ដោយៈគង់ សូរិយា

 ភ្នំពេញៈ សមាគមអ្នកអភិវឌ្ឍន៍ដីឡូត៍កម្ពុជា ដឹកនាំដោយលោកឧក​ញ៉ា​ម៉ន សុខា បានដឹកនាំកិច្ចប្រជុំបូកសរុបការងារប្រចាំឆ្នាំ និងពិភាក្សាការងារជាមួយថ្នាក់ដឹកនាំ ទីប្រឹក្សា និងសមាជិក សមាជិកាសមាគម។

កម្មវិធីនេះ មានការទទួលទានអាហារសាមគ្គី និងការចែករំលែកបទពិសោធន៍ជាច្រើនពីថ្នាក់ដឹកនាំ ទីប្រឹក្សាសមាគមដល់សមាជិក សមាជិកាដដែលបានចូលរួមផងដែរ។

លោកឧកញ៉ាម៉ន សុខាប្រធានសមាគមអ្នកអភិវឌ្ឍន៍ដីឡូត៍កម្ពុជាបានមានប្រសាសន៍ឲ្យដឹងកាលពីថ្ងៃទី២៨ ធ្នូកន្លងមក ដោយបានថ្លែងអំណរគុណដល់ថ្នាក់ដឹកនាំ ទីប្រឹក្សាសមាគម និងសមាជិក សមាជិកាដែលបានចូលរួមកម្មវិធីនេះ។

លោកបន្តថា “សមាគមអ្នកអភិវឌ្ឍន៍ដីឡូត៍កម្ពុជា បាននិងកំពុងបំពេ​ញតួនាទីយ៉ាងសកម្ម ដើម្បីជួយសម្រួលការងារទាក់ទងនឹងច្បាប់ បទដ្ឋានគតិយុត្តិនានា ដើម្បីសម្រួលការងាររវាងសមាជិកសមាគម និងជាមួយមន្រ្តីពាក់ព័ន្ឋ ដើម្បីធ្វើយ៉ាងណាឲ្យដំណើរការការងារ បានប្រព្រឹត្តទៅដោយរលូន និងជម្រុញការអភិវឌ្ឍក្នុងវិស័យនេះ ប្រកបដោយនិរន្តរភាព”។

លោកឧកញ៉ាម៉ន សុខាបានបន្តថា បច្ចុប្បន្នសមាគមមានថ្នាក់ដឹកនាំ សមាជិក សមាជិកាចំនួន៤៦នាក់ ដែលបាននិងកំពុងចូលរួមចំណែកលើ​ការអភិវឌ្ឍទីផ្សារដីឡូត៍ សំណង់ និងអចលនទ្រព្យដទៃទៀតឲ្យទទួលបានជោគជ័យ និងជាគំរោងដែលមានការទទួលខុសត្រូវផ្នែកសង្គមផងដែរ។

ក្នុងកម្មវិធីទទួលទានអាហារសាមគ្គី សមាគមក៏បានទទួល​ការឧបត្ថម្ភពីថ្នាក់ដឹកនាំជាឧកញ៉ា ថ្នាក់ដឹកនាំសមាគមដទៃទៀតចំនួន១២,០០០ដុល្លារ ដើម្បីឲ្យសមាគមអាចដំណើរការទៅមុខ ប្រកបដោយនិរន្តរភាពផងដែរ៕

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២៩ ខែធ្នូ ឆ្នាំ២០២១នេះ បានណែនាំដល់ក្រសួងរ៉ែ និងថាមពលអគ្គិសនីកម្ពុជា និងក្រសួងសេដ្ឋកិច្ច និងហិរញ្ញវត្ថុ ពិនិត្យលទ្ធភាពក្នុងការលុបបំណុលថ្លៃអគ្គិសនី ដែលក្រសួងការពារជាតិជំពាក់ជាង៩ពាន់លានរៀល ឬស្មើនឹងជាង២លានដុល្លារអាមេរិក។
ការណែនាំរបស់សម្តេចតេជោ ហ៊ុន សែន ធ្វើឡើងតាមសំណើរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ សុំលុបបំណុលថ្លៃប្រើប្រាស់អគ្គិសនី តាមកងឯកភាពក្នុងកងយោធពលខេមរភូមិន្ទចំនួន ៩,១៩០,០០០,០០០រៀល ដែលជាបំណុលរយៈពេល៥ឆ្នាំ ចាប់តាំងពីឆ្នាំ២០១៦ រហូតត្រឹមថ្ងៃទី៣ ខែកញ្ញា ឆ្នាំ២០២១។

មូលហេតុនៃការជំពាក់បំណុលនេះ ដោយសារការប្រើប្រាស់អគ្គិសនីមានការកើនឡើងជារៀងរាល់ឆ្នាំ ទៅតាមភាពរីកចម្រើនរបស់ប្រទេសជាតិ និងវិស័យការពារជាតិ ប៉ុន្តែការប្រើប្រាស់ឥណទានប្រចាំឆ្នាំ ក្រសួងសេដ្ឋកិច្ច និងហិរញ្ញវត្ថុរក្សាទុកនៅដដែល។ ជាក់ស្តែងពីមុនមានតែ១៤០អង្គភាព បច្ចុប្បន្នមានរហូតដល់២៤០អង្គភាព។ នេះបើតាមការថ្លែងរបស់សម្តេចពិជ័យសេនា ទៀ បាញ់។

បន្ថែមពីនេះ សម្តេចពិជ័យសេនា ក៏បានសំណើសុំថវិកាបន្ថែម សម្រាប់ប្រើប្រាស់អគ្គិសនីប្រចាំឆ្នាំ របស់ក្រសួងការពារជាតិ តាមសំណើរបស់កងឯកភាព ក្នុងកងយោធពលខេមរភូមិន្ទផងដែរ។

សម្តេចតេជោ ហ៊ុន សែន បានថ្លែងយ៉ាងដូច្នេះថា “សូមឲ្យអគ្គិសនីកម្ពុជា ពិនិត្យលទ្ធភាពលុបបំណុល របស់ក្រសួងការពារជាតិជាង៩ពាន់លានរៀល ដែលស្មើនឹងជាង២លានដុល្លារ ថាតើអាចលុបចោលទាំងស្រុង ឬលុបពាក់កណ្តាល ឬ៧០ភាគរយ ដែលសល់ពីនោះក្រសួងសេដ្ឋកិច្ច និងហិរញ្ញវត្ថុ បំពេញបន្ថែម។ ខ្ញុំមិនទាន់បញ្ជាដាច់ណាត់ទេ។ ខ្ញុំនឹងចេញបទបញ្ជាឲ្យមានការបន្ថែមថវិកា លើការប្រើប្រាស់អគ្គិសនីរបស់ក្រសួងការពារជាតិប្រចាំឆ្នាំ […] ខ្ញុំក៏សូមត្រឡប់មកវិញ នៅបណ្តាអង្គភាពទាំងអស់ ទូទាំងកងយោធពលខេមរភូមិន្ទ ឲ្យសន្សំសំចៃ ក្នុងការប្រើប្រាស់អគ្គិសនី”។

ទោះយ៉ាងណាក្តី សម្តេចតេជោនឹងចេញបទបញ្ជាពិនិត្យការរៀបចំដើម្បីបន្ថែមថវិកាការប្រើប្រាស់អគ្គិសនីប្រចាំឆ្នាំ ព្រោះតម្រូវការនៃការប្រើប្រាស់អគ្គិសនីមានការកើនឡើងខ្ពស់ តែត្រូវសន្សំសំចៃក្នុងការប្រើប្រាស់ថាមពលអគ្គិសនី មិនខ្ជះខ្ជាយថាមពល៕

by Sotheary

Phnom Penh: Cambodia Post Bank Plc (CPBank) has purchased a US$10-million bond of the Cambodia Airport Investment Co., Ltd (CAIC) to help fund the development of the new Techo International Airport.

The purchasing agreement was signed on 28 December by CAIC Director Charles Vann and CEO of CPBank Toch Chaochek with OCIC Chairman Neak Oknha Dr Pung Kheav Se as the witness

The funds raised from the guaranteed bond will be used for the construction and development of Techo International Airport in Kandal province. The coupon rate of CAIC bonds is 5.5% per annum with 3 years tenor and guaranteed by OCIC.
CAIC has issued a total of US$300 million, and at least over US$100 million has been thus far sold to many financial institutions.

Prime Minister Samdech Hun Sen has also urged local financial institutions to continue investing in this US$300-million guaranteed bond, aiming to prove that Khmer can also fund large-scale projects just like the “Khmer Can Do it” slogan.

As of December 2021, the construction of this new Phnom Penh airport, which was renamed Techo Krong Takmao International Airport, is 27% complete and scheduled for operation in 2023.

ដោយ៖ វឌ្ឍនៈ

ភ្នំពេញ ៖ ថ្វីត្បិតតែរាជរដ្ឋាភិបាលបានប្រកាសបើកប្រទេស បើកសង្គមសេដ្ឋកិច្ចឡើងវិញ ក្រោយជំងឺកូវីដ១៩បានធូរស្រាលក្ដី តែសម្រាប់វិស័យមួយចំនួនមិនអាចងើបឡើងវិញបានភ្លាមៗនោះទេ ជាក់ស្ដែងក្នុងវិស័យអចលនទ្រព្យអ្នកខ្លះថានឹងងើបឡើងវិញនៅក្នុងឆ្នាំ២០២២ហើយរំពឹងថានឹងងើបឡើងខ្ពស់ តែសម្រាប់ប្រធានសមាគមអចលនទ្រព្យសកល (GRA ) លោកសំ សុខនឿនរំពឹងថា វិស័យអចលនទ្រព្យកម្ពុជានឹងមិនងើបឡើងខ្ពស់នោះ។

លោកបន្តថា ជាទស្សនផ្ទាល់ លោកគិតថាឆ្នាំ២០២២ខាងមុខនេះ វិស័យអចលនទ្រព្យរបស់យើងមិនសូវជាឡើងខ្ពស់ប៉ុន្មានទេ ប៉ុន្តែប្រសិនបើរាជរដ្ឋាភិបាលកម្ពុជាមានគោលនយោបាយពិសេសណាមួយ ដើម្បីរកយុទ្ធសាស្ត្ររៀបយុទ្ធសាស្ត្រ ដើម្បីទាក់ទាញវិនិយោគិនពីបរទេសចូលមកកម្ពុជា និងមានការទិញលក់ច្រើន វិស័យអចលនទ្រព្យនឹងអាចងើបឡើងដែរ តែបើមានការរំខានច្រើនពីមេរោគកូវីដ១៩ វិស័យនេះនឹងនៅតែងើបតែងើបឡើងយឺត។

លោកបន្តថា មួយរយៈចុងក្រោយ បន្ទាប់ពីមានភាពស្ងប់ស្ងាត់ទៅវិញនៃការរីករាលដាលនៃជំងឺកូវីដ១៩នៅក្នុងប្រទេសកម្ពុជា ឃើញថាទាំងអ្នកវិនិយោគខ្មែរ និងវិនិយោគិនបរទេសនៅក្នុងប្រទេសកម្ពុជា បានរំពឹងថាភាពស្ងប់ស្ងាត់នេះនឹងធ្វើឱ្យការធ្វើដំណើរពីបរទេសចូលមកកម្ពុជាមានការកើនឡើង ហើយអ្វីដែលពិសេសទៀតនោះអ្នកដំណើរចូលមកកម្ពុជាដែលបំពេញគ្រប់លក្ខខណ្ឌរបស់ក្រសួងសុខាភិបាលនឹងអាចធ្វើដំណើរដោយសេរី និងមិនបាច់ធ្វើចត្តាឡីស័កនោះទេ។

លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានមានប្រសាសន៍ថា ឆ្នាំ២០២២ខាងមុខនេះ រាជរដ្ឋាភិបាលកម្ពុជា នៅតែបន្តយកចិត្តទុកដាក់លើបញ្ហាកូវីដ១៩ និងបានត្រៀមថវិកាដើម្បីចំណាយក្នុងឆ្នាំ២០២២ ក្នុងការទប់ស្កាត់កូវីដ លើកកម្ពស់សេដ្ឋកិច្ច ជីវភាពប្រជាពលរដ្ឋ ធ្វើយ៉ាងណាដើម្បីឱ្យការបើកសេដ្ឋកិច្ចរបស់កម្ពុជាមានស្ថិរភាពយូរអង្វែង៕