The government has vowed to ramp up infrastructure projects in various regions this year to drive social and economic development throughout the country.

According to government spokesman Thanakorn Wangboonkongchana, related agencies have been instructed by Prime Minister Prayut Chan-o-cha to accelerate infrastructure projects to upgrade social and economic development in the provinces, increase the country’s logistics competitiveness, and raise local people’s income.

A total of 81.5 kilometres of rail infrastructure projects in six provinces are expected to get off the ground within the next few years, including light rail development in Khon Kaen, Phuket, Chiang Mai, Nakhon Ratchasima, Hat Yai and Phitsanulok.

According to Mr Thanakorn, the first phase of the Khon Kaen Light Rail Transit project (Samran-Tha Phra), at 26km in length, appears to have made the most progress.

Local organisations and the Khon Kaen Transit System Co (KKTS), a company set up and registered by five municipalities in Khon Kaen to operate the train project, signed a memorandum of understanding with the CKKM-CRRC Consortium on Nov 16 to handle the construction.

KKTS is expected to deliver construction areas to the consortium led by transport vehicle engineering company Cho Thavee Plc within one year.

Phuket’s 42km light rail project, running from Tha Noon in Phangnga province to the Chalong intersection in southern Phuket, is conducting environmental impact assessment (EIA) and public-private partnership (PPP) studies. The project aims to be operational by 2028.

According to Mr Thanakorn, the Mass Rapid Transit Authority is designing and implementing a PPP scheme for the 15.7km Red Line (Airport-Chiang Mai University-International Convention Centre) for Chiang Mai’s light rail.

The project is projected to be proposed to the cabinet in 2023 and start construction in 2024, with the start of operations likely by 2028, he said.

The Chiang Mai light rail development project comprises three routes, with a total length of 40.6km. The Red Line is the first slated for construction.

The 11.1km Blue Line is projected to run from Chiang Mai Zoo in the western portion of the city to Don Chan district in the south, while the Green Line spans 13.8km and runs from the city’s northeast area south to Chiang Mai airport.

Three other light rail projects in Nakhon Ratchasima, Phitsanulok and Hat Yai are awaiting EIA and PPP studies.

According to Mr Thanakorn, two high-speed rail projects with a combined 473km in length and a value of 404 billion baht are now under construction. They are the Bangkok-Nakhon Ratchasima high-speed railway (253km) and the high-speed railway linking three airports (220km).

One project awaiting cabinet approval is a 355km high-speed rail line worth 252 billion baht linking Nakhon Ratchasima and Nong Khai.

He said Bangkok has two mass transit projects scheduled to start operation this year: the Pink Line and the Yellow Line. Construction of the Khae Rai-Min Buri section of the 34.5km Pink Line is 82% complete, while the 30.3km monorail Yellow Line (Lat Phrao-Samrong) is at 88% completion as of November last year, said Mr Thanakorn.

Other mass transit projects under construction include the 22.5km Orange Line eastern section (Thailand Cultural Centre-Min Buri), which is 87% complete, he said.

Construction is projected to finish this year, while the 35.9km western Orange Line section spanning from Bang Khun Non to Min Buri is due to open bids for construction next year, said Mr Thanakorn. Both lines are scheduled to kick off in late 2024 or early 2025.

Deputy Prime Minister Supattanapong Punmeechaow said the government vows to implement 100 infrastructure projects worth 2 trillion baht in 2022, particularly those in the Eastern Economic Corridor, after investing in 160 development projects worth 1.5 trillion baht over the past six years.

Source: Bangkok Post

ដោយៈគង់ សូរិយា

ភ្នំពេញៈ ក្រុមហ៊ុនក្នុងស្រុកឈានមុខមួយ LSCG (Main Contractor) និងក្រុមហ៊ុននចិន SINOMACH – CHMC (Sub-Contractor) បានសម្រេចបោះទុនបន្ថែម ១៨ លានដុល្លារ ដើម្បីពង្រឹងការងារអភិវឌ្ឍបឹង៥០០ ដែលជាផ្នែកមួយនៃគម្រោង ព្រលានយន្តហោះអន្តរជាតិភ្នំពេញថ្មី។

ការបណ្តាក់ទុននេះ ជាការបន្ថែមទុនទៅលើកិច្ចសន្យា សហប្រតិបត្តិការមានស្រាប់រវាងក្រុមហ៊ុន LSCG និងក្រុមហ៊ុន OCIC កាលពីថ្ងៃទី៤ ខែមេសា ២០២១ កន្លងទៅ។

អគ្គនាយកក្រុមហ៊ុន LSCG លោកលី សុខឆាយបានឱ្យដឹងថា បច្ចុប្ប​ន្នឡានដឹកខ្នាតធំចំនួន៣០០គ្រឿង ក្បាលឡាន និងឡានខ្នាតយក្ស ពីសឹង្ហ​បុរី និង វៀតណាម (Muliti – Hydrolic Trailor & Prime Mover) បានត្រៀមរៀបចំរួចជាស្រេច សម្រាប់ប្រត្តិការខែប្រាំងខាងមុខនេះ”។

លើសពីនេះ លោកផ្ទាល់ក៏បានធ្វើដំណើរ ទៅកាន់ទីក្រុងប៉េកាំង សៀងហៃ សិង្ហបុរី និងវៀតណាម ចុះកុងត្រា ដើម្បីនាំយកបច្ចេវិទ្យា គ្រឿងចក្រទំនើបៗ និងម៉ាស៊ីនធុនធ្ងន់មកបន្ថែមទៀត ដើម្បីពន្លឿនការងារ៕

ដោយៈ សុធារី

កណ្តាលៈ ក្រោយពីរដ្ឋាភិបាលកូរ៉េខាងត្បូង បានប្រកាសនៅថ្ងៃទី៣ ខែមករា ឆ្នាំ ២០២២ សម្រេចជួយសាងសង់ស្ពានឆ្លងកាត់ទន្លេមេគង្គ ពីរាជធានីភ្នំពេញទៅស្វាយជ្រុំ អ្នកជំនាញមើលឃើញថា តម្លៃដីធ្លីនៅស្វាយជ្រុំ នឹងឡើងថ្លៃបន្ថែមទៀត ទោះបីជាដីនៅទីនោះ កំពុងតែឡើងថ្លៃស្រាប់ហើយក្តី។

ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា លោក ច្រឹក សុខនីមបានមានប្រសាសន៍ឲ្យដឹងកាលពីថ្ងៃទី៤ មករាកន្លងមកថា ដីនៅតំបន់ស្វាយជ្រុំ បានឡើងថ្លៃម្តងរួចមកហើយ កាលពីឆ្នាំមុន ក្រោយរាជរដ្ឋាភិបាលប្រកាស ពីគម្រោងសាងសង់ស្ពាន ឆ្លងកាត់ទន្លេមេគង្គពីភ្នំពេញតភ្ជាប់ទៅស្វាយជ្រុំ។

អ្នកជំនាញអចលនទ្រព្យរូបនេះបន្តថា “ប្រសិនបើគម្រោងសាងសង់ស្ពាននេះចេញជារូបរាង តម្លៃដីនៅតំបន់នេះ អាចនឹងឡើងថ្លៃបន្ថែមទៀត ពោលគឺគុណនឹងបី”។ លោកបន្តថា “តំបន់ស្វាយជ្រុំ និងកោះខ្យងវាហាក់ដូចជា ផ្នែកមួយនៃកោះពេជ្រជំនាន់ដើម។ ប្រសិនបើមានស្ពានកើតឡើងតម្លៃដីអាចនឹងផ្ទុះ សព្វថ្ងៃនេះតម្លៃ១ម៉ែត្រការ៉េចន្លោះពី៤០ ដុល្លារទៅ៥០ដុល្លារ និងតំបន់ខ្លះជាង១០០ដុល្លារ ហើយបើសិនជាស្ពានកើតឡើងមែន តម្លៃដីនឹងហក់ឡើងគុណនឹងពីរ ឬគុណនឹងបី”។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅក្នុងពិធីបើកការដ្ឋា​នស្តារ និងសាងសង់ផ្លូវលេខ៤៨កាលពីថ្ងៃទី៣ មករាកន្លងមកនេះបានមានមានប្រសាសន៍ថា តំបន់អរិយក្សត្រ នឹងក្លាយជាតំបន់ទីក្រុងរណបនិងជាតំបន់សេដ្ឋកិច្ចមួយដ៏សំខាន់។

លោក ផាក ហ៊ឹងឃ្យុង ឯកអគ្គរដ្ឋទូតកូរ៉េខាងត្បូងប្រចាំកម្ពុជាបានឱ្យដឹងនៅក្នុងពិធីបើកការដ្ឋានគម្រោងសាងសង់ លើកកម្រិតគុណភាព ផ្លូវជា​តិលេខ៤៨ កាលពីថ្ងៃទី៣ ខែមករាថា ស្ពានមិត្តភាពកម្ពុជា-កូរ៉េ នឹងចូលរួមធ្វើឱ្យប្រសើរឡើង នូវលំហូរចរាចរណ៍ក្នុងទីក្រុងភ្នំពេញ និងមានមុខងារជាក់ស្តែងជា Landmark សម្រាប់វិស័យទេសចរណ៍រាជធានីភ្នំពេញ ហើយថែមទាំងក្លាយទៅជានិមិត្តរូបនៃការបន្ត និងពង្រឹងចំណងមិត្តភាពរវាងកូរ៉េ និងប្រជាជនកម្ពុជាផងដែរ៕

ដោយៈវឌ្ឈនៈ

ភ្នំពេញៈ អគារការិយាល័យជួលស្តង់ដារ នៅក្នុងប្រទេសកម្ពុជាកាន់តែមានសន្ទុះងើបឡើងជាបន្តបន្ទាប់ ជាពិសេសការិយាល័យកម្រិត B និង C ដោយភាគច្រើនកម្រិតទាំងនេះ គឺមានតម្រូវការខ្លាំងពីម្ចាស់ក្រុមហ៊ុននិងអាជីវកម្មក្នុងស្រុក។

ដោយឡែកតម្រូវការការិយាល័យកម្រិត A ក្នុងប្រទេសកម្ពុជាមិនទាន់មានច្រើនទេ តែសម្រាប់ឆ្នាំ២០២២នេះ អ្នកជំនាញរំពឹងថា ការិយាល័យកម្រិត A និង B នឹងមានកំណើនខ្ពស់។

លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាបានឱ្យដឹងថា ការផ្គត់ផ្គង់ការិយាល័យ នៅក្នុងឆ្នាំ២០២២នេះ និងឆ្នាំបន្តបន្ទាប់ទៀត ជាទីផ្សារដែលមានសក្ដានុពល ជាពិសេសកម្រិត B និងកម្រិត C ដើម្បីឆ្លើយតប និងបំពេញតម្រូវការប្រើប្រាស់ របស់ម្ចាស់ក្រុមហ៊ុនអាជីវកម្ម ដែលទើបចាប់ផ្ដើមក្រុមហ៊ុនថ្មីៗ ។ ក្រៅពីនេះ ម្ចាស់ក្រុមហ៊ុនមួយចំនួនទៀត ដែលធ្លាប់ប្រើប្រាស់ការិយាល័យជាផ្ទះល្វែង ផ្ទះវីឡា ទៅប្រើប្រាស់អគារការិយាល័យ ដែលមានកម្រិតស្តង់ដារគុណភាពខ្ពស់។

លោកបន្តថា “បច្ចុប្បន្ននេះ ការផ្គត់ផ្គង់ការិយាល័យកម្រិត B&C មានតិចណាស់ ខណៈតម្រូវការមានច្រើន។ ចំណែកកម្រិត A វិញ មិនទាន់មានតម្រូវការច្រើននោះទេ ដោយសារវាមានតម្លៃខ្ពស់ ពិបាកសម្រាប់ម្ចាស់អាជីវកម្មទើបនឹងចាប់ផ្ដើមដំបូង”។

ចំណែកលោកខេន ឡូ អ្នកជំនាញ នៃវិស័យអចលនទ្រព្យមួយរូបក្នុងប្រទេសកម្ពុជាបានមានប្រសាសន៍ថា ឆ្នាំ២០២២នេះ លំហូរវិនិយោគិនបរទេសនឹងចូលមកកម្ពុជាវិញ បើសិនជាស្ថានភាពកូវីដ១៩ ប្រភេទអូមីក្រុងនេះមិនរាលដាលខ្លាំង ហើយនៅពេលលំហូរវិនិយោគិនបរទេសចូលមកកម្ពុជាច្រើន ពេលនោះតម្រូវការនៃការិយាល័យ សម្រាប់ជួលរបស់ក្រុមហ៊ុនានានឹងមានកំណើន។

លោកបន្តថា “វិនិយោគិនបរទេស គេនឹងរកការិយាល័យណាដែលមានស្តង់ដារខ្ពស់ ដូច្នេះការិយាល័យកម្រិត A និង B នឹងមានសក្ដានុពលនៅមានលំហូរវិនិយោគិនចូលកម្ពុជាកាន់តែច្រើន ជាពិសេសចាប់ពីឆ្នាំ២០២២ទៅ”៕

ដោយៈសុខុម

បាងកក: រដ្ឋាភិបាលថៃ បានប្តេជ្ញាបង្កើនការវិនិយោគ លើគម្រោងហេដ្ឋារចនាសម្ព័ន្ធ ក្នុងតំបន់ផ្សេងៗនៅឆ្នាំ២០២២ នេះដើម្បីជំរុញការអភិវឌ្ឍសង្គម និងសេដ្ឋកិច្ចទូទាំងប្រទេស។ នេះបើយោងតាមកាសែត Bangkok Post ចុះផ្សាយកាលពីថ្ងៃអង្គារ ទី៤ មករា។

យោងតាមលោក Thanakorn Wangboonkongchana អ្នកនាំពាក្យរដ្ឋាភិបាលថៃឱ្យដឹងថា ទីភ្នាក់ងារពាក់ព័ន្ធនានា ត្រូវបានលោកនាយករដ្ឋម ន្ត្រីប្រាយុទ្ធ ចាន់អូចា ណែនាំឱ្យពន្លឿនគម្រោងហេដ្ឋារចនាសម្ព័ន្ធនានាដើម្បីលើកកម្ពស់ការអភិវឌ្ឍសង្គម និងសេដ្ឋកិច្ចក្នុងបណ្ដាខេត្ត បង្កើនការប្រកួតប្រជែងផ្នែកដឹកជញ្ជូន និងបង្កើនប្រាក់ចំណូលរបស់ប្រជាជនមូលដ្ឋាន។

តាមការរំពឹងទុក គម្រោងហេដ្ឋារចនាសម្ព័ន្ធផ្លូវដែក ដែលមានប្រវែងសរុប៨១,៥គីឡូម៉ែត្រក្នុងខេត្តចំនួន៦ នឹងចាប់ផ្ដើមដំណើរការក្នុងរយៈពេ​លប៉ុន្មានឆ្នាំខាងមុខ ដោយរួមទាំងការអភិវឌ្ឍផ្លូវដែកនៅខុនគែន (Khon Kaen) ភូកេត (Phuket) ឈៀងមៃ (Chiang Mai) នគររាជសីម៉ា (Nakhon Ratchasima) ហាតយ៉ៃ (Hat Yai) និងភីតសានូលូក (Phitsanulok) ផងដែរ។

អ្នកនាំពាក្យដដែលលើកឡើងថា ដំណាក់កាលដំបូងនៃគម្រោងផ្លូវដែក Khon Kaen Light Rail Transit ប្រវែង២៦គីឡូម៉ែត្រហាក់មានការរីកចម្រើនខ្លាំងជាងគេ។

គម្រោងផ្លូវដែកប្រវែង៤២គីឡូម៉ែត្រនៅភូកេត កំពុងស្ថិតក្នុងដំណាក់កាលវាយតម្លៃផលប៉ះពាល់បរិស្ថាន (EIA) និងការសិក្សាចាប់ដៃគូសហការរវាងវិស័យរដ្ឋ និងឯកជន (PPP) នៅឡើយ។ គម្រោងនេះគ្រោងដាក់ ឱ្យដំណើរការនៅត្រឹមឆ្នាំ២០២៨។

លោក Thanakorn Wangboonkongchana ថ្លែងថា អាជ្ញាធរផ្លូវដែកកំពុងរៀបចំ និងអនុវត្តគម្រោងPPP សម្រាប់ផ្លូវដែក Red Line ប្រវែង១៥,៧គីឡូម៉ែត្រនៅឈៀងម៉ៃ។ លោកបន្ថែមទៀតថា គម្រោងនេះគ្រោងនឹងដាក់ស្នើ ទៅគណៈរដ្ឋមន្ត្រីនៅឆ្នាំ២០២៣ ហើយនឹងចាប់ផ្តើមការស្ថាបនានៅឆ្នាំ២០២៤ ដោយទំនងជាចាប់ផ្តើមដំណើរការនៅឆ្នាំ២០២៨។

គម្រោងអភិវឌ្ឍន៍ផ្លូវដែកឈៀងម៉ៃ មានផ្លូវចំនួន៣ខ្សែដែលមានប្រវែងសរុប៤០,៦ គីឡូម៉ែត្រ។ ខ្សែ Red Line គ្រោងចាប់ផ្ដើមដំណើរការស្ថាបនាមុនគេ ហើយនឹងដំណើរការខ្សែបន្តបន្ទាប់ទៀត។

ឧបនាយករដ្ឋមន្ត្រី Supattanapong Punmeechaow បានគូសបញ្ជាក់ថា រដ្ឋាភិបាលប្តេជ្ញាអនុវត្តន៍ គម្រោងហេដ្ឋារចនាសម្ព័ន្ធចំនួន១០០គម្រោង ជាមួយនឹងទំហំទុនវិនិយោគរហូត ដល់ទៅ២ទ្រីលានបាត (៦០ពាន់លានដុល្លារអាមេរិក) នៅឆ្នាំ២០២២នេះ ជាពិសេសគម្រោងនានាដែលស្ថិតនៅច្រករបៀង សេដ្ឋកិច្ចភាគខាងកើត បន្ទាប់ពីបានវិនិយោគលើគម្រោងអភិវឌ្ឍន៍ចំនួន១៦០គម្រោង ដែលសរុបជាទឹកប្រាក់អស់១,៥ទ្រីលានបាត (៤៥ពាន់លានដុល្លារអាមេរិក) ក្នុងរយៈពេល៦ឆ្នាំកន្លងមកនេះ៕ Bangkok Post៕

ដោយៈសុផារី

ភ្នំពេញៈ រដ្ឋាភិបាលគ្រោងសាងសង់ស្ពានថ្មីមួយទៀត ឆ្លងកាត់ទន្លេបាសាក់ គឺស្ពានព្រែកតាឡុង ភ្ជាប់ពីរាជធានីភ្នំពេញ ត្រង់ទីតាំងចាក់អង្រែក្រោម ទៅកាន់ភូមិព្រែកប្រា ដោយគម្រោងនេះសាងសង់ដោយក្រុមហ៊ុន Shanghai Construction Group Co.,Ltd. (SCG)។

រដ្ឋលេខាធិការក្រសួងសាងធារណៈការ និងដឹកជញ្ជូន លោកលឹម ស៊ីដេនីន បានបើកកិច្ចប្រជុំពិភាក្សាលើវឌ្ឍនភាព នៃគម្រោងសាងសង់ស្ពាននេះ ដោយមានការចូល រួមពីក្រុមការងារជំនាញបច្ចេកទេសក្រុមហ៊ុន Shanghai Construction Group Co.,Ltd. (SCG) ក្នុងកិច្ចប្រជុំពិភាក្សាគម្រោងនេះ នៅក្នុងថ្ងៃទី៤ ខែមករា ឆ្នាំ២០២២ លោក លឹម ស៊ីដេនីន បានធ្វើការពិនិត្យ ទៅលើរបាយការណ៍សិក្សាសមិទ្ធិលទ្ធភាព របស់ក្រុមការងារជំនាញបច្ចេកទេសរបស់ក្រុមហ៊ុន Shanghai Construction Group Co., Ltd. (SCG) ដោយផ្តោតជាសំខាន់លើការរចនាប្លង់លម្អិតនៃគម្រោង កំណើនលំហូរចរាចរណ៍បច្ចុប្បន្ន និងលំហូរចរា​ចរណ៍ ព្យាករណ៍ក្នុងពេលអនាគត បណ្តាញផ្លូវតភ្ជាប់សងខាងស្ពានជាមួយនឹងបណ្តាញផ្លូវពាក់ព័ន្ធចំណុចប្រសព្វ តម្លៃប៉ាន់ស្មានសរុបលើគម្រោងសាងសង់ ជម្រើសរចនាប្លង់លម្អិត និងបទដ្ឋានបច្ចេកទេសនៃការ សាងសង់ផងដែរ។

ទោះយ៉ាងណាក្តី របាយការណ៍នេះកំពុងស្ថិតក្នុងជំហាន កែសម្រួលកាន់តែមានភាពប្រសើរឡើង ដើម្បីដាក់ជូនថ្នាក់ដឹកនាំពិនិត្យបន្ត។

បើតាមការអះអាងរបស់ក្រសួងសាធារណការ និងដឹកជញ្ជូន គម្រោងសាងសង់ស្ពាននេះ នឹងជួយកាត់បន្ថយការកកស្ទះចរាចរណ៍ ធ្វើដំណើរឆ្លង កាត់ស្ពានព្រះមុនីវង្ស ឆ្លងកាត់ទន្លេបាសាក់ ភ្ជាប់ផ្លូវជាតិលេខ១នៅច្បារអំពៅ ជួយពង្រឹងដល់ទំនាក់ទំនង សេដ្ឋកិច្ចសង្គម រវាងរាជធានីភ្នំពេញប៉ែកខាងត្បូង ព្រលានយន្តហោះអន្តរជាតិភ្នំពេញថ្មី ទីក្រុងតាខ្មៅ ជាពិសេសធ្វើឱ្យប្រសើរឡើង ដល់ប្រសិទ្ធភាពនៃការដឹកជញ្ជូន និងភស្តុភារកម្មនៅក្នុងតំបន់រាជធានីភ្នំពេញ សំដៅជំរុញការអភិវឌ្ឍសេដ្ឋកិច្ច សង្គមរបស់កម្ពុជា ជួយកាត់បន្ថយ ការកកស្ទះចរាចរណ៍នៅតាមដងទន្លេបាសាក់ និងជួយព ន្លឿនការអភិវឌ្ឍតំបន់នោះផងដែរ។

ទោះយ៉ាងណា ក្រសួងសំណូមពររក្សាទុកឱ្យបានធំទូលាយ នូវចន្លោះទទឹងសរសរស្ពានរំលងផ្លូវជាតិលេខ២ និងផ្លូវលេខ១១០ ការរក្សាទុកឱ្យបានគ្រប់គ្រាន់នូវកម្រិត លំហរសម្រាប់នាវាចរណ៍ឆ្លងកាត់ ពីក្រោមស្ពាន ការសិក្សាពាក់ព័ន្ធទាំងបច្ចេកទេស សេដ្ឋកិច្ច និងបរិស្ថាន និងការស្នើសុំជ្រើសរើសស្ពាន ដែលមានសោភ័ណភាពសម្រាប់ទីក្រុងភ្នំពេញជាដើម៕

ដោយៈ សុផារី

ភ្នំពេញៈ ក្រុមហ៊ុនអានកូ អាហរ័ណ នីហរ័ណ នឹងធ្វើការវិនិយោគលើគម្រោងពហុបំណងលើផ្ទៃដី ទំហំជាង៦១៤៥ហិកតា ក្នុងឧទ្យានជាតិបទុមសាគរនៃខេត្តកោះកុង បន្ទាប់ពីទទួលបានភ្លើងខៀវពីអាជ្ញាធរខេត្ត ដើម្បីទាក់ទាញវិនិយោគិនជាតិ និងអន្តរជាតិ ឱ្យធ្វើដំណើរទៅកាន់ខេត្តនេះកាន់​តែច្រើន។

លោក អ៊ុក ភក្ត្រា អភិបាលរងខេត្តកោះកុងបានមានប្រសាសន៍ថា គម្រោងនេះត្រូវបានស្រុកទាំង២ គឺស្រុកបទុមសាគរ និងស្រុកគិរីសាគរ ព្រ​មទាំងរដ្ឋបាលខេត្ត និងក្រសួងបរិស្ថានឯកភាពគ្នារួចហើយ ប៉ុន្តែលោកមិនទាន់ដឹងថា ក្រុមហ៊ុននឹងចាប់ផ្តើមដំណើរការសាងសង់ ឬអភិវឌ្ឍនៅពេលណា និងចំណាយទុនវិនិយោគប៉ុន្មាននោះទេ។

លោកបន្តថា “គម្រោងពហុបំណងដែលក្រុមហ៊ុនដាក់ចេញ សម្រាប់ធ្វើការអភិវឌ្ឍនេះនឹងផ្តោតសំខាន់ ទៅលើការសាងសង់សណ្ឋាគារលំដាប់ផ្កាយ៥ មណ្ឌលកម្សាន្ត រមណីយដ្ឋាន និងរៀបចំទៅជាកន្លែងសម្រាប់បម្រើឱ្យការវិនិយោគ និងទេសចរណ៍រួមជាមួយគម្រោងជាច្រើនទៀត”។

បើតាមលោក អ៊ុក ភក្ត្រា នេះគ្រាន់តែជាការឯកភាពគ្នារបស់ថ្នាក់ស្រុក ខេត្ត និងក្រសួងបរិស្ថានប៉ុណ្ណោះ បន្ទាប់ពីចុះត្រួតពិនិត្យជាក់ស្តែងចំពោះទំហំដី និងទីតាំងត្រូវវិនិយោគ កាលពីថ្ងៃទី ២៩ ខែធ្នូ ឆ្នាំ ២០២១ ប៉ុន្តែមិនទាន់មានការឯកភាពពីរាជរដ្ឋាភិបាលនៅឡើយទេ។

លោកថ្លែងថា “គម្រោងនេះ នឹងលើកស្ទួយសេដ្ឋកិច្ចជាតិ។ ប្រជាពល​រដ្ឋនៅមូលដ្ឋាន ក៏នឹងទទួលបាននូវផលប្រយោជន៍ ពីគម្រោងនេះផងដែរ”។ លោកបន្តថា “មិនថាវិនិយោគនៅក្រៅស្រុក ឬក្នុងស្រុកទេឱ្យតែមកវិនិយោគពិតប្រាកដ គឺជាភាពជោគជ័យមួយហើយសម្រាប់ខេត្ត ហើយវាក៏បានជួយអភិវឌ្ឍខេត្តផងដែរ”។

លោកអ៊ុក ភក្ត្រា នៅក្នុងតំបន់នេះ ក៏មានគម្រោងវិនិយោគធំៗបានបង្ហាញខ្លួនជាច្រើនផងដែរ ដូចជា ព្រលានយន្តហោះតារាសាគរកម្រិត 4E កំពង់ផែទឹកជ្រៅ ផ្លូវជាតិលេខ៤៨ ផ្លូវជាតិលេខ១០ រួមទាំងគម្រោងអភិវឌ្ឍន៍ដ៏សន្ធឹកសន្ធាប់ផ្សេងទៀត។

ទោះយ៉ាងណាក្តី លោកមានប្រសាសន៍ថា រដ្ឋបាលខេត្តស្នើឱ្យក្រុមហ៊ុនអនុវត្តការងារ ឳ្យស្របទៅនឹងច្បាប់ស្តីពីការវិនិយោគ និងគោលការណ៍នានា ដែលរាជរដ្ឋាភិបាលបានអនុញ្ញាតជូនក្រុមហ៊ុន ហើយត្រូវសិក្សាផលប៉ះពាល់នៃគម្រោងឱ្យបានច្បាស់លាស់ ពិសេសលើផលប៉ះពាល់បរិស្ថាន និងសង្គមពេញលេញ ធានាថាគម្រោងវិនិយោគនេះនឹងគ្មាន រឺមានផលប៉ះពាល់អវិជ្ជមានកម្រិតទាបបំផុត ទៅលើបរិស្ថាន និងការរស់នៅរបស់ប្រជាជនក្នុងតំបន់៕