្ទះដល់ការបញ្ជូនសព្វាអាវុធរបស់សហរដ្ឋអាមេរិក ទៅឱ្យរដ្ឋាភិបាលទីក្រុងគៀវ។

សភាអាមេរិក អាចនឹងអនុម័តផែនការផ្ដល់ជំនួយថ្មីនៅថ្ងៃអង្គារ ទី១០ ខែឧសភានេះ ដែលលើសពីទំហំជំនួយ៣៣ពាន់លានដុល្លារ ដែលប្រធានាធិបតី ចូ បៃឌិន បានស្នើកាលពីខែមុន ហើយថ្នាក់ដឹកនាំព្រឹទ្ធសភា បានលើកឡើងថា ពួកគេក៏ត្រៀមខ្លួនធ្វើសកម្មភាពភ្លាមៗផងដែរទាក់ទិននឹងជំនួយនេះ។

សំណើសុំមូលនិធិបន្ថែមទាក់ទងនឹងកូវីដ-១៩ ដែលសមាជិកសភាមួយចំនួនមកពីគណបក្សប្រជាធិបតេយ្យ ចង់ដាក់បញ្ចូលគ្នា ជាមួយមូលនិធិគ្រាអាសន្នសម្រាប់ជួយអ៊ុយក្រែន នឹងត្រូវយកទៅពិចារណាដោយឡែកពីគ្នា។

លោក ចូ បៃឌិន កាលពីថ្ងៃទី២៨ ខែមេសា បានស្នើសុំសភានូវកញ្ចប់ថវិកា៣៣ពាន់លានដុល្លារ ដើម្បីជួយគាំទ្រដល់អ៊ុយក្រែន រួមទាំងជំនួយយោធាជាង២០ពាន់លានដុល្លារផងដែរ។ សំណើនោះ គឺជាការសម្រុកបង្កើនថវិការបស់សហរដ្ឋអាមេរិក សម្រាប់សង្គ្រាមអ៊ុយក្រែន ជាមួយរុស្ស៊ី។

ប្រភពដដែល បានបន្ថែមទៀតថា សំណើថ្មីនេះរួមមានទឹកប្រាក់បន្ថែមចំនួន៣,៤ពាន់លានដុល្លារ សម្រាប់ជំនួយយោធា និង៣,៤ពាន់លានដុល្លារ ជាជំនួយមនុស្សធម៌ផងដែរ៕

តម្លៃលំនៅដ្ឋាននៅប្រទេសថៃដាំក្បាលចុះ ខណៈអ្នកទិញមានការធ្លាក់ចុះយ៉ាងគំហុក

ដោយ៖ លាងហួរ

ថៃ៖ តម្លៃលំនៅឋាននៅក្នុងប្រទេសថៃបានហក់ឡើងខ្ពស់ខ្លាំង ដោយការចំណាយលើការសាងសង់ខ្ពស់ ដែលបណ្តាលមកពីផលប៉ះពាល់នៃសង្រ្គាមរុស្ស៊ី និងអ៊ុយក្រែន។

អ្នកជំនាញបានផ្តល់យោបល់ថា អ្នកអភិវឌ្ឍន៍លំនៅដ្ឋានគួរតែពិនិត្យឡើងវិញនូវទំហំផ្ទះ និងកែសម្រួលលក្ខណៈពិសេសមួយចំនួន ដើម្បីរក្សាតម្លៃផ្ទះឱ្យនៅដដែល ដើម្បីសម្រួលដល់ការទិញរបស់អតិថិជន។ ទន្ទឹមនឹងនេះ អ្នកអភិវឌ្ឍន៍លំនៅដ្ឋានត្រូវប្រុងប្រយ័ត្នក្នុងការទិញដី ដើម្បីជៀសវាងការបង់ពន្ធថ្មី។

លោក Issara Boonyoung ប្រធានកិត្តិយស នៃសមាគមអ្នកជំនួញលំនៅឋាន បានមានប្រសាសន៍ថា តម្លៃក្នុងការសាងសាង់លំនៅឋាន នឹងកើនឡើង ពី៥ទៅដល់១០% ជាពិសេស សម្រាប់លំនៅឋាន ដែលតម្លៃនៃការសាងសង់ ខ្ពស់ជាងតម្លៃដី។

លោក Issara បានបន្តថា អតិផរណានិងសេដ្ឋកិច្ចធ្លាក់ចុះ នឹងធ្វើឱ្យការទិញផ្ទះធ្លាក់ចុះ ខណៈ ដែលការចំណាយកើនឡើង អ្នកអភិវឌ្ឍន៍មិនអាចដំឡើងតម្លៃលំនៅដ្ឋានបានដោយសារ អ្នកទិញផ្ទះប្រហែលមិនមានលទ្ធភាពទិញទេ ដោយសារចំណូលរបស់ពួកគេនៅថេរ ឬថយចុះ ។

លោក Issara បាននិយាយថា ដើម្បីរក្សាតម្លៃលំនៅឋាន អ្នកអភិវឌ្ឍន៍គួរតែកាត់បន្ថយទំហំផ្ទះពី១៨ម៉ែត្រការ៉េ មក១៦ម៉ែត្រការ៉េសម្រាប់ផ្ទះល្វែង ឬប្តូរទៅផ្ទះចំនួន២ ជំនួសឱ្យផ្ទះតែមួយ។

លោក Atip Bijanonda អនុប្រធានក្រុមប្រឹក្សាពាណិជ្ជកម្ម នៃប្រទេសថៃ បានឱ្យដឹងថាអ្នកអភិវឌ្ឍន៍លំនៅដ្ឋានគួរតែកែសម្រួល ដើម្បីកាត់បន្ថយការចំណាយ ដូចជា ការកាត់បន្ថយលក្ខណៈពិសេសដែលមិនចាំបាច់ ឬការរចនាម៉ូតផ្ទះ។

លោកថា “មុខងារ ឬលក្ខណៈពិសេសមួយចំនួន ដែលមានការចំណាយខ្ពស់ពេក គួរតែត្រូវបានជំនួស ដោយជម្រើស ដែលនឹងមិនប៉ះពាល់ដល់ការប្រើប្រាស់របស់អ្នកទិញផ្ទះ”៕

រដ្ឋបាលខេត្តបន្ទាយមានជ័យព្រមានជាថ្មីឱ្យរុះរើរាល់សំណង់ប៉ះពាល់ ដល់គម្រោងធ្វើឲ្យប្រសើរឡើងវិញកំណាត់ផ្លូវជាតិលេខ៥

ដោយ៖ សុផារី

បន្ទាយមានជ័យ ៖ រដ្ឋបាលខេត្តបន្ទាយមានជ័យ បានព្រមានជាលើកទី២ ដល់ប្រជាពលរដ្ឋទាំងអស់ ដែលបានសាងសង់សំណង់ផ្សេងៗ នៅតាមបណ្តោយផ្លូវជាតិលេខ៥ ចន្លោះក្រុងសិរីសោភ័ណ និងក្រុងប៉ោយប៉ែត ត្រូវរុះរើសំណង់ចេញ មុនពេលក្រុមហ៊ុនសាងសង់ចាប់ផ្ដើមដំណើរការ នាពេលខាងមុខនេះ។

តាមរយៈសេចក្តីជូនដំណឹងលើកទី២ របស់រដ្ឋបាលខេត្តបន្ទាយមានជ័យ ចេញផ្សាយនៅថ្ងៃទី០៨ ខែឧសភានេះ បានបញ្ជាក់ថា សំណងត្រូវបានសងរួចហើយ សម្រាប់គ្រួសារ ដែលរងផលប៉ះពាល់ ជាង១ពាន់គ្រួសារ។ រដ្ឋបាលខេត្តបានរកឃើញថា មានប្រជាពលរដ្ឋមួយចំនួនធំបានអនុវត្តរួចហើយ ប៉ុន្តែមានអ្នកខ្លះមិនបានអនុវត្ត។

រដ្ឋបាលខេត្តបន្ទាយមានជ័យ ស្នើឱ្យអាជីវករ ក្រុមហ៊ុន អង្គភាព ពាក់ព័ន្ធនានា និងបងប្អូនប្រជាពលរដ្ឋទាំងអស់ ដែលបានសាងសង់សំណង់ផ្សេងៗដូចជា ផ្ទះសម្បែង តូបលក់ដូរ សំណង់បណ្ដោះអាសន្នផ្សេងៗ ស្លាកយីហោផ្សព្វផ្សាយពាណិជ្ជកម្ម ស្លាកគណបក្ស បង្គោលអគ្គិសនី បង្គោលខ្សែបណ្ដាញទូរគមនាគមន៍ ខ្សែកាបអុបទិច បណ្ដាញទឹកស្អាត ។ល។ នៅលើដីចំណីផ្លូវជាតិលេខ៥ ដែលរងផលប៉ះពាល់ ដោយសារគម្រោងធ្វើឲ្យប្រសើរឡើងវិញកំណាត់ផ្លូវជាតិលេខ៥ (ផ្នែកចុងបញ្ចប់) សិរីសោភ័ណ-ប៉ោយប៉ែតខេត្តបន្ទាយមានជ័យ ត្រូវរុះរើឲ្យបានមុនពេលក្រុមហ៊ុនសាងសង់ចាប់ផ្ដើមដំណើរការ នាពេលខាងមុខនេះ។

លោក សុក ចាន់ថា ប្រធានមន្ទីរសាធារណការ និងដឹកជញ្ជូនខេត្ត បានមានប្រសាសន៍នៅថ្ងៃទី៩ ខែឧសភា ថា រដ្ឋបាលមិនទាន់កំណត់ពេលវេលា សម្រាប់ការរុះរើនៅឡើយទេ។ យ៉ាងណាក៏ដោយ ក្រសួងបាននិយាយថា ការងារសាងសង់ផ្លូវនឹងចាប់ផ្ដើមនៅពេលខាងមុខឆាប់ៗនេះ។

លោកបានមានប្រសាសន៍ថា “យើងមិនទាន់បានកំណត់ពេលវេលាទេ។ បងប្អូន ដែលរងផលប៉ះពាល់ បានផ្តិតមេដៃលើកិច្ចសន្យាសំណងរបស់ពួកគាត់រួចហើយ។ អ្នកខ្លះពន្យារពេល ឬបដិសេធក្នុងការចាប់ផ្តើមរុះរើជា បើទោះបីជាបានយល់ព្រមទទួលបានសំណងរួចហើយក្តី”។

រដ្ឋបាលខេត្តបានបញ្ជាក់ថា “ប្រសិនបើសាធារណជន អាជីវករ ក្រុមហ៊ុន ឬបងប្អូន មិនគោរពតាមសេចក្តីជូនដំណឹងនេះ រដ្ឋបាលខេត្តនឹងមិនទទួលខុសត្រូវចំពោះការខូចខាត ឬបាត់បង់ទ្រព្យសម្បត្តិឡើយ”។

យោងតាមក្រសួងសាធារណការ និងដឹកជញ្ជូន បានឱ្យដឹងថា គម្រោងកែលម្អផ្លូវជាតិលេខ៥ ប្រវែង៣៥គីឡូម៉ែត្រនេះ បានចាប់ផ្តើមសាងសង់កាលពីខែមេសា ដោយចំណាយថវិកាប្រមាណ៥០លានដុល្លារអាមេរិក ក្រោមកម្ចីសម្បទានពី ទីភ្នាក់ងារសហប្រតិបត្តិការអន្តរជាតិជប៉ុន (JICA)៕

ក្រុមហ៊ុន Century 21 Zillion Holding ជ្រើស រើស ប្រធានសាខា ជាង ១៦០០សម្រាប់គ្រប់ឃុំ សង្កាត់ទូទាំងប្រទេស

ដោយ៖វឌ្ឍនៈ

ភ្នំពេញ ៖ បើនិយាយពីវិស័យអចលនទ្រព្យ និងដីធ្លីមនុស្សភាគច្រើន គឺផ្ដោតទៅលើតែតំបន់ នៅរាជធានីភ្នំពេញ និងតំបន់មួយចំនួន តាមបណ្ដាខេត្តមានសេដ្ឋកិច្ចរីកចម្រើនប៉ុណ្ណោះ។ សម្រាប់បណ្ដាខេត្ត នៅតាមតំបន់ដាច់ស្រយាល នៅមិនទាន់មានការចាប់អារម្មណ៍ច្រើននៅឡើយទេ។

ដើម្បីជំរុញសក្ដានុពលដីធ្លី និងអចលនទ្រព្យនៅតាមបណ្ដាខេត្ត ក្រុមហ៊ុន Century 21 បានប្រកាសពីការជ្រើសរើសភ្នាក់ងារ រហូតដល់ជិត១៦០០នាក់ទូទាំងប្រទេស និងគ្រប់ឃុំទូទាំងប្រទេស។

លោក ព្រាប កុល ប្រធានក្រុមប្រឹក្សាភិបាលនៃក្រុមហ៊ុន Century 21 Zillion Holding បានមានប្រសាសន៍តាមទូរសព្ទនៅថ្ងៃទី១០ ខែឧសភា ២០២២នេះថា បើនិយាយពីវិស័យដីធ្លី ភាគច្រើនផ្ដោតទៅលើតែតំបន់ទីក្រុង តំបន់ជាយក្រុង និងតំបន់តាមច្រកព្រំដែនអន្តរជាតិមួយចំនួន។ ដូច្នេះការអភិវឌ្ឍដីធ្លីនៅកម្ពុជាមានតិចតួចនៅឡើយ។ បេសកកម្មរបស់ក្រុមហ៊ុនCentury 21 Zillion Holding ចង់ពង្រាយភ្នាក់ងារ ឬបុគ្គលិករបស់ខ្លួន ឈរជើងនៅគ្រប់ឃុំសង្កាត់ ទាំង១៦៥២ឃុំសង្កាត់ទូទាំងប្រទេស ដើម្បីធ្វើការងារពង្រីកសេវាប្រឹក្សាអចលនទ្រព្យ។

លោកបន្តថា ផែនការ និងបេសកកម្មរបស់ Century 21 Zillion Holding នឹងបង្កើតឱកាសបង្កើតការងារឱ្យបានច្រើន សម្រាប់ប្រជាពលរដ្ឋកម្ពុជា ហើយរួមចំណែក ដើម្បីចូលរួមកសាង អភិវឌ្ឍនក្នុងវិស័យដីធ្លី ជំរុញកំណើនសេដ្ឋកិច្ចរបស់យើងកាន់តែល្អ និងរួមចំណែកអភិវឌ្ឍន៍តំបន់ជនបទ ឱ្យមានតុល្យភាពនឹងតំបន់ទីប្រជុំជន។

លោកបន្ថែមថា “អ្វីដែលពិសេសនោះ យើងចង់ឱ្យយុវជន បញ្ញាវ័ន្តរបស់យើងរៀនចប់ហើយ ត្រលប់ទៅកាន់មូលដ្ឋានវិញ រួមគ្នាអភិវឌ្ឍន៍តំបន់មូលដ្ឋានរបស់ពួកគេ ឱ្យមានការរីកចម្រើនដូចនឹងតំបន់ទីប្រជុំជនដែរ”។

លោកបន្ថែមថា សក្ដានុពលវិស័យដីធ្លីនៅក្នុងប្រទេសកម្ពុជា គឺនៅមានភាពទូលំទូលាយណាស់ ជាក់ស្ដែងយើងបានសង្កេតឃើញថាដីធ្លី នៅតាមបណ្ដាខេត្តនានាទូទាំងប្រទេស នៅទំនេរច្រើន និងត្រូវការអ្នកវិនិយោគអ្នកកែប្រែដីធ្លីឱ្យបានកាន់តែច្រើន និងទាញប្រយោជន៍ពីដីធ្លីនោះឱ្យអស់សក្ដានុពល ដើម្បីអភិវឌ្ឍន៍សេដ្ឋកិច្ចជាតិ។

លោកថា ”ការជ្រើសរើសបុគ្គលិក និងភ្នាក់ងារនៅគ្រប់ឃុំសង្កាត់ទូទាំងប្រទេសកម្ពុជានឹងអាចក្ដោបព័ត៌មានដីធ្លី អចលនទ្រព្យបានគ្រប់ជ្រុងជ្រោយ ហើយដឹងថា តំបន់ណាត្រូវការអភិវឌ្ឍអ្វី។ វានឹងសម្រួលដល់ការងាររបស់យើងក្នុងការផ្ដលព័ត៌មាន ទៅកាន់អ្នកវិនិយោគ បានចំគោលដៅ ដែលពួកគេចង់បណ្ដាក់ទុនវិនិយោគ”។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ក៏បានលើកឡើងថា តម្រូវការអ្នកជំនាញ និងធនធានមនុស្សក្នុងវិស័យអចលនទ្រព្យកម្ពុជា នឹងកាន់តែមានកំណើនឡើង នៅពេលអនាគត ស្របពេលវិស័យអចលនទ្រព្យកាន់តែរីកចម្រើន ជាពិសេសនៅពេលចប់វិបត្តិកូវីដ១៩ និងវិបត្តិនៃសង្គ្រាមរវាងរុស្ស៊ី និងអ៊ុយក្រែន៕

ស្ថាបត្យករដ៏សំខាន់មួយរូបជំនាន់លោក វណ្ណ មូលីវណ្ណ បានទទួលមរណភាព

ដោយ៖ សុផារី

ភ្នំពេញ៖ លោកសាស្ត្រាចារ្យ លី ជិនទង ដែលជាស្ថាបត្យករដ៏សំខាន់មួយរូបជំនាន់លោកវណ្ណ មូលីវណ្ណ បានទទួលមរណភាព កាលពីថ្ងៃព្រហស្បតិ៍្តទី០៥ ខែឧសភា ឆ្នាំ២០២២ នៅជន្មាយុ៨៦ឆ្នាំ ដោយរោគាពាធ។ មរណភាពរបស់លោក ជាការបាត់បង់ធនធានមនុស្សរបស់ជាតិ ខណៈលោកបានក្លាយជានិមិត្តរូបនៃស្ថាបត្យកម្មខ្មែរ រហូតមកដល់ពេលនេះ។

លោកសាស្ត្រាចារ្យលី ជិនទង ជាអតីតសាស្រ្តាចារ្យមហាវិទ្យាល័យស្ថាបត្យកម្ម និងនគរូបនីយ៍វិទ្យា នៃសាកលវិទ្យាល័យភូមិន្ទវិចិត្រសិល្បៈ លោកបានបន្សល់ទុកស្នាដៃស្ថាបត្យកម្មល្បីៗជាច្រើនជូនប្រទេសជាតិ។

ស្នាដៃសំខាន់ៗ ដែលលោកបានរួមចំណែកក្នុងការលើកស្ទួយវិស័យស្ថាបត្យកម្មកម្ពុជា រួមមាន អគារពុទ្ធសាសនបណ្ឌិត្យ Phnom Penh 1925 Colonial Maison អាគារ Training របស់អគ្គិសនីភ្នំពេញ និងស្នាដៃស្ថាបត្យកម្មជាច្រើនទៀត។

នៅឆ្នាំ១៩៩៦ ជាឆ្នាំ ដែលលោកសាស្ត្រាចារ្យ បានគូរប្លង់រចនា “វិទ្យាស្ថានពុទ្ធសាសនបណ្ឌិត្យ” លោកក៏បានរៀបចំផែនការទីក្រុង សម្រាប់រាជធានីភ្នំពេញផងដែរ ដោយបានកំណត់យ៉ាងច្បាស់នូវ “តំបន់លំនៅឋានក្នុងទីក្រុង” (Residential Zone) និងការកំណត់កម្ពស់អគារអតិបរមា ត្រឹម៣០ម៉ែត្រ តែគម្រោងនេះមិនត្រូវបានអនុម័តឡើយ។

រហូតមកដល់ពេលថ្មីៗនេះ ចាប់ផ្តើមមានការកំណត់នៅក្នុងរាជធានី ស្តីអំពីការមិនអនុញ្ញាតឱ្យមានសំណង់ ដែលធ្វើឱ្យបាត់បង់ទស្សនីយភាពរបស់តំបន់ប្រវត្តិសាស្ត្រ “រមណីយដ្ឋានវត្តភ្នំ” នោះឡើយ។

លោក ពុំ មាសបណ្តូល អតីតបុគ្គលិកក្រុមហ៊ុន L.C.T. Architecture Group របស់លោក លី ជិនទង បានរៀបរាប់ពីប្រវត្តិរបស់លោកសាស្ត្រាចារ្យថា លោកសាស្ត្រាចារ្យបានបញ្ជាប់ការសិក្សា ថ្នាក់វិទ្យាល័យ នៅក្នុងឆ្នាំ១៩៦០ ហើយបានផ្លាស់ទីលំនៅ ទៅរស់នៅក្នុងទីក្រុងប៉ារីស និងបានសិក្សាមុខជំនាញស្ថាបត្យកម្ម នៅសកលវិទ្យាល័យ Ecole Nationale Superieur des Bureaux Arts de Paris ក្នុងទីក្រុងប៉ារីស អស់រយៈពេលជិត៩ឆ្នាំ ចាប់ពីឆ្នាំ១៩៦០ ដល់ឆ្នាំ១៩៦៩។ លោកបានបញ្ចប់ការសិក្សាដោយជោគជ័យ ដោយមានការទទួលស្គាល់ពីរដ្ឋាភិបាលបារាំងនៅក្នុងឆ្នាំ១៩៦៩។

ស្របពេលជាមួយគ្នានេះ នៅកំឡុងឆ្នាំ១៩៦៦ ដល់ឆ្នាំ១៩៦៨ លោកបានសិក្សានៅវិទ្យាស្ថាន Institute d’Urbanisme de Paris នៅក្នុងក្រុងប៉ារីស ដោយបានទទួលជោគជ័យលើការការពារនិក្ខេបបទ D.I.U.U.P នៅក្នុងឆ្នាំ១៩៦៩។

ក្នុងកំឡុងឆ្នាំ១៩៦៧ ដល់ឆ្នាំ១៩៦៩ លោកក៏បានសិក្សានៅវិទ្យាស្ថាន Institute of Legal and Economic លើមុខជំនាញ “សំណង់ និងផ្ទះ” (Construction and Housing (Commercial Law and Housing Programming option)ដោយបានបញ្ជប់ CNAM. I.C.H diploma នៅក្នុងឆ្នាំ១៩៦៩។

ក្រោយមកនៅក្នុងឆ្នាំ១៩៧៤ ដល់ឆ្នាំ១៩៧៦ លោកបានចំណាយពេលពីរឆ្នាំបន្ថែមទៀត ក្នុងការសិក្សាជំនាញពន្ធសាជីវកម្ម និងការគ្រប់គ្រងហិរញ្ញវត្ថុ (Option: financial management and corporate taxation) នៅវិទ្យាស្ថានគ្រប់គ្រងធុរកិច្ចទីក្រុងប៉ារីស (Institute of Business Administration in Paris)។

បើតាមលោកមាសបណ្តូល បានឱ្យដឹងបន្ថែមថា លោកសាស្រ្តាចារ្យបានចំណាយពេលសិក្សា ធ្វើការនៅក្នុងប្រទេសបារាំង និងបង្កើតក្រុមហ៊ុនមួយនៅក្នុងប្រទេសបារាំង មុននឹងវិលត្រលប់មកកាន់មាតុភូមិវិញនៅក្នុងទស្សវត្សឆ្នាំ១៩៩០។ តាមរយៈការងាររបស់ក្រុមហ៊ុន លោកបានចូលរួមចំណែកយ៉ាងធំធេងក្នុងវិស័យស្ថាបត្យកម្មសំណង់នៅក្នុងប្រទេសកម្ពុជា។

លោកបានមានប្រសាសន៍ថា “នៅក្នុងឆ្នាំ១៩៩០ជាង លោកបានត្រលប់មកកាន់ស្រុកខ្មែរ ចាប់ផ្តើមការងារនៅភ្នំពេញ ជាមួយសាលាក្រុង លើការងារចុះរៀបចំក្រុង ចុះស្រង់អគារផ្សេងៗ អាគារបេតិកភណ្ឌនៅក្នុងក្រុងភ្នំពេញ និងក្រុងព្រះសីហនុ។ បន្ទាប់មក លោកធ្វើការលើការងាររចនារបស់អាការរដ្ឋ”៕

គំរោងGreen Zone Residenceលំនៅដ្ឋានលំហែរកាយផ្សារភ្ជាប់ជីវិតនិងធម្មជាតិ

ដោយៈគង់ សូរិយា

កំពង់ស្ពឺៈ គំរោងផ្ទះលំហែរ តម្លៃសមរម្យGreen Zone Residenceបាន និងកំពុងទទួលបានការចាប់អារម្មណ៍ និងទិញច្រើនពីអ្នកចង់បានផ្ទះលំហែរនៅជាយក្រុងភ្នំពេញ។

គំរោងលំនៅដ្ឋានផ្សារភ្ជាប់ជាមួយធម្មជាតិ សួនកំសាន្ត កន្លែងហាត់ប្រាណ និងម៉ូតផ្ទះនិមួយៗត្រូវបានរចនាឡើង សម្រាប់ការលំហែរ អាំងសាច់BBQ និងសំរាកប្រកបដោយផាសុខភាព បាននិងកំពុងសាងសង់យ៉ាងសកម្ម ដើម្បីឆ្លើយតបតម្រូវការអតិថិជន។

លោកឧកញ៉ាម៉ន សុខាប្រធានក្រុមប្រឹក្សាភិបាលនៃគំរោងGreen Zone Residenceបានមានប្រសាសន៍ឲ្យដឹងថា ការវិនិយោគលើវិស័យអចលនទ្រព្យបាននិងកំពុងប្រែប្រួល ពិសេសទីផ្សារដីឡូត៍ និងផ្ទះលំហែរ ដោយការការរីកចម្រើន នៃជីវភាពប្រជាពលរដ្ឋ ដែលធ្វើឲ្យប្រជាជនមានលទ្ឋភាពទិញផ្ទះលំហែរកាន់តែច្រើន សម្រាប់ការកំសាន្តនាពេលចុងសប្តាហ៍។

លោកបន្តថា “គំរោងGreen Zone Residenceបាននិងកំពុងអភិវឌ្ឍន៍៍ឡើង ឆ្លើយតបនឹងតម្រូវការ និងរសនិយមរបស់ប្រជាពលរដ្ឋ ដែលកាន់តែស្រលាញ់ធម្មជាតិ និងចង់ផ្សារភ្ជាប់ជីវិតជាមួយធម្មជាតិ”។ លោកបន្តថា “លំនៅដ្ឋានរបស់យើងបានរចនាឡើងយ៉ាងពិសេស សំរាប់ការលំហែរជាលក្ខណៈគ្រួសារ និងផ្តល់់ការរស់នៅប្រកបដោយ ផាសុខភាពជាចម្បង”។

លំនៅដ្ឋាននៃគំរោងGreen Zone Residenceមានតម្លៃជាងពីរម៉ឺនដុល្លារអាមេរិកប៉ុណ្ណោះ ជាតម្លៃមួយសមស្របនិងសម័ក្តិសម សម្រាប់អ្នកមានជីវភាពមធ្យម និងលើសមធ្យម។

ចង់បានលំនៅដ្ឋានបែបនេះ សូមទំនាក់ទំនងលេខទូរស័ព្ទ០១២ ៩៩៩ ៦៨៧, ០១០ ៥៩៩ ៥៨៧៕

រដ្ឋាភិបាលក្រុងឌូបៃបង្ហាញមហិច្ឆតាទាក់ទាញទេសចរឱ្យបាន៧០លាននាក់ក្នុងឆ្នាំនេះ

ដោយៈសុខុម

ឌូបៃ: ប្រទេសអារ៉ាប៊ីសាអូឌីត មានគោលដៅទាក់ទាញភ្ញៀវទេសចរណ៍ឱ្យលើសពី៧០លាននាក់នៅឆ្នាំនេះ បន្ទាប់ពីទាក់ទាញភ្ញៀវទេសចរបានរហូតដល់ទៅ៦២លាននាក់កាលពីឆ្នាំមុន។ នេះបើយោងតាមមន្ត្រីទេសចរណ៍មួយរូបបានទម្លាយឱ្យដឹងកាលពីថ្ងៃច័ន្ទ ទី៩ ខែឧសភា។

ប្រទេសអារ៉ាប៊ីសាអូឌីត គឺជាគោលដៅទេសចរណ៍សាសនា ដ៏សំខាន់មួយ ដែលមានមនុស្សរាប់លាននាក់ ទៅលេងទីក្រុងពិសិដ្ឋចំនួន២ក្នុងសាសនាអ៊ីស្លាម គឺក្រុង Mecca និងក្រុង Medina ជារៀងរាល់ឆ្នាំដើម្បីធ្វើធម្មយាត្រា។
ក្នុងរយៈពេលប៉ុន្មានឆ្នាំចុងក្រោយនេះ ព្រះរាជាណាចក្រមួយនេះបានចាប់ផ្តើមជំរុញវិស័យទេសចរណ៍យ៉ាងផុសផុល ជាផ្នែកមួយនៃយុទ្ធសាស្ត្រធ្វើពិពិធកម្មសេដ្ឋកិច្ចឱ្យលើសពីប្រេង។

ចំនួនភ្ញៀវទេសចរបានកើនឡើង១៣០% ក្នុងត្រីមាសទី១ ដើមឆ្នាំ២០២២ បើធៀបនឹងត្រីមាសចុងក្រោយនៃឆ្នាំ២០១៩។ នេះបើយោងតាមនាយកប្រតិបត្តិនៃអាជ្ញាធរ ទេសចរណ៍អារ៉ាប៊ីសាអូឌីត លោក Fahd Hamidaddin នាយកប្រតិបត្តិអាជ្ញាធរទេសចរណ៍អារ៉ាប៊ីសាអូឌីត បានប្រាប់ទីភ្នាក់ងារព័ត៌មាន Reuters ក្នុងបទសម្ភាសន៍មួយដែលធ្វើឡើងនៅខាងក្រៅព្រឹត្តិការណ៍ “ទីផ្សារទេសចរណ៍អារ៉ាប់” (Arabian Travel Market) ដែលរៀបចំឡើងនៅទីក្រុងឌូបៃ។

លោកថ្លែងថា “ខ្ញុំយល់ថា ទេសចរណ៍ក្នុងស្រុករបស់យើងបានឈានដល់កម្រិតខ្ពស់ មិនធ្លាប់មានកាលពីឆ្នាំមុន ខណៈទេសចរណ៍ទូទាំងពិភពលោកកំពុងងើបឡើងវិញ យើងទទួលបានលទ្ធផលល្អជាងគេ នៅក្នុងតំបន់ ដោយយើងសម្រេចបាន៧២% នៃកម្រិតមុនពេលផ្ទុះវិបត្តិកូវីដ-១៩”៕ Reuters៕

បុរីបុស្បាសាងមូលដ្ឋានតម្រូវការ ធម្មជាតិ ផ្សារភ្ជាប់នឹងជីវិត

ដោយៈវិវឌ្ឍន៍

ភ្នំពេញៈ ការកសាងនូវបទដ្ឋានសំណង់ស្តង់ដា មិនគ្រប់គ្រាន់ទេ ខណៈរសនិយមមនុស្សសម័យថ្មី បានចាប់ផ្តើមចាប់អារម្មណ៍ ក្នុងការរស់នៅជាមួយធម្មជាតិ។

សិក្សាពីមូលដ្ឋានតម្រូវការ និងចំណង់ចំណូលចិត្តរបស់មនុស្សសម័យថ្មី ដែលរកអ្វីដែលប្លែក និងចង់កាត់បន្ថយស្រ្តេសពីកន្លែងការងារ អ្នកវិនិយោគបុរីបុស្បា បានរកឃើញនូវចំណុចរួមនេះ ដោយសាងសង់លំនៅដ្ឋានជាមួយគុណភាព សោភ័ណភាពផង និងផ្សារភ្ជាប់ជាមួយធម្មជាតិផង ពិសេសមានអាងហែលទឹកនៅក្នុងផ្ទះវីឡាប្រណីត ដែលផ្តល់បរិយាកាសត្រជាក់មនោរម្យគ្រប់រដូវកាល ដល់ម្ចាស់លំនៅដ្ឋាននិមួយៗ។

ដាំដើមឈើកាន់តែច្រើន ជាមួយស្លឹកខៀវស្រងាត់ វានឹងធ្វើឲ្យបុរីនេះ ក្លាយជាសហគមន៍បៃតងមួយនាពេលអនាគត ដែលនឹងផ្តល់នូវកន្លែងហាត់ប្រាណ ស្រូបយកខ្យល់អាកាសបរិសុទ្ឋ សម្រាប់អ្នកស្នាក់នៅក្នុងបុរីនេះ។
បុរីបុស្បាបាន ផ្សារភ្ជាប់ជាមួយគុណតម្លៃចំនួន៥ ប រួមមាន ទី១ គុណភាព និងសោភ័ណភាពសំណង់ ទី២ ហេដ្ឋារចនាសម្ព័ន្ឋធំទូលាយ និងផ្សារភ្ជាប់ជាមួយសហគមន៍បៃតង ទី៣ សំណង់ត្រូវបានរចនាឡើង ស្របតាមនិន្នាការប្រែប្រួលអាកាសធាតុ ដែលផ្តល់នូវខ្យល់ និងពន្លឺចេញចូលគ្រប់គ្រាន់ កាត់បន្ថយការប្រើប្រាស់អគ្កិសនី។

ទី៤ ទីតាំងមានភាពប្រទាក់ក្រឡាគ្នា ជាមួយបណ្តាញផ្លូួវជាតិសំខាន់ៗ រួមមាន ផ្លូវជាតិលេខ៣ ផ្លូវជាតិលេខ២ ផ្លូវក្រវ៉ាត់ក្រុងទី៣ និងទី៥ ទីតាំងព័ទ្ឋជុំវិញ ដោយមជ្ឈមណ្ឌលពាណិជ្ជកម្ម ដូចជាផ្សារទំនើប AEON Mall3 ព្រលានយន្តហោះអន្តរជាតិចតេជោក្រុងតាខ្មៅ និងផ្សារសហគមន៍ជាច្រើនទៀត។

លោកអ៉ី ពិសិដ្ឋក្រុមប្រឹក្សាភិបាល និងជានាយកផ្នែកទីផ្សារនៃបុរីបុស្បាបានមានប្រសាសន៍ឲ្យដឹងថា ការរីកចម្រើននៃរាជធានីភ្នំពេញ បាននិងកំពុងធ្វើឲ្យជីវភាព ប្រជាពលរដ្ឋប្រសើរឡើង ដែលធ្វើឲ្យតម្រូវការបុរីលំនៅដ្ឋានកើនឡើងជាប្រចាំ ពិសេសនៅទឹកដីខ័ណ្ឌដង្កោ ដែលជាតំបន់មានប្រជាពលរដ្ឋរស់នៅច្រើន និងជាទីតាំងដែលមានការរីកចម្រើនលឿននាពេលអនាគត។

លោកបន្តថា “ដោយមើលឃើញបែបនេះ ទើបបុរីបុសប្បាបានជ្រើសរើសទីតាំងនេះ សម្រាប់អភិវឌ្ឍន៍ជំហ៊ានដំបូងលើផ្ទៃដី១០ហិកតា និងពង្រីកកាន់តែធំថែមទៀតនាពេលឆាប់ៗនេះ”។ លោកបន្តថា “ស្តង់ដាបុរីរបស់យើង គឺផ្តោតលើសុខមាលភាពរបស់អ្នករស់នៅ ដែលមានទាំងសួនច្បារបៃតង ហេដ្ឋារចនាសម្ព័ន្ឋធំទូលាយ និងការរចនាម៉ូតផ្ទះទាន់សម័យ និងស្របតាមលក្ខខ័ណ្ឌអាកាសធាតុ”។

លោកអ៉ី ពិសិដ្ឋបានបន្តទៀតថា ជាមួយនឹងផែនការ និងចក្ចុវិស័យចំពោះមុខ ក្រុមហ៊ុនបានវិនិយោគបុរីនេះឡើង ដោយគិតពីគុណតម្លៃរបស់អតិថិជន ដែលមានន័យថា យើងលក់តម្លៃសមរម្យ ទាបជាងទីផ្សារ ប៉ុន្តែហេដ្ឋារចនាសម្ព័ន្ឋ ការឌីសាញគំរោងរបស់យើង មិនចាញ់បុរីល្បីៗនៅកម្ពុជានោះទេ។

លោកបន្តថា “ការសិក្សាពីតម្រូវការ ចំណង់ចំណូលចិត្តរបស់អតិថិជន គឺជាស្នូលនៃគុណតម្លៃ ដែលយើងផ្តល់ជូនអតិថិជន នូវស្នាមញញឹម បរិយាកាសរស់នៅប្រកបដោយផាសុខភាព និងមានភាពស៊ីវិល័យ”។

អតិថិជនចាប់អារម្មណ៍សូមទំនាក់ទំនង តាមរយៈលេខទូរស័ព្ទ០៨១ ២៣០ ៧៨៩, ០៦៧ ២៣០ ៧៨៩, ០៩៩ ២៣០៧៨៩៕

អគ្គនាយកដ្ឋានពន្ធដារពង្រឹងវិធីសាស្រ្តវាយតម្លៃអចលនទ្រព្យដើម្បីបង្កើនការប្រមូលចំណូល

ដោយៈគង់ សូរិយា

ភ្នំពេញៈ អគ្គនាយកដ្ឋានពន្ឋដា បានបើកវគ្គបណ្តុះបណ្តាល លើវិធីសាស្ត្រវាយតម្លៃអចលនវត្ថុបឋម ការវាស់វែងអចលនទ្រព្យ និងប្រភេទប័ណ្ណកម្មសិទ្ធិ ដើម្បីប្រសិទ្ធភាពនៃការប្រមូលចំណូល ពីវិស័យនេះឱ្យរិតតែមានប្រសិទ្ធភាពខ្ពស់។

អគ្គនាយករង នៃអគ្គនាយកដ្ឋានពន្ធដារ លោកបណ្ឌិតកែន សម្បត្តិ បានលើកឡើងនៅក្នុង វគ្គបណ្តុះបណ្តាល “ការវាយតម្លៃអចលនវត្ថុ” នៅថ្ងៃទី ៧ ខែ ឧសភា ឆ្នាំ ២០២២កន្លងមកថា ការពង្រីកសមត្ថភាពជំនាញលើវិស័យអចលនទ្រព្យ ពិតជាមានសាៈសំខាន់ណាស់ ដើម្បីធ្វើយ៉ាងណាឱ្យការវាយតម្លៃ និងគណនារកនូវមូលដ្ឋានគិតពន្ធ មានសុក្រឹតភាព ប្រសិទ្ធភាព ក្នុងការប្រមូលចំណូល ពាក់ព័ន្ធនឹងវិស័យអចលនទ្រព្យ ស្របតាមយុទ្ធសាស្រ្តកៀរគរចំណូល ២០១៩-២០២៣ របស់រាជរដ្ឋាភិបាល ក្នុងគោលដៅប្រមូលចំណូលពន្ធឱ្យអស់សក្តានុពល។

លោកបន្តថា អគ្គនាយកដ្ឋានពន្ធដារ ជាស្ថាប័នមួយដែលខិតខំពង្រឹង និងបង្កើនប្រសិទ្ធភាព ក្នុងការផ្តល់សេវាជូនអ្នកជាប់ពន្ធ ឱ្យបានកាន់តែល្អប្រសើរ តាមរយៈការធ្វើទំនើបកម្មមុខងារ ពាក់ព័ន្ធនៃការប្រមូលពន្ធ និងការផ្តល់សេវាបង់ពន្ធ ដោយបានអភិវឌ្ឍ និងដាក់ឱ្យអនុវត្តនូវកម្មវិធីបច្ចេកវិទ្យាជាច្រើន។

ចំណូលពន្ធប្រថាប់ត្រា លើការផ្ទេរកម្មសិទ្ធិអចលនទ្រព្យ ក្នុងត្រីមាសទី១ ឆ្នាំ ២០២២ នេះមានសរុប៥៥,៧លានដុល្លារ ដែលកើន៣៥ភាគរយ បើធៀបនឹងរយៈពេលដូចគ្នាឆ្នាំមុន៕

1...1,4561,4571,458...3,288 Page 1,457 of 3,288