KYIV: Russia has warned of the “real” threat of World War III breaking out, ahead of a Tuesday (Apr 26) meeting between the United States and allies over sending further arms to war-torn Ukraine.

Moscow’s invasion of its neighbour has triggered an outburst of support from Western nations that has seen weapons pour into the country to help it wage war against Russian troops.

But Western powers have been reluctant to deepen their involvement, for fear of sparking a conflict against nuclear-armed Russia.

Speaking to Russian news agencies, Russia’s Foreign Minister Sergei Lavrov warned the risk of a World War III “is serious” and criticised Kyiv’s approach to floundering peace talks.

“It is real, you can’t underestimate it,” Lavrov said.

For months, President Volodymyr Zelenskyy has been asking Ukraine’s Western allies for heavy weapons – including artillery and fighter jets – vowing his forces could turn the tide of the war with more firepower.

The calls appear to be resonating now, with a host of NATO countries pledging to provide a range of heavy weapons and equipment, despite protests from Moscow.

In a landmark trip to Kyiv over the weekend, Pentagon chief Lloyd Austin and Secretary of State Antony Blinken met Zelenskyy and promised US$700 million in new aid to Ukraine.

“The first step in winning is believing that you can win,” Austin told a group of journalists after meeting the Ukrainian leader.

“We believe that we can win – they can win – if they have the right equipment, the right support.”

And on the invitation of the United States, 40 countries will also hold a security summit in Germany on Tuesday to discuss further arms to Ukraine – as well as to ensure the country’s longer-term security once the war is over.

Among the invited countries are European allies of the United States, but also Australia and Japan – who fear that a Russian victory in Ukraine will set a precedent and encourage the territorial ambitions of China.

ដោយៈវឌ្ឍនៈ

ភ្នំពេញៈ គម្រោងផ្លូវល្បឿនលឿនដំបូងគេរបស់កម្ពុជា ភ្នំពេញ ក្រុងព្រះសីហនុ សម្រេចបានការសាងសង់ប្រមាណ៩០,៩៥ភាគរយហើយ គិតត្រឹមថ្ងៃទី២២ មេសា២០២២។

ផ្លូវដែលចំណាយទុនវិនិយោគប្រមាណ២០០០លានដុល្លារនេះ គ្រោងដាក់ដំណើរការសាកល្បងនៅខែកក្កដា ២០២២ខាងមុខនេះផងដែរ ។ នេះបើតាមការបញ្ជាក់ពីលោកស៊ុន ចាន់ថុលរដ្ឋមន្ត្រីក្រសួងសាធារណការនិងដឹកជញ្ជូន នៅថ្ងៃទី២៦ មេសា ២០២២នេះ។

លោកស៊ុន ចាន់ថុលបានបង្ហាញនូវជំនឿជាក់យ៉ាងមាំថា ផ្លូវនេះនឹងចូលរួមចំណែក ក្នុងការជំរុញឱ្យប៉ូលសេដ្ឋកិច្ចភ្នំពេញ និងប៉ូលសេដ្ឋកិច្ចក្រុងព្រះសីហនុ មានការរីកចម្រើនលឿនជាងធម្មតា ដោយសារតែការធ្វើដំណើរឆាប់រហ័ស កាត់បន្ថយចំណាយ កាត់បន្ថយពេលវេលានិងកាត់បន្ថយគ្រោះថ្នាក់ចរាចរណ៍នៅលើផ្លូវជាតិលេខ៤ ។

លោកបន្តថា រាជរដ្ឋាភិបាលកំពុងសិក្សា និងធ្វើផែនការមេ ដើម្បីឱ្យខេត្តព្រះសីហនុ ក្លាយទៅជាតំបន់សេដ្ឋកិច្ចពិសេសពហុបំណង ហើយផ្លូវល្បឿនលឿននេះ នឹងចូលរួមបម្រើផែនការនេះ ក្នុងការទាក់ទាញវិនិយោគិនជាតិនិងអន្តរជាតិបន្ថែមទៀត ។

គម្រោងផ្លូវល្បឿនលឿនភ្នំពេញ-ព្រះសីហនុ មានប្រវែង១៨៧,០៥គីឡូម៉ែត្រ ដែលបានបើកការដ្ឋានសាងសង់ កាលពីថ្ងៃទី២២ ខែមីនា ឆ្នាំ២០១៩ គិតត្រឹមថ្ងៃទី២៦ ខែមេសា ឆ្នាំ២០២២នេះ  ដំណើរការនៃការដ្ឋានសាងសង់ គឺស្ថិតក្នុងដំណាក់កាលនៃការសាងសង់បញ្ចប់ ហើយនិងគ្រោងបញ្ចប់នៅថ្ងៃទី៣១ ខែឧសភា ឆ្នាំ២០២៣ និងគ្រោងដាក់ឱ្យដំណើរការសាកល្បងនៅក្នុងខែកក្កដា ឆ្នាំ២០២២ ខាងមុខ។

ផ្លូវនេះតភ្ជាប់ពីភូមិ១ សង្កាត់ សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។

ផ្លូវនេះអនុវត្តការសាងសង់ដោយក្រុមហ៊ុន PPSHV Expressway Co, Ltdនិងក្រុមហ៊ុនបុត្រសម្ព័ន្ធនៃ ក្រុមហ៊ុនសាជីវកម្មស្ពានថ្នល់ចិន (CRBC) និងត្រួតពិនិត្យបច្ចេកទេសដោយក្រុមហ៊ុន MINCONSULT SDN. BHD ប្រើរយៈពេលសាងសង់៤៨ខែ គ្រោងចំណាយថវិកាប្រមាណ២០១៩លានដុល្លារ សហរដ្ឋអាមេរិក មានគន្លងផ្លូវចំនួន៤គន្លង ទទឹងផ្លូវសរុប២៤,៥ម៉ែត្រ មានផ្លូវបំបែកទិស៧កន្លែង មានកន្លែងឈប់សម្រាកចំនួន៣កន្លែង ចំណតរថយន្ត១កន្លែង មណ្ឌលប្រតិបត្តិការ និងថែទាំចំនួន៤កន្លែង ស្ពានធំ និងស្ពានមធ្យមចំនួន៤០កន្លែង ស្ពានតូចចំនួន៥កន្លែង ដែលឆ្លងកាត់រាជធានីភ្នំពេញប្រមាណ៨គីឡូម៉ែត្រ និងខេត្តចំនួន០៤បួន ក្នុងនោះ ខេត្តកណ្តាលប្រវែង៩,១ គីឡូម៉ែត្រ ខេត្តកំពង់ស្ពឺប្រវែង ៨០,៨ គីឡូម៉ែត្រ ខេត្តកោះកុងប្រវែង១,៩២ គីឡូម៉ែត្រ និងខេត្តព្រះសីហនុប្រវែង ៨៩,៨៩គីឡូម៉ែត្រ។

គម្រោងសាងសង់ផ្លូវល្បឿនលឿន-ភ្នំពេញព្រះសីហនុ គឺជាគម្រោងផ្លូវល្បឿនលឿនទី១ និងជាគម្រោងផ្លូវ របៀងយុទ្ធសាស្ត្រសំខាន់បំផុតនៅកម្ពុជា ជួយកាត់បន្ថយពេលវេលាធ្វើដំណើរ ពីរាជធានីភ្នំពេញទៅ ផែសមុទ្រក្រុងព្រះសីហនុពីចំនួនប្រាំម៉ោង មកត្រឹមតែពីរម៉ោងប៉ុណ្ណោះ និងជួយកាត់បន្ថយតម្លៃភស្តុភារកម្មផងដែរ៕

ដោយៈគង់ សូរិយា

ភ្នំពេញៈ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ លោកអ៉ិត សំហេងបានថ្លែងថា អ្នកវិនិយោគជប៉ុនមកកម្ពុជាមានការកើនឡើង និងមានច្រើនផ្នែក ដូចជា កសិកម្ម ឧស្សាហកម្ម ធនាគារ សេវាកម្ម សំណង់ អចលនទ្រព្យ ផ្សារទំនើបជាដើម។

លោកអះអាងថា ការបោះទុនវិនិយោគទាំងនោះ បានរួមចំណែកដល់សេដ្ឋកិច្ចរបស់កម្ពុជា មានប្រព័ន្ធបច្ចេកវិទ្យាទំនើបទាន់សម័យ។

លោកថ្លែងបែបនេះក្នុងពេលទទួលជួបលោក Fumiaki Takahashi ប្រធានសមាគមជប៉ុនកម្ពុជា(JCA) និងជាអតីតឯកអគ្គរាជទូតជប៉ុនប្រចាំកម្ពុជា (២០០៣-២០០៧) និងលោក KATO Kazunori ជានាយកប្រតិបត្តិសមាគម ដើម្បីសិក្សាស្វែងយល់ពីឱកាសវិនិយោគ ក៏ដូចជាកម្មសិក្សាការី ដែលបានចេញទៅធ្វើការនៅប្រទេសជប៉ុន នៅទីស្តីការក្រសួងការងារ នាព្រឹកថ្ងៃទី២៦ ខែមេសា ឆ្នាំ២០២២។

លោករដ្ឋមន្ត្រីបញ្ជាក់ថា នៅក្នុងដំណើរបំពេញទស្សនកិច្ចរបស់សម្តេចតេជោនាយករដ្ឋមន្ត្រីកម្ពុជា នៅប្រទេសជប៉ុន តាមរយៈជំនួបកំពូលរបស់ថ្នាក់ដឹកនាំ កាន់តែពង្រឹងពង្រីកបន្ថែមទៀត នូវកិច្ចសហប្រតិបត្តិការរបស់ប្រទេសយើងទាំងពីរ។

លោករដ្ឋមន្ត្រីជំរុញឲ្យខាងភាគីជប៉ុន ទទួលកម្មសិក្សាការី ក៏ដូចជាពលករជំនាញរបស់កម្ពុជា បានទៅធ្វើការនៅប្រទេសជប៉ុន ឲ្យបានកាន់តែច្រើន ពីព្រោះនៅពេលដែលពួកគេវិលត្រឡប់មក កាន់មាតុភូមិកំណើតវិញទទួលបានចំណេះ ជំនាញ សម្រាប់បង្កើតអាជីវកម្មផ្ទាល់ខ្លួន ឬក៏ក្លាយជាអ្នកគ្រប់គ្រងនៅក្នុងក្រុមហ៊ុន សហគ្រាសរបស់ជប៉ុន ដែលមានវត្តមាននៅកម្ពុជា។

លោក អ៉ិត សំហេង បានបន្តថា កម្ពុជាមានកិច្ចសហប្រតិបត្តិសម្រាប់កម្មសិក្សាការី និងពលករជំនាញចេញទៅធ្វើការនៅជប៉ុន និងដោយសារទីផ្សារនៅជប៉ុន ផ្តល់នូវប្រាក់កម្លាំងពលកម្មខ្ពស់ ដែលអាចទាក់ទាញពលករពីក្រៅប្រទេសនានា។ ម្យ៉ាងទៀត ពលករដែលបានបម្រើការនៅទីនោះ ទទួលបាននូវការអាណិត ស្រលាញ់រាប់អានពីអ្នករួមការងារ និងថៅកែរបស់ពួកគេផងដែរ។

លោក Fumiaki Takahashi បានជម្រាបជូនលោករដ្ឋមន្ត្រីថា នៅក្នុងឆ្នាំ២០១៩ ខាងសមាគមរបស់លោកក៏ធ្លាប់បានដឹកនាំអ្នកវិនិយោគជប៉ុន មកសិក្សាស្វែងយល់ពីបរិយាកាស វិនិយោគនៅកម្ពុជាម្តងហើយដែរ ប៉ុន្តែដោយសារតែមានបញ្ហាកូវីដ-១៩ ធ្វើឲ្យរំខាននូវដំណើរការច្រវាក់ផលិតកម្ម និងវិនិយោគ ទើបខាងសមាគមខកខានមិនបានមកកាន់កម្ពុជា។

លោកមើលឃើញថា ក្នុងចំណោមប្រទេសក្នុងតំបន់ ប្រទេសកម្ពុជាបានទប់ស្កាត់ ការឆ្លងរាលដាលនូវជំងឺកូវីដ-១៩ បានយ៉ាងល្អប្រសើរ។ លោកក៏រីករាយ ដែលបានជួបជាមួយលោករដ្ឋមន្ត្រី ក៏ដូចជាថ្នាក់ដឹកនាំរបស់ក្រសួង ដើម្បីទទួលបាននូវព័ត៌មានមួយចំនួន ពាក់ព័ន្ធទៅនឹងវិស័យការងារ និងការបណ្តុះបណ្តាលវិជ្ជាជីវៈ ក៏ដូចជាឱកាសវិនិយោគនៅកម្ពុជាផងដែរ។

លោករដ្ឋមន្ត្រីកត់សម្គាល់ឃើញថា អ្នកវិនិយោគជប៉ុនមកកម្ពុជាមានការកើនឡើងមានច្រើនផ្នែក ដូចជា កសិកម្ម ឧស្សាហកម្ម ធនាគារ សេវាកម្ម សំណង់ អចលនទ្រព្យ ផ្សារទំនើបជាដើម។ ការវិនិយោគរបស់ជប៉ុនបានរួមចំណែកដល់សេដ្ឋកិច្ចរបស់កម្ពុជា មានប្រព័ន្ធបច្ចេកវិទ្យាទំនើប ទាន់សម័យ។ មកដល់បច្ចុប្បន្ន និងឱកាសវិនិយោគោនៅកម្ពុជា មានភាពល្អប្រសើរ ដោយសារកម្ពុជា មានសមត្ថភាពអាចគ្រប់គ្រង បានល្អនូវការឆ្លងរាលដាលនៃជំងឺកូវីដ-១៩៕

ដោយៈសុខុម

គៀវ: ប្រទេសរុស្ស៊ីបានព្រមានទៅកាន់ បណ្តាមេដឹកនាំលោកខាងលិចថា ប្រយ័ត្នផ្ទុះសង្គ្រាមលោកលើកទី៣ នៅមុនកិច្ចប្រជុំកំពូលរវាងសហរដ្ឋអាមេរិក និងបណ្ដាសម្ព័ន្ធមិត្តនៅថ្ងៃអងគារ ទី២៦ ខែមេសា នេះស្ដីពីបញ្ជូនអាវុធបន្ថែមទៀតទៅកាន់អ៊ុយក្រែន។

ការបញ្ឆេះសង្គ្រាមពីសំណាក់រុស្ស៊ី ចូលឈ្លានពានអ៊ុយក្រែន ដែលជាប្រទេសជិតខាងខ្លួន បានទទួលរងការថ្កោលទោសយ៉ាងខ្លាំង ពីបណ្ដាប្រទេ​សលោកខាងលិច និងឈានទៅដល់ការដាក់ទណ្ឌកម្មផ្ទួនៗធ្ងន់ធ្ងរបំផុតមិនធ្លាប់មានក្នុងប្រវត្តិសាស្ត្រ ដែលធ្វើឱ្យសេដ្ឋកិច្ចរុស្ស៊ី ស្ទើរតែដួលរលំ។ ទន្ទឹមនេះ លោកខាងលិចក៏បានជួយសព្វាវុធយ៉ាងច្រើន សន្ធឹកសន្ធាប់ដល់ប្រទេ​សអ៊ុយក្រែន សម្រាប់ច្បាំងជាមួយកងទ័ពរុស្ស៊ីផងដែរ។

ទោះជាយ៉ាងណា បណ្ដាមហាអំណាចលោកខាងលិច ហាក់ស្ទាក់ស្ទើរ មិនសូវហ៊ានលូកដៃជ្រៅចូលក្នុងរឿងនេះ ដោយសារខ្លាចផ្ទុះសង្គ្រាមប្រឆាំងប្រទេសរុស្ស៊ី ដែលមានអាវុធមហាប្រល័យនុយក្លេអ៊ែរ។

ថ្លែងទៅកាន់បណ្ដាទីភ្នាក់ងារព័ត៌មានរុស្ស៊ី រដ្ឋមន្ត្រីការបរទេសរុស្ស៊ី លោក Sergei Lavrov បានព្រមានថា ហានិភ័យនៃសង្គ្រាមលោកលើកទី៣ “ធ្ងន់ធ្ងរណាស់” ហើយបានរិះគន់រដ្ឋាភិបាល ទីក្រុងគៀវ ដែលជ្រើសយកវិធីសាស្ត្រ ដែលធ្វើឱ្យការចរចាសន្តិភាព មានភាពច្របូកច្របល់ ឬបរាជ័យ។

លោក Sergei Lavrov និយាយពីហានិភ័យផ្ទុះស       ង្គ្រាមលោកលើកទី៣ នេះថា “វាជាការពិតណាស់ អ្នកមិនអាចមើលស្រាលវានោះទេ”។

ប្រធានាធិបតីអ៊ុយក្រែន លោក Volodymyr Zelenskyy បាននិងកំពុងស្នើសុំឱ្យសម្ព័ន្ធមិត្តលោកខាងលិចរបស់អ៊ុយក្រែន ផ្ដល់ជំនួយអាវុធធុនធ្ងន់ រួមទាំងកាំភ្លើងធំ និងយន្តហោះចម្បាំងផងដែរ។

ការអំពាវនាវនេះ ហាក់ទទួលបានផលបណ្ដើរៗហើយនៅពេលនេះ ខណៈប្រទេសជាច្រើន ដែលជាសមាជិកអង្គការបក្សសម្ព័ន្ធយោធា NATO បានសន្យាថានឹងផ្តល់អាវុធធុនធ្ងន់ និងសម្ភារៈយោធាជាច្រើនទៀត បើទោះបីជាមានការប្រឆាំងជំទាស់ ពីរដ្ឋាភិបាលក្រុងមូស្គូ យ៉ាងណាក្ដី។

ក្នុងដំណើរទស្សនកិច្ចដ៏គួរឱ្យភ្ញាក់ផ្អើលមួយ ទៅកាន់រដ្ឋធានីគៀវ កាលពីចុងសប្តាហ៍កន្លងទៅនេះ រដ្ឋមន្ត្រីការពារជាតិអាមេរិក លោក Lloyd Austin និងរដ្ឋមន្ត្រីការបរទេសអាមេរិក លោក Antony Blinken បានជួបជាមួយលោក Zelenskyy ហើយបានសន្យាថា នឹងផ្តល់ជំនួយថ្មីក្នុងទំហំទឹកប្រាក់៧០០លានដុល្លារដល់អ៊ុយក្រែន៕ AFP៕

    ដោយៈ គង់ សូរិយា

        មណ្ឌលគិរីៈ ក្រោយពេលរដ្ឋាភិបាល ប្រកាសដាក់ឲ្យដំណើរការជាផ្លូវការនូវផែនការមេ អភិវឌ្ឍន៍វិស័យទេសចរណ៍ រយៈពេលវែង២០២១ ២០៣៥ ​ចរន្តទិញលក់ដីធ្លីនៅខេត្តមណ្ឌលគិរីបានកើនឡើង។

ជាមួយនឹងផែនការមេនេះ រដ្ឋាភិបាលបានព្យាករណ៍ថា ខេត្តមណ្ឌល​គិរី នឹងអាចទទួលបានភ្ញៀវទេសចរណ៍ អន្តរជាតិជិត១លាននាក់ និងភ្ញៀវទេសចរណ៍ក្នុងស្រុកប្រមាណ៥លាននាក់ និងផ្តល់ផលចំណូលដល់សេដ្ឋកិច្ចជាតិប្រមាណ៥០០លានដុល្លារអាមេរិក។

ផែនការមេនេះ នឹងរួមបញ្ចូលនូវផែនការសំខាន់ៗជាច្រើន រួមមាន ការសាងសង់ព្រលានយន្តហោះលំដាប់អន្តរជាតិ ការកសាងផ្លូវល្បឿនលឿនភ្នំពេញ មណ្ឌលគិរី ការរៀបចំតំបន់សេដ្ឋកិច្ចពហុបំណង ការរៀបចំសារៈមន្ទីរ ជនជាតិដើមភាគតិច ការរៀបចំដាំដំណាំកសិផលនានា សម្រាប់បំរើទេសចរណ៍ក្នុងខេត្ត និងនាំចេញទៅកាន់ខេត្តំគោលដៅទេសចរណ៍នានាជាដើម។

លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ថា ខេត្តមណ្ឌលគិរីមានសក្តានុពលទេសចរ​ណ៍ដូចខេត្តសៀមរាបផងដែរ គ្រាន់តែមានទស្សនទាន និងផលិតផលទេស​ចរណ៍ និងសក្តានុពលខុសគ្នា ដោយខេត្តមណ្ឌលគិរីមាន​សក្តានុពលសម្រា​ប់ទេសចរណ៍លំហែរកាយបែបធម្មជាតិ ខេត្តសៀមរាបមានសក្តានុពលផ្នែកវប្បធ៌ម ប្រសាទបុរាណ និងប្រវត្តិសាស្រ្ត។

លោកបន្តថា “ទោះបីព្រលានយន្តហោះខេត្តមណ្ឌលគិរី មិនទាន់ដំនើរ​ការសាងសង់ក្តី ប៉ុន្តែបច្ចុប្បន្នចរន្តទិញលក់ដី បានកើនឡើងវិញហើ​យ នៅអំឡុងដើមត្រីមាសទី២នេះ”។លោកបន្តថា “បច្ចុប្បន្នខេត្តមណ្ឌលគិរី បាននិងកំពុងមានសេវាកម្ម ជាច្រើនដែលបំរើសដល់ការរស់នៅ និងការធ្វើះអាជីវកម្មនានា សម្រាប់ជាមូលដ្ឋានចាំបាច់បំរើដល់ការអភិវឌ្ឍហើយ”៕

ដោយៈ សុផារី

ភ្នំពេញៈ នៅក្នុងត្រីមាសទី១ ឆ្នាំ២០២២នេះ ប្រៀបធៀបទៅនឹងរយៈពេលដូចគ្នានៃឆ្នាំ២០២១ ចំនួននៃការប្រើប្រាស់រថយន្តអគ្គិសនី នៅក្នុងប្រទេសកម្ពុជាមានការកើនឡើង រហូតដល់៧០០ភាគរយ កើនឡើងពីចំនួន៧ទៅដល់៤៧ដង ។

យោងតាមរបាយការណ៍របស់ក្រសួង លើកឡើងដោយរបស់លោក ស៊ុន ចាន់ថុល ទេសរដ្ឋមន្ត្រីក្រសួងសាធារណការ និងដឹកជញ្ជូន នៅក្នុងឱកាសនៃការដាក់សម្ភោធដាក់ឱ្យប្រើប្រាស់ ក្នុងពិធីសម្ពោធបើកឱ្យដំណើរការជាផ្លូវការស្ថានីយប្រេងឥន្ធនៈកាល់តិចទី៥០ និងស្ថានីយបញ្ចូលថាម​ពលយានយន្តអគ្គិសនី ស្ថិតនៅផ្លូវព្រៃស ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ។

លោករដ្ឋមន្ត្រីមើលឃើញថា ការប្រើប្រាស់យានយន្តអគ្គិសនី មិនមែនត្រឹមតែរថយន្តអគ្គិសនីប៉ុណ្ណោះទេ តែក៏មានម៉ូតូអគ្គិសនី មានការកើនឡើងច្រើន ហើយប្រជាពលរដ្ឋកម្ពុជា បានចាប់ផ្តើមយល់ពីសារៈសំខាន់នៃការប្រើប្រាស់យានយន្តអគ្គិសនី។

ដោយមានការលើកទឹកចិត្ត ក្នុងការប្រើប្រាស់រថយន្តអគ្គិសនី រាជរដ្ឋាភិបាលកម្ពុជា បានកាត់បន្ថយពន្ធ៥០ភាគរយ ក្នុងការនាំចូលរថយន្តអគ្គិសនី ប្រៀបធៀបនឹងពន្ធលើរថយន្តប្រើថាមពលសាំងធម្មតា។

ជាពិសេស តាមការសិក្សា ការប្រើប្រាស់រថយន្តអគ្គិសនី ត្រូវបានរកឃើញថា មានការចំណាយទាបជាងរថយន្តធម្មតារហូតដល់ទៅ៣ដង។

ក្នុងន័យនេះ ប្រទេសកម្ពុជារំពឹងថា ការប្រើប្រាស់រថយន្តអគ្គិសនី នឹងចូលរួមក្នុងបេសកកម្មកាត់បន្ថយឧស្ម័ន CO2 រហូតដល់២០ភាគរយ ក្នុងឆ្នាំ២០៣០ និងកាត់បន្ថយរហូតដល់០ភាគរយ ក្នុងឆ្នាំ២០៥០។

ក្រសួងក៏មានបំណងបង្កើតគណៈកម្មាធិការអន្តរក្រសួង ដើម្បីសិក្សាបន្ថែម និងអភិវឌ្ឍន៍គោលនយោបាយជាតិទូលំទូលាយមួយស្ដីពី យានយន្តអគ្គិសនី ហើយបច្ចុប្បន្ននេះអង្គការUNDPកំពុងជួយជ្រោមជ្រែងដល់ក្រសួងក្នុងការបង្កើតផែនទីបង្ហាញផ្លូវ សម្រាប់ការដំឡើងស្ថានីយសាកថ្មយានយន្តអគ្គិសនីនៅទូទាំងប្រទេស។

លោកស៊ុន ចាន់ថុល បានបន្ថែមថាដើម្បីជំរុញ ឱ្យមានការប្រើប្រាស់យានយន្តអគ្គិសនីបន្ថែមទៀត ក្រសួងបានធ្វើការជាមួយក្រុមហ៊ុន Energy Lab និងក្រុមហ៊ុនGIZ ដើម្បីដាក់តាំងបង្ហាញយានយន្ត និងម៉ូតូអគ្គិសនីនៅចំណតយានយន្តទីស្ដីការក្រសួង និងបានបើកសម្ពោធឱ្យប្រើប្រាស់ស្ថានីយសាក ថ្មយានយន្តអគ្គិសនីលើកដំបូង ដែលផ្ដល់ដោយអង្គការUNDPនៅទីស្តីការក្រសួងនៅថ្ងៃទី២៦ ខែមីនា ឆ្នាំ២០២២ ហើយក្រសួងនឹងសម្ពោធ ដាក់ឱ្យប្រើប្រាស់ស្ថានីយសាកថ្មយានយន្តអគ្គិសនីលើកទី ២ដែលផ្ដល់ដោយអង្គការ UNDPនៅក្នុងក្រុងព្រះសីហនុនៅព្រឹកថ្ងៃស្អែក៕

ដោយៈសុខុម

ហ្វាំងឡង់: រដ្ឋាភិបាលហ្វាំងឡង់ និងស៊ុយអែត នឹងរួមគ្នាបង្ហាញពីបំណងសុំចូលជាសមាជិកអង្គការបក្សសម្ព័ន្ធយោធា NATO នៅខែឧសភាដ៏ខ្លីខាងមុខនេះ។ នេះបើយោងតាមកាសែតហ្វាំងឡង់ Iltalehti និងកាសែតស៊ុយអែត Expressen ចុះផ្សាយកាលពីថ្ងៃច័ន្ទ ទី២៥ ខែមេសា។

ទោះបីជាមានការរឹតបន្តឹងកិច្ចសហប្រតិបត្តិការ ជាមួយអង្គការNATO ចាប់តាំងពីរុស្ស៊ី បានដាក់បញ្ចូលតំបន់គ្រីមៀ របស់អ៊ុយក្រែន ជាឧបសម្ព័ន្ធរបស់ខ្លួនក្នុងឆ្នាំ២០១៤យ៉ាងណាក្ដី ក៏ប្រទេសទាំងពីរនេះសុខចិត្តនៅអព្យាក្រឹត្យ។

ទោះជាយ៉ាងណា ការឈ្លានពានពីសំណាក់រុស្ស៊ី ទៅលើប្រទេសអ៊ុយក្រែនកាលពីថ្ងៃទី២៤ កុម្ភៈកន្លងមក បានបង្ខំឱ្យស៊ុយអែត និងហ្វាំងឡង់ ពិចារណាសាជាថ្មី និងពិនិត្យមើលឡើងវិញថា តើអព្យាក្រឹតភាពយោធាយូរណាស់មកហើយរបស់ពួកគេ នៅតែជាមធ្យោបាយដ៏ល្អបំផុតក្នុងការធានាសន្តិសុខជាតិ ឬយ៉ាងណា។

យោងតាមកាសែតហ្វាំងឡង់ Iltalehti ឱ្យដឹងថា មេដឹកនាំហ្វាំងឡង់ និងស៊ុយអែត គ្រោងនឹងជួបប្រជុំគ្នានៅថ្ងៃទី១៦ ខែឧសភា ហើយបន្ទាប់ពីនោះ នឹងប្រកាសជាសាធារណៈ អំពីផែនការរបស់ពួកគេក្នុងការដាក់ពាក្យចូលជាសមាជិកបក្សសម្ព័ន្ធយោធាមួយនេះ។

រដ្ឋមន្ត្រីការបរទេសហ្វាំងឡង់ លោកPekka Haavisto បានបដិសេធមិនធ្វើអត្ថាធិប្បាយទេជុំវិញរឿងនេះ ប៉ុន្តែបានគូសបញ្ជាក់ជាថ្មីអំពីទស្សនៈយូរមកហើយរបស់លោកថា លោកចង់ឱ្យហ្វាំងឡង់ និងស៊ុយអែត ធ្វើការជ្រើសរើសស្រដៀងនេះ។

កាសែតស៊ុយអែត Aftonbladet បានចុះផ្សាយដាច់ដោយឡែកមួយ ដោយដកស្រង់ប្រភពជិតស្និទ្ធ នឹងខុទ្ទកាល័យរដ្ឋាភិបាលស៊ុយអែតថា សហរដ្ឋអាមេរិក និងអង់គ្លេស បានសន្យាជាមួយស៊ុយអែត ថានឹងបង្កើនវត្តមានយោធា ធ្វើសមយុទ្ធយោធាកាន់តែស៊ីជម្រៅ និងផ្ដល់ការគាំទ្រផ្នែកនយោបាយដ៏រ៉ឹងមាំ ពីបណ្តាប្រទេសជាសមាជិកអង្គការ NATO អំឡុងដំណើរការដាក់ពាក្យសុំចូល ជាសមាជិកអង្គការ NATO ដែលអាចកើតមានឡើង។

ទោះជាយ៉ាងណា ក្រសួងការបរទេសស៊ុយអែត បានបដិសេធមិនធ្វើអត្ថាធិប្បាយឡើយ ជុំវិញការចុះផ្សាយរបស់កាសែត Expressen និងកាសែត Aftonbladet។

នាយករដ្ឋមន្ត្រីហ្វាំងឡង់ លោកស្រី Sanna Marin ខណៈជួបជាមួយសមភាគីស៊ុយអែត គឺលោកស្រី Magdalena Andersson កាលពី២សប្តាហ៍មុនបានលើកឡើងថា លោកស្រីរំពឹងថាប្រទេសហ្វាំងឡង់ នឹងធ្វើការសម្រេចចិត្តថា តើត្រូវដាក់ពាក្យសុំចូលជាសមាជិកអង្គការNATOក្នុងរយៈពេលប៉ុន្មានសប្តាហ៍នេះ ឬយ៉ាងណា៕ Reuters៕

ដោយ៖ សុផារី

ភ្នំពេញ៖ រហូតមកដល់ពេលនេះ តម្លៃនៃការប្រើប្រាស់ផ្លូវល្បឿនលឿន ភ្នំពេញ-ព្រះសីហនុនៅមិនទាន់បានបង្ហាញនៅឡើយក្តី តែបើតាមការបង្ហើបរបស់លោកស៊ុន ចាន់ថុល នៅថ្ងៃទី២៦ ខែមេសានេះ បានឱ្យដឹងថា តម្លៃនៃការប្រើប្រាស់ផ្លូវមួយនេះនឹងស្ថិតនៅក្រោម១០សេនក្នុងមួយគីឡូម៉ែត្រ ដែលជាតម្លៃទាបមួយបើប្រៀបធៀបជាមួយប្រទេសផ្សេងទៀត។

ក្នុងឱកាសដឹកនាំយុវជនក្រសួង និងសិស្សនិស្សិត នៃវិទ្យាស្ថានតេជោសែនសាធារណការ និងដឹកជញ្ជូន សរុបអ្នកចូលរួមប្រមាណជាង ៤០០ នាក់ ចុះទស្សនកិច្ចផ្លូវល្បឿនលឿន ភ្នំពេញ-ព្រះសីហនុ (PK-១១) ថ្ងៃទី២៦ ខែមេសា ឆ្នាំ២០២២នេះ លោកទេសរដ្ឋមន្រ្តី ស៊ុន ចាន់ថុល បានមានប្រសាសន៍ថា “តម្លៃនៅមិនទាន់បានពិភាក្សាគ្នានៅឡើយទេ ថាតើយកប៉ុន្មានឱ្យសមរម្យ យកថ្លៃពេក ក៏គេមិនជិះដែរ គេទៅជិះផ្លូវធម្មតា យកថោកពេក ក៏មិនអាចប្រមូលដើមទុនបានទេ”។

លោកបានបន្តថា “បើពិនិត្យនៅជុំវិញពិភពលោក កម្រៃដែលប្រមូលបានពីផ្លូវល្បឿនលឿន ជាស្តង់ដារអន្តរជាតិ ជាមធ្យមមានប្រមាណ១០ ទៅ១២សេន ក្នុងមួយគីឡូម៉ែត្រ។ ចំពោះកម្ពុជា យើងបានស្នើឱ្យយកក្រោម១០សេន ក្នុងមួយគីឡូម៉ែត្រ។ អញ្ចឹងក្រុមហ៊ុននឹងពិចារណាលើតម្លៃដែលជិះទូទាំងប្រទេស”។

សិក្សាករណី ការធ្វើដំណើរពីរាជធានីភ្នំពេញ ទៅកាន់ក្រុងព្រះសីហនុ ដែលមានរយៈចម្ងាយប្រមាណ២៣០គីឡូម៉ែត្រ។ ឧបមាថា ក្រុមហ៊ុននឹងប្រមូលសាច់ប្រាក់១០សេនក្នុងរយៈចម្ងាយ១គីឡូម៉ែត្រ នោះម្ចាស់រថយន្តដែលធ្វើដំណើរនឹងត្រូវចំណាយប្រាក់ ២៣ដុល្លារអាមេរិក ក្នុងមួយជើងពីភ្នំពេញទៅកាន់ក្រុងព្រះសីហនុ។

ឆ្លើយតបនឹងសំណួរថាតើក្រសួងនឹងស្នើឱ្យក្រុមហ៊ុនមិនយកប្រាក់ក្នុងរយៈពេលសាកល្បងដំណើរការដំបូងដែរឬទេ លោកទេសរដ្ឋមន្ដ្រីបានមានប្រសាសន៍ថា ក្រសួងក៏បានពិភាក្សាអនុញ្ញាតឱ្យប្រើប្រាស់មួយរយៈសិន ដើម្បីឱ្យបងប្អូនប្រជាពលរដ្ឋស្គាល់អំពីការប្រើប្រាស់ផ្លូវល្បឿនលឿន និងមិនយកថវិកាឡើយ។ ក្រុមហ៊ុនកំពុងតែពិចារណាលើសំណើនេះ។

លោកក៏បានបញ្ជាក់ពីជម្រើសទីពីរ ក្នុងការទូទាត់ប្រាក់ថា “ករណីទី២ អាចថាក្នុងរយៈពេល៦ខែមុន មានតម្លៃថោក ក្រោយមកទើបចាប់ផ្តើមឡើងតម្លៃបន្ទិចម្តងៗ ដែលក្រសួងបាននិងកំពុងពិភាក្សាគ្នាជុំវិញបញ្ហានេះជាមួយក្រុមហ៊ុន”៕

ដោយ៖ សូរិយា

កណ្តាល: ផ្លូវយុទ្ធសាស្រ្តថ្មីៗចំនួន២ខ្សែ នឹងត្រូវកសាងឡើងក្នុងពេលឆាប់ៗនៅក្នុងស្រុកលើកដែក តភ្ជាប់ទៅស្រុកកោះធំ និងតភ្ជាប់ទៅផ្លូវក្រវាត់ក្រុងទី៣ក្នុងទឹកដីខេត្តកណ្តាល ដើម្បីងាយស្រួលដល់ការដឹកជញ្ជូន និងជួយជំរុញសេដ្ឋកិច្ចរបស់ពលរដ្ឋ។

បើយោងតាម លោក ចាប ច័ន្ទវិទ្យា អភិបាលស្រុកលើកដែក បានប្រាប់ឱ្យដឹងកាលពីថ្ងៃទី២៣ ខែមេសា ឆ្នាំ២០២២ ថា ផ្លូវយុទ្ធសាស្រ្តថ្មីៗចំនួន២ខ្សែនេះ រួមមាន ផ្លូវទី១មានប្រវែងបណ្តោយជាង៧ គីឡូម៉ែត្រ ទទឹង៦០ម៉ែត្រ កំពុងសាងសង់ចេញពីក្បែរច្រកទ្វារក្អមអន្តរជាតិសំណ ស្រុកលើកដែក ឆ្ពោះទៅស្រុកកោះធំ។

ផ្លូវថ្មីមួយខ្សែទៀតមានប្រវែង៣២គីឡូម៉ែត្រ ទទឹង៥០ម៉ែត្រ ចេញពីស្រុកលើកដែក ឆ្ពោះទៅផ្លូវក្រវាត់ក្រុងទី៣ ឬចំណុចបំបែកផ្លូវលេខ១ ម្តុំខាងលិចស្ពានអ្នកលឿង។ ហើយបច្ចុប្បន្ននេះ ABB ក៏កំពុងសិក្សាកសាងផ្លូវប្រវែងជាង៥គីឡូម៉ែត្រ ទទឹង៥០ម៉ែត្រឆ្ពោះទៅស្រុកកោះធំមួយផ្សេងទៀតផងដែរ។

លោកបញ្ជាក់ថា “ការកសាងផ្លូវទាំងនេះ គឺជាសសៃឈាមសេដ្ឋកិច្ចដ៏សំខាន់ សម្រាប់តភ្ជាប់ការជញ្ជូនពីតំបន់មួយទៅតំបន់មួយ និងពីស្រុកមួយទៅស្រុកមួយ រហូតដល់ប្រទេសវៀតណាម តាមរយៈច្រកទ្វារអន្តរជាតិក្អមសំណហើយក៏ជាការឆ្លើយតបយ៉ាងសំខាន់ និងទាន់ពេលវេលាផងដែរ ខណៈដែលប្រទេសជាតិកំពុងមានការអភិវឌ្ឍរីកចម្រើនលើគ្រប់វិស័យ ពិសេសវិស័យកសិកម្មក្នុងតំបន់ ដែលកំពុងរីកលូតលាស់ និងដាំដុះយ៉ាងច្រើន ដូចជា ដំណាំពោត និងស្វាយជាដើម”។

លោកថា ការតភ្ជាប់សសៃឈាមគ្រប់ច្រកល្ហកនេះ ទៅថ្ងៃអនាគតដ៏ខ្លីខាងមុខ រំពឹងថាស្រុកលើកដែកនឹងក្លាយជាកូនក្រុងតូចមួយជាក់ជាមិនខាន។

ជាមួយគ្នានេះ លោកអភិបាលស្រុកបញ្ជាក់ថា ក្នុងពេលឆាប់ខាងមុខនេះ ឬយ៉ាងយូរមួយខែទៀត ស្រុកលើកដែក នឹងប្រកាសបើកច្រកទ្វារអន្តរជាតិក្អមសំណជាផ្លូវការ ជាមួយនឹងភាគីវៀតណាម ខណៈដែលច្រកទ្វារនេះ ទាំងផ្លូវគោក និងផ្លូវទឹកបានដំណើរការជាមួយមកហើយ តែមិនទាន់ពេញលេញនៅឡើយ ដោយសារតែខាងភាគីវៀតណាមមិនទាន់បានបើកជាច្រកអន្តរជាតិ។ លោកថា ការដែលមិនបានបើកជាច្រកអន្តរជាតិកន្លងមកនេះ ធ្វើឲ្យទំនិញចំនួនមិនអាចដឹកឆ្លងកាត់បានទេ។

លោកមានសុទិដ្ឋិនិយមដែរថា បន្ទាប់ពីកសាងផ្លូវខ្វាត់ខ្វែង និងបើកច្រកអន្តរជាតិពេញលេញនេះ នឹងផ្តល់ផលប្រយោជន៍ ច្រើនដល់ប្រជាជន និងប្រទេសទាំងពីរ និងធ្វើឱ្យទំនាក់ទំនងនៃប្រទេសទាំងពីរកាន់តែល្អប្រសើរថែមទៀត៕