រាជធានីភ្នំពេញ៖ ដើម្បីបំពេញតម្រូវការរបស់អតិថិជនសម្រាប់ការចាប់ផ្ដើមឆ្នាំថ្មី ឆ្នាំ២០២២ នេះ បុរី ប៉េង ហួត បានរៀបចំការផ្ដល់ជូនដ៏វិសេសវិសាលជាមួយម៉ូដផ្ទះថ្មី គឺ វីឡាភ្លោះ ម៉ូដឺន ដោយតម្លៃចាប់ពីជាង ២០ម៉ឺនដុល្លារឡើងទៅ ស្ថិតក្នុងគម្រោងដែលមានទីតាំងសក្ដានុពល និងចរន្តពាណិជ្ជកម្មកុះករ ព្រមជាមួយគោលការណ៍បង់ច្រើនជម្រើស សម្រួលដល់លទ្ធភាពរបស់អតិថិជន។

អ្វីដែលមិនធ្លាប់មានសម្រាប់ការផ្ដល់ជូននេះ គឺអតិថិជនអាចជ្រើសរើសគោលការណ៍បង់រំលស់រហូតដល់ ១០០% តែម្ដងជាមួយធនាគារដៃគូសហការរបស់បុរី ប៉េង ហួត ព្រមទាំងទទួលបានការបញ្ចុះតម្លៃបន្ថែមសម្រាប់ជម្រើសរំលស់សុទ្ធនេះទៀតផង។ ការផ្ដល់ជូននេះមានសុពលភាពត្រឹមតែដំណាច់ខែមករានេះតែប៉ុណ្ណោះ។

សូមជម្រាបថា វីឡាភ្លោះម៉ូដឺន ម៉ូដថ្មីនេះទើបតែបើកលក់កាលពីចុងឆ្នាំ២០២១ ហើយមានការចាប់អារម្មណ៍យ៉ាងច្រើនពីអតិថិជនគ្រប់ស្រទាប់វណ្ណៈ ដោយសារលក្ខណៈពិសេជាច្រើនដូចជា ជាវីឡាប្រភេទម៉ូដឺនចុងក្រោយគេ មានម៉ូដទាន់សម័យ សំណង់និងសោភ័ណភាពល្អឥតខ្ចោះ​ បំពាក់គ្រឿងសង្ហារិមទំនើបៗ ស័ក្ដិសមបំផុតសម្រាប់គ្រួសារទំហំតូច ឬកណ្ដាលដែលមានសមាជិកមិនសូវច្រើន ជាមួយភាពឯកជននៃរបងខណ្ឌដាច់ ងាយស្រួលក្នុងការជួបជុំផ្សេងៗ។ ចង់ជ្រាបពីរចនាបទ និងភាពទាក់ទាញនៃវីឡាភ្លោះម៉ូដឺន សូមទស្សនាវីដេអូខាងក្រោម៖

https://www.youtube.com/watch?v=MU_RrkP_zlI

ដោយ៖ សុខុម

ចិន: ក្រុមអ្នកវិនិយោគលើសញ្ញាប័ណ្ណ ឬ ប័ណ្ណបំណុល ដែលបោះផ្សាយដោយក្រុមហ៊ុនអភិវឌ្ឍន៍អចលនទ្រព្យចិន Evergrande បានផ្ទុះការតវ៉ានៅខាងក្រៅការិយាល័យនានារបស់ក្រុមហ៊ុន ដែលមានវិបត្តិសាច់ប្រាក់មួយនេះ នៅក្រុងគ័ងចូវ (Guangzhou) ប្រទេសចិននៅថ្ងៃអង្គារ ទី៤ ខែមករានេះ។

ការតវ៉ានេះបានផ្ទុះឡើង នៅពេលក្រុមអ្នកវិនិយោគបារម្ភខ្លាចប្រាក់ចំណេញរបស់ខ្លួននឹងត្រូវលះបង់ ដើម្បីតែរក្សាគម្រោងអចលនទ្រព្យរបស់ក្រុមហ៊ុនឱ្យបន្ដដំណើរការទៅមុខដោយរលូន។

ក្រុមអ្នកតវ៉ាប្រមាណ១០០នាក់ខាងលើនេះបានស្រែកបន្ទរថា “ក្រុមហ៊ុន Evergrande ឆាប់ប្រគល់ប្រាក់មកឱ្យពួកយើងវិញមក!”។ ការតវ៉ានេះបានកើតឡើង ក្រោយពីក្រុមវិយោគិន និងអ្នកផ្គត់ផ្គង់បានផ្ទុះការតវ៉ាស្រដៀងគ្នានេះកាលពីរដូវស្លឹកឈើជ្រុះកន្លងទៅ នៅពេលវិបត្តិហិរញ្ញវត្ថុរបស់ក្រុមហ៊ុននេះលេចចេញកាន់តែច្បាស់។

កាលពីថ្ងៃទី៣១ ខែធ្នូ ក្រុមហ៊ុន Evergrande បានប្រកាសផែនការទូទាត់សងប្រាក់អ្នកដែលបានវិនិយោគលើសញ្ញាប័ណ្ណរបស់ខ្លួន ដោយប្រកាសថា អ្នកវិនិយោគម្នាក់ៗអាចទទួលបានការទូទាត់ប្រាក់ដើមចំនួន១.២៥៦ដុល្លារអាមមេរិក ក្នុងមួយខែសម្រាប់រយៈពេល៣ខែ ចាប់ពីខែមករា ដើមឆ្នាំ២០២២ តទៅ ដោយមិនគិតពីពេល ដែលការវិនិយោគរបស់ពួកគេដល់ពេលត្រូវទទួលផលនោះឡើយ។

ក្រុមហ៊ុន Evergrande ធ្លាប់តែជាក្រុមហ៊ុនអភិវឌ្ឍន៍អចលនទ្រព្យដែលលក់គម្រោងដាច់បំផុតរបស់ប្រទេសចិន ប៉ុន្តែពេលនេះកំពុងតែជាប់បំណុលគរដូចភ្នំរហូតដល់ទៅជាង៣០០ពាន់លានដុល្លារអាមេរិក។ នៅមុននេះ ក្រុមហ៊ុន Evergrande បានព្រមព្រៀងទូទាត់សងបំណុល១០%របស់ខ្លួននៅត្រឹមដំណាច់ខែធ្នូ នៅពេលសញ្ញាប័ណ្ណដល់ថ្ងៃដែលត្រូវទូទាត់សង ប៉ុន្តែមិនបានបញ្ជាក់ពីចំនួនទឹកប្រាក់ដែលត្រូវទូទាត់សងនោះឡើយ ហើយការខកខានមិនបានទូទាត់សងតាមការសន្យាបានធ្វើឱ្យឱ្យក្រុមវិនិយោគិនភ័យខ្លាចថា ពួកគេមិនអាចទទួលបានប្រាក់របស់ខ្លួនត្រឡប់មកវិញ ទើបបានជាផ្ទុះការតវ៉ាជាថ្មីម្ដងទៀតបែបនេះ៕

ដោយ៖ វឌ្ឍនៈ

ភ្នំពេញ៖ ក្រុមហ៊ុនរុករករ៉ែមាសចំនួន ៤ទៀតគ្រោងនឹងបើកដំណើរការធ្វើអាជីវកម្មចម្រាញ់រ៉ែមាសនៅឆ្នាំ ២០២២នេះ បន្ទាប់ពីរោងចក្រលើកដំបូងរបស់អូស្ត្រាលី បានបើកដំណើរការកាលពីខែមិថុនាកន្លងទៅ នៅក្នុងខេត្តមណ្ឌលគិរី។

លោក អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ នៃក្រសួងរ៉ែ និងថាមពល បានមានប្រសាសន៍ថា នៅឆ្នាំ២០២២នេះ នឹងមានក្រុមហ៊ុនរុករករ៉ែមាសចំនួន៤ទៀត នឹងចាប់ផ្តើមធ្វើអាជីវកម្មចម្រាញ់រ៉ែមាសជាផ្លូវការរបស់ខ្លួន ដែលក្នុងនោះ៣ក្រុមហ៊ុនត្រូវបានវិនិយោគដោយក្រុមហ៊ុនចិន មានទីតាំងនៅខេត្តព្រះវិហារ ក្រចេះ និងមណ្ឌលគិរី នឹងចាប់ផ្តើមនៅក្នុងឆ្នាំ២០២២ និងមួយទៀតជាក្រុមហ៊ុនឥណ្ឌា Mesco Gold ដែលមានទីតាំងនៅខេត្តរតនគិរីនឹងអាចចាប់ផ្តើមនៅចុងឆ្នាំនេះ។

លោកបញ្ជាក់ថា ការចាប់ផ្តើមការធ្វើអាជីវកម្មរ៉ែមាសរបស់ក្រុមហ៊ុនទាំងនេះ នឹងចូលរួមចំណែកដល់ការអភិវឌ្ឍសេដ្ឋកិច្ច និងសង្គមនៅកម្ពុជា តាមរយៈរាជរដ្ឋាភិបាលទទួលបានចំណូលពីសួយសារ និងពន្ធអាករផ្សេងៗ និងបង្កើតការងារដល់ប្រជាពលរដ្ឋនៅក្នុងស្រុក។

លោកលើកឡើងថា តាមការប៉ាន់ស្មានសក្តានុពលធនធានរ៉ែមាសនៅតំបន់វិនិយោគរបស់ក្រុមហ៊ុនទាំងនេះ មានទំហំតិចជាង គម្រោងវិនិយោគរបស់ក្រុមហ៊ុនអូស្ត្រាលីស្ថិតនៅតំបន់អូរខ្វាវ ខេត្តមណ្ឌលគិរី ដែលកំពុងធ្វើអាជីវកម្មសព្វថ្ងៃនេះ។

ក្រុមហ៊ុន រ៉ឺនេសង់ មីនើរ៉ល (ខេមបូឌា) លីមីធីត គឺជាក្រុមហ៊ុនមួយរបស់អូស្ត្រាលី ដែលទទួលបានអាជ្ញាប័ណ្ណរុករករ៉ែមាស ពីក្រសួងរ៉ែ និងថាមពល អាចផលិតមាសបាន ប្រមាណ ៣តោន ក្នុងមួយឆ្នាំ សម្រាប់រយៈពេល ៨ឆ្នាំដំបូង។ ក្រុមហ៊ុននេះ កំពុងដំណើរការអភិវឌ្ឍន៍រ៉ែមាស ស្ថិតនៅក្នុងតំបន់អូខ្វាវ ក្នុងស្រុកកែវសីមា ខេត្តមណ្ឌលគិរី។

រោងចក្រនេះ បានសម្ពោធដាក់ឲ្យដំណើរការជាផ្លូវការនូវការដ្ឋានអាជីវកម្ម និងរោងចក្រចម្រាញ់រ៉ែមាស កាលពីថ្ងៃទី ២១ខែមិថុនា ឆ្នាំ ២០២១ ហើយជាមួយគ្នានោះក្រុមហ៊ុននេះ ក៏បានស្លចម្រាញ់រ៉ែមាស ចាក់ដុំមាស និងបោះត្រាសម្គាល់លើដុំមាស (Gold Dore) ទី១របស់ខ្លួនផងដែរ។

សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានមានប្រសាសន៍ថា រ៉ែមាស ដែលក្រុមហ៊ុនធ្វើអាជីវកម្មនេះ នឹងផ្តល់ផលប្រយោជន៍ ជាចំណូលដុលជាមធ្យមប្រមាណ១៨៥លានដុល្លារក្នុងមួយឆ្នាំ ដែលក្នុងនោះចំណូលថវិកាជាតិពីសួយសារ និងសារពើពន្ធផ្សេងៗ ជាមធ្យមប្រមាណ៤០លានដុល្លារ ក្នុងមួយឆ្នាំ។ សម្តេចតេជោ បានបញ្ជាក់ទៀតថា ថវិកាទាំងនេះ នឹងត្រូវយកមកប្រើប្រាស់ក្នុងចរន្តថវិកាជាតិ ដើម្បីអភិវឌ្ឍសេដ្ឋកិច្ច និងសង្គម៕

ដោយ៖ វឌ្ឍនៈ

ភ្នំពេញ៖ ការផ្ដល់កម្ចីសម្រាប់ទិញលំនៅឋានពីសំណាក់ធនាគារនៅក្នុងប្រទេសកម្ពុជាកំពុងមានទំនោរកើនឡើង ពីមួយឆ្នាំទៅមួយឆ្នាំ ខណៈកាលពីមុនអ្នកទិញលំនៅឋានត្រូវមានសាច់ប្រាក់សុទ្ធ ឬបង់រំសល់ជាមួយនឹងអ្នកអភិវឌ្ឍន៍លំនៅឋានផ្ទាល់។

លោក ខេន ឡូ អគ្គនាយកក្រុមហ៊ុនអចលនទ្រព្យ Century 21 Imperial Realty បានឱ្យដឹងថា ប្រជាពលរដ្ឋកម្ពុជាមួយចំនួនធំដែលបានទិញលំនៅឋាននៅពេលបច្ចុប្បន្ននេះ ចាប់ផ្ដើមយល់ច្បាស់ពីហិរញ្ញវត្ថុ ដោយពួកគាត់មានប្រាក់ត្រឹមតែ២០ឬ៣០ភាគរយ ហើយទៅរកកម្ចីពីធនាគារដើម្បីមកទិញលំនៅឋាន និងបង់រំលស់វិញទៅកាន់ធនាគារ ដែលធ្វើឱ្យទំនោរនៃការទិញ លំនៅឋាន ដោយប្រើប្រាស់ប្រព័ន្ធធនាគារកាន់តែមានកំណើន។

លោកបន្តថា ការទិញលំនៅឋានដោយប្រើប្រាស់សាច់ប្រាក់មួយចំណែក និងប្រើប្រាស់កម្ចីធនាគារ គឺធ្វើឱ្យពួកគាត់មានសាច់ប្រាក់មួយចំនួនដើម្បីទុកធ្វើអាជីវកម្មឬបង្កើតអាជីវកម្ម ជាជាងយកសាច់ប្រាក់ទាំងដុលរបស់ខ្លួនទៅទិញផ្ទះ ហើយមិនមានប្រាក់នៅសល់ ដើម្បីបង្កើតអាជីវកម្មឬមុខរបរដើម្បីបង្កើនចំណូល។

របាយការណ៍របស់ធនាគារជាតិនៃកម្ពុជាបានបង្ហាញផងដែរថា គិតត្រឹមត្រីមាសទី៣នៃឆ្នាំ២០២១ គ្រឹះស្ថានធនាគារនិងហិរញ្ញវត្ថុ មានចំនួន៤៤,៩ពាន់លានដុល្លារអាមេរិក មានកំណើន២៣ភាគរយ ធៀបនឹងរយៈពេលដូចគ្នាក្នុងឆ្នាំមុន ដោយឡែកកម្ចីនៅក្នុងវិស័យសំណង់ មានទឹកប្រាក់១១,៥ពាន់លានដុល្លារអាមេរិក និងការផ្ដល់កម្ចីសម្រាប់គ្រួសារមានទឹកប្រាក់ប្រមាណ៤,៧ពាន់លានដុល្លារមានកំណើនចំនួន២,៨ភាគរយ។

ដោយ៖ សុផារី

ភ្នំពេញ៖ ទោះបីជាកូវីដនៅតែបន្តវាយលុកលើសេដ្ឋកិច្ចជាតិ ប៉ុន្តែវិស័យសំណង់កម្ពុជានៅតែដំណើរការទៅមុខយ៉ាងរលូន ចំណែកប្រជាជនកម្ពុជានៅតែមានលទ្ធភាពក្នុងការទិញផ្ទះ។ អ្នកជំនាញផ្នែកអចលនទ្រព្យ និងជាប្រធានក្រុមហ៊ុន KW Cambodia លោកបណ្ឌិត គីម ហ៊ាង មើលឃើញថា ដោយសារការទម្លាប់នៃការទុកដាក់លុយកាក់របស់ប្រជាជនកម្ពុជាយើង នាំឱ្យចរន្តនៃការទិញលក់ផ្ទះនៅតែដំណើរការទៅយ៉ាងរលូន។

លោកបណ្ឌិតបានមានប្រសាសន៍ថា ដោយសារនៅក្នុងប្រទេសកម្ពុជាយើង អ្នកមានភាគច្រើនមិនសូវប្រើប្រាស់សេវាកម្មធនាគារទេ។ ទម្លាប់នៃការប្រើប្រាស់លុយសុទ្ធបែបនេះ នាំឱ្យពូកគាត់មានលុយតែម្ដងនិងមានលុយសន្សំច្រើន។ នៅពេលដែលកូវីដ១៩កើតឡើង វាប៉ះពាល់ពិតមែន តែមិនធ្វើឱ្យប៉ះពាល់រហូតដល់ធ្វើឱ្យគាត់ដាច់បាយឡើយ។ វាធ្វើឱ្យអ្នកមានខ្លាំងចាយលុយតិចជាងមុន អ្នកមានចាយលុយតិច អ្នកល្មមៗមិនហ៊ានចំណាយ តែប្រជាជនកម្ពុជាយើងនៅមានលុយធម្មតា។ លោកមើលឃើញថា បើកូវីដនៅបន្តពីរទៅបីឆ្នាំទៀត អ្នកដែលប៉ះពាល់ពិតប្រាកដគឺអ្នកដែលមានជីវភាពនៅក្រោម គឺប្រជាជនក្រមែនទែន។

លោកថា “ប្រជាជននៅមានលុយ គឺមកពីគាត់ប្រើលុយធនាគារតិច វាខុសពីប្រទេសដែលរីកចម្រើនខ្លាំង។ ប្រទេសខ្លះប្រសិនបើមិនធ្វើការតែ៣ខែទេគឺដាច់បាយ ប្រជាជនដែលរីកចម្រើនប្រសិនបើគាត់បាត់បងការងារ៣ខែ គឺគាត់រងផលប៉ះពាល់ ផ្ទះ ឡាន ត្រូវរឹបអូស ព្រោះប្រជាជនគេទិញផ្ទះទិញឡានតាមរំលស់ធនាគារ”។

លោកបន្តថា “ប្រជាជនយើងមួយចំនួនប្រើលុយធនាគារ ទិញឡាន ទិញផ្ទះ តែមួយចំនួនមិនប្រើលុយធនាគាទេ។ ទោះបីជារយៈពេល២ឆ្នាំនេះកូវីដកើនឡើងប៉ះពាល់តែប្រជាជនដែលមានចំនួនក្រោមទេ អ្នករកចំណូលបាន៣០០ដុល្លារក្នុងមួយខែចុះក្រោមនឹងប៉ះពាល់”។

ក្នុងរបាយការណ៍បូកសរុបការងារប្រចាំឆ្នាំរបស់ក្រសួងរៀបចំដែនដី នគរូបនីយកម្ម និងសំណង់ ប្រចាំឆ្នាំ ២០២១ ទោះបើប្រឈមនឹងវិបត្តិកូវីដ១៩ ក្រសួងបានចេញលិខិតអនុញ្ញាតសាងសង់នៅទូទាំងប្រទេសចំនួនកម្ពុជាបានចេញលិខិតអនុញ្ញាត សាងសង់ចំនួន ៤.០៣៣គម្រោង មានផ្ទៃក្រឡាកម្រាលប្រមាណ១២លានម៉ែត្រការ៉េ គិតជាទឹកប្រាក់ប្រមាណ៥.៣៣៣លានដុល្លារអាមេរិក៕

HONG KONG, Jan 4 (Reuters) – Asian stocks were firmer on Tuesday following Wall Street’s record highs on its first trading day of 2022, despite worries that the widespread Omicron COVID-19 variant could put the brakes on global economic recovery.

MSCI’s gauge of Asia Pacific stocks outside Japan (.MIAPJ0000PUS) was up 0.67% in the morning sessions.
Australia’s S&P/ASX 200 (.AXJO) climbed 1.15%, boosted by energy and mining stocks while Japan’s Nikkei 225 (.N225) gained 1.25%.

Hong Kong’s Hang Seng Index (.HSI) and China’s benchmark CSI300 Index (.CSI300) opened up 0.5% and 0.25%, respectively.
“As we start 2022, markets seem to have retained memories of 2021 and put Omicron in the backdrop with focus on Fed rate hikes leading to higher UST yields and underpinning USD strength alongside continued buoyancy in equities,” said Mizuho Bank in a Tuesday note.

Major Wall Street indexes scored record closing highs on Monday, even as the Omicron variant of the coronavirus pushed COVID-19 cases to fresh peaks in the world’s largest economy.
“Markets are focusing more on the likely positive earnings numbers from U.S. in the fourth quarter. We are firmly of the view the U.S. is seeing boom conditions and a very tight labour market which will boost household incomes,” said John Milroy, an Ord Minnett advisor in Sydney.

“…investors are keeping a close watch on inflation and how the Fed may respond if it proves to be other than transitory,” he said.

The Dow Jones Industrial Average (.DJI) rose 0.68%, the S&P 500 (.SPX) gained 0.64% and the Nasdaq Composite (.IXIC) added 1.2%.

Apple Inc (AAPL.O) on Monday became the first company to reach a $3 trillion stock market value while Tesla Inc (TSLA.O), rose more than 13.5% after reporting stronger-than-expected quarterly deliveries of its electric cars.
The S&P index surged nearly 28% last year, driving MSCI’s 50-country index of world stocks (.MIWD00000PUS) to its third consecutive year of double-digit gains.

The benchmark U.S. 10-year yields hit a six-week high to yield 1.6384%, with investors expecting a series of interest rate raises this year to combat rising inflation.

The commodity markets were also quickly back in the swing of things after their nearly two-year resurgence to close out 2021.

Brent oil rose 0.57% to nearly $79.43 a barrel Tuesday, building on Monday’s gains, which were supported by tight supply and hopes of a further demand recovery in 2022, despite OPEC+ expected to further increase output. U.S. crude was up 0.34% to $76.34 a barrel.

Gold prices rebounded after falling more than 1% on Monday as a risk-on rally in equities pressured bullion. Spot gold gained 0.14% to $1803.3 an ounce Tuesday morning.

Source: Reuters

ដោយ៖ សុខុម

ហុងកុង: ភាគហ៊ុនអាស៊ីបានហក់ឡើងខ្ពស់នៅថ្ងៃអង្គារ ទី៤ មករា នេះ បន្ទាប់ពីសង្កាត់ផ្សារភាគហ៊ុនដ៏ល្បីល្បាញរបស់ពិភពលោក Wall Street បានហក់ឡើងខ្ពស់មិនធ្លាប់មាននៅថ្ងៃជួញដូរដំបូងរបស់ខ្លួននាដើមឆ្នាំ២០២២ ទោះបីជាមានក្ដីបារម្ភថា ការរីករាលដាលវីរុសបំប្លែងខ្លួនថ្មី “អូមីក្រុង” អាចធ្វើឱ្យរាំងស្ទះដល់ការងើបឡើងនៃសេដ្ឋកិច្ចពិភពលោកយ៉ាងណាក្ដី។

យោងតាមភ្នាក់ងារព័ត៌មាន Reuters ឱ្យដឹងថា សន្ទស្សន៍ផ្សារភាគហ៊ុន MSCI ដែលធំបំផុតនៅអាស៊ី-ប៉ាស៊ីហ្វិក ក្រៅពីប្រទេសជប៉ុន បានហក់ឡើង០,៦៧%នៅក្នុងការជួញដូរពេលព្រឹកនេះ។

ទន្ទឹមនេះ សន្ទស្សន៍ផ្សារភាគហ៊ុនអូស្ត្រាលី S&P/ASX 200 បានហក់ឡើង១,១៥%ដែលជំរុញដោយភាគហ៊ុនថាមពល និងភាគហ៊ុនរ៉ែ ខណៈផ្សារភាគហ៊ុនជប៉ុន Nikkei 225 បានហក់ឡើង១,២៥%។

ងាកទៅសន្ទស្សន៍ផ្សារភាគហ៊ុនហុងកុង Hang Seng ឯណោះវិញបានហក់ឡើង០,៥% ខណៈសន្ទស្សន៍ផ្សារភាគហ៊ុនចិនដីគោក CSI300 បានបើកឡើង០,២៥%។

ដោយឡែក សន្ទស្សន៍ផ្សារភាគហ៊ុនធំដ៏ល្បីល្បាញរបស់ពិភពលោក Wall Street នៅក្រុងញូវយ៉ក សហរដ្ឋអាមេរិក បានហក់ឡើងខ្ពស់បំផុតមិនធ្លាប់មានកាលពីថ្ងៃច័ន្ទ ទី៣ មករា ទោះបីជាវីរុសបំប្លែងខ្លួនថ្មីអូមីក្រុង បានជំរុញឱ្យករណីឆ្លងកូវីដ-១៩ កើនឡើងខ្ពស់ជាថ្មីនៅក្នុងសេដ្ឋកិច្ចធំបំផុតរបស់ពិភពលោកមួយនេះយ៉ាងណាក្ដី។

សន្ទស្សន៍ផ្សារភាគហ៊ុនអាមេរិក ដូចជា Dow Jones Industrial Average បានហក់ឡើង០,៦៨% ផ្សារភាគហ៊ុន S&P 500 បានហក់ឡើង០,៦៤% ហើយផ្សារភាគហ៊ុន Nasdaq Composite បានហក់ឡើង១,២%។

កាលពីថ្ងៃច័ន្ទ ទី៣ មករា ក្រុមហ៊ុនអាមេរិក Apple Inc បានក្លាយជាក្រុមហ៊ុនដំបូងគេក្នុងប្រវត្តិសាស្ត្រពិភពលោកដែលមានតម្លៃលើទីផ្សាររហូតដល់ទៅ៣ទ្រីលានដុល្លារ ខណៈភាគហ៊ុនរបស់ក្រុមហ៊ុន Tesla Inc បានហក់ឡើងខ្ពស់រហូតដល់ទៅជាង១៣,៥% បន្ទាប់ពីការចែកចាយរថយន្តអគ្គិសនីប្រចាំត្រីមាសរបស់ខ្លួនកើនឡើងខ្លាំងលើសពីការរំពឹងទុក។

សន្ទស្សន៍ផ្សារភាគហ៊ុនអាមេរិក S&P 500 បានហក់ឡើងជិត២៨%កាលពីឆ្នាំ២០២១ ដែលជំរុញឱ្យសន្ទស្សន៍ផ្សារភាគហ៊ុនអាស៊ី-ប៉ាស៊ីហ្វិក MSCI ដែលគ្របដណ្ដប់លើប្រទេសចំនួន៥០ ហក់ឡើង២ខ្ទង់រយៈពេល៣ឆ្នាំជាប់ៗគ្នា៕

ដោយ៖ សុធារី

ភ្នំពេញ៖ ទីតាំងការិយាល័យទំនើប នឹងក្លាយជាចំណែកទីផ្សារអចលនទ្រព្យដ៏សំខាន់មួយទៀតបន្ទាប់ពីទីផ្សារលំនៅឋាន សម្រាប់អ្នកប្រើប្រាស់ក្នុងស្រុក ខណៈការផ្គត់ផ្គង់អាគារការិយាល័យទំនើបមានទីផ្សារកាន់តែល្អឡើង ដោយសារកំណើនតម្រូវការពីម្ចាស់អាជីវកម្មក្នុងស្រុកដែលធ្លាប់តែជួលផ្ទះល្វែង ឬវីឡាដើម្បីប្រតិបត្តិការអាជីវកម្ម។

នាយកប្រតិបត្តិក្រុមហ៊ុន CENTURY 21 IMPERIAL REALTY លោកខេន ឡូ ថ្លែងក្នុងកិច្ចពិភាក្សាស្តីពី ឱកាសការងារ និងវិនិយោគអចលនទ្រព្យថា ឥរិយាបថនៃការផ្លាស់ប្តូរទីតាំងការិយាល័យពីការជួលផ្ទះល្វែង ឬវីឡា មកកាន់អគារការិយាល័យទំនើប ដោយសារកត្តាតម្លៃប្រហាក់ប្រហែលគ្នា ខណៈដែលអគារការិយាល័យមានប្រព័ន្ធគ្រប់គ្រង ទីធ្លាទូលាយ បរិយាកាសល្អ និងសុវត្ថិភាពជាងផ្ទះល្វែង។

លោក ខេន ឡូ បញ្ជាក់ថា អគារការិយាល័យមិនត្រឹមតែផ្តល់ភាពទំនើបប៉ុណ្ណោះទេ តែក៏ជួយលើកមុខមាត់កេរ្តិ៍ឈ្មោះដល់ក្រុមហ៊ុនផងដែរ។ អគារការិយាល័យទំនើប ត្រូវបានបែងចែកជាបីប្រភេទគឺកម្រិត A B និងកម្រិត C។ បើតាមលោកខេន ឡូ កម្រិតBនិងCភាគច្រើនផ្តោតលើអតិថិជនក្នុងស្រុក ដោយសារការជួលការិយាល័យកម្រិតនេះមានតម្លៃសក្កិសមសម្រាប់អតិថិជនក្នុងស្រុក។

បរិមាណនៃការផ្គត់ផ្គង់អគារការិយាល័យនឹងបន្តកើនឡើងនៅឆ្នាំនេះ នឹងឆ្នាំបន្ទាប់។ តាមការរំពឹងទុក ការផ្គត់ផ្គង់ ការិយាល័យនឹងកើនដល់ជាង ៧៩ម៉ឺនម៉ែត្រការ៉េ នៃទំហំផ្ទៃក្រឡាជួលសរុប (NLA) ដែលកើនជាង ១សែន៤ម៉ឺនម៉ែត្រការ៉េ ធៀបនឹងឆ្នាំមុន។ ទំហំផ្ទៃក្រឡាជួលនេះនឹងបន្តកើនដល់ជាង ១លានម៉ែត្រការ៉េ នៅត្រឹមដំណាច់ឆ្នាំ២០២២។ នេះបើតាមការរបាយការណ៍ស្រាវជ្រាវរបស់ក្រុមហ៊ុន CBRE Cambodia។

ប្រភពដដែលបានបង្ហាញថា គិតត្រឹមត្រីមាសទី៣ ឆ្នាំ២០២១ តម្លៃជួលការិយាល័យកម្រិត B មានតម្លៃជួលចន្លោះពី ១៩ ទៅ ២២ ដុល្លារ ខណៈដែលកម្រិតC មានតម្លៃចន្លោះពី១២ដុល្លារទៅ១៤ ដុល្លារក្នុងមួយម៉ែត្រការ៉េ ក្នុងមួយខែ ដោយអាស្រ័យទៅលើអគារការិយាល័យដែលឋិតនៅក្នុងតំបន់ពាណិជ្ជកម្ម និងក្រៅពីតំបន់ពាណិជ្ជកម្ម។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម ដែលចូលរួមជាវាគ្មិននៅក្នុងកិច្ចពិភាក្សាខាងលើនេះ បានលើកឡើងដែរថា ការផ្គត់ផ្គង់ការិយាល័យកម្រិតBនិងC នៅមានកម្រិតតិចតូចនៅឡើយ ក្នុងការឆ្លើយតបទៅនឹងតម្រូវការនាពេលបច្ចុប្បន្ន។

លោកបន្តថា ការិយាល័យកម្រិត B និង C មានសក្តានុពខ្ពស់ ដែលជាសញ្ញាល្អសម្រាប់ក្រុមហ៊ុនអភិវឌ្ឍ ក្នុងការចាប់យកចំណែកទីផ្សារកម្រិតនេះ ព្រោះយើងសង្កេតឃើញថាបច្ចុប្បន្នការផ្គត់ផ្គង់ការិយាល័យកម្រិត B និង C ត្រូវបានជួលស្ទើរទាំងស្រុង ដែលមិនសូវនៅទំនេរនោះទេ៕

ដោយ៖ វឌ្ឍនៈ

ភ្នំពេញ៖ ជាការកត់សម្គាល់ មានលំនៅឋានជាច្រើននៅក្នុងបុរីនានាបានសាងសង់រួចរាល់ តែមិនមានមនុស្សចូលរស់នៅ ឬ បានត្រឹមដាក់ស្លាកលក់ឬជួល។ អ្នកជំនាញបានលើកឡើងថា បញ្ហានេះមិនមែនដោយសារតែការផ្គត់ផ្គង់ច្រើនជាងតម្រូវការនោះទេ ព្រោះតម្រូវការនៅតែមានសម្រាប់ផ្ទះ ដែលបានសិក្សាស្វែងយល់ពីទីផ្សារ និងតម្រូវការរបស់អតិថិជនបានច្បាស់លាស់។

លោកឧកញ៉ា ចេង ខេង អគ្គនាយកក្រុមហ៊ុនស៊ីភីអិល បានលើកឡើងថា តម្រូវការលំនៅឋានក្នុងប្រទេសកម្ពុជា ជាពិសេសក្នុងរាជធានីភ្នំពេញនៅតែមានខ្ពស់ ប៉ុន្តែអ្វីដែលសង្គេតឃើញ ផ្ទះនៅក្នុងបុរីមួយចំនួនសង់រួចរាល់ តែមិនមានមនុស្សទៅរស់នៅច្រើននោះ គឺមានកត្តាច្រើន។ ក្នុងនោះដែរ Facilities គឺមានសារសំខាន់ណាស់ក្នុងការទាក់ទាញពលរដ្ឋឱ្យទៅរស់នៅក្នុងបុរីនោះ។ បើសិនជាការសាងសង់ចេះតែសង់ ហើយមិនបានគិតគូរពីប្រព័ន្ធទឹក ប្រព័ន្ធភ្លើងគ្រប់គ្រាន់ តើពលរដ្ឋទៅរស់នៅយ៉ាងម៉េច។

លោកឧកញ៉ាបន្តថា យើងឃើញបុរីមួយចំនួនទៀត ដែលគេបានសិក្សាពីទីតាំង មានហេដ្ឋារចនាសម្ព័ន្ធច្បាស់លាស់ គឺនៅតែមានការគាំទ្រពីអតិថិជន។ នៅពេលសាងសង់រួច មានប្រជាពលរដ្ឋទៅរស់នៅច្រើន ខុសពីបុរីមួយចំនួនដែលសង់ហើយពលរដ្ឋរអ៊ូរឿងអត់ទឹក អត់ភ្លើងគ្រប់គ្រាន់ នៅឆ្ងាយពីផ្សារជាដើម ដូច្នេះហើយទើបបុរីទាំងនោះសង់ផ្ទះហើយតែត្រូវចាក់សោរទុកចោល ។ ម្យ៉ាងវិញទៀត អ្នកដែលទិញផ្ទះនៅតាមបុរីមួយចំនួនគឺទិញសម្រាប់ទុកលក់វិញយកចំណេញ ដែលគេហៅថាទិញដើម្បីវិនិយោគ ដូច្នេះហើយទើបផ្ទះនោះត្រូវចាក់សោរចោល មិនមានអ្នកទៅរស់នៅ។

លោក ឡុង គឹមសួគ៌ នាយកប្រតិបត្តិក្រុមហ៊ុន Century 21 Advance Property បានឱ្យដឹងថា ការអភិវឌ្ឍលំនៅឋានរបស់ម្ចាស់បុរី ដែលបានសិក្សាពីចំណូលរបស់អតិថិជនបានច្បាស់លាស់ នៅតែទទួលបានការគាំទ្រនិងមានអ្នកទិញ ទោះក្នុងវិបត្តិកូវីដ១៩ក្ដី។

លោកថា ”អ្នកទិញផ្ទះនៅជាយក្រុងមួយចំនួនមិនទាន់ទៅរស់នៅ ដោយសារតែគាត់នៅជាប់បំពេញការងារនៅកណ្ដាលក្រុង នៅជិតកន្លែងការងារ ដូច្នេះហើយគាត់ក៏ទិញផ្ទះនៅជាយក្រុង ហើយមិនទាន់ទៅរស់នៅ ធ្វើឱ្យផ្ទះនៅតាមបុរីខ្លះចាក់សោរចោល”។

ជារួម កត្តាដែលធ្វើឱ្យផ្ទះនៅក្នុងបុរីមួយចំនួនសង់រួចតែមិនទាន់មានអ្នកទៅរស់នៅច្រើន មានដូចជាកង្វះហេដ្ឋារចនាសម្ព័ន្ធ ទឹក ភ្លើង កត្តាទិញផ្ទះសម្រាប់វិនិយោគ កំណើនអ្នកវិនិយោគលើបុរីកាន់តែច្រើន និងមិនបានសិក្សាច្បាស់ពីតម្រូវការរបស់អ្នកទិញជាដើម៕