ដោយ សុជាតា

ភ្នំពេញៈ ទីផ្សារអាគារការិយាល័យសំរាប់ជួល នៅតែមានសញ្ញាស្លោកស្រពោននៅឡើយ ដោយសារវិបត្តិកូវីដ១៩ ដែលមិនទាន់មានក្រុមហ៊ុនថ្មីៗបានបង្កើតឡើងច្រើន និងក្រុមហ៊ុនអន្តរជាតិថ្មីៗនៅមិនទាន់ចូលមកម្ពុជានៅឡើយ។

លោកឌឹត ចាន់ណា អគ្គនាយកក្រុមហ៊ុន Lucky Real estate  បានបញ្ចាក់ប្រាប់ Property Area asia នៅថ្ងៃទី១១ ខែកញ្ញាថា នៅត្រីមសទីបី ឆ្នាំ ២០២១ អាគារការិ​យាល័យសម្រាប់ជួល នៅបន្តធ្លាក់ចុះបើប្រៀបធៀបនឹងឆ្នាំ ២០២០កន្លងទៅនេះ  ប៉ុន្តែអ្នកជំនាញ នៅក្នុងវិស័យរូបនេះបានបង្ហាញក្ដីរំពឹងថា ភាពល្អប្រសើរឡើង វិញនៅពេលដែលការចាក់វាក់សាំងពេញលេញ និងភាពធូរស្រាលនៃវិបត្តិកូវីត១៩ នេះ។

លោកលើកឡើងថា “មុនវិបត្តិ Covid 19 នេះ អាគារការិយាល័យជួលនៅកណ្តាលរាជធានីភ្នំពេញ មានតំរូវការខ្ពស់ជាងការផ្គត់ផ្គត់ ដោយតំរូវអោយម្ចាស់អាជិវកម្ម ត្រូវការផ្ទះល្វែង និង ផ្ទះវីឡា សម្រាប់ការិយាជួលបន្ថែមទៀត”។

ប៉ុន្តែនាពេលបច្ចុប្បន្ននេះ បានធ្លាក់ចុះគួរអោយកត់សំគាល់ ជាពិសេសការជួលអាគារការិយាល័យ ពីសំណាក់ភ្ញៀវបរទេស។ ចំពោះតម្លៃជួលការិយាល័យ គឹបែងចែកជាបីធំៗ គឺអាគារកម្រិតA  មានតម្លៃចាប់ពី ១០ដល់៣០ ដុល្លារក្នុងមួយម៉ែត្រការ៉េ និង អាគារកម្រិតB មានតម្លៃចន្លោះពី១៣ ដល់ ១៨ ដុល្លារក្នុងមួយម៉ែត្រការ៉េ និង អាគារកម្រិត C  គឺមានចន្លោះពី១០ដុល្លារ ទៅ១៣ ដុល្លារក្នុងមួយម៉ែត្រការ៉េ។

លោកឌឹត ចណ្ណាបានសង្ឃឹមថា ក្រោយពេលវិបត្តិ ត្រូវបានផុតរលត់ វិនិយោគិន អន្តរជាតិ ជាច្រើននឹងចូលមកកាន់ទីផ្សារកម្ពុជាសាជាថ្មី ដោយសារតែកម្ពុជាជាគោលដៅ របស់ពួកគេ ដែល អាចមានឱកាសច្រើនក្នុងវិនិយោគ និងទទួលបានចំណេញខ្ពស់បើ ប្រៀបធៀប ទៅនឹងប្រទេសជិតខាងនៅក្នុងតំបន់៕

តាមរបាយការណ៍ស្រាវជ្រាវ របស់ក្រុមហ៊ុនវាយតម្លៃអចលនទ្រព្យ បានលើកឡើង ទីតាំងការិយាល័យនៅទីក្រុងភ្នំពេញ មានតម្លៃដាក់ជួលជាមធ្យម២៣,៦ ដុល្លារក្នុងមួយម៉ែត្រការ៉េ ក្នុងមួយខែ ស្របពេលដែលទីក្រុងបាងកក មានតម្លៃដាក់ជួលជាមធ្យម៣៩,១ ដុល្លារ ហើយក្រុងហូជីមិញវិញ មានតម្លៃដាក់ជួលជាមធ្យម៤២,១ ដុល្លារ ក្នុងមួយម៉ែត្រការ៉េ ក្នុងមួយខែ។

អ្នកជំនាញក្រុមហ៊ុន VTrust Appraisal បានព្យារករណ៍នៅក្នុងរបាយការណ៍ថា ផ្ទៃអគារការិយាល័យ ពីគ្រប់ប្រភេទការិយាល័យទាំងអស់ បូកបញ្ចូលគ្នានឹងកើនដល់ជាង ១លានម៉ែត្រការ៉េ នៅឆ្នាំ២០៣០ ក្នុងកម្រិតកំណើនធម្មតា។  ក្នុងករណីមានកំណើនល្អខ្លាំង ចំនួនសរុបបូកបញ្ចូលគ្នា នឹងកើនដល់១,៦៩២,០០០ ម៉ែត្រការ៉េនៅឆ្នាំ ២០៣០៕

ដោយៈសុជាតា

ភ្នំពេញៈ បើទោះបីជាស្ថានភាពជំងឺកូវីដ១៩បានធូរស្រាលបន្តិចក្តី ប៉ុន្តែការលក់យូនីតខុនដូនៅកម្ពុជានៅតែមិនទាន់មានសញ្ញាល្អប្រសើរនៅឡើយទេ។

អ្នកនាង គឺម គិនកេសា អ្នកគ្រប់គ្រងជាន់ខ្ពស់ នៃក្រុមហ៊ុនCBRE Cambodiaបានមានប្រសាសន៍ឲ្យដឹងតាមទូរស័ព្ទនារសៀលថ្ងៃទី១០ កញ្ញានេះថា ទីផ្សារខុនដូកំពុងស្ថិតក្នុងដំណាក់កាលលំបាកជាងឆ្នាំ២០២០ កន្លងទៅនេះ ដោយក្រុមហ៊ុនសាងសង់ខុនដូរថ្មី មានអាត្រាតិចតួចជាងមុន។

អ្នកនាងបន្តថា ចំពោះគម្រោងខុនដូ ដែលដំណើរការលក់នៅត្រីមាសមុន គឺតែបន្តដំណើរលក់ និង សាងសង់ ដោយមិនទាន់សញ្ញាណផ្អាក និងពន្យាពេលនោះ ប៉ុន្តែចំពោះគម្រោងខុនដូរថ្មី នៅមិនទាន់ចាប់ផ្តើមឡើងទីផ្សារនោះទេ ដោយសារតែពេលនេះ មិនមានជាពេលវេលាសមស្រប គម្រោងខុនដូរថ្មី ហើយមូលហេតុនៃការឆ្លាក់ចុះ គឺ ដោយ​សារតែវិបត្តិកូវីដ១៩ ដែលធ្វើអោយភាគច្រើនបណ្ដាល មកពីការបាត់បង់ចំណែកទីផ្សារពីវិនិយោគិនបរទេសមួយចំណែកធំ។

អ្នកនាងបន្ថែមថា អាគារខុនដូរប្រមាណ ២៧០០០យូនីតបានសាងសង់បញ្ចប់ ដោយមានតម្លៃចន្លោះពី១៥០០ ដុល្លារ ទៅ២៥០០ ដុល្លារក្នុងមួយម៉ែត្រការ៉េ។ សម្រាប់និន្នការរយៈពេលយូរ គឺនៅប្រជាជនច្រើនប្រមូលផ្តុំនៅទីក្រុង ដែលដីនៅកណ្តាលក្រុងចង្អៀត ធ្វើអោយទីផ្សារខុនដូរ សម្រាប់តំរូវការប្រជាជនក្នុងស្រុក បន្តកើនឡើងផងដែរ។

ជាមួយគ្នានេះ លោកខន គង្គាអគ្គនាយកក្រុមហ៊ុន ERA Cambodia បានប្រាប់ Property Area Asian នៅថ្ងៃដដែលថា ចំពោះទីផ្សារខុនដូនៅចុងឆ្នាំ២០២១ នេះគឺយើងបែងចែកជាពីរធំៗ គឺការវិនិយោគពីខាងក្រៅប្រទេស និងខាងក្នុងប្រទេស។ ចំពោះទីផ្សារខុនដូពីក្រៅប្រទេសគឺមានធ្លាក់ចុះ ដោយសារវិបត្តិសកល Covid 19 ដែលប៉ះពាល់ទៅដល់ចរន្តទិញ លក់អាគារសហកម្មសិទ្ធិនេះ។

ប៉ុន្តែចំពោះទីផ្សារខុនដូ ដែលមកពីខាងក្នុងគឺសំដៅអតិថិនក្នុងស្រុក គឺមិនមានការធ្លាក់ចុះនោះទេ ដោយក្រុមហ៊ុនគឺជំនាញលក់ សម្រាប់ប្រជាជនកម្ពុជា ជាមួយនឹងការបញ្ចុះតម្លៃ និងកញ្ចប់សេវាកម្មទាក់ទាញផងដែរ។ ចំពោះតម្លៃខុនដូ គឺគេបែងចែកជាបីធំ ពោលគឺ Great A គឺតម្លៃ៣៥០០ ដុល្លារក្នុងមួយម៉ែត្រការ៉េGreat B គឺតម្លៃ៣០០០ ដុល្លារក្នុងម៉ែត្រការ៉ និង Great C គឺតម្លៃ ២៥០០ ដុល្លារក្នុងមួយម៉ែត្រការ៉េ៕

ដោយៈវឌ្ឍនៈ

ភ្នំពេញៈ គម្រោងអភិវឌ្ឍន៍ផ្លូវសំខាន់ៗ ទៅកាន់តំបន់ឆ្នេរនៃកម្ពុជាបាននិងកំពុងជំរុញសក្ដានុពល និងទាក់ទាញការវិនិយោគ លើវិស័យអចលនទ្រព្យកាន់តែខ្លាំងបន្ថែមទៀត ជាពិសេសសកម្មភាពនៃការទិញលក់ដីធ្លី នៅក្នុងអំឡុងនៃការរីកដាលនៃជំងឺកូវីដ១៩នេះ។

បើតាមមន្ត្រីជាន់ខ្ពស់នៃរាជរដ្ឋាភិបាលកម្ពុជា បានលើកឡើផងដែរថា រាជរដ្ឋាភិបាលគ្រោងនឹងជួសជុល និងលើកកម្ពស់ផ្លូវជាច្រើនខ្សែទៀត តភ្ជាប់ទៅកាន់តំបន់ឆ្នេរជាពិសេសខេត្តកំពត និងកែបដែលជាតំបន់ទាក់ទាញថ្មីនៃការអភិវឌ្ឍអចលនទ្រព្យ។

លោកគង់ ចាន់ណាអគ្គនាយកអចលនទ្រព្យនៃក្រុមហ៊ុនគង់ វង្សប្រណិតរៀលអ៊ីស្ទេតបានឱ្យដឹងថា កំពត និងកែប គឺជាខេត្តអេកូទេសចរណ៍ ដ៏មានសក្ដានុពលនិងកំពុងត្រូវការអ្នកវិនិយោគ សម្រាប់ផ្គត់ផ្គង់សេវាកម្មទៅលើវិស័យទេសចរណ៍ ។ ដោយសារតែខេត្តនេះ មានសក្ដានុពលទៅលើការវិនិយោគអចលនទ្រព្យ សម្រាប់វិស័យទេសចរណ៍ដូច្នេះដី៤ប្រភេទ ដែលមានហាងឆេងនិងទាក់ទាញជាងគេ រួមមាន១.ដីជាប់សមុទ្រ ២.ដីជាប់មាត់ព្រែកធំៗ ទី៣ ដីជាប់ជើងភ្នំ និងទី៤ ដីស្ថិតនៅទីតាំងដែលងាយស្រួលឱ្យវិនិយោគិនធ្វើរីសតបាន ។

លោកបន្តថា ពីព្រោះតែសក្ដានុពល នៃការវិនិយោគយូរអង្វែងនេះហើយ ទើបរដ្ឋាភិបាលលោកបានអភិវឌ្ឍ ហេដ្ឋារចនាសម្ប័ន្ធពីភ្នំពេញ ទៅកាន់ខេត្តទាំងពីរនេះ ដើម្បីងាយស្រួល ដល់ការធ្វើដំណើររបស់ទេសចរ និងវិនិយោគិនទៅកាន់តំបន់ទាំងពីរ”។

បើតាមរដ្ឋមន្ត្រីក្រសួងសាធារណការនិងដឹកជញ្ជូន លោកស៊ុន ចាន់ថុលកាលពីពេលថ្មីៗនេះ ក៏បានឱ្យដឹងផងដែរថា កម្ពុជាបានសាងសង់ផ្លូវជាតិល៣ តភ្ជាប់ពីចោមចៅទៅបែកគុសជា៤គន្លង ពីបែកគុសទៅទីរួមខេត្តកំពត ជាពីរគន្លងនិងសម្រេចជិត១០០ភាគរយទៅហើយ។ រដ្ឋាភិបាលក៏មានគម្រោងជួសជុល និងលើកកម្ពស់ផ្លូវជាតិលេខ៤១ពីផ្លូវជាតិលេខទៅផ្លូវជាតិលេខ៣ ឆ្ពោះទៅទីរួមខេត្តកំពត ផ្លូវជាតិលេខ៣១ពី បែកគុសទៅកំពង់ត្រាចឆ្ពោះទៅខេត្តកែប និងផ្លូវជាតិលេខ៣៣ពីទីរួមខេត្តកំពតទៅក្រុងកែប។

លោកបន្តថា “ការអភិវឌ្ឍផ្លូវនេះ នឹងនាំភ្ញៀវទេសចរទៅកម្សាន្ត នៅខេត្តទាំងពីរកាន់តែច្រើន និងនាំវិនិយោគិនជាតិនិងអន្តរជាតិ ទៅកាន់ខេត្តទាំងពីរកាន់តែច្រើនផងដែរនាពេលអនាគត”។

ទីប្រឹក្សាសមាគមអចលនទ្រព្យសកល លោកយិន លាងគង់បានមានប្រសាសន៍ថា ហេដ្ឋារចនាសម្ព័ន្ឋ បានក្លាយជាមូលដ្ឋាននៃការរីកចម្រើនសេដ្ឋកិច្ច និងអចលនទ្រព្យ ហេតុនេះទើបរដ្ឋាភិបាល បាននិងកំពុងចំណាយទុនវិនិយោគរាប់រយលានដុល្លារ ជារៀងរាល់ឆ្នាំ ដើម្បី​កសាងហេដ្ឋារចនាសម្ព័ន្ឋចាំបាច់ និងអាទិភាពជាមុន។

លោកបន្តថា “ការវិនិយោគលើហេដ្ឋារចនាសម្ព័ន្ឋរបស់រដ្ឋាភិបាលផ្តល់ផលប្រយោ​ជន៍សំខាន់ៗជាច្រើន ទី១ ជួយជម្រុញការរីកចម្រើនសេដ្ឋកិច្ចរយៈពេលវែង តាមរយៈការកាត់បន្ថយពេលវេលាដឹកជញ្ជូន ធ្វើដំណើរ ទី២ ជួយជម្រុញការរអភិវឌ្ឈន៍អចលនទ្រព្យ ក៏ដូចជាវិស័យផ្សេងៗទៀត ទី៣ កាត់បន្ថយភាពក្រីក្ររបស់ប្រជាពលរដ្ឋ និងបង្ខិតជនបទកាន់តែមកកៀកនឹងរាជធានីភ្នំពេញ ដែលជាចំណុចកណ្តាលនៃសេដ្ឋកិច្ច សង្គមរបស់ប្រទេស៕

ដោយៈសុជាតា

ភ្នំពេញៈ បើយោងតាមការផ្សព្វផ្សាយរបស់ក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី9 ខែកញ្ញា ឆ្នាំ2021 បានអោយដឹងថា រដ្ឋាភិបាលបានសម្រេចដាក់ឱ្យប្រើប្រាស់ប្លង់គោលប្រើប្រាស់ដីស្រុកបរិប៍ណ៌ ខេត្តកំពង់ឆ្នាំង ដើម្បីឆ្លើយតបទៅនឹងកំណើនប្រជាសាស្ត្រ តម្រូវការការអភិវឌ្ឍលំនៅឋានគ្រប់វិស័យ។

ក្នុងគោលដៅធានាការគ្រប់គ្រង និងការអភិវឌ្ឍស្រុកបរិបូណ៌ប្រកបដោយចីរភាព គណៈកម្មាធិការរៀបចំដែនដី និងនគរូបនីយកម្ម ខេត្តកំពង់ឆ្នាំង និងគណៈកម្មាធិការរៀបចំដែនដី និងនគរូបនីយកម្មស្រុកបរិបូណ៌ បានរៀបចំនូវប្លង់គោលប្រើប្រាស់ដីស្រុកបរិបូណ៌ចក្ខុវិស័យឆ្នាំ2030 ដើម្បីជាមូលដ្ឋានក្នុងការគ្រប់គ្រង និងតម្រង់ទិសអភិវឌ្ឍន៍ដែនដីស្រុកបរិបូណ៌ទាំងមូល ស្របតាមចក្ខុវិស័យនៃគោលនយោបាយជាតិស្តីពី ការរៀបចំដែនដី នៃព្រះរាជាណាចក្រកម្ពុជា និងគោលនយោបាយតាមវិស័យសំខាន់ៗជាច្រើនទៀត។

ចក្ខុវិស័យដល់ឆ្នាំ ២០៣០នៃប្លង់គោលប្រើប្រាស់ដី ស្រុកបរិបូរណ៍ គឺសំដៅរៀបចំ និង អភិវឌ្ឍស្រុកបរិបូរណ៍ ជាស្រុកគំរូក្នុងតំបន់បឹងទន្លសាប លើការអភិវឌ្ឍសេដ្ឋកិច្ច សង្គម  និង បរិស្ថានល្អប្រសើរប្រកបដោយចីរភាព តុល្បភាព និង បរិយាបន្ន តាមរយៈការជំរុញ១.ការអភិវឌ្ឍតំបន់ទីប្រជុំជន និងតំបន់ជនបទប្រកបដោយសោភ័ណ អត្តសញ្ញាណ វប្បធម៍ និងធម្មជាតិល្អប្រសើរ ក្នុងភូមិសាស្រ្តតំបន់បឹងទន្លេសាប។

២. ការអភិវឌ្ឍកសិកម្ម និង ជលផលប្រកបដោយចំណេះដឹង ការច្នៃប្រឌិត។ ៣.ការអភិវឌ្ឍពាណិជ្ជកម្ម សេវាកម្ម ឧស្សាហកម្មសិប្បកម្មកែច្នៃ។ ៤ ការអភិវឌ្ឍទេសចរណ៍ វប្បធម៌ និងធម្មជាតិ។ ៥. ការលើកកម្ពស់អភិបាលល្អ ការថែរក្សាអត្តសញ្ញាណវប្បធម៌ជាតិ និង ការអភិវឌ្ឍបៃតង។

ក្ខុងវិស័យនៃប្លង់គោលប្រើប្រាស់ដី ស្រុកបរិបូណ៌មានលក្ខណៈទូលំទូលាយគ្របដណ្តប់ទាំងឯកសារគតិយុត្ត និងបច្ចេកទេសសម្រាប់ធ្វើការ សម្របសម្រួលជាមួយនឹងវិស័យនានា ដែលជាកម្លាំងចលករសេដ្ឋកិច្ចសំដៅធ្វើការ តម្រង់ទិសការអភិវឌ្ឍប្រកបដោយចីរភាព ឆ្លើយតបទៅនឹងកំណើនប្រជាសាស្ត្រ តម្រូវការក្នុងការប្រើប្រាស់ដី ការអភិវឌ្ឍលំនៅឋាន និងការអភិវឌ្ឍគ្រប់កម្រិតក្នុងពេលបច្ចុប្បន្ន និងទៅអនាគតដោយធានាបាននូវការការពារ ធនធានដី ធនធានទឹកក្រោមដី ប្រព័ន្ធអេកូឡូស៊ី បរិស្ថាន និងធនធានធម្មជាតិ ជាពិសេសការអភិរក្ស ធនធាន ធម្មជាតិតំបន់បឹងទន្លេសាប តំបន់ឆ្នុកទ្រដែលរងការបំផ្លាញ ដោយសារសកម្មភាពអភិវឌ្ឍខុសបទដ្ឋានបច្ចេកទេស ឬដោយសារការប្រែប្រួលអាកាសធាតុ ដូចជា ការបំភាយឧស្ម័នផ្ទះកញ្ចក់ ការកើនឡើងនៃកម្ដៅនៅក្នុងទីប្រជុំជន របបទឹកភ្លៀងមិនទៀងទាត់ ទឹកជំនន់ ភាពរាំងស្ងួត និងខ្យល់ព្យុះជាដើម។

ដើម្បីកំណត់ចក្ខុវិស័យដល់ឆ្នាំ២០៣០ ប្លង់គោលប្រើប្រាស់ដីស្រុកបរិបូណ៌ត្រូវបានសិក្សានូវក្របខណ្ឌ សេដ្ឋកិច្ច សង្គម ដោយផ្អែកតាមរបាយការណ៍ជាតិស្តីពីលទ្ធផលចុងក្រោយនៃជំរឿនទូទៅ នូវប្រជាសាស្ត្ររបស់ប្រទេសកម្ពុជាឆ្នាំ2008 និងឆ្នាំ 2019 របស់វិទ្យាស្ថានជាតិស្ថិតិនៃក្រសួងផែនការ។ តាមរយៈការសិក្សាខាងលើនេះ ស្រុកបរិបូណ៌មានផ្ទៃដី42, 309 ហិកតា ចំនួនប្រជាជននៅឆ្នាំ 2008 មានចំនួន 54, 714 នាក់ ឆ្នាំ 2018 មានចំនួន 58, 417នាក់ និងនៅឆ្នាំ 2030 នឹងកើនឡើងដល់ 63, 194 នាក់ ផ្អែកតាមការគណនាអត្រាកំណើនប្រចាំឆ្នាំ៕