ដោយ៖ វឌ្ឍនៈ

ភ្នំពេញ ៖ ក្រោយពេលសម្ដេចតេជោ ហ៊ុន សែន បានអំពាវនាវឱ្យបណ្ដាធនាគារនិងក្រុមហ៊ុនឯកជនចូលរួមវិនិយោគទិញមូលបត្របំណុលរបស់ក្រុមហ៊ុនអភិវឌ្ឍន៍អាកាសយានដ្ឋានអន្តរជាតិភ្នំពេញថ្មី (អាកាសយានដ្ឋានអន្តរជាតិតេជោ) ធនាគារប្រៃសណីយ៍កម្ពុជាបានសម្រេចទិញមូលបត្របំណុលក្រុមហ៊ុនអភិវឌ្ឍន៍ អាកាសយានដ្ឋានអន្តរជាតិនេះចំនួន១០លានដុល្លារអាមេរិក។

ក្នុងសេចក្ដីប្រកាសព័ត៌មានរបស់ក្រុមហ៊ុនអភិវឌ្ឍន៍អាកាសយានដ្ឋាននេះឱ្យដឹងថា ទឹកប្រាក់វិនិយោគដែលទទួលបានពីសញ្ញាបណ្ណនេះ នឹងត្រូវប្រើប្រាស់សម្រាប់ការសាងសង់ និងការអភិវឌ្ឍគម្រោងសាងសង់អាកាសយានដ្ឋានអន្តរជាតិតេជោ នៅខេត្តកណ្តាល។ គម្រោងអាកាសយានដ្ឋានអន្តរជាតិតេជោ បច្ចុប្បន្នសម្រេចបាន២៨ភាគរយ ត្រូវនឹងទឹកប្រាក់សរុប៣៧៥លានដុល្លារអាមេរិច (ដោយមិនរាប់បញ្ចូលថ្លៃដីដែលវិនិយោគរួចដោយ CAIC)។

អត្រាការប្រាក់(Coupon rate) របស់សញ្ញាបណ្ណនេះគឺ៥,៥% ក្នុងមួយឆ្នាំ ជាមួយនឹងរយះពេល (tenor) ៣ឆ្នាំ ហើយត្រូវបានធានាដោយក្រុមហ៊ុន OCIC។

ក្រុមហ៊ុន OCIC គឺជាក្រុមហ៊ុនវិនិយោគក្នុងស្រុកមួយធំជាងគេក្នុងប្រទេសកម្ពុជា ដែលជំនាញនៅក្នុងការអភិវឌ្ឍន៍លើវិស័យហេដ្ឋារចនាសម្ព័ន្ធ អចលនទ្រព្យ សំណង់ ការគ្រប់គ្រងអចលនទ្រព្យ ការអប់រំ វេជ្ជសាស្ត្រ ផ្សារទំនើប សណ្ឋាគារ រោងម៉ាស៊ីនកិនស្រូវ និងសង្វាក់ផលិតកម្មជាដើម ជាមួយនឹងគម្រោងសំខាន់ៗជាច្រើនដូចជា អាកាសយាន្តដ្ឋានអន្តរជាតិតេជោ ទីក្រុងកោះពេជ្រ កោះនរា ទីក្រុងរណបជ្រោយចង្វារ និង ទីក្រុងទំនើប Olympia ជាដើម។

CAIC គឺជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជា (RGC) ដែលតំណាងដោយរដ្ឋលេខាធិការដ្ឋានអាកាសចរស៊ីវិល និង ក្រុមហ៊ុនOCIC ។ រាជរដ្ឋាភិបាលកម្ពុជាបានផ្តល់សិទ្ធិឱ្យ ក្រុមហ៊ុនCAIC ក្នុងការកាន់កាប់រចនាប្លង់ សាងសង់ ធ្វើហិរញ្ញប្បទាន និងគ្រប់គ្រងប្រតិបត្តិការគម្រោង អាកាសយានដ្ឋានអន្តរជាតិតេជោ៕

ដោយ៖ សុផារី

សៀមរាប៖ ក្នុងសេចក្ដីព្រាងផែនការមេចង្អុលផ្លូវ ដែលជាការសិក្សាមូលដ្ឋាន សម្រាប់បង្កើតទីក្រុងឆ្លាតវៃ ក្រុងសៀមរាប បានមកដល់ដំណាក់កាលចុងក្រោយហើយ ទន្ទឹមនោះគ្រោងបន្ទាប់ដែលជាជំហានទី២ នឹងអនុវត្តនៅខែមេសា ឆ្នាំ២០២២ ខាងមុខ។

នេះបើតាមកិច្ចប្រជុំពិភាក្សា និងអនុម័ត ក្រោមវត្តមានលោក ទៀ សីហា អភិបាលខេត្តសៀមរាប អ្នកតំណាងទីភ្នាក់ងារសហប្រតិបត្តិការអន្តរជាតិជប៉ុន ហៅកាត់ថា JICA និងទីប្រឹក្សា និងជាអ្នកតំណាងក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ ហៅកាត់ថា MLIT ព្រមទាំងមានការចូលរួមដោយក្រុមអ្នកជំនាញ និងមន្ទីរ អង្គភាពពាក់ព័ន្ធ នៃភាគីទាំងពីរ តាមរយ:កិច្ចប្រជុំតាមប្រព័ន្ធវីដេអូ កាលពីព្រឹកថ្ងៃទី២៧ ខែធ្នូ ឆ្នាំ២០២១។

លោក ទៀ សីហា លើកឡើងថា តាមរយ:កិច្ចសហប្រតិបត្តិការដ៏ល្អរវាងរដ្ឋបាលខេត្ត និងភាគីជប៉ុន រយ:ពេលជិត២ឆ្នាំកន្លងមកនេះ ក្រុមការងារជំនាញរបស់ក្រសួងពាក់ព័ន្ធ រដ្ឋបាលខេត្ត របស់កម្ពុជា ក៏ដូចជាក្រុមការងាររបស់ JICA បានសិក្សាលើការងារបច្ចេកទេស និងប្រមូលទិន្នន័យ ដែលឈានសម្រេចបាននូវលទ្ធផលដ៏គួរជាទីមោទននេះ។ ទន្ទឹមនោះ ក្រោមការគាំទ្រ ពី MLIT របស់ប្រទេសជប៉ុន ក្រុមអ្នកជំនាញ បាននឹងកំពុងសិក្សាលើគម្រោង SMART JAMP ដែលជាមជ្ឈមណ្ឌលរក្សាទិន្នន័យអំពីទីក្រុងឆ្លាតវៃ ដើម្បីធ្វើការបំពាក់ប្រព័ន្ធកាមេរ៉ាសុវត្ថិភាព រួមនឹងគម្រោងឆ្លាតវៃដទៃទៀតផងដែរ។

លោកស្រី អាសុកា សុកាបូអ៊ីគី (Asuka Suboike) អ្នកតំណាង JICA គូសបញ្ជាក់ថា កិច្ចប្រជុំនាពេលនេះ គឺជាកិច្ចប្រជុំរបស់គណ:កម្មាធិការទីក្រុងវៃឆ្លាតលើកទី៦ នៃគម្រោងទីក្រុងវៃឆ្លាតខេត្តសៀមរាប របស់JICA និងជាកិច្ចប្រជុំរួម លើកទី២ របស់គណ:កម្មាធិការ នៃគម្រោង SMART JAMP របស់ MLIT ប្រទេសជប៉ុន។ កិច្ចប្រជុំនេះក៏នឹងសុំការអនុម័តលើផែនទីចង្អុលផ្លូវទីក្រុងឆ្លាតវៃសៀមរាប ដែលបានមកដល់ដំណាក់កាលចុងក្រោយ នឹងត្រូវបញ្ចប់នៅក្នុងមីនា ឆ្នាំ២០២២ ហើយជំនួសមកវិញនូវគម្រោងទី២ ដែលជាកិច្ចសហប្រតិបត្តិការបច្ចេកទេស បានចុះហត្ថលេខាបន្តគម្រោងជាមួយអ្នកតំណាង JICA កាលពីថ្ងៃទី០៨ ខែធ្នូ ឆ្នាំ២០២១នេះ។

គម្រោងទីក្រុងឆ្លាតវៃក្រុងសៀមរាប មានទិសដៅឆ្ពោះទៅបង្កើតទីក្រុងប្រកបដោយចីរភាពមួយ ដែលមានផាសុខភាពខ្ពស់ សម្រាប់ប្រជាពលរដ្ឋ និងទីក្រុងដ៏ទាក់ទាញ ដែលទទួលបានការពេញនិយមខ្លាំងពីភ្ញៀវទេសចរជាតិ និងអន្តរជាតិ ជាមួយនឹងមោទនភាពនៃទីក្រុងបេតិកភណ្ឌ និងទេសចរណ៍អន្តរជាតិ៕

(CNN)The US housing market has had a white hot year. Home sales are on track to reach the highest level in 15 years, with an estimated 6 million homes sold in 2021.

But whether you benefited from this surge depended a lot on if you were selling a home or buying one.
Homeowners saw average home prices skyrocket nearly 20% through the third quarter compared to a year ago, according to the Federal Housing Finance Agency. It was the largest annual home price increase in the history of the agency’s House Price Index. And, in some hot markets, the price increase was double that.

Homes also sold at a record pace, with sellers often fielding multiple competing bids and all-cash offers. Even homes that were disgusting or burned out sold quickly, and at amounts that were well over the asking price.
For buyers, it was a different story. While mortgage rates kicked off the year at record lows, it was difficult to even find a home to buy. Inventory of available homes reached an all-time low early in the year and competition was extremely stiff.

Many prospective buyers left the market dejected and without a home to call their own. As a result, demand for rentals surged and rents went up across the country.

“It was an insane year,” said Matt Holm, an agent with Compass in Austin. Last January, he put a smaller five-year-old home on the market at $425,000, higher than comparable sale prices, and was flooded with offers. “I stopped counting at 35 offers,” he said. The home sold for $545,000, a 30% increase over the list price.
Another buyer, who bought a lakefront luxury home for $6 million in 2020, was offered $9 million a few months later and $11 million two months after that by buyers desperate for a lakefront property, Holm said.
“My sellers said, that’s a lot of money,” Holm said. “They wanted to sell and get something as good or better. But they realized they shouldn’t sell because to get something a little bit nicer than what they had was going to cost $18 to $20 million. That is a remarkable jump for a calendar year.”
Without a doubt, the housing market was on a wild ride in 2021. Here’s what to expect as we head into the new year.

Source: CNN

ដោយៈសុខុម

ញូវយ៉ក: ទីផ្សារលំនៅដ្ឋាននៅសហរដ្ឋអាមេរិក មានសន្ទុះហក់ឡើងយ៉ាងខ្លាំង ដែលការលក់ផ្ទះបានឈានដល់កម្រិតខ្ពស់បំផុត មិនធ្លាប់មានក្នុងរយៈពេល១៥ឆ្នាំមកនេះ។

ផ្ទះរហូតដល់ទៅប្រមាណ៦លានខ្នង ត្រូវបានលក់ចេញក្នុងឆ្នាំ២០២១។ នេះបើយោងតាមសារព័ត៌មាន CNN ចុះផ្សាយកាលពីថ្ងៃច័ន្ទ ទី២៧ ធ្នូ។

ប៉ុន្តែត្រង់អ្នកទទួលបានអត្ថប្រយោជន៍ ពីសន្ទុះកើនឡើងនេះ ឬក៏អត់ គឺភាគច្រើនអាស្រ័យលើថា តើអ្នកនោះជាអ្នកទិញផ្ទះ ឬ ក៏ជាអ្នកលក់ផ្ទះ។

ទីភ្នាក់ងារហិរញ្ញវត្ថុលំនៅដ្ឋានសហព័ន្ធ (Federal Housing Finance Agency) និយាយថា ម្ចាស់ផ្ទះបានចំណេញយ៉ាងក្រាស់ក្រែល ដោយសារតម្លៃផ្ទះ ជាមធ្យមបានហក់ឡើង រហូតដល់ជិត២០%ក្នុងត្រីមាសទី៣ បើធៀបនឹងឆ្នាំ២០២០។វាជាឡើងថ្លៃប្រចាំឆ្នាំខ្ពស់បំផុតក្នុងប្រវត្តិសាស្ត្រ នៃសន្ទស្សន៍តម្លៃលំនៅដ្ឋានរបស់ទីភ្នាក់ងារនេះ។ ហើយនៅក្នុងទីផ្សារមួយចំនួនទៀត ការហក់ឡើងថ្លៃក៏កើនឡើងទ្វេដងផងដែរ។

ផ្ទះក៏លក់ដាច់ក្នុងល្បឿនលឿនមិនធ្លាប់មានដែរ ដោយសូម្បីតែផ្ទះដែលមើលទៅគគ្រេច ឬត្រូវភ្លើងឆេះរោលក៏លក់ដាច់យ៉ាងរហ័សដែរ ហើយថែមទាំងលក់បានក្នុងតម្លៃខ្ពស់ថែមទៀតផង។

ទោះជាយ៉ាងណា សម្រាប់អ្នកទិញវិញ វាជារឿងផ្សេង។ ខណៈពេលដែលអត្រាប្រាក់សម្រាប់ឥណទាន លំនៅដ្ឋានគេហដ្ឋាន ឬកម្ចីទិញផ្ទះនៅឆ្នាំនេះត្រូវបានបញ្ចុះ មកដល់អត្រាទាបបំផុតមិនធ្លាប់មាន វាបែរជារកផ្ទះទិញសឹងមិនបានទៅវិញ។ ចំនួនផ្ទះដែលមានដាក់លក់ លើទីផ្សារគឺតិចតួចខ្លាំងណាស់កាលពីដើមឆ្នាំនេះ ហើយមានការប្រកួតប្រជែងខ្លាំង។

អ្នកដែលមានគម្រោងទិញផ្ទះជាច្រើ នបានជួបការខកចិត្ត ដ្បិតរកផ្ទះទិញមិនបាន និងខកខានឱកាសចំណេញពីការឡើងថ្លៃផ្ទះនេះ។ ជាលទ្ធផល តម្រូវការជួលផ្ទះបានកើនឡើង ហើយថ្លៃឈ្នួលផ្ទះក៏បានហក់ឡើងនៅទូទាំងសហរដ្ឋអាមេរិក។

យោងតាមការព្យាកររបស់គេហទំព័រអចលនទ្រព្យ Realtor.com ឱ្យដឹងថា ស្តុកលំនៅដ្ឋានសម្រាប់ការផ្គត់ផ្គង់លើទីផ្សារ នឹងប្រសើរឡើងក្នុងឆ្នាំ២០២២ ប៉ុន្តែនឹងមិនកើនឡើងច្រើនប៉ុន្មានឡើយ ពោលគឺយ៉ាងច្រើនកើនឡើង០,៣%ប៉ុណ្ណោះ។ ដូចនេះតម្លៃលំនៅដ្ឋាននឹងបន្តហក់ឡើង ខណៈការប្រកួតប្រជែងនឹងមានកាន់តែខ្លាំង៕  CNN៕

ដោយៈជេស៊ីកា

ភ្នំពេញៈ រដ្ឋាភិបាលតាមរយៈក្រសួងប្រៃសណីយ៍ និងទូរគមនាគមន៍ បានទុករយៈពេល៣ខែចុងក្រោយ ដើម្បីឱ្យប្រតិបត្តិករសេវាអិនធើណេត និងសេវាទូរស័ព្ទ ពិនិត្យ និងកែលម្អ គុណភាពសេវាអ៊ីនធើណេត និងសេវាទូរសព្ទនៅក្នុងបូរីនានាទាំងអស់ បើផុតកំណត់នេះ ក្រសួងនឹងចាត់វិធានការតាមផ្លូវច្បាប់។

លោកជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានលើកឡើងដូច្នេះ ក្នុងកិច្ចសំណេះសំណាល ជាមួយប្រតិបត្តិករផ្តល់សេវាទូរសព្ទចល័តអ៊ីនធើណិត កាលពីចុងសប្តាហ៍មុន។

លោកបន្តថា “បញ្ហាគុណភាពសេវាអិនធើណេត និងទូរសព្ទចល័ត អាចប៉ះពាល់ដល់ការធ្វើការ ការប្រកបអាជីវកម្ម ក៏ដូចជាការសិក្សាក្នុងអំឡុ​ងពេលកូវីដ-១៩”។ លោកបន្តថា “បញ្ហាមានជាច្រើនឆ្នាំមកហើយ ជាពិសេសនៅពេលមានកំណើនលំនៅឋាន និងប្រជាពលរដ្ឋ”។

លោកជា វ៉ាន់ដេតបានបន្តថា ដូច្នេះ ក្រសួងបាននិងកំពុងដោះស្រាយជាបន្ដបន្ទាប់។ កន្លងមក ក្រសួងបានបំពាក់ឧបករណ៍វាស់ស្ទង់ គុណភាពសេវា និងបានបង្កើតក្រុមការងារដោះស្រាយបញ្ហាផ្ទាល់ នៅតាមបុរី និងសហការជាមួយម្ចាស់បុរី ព្រមទាំងប្រតិបត្តិករទូរគមនាគមន៍ជាដើម។

ប្រជាពលរដ្ឋរស់នៅតាមបុរីនានាបានសម្តែងការរអ៊ូរទាំាំ និងខឹងសម្បារនៅពេលដែលតំបន់ដែលខ្លួនរស់នៅ ធ្លាប់មានសេវាទូរស័ព្ទពេញលេញ និង​ងាយស្រួលប្រើប្រាស់ បែរជាក្រោយមកសេវាទូរស័ព្ទផុតផើយ មិនអាចទំនាក់ទំនងការងារបាន៕

ដោយ៖ សុផារី

ភ្នំពេញ៖ ក្រុមហ៊ុនតូយ៉ូតា កំពុងស្នើសុំដើម្បីរៀបចំបង្កើតរោងចក្រគ្រឿងបង្គុំរថយន្តនៅកម្ពុជា។ នេះបើតាមការបញ្ជាក់របស់ Masahiro Mikami អគ្គរាជទូតជប៉ុន ក្នុងជំនួបចូលជួបសម្តែងការគួរសមជាមួយសម្តេចតេជោហ៊ុន សែននាយករដ្ឋមន្រ្តីនៅព្រឹកថ្ងៃទី២៨ ខែធ្នូនេះ។

ក្រៅពីគម្រោងគម្រោងបង្កើតរោងចក្រគ្រឿងបង្គុំនៅកម្ពុជារបស់ក្រុមហ៊ុនតូយ៉ូតា ក្នុងជំនួបនោះលោក Masahiro Mikami ក៏បានប្រាប់ប្រមុខរដ្ឋាភិបាលកម្ពុជាដែរថា មានក្រុមហ៊ុនជប៉ុនដទៃទៀត ក៏គ្រោងស្នើសុំក្នុងការបង្កើតរោងចក្រអគ្គិសនីដំណើរដោយឧស្ម័នធម្មជាតិ និងពន្លឺព្រះអាទិត្យ។

ជាមួយគ្នានេះ រដ្ឋាភិបាលជប៉ុនបានប្រកាសផ្តល់ជំនួយ១៤៥លានដុល្លារ សម្រាប់ប្រយុទ្ធប្រឆាំងនឹងជំងឺកូវីដ១៩ ក៏ដូចជាស្តារសេដ្ឋកិច្ចជាតិពីវិបត្តិកូវីដ-១៩។ ឯកអគ្គរាជទូតជប៉ុនក៏លើកឡើងពីគោលបំណងរបស់ប្រទេសជប៉ុនក្នុងការចូលរួមអភិវឌ្ឍកំពង់ផែខេត្តព្រះសីហនុ ជាកំពង់ផែស្នូលនៃព្រះរាជាណាចក្រកម្ពុជា។ បន្ថែមពីនេះ ជប៉ុនត្រៀមកិច្ចសហការផ្តល់ការគាំទ្រដែលប្រទេសកម្ពុជាក្នុងនាមជាប្រធានអាស៊ាននៅឆ្នាំ២០២២៕

ដោយៈគង់ សូរិយា

ភ្នំពេញៈ ស្ពានដ៏ស្រស់ស្អាតមួយ ដែលតភ្ជាប់ជាមួយនឹងទីក្រុងរណបចំនួនពីរ បាននិងកំពុងសាងសង់យ៉ាងសកម្ម និងសម្រេចបញ្ចប់តាមផែន​ការគ្រោងទុក។

លោកទូច សំណាងអគ្គនាយករងក្រុមហ៊ុនOCICបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី២៨ ធ្នូនេះថា ការសាងសង់ស្ពាននេះកំពុងដំណើរតាមផែនការគ្រោងទុក ដោយចំនួនកម្មករចូលបំពេញការងារវិញបាន​កើនឡើង និងមិនមានអ្នកណាម្នាក់បានឆ្លងជំងងឺកូវីដ១៩ឡើយ។

លោកបន្តថា “ស្ពាននេះនឹងបញ្ចប់ក្នុងអំឡុង ខែតុលាឆ្នាំ២០២៣ ខណៈស្ពានមួយទៀត តភ្ជាប់ទៅកាន់ផ្លូវជាតិលេខ១ នឹងបញ្ចប់នៅអំឡុងឆ្នាំ​២០២២ខាងមុខនេះ”។លោកបន្តថា “ជាមួយគ្នានឹងទស្សនទាននៃការអភិ​វឌ្ឍថ្មី ទីក្រុងកោះនរានឹងធ្វើឡើងជាទីក្រុងឆ្លាតវៃ និងមានផែនការអភិវឌ្ឍន៍​ស្រដៀងគ្នានឹងទីក្រុងកោះពេជ្រ”។

លោកទូច សំណាងបានបន្តថា ស្ពាននេះជាប្រភេទស្ពានយោងដោយខ្សែកាប ដែលមានគន្លងរថយន្តពីរទៅ ពីរមក ហើយការធ្វើចរាចរណ៍៍នឹងកំណត់ត្រឹមរថយន្តប្រភេទទេសចរណ៍ប៉ុណ្ណោះ ដែលអាចឆ្លងស្ពានទាំាំងពីរ​នេះបាននាពេលខាងមុខ៕

ដោយ៖ សុផារី

ភ្នំពេញ៖ អគាររដ្ឋបាល និងសាលប្រជុំទីស្តីការក្រសួងការពារជាតិថ្មី នឹងត្រូវសម្ពោធដាក់ឱ្យប្រើប្រាស់ ក្រោមអធិបតីភាពដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នាថ្ងៃ ២៩ធ្នូ ២០២១នេះ។

កាលពីថ្ងៃទី៨ ខែវិច្ឆិកា ឆ្នាំ២០២១ ក្នុងពិធីសម្ពោធដាក់ឱ្យប្រើប្រាស់អគារទីស្តីការក្រសួងរៀបចំដែនដី នគរូបនីយកម្ម និងសំណង់ជាផ្លូវការ សម្តេចតេជោ ហ៊ុន សែន បានថ្លែងថា នឹងយកនៅថ្ងៃទី២៩ ខែធ្នូ ដែលជាខួប២៣ឆ្នាំ នៃការបិទបញ្ចប់ភ្លើងសង្គ្រាមនោះ សម្ពោធដាក់ឱ្យប្រើប្រាស់ អគាររដ្ឋបាល និងសាលប្រជុំទីស្តីការក្រសួងការពារជាតិថ្មី។

អគាររដ្ឋបាល និងសាលប្រជុំទីស្តីការក្រសួងការពារជាតិថ្មី បានបើកការដ្ឋានសាងសង់ កាលពីថ្ងៃទី៣០ ខែមិថុនា ឆ្នាំ២០១៨ ក្រោមអធិបតីភាពសម្តេចពិជ័យសេនា ដែលតាមគម្រោងផែនការសាងសង់មានរយៈពេល៣៦ខែ និងបញ្ចប់ការដ្ឋាននៅថ្ងៃទី៣០ ខែមិថុនា ឆ្នាំ២០២១។ ដោយសារវិបត្តិកូវីដ១៩ ការសាងសង់ត្រូវបានស្នើរសុំពន្យាកិច្ចសន្យារយៈពេល៤ខែ ដូច្នេះការដ្ឋានត្រូវពន្យារហូតដល់ថ្ងៃទី៣០ ខែតុលា ឆ្នាំ២០២១ ទើបបានបញ្ចប់។

អគាររដ្ឋបាល សាលាប្រជុំទីស្ដីការក្រសួងការពារជាតិថ្មី ដែលបានសាងសង់នេះមានទទឹងប្រវែង២៨ម៉ែត្រ បណ្ដោយ ប្រវែង១៩១ម៉ែត្រ កម្ពស់៣២ម៉ែត្រ និងមានចំណតរថយន្ត នៅជាន់ក្រោមដីមួយជាន់ ដែលអាចចតរថយន្តបានចំនួន១៥០គ្រឿង។

ក្នុងអគាររដ្ឋបាល ទីស្តីការក្រសួងការពារជាតិថ្មីនេះ បានរៀបចំទីកន្លែង ទទួលបដិសណ្ឋារកិច្ចបណ្តាប្រតិភូថ្នាក់ជាតិ និងអន្តរជាតិធ្វើពិធីត្រួតពលកងកិត្តិយសកងត្រែទ័ព នៅក្នុងអគារពេលមានភ្លៀងធ្លាក់។ ក្រៅពីនេះមានរៀបចំជាបន្ទប់ប្រជុំតូច-ធំរៀបចំជាបន្ទប់សវនាការតូច-ធំ រៀបចំទីធ្លាសន្និសីទកាសែត និងសាលប្រជុំធំមួយ ដែលមានសមត្ថភាពអាចទទួលអ្នកចូលរួមប្រជុំបាន១,០០០នាក់ សម្រាប់ការប្រជុំថ្នាក់ជាតិ និងអន្តរជាតិផងដែរ៕