សមាគមអចលនទ្រព្យសកលនាំយកសម្ភារៈបង្ការជំងឺកូវីដជូនអភិបាលខេត្តកែប

ដោយៈគង់ សូរិយា

ភ្នំពេញៈ សមាគមអចលនទ្រព្យសកល ដឹកនាំដោយលោកឧកញ៉ាសំ សុខនឿនបាននាំយកនូវសម្ភារៈ បរិក្ខាសំខាន់ៗ ដើម្បីបង្ការជំងឺកូវីដ១៩ជូនដល់លោកសោម ពិសិដ្ឋអភិបាលខេត្តកែប។

អំណោយទាំងនោះរួមមានដូចជា ១. ម៉ាស់ចំនួន ៥០,០០០ម៉ាស់ ២. ទឹកសំលាប់មេរោគចំនួន៥០កាន។ ៣. បំពង់ទឹកស្ព្រាយ៍បាញ់សំលាប់មេរោគចំនួន១០០ដប ៤.ទឹកសុទ្ធ ចំនួន១០០កេះ និង៥. ទឹកប្រាក់ចំនួន១០លានរៀល ដែលសរុបជាទឹកប្រាក់ចំនួន ៥៦៥០ដុល្លារ។

អភិបាលខេត្តកែប លោកសោម ពិសិដ្ឋបានថ្លែងអំណរគុណដល់ឧកញ៉ាប្រធានសមាគម និងសហការី ដែលបាននាំយកនូវអំណោយដ៏មានសារៈសំខាន់នេះជូនដល់រដ្ឋបាលខេត្ត ដើម្បីចែកជូនប្រជាពលរដ្ឋក្នុងមូលដ្ឋាន ពិសេសការទប់ស្កាត់ការរីករាលដាលជំងឺកូវីដ១៩៕

អគារកម្ពស់រាប់សិបជាន់រាងដូចប្រាសាទបុរាណពីរ៉ាមីត ដ៏ល្បីល្បាញរបស់អេហ្ស៊ីបនឹងត្រូវសាងសង់នៅក្រុងប៉ារីស

ដោយៈសុខុម

ប៉ារីស: អគារខ្ពស់ថ្មីមួយកម្ពស់៤២ជាន់ ដែលមានរូបរាងដូចប្រាសាទបុរាណពីរ៉ាមី (Pyramid) ដ៏ល្បីល្បាញរបស់អេហ្ស៊ីប នឹងត្រូវសាងសង់នៅក្រុងប៉ារីសនាពេលឆាប់ៗនេះ បន្ទាប់ពីធ្វើផែនការអស់រយៈពេលជាច្រើនឆ្នាំ។ នេះបើយោងតាមសារព័ត៌មាន South China Morning Post ដែលចុះផ្សាយនៅថ្ងៃទី៣ វិច្ឆិកា នេះ។

អគារដែលមានឈ្មោះថា Triangle Tower ឬជាភាសាបារាំង Tour Triangle ខាងលើនេះ នឹងត្រូវសាងសង់នៅឆ្នាំ២០២២ ក្នុងសង្កាត់លេខ១៥ ស្ថិតនៅជាយក្រុងប៉ារីស ជាមួយគម្រោងបញ្ចប់ការសាងសង់ នៅត្រឹមឆ្នាំ២០២៦ បន្ទាប់ពីទទួលបានហិរញ្ញប្បទានពីក្រុមហ៊ុនធានារ៉ាប់រងទំហំយក្ស Axa ក្រោយពន្យារពេលជាច្រើនឆ្នាំ។

វានឹងក្លាយជាអគារខ្ពស់ដ៏កម្រមួយ នៅក្នុងទីក្រុងប៉ារីស ដែលមានការរឹតត្បិតយ៉ាងតឹងរ៉ឹងមិនឱ្យសាងសង់អគារខ្ពស់ៗ ដើម្បីរក្សាសោភ័ណភាព និងសភាពដើមជាប្រវត្តិសាស្ត្ររបស់ទីក្រុងនេះ។

រចនាឡើងដោយស្ថាបត្យករជនជាតិស្វីស២រូបឈ្មោះ Herzog និងឈ្មោះ Meuron អគារនេះនឹងត្រូវមហាជនធ្វើការប្រៀបធៀប ដោយជៀសមិនផុតទៅនឹងអគារពីរ៉ាមីត នាសម័យទំនើបដ៏ល្បីល្បាញ ដែលស្ថិតក្នុងបរិវេណទីធ្លាសារៈមន្ទីរ Louvre Museum ចំកណ្ដាលក្រុងប៉ារីស ថ្វីបើវាធំជាង និងខ្ពស់ជាងឆ្ងាយយ៉ាងណាក្ដី។

ទោះជាយ៉ាងណា ក្រុមមន្ត្រីបរិស្ថាននៃក្រុមប្រឹក្សាក្រុងប៉ារីស បានរិះគន់ផែនការនេះថា ជះផលប៉ះពាល់ដល់បរិស្ថាន ហើយគួរតែបោះបង់ចោល។

ពួកគេបានចេញសេចក្តីថ្លែងការណ៍ថា គម្រោង”អគារការិយាល័យកម្ពស់១៨០ម៉ែត្រ ដែលមានផ្ទៃក្រឡាសរុប៩២.០០០ម៉ែត្រការ៉េនេះ គឺបង្កផលប៉ះពាល់ដល់បរិស្ថាន ហើយវាផ្ទុយនឹងការប្តេជ្ញាចិត្ត លើអនុវត្តតាមផែនការអាកាសធាតុនៃទីក្រុងប៉ារីស”៕ South China Morning Post៕

ប្រធាន CVEA អះអាងថា ការផ្គត់ផ្គង់លំនៅឋាននៅក្នុងប្រទេសកម្ពុជាមិនទាន់ឆ្លើយតបនឹងតម្រូវការ

ដោយៈ វឌ្ឍនៈ

ភ្នំពេញៈ ការអភិវឌ្ឍលំនៅឋាននៅក្នុងប្រទេសកម្ពុជា នាពេលបច្ចុប្បន្ននេះ ត្រូវបានគេមើលឃើញថា កំពុងតែមានសកម្មភាពកាន់តែខ្លាំង ដោយមតិមួយចំនួនគិតថាវាលើសពីតម្រូវការជាក់ស្ដែងទៅហើយ ប៉ុន្តែបើក្រលេកទៅមើលចំនួនប្រជាជន និងចំនួនផ្ទះដែលមាននៅកម្ពុជា នៅមិនទាន់មានស៊ីសងគ្នានៅឡើយ ដោយមានន័យថាតម្រូវការលំនៅឋាន នៅតែបន្តមាននិងទាមទារឱ្យមានការអភិវឌ្ឍបន្ថែម។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាលោកច្រឹក សុខនីមបានលើកឡើងក្នុងសន្និសីទ មួយកាលពីថ្ងៃទី៣វិច្ឆិកា ២០២១នេះឱ្យដឹងថា ការផ្គត់ផ្គង់តម្រូវការលំនៅឋាននៅក្នុងប្រទេសកម្ពុជា វាគង់តែដល់ថ្ងៃណាមួយគ្រប់តម្រូវការឬលើសពីតម្រូវការទេ ប៉ុន្តែបើយើងក្រលេកទៅមើលស្ថានភាពបច្ចុប្បន្ននេះ ចំនួនប្រជាជនកម្ពុជាមានរហូតដល់១៦លាននាក់ តែចំនួនផ្ទះវិញយើងឃើញថា នៅភ្នំពេញមានជាង១លានផ្ទះ នៅខេត្តព្រះសីហនុ មិនដល់១លាននាក់ទេ នៅសៀមរាបក៏ដូចគ្នាហើយខេត្តផ្សេងៗទៀតត្រឹមតែប៉ុន្មានម៉ឺនផ្ទះប៉ុណ្ណោះ ។

លោកបន្តថា “តាមរយៈស្ថិតនេះបើធៀបចំនួនប្រជាជន និងចំនួនខ្នងផ្ទះដែលយើងមាន ឃើញថានៅខ្វះខាតចំនួនខ្នងផ្ទះច្រើនណាស់”។លោកបន្តថា“ដូច្នេះទើបយើងឃើញថានៅពេលមានការអភិវឌ្ឍបុរី អភិវឌ្ឍន៍ខុនដូនៅតែលក់ដាច់ ប៉ុន្តែបរិបទនៃការលក់ខុនដូនៅក្នុងប្រទេសកម្ពុជា គឺជាបរិបទថ្មី ដែលទាមទារផ្ដល់នូវការអប់រំនិងផ្សព្វផ្សាយពីអត្ថប្រយោជន៍ នៃការរស់នៅក្នុងខុនដូ”។

លោកសុខនីមបានពន្យល់ថា ពីព្រោះប្រជាជនកម្ពុជាមានផ្នត់គំនិតមួយ គឺចង់រស់នៅផ្ទះជាប់នឹងដី ដូចជា ផ្ទះល្វែង ផ្ទះវីឡា ដែលមានរបងធំៗដែលជាវប្បធម៌ តាំងពីដូនតាយើងមក”។

លោកបន្ថែមថា ដោយសារតែកម្ពុជាជាប្រទេស បើកចំហរលើការវិនិយោគ ដូច្នេះហើយទើបយើងមើលឃើញថា កម្ពុជាទទួលបានគម្រោងវិនិយោគខុនដូ ពីក្រៅប្រទេសកាន់តែច្រើន។ ការអភិវឌ្ឍខុនដូនេះដែរ ក៏ជាការផ្គត់ផ្គង់ដល់វិស័យទេសចរណ៍ ដ៏សំខាន់ផងដែរ ពីព្រោះភ្ញៀវទេសចរមកពីបណ្ដាប្រទេសជឿនលឿន ពួកគេចូលចិត្តស្នាក់នៅក្នុងខុនដូ ដូច្នេះខុនដូនៅកម្ពុជា នឹងក្លាយជាសណ្ឋាគារសម្រាប់ភ្ញៀវទេសចរ ។

ទោះបីជាបច្ចុប្បន្ននេះ ចំនួនផ្ទះមិនទាន់ឆ្លើយតបនឹងចំនួនប្រជាជនក្ដី តែការអភិ​វ ឌ្ឍលំនៅឋានមួយចំនួន មិនទាន់ត្រូវនឹងអ្វីដែលប្រជាជនកម្ពុជាចង់បាន ឬអាចនិយាយបានថា ការតម្លៃលំនៅឋានក្នុងប្រទេសកម្ពុជា នៅតែខ្ពស់ជាងលទ្ធភាព ដែលប្រជាជនកម្ពុជាមាន។

លោកច្រឹក សុខនីមបានលើកជាឧទាហរណ៍ថា ប្រជាជននៅភ្នំពេញនៅខ្វះខាតផ្ទះច្រើន ដោយប្រជាជនមួយចំនួនជួលផ្ទះគេស្នាក់នៅ ខណៈក្រុមហ៊ុនអភិវឌ្ឍន៍លំនៅឋានជាច្រើនអភិវឌ្ឍន៍រួចមិនមានអ្នកចូលស្នាក់នៅ ដោយមិនមានអ្នកទិញឬក៏ទិញហើយអស់លទ្ធភាពត្រឹមពាក់កណ្ដាលទីក៏ប្រកាសលក់វិញជាដើម ៕

វិភាគៈត្រៀមស្វាគមន៍ឆ្នាំ២០២២ សូចនាករសំខាន់ៗចំនួន៧ចំណុចឆ្លុះបញ្ចាំងពីការវិលត្រលប់របស់អ្នកវិនិយោគចិន

ដោយៈយិន លាងគង់ ស្ថាបនិក និងអគ្គនាយកគេហទំព័រ Propertyarea.asia

ភ្នំពេញៈ បើទោះពិភពលោកមិនទាន់ប្រាកដប្រជាសម្រាប់ឆ្នាំ២០២២ក្តី ប៉ុន្តែភស្តុតាងជាច្រើនបានបង្ហាញថា ជំងឺកូវីដ១៩ត្រូវបានប្រទេសភាគច្រើនគ្រប់គ្រងបាន និងបណ្តាប្រទេសជាច្រើនបានចាប់ផ្តើមរៀនរស់ជាមួយជំងឺនេះ។

ក្នុងចំណោមបណ្តាប្រទេសនានានៅលើពិភពលោក កម្ពុជាបានក្លាយជាប្រទេសឈានមុនគេ ដែលបានចាក់វ៉ាក់សាំងបង្ការជំងឺកូវីដ១៩ ជូនប្រជាពលរដ្ឋបានជាង១០លាន​នាក់។

អ្នកវិភាគក្នុងស្រុក
ទន្ទឹមនឹងការប្រកាសបើកដំណើរការសេដ្ឋកិច្ច និងទេសចរណ៍ឡើងវិញរបស់ប្រមុខ​រាជរដ្ឋាភិបាល សម្តេចតេជោហ៊ុន សែននាយករដ្ឋមន្រ្តីនៃកម្ពុជា អ្នកវិភាគសេដ្ឋកិច្ច និងអចលនទ្រព្យក្នុងស្រុកបាននិងកំពុងមើលឃើញថា អ្នកវិនិយោគអន្តរជាតិនឹងហូរចូល​មកកាន់កម្ពុជាជាថ្មីនៅឆ្នាំ២០២២ខាងមុខនេះ។

ការពឹងផ្អែកលើវិនិយោគិន ក្នុងស្រុកផ្នែកវិស័យអចលនទ្រព្យ ក៏ដួចជាកំលាំងចលក​រស្នូលនៃសេដ្ឋកិច្ចមិនគ្រប់គ្រាន់ទេ វាបានត្រឹមចម្អែកក្រពះប៉ុណ្ណោះ ហេតុនេះការ​រីកចម្រើននៃសេដ្ឋកិច្ចកម្ពុជា ពិតជាត្រូវការលំហូរទុនវិនិយោគផ្ទាល់ ពីបរទេសដោយខានមិនបាន។

ក្នុងចំណោមអ្នកវិនិយោគច្រើនជាងគេនៅកម្ពុជា អ្នកវិនិយោគចិនបានរក្សាដំណែ​ងលេខ១ជាច្រើនឆ្នាំ ទោះបីក្នុងវិបត្តិជំងឺកូវីដ១៩ក្តី។

សំណួរនៅទីនេះ តើអ្នកវិនិយោគចិននឹងត្រលប់មកកាន់កម្ពុជាឬទេ នៅឆ្នាំ២០២២? សូមសិក្សាលើសូចនាករ និងបទវិភាគនេះ។

សមាណចិត្តដ៏កម្រ
ការឈានជើងចូលទឹកដីចិន អំឡុងពេលមិត្តចិនរត់ចោល ចិន ប៉ុន្តែសម្តេចតេជោបានអញ្ជើញទស្សនកិច្ចប្រទេសចិន ដ៏គួរឲ្យភ្ញាក់ផ្អើល បានធ្វើឲ្យពិភពលោក និងមេដឹក​នាំចិនបើកភ្នែកធំៗ បន្ទាប់ពីមើលឃើញសន្តានចិត្តដ៏ស្មោះត្រង់ មោះមុត ជួយគ្នាក្នុងគ្រាលំបាករបស់កម្ពុជា ជាមួយនឹងមិត្តដូចដែកថែប និងមានតម្លៃមិនអាចកាត់ថ្លៃបានជាប្រវត្តិ​សាស្រ្តនេះ។

សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានមានប្រសាសន៍ថា “កម្ពុជា ជាប្រទេសតូច ក្រីក្រ ប៉ុន្តែបេះដូងធំ និងមិនក្រទឹកចិត្តឡើយ”។

ជាមួយគ្នានេះ កាលពីពេលថ្មីៗសម្តេចតេជោ បានលើកឡើងក្នុងវេទិកា “ចក្ខុវិស័យអាស៊ី” ដែលបានរៀបចំដោយសារព៌តមាននិកិដ៏ធំមួយរបស់ជប៉ុនថា “បើមិនឲ្យស ម្តេចពឹងចិន តើឲ្យសម្តេចពឹងអ្នកណា ព្រោះកុំតែបានមិត្តចិន កម្ពុជានឹងមិនមានវ៉ាក់សាំងបង្ការជំងឺកូវីដ១៩ ចាក់ជូនប្រជាពលរដ្ឋខ្មែរនោះទេ”។

តាមរយៈសមាណចិត្ត និងទំនាក់ទំនងកាទូតដ៏ប៉ិនប្រសព្វរបស់សម្តេចតេជោ កម្ពុជានឹងទទូលបានវ៉ាក់សាំង ដែលផ្តល់ជូនពីមិត្តចិនដោយឥតគិតថ្លៃ និងជាការបញ្ជាទិញផងគ្រប់២០លានដូសនៅខែសីហាខាងមុខនេះ ដើម្បីចាក់ជូនពលរដ្ឋកម្ពុជា២០លាននាក់។

កាដូដ៏ធំពីមិត្តចិន
ជាការអបអរសាទរទំនាក់ទំបងកាទូត ដែលបានសាងឡើងយ៉ាងវែងអន្លាយ ជួន​កាលដើរលើផ្លូវរលាក់ផង ជួនកាលដើរលើផ្លូវរលូនផង ទំនាក់ទំនងមិត្តភាពកម្ពុជាចិនបានចាប់ផ្តើមផ្លាស់ប្តូរព៌ណ ដោយរដ្ឋាភិបាលប្រទេសទាំងពីរបានបង្កើនទំនាក់ទំនងពីទ្វេរភាគី មកជាដៃគូយុទ្ឋសាស្រ្តគ្រប់ជ្រុងជ្រោយនៅឆ្នាំ២០១០ ជាពេលដែលលំហូរវិនិយោគ​ចិនចូលមកកម្ពុជាដូចទឹកបាក់ទំនប់។

“ការកសាងសហគមន៍ពីរ វាសនាតែមួយ” ជាទិសស្លោកដែលបានបង្កើតឡើងដោយសម្តេចតេជោ និងប្រធានាធិបតីស៊ី ជីនពីងបាននិងកំពុងធ្វើឲ្យកម្ពុជា ចិនក្លាយជាបងប្អូន និងភាពមិនអាចកាត់ផ្តាច់ពីគ្នាបាន។ ជាមួយនឹងសារច្បាស់លាស់ ក្នុងអំឡុងដំណើរទស្សនកិច្ចមកកាន់កម្ពុជានៅឆ្នាំ២០១៦ ប្រធានាធិបតីចិន លោកស៊ី ជិនពីងបានផ្ញើរសារជូនប្រជាជាតិកម្ពុជាយ៉ាងច្បាស់លាស់ថា “ចិននឹងបន្តជួយជម្រុញ ការរីកចម្រើនសេដ្ឋកិច្ចសង្គមកម្ពុជា និងចូលរួមលការពារបូរណៈភាពទឹកដីកម្ពុជា”។

ជាមួយនឹងទំនាក់ទំនងកាន់តែល្អប្រសើរ និងរ៉ឹងមាំដូចដែកថែបនេះ ជាលទ្ឋផល​រ ដ្ឋាភិបាលចិន និងកម្ពុជាបានចុះកិច្ចព្រមព្រៀងពាណិជ្ជកម្មសេរី នៅចុងឆ្នាំ២០២១ និងបានចូលជាធរមាននៅចុងឆ្នាំ២០២១ ដែលជាអំណោយដ៏ធំមួយ ជួយសម្រុញកំនើនសេដ្ឋកិច្ចឲ្យរ៉ឹងមាំ និងធំធាត់កាន់តែខ្លាំង ជាមួយនឹងលំហូរទំនិញកាន់តែច្រើនពីកម្ពុជាទៅកាន់ប្រទេសចិន។

អ្នកជំនាញផ្នែកសេដ្ឋកិច្ចកម្ពុជា និងជាអនុប្រធានសភាពាណិជ្ជកម្មកម្ពុជា លោកឧកញ៉ាលឹម ហេងបានមានប្រសាសន៍ថា ការសម្រេចបាននូវកិច្ចព្រមព្រៀងពាណិជ្ជកម្មសេរីចិន និងកម្ពុជា នឹងធ្វើឲ្យកម្ពុជាអាចពង្រីកទំហំពាណិជ្ជកម្ម កាន់តែធំជាមួយប្រទេសចិន ពិសេសកម្ពុជានឹងអាចទាក់ទាញអ្នកវិនិយោគចិន អាមេរិក អឺរ៉ុបកាន់តែច្រើន ដើម្បីមកផលិតទំនិញនាំទៅកាន់ទីផ្សាររបស់ចិនដោយរួចពន្ឋ។

លោកបន្តថា “បើសិនជាកម្ពុជាធ្វើបានល្អ កម្ពុជានឹងក្លាយជាមូលដ្ឋានផលិតដ៏ធំ ដើម្បីនាំចេញទៅកាន់ទីផ្សារអាស៊ានផងដែរ”។

ទឹកសន្សើមប្តូររដូវ
ដំណក់ព្រិលនារដូវផ្ការីក បានធ្វើឲ្យសករាជចិននាសតវត្សរ៍២១ បានផ្លាស់ប្តូរយ៉ាង​សម្បើម មហាយក្សចិនបានងើបឡើងដ៏គួរឲ្យភ្ញាក់ផ្អើល ក្នុងរយៈពេលពីរទសវត្សរ៍កន្លងមក​នេះ បន្ទាប់ពីកំនើនសេដ្ឋកិច្ចដ៏ខ្លាំងក្លារបស់ខ្លួន ដោយបានធ្វើឲ្យរចនាសម្ព័ន្ឋសង្គម នយោបាយ យោធារបស់ចិនបានផ្លាស់ប្តូរ និងបានដំឡើងខ្លួនពីយក្ស ដែលធ្លាប់ដេកលង់លក់ មកជាយក្សដែលមានអំណាច និងឥទ្ឋិពលពេញលេញក្នុងក្របខ័ណ្ឌតំបន់ និងពិភពលោក។

ប៉ុន្តែទោះជាយ៉ាងណា ការរីកចម្រើនសេដ្ឋកិច្ចរបស់ចិន និងការបែងចែកធនធានមិនទាន់បានសមស្រប បានធ្វើឲ្យសង្គមចិន មិនទាន់មានសុខដុមនីយកម្មទាំងស្រុង ហើ​យប្រជាជនចិន ក៏មិនទាន់ទទួលបានផលស្មើៗគ្នា ពីការចាក់ចូលនូវមូលធនរបស់ប្រទេ​សដល់តំបន់ពួកគេនៅឡើយ។

ដោយមើលឃើញបញ្ហានេះ ដែលវាអាចនឹងក្លាយជាឈ្នួនបញ្ឆេះ វិបត្តិសង្គមចិននាពេលខាងមុខ ទើបក្រុមប្រឹក្សារដ្ឋនៃគណៈកម្មាធិការមជ្ឈិមចិន បានផ្សព្វផ្សាយចំណុចសំខាន់ៗមួយចំនួន ក្នុងការប្រជុំគណៈកម្មាធិការជាតិលើកទី១៣ស្តីពី ការពិគ្រោះយោបល់នយោបាយប្រជាជនចិន ដែលនឹងប្រព្រឹត្តិទៅនៅទីក្រុងប៉េកាំង កាលពីថ្ងៃព្រហស្បតិ៍ទី២១ ខែឧសភាកន្លងមកនេះ ។ កិច្ចប្រជុំនេះនឹងផ្តោតលើគោលការណ៍ “សករាជថ្មី”និងការអភិវឌ្ឍតំបន់ភាគខាងលិចរបស់ប្រទេសចិន។

តំបន់ទាំងនេះរបស់ចិន មានការអភិវឌ្ឍតិចតួច លើកលែងតែការទាញយកឧស្ម័ន ប្រេង និងរ៉ែ។

គោលនយោបាយខ្សែក្រវ៉ាត់និងផ្លូវលែងជាអាទិភាព
ប្រវត្តិសាស្រ្តរបស់ចិនមានសភាពវែងអន្លាយ និងលន្លង់លន្លោចដូចសម្លេងថ្ងួចថ្ងូររបស់ចិន ហើ​យគំនិតផ្លួចផ្តើមខ្សែក្រវ៉ាត់១ និងផ្លូវ១ ដែលមានប្រវត្តិដ៏វែងអន្លាយ ត្រូវបានទាញយកមកប្រើ​ប្រាស់ឡើងវិញ ដោយប្រធានាធិបតីដ៏មានឥទ្ឋិពលរបស់ចិន(ស៊ី ជីនពីង​)ឡើងវិញ។

នូវគំនិតផ្តួចផ្តើមនេះ មហាយក្សចិនមានគោលដៅ ពង្រីកឥទ្ឋិពលសេដ្ឋកិច្ច និង​នយោបាយរបស់ចិន ដើម្បីក្តោបក្តាប់ពិភពលោកនាពេលអនាគត។

ការផ្តោតលើការកសាងសង្គមចិន ឲ្យទទួលបានសុខភាពល្អប្រសើរជាមុន ក្រុមប្រឹក្សារដ្ឋចិនបានដកនូវគំនិតផ្តួចផ្តើមនេះ ចេញពីបញ្ជីរគោលនយោបាយអាទិភាព​របស់ខ្លួន។

នៅក្នុងបញ្ជីនៃគោលការណ៍ណែនាំចំនួន៣៣ចំណុច គំនិតផ្តួចផ្តើមខ្សែក្រវ៉ាត់ និងផ្លូវ (BRI) ដែលត្រូវបានយកចិត្តទុកដាក់ខ្ពស់ ធ្លាក់ចុះពីការងារអាទិភាពកំពូល ពោលគឺ ផ្តោតលើការកាត់បន្ថយភាពក្រីក្ររបស់ខ្លួន ដោយរក្សាសណ្តាប់ធ្នាប់សង្គម និងពិភា​ក្សា​អំពីការកសាង និងពង្រីកកំពង់ផែទឹកជ្រៅនៅប្រទេសចិន និងនៅបរទេស។ នោះបង្ហាញថា គ្រោងការណ៍ BRI ឥឡូវត្រូវបានធ្លាក់ចុះពីការងារអទិភាពរបស់ស់ចិន។

នៅក្នុងបញ្ជីនៃគោលការណ៍ណែនាំចំនួន៣៣ចំណុច គំនិតផ្តួចផ្តើមខ្សែក្រវ៉ាត់ និងផ្លូវ (BRI) ដែលត្រូវបានយកចិត្តទុកដាក់ខ្ពស់ ធ្លាក់ចុះពីការងារអាទិភាពកំពូល ពោលគឺ ផ្តោតលើការកាត់បន្ថយភាពក្រីក្ររបស់ខ្លួន ដោយរក្សាសណ្តាប់ធ្នាប់សង្គម និងពិភា​ក្សាអំពីការកសាង និងពង្រីកកំពង់ផែទឹកជ្រៅនៅប្រទេសចិន និងនៅបរទេស។ នោះបង្ហាញថា គ្រោងការណ៍ BRI ឥឡូវត្រូវបានធ្លាក់ចុះពីការងារអទិភាពរបស់ស់ចិន។

គោលការណ៍ណែនាំទាំងនេះបានឱ្យដឹងថា ប្រទេសចិនឥឡូវនេះ​កំពុងប្រឈមនឹង “ស្ថានភាពថ្មី” ។ ដោយមើលឃើញបែបនេះ វាបង្ហាញថា មនោគមវិជ្ជាចម្បងរបស់មេដឹកនាំបក្សកុម្មុយនិស្តចិនបានផ្លាស់ប្តូរពី “សុបិនចិន” ឬ China Dream របស់លោក ស៊ី ទៅជាទស្សនវិស័យសង្គមនិយមថ្មីផ្តោតលើ “សករាជថ្មី”។

ភូមិសាស្រ្តនយោបាយ
ទោះបីជាគំនិតផ្តួចផ្តើមខ្សែក្រវ៉ាត់១ និងផ្លូវ១ បានកើនឡើងសមាជិកដល់៦៨ប្រទេស បានគ្របដណ្តប់ប្រជាជន៦៥ភាគរយក្នុងពិភពលោក និងស្មើផលទុនជាតិសរុបពិភពលោករហូតដល់៤០ភាគរយ ត្រូវបានដកចេញពីបញ្ជីរអាទិភាពក្តី ក៏គោលនយោ​បាយអាស៊ីរបស់ខ្លួន មិនទំនងជាផ្លាស់ប្តូរនោះទេ ដោយសារទី១ ចិននៅតែត្រូវការពង្រីកឥទ្ឋិពលទាំងនយោបាយ សេដ្ឋកិច្ច និងយោធានៅតំបន់នេះ ទី២ ចិនត្រូវការមិត្តកាន់តែច្រើន ដើម្បីសម្រេចមហិច្ឆតា ដើម្បីគ្រប់គ្រងពិភពលោកនាពេលខាងមុខ ក្នុងនាមជាមហាអំណា​ចលេខ១។

ទី៣ ការកើនឡើងនូវឥទ្ឋិពលរបស់ចិន ពិតណាស់នឹងធ្វើឲ្យប្រទេសជាច្រើនរងការគំរាមកំហែងដោយផ្ទាល់ និងប្រយោល ពិសេសតំបន់សមុទ្រចិនខាងត្បូង ដែលមានប្រទេសជាច្រើនជាប់ក្នុងជម្លោះនេះ ដូចជា វៀតណាម ហ្វីលីពីន ប្រុយណេជាដើម។ ទី៤ ចិន ត្រូវតែមានទីតាំងឈរជើងកាន់តែរ៉ឹងមាំផ្នែកយោធា ព្រោះប្រសិនជាចិនអាចពង្រីកមូលដ្ឋានកងទ័ពកាន់តែច្រើន នៅក្នុងតំបន់នេះបាន ចិននឹងអាចពង្រីកឥទ្ឋិពល​របស់ខ្លួនកាន់តែឆាប់រហ័ស។

ទី៥ ចិនត្រុវតែមានដៃគូឬមិត្តជិតស្និទ្ឋ ដូចជាកម្ពុជា ដែលត្រូវបានមហាមិត្តចិនចាត់ទុកជា “មិត្តដែកថែប”ដើម្បីការពារផលប្រយោជន៍របស់ខ្លួនផង ដើម្បីចូលរួមគាំពារគោ​ល​នយោបាយរបស់ខ្លួនផង។

មហាយក្សចិន មិនអាចបង្កសត្រូវកាន់តែច្រើននោះទេ តែក៏មិនអាចរងការគំរាមកំហែងច្រើននោះដែរ ហេតុនេះការប្រើប្រាស់យុទ្ឋសាស្រ្តសង្រ្គាមត្រជាក់ និងមូលធនដើ​ម្បីពង្រីកឥទ្ឋិពលសេដ្ឋកិច្ច និងនយោបាយរបស់ខ្លួន ច្បាស់ណាស់វានឹងនៅតែជានយោ​បាយអាទិភាព។

តើចិនត្រលប់មកម្ពុជាឬទេ?
វាជាសំណួរធំមួយដែលប្រជាជនកម្ពុជាកំពុងរង់ចាំចម្លើយ ហើយភាពសំអប់ចិន ទំនងជា រសាយចេញពីសន្តានចិត្ត ប្រជាជនកម្ពុជាបណ្តើរៗហើយ ដោយសារអវត្ត​មានចិន បានធ្វើឲ្យកម្ពុជាហាក់ស្លោកស្រពោនមួយរយៈ រាប់ចាប់តាំងពីការបិទហ្គេមអនឡាញ និងការផ្ទុះឡើងនូវជំងឺ Covid-19 ដ៏មហន្តរាយ។

ផ្អែកលើទំនាក់ទំនងដ៏ផ្អែមល្ហែម រវាងអតីតព្រះមហាក្សត្រ បរមរតនកោដិ សីហនុ ជាមួយអតីតៈមេដឹកនាំចិន ការកសាងនិងពង្រឹងបន្ថែមដែលធ្វើឡើង ដោយបុរសខ្លាំងកម្ពុជា សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃកម្ពុជា ដែលបានដាក់ចេញនូវយុទ្ឋសាស្រ្ត គ្រប់ជ្រុងជ្រោយតាំងពីឆ្នាំ២០១២កន្លងមក និងក្រោយមកបានដាក់ចេញនូវ “ប្រទេសពីរវាសនាតែមួយ” បានធ្វើឲ្យទំនាក់ទំនងរវាងមេដឹកនាំ និងប្រជាជនប្រទេសទាំងងពីរមិនអាចកាត់ផ្តាច់បាន។

តាមរយៈទំនាក់ទំនងដ៏ស្អិតរមួត និងមិនអាចកាត់ផ្តាច់បាននេះ ចិនបានឈរនៅ​លេខរៀងទី១ ក្នុងចំណោមអ្នកវិនិយោគបរទេសនៅកម្ពុជា និងផ្តល់កម្ចីសម្បទានច្រើន​ជាងគេមកកសាងហេដ្ឋារចនាសម្ព័ន្ឋធំៗជាច្រើន ដែលកម្ពុជាចាំបាច់ត្រូវពង្រីក និងពង្រីក​សេដ្ឋកិច្ច និងធ្វើពិពិធកម្មសេដ្ឋកិច្ចរបស់ខ្លួន។

លំហូរទុនវិនិយោគរបស់ចិនយ៉ាងគំហុក ក្នុងរយៈពេលប៉ុន្មានឆ្នាំចុងក្រោយនេះ បានធ្វើឲ្យក្រុងព្រះសីហនុ កើនឡើងនូវអាគារខ្ពស់ៗដូចគេ “ជប់” ទីក្រុងនេះបានផ្លាស់ប្តូរ យ៉ាងឆាប់រហ័ស ដោយប្រែក្លាយជាទីក្រុងស្ងប់ស្ងាត់ ទៅជាទីក្រុងមានភាពស៊ីវិល័យមួយ​ដែលមានហេដ្ឋារចនាសម្ព័ន្ឋ ប្លង់គោលអភិវឌ្ឍន៍ និងទស្សនវិស័យកាន់តែភ្លឺស្វាងជាងមុន៕

ការសាងសង់ព្រលានយន្តហោះអន្តរជាតិភ្នំពេញថ្មីចំណាយអស់ទឹកប្រាក់៣៤៦លានដុល្លារហើយ

ដោយៈជេស៊ីកា

ភ្នំពេញៈ គិតមកដល់ពេលនេះ ការសាងសង់ព្រលានយន្ដហោះអន្ដរជាតិភ្នំពេញថ្មី (NPPIA) បានចំណាយអស់ទឹកប្រាក់សរុប៣៤៦លានដុល្លារអាមេរិក ដោយមិនរាប់បញ្ចូលថ្លៃដី។ នេះបើតាមសេចក្ដីប្រកាសព័ត៌មាន របស់ក្រុមហ៊ុន Cambodia Airport Investment Co.,Ltd (CAIC)។

យោងតាមសេចក្ដីប្រកាសព័ត៌មាន របស់ក្រុមហ៊ុនបានបញ្ជាក់ថា គម្រោងព្រលានយន្ដហោះអន្ដរជាតិភ្នំពេញថ្មី ត្រូវរំពឹងថា នឹងត្រូវដាក់ឲ្យធ្វើប្រតិបត្តិការ នៅឆ្នាំ២០២៣។នៅថ្ងៃទី៣ ខែវិច្ឆិកា ឆ្នាំ២០២១នេះ ក្រុមហ៊ុន OCIC ក្រុមហ៊ុន CAIC និងធនាគារ Prince Bank បានចុះហត្ថលេខាលើការវិនិយោគ ទឹកប្រាក់ចំនួន១៥លានដុល្លារអាមេរិក លើសញ្ញាបណ្ណមានបុគ្គលធានា របស់គម្រោងសាងសង់ អាកាសយានដ្ឋានអន្តរជាតិភ្នំពេញថ្មី។

ទឹកប្រាក់វិនិយោគ ដែលទទួលបានពីសញ្ញាបណ្ណ របស់គម្រោងព្រលានយន្ដហោះអន្ដរជាតិភ្នំពេញថ្មី នឹងត្រូវប្រើប្រាស់សម្រាប់ការសាងសង់ និងការអភិវឌ្ឍន៍គម្រោងព្រលានយន្ដហោះអន្ដរជាតិភ្នំពេញថ្មី នៅក្នុងខេត្តកណ្តាល។
អត្រាការប្រាក់ (Coupon rate) របស់សញ្ញាបណ្ណនេះគឺ៥.៥ភាគរយ ក្នុងមួយឆ្នាំ ជាមួយនឹងរយៈពេល (tenor)៣ឆ្នាំ ហើយត្រូវបានធានាដោយក្រុមហ៊ុន OCIC (Overseas Cambodian Investment Corporation Ltd)។

ក្រុមហ៊ុន OCIC ជាក្រុមហ៊ុនវិនិយោគក្នុងស្រុកមួយធំជាងគេ ក្នុងប្រទេសកម្ពុជា ដែលជំនាញ នៅក្នុងការអភិវឌ្ឍន៍លើវិស័យអចលនទ្រព្យ សំណង់ ការគ្រប់គ្រងអចលនទ្រព្យ ការអប់រំ វេជ្ជសាស្ត្រ ផ្សារទំនើប សណ្ឋាគារ រោងម៉ាស៊ីនកិនស្រូវ និងសង្វាក់ផលិតកម្មជាដើម ជាមួយនឹងគម្រោងសំខាន់ៗជាច្រើន។

CAIC គឺជាក្រុមហ៊ុនបណ្តាក់ទុនរួមគ្នា រវាងរាជរដ្ឋាភិបាលកម្ពុជា (RGC) ដែលតំណាងដោយរដ្ឋលេខាធិការដ្ឋាន អាកាសចរស៊ីវិល និងក្រុមហ៊ុន OCIC។ រាជរដ្ឋាភិបាលកម្ពុជា បានផ្តល់សិទ្ធិឲ្យក្រុមហ៊ុន CAIC ក្នុងការកាន់កាប់រចនា ឬការសាងសង់ធ្វើហិរញ្ញ ប្បទាន និងគ្រប់គ្រងប្រតិបត្តិការគម្រោង NPPIA។

CAIC ជាក្រុមហ៊ុនចម្រុះបង្កើតឡើងរួមគ្នា ដោយក្រុមហ៊ុន OCIC និងរដ្ឋលេខា​ធិការដ្ឋានអាកាសចរស៊ីវិលកម្ពុជា ក្នុងឆ្នាំ២០១៨ ក្រោមការណែនាំ របស់សម្តេចតេជោ ហ៊ុន សែន ដើម្បីធ្វើការងារសាងសង់ ព្រលានយន្តថ្មីភ្នំពេញថ្មី លើផ្ទៃដីសរុប២៦០០ហិកតា ដែលគម្រោងសាងសង់មាន៣ដំណាក់កាល។

ការងារសាងសង់សម្រាប់ដំណាក់កាលទី១នេះ ត្រូវបានក្រុមហ៊ុនអះអាងថា គ្រោងនឹងចំណាយថវិកា១៥០០លានដុល្លារអាមេរិក ដែលមិនទាន់គិតបញ្ចូលតម្លៃដី នៅឡើយនោះទេ ដែលអាចនឹងទទួលបានភ្ញៀវទេសចរ១៣លាននាក់ក្នុង១ឆ្នាំ។

ដោយឡែកដំណាក់កាលទី២ នឹងបញ្ចប់នៅឆ្នាំ២០៣០ អាចទទួលភ្ញៀវទេសចរ៣០លាននាក់ក្នុង១ឆ្នាំ និងដំណាក់កាលទី៣ នឹងបញ្ចប់នៅឆ្នាំ២០៥០ អាចទទួលអ្នកដំណើរឆ្លងកាត់បានចំនួន៥០លាននាក់ក្នុង១ឆ្នាំ៕

សិក្សាសូចនាករសំខាន់ៗចំនួន៨ អំពីប្លង់គោលខេត្តព្រះសីហនុនៅឆ្នាំ២០៣៨នឹងមានការវិវត្តដូចម្តេច?

ដោយៈគង់ សូរិយា

ព្រះសីហនុៈ រដ្ឋាភិបាលកម្ពុជា តាមរយៈក្រសួងរៀបចំដែនដី នគរូបនីយកម្មនិងសំណង់បាន សម្រេចអនុម័តទៅលើប្លង់គោលប្រើប្រាស់ដីក្រុងព្រះសីហនុ ចក្ខុវិស័យឆ្នាំ២០៣៨។

ប្លង់គោលប្រើប្រាស់ដីធ្លីនេះ ត្រូវបានរៀបចំឡើងដោយប្រមូលសិក្សា និងវិភាគទិន្នន័យរូបវន្ត ទិន្នន័យសេដ្ឋកិច្ច ទិន្នន័យសង្គម និងទិន្នន័យបរិស្ថាន ទិន្នន័យប្រជាសាស្រ្ត និងការស្រង់មតិ សមស្របតាមគោលនយោបាយជាតិស្តីពី ការរៀបចំដែនដីនៃព្រះរាជាណាចក្រកម្ពុជា គោលនយោបាយដីធ្លី សៀវភៅដីធ្លី អនុក្រឹតស្តីពីនគរូបនីយកម្ម រាជធានីភ្នំពេញ ក្រុង និងទីប្រជុំជន និង សេចក្តីសម្រេចស្តីពីនីតិលម្អិត នៃការរៀបចំប្លង់គោលប្រើប្រាស់ដី និង ផែនការប្រើប្រាសដីថ្នាក់ក្រុង  ស្រុក ខណ្ឌ។

យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញអោយដឹងថា វិសាលភាពនៃសិក្សាប្លង់គោលប្រើប្រាស់ដី ក្រុងព្រះសីហនុមានផ្ទៃដី៨៣គីឡូម៉ែត្រក្រឡា គ្របដណ្តប់លើស្រុកព្រៃនប់ មានផ្ទៃដី១០០,៨២គីឡូក្រ​ឡា  និងគ្របណ្ដប់លើ ស្រុកស្ទឹងហាវមានផ្ទៃដី៩៥, ១២គីឡូម៉ែត្រក្រឡា។

សូចនាករសំខាន់ៗ សម្រាប់អភិវឌ្ឍក្រុងព្រះសីហនុ និងតំបន់ជុំវិញដែលបានធ្វើការព្យាករណ៍ និងគ្រោងសម្រេចបានត្រឹមឆ្នាំ ២០៣៨រួមមាន

-ប្រជាជនសម្រាប់ក្រុងព្រះសីហនុ និងតំបន់ជុំវិញនៅឆ្នាំ២០១៩ មានចំនួន១៧៨,​២៩១១នាក់ នឹងកើនឡើងដលចំនួនកើនឡើង ២៣២,១២១នាក់នៅឆ្នាំ២០៣៨។

-ភ្ញៀវទេសចរអន្តរជាតិនៅឆ្នាំ២០១៨ មានចំនួន៤៨១,០០០ នាក់  នឹងកើនឡើងទៅដល់ ២,៥លាននាក់នៅឆ្នាំ២០៣៨។ ភ្ញៀវទេសចរជាតិនៅឆ្នាំ ២០១៨មានចំនួនប្រមាណ១លាននាក់ នឹងកើនឡើងដល់ចំនួនប្រមាណ៥លាននាក់នៅឆ្នាំ ២០៣៨។

-ហេដ្ឋារចនាសម្ពន្ធក្នុងក្រុងព្រះសីហនុ និងតំបន់ជុំវិញ

ផ្លូវក្រាលកៅស៊ូបេតុឆ្នាំ ២០១៨ មានចំនួន ២០.៥ ភាគរយនឹងកើនឡើងដល់ ១០០ភាគរយនៅឆ្នាំ ២០៣៨។
ការផ្គត់ផ្គង់ទឹកស្អាតនៅឆ្នាំ២០១៨ មានចំនួន៣២ភាគរយ នឹងកើនឡើងដល់ ១០០ ភាគរយនៅឆ្នាំ២០៣៨។

ភស្តុភារម្មឆ្នាំ២០១៨ មានចំនួន៤,៩លានតោន នឹងកើនឡើងដល់ចំនួន៣៧លា​ន​តោននៅឆ្នាំ២០៣៨។
តំបន់លំនៅដ្ឋាននៅឆ្នាំ២០១៩ មានផ្ទៃដី១៦៣១ហិចតា នឹងកើនឡើងដល់ ៦០២ ហិកតា។

តំបន់ឧស្សាហកកម្មនៅឆ្នាំ ២០១៩ មានផ្ទៃដី៨២៩ហិចតា នឹងកើនឡើងដល់ផ្ទៃដី១៦០២ ហិចតានៅឆ្នាំ២០២៣៨។
តំបន់លម្ហសាធារណៈ និងផ្ទៃបៃតងសម្រាប់មនុស្សម្នាក់នៅឆ្នាំ២០១៩ មានផ្ទៃដី ០.៥១គីឡូម៉ែត្រក្រឡា សម្រាប់មនុស្សម្នាក់នឹងកើនឡើងដល់ផ្ទៃដី១០ ម៉ែត្រក្រឡាសម្រា​ប់ម្នាក់នៅឆ្នាំ ២០៣៨៕

ដីដែលមានហានិភ័យ៦ប្រភេទ

ដោយ: ម៉ាលីស

ភ្នំពេញ៖ យើងសង្កេតឃើញថាមានជម្លោះដីធ្លីកើតឡើងច្រើនណាស់ ដូច្នេះមុននឹងសម្រេចទិញលក់អចលនទ្រព្យណាមួយត្រូវសិក្សាស្វែងយល់លក្ខណៈច្បាប់ឲ្យបានច្បាស់លាស់។ ជាទូទៅប្រភេទដីដែលតែងតែមានហានិភ័យនោះរួមមាន៖

១ ដីមានទំនាស់

ដីមានទំនាស់ដូចជាដីដែលជាប់ជំពាក់មុនគ្នាដោយមានការកាន់កាប់មិនច្បាស់លាស់ភាគីពាក់ព័ន្ធកំពុងដណ្ដើមគ្នាចង់បានដឹងប្រុសគ្នាទៅដល់តុលាការដែលជាដីមានប្ដីកម្មគ្នានៅតុលាការមិនទាន់កាត់ក្ដីសម្រេចជាស្ថាពរថានរណាជាម្ចាស់កម្មសិទ្ធិប្រាកដដូច្នេះមុននឹងទិញត្រូវពិនិត្យផ្លូវច្បាប់ឲ្យបានច្បាស់លាស់ ដីទំនាស់អាជាដី ដែលជនទុច្ចរិតឃុបឃិតគ្នា និងអ្នកមានអំណាច ដូចជាអាជ្ញាធរភូមិឃុំស្រុកជាដើមធ្វើប្លង់ក្លែងក្លាយលក់ ឬអាចជាដីកេរដំណែលដែលចែកគ្នាមិនទាន់ដាច់ស្រេច រវាងបង និងប្អូន រវាងឪពុកនិងម្ដាយ និង កូនជាដើម អាចជាដីដែលម្ចាស់ដីកាន់កាប់បណ្ដោះអាសន្ន មករស់នៅដោយការរំលោភបំពានច្បាប់គ្មានការអនុញ្ញាតពីម្ចាស់ទឹកដី ពិតប្រាកដអាចជាដីសាធារណៈ ដោយម្ចាស់ដីចូលមកនៅគ្មានច្បាប់អនុញ្ញាត។

២ ដីមានប្លង់ក្លែងក្លាយ

ចូរប្រុងប្រយ័ត្នពិនិត្យឲ្យបានច្បាស់នូវដីដែលអ្នកទិញថាកើតអីនោះមានប្លង់ប្រភេទប្លង់រឹងឬប្លង់ទន់ហើយមានការទទួលស្គាល់ពីអាជ្ញាធរត្រឹមត្រូវឬទេ។

៣ ដីរបស់អ្នកមានអំណាច

ពេលខ្លះមនុស្សចង់បានដីតែពួកគេគ្មានព័ត៌មានច្បាស់លាស់រស់ដោយអំណាចពាក្យបញ្ចុះបញ្ចូលរបស់ជនទុច្ចរិតក៏សម្រេចចិត្តទិញដោយគ្មានការពិចារណា ទីបំផុតទិញប៉ះចំដីរបស់អ្នកមានអំណាច លទ្ធផលគឺត្រីរ៉ស់ក៏រួច ទន្សាយក៏រួចមានតែទឹកភ្នែកប៉ុណ្ណោះ។

៤ ដីគ្មានហាងឆេង

ដីដែលគ្មានហាងឆេងគឺជាដីដែលនៅជាយក្រុងឆ្ងាយដែរនឹងគ្មានការអភិវឌ្ឍទៅដល់ ដីដែលគ្មានប្រជាជនរស់នៅក្បែរតំបន់ដាច់ស្រយាល ដីដែលមិនអាចអាស្រ័យផលបានជាដើម កាលណាយើងទិញដីដែលគ្មានហុងស៊ុយឬហាងឆេង យើងកប់ទុកចោលនៅក្នុងដីនោះជាមិនខាន នេះបើយើងទិញដីក្នុងគោលបំណងលក់ទៅវិញដោយរំពឹងចំណេញនៅពេលខាងមុខឆាប់ៗ ជាពិសេសដីដែលអ្នកទិញហើយមិនយូរប៉ុន្មានក៏កើតមានវិបត្តិសេដ្ឋកិច្ចពិភពលោក ដែលជាកត្តាជះឥទ្ធិពល ដល់អចលនទ្រព្យរបស់អ្នក ដែលកត្តារាំងស្ទះនេះអាចមានរយៈពេល៣ទៅ៤ឆ្នាំទៅ ស្ថានភាពល្អប្រសើរឡើងវិញ ដូច្នេះមុននឹងទិញអចលនទ្រព្យលក់យកចំនេញ ក្នុងពេលឆាប់ៗណាមួយ ត្រូវសិក្សានិងស្រាវជ្រាវព័ត៌មានឱ្យបានគ្រប់ជ្រុងជ្រោយជាមុនសិន។

៥ ដីចំណីផ្លូវ

ពេលខ្លះអ្នកទិញស្ទើរភ្លើងមិនចេះមើលសណ្ឋានដី នៅក្មេងសេចក្ដី មិនដឹងអ្វីទាំងអស់ ដឹងតែគេចង់បាន តែមិនចេះគិតមិនចេះមើល មិនចេះវិភាគ នូវគុណសម្បត្តិនិងគុណវិបត្តិរបស់ដីនោះ តាមលក្ខណៈផ្លូវច្បាប់ ធម្មតាទំហំនៃផ្លូវមួយៗជាទូទៅគេត្រូវវាស់ចេញពីទ្រូងផ្លូវ ចម្ងាយផ្លូវម្ខាង៧ម៉ែត្រចេញទាំងខាងទាំងសងខាង ប្រសិនបើអ្នកទិញដីដែលនៅជាប់និងផ្លូវ តែដីនោះជាដីចំណីផ្លូវហើយអ្នកមិនដឹងថាជាចំណីផ្លូវ ដោយយល់ថាដីល្អ ទីបំផុតអ្នកនឹងខាតជាក់ជាមិនខាន។

៦ ដីសម្បត្តិរបស់រដ្ឋ

ដីខ្លះជាដីរបស់រាស្ត្រ ឯដីខ្លះទៀតជាដីរបស់រដ្ឋ ដូច្នេះយើងជារាស្ត្រ មិនដឹងថាដីណាជាដីរបស់រដ្ឋទេ ក្រោយពីទិញរួចហើយស្រាប់តែរដ្ឋទៅអភិវឌ្ឍនៅតំបន់នោះដូច្នេះអ្នកដែលទឹកភ្នែកគឺអ្នកទិញហ្នឹងឯង។

និយាយឲ្យខ្លីងាយយល់គឺថាទន្ទឹមនឹងមានហានិភ័យក៏មានផលប្រយោជន៍ច្រើនដែរប្រសិនបើអ្នកទិញគ្រាន់តែប្រើគំនិតឈ្លាសវៃបន្តិចព្រោះឱកាសតែងបានមុខអ្នកដែលស្គាល់ឱកាស៕

Professor Tos Saphoeun: Construction of Thai Boon Roong Twin Tower will start after Covid-19 disease end

by SORIYA

Phnom Penh: Asia is a very competitive continent in the field of high-rise construction. Compared to Europe or the United States, China alone has more skyscrapers than those. This is due to population growth, popularity and high prices in Asia. At the same time, Cambodia is a small country that is competing with neighboring countries in all fields such as engineering and architecture. This is why the Cambodian government has allowed the Thai Bun Rong Group to build a tall building called the ” Thai Boon Roong Twin Tower World Trade Center ”

According to Mr. Tos Saphoeun, Group Leader of Architects and Construction at Thai Bun Rong Group, Thai Boon Roong Twin Tower World Trade Center, which will be the tallest building in Southeast Asia, will be 565 meters (133 floors) high and will be the tallest building in Southeast Asia. More than $3 billion invested by Thai Boon Roong Group. The plan has already been submitted to the Ministry of Land Management, Urban Planning and Construction, and construction will begin when Covid-19 pandemic end.

If completed, it will be the tallest building in ASEAN, taller than Malaysia’s Petronas Twin Towers (452 meters with 88 floors), Vietnam’s Kang Nam Hanoi (345 meters and 77 floors). Malaysia No. (310 meters and 55 floors) and Bayok Tower II (304 meters in Thailand, 84 floors).

The “Thai Boon Roong Twin Tower World Trade Center” will also be the fifth tallest building in Asia as well as in the world after the United Arab Emirates’ Bush Khalifa (828 m), China’s Shanghai (632 m), and the Macaroni Hotel. Saudi Arabia Tower (601 m) and Taipei Taiwan 101 (509 m).

Thai Boon Roong Twin Tower World Trade Center is the largest and tallest building project in Cambodia, planned to cover more than 5 hectares in front of NagaWorld Hotel and Casino. The business center will have a total area of 1,474,389 square meters, which includes five-star hotels, apartments, condominiums, international offices, shopping malls, restaurants, scenic spots and world-class entertainment services.

The project is a joint venture between Thai Bunrong Group and Sun Qian IP Group, a Chinese contractor, and is expected to take three years to complete. Recently, Mr. Tos Saphoeun has said that the study of technical plans such as the construction of landslide protection walls of the world-class commercial building project, Thai Boon Roong Twin Tower World Trade Center, has been completed by the company waiting for the time. The Covid 19 Epidemic Crisis is closed only to begin construction.

“We are not sure when construction will start, we are waiting to see when the epidemic will end? As everything is ready,” he said. On the official social network, Mr. Tos Saphoeun wrote, “This project will not change anything. The technical plan has been completed 100 percent. The concrete is 100 percent finished.”, said Tos Saphoeun.

He added “At this time, the construction team and other technical teams are also ready, waiting for a good opportunity and the end of the situation due to Covid-19 disease, the project will start and under launch. Strict plans and regulations from the tycoon, CEO of Thai Bun Rong.”

Mr. Tos Saphoeun once said that the Thai Bun Rong Twin Towers will be a source of pride and prestige for Cambodia on the international stage and the image of the country, which was once a highly civilized country. This building is not only a source of pride for Cambodia, but it will attract more large international companies to come to Cambodia.

“Not all countries have the capacity to build such a large building, sometimes they have the money but are not sure they can build it,” said Tos Saphoeun.

បារាំងផ្តល់ឥណទានសម្បទាននិងហិរញ្ញប្បទានឥតសំណងជាង២០លានអឺរ៉ូដល់កម្ពុជា ក្នុងការស្តារប្រព័ន្ធធារាសាស្ត្រ១៩កន្លែងក្នុងខេត្ត២

ដោយ៖សុធារី
ភ្នំពេញ៖ បារាំងផ្តល់ឥណទានសម្បទាននិងហិរញ្ញប្បទានឥតសំណងជាង២០លានអឺរ៉ូដល់កម្ពុជា ក្នុងការស្តារប្រព័ន្ធធារាសាស្ត្រជាច្រើនកន្លែង តាមរយៈការចុះហត្ថលេខារវាងលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងលោក FABRICE Terre លេខាទី១ ស្ថានទូតនៃសាធារណរដ្ឋ បារាំងប្រចាំនៅកម្ពុជា និងលោកស្រី Chélle BQLRHIS នាយកទីភ្នាក់ងារបារាំងសម្រាប់ការអភិវឌ្ឍប្រចាំនៅកម្ពុជា តាមប្រព័ន្ធVideo Conference នាព្រឹកថ្ងៃទី ០៣ ខែវិច្ឆិកា ឆ្នាំ ២០២១។

កិច្ចព្រមព្រៀងហិរញ្ញប្បទានសហប្រតិបត្តិការចំនួន២ដូចខាងក្រោម៖
១- កិច្ចព្រមព្រៀងឥណទានសម្បទានបន្ថែមសម្រាប់កម្មវិធីគ្រប់គ្រងធនធានទឹក និងការផ្លាស់ប្តូរវិស័យ កសិកម្មសម្រាប់ប្រទេសកម្ពុជា ដំណាក់កាលខី១ (Water Resources Management and Agro-ecological Transition for Cambodia Frogram Phase 1-WAT4CA) មានទឹកប្រាក់ចំនួន២០លានអឺរ៉ូ (ប្រមាណ ២៣,១៣ លានដុល្លារអាមេរិក) សម្រាប់ហិរញ្ញប្បទានបន្ទាន់ដល់ការស្តារឡើងវិញនូវប្រព័ន្ធធារាសាស្ត្រ ដែលបានខូចខាតដោយសារគ្រោះទឹកជំនន់កាលពីខែតុលា ឆ្នាំ ២០២០ ក្នុងខេត្តបាត់ដំបង និងខេត្តបន្ទាយមានជ័យ។ ប្រព័ន្ធធារាសាស្ត្រ នឹងត្រូវស្តារឡើងវិញ មានដូចជា

ការស្តារឡើងវិញនូវទំនប់អាងស្តុកទឹក (Embankment Reservoir) ចំនួន ០២ កន្លែងក្នុងខេត្តបាត់ដំបងគឺ (១)-ទំនប់សណ្ដរអាងទឹកកំពីងពួយ ក្នុងស្រុកបាណន់ និង (២)-ទំនប់អាងទឹក ភាសន៍ ក្នុងស្រុកឯកភ្នំ
ការស្តារឡើងវិញនូវទំនប់អាងស្តុកទឹក ចំនួន ០៧ កន្លែង ក្នុងខេគ្គបន្ទាយមានជ័យ មានដូចជា (១)-ទំនប់ តាដុក (២)-ទំនប់អាងគ្រុឌ (៣)- ទំនប់អាងស្ទីង (C)- ទំនប់អន្លង់ត្រាច ក្នុងស្រុកថ្មពួក និង (៥) ទំនប់អាងបន្ទាត់បោះ (៦)-ប្រាសាខប្រាំ ក្នុងស្រុកស្វាយចេក។
ការស្តារឡើងវិញនូវប្រព័ន្ធប្រឡាយ (Canal)៖ ចំ នួន ០៨ កន្លែង ក្នុងខេត្តបាត់ដំបង គឺ (១) ប្រឡាយលេខ១(២) ប្រឡាយលេខ២(៣)ប្រឡាយលេខ៣ (៤)- ប្រឡាយលេខ៤ (៥)ប្រឡាយ លេខ៥ ក្នុងស្រុកថ្មគោល និង (៦)-ប្រព័ន្ធស្រោចស្រពមង្គលបូរី (៧)- ប្រឡាយព្រៃខ្ពស់ ក្នុង ស្រុកបវេល និង (៨)- ប្រព័ន្ធស្រោចស្រពកង្ហត ក្នុងស្រុកបាណន់ និង
ការស្តារឡើងវិញនូវប្រព័ន្ធប្រឡាយ (Canal)៖ ចំនួន ០២ កន្លែង ក្នុងខេត្តបន្ទាយមានជ័យ គឺ (១)- អាងប្រសាទប្រាំ និង (២)- អាងអន្លង់រុត ក្នុងស្រុកស្វាយចេក។

២- កិច្ចព្រមព្រៀងហិរញ្ញប្បទានឥតសំណង មានទឹកប្រាក់ចំនួន ៣០០ ០០០ អឺរ៉ូ (ប្រមាណ ៣៤៦ ៨០០ ដុល្លារអាមេរិក) ពីមូលនិធិ Facility for Support, Preparation and Implementation of Project (FAPS) សម្រាប់ហិរញ្ញប្បទានដល់ការសិក្សាសមិទ្ធិលទ្ធភាពតម្រោងស្តារឡើងវិញស្ទឹងស្វាយចេក (Svay Chek River Restoration and Management Project) ក្នុងខេត្តបន្ទាយមានជ័យ។

លោក អូន ព័ន្ធមុនីរ័ត្ន បានលើកឡើងថា សាធារណរដ្ឋបារាំង មិនត្រឹមជាប្រទេស ដែលបានចូលរួមយ៉ាងសកម្មក្នុងការនាំមកនូវសុខសន្តិភាព ដល់ប្រទេសកម្ពុជាប៉ុណ្ណោះទេ តែក៏ជាមិត្តដ៏ប្រពៃដែលតែងតែជួយគាំទ្រទាំងផ្នែកបច្ចេកទេស និងហិរញ្ញវត្ថុ ដល់ការអភិវឌ្ឍកម្ពុជា។ លោកបន្តថា ការផ្តល់ហិរញ្ញប្បទានដល់ តម្រោង/កម្មវិធីខាងលើនេះ គឺបានឆ្លើយតបយ៉ាងជាក់ច្បាស់ទៅនឹងសេចក្តីត្រូវការជាអាទិភាពក្នុងការរួមចំណែក ការអភិវឌ្ឍន៍និងស្តារសេដ្ឋកិច្ចកម្ពុជា បន្ទាប់ពីវិបត្តិកូវីដ-១៩ ស្របតាមគោលនយោបាយ និងយុទ្ធសាស្ត្រអភិវឌ្ឍន៍ជាតិរបស់កម្ពុជា ដោយលើកស្ទួយវិស័យកសិកម្ម និងការអភិវឌ្ឍជនបទ យុទ្ធសាស្ត្រចតុកោណ ដំណាក់កាលទី៤ របស់រាជរដ្ឋាភិបាលកម្ពុជា។

ស្រីនាយក AFD ប្រចាំនៅកម្ពុជា បានសម្តែងនូវការគាំទ្រយ៉ាងពេញទំហឹង ចំពោះចំណាត់ការ និងវិធានការនានា ដែលរាជរដ្ឋាភិបាល បាននិងកំពុងដាក់ចេញ ក្នុងការប្រយុទ្ធទៅនឹងការរាលដាលនៃជម្ងឺវិដ-១៩។ ជាពិសេស ការដាក់ចេញនូវគោលការណ៍ ៣កុំ ៣ ការពារ ការដាក់វិធានការបិទខ្ទប់ដោយគ្មានការបិទប្រទេសទាំងមូល និងការជំរុញយ៉ាងសកម្មក្នុងការចាក់វ៉ាក់សាំងប្រឆាំងជំងឺកូវីដ-១៩ ដល់កងកម្លាំង មន្ត្រីរាជការ គ្រូបង្រៀន និយោជិក កម្មករ កម្មការនី និងប្រជាជនទូទៅ៕

លោកច្រឹក សុខនីម៖ ការវិនិយោគលើខុនដូជាជម្រើសល្អបំផុតសម្រាប់អ្នកវិនិយោគថ្មី

ដោយ៖ សុផារី

ភ្នំពេញ៖ សព្វថ្ងៃនេះវិស័យអចលនទ្រព្យគឺមានការរីកចម្រើនជាខ្លាំង។ រូបភាពនៃការវិនិយោគ យើងអាចធ្វើការទិញនូវអចលនទ្រព្យមានដូចជា ផ្ទះ ដី ខុនដូ នូវតម្លៃមួយដោយរំពឹងថាតម្លៃអចលនទ្រព្យនោះនឹងមានការកើនឡើងនៅថ្ងៃខាងមុខ ហើយយើងនឹងទទួលបានប្រាក់ចំណេញខ្លះពីការទិញ លក់អចលនទ្រព្យនោះ។ប្រភេទនៃការវិនិយោគនឹងមានហានិភ័យ បើសិនជាវិនិយោគិនមិនបានសិក្សាឲ្យបានស៊ីជម្រៅមុននឹងធ្វើការវិនិយោគ។ ពិតណាស់ការវិនិយោគច្បាស់ជាប៉ះពាល់ដល់ការចាយវាយប្រចាំថ្ងៃពិតមែន តែវាជាគន្លឹះដ៏សំខាន់សម្រាប់មនុស្សគ្រប់រូបដើម្បីឈានទៅរកសេរីភាពហិរញ្ញវត្ថុនៅថ្ងៃខាងមុខ។

លោកច្រឹក សុខនីម ប្រធានសមាគមអ្នកវាយតម្លៃនិងភ្នាក់ងារអចលវត្ថុកម្ពុជា បានមានប្រសាសន៍នៅក្នុងសន្និសីទសារព័ត៌មានស្ដីពី ការរៀបចំសមាជលើកទី២៣ នៃសមាគមអ្នកវាយតម្លៃអចលនវត្ថុអាស៊ាន កាលពីថ្ងៃទី៣ ខែវិច្ឆិកា ឆ្នាំ២០២១នេះថា សម្រាប់អ្នកវិនិយោគដំបូងក្នុងការសម្រេចចិត្ត វិនិយោគិនទាំងឡាយគួរសម្រេចចិត្តស្របតាមធនធានហិរញ្ញវត្ថុរបស់ខ្លួន។

យើងត្រូវសម្លឹងមើលឱកាសវិនិយោគមិននឹងចាប់ផ្តើម យើងត្រូវដឹងពីសមត្ថភាពនិងលទ្ធភាពរបស់ខ្លួន យើងជានរណា? មានលទ្ធភាពដាក់ទុនធំឬតូច? ការប្រើប្រាស់ជាសាច់ប្រាក់ឬកម្ចី?

ប្រសិនបើមានជាសាច់ប្រាក់សុទ្ធ គួរវិនិយោគនៅតាមតំបន់ជាយរាជធានីភ្នំពេញ ក្រវាត់ក្រុងទី៣ ទី៤ ដោយលោកថា ទិញតែមួយរយៈនឹងទទួលបាននូវប្រាក់ចំណេញយ៉ាងច្រើនគួរឱ្យកត់សម្គាល់។ ប្រសិនបើមានលទ្ធភាពខ្ពស់អាចទិញនៅតាមជាយក្រុង ដូចជាម្តុំភ្នំពេញថ្មី ខណ្ឌសែនសុខជាដើម ដែលអាចផ្តល់នូវប្រាក់ចំណេញគួរសម។

បើមានដើមទុនតិច លោកណែនាំវិនិយោគិនទាំងឡាយគួរមើលសក្តានុពលអភិវឌ្ឍន៍ ដូចជានៅតាមខេត្តកំពង់ស្ពឺ ផ្នែកខ្លះនៃក្រវាត់ក្រុងទី៤ មានកាត់ខេត្តកំពង់ស្ពឺ តាកែវ និងព្រៃវែង សម្រាប់ការវិនិយោគរយៈពេលយូរ។

ប្រសិនបើប្រើប្រាស់ហិរញ្ញប្បទាន លោកលើកទឹកចិត្ដឱ្យវិនិយោគផ្ទះឬខុនដូ ដោយសារផ្ទះនិងខុនដូផ្តល់នូវលំហូរសាច់ប្រាក់ប្រចាំខែ។ លោកមានប្រសាសន៍ណែនាំថា ប្រសិនបើយើងមិននៅ យើងអាចជួយបាន ដោយមិនមានការប្រឈមមុខនឹងហានិភ័យធំ កុំឱ្យការវិនិយោគលើអចលនទ្រព្យជារឿងដែលធ្វើឱ្យប៉ះពាល់ដល់បញ្ហាជីវភាព។

សព្វថ្ងៃនេះ វិស័យខុនដូនៅក្នុងប្រទេសកម្ពុជាបាននិងកំពុងធ្វើការវិវត្តខ្លួនបន្ទិចម្តងៗ ដើម្បីបំពេញនូវតម្រូវការរបស់ប្រជាជននៅក្នុងស្រុកនិងក្រៅស្រុក។ លោកបានមានប្រសាសន៍ថា “អត្ថប្រយោជន៍នៃការរង់នៅខុនដូ មានដូចជាការរស់នៅក្នុងសហគមន៍ប្រជាជនដែលមានជីវភាពប្រហាក់ប្រហែលគ្នា បរិយាកាសល្អ ទីធ្លាទូលាយ មានអាងហែលទឹក កន្លែងហាត់ប្រាណ និងផ្តល់ភាពងាយស្រួលផ្សេងៗ ជាដើម។”

ប្រជាជនកម្ពុជាដែលគាំទ្រខុនដូ ភាគច្រើនមានអាយុចាប់ពី ២៥ ទៅ ៤៥ ឆ្នាំ។ លោកថា “សម្រាប់ខុនដូមួយបន្ទប់គេង អាចជួលបានក្នុងតម្លៃ៥០០ ៧០០ដុល្លា ពីរបន្ទប់គេង ក្នុងតម្លៃ៧០០ ៩០០ដុល្លា ឬអាចខ្ពស់ដល់១២០០ដុល្លា តាមទីតាំង ទំហំ និងសម្ភារៈដែលមាន។ ដូច្នះ ការវិនិយោគលើខុនដូ អាចជួលបានថ្លៃ តម្លៃមិនងាយលក់បានថ្លៃក៏ដោយ តែលំហូរនៃសាច់ប្រាក់គឺល្អ។” លោកបន្តថា “លំហូរនៃការបង់ប្រាក់ នៅសល់លុយខ្លះ អាចទទួលនូវជីវភាពល្អ ដោយសារគាត់់មានចំណូលជាប្រចាំ ហើយក្នុងរយៈពេលយូរ គាត់នឹងទទួលបានខុនដូជាកម្មសិទ្ធិ ជាពិសេសនៅពេលលក់ចេញ គាត់នឹងទទួលបានចំណូលខ្ពស់។”

សម្រាប់ការ ទិញផ្ទះ តម្លៃមានការឡើង តែចំនួនជួលមានតិច។ ចំណែកការវិនិយោគលើដី ត្រូវសងត្រលប់ជាប្រចាំខែឬប្រចាំឆ្នាំ។ បើយើងប្រើប្រាស់ធនធាននេះលើការវិនិយោគលើដី ដែលជាទូទៅពិបាកក្នុងការជួលណាស់ ធ្វើឱ្យមានបញ្ហាចរន្តសាច់ប្រាក់ទូទាត់ត្រលប់ទៅកាន់ធនាគារ៕