អ្នកឧកញ៉ាគិត ម៉េងជម្រុញឲ្យអេហ្សីបបើកជើងហោះហើរត្រង់ និងបើកស្ថានទូតនៅកម្ពុជា

ដោយៈ ម៉ាលីនណា

ភ្នំពេញៈ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សា ពិគ្រោះយោបល់ធុរកិច្ចអាស៊ានសម្រាប់កម្ពុជា បានស្នើអេហ្សីបបើកជើងហោះហើររត្រង់ និងបើកស្ថានទូតនៅកម្ពុជា។

អ្នកឧកញ៉ាបានលើកឡើងបែបនេះ ក្នុងពេលទទួលជួបពិភាក្សាការងារជាមួយ លោកជំទាវ ហាឡា យូសេហ្វ អាមេត រ៉ាហ្កាប (Hala Youssef Ahmed Ragab) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋអារ៉ាប់អេហ្ស៊ីប ប្រចាំព្រះរាជាណាចក្រកម្ពុជា (មាននិវេសនដ្ឋាននៅទីក្រុងបាងកក)។

ក្នុងជំនួបនេះ លោកជំទាវឯកអគ្គរដ្ឋទូត បានគូសបញ្ជាក់ពីទំនាក់ទំនងជាប្រវត្តិសាស្ត្រ ដ៏យូរអង្វែងរវាងប្រទេសទាំងពីរ ដែលមានចំណងមិត្តភាពរឹងមាំទាំងផ្នែកការទូត នយោបាយ វប្បធម៌ និងសេដ្ឋកិច្ច។

ទោះបីជាយ៉ាងណាក៏ដោយ លោកជំទាវបានកត់សម្គាល់ថា ទំហំពាណិជ្ជកម្មទ្វេភាគីនៅមានកម្រិតនៅឡើយ បើធៀបនឹងសក្តានុពលសេដ្ឋកិច្ចជាក់ស្តែងដែលប្រទេសទាំងពីរមាន។

លោកជំទាវបានបន្ថែមថា កម្ពុជា និងអេហ្ស៊ីប មានចំណុចស្រដៀងគ្នាជាច្រើន ដោយកំពុងខិតខំប្រឹងប្រែងអភិវឌ្ឍន៍ហេដ្ឋារចនាសម្ព័ន្ធ និងធ្វើកំណែទម្រង់ដើម្បីបង្កលក្ខណៈងាយស្រួល ដល់ការធ្វើពាណិជ្ជកម្ម។ ជាពិសេស អេហ្ស៊ីបបានចុះកិច្ចព្រមព្រៀងពាណិជ្ជកម្មសេរី ជាមួយបណ្តាប្រទេសជាង៧០ ដែលធ្វើឱ្យអេហ្ស៊ីបក្លាយជាច្រកទ្វារសេដ្ឋកិច្ចដ៏សំខាន់ទៅកាន់តំបន់អឺរ៉ុប និងអាហ្វ្រិក។ ក្នុងន័យនេះ ធុរជនអេហ្ស៊ីបមានភាពបើកចំហ និងស្វាគមន៍យ៉ាងកក់ក្តៅចំពោះកិច្ចសហប្រតិបត្តិការជាមួយវិស័យឯកជនកម្ពុជា។

ជាកិច្ចឆ្លើយតប អ្នកឧកញ៉ា គិត ម៉េង បានឯកភាពចំពោះការលើកឡើងអំពីទំហំពាណិជ្ជកម្ម ដែលនៅមានកម្រិតនៅឡើយ និងបានស្នើឱ្យភាគីទាំងពីរ ទាញយកផលប្រយោជន៍ពីសក្តានុពលរៀងៗខ្លួន ពោលគឺ អេហ្ស៊ីប ជាច្រកទ្វារនាំចេញទៅកាន់ទីផ្សារអឺរ៉ុប និងអាហ្វ្រិក។ ចំណែកឯ កម្ពុជា ជាច្រកទ្វារទៅកាន់តំបន់អាស៊ាន និងជាមូលដ្ឋានផលិតកម្ម សម្រាប់នាំចេញទៅកាន់ទីផ្សារពិភពលោក រួមមាន ចិន អឺរ៉ុប និងអាមេរិក ជាដើម។

អ្នកឧកញ៉ាបានបញ្ជាក់ថា ដើម្បីជំរុញកិច្ចសហប្រតិបត្តិការឱ្យកាន់តែមានប្រសិទ្ធភាព អ្នកឧកញ៉ាប្រធាន បានស្នើដល់ លោកជំទាវឯកអគ្គរដ្ឋទូត នូវចំណុចសំខាន់ៗចំនួន៣ រួមមាន ជំរុញការហោះហើរត្រង់៖ ពីអេហ្ស៊ីបមកកម្ពុជា ដើម្បីបង្កើនលំហូរទេសចរណ៍ ពាណិជ្ជកម្ម និងការវិនិយោគ។

ទី២ ពង្រឹងកិច្ចសហប្រតិបត្តិការស្ថាប័ន៖ តាមរយៈការចុះអនុស្សរណៈយោគយល់គ្នា រវាងសភាពាណិជ្ជកម្មកម្ពុជា និងសភាពាណិជ្ជកម្មអេហ្ស៊ីប និងទី៣ពង្រីកវត្តមានការទូត ដោយជំរុញឱ្យរដ្ឋាភិបាលអេហ្ស៊ីបបើកស្ថានទូតនៅកម្ពុជា និង អនុព័ន្ធពាណិជ្ជកម្មប្រចាំនៅកម្ពុជា៕

ក្រុមហ៊ុនអន្តរជាតិបង្ហាញពីភាពប្រសើរនិងផ្នែកប្រឈមនៃទីផ្សារអចលនទ្រព្យនិងពាណិជ្ជកម្មនៅកម្ពុជា

ដោយៈ ស៊ីវ ម៉េង

ភ្នំពេញៈ ការដាក់បញ្ចូលគ្នានូវនិន្នាការ និងអ្វីដែលKnight Frank គូសបញ្ជាក់ខាងក្រោមនេះ គឺជាទិសដៅដែលអ្នកអភិវឌ្ឍន៍ត្រូវ ពិនិត្យ និងពិចារណាសម្រាប់ឆ្នាំ២០២៦។

អចលនទ្រព្យឧស្សាហកម្ម និងភស្តុភារកម្មគឺជាចំណុចលេចធ្លោមួយ ព្រោះដោយសារការកើនឡើងយ៉ាងឆាប់រហ័ស នៃគម្រោងSEZ និងឧស្សាហកម្មដែលត្រូវបានអនុម័ត តម្រូវការសម្រាប់លំនៅដ្ឋានកម្មករ ការអភិវឌ្ឍចម្រុះ និងហេដ្ឋារចនាសម្ព័ន្ធភស្តុភារកម្ម/ពាណិជ្ជកម្មទំនងជានឹងកើនឡើង។

ទីផ្សារលំនៅដ្ឋានទំនងជានៅតែមានស្ថេរភាព ប៉ុន្តែបែងចែកជាផ្នែកៗ អាផាតម៉ិន/អាផាតម៉ិនសេវាកម្ម ដែលមានតម្លៃសមរម្យ និងលំនៅដ្ឋានដីកម្រិតមធ្យម ទំនងជានៅតែមានតម្រូវការ។ ខុនដូលំដាប់ខ្ពស់/ផ្ទះថ្លៃៗ អាចនៅតែមានសភាពទន់ខ្សោយលើការទិញ លក់។

ចំណែកផ្នែកប្រឈម គឺការិយាល័យពាណិជ្ជកម្ម និងលក់រាយនៅតែមិនប្រាកដប្រជា ដោយសារការផ្គត់ផ្គង់លើស និងតម្រូវការខ្សោយអាចធ្វើឱ្យថ្លៃ ជួលការិយាល័យ និងការកាន់កាប់ស្ថិតនៅក្រោមសម្ពាធ លុះត្រាតែតម្រូវការកើនឡើង (ឧទាហរណ៍ ពីការវិនិយោគបរទេសកាន់តែច្រើន ឬក្រុមហ៊ុនថ្មី)។

ការលក់រាយទំនងជាត្រូវការការសម្របខ្លួន (ការប្រើប្រាស់ចម្រុះ អាហារ និងភេសជ្ជៈ និងការសង្កត់ធ្ងន់លើការកម្សាន្ត) ដើម្បីស្រូបយកការផ្គត់ផ្គង់លើស។

ចំណែកសណ្ឋាគារ និងបដិសណ្ឋារកិច្ច ការងើបឡើងវិញយឺត អាស្រ័យលើទេសចរណ៍ និងកត្តាម៉ាក្រូសេដ្ឋកិច្ច។

ការផ្គត់ផ្គង់សណ្ឋាគារថ្មីអាចបន្ត ប៉ុន្តែការកាន់កាប់ និងប្រាក់ចំណូលនឹងអាស្រ័យលើកត្តាខាងក្រៅ ព្រោះការងើបឡើងវិញនៃទេសចរណ៍ អាស្រ័យលើស្ថិរភាពតំបន់ សេដ្ឋកិច្ចពិភពលោក។

សារៈសំខាន់នៃហានិភ័យម៉ាក្រូសេដ្ឋកិច្ច ក៏ជាអ្វីដែលអ្នកវិនិយោគ និងអ្នកអភិវឌ្ឍន៍ត្រូវសម្លឹងមើល គោលនយោបាយពាណិជ្ជកម្មសកល ភាពតានតឹងក្នុងតំបន់ សម្ពាធរូបិយប័ណ្ណ/អតិផរណា និងផលប៉ះពាល់សេដ្ឋកិច្ចខាងក្រៅ នៅតែជាហានិភ័យចម្បងសម្រាប់ការងើបឡើងវិញនៃអចលនទ្រព្យ និងទំនុកចិត្តរបស់វិនិយោគិន៕

ព្រលានយន្តហោះអន្តរជាតិខេត្តសៀមរាបស្វាគមន៍ជើងហោះហើរត្រង់ពីក្រុមហ៊ុនFirefly

ដោយៈ ម៉ាលីនណា

សៀមរាបៈ ព្រលានយន្តហោអអន្តរជាតិខេត្តសៀមរាប បានស្វាគមន៍ជើងហោះហើរត្រង់របស់ក្រុមហ៊ុន FireFly ពីទីក្រុងកូឡាឡាំពួ មកកាន់ខេត្តសៀមរាប នៃព្រះរាជាណាចក្រកម្ពុជា។

ក្រោមការចង្អុលបង្ហាញពីឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ មន្ទីរទេសចរណ៍ខេត្តសៀមរាប បានអញ្ជើញទទួលបដិសណ្ឋារកិច្ចស្វាគមន៍យ៉ាងកក់ក្តៅ ដល់អ្នកដំណើរចំនួន១៥៧នាក់ស្ត្រី៦៦នាក់ នៅអាកាសយានដ្ឋានអន្តរជាតិសៀមរាប។

ក្រុមហ៊ុនអាកាសចរណ៍មួយនេះ នឹងបន្តចុះចតនៅអាកាសយានដ្ឋានអន្តរជាតិសៀមរាបអង្គរ ៣ជើង ក្នុងមួយសប្តាហ៍ នៅថ្ងៃអង្គារ ព្រហស្បតិ៍ និងថ្ងៃសៅរ៍ រៀងរាល់សប្តាហ៍ ជាប្រភេទយន្ដហោះ Boeing 737-800 (B738) ។

ជាមួយនឹងការអញ្ជើញ មកដល់អាកាសយានដ្ឋានអន្ដរជាតិសៀមរាបអង្គរ ភ្ញៀវទេសចរ បានលើកឡើងថា ពួកគាត់បានធ្វើដោយសុវត្ថិភាពនិងភាពរីករាយ ដែលបានមកដល់ខេត្ដសៀមរាបអង្គរនេះ។ពួកគាត់បន្ដថា តាមរយៈការធ្វើដំណើរឆ្លងកាត់ អាកាសយានដ្ឋានមួយនេះ មានភាពស្រស់ស្អាត អមដោយទេសភាពស្រស់បំព្រង ជាពិសេសពួកគាត់ចង់ឃើញប្រាសាទអង្គរវត្ដ ដែលជាក្ដីប៉ងប្រាថ្នាជាយូរមកហើយ។

ទន្ទឹមនឹងនោះ ភ្ញៀវទេសចរទាំងអស់ ដែលមកដល់ខេត្ដសៀមរាប មិនមានការព្រួយបារម្ភពីបញ្ហាអន្ដិសុខនោះឡើយ បើទោះបីកម្ពុជាមានជម្លោះព្រំដែនជាមួយប្រទេសជិតខាងក្ដី ពោលគឺពួកគាត់នៅពេលត្រឡប់ទៅកាន់ស្រុកកំណើតវិញ ពួកគាត់និងផ្សព្វផ្សាយបន្តអំពីរមណីយដ្ឋានទេសចរណ៍ស្អាតៗ នៅក្នុងខេត្តសៀមរាប ទៅកាន់ប្រទេសរបស់ខ្លួន ដើម្បីឱ្យគ្រួសារពួកគាត់ និងអ្នកទេសចរអញ្ជើញមកលេងខេត្ដសៀមរាបផងដែរ៕

សម្តេចធិបតីឆ្លើយតបច្បាស់ៗ និងម៉ឺងមាត់ទាក់ទងបញ្ហាព្រំដែនជាមួយអ្នកនយោបាយមួយចំនួនដែលគេងចំណេញលើរឿននេះ

ក្នុងកាលៈទេសៈដែលយើងកំពុងដោះស្រាយបញ្ហាព្រំដែនជាមួយប្រទេសជិតខាង ខ្ញុំមិនចង់មានការឆ្លើយឆ្លងជាមួយអ្នកនយោបាយខ្មែរមួយចំនួននោះទេ។ ក៏ប៉ុន្តែពេលខ្លះក៏មានការចាំបាច់ក្នុងការលើកឡើងនូវចំណុចមួយចំនួន កុំឱ្យក្រុមអ្នកនយោបាយខ្លះឆ្លៀតប្រឌិតរឿងមិនពិតក្នុងចេតនាកេងចំណេញនយោបាយ និងដើម្បីឱ្យប្រជាពលរដ្ឋមានការយល់ច្រឡំមកលើរាជរដ្ឋាភិបាល។

កាលពីព្រឹកមិញនេះ លោក អ៊ុ សំអាន បានបង្ហោះសារនៅក្នុងគណនីហ្វេសប៊ុករបស់ខ្លួនថា÷ Pong Nam Ron នេះជាប់ស្រុកកំរៀង ខេត្តបាត់ដំបងដែលជាអតីតតំបន់មូលដ្ឋានយោធាខ្មែរក្រហមដែលលោក អៀង សារី បានកាន់កាប់ហើយមានលោក អ៉ី ឈាន ជាមេទ័ព នាសម័យសង្រ្គាមសុីវិលនាទសវត្សទី៨០។ លោក អ៊ី ឈាន អតីតអភិបាលខេត្តប៉ៃលិនធ្លាប់និយាយថា ថៃបានបង្ខិតចូលដីខ្មែររាប់រយម៉ែត្រនៅតំបន់ Pong Nam Ron ជាប់ស្រុកកំរៀងនេះ។ ព្រំដែនចាស់ មិនមែនស្ថិតនៅព្រំដែនបច្ចុប្បន្ននេះទេ។ ប៉ុន្តែឥឡូវនេះ កម្ពុជាទទួលស្គាល់ព្រំដែនថ្មីគឺធ្វើឱ្យបាត់បង់ទឹកដីខ្មែរជាច្រើនគីឡូម៉ែត្រការ៉េនៅតំបន់នោះ។

ប៉ុន្តែ ប៉ុន្មានមួយម៉ោងក្រោយមក ឯ.ឧ អ៉ី ឈាន បានចេញសារបញ្ជាក់ជូនបងប្អូនជនរួមជាតិថា÷ អ្វីដែល អ៊ុ សំអាន សរសេរនេះគឺជាការប្រឌិតទាំងស្រុង និងមានចរិតញុះញង់ដើម្បីបង្ករឿង និងកេងចំណេញនយោបាយក្នុងចេតនាបង្កចលាចលសង្គម និងការយល់ច្រឡំមកលើកិច្ចការព្រំដែន ដែលរាជរដ្ឋាភិបាល និងគណៈកម្មការចម្រុះខណ្ឌសីមាព្រំដែនគោក(JBC) កម្ពុជាកំពុងអនុវត្តដោយឈរលើមូលដ្ឋានច្បាប់អន្ដរជាតិ អនុសញ្ញា សទ្ធិសញ្ញា ផែនទីនិងឯកសារដែលបន្សល់ទុកពីបារាំង។

ខ្ញុំនិងប្រជាជនទាំងអស់នឹងរង់ចាំមើលថាតើលោក អ៊ុ សំអាន ដែលតាំងខ្លួនជាអ្នកជំនាញព្រំដែន នឹងឆ្លើយតបយ៉ាងណាចំពោះ ឯ.ឧ អ៉ី ឈាន? ហើយតើ លោក អ៊ុ សំអាន មានឯកសារឬភស្តុតាងអ្វីផ្សេងទៀតទេដើម្បីការពារអំណះអំណាងរបស់ខ្លួន និងបញ្ជាក់ថាខ្លួនជាអ្នកជំនាញព្រំដែនពិតប្រាកដ។ សង្ឃឹមថាលោកមិនគ្រាន់តែចេញមកចោទប្រកាន់ឯកឧត្តម អ៉ី ឈាន ថាគាត់និយាយកុហក ឬក្បត់ឧត្តមគតិ ដូចអ្វីដែលលោកតែងតែចោទអ្នកដែលមិនមានទស្សនៈស្របជាមួយលោក និងក្រុមរបស់លោកនោះទេ។

និយាយដោយត្រង់ តាមដែលខ្ញុំមើលឃើញ និងប្រហែលដូចដែលអ្វីបងប្អូនប្រជាពលរដ្ឋមើលឃើញដូចគ្នាដែរនោះ គឺរហូតមកដល់ពេលនេះ អ្វីដែលលោក អ៊ុ សំអាន និយាយពាក់ព័ន្ធនឹងកិច្ចការព្រំដែន ហាក់ដូចជាគ្មានអ្វីច្បាស់លាស់ អាចយកជាការបានទាំងមូលដ្ឋានបច្ចេកទេសផែនទី (ក្រៅតែពីបានទៅសុំ ហ្វូតូកូពីផែនទីមួយផ្ទាំង ពីបណ្ណាល័យ សភាសហរដ្ឋអាមេរិក ដើម្បីធ្វើការសិក្សាស្រាវជ្រាវ) ទាំងមូលដ្ឋានច្បាប់ឬឯកសារយោងនានា (ឃើញតែលើកឡើងថា អ្នកនេះឬអ្នកនោះ បាននិយាយថាដីខ្មែរពីមុននៅនោះ មិនមែននៅនេះទេ ដូចជាករណីដែលគាត់លើកឡើងថា ឯ.ឧ អ៉ី ឈាន បាននិយាយដូច្នេះ នៅពេលដែល ឯ.ឧ អ៉ី ឈាន ច្រានចោលថាជាការប្រឌិត ។ល។)។

ខ្ញុំសូមឱ្យយោបល់ដូច្នេះថា÷ បើលោកឬក្រុមអស់លោកមិនយល់ច្បាស់រឿងផែនទី ឬកិច្ចការព្រំដែនទេ សូមកុំតាំងខ្លួនធ្វើជាអ្នកចេះជាងអ្នកជំនាញព្រំដែនដែលបានធ្វើកិច្ចការងារនេះរាប់ទសវត្សរ៍មកហើយ។ បើសិនអស់លោកមិនប្រកាន់ខ្លួនឬខ្លាចគេថាអន់ទេ ហើយចង់រៀនសូត្រអំពីវិធីសាស្ត្រឬបច្ចេកទេសក្នុងការប្រើប្រាស់ផែនទី (ដែលអស់លោកបាន ហ្វូតូកូពីនៅបណ្ណាល័យសភាសហរដ្ឋអាមេរិក) ដើម្បីជាជំនួយក្នុងការវាស់វែង បោះបង្គោលនិងខណ្ឌសីមានៅលើដីឱ្យបានត្រឹមត្រូវនោះ លោកអាចស្នើសុំមករាជរដ្ឋាភិបាល ដើម្បីឱ្យអ្នកមានជំនាញព្រំដែនពិតប្រាកដ អាចធ្វើបទបង្ហាញខ្លីមួយពាក់ព័ន្ធនឹងមូលដ្ឋានបច្ចេកទេសក្នុងការប្រើប្រាស់ផែនទី។ បើអស់លោកមិនមកប្រទេសខ្មែរទេ លោកអាចចាត់តំណាងដែលនៅខ្មែរដើម្បីឱ្យអ្នកបច្ចេកទេសធ្វើបទបង្ហាញឱ្យ ដែលតំណាងអស់លោកអាចយកទៅបង្រៀនបន្តដល់លោកនិងក្រុមលោក។ ខ្ញុំជឿថានៅពេលដែលអស់លោកបានយល់ដឹងខ្លះៗពីមូលដ្ឋានបច្ចេកទេសផែនទី អស់លោកនឹងអាចមានសមត្ថភាពនិយាយស្ដីសមហេតុផលជាងមុនច្រើន ក្នុងករណីដែលអស់លោកប្រកាន់សច្ចៈភាព។

កំណើនតម្លៃផ្ទះនៅសហរដ្ឋអាមេរិកបានធ្លាក់ចុះ ស្របពេលមានភាពមិនប្រាកដប្រជាផ្នែកសេដ្ឋកិច្ច

ដោយ: សហសេវិក
អន្តរជាតិ: កំណើនតម្លៃផ្ទះនៅសហរដ្ឋអាមេរិកបានធ្លាក់ចុះនៅក្នុងខែកញ្ញា ឆ្នាំ២០២៥ ដោយសារភាពមិនប្រាកដប្រជាផ្នែកសេដ្ឋកិច្ចបានជំរុញឱ្យអ្នកមានបំណងទិញងាកចេញពីទីផ្សារ។

យោងតាមទិន្នន័យពីក្រុមហ៊ុន S&P Cotality បានបង្ហាញថា តម្លៃផ្ទះបានកើនឡើង១,៣ភាគរយនៅខែកញ្ញាធៀបនឹងឆ្នាំមុន បន្ទាប់ពីបានកើនឡើងក្នុងអត្រាប្រចាំឆ្នាំ១,៤ភាគរយនៅក្នុងខែសីហា។

គិតត្រឹមខែកញ្ញា ឆ្នាំ២០២៥ កំណើនតម្លៃផ្ទះនៅសហរដ្ឋអាមេរិកបានធ្លាក់ចុះក្នុងរយៈពេល៨ខែជាប់ៗគ្នា ដោយសារអ្នកទិញផ្ទះមានប្រៀបជាងអ្នកលក់ នៅពេលចរចាតម្លៃ។នេះបើយោងតាមការចុះផ្សាយដោយសារព័ត៌មាន The Business Times។

អ្នកលក់មិនអាចដំឡើងតម្លៃផ្ទះបានស្រួលដូចពីមុននោះទេ។ ប៉ុន្តែ តម្លៃផ្ទះអាចមានការប្រែប្រួលអាស្រ័យលើតំបន់។ តម្លៃផ្ទះនៅតំបន់ Midwest និងតំបន់ភាគឦសាន បន្តកើនឡើងយ៉ាងគំហុក ខណៈកំណើនតម្លៃផ្ទះនៅតំបន់ភាគខាងត្បូង និងភាគខាងលិចនៃសហរដ្ឋអាមេរិកបានថយចុះ។

ក្នុងចំណោមទីក្រុងចំនួន២០ ទីក្រុងឈីកាហ្គោបាននាំមុខគេ ដោយបានកើនឡើងប្រចាំឆ្នាំក្នុងរង្វង់៥,៥ភាគរយ ខណៈតម្លៃផ្ទះនៅទីក្រុងញូវយ៉កបានកើនឡើង៥,២ភាគរយ ហើយតម្លៃផ្ទះនៅទីក្រុង Boston បានកើនឡើង៤,១ភាគរយ៕ប្រភព: Bloomberg៕

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនផ្ញើសារលិខិតជូនពរជនរួមជាតិក្នុងឱកាសទិវាពិភពលោកប្រយុទ្ធនឹងជំងឺអេដស៍ក្រោមមូលបទសកល “យកឈ្នះការរំខាន បរិវត្តកម្មឆ្លើយតបមេរោគអេដស៍”

ទីផ្សារអចលនទ្រព្យរបស់តំបន់អាសុីប៉ាសុីហ្វិក កំពុងទាក់ទាញចំណាប់អារម្មណ៍ជាថ្មីពីបណ្តាវិនិយោគិនសកល

ដោយ: សហសេវិក
អន្តរជាតិ: យោងតាមក្រុមហ៊ុន Colliers បានឱ្យដឹងថា បណ្តាវិនិយោគិនអចលនទ្រព្យសកលកំពុងបង្ហាញពីទំនុកចិត្តឡើងវិញចំពោះទីផ្សារអចលនទ្រព្យរបស់តំបន់អាសុីប៉ាសុីហ្វិក ខណៈដើមទុនវិនិយោគបានហូរចូលតំបន់នេះឡើងវិញ។

ការស្ទង់មតិលើបណ្តាវិនិយោគិនជិត១.៤០០នាក់បានចង្អុលបង្ហាញពីភាពប្រសើរឡើងនៃលំហូរសាច់ប្រាក់ងាយស្រួល ស្ថិរភាពនៃការកំណត់តម្លៃ និងមូលដ្ឋានគ្រឹះទីផ្សាររឹងមាំ ដែលនឹងធ្វើឱ្យសន្ទុះនៃការវិនិយោគកាន់តែមានភាពរឹងមាំក្នុងរយៈពេល២ឆ្នាំខាងមុខ។

បច្ចុប្បន តំបន់អាស៊ីប៉ាស៊ីហ្វិកគ្របដណ្តប់ចំនួន១១ភាគរយនៃការប្រមូលកៀរគរទុនវិនិយោគអចលនទ្រព្យសកលក្នុងរយៈពេល៩ខែដំបូងនៃឆ្នាំ២០២៥ ស្របពេលក្រុមវិនិយោគិនព្យាយាមធ្វើពិពិធកម្ម និងងាកទៅរកទីផ្សារដែលជំរុញដោយនវានុវត្តន៍។

ជាមួយគ្នានេះ ទីផ្សារអចលនទ្រព្យឧស្សាហកម្ម និងភស្តុភារកម្មនៅតែជាអាទិភាពចម្បងសម្រាប់បណ្តាវិនិយោគិននៅទូទាំងតំបន់អាស៊ីប៉ាស៊ីហ្វិក ស្របពេលមានការរីកចម្រើននៃពាណិជ្ជកម្មអេឡិចត្រូនិក និងតម្រូវការឃ្លាំងទ្រង់ទ្រាយធំ។

ទីផ្សារការិយាល័យកំពុងទទួលបានការចាប់អារម្មណ៍ឡើងវិញនៅក្នុងប្រទេសនានា ដូចជាប្រទេសអូស្ត្រាលី ជប៉ុន និងសិង្ហបុរី។មជ្ឈមណ្ឌលទិន្នន័យបន្តទាក់ទាញទុនវិនិយោគកាន់តែច្រើនឡើង ខណៈតម្រូវការហេដ្ឋារចនាសម្ព័ន្ធឌីជីថលកើនឡើង ជាពិសេសនៅក្នុងប្រទេសឥណ្ឌា៕ប្រភព: BusinessWorld៕

សម្តេចធិបតីហ៊ុន ម៉ាណែតនឹងមានជំនួបកំពូលជាមួយថ្នាក់ដឹកនាំអង្គការសហប្រជាជាតិនៅកម្ពុជា

ដោយៈ គង់ សូរិយា

ភ្នំពេញៈ សម្តេចមហាបវរធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា នឹងជួបប្រជុំជាមួយអង្គការសហប្រជាជាតិនានា ប្រចាំកម្ពុជានាពេលខាងមុខនេះ។

ព័ត៌មាននេះត្រូវបានលើកឡើងក្នុងកិច្ចប្រជុំអន្តរក្រសួង ដឹកនាំដោយលោករ៉ិត វុទ្ធី អគ្គលេខាធិការគណៈកម្មាធិការសហប្រតិបត្តិការអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា(គ.ស.អ.ក./ក.អ.ក.) បានដឹកនាំកិច្ចប្រជុំអន្តរក្រសួង ដើម្បីពិភាក្សាលើការត្រៀមរៀបចំកិច្ចសន្ទនាប្រចាំឆ្នាំ២០២៥ រវាងសម្តេចមហាបវរធិបតីនាយករដ្ឋមន្ត្រី ជាមួយប្រព័ន្ធអង្គការសហប្រជាជាតិប្រចាំកម្ពុជា ដោយមានការចូលរួមពីឯកឧត្តម លោកជំទាវ រដ្ឋលេខាធិការ លោក លោកស្រី តំណាងមកពី ក្រសួងសេដ្ឋកិច្ច និងហិរញ្ញវត្ថុ, ក្រសួងមហាផ្ទៃ, ក្រសួងអប់រំ យុវជន និងកីឡា, ក្រសួងផែនការ, ក្រសួងពាណិជ្ជកម្ម, ក្រសួងការងារ និងបណ្ដុះបណ្ដាលវិជ្ជាជីវៈ, ក្រសួងបរិស្ថាន, វិទ្យាស្ថានជាតិស្ថិតិ, ធនាគាជាតិនៃកម្ពុជា, សរុបប្រមាណ ៤០រូប ។

កិច្ចប្រជុំបានពិភាក្សា និងឯកភាពលើមូលបទ ប្រធានបទ កាលបរិច្ឆេទ និងភារកិច្ចទទួលខុសត្រូវរបស់ក្រសួង ស្ថាប័នសម្រាប់ជំនួបនេះ៕

តើការផ្គរត់ផ្គង់អាគារការិយាល័យនៅទីក្រុងភ្នំពេញកំពុង លើសតម្រូវការឬយ៉ាងណា?

ដោយៈ ម៉ាណា

ភ្នំពេញៈ តើការផ្គត់ផ្គង់កន្លែងការិយាល័យ នៅក្នុងទីក្រុងភ្នំពេញនឹង “ផ្គត់ផ្គង់លើសតម្រូវការ” ជារួមឬអត់ ខណៈអ្នកជំនាញបានបង្ហាញសញ្ញាព្រួយបារម្ភ។

យោងតាមទិន្នន័យថ្មីៗបង្ហាញថា មានហានិភ័យពិតប្រាកដនៃការផ្គត់ផ្គង់លើស ជាពិសេសនៅខាងក្រៅអគារលំដាប់ខ្ពស់។

តើទំហំនៃការផ្គត់ផ្គង់កន្លែងការិយាល័យ នៅក្នុងទីក្រុងភ្នំពេញមានទំហំប៉ុនណា?

យោងតាមទិន្ន័យបានបង្ហាញថា គិតត្រឹមដើមឆ្នាំ 2025 ការផ្គត់ផ្គង់ការិយាល័យសរុប នៅក្នុងរាជធានីភ្នំពេញមានប្រហែល1,015,380 ម៉ែត្រការ៉េ (ផ្ទៃក្រឡាសម្រាប់ជួលសុទ្ធNLA)។

យោងតាមប្រភពមួយផ្សេងទៀតបានបង្ហាញថា ការផ្គត់ផ្គង់សរុបនៅឆ្នាំ2025 (ដែលបានព្យាករណ៍) អាចឈានដល់ជិត1.38 លានម៉ែត្រការ៉េ។

ដោយសម្លឹងមើលទៅមុខ ប្រសិនបើការអភិវឌ្ឍន៍ថ្មីបានបញ្ចប់តាមការគ្រោងទុក ការផ្គត់ផ្គង់អាចកើនឡើងដល់ប្រហែល1,557,098 ម៉ែត្រការ៉េនៅឆ្នាំ2028 ដែលនឹងកើនឡើងប្រហែល 53% ពីមូលដ្ឋានដើមឆ្នាំ2025។ សមាសភាពនៃទីផ្សារ (តាម “ថ្នាក់”) ត្រូវបានផ្តល់ទម្ងន់យ៉ាងខ្លាំងទៅលើថ្នាក់ទាប៖ នៅឆមាសទី១ ឆ្នាំ២០២៥ ប្រហែល៤៩% នៃស្តុកការិយាល័យគឺជា “កម្រិតB” ខណៈដែល “ថ្នាក់ C” និង “ថ្នាក់ A” បង្កើតបានជាផ្នែកដែលនៅសល់។

ការិយាល័យភាគច្រើននៅតែស្ថិតនៅក្នុង ឬនៅជិតកណ្តាលទីក្រុង (CBD) ដោយសង្កាត់កណ្តាល (ឧ. ចំការមន និងដូនពេញ) មានចំណែកធំបំផុតនៃការផ្គត់ផ្គង់។

តើតម្រូវការនៅតែបន្តទេ សញ្ញានៃការផ្គត់ផ្គង់លើស?

សូចនាករជាច្រើនចង្អុលបង្ហាញពីតម្រូវការទន់ ឬយ៉ាងហោចណាស់ភាពមិនស៊ីគ្នារវាងតម្រូវការ និងការផ្គត់ផ្គង់ដែលកំពុងកើនឡើង៖

របាយការណ៍ឆមាសទី១ ឆ្នាំ២០២៥ បានកត់សម្គាល់ថា ទោះបីជាការផ្គត់ផ្គង់បានកើនឡើងក៏ដោយ ទស្សនវិស័យរយៈពេលខ្លីត្រូវបាន “ប្រឈមនឹងការកើនឡើងនៃអត្រាទំនេរ”។

នៅឆ្នាំ២០២៤ ទីផ្សារបានឃើញការបញ្ចប់ថ្មីៗ មានកម្រិតមធ្យម ប៉ុន្តែទោះបីជាយ៉ាងណាក៏ដោយ អត្រាជួលនៅទូទាំងថ្នាក់នានាមាននិន្នាការធ្លាក់ចុះ ឬនៅតែមានស្ថេរភាព ទោះបីជាមានការកើនឡើងនៃការផ្គត់ផ្គង់ក៏ដោយ។

ប្រភពខ្លះបង្ហាញពីអត្រាប្រើប្រាស់មានប្រហែល64%មានន័យថា ទំហំការិយាល័យសរុបប្រហែល36%កំពុងនៅទំនេរ ដែលបង្ហាញថាផ្នែកសំខាន់មួយ នៃស្តុកនៅតែមិនមានមនុស្សរស់នៅ។

ការផ្គត់ផ្គង់លើសហាក់ដូចជា កាន់តែធ្ងន់ធ្ងរសម្រាប់កន្លែងការិយាល័យថ្នាក់ទាប។ តម្រូវការផ្តោតសំខាន់លើការិយាល័យ ដែលមានគុណភាពខ្ពស់/ “ថ្នាក់ A”។

ទន្ទឹមនឹងនេះ តម្រូវការហាក់ដូចជាត្រូវបានជំរុញ ជាចម្បងដោយក្រុមហ៊ុនដែលស្វែងរកកន្លែងកម្រិតB ឬC ដែលមានតម្លៃសមរម្យ ហើយតម្រូវការសម្រាប់ការិយាល័យកម្រិតA នៅតែមានកម្រិត (ជាញឹកញាប់ពីសាជីវកម្មធំៗ ក្រុមហ៊ុនបរទេស)។

អ្វីដែលនេះបង្ហាញថា ការផ្គត់ផ្គង់លើសការិយាល័យលើស អាចកើតមាន ប្រហែលជាឆាប់ៗនេះ។

ដោយដាក់តួលេខរួមគ្នា វាហាក់ដូចជាការផ្គត់ផ្គង់កន្លែងការិយាល័យរបស់ទីក្រុងភ្នំពេញ កំពុងលើសពីតម្រូវការនៅក្នុងផ្នែកជាច្រើន ជាពិសេសការិយាល័យមិនមែនថ្នាក់A។

ការកើនឡើងដ៏ធំ ដែលបានព្យាករណ៍ឆ្ពោះទៅឆ្នាំ2028 ទំហំការិយាល័យសរុបនឹងកើនដល់1.56លានម៉ែត្រការ៉េ)។ ស្ថានភាពទីផ្សារទំនងជានឹងធ្វើឱ្យការប្រកួតប្រជែង ក្នុងចំណោមម្ចាស់ផ្ទះកាន់តែខ្លាំងឡើង ដែលអាចជំរុញឱ្យអត្រាទំនេរកើនឡើង ឬបង្ខំឱ្យមានការបញ្ចុះតម្លៃជួល ឬការលើកទឹកចិត្តកាន់តែស៊ីជម្រៅ។

ទោះជាយ៉ាងណាក៏ដោយ នេះមិនមានន័យថាផ្នែកការិយាល័យនីមួយៗត្រូវបានផ្គត់ផ្គង់លើសស្មើគ្នានោះទេ។

ការិយាល័យលំដាប់ខ្ពស់/កម្រិតឬចំណាត់ថ្នាក់A អាចនៅតែឃើញការកាន់កាប់កាន់តែប្រសើរ (ប្រសិនបើតម្រូវការពីក្រុមហ៊ុនពហុជាតិសាសន៍ ឬកំណើនវិស័យផ្លូវការនៅតែមាន)។

ប៉ុន្តែសម្រាប់ការិយាល័យកម្រិតមធ្យម និងកម្រិតទាប ហានិភ័យនៃការផ្គត់ផ្គង់លើសហាក់ដូចជាមាន៕

🎯 ហេតុអ្វីបានជាការផ្គត់ផ្គង់លើសអាចកើតឡើង

ហេតុផលរចនាសម្ព័ន្ធ និងទីផ្សារមួយចំនួននៅពីក្រោយសក្ដានុពលនេះ៖

ការអភិវឌ្ឍថ្មីៗ (ជាពិសេសការិយាល័យដែលមានទីតាំងនៅកណ្តាល និងអគារខ្ពស់ៗ) នៅតែបន្តលេចចេញជារូបរាង — ជំរុញការផ្គត់ផ្គង់ឱ្យកើនឡើងយ៉ាងឆាប់រហ័ស។

កំណើនតម្រូវការហាក់ដូចជាមានកម្រិតមធ្យម។ ខណៈពេលដែលមានការចាប់អារម្មណ៍ពីសហគ្រាសធុនតូច និងមធ្យម និងក្រុមហ៊ុនទំហំមធ្យម (ពេញចិត្តកន្លែងដែលមានតម្លៃថោកជាង) តម្រូវការនោះហាក់ដូចជាមិនគ្រប់គ្រាន់ដើម្បីស្រូបយកការកើនឡើងនៃការផ្គត់ផ្គង់នោះទេ។

ការប្រកួតប្រជែងក្នុងចំណោមម្ចាស់ផ្ទះ — ជាច្រើនផ្តល់ការលើកទឹកចិត្ត និងថ្លៃជួលទាប — បង្ហាញពីសម្ពាធលើការកាន់កាប់ ដែលជាសញ្ញានៃការផ្គត់ផ្គង់លើស។

សម្ពាធសេដ្ឋកិច្ច ឬខាងក្រៅកាន់តែទូលំទូលាយអាចធ្វើឱ្យប៉ះពាល់ដល់ចំណង់ចំណូលចិត្តរបស់វិនិយោគិន ឬអ្នកជួល (ជាពិសេសសម្រាប់ការិយាល័យធំៗ និងមានតម្លៃខ្ពស់)។

✅ ទស្សនៈរបស់ខ្ញុំ៖ ការផ្គត់ផ្គង់ទំនងជានឹងលើសពីតម្រូវការ — ប៉ុន្តែមិនស្មើគ្នាទេ

ប្រសិនបើខ្ញុំកំពុងវិនិយោគ ឬសម្រេចចិត្តជួលការិយាល័យនៅភ្នំពេញឥឡូវនេះ ខ្ញុំសន្មតថាការផ្គត់ផ្គង់សរុបនឹងលើសពីតម្រូវការ ជាពិសេសនៅក្នុងផ្នែកកម្រិតមធ្យម និងកម្រិតទាប យ៉ាងហោចណាស់ក្នុងរយៈពេលប៉ុន្មានឆ្នាំខាងមុខ — លុះត្រាតែមានការងើបឡើងវិញនៃសេដ្ឋកិច្ច ឬលំហូរចូលនៃអាជីវកម្មខ្លាំងជាងការរំពឹងទុក។

ឧកញ៉ាបណ្ឌិត គីម ហ៊ាង បង្ហាញពីប្លង់គម្រោងសាងសង់លំនៅឋាន សាលារៀនតម្លៃសមរម្យនៅតាមបណ្ដាខេត្ត

1. បើទំហំដីសរុប ២០ហត នោះអាចសង់បានមួយពាន់ផ្ទះ ដោយទុកដី ២ហត សម្រាប់សង់សាលារៀនចំណេះដឹង ពេទ្យទូទៅ ផ្សារ និងកន្លែងលេងកីឡាចំរុះ ជាលក្ខណៈសហគមន៌ ដើម្បីបំរើសហគមន៌!

2. ទំហំដី 4.50m x 24m = 108m2 ទំហំផ្ទះ 4.50m x 14m = 63m2 ខាងមុខសល់ដី 4.50m x 8m = 36m2 សម្រាប់ចតឡាន និងម៉ូតូ ចំណែកខាងក្រោយសល់ដី 4.50m x 2m = 9m2 សម្រាប់ជាឃ្លាំង មានពីរបន្ទប់គេង មួយបន្ទប់ទឹក មួយបន្ទប់ទទួលភ្ញៀវ និង មួយបន្ទប់បាយ!

3. តម្លៃលក់ចន្លោះពី $22,000 ដល់ $29,000 ដោយខ្ញុំបាទ គីម ហ៊ាង មានគម្រោងទៅសាងសង់នៅទូទាំងប្រទេស ចាប់ពីពាក់កណ្តាលឆ្នាំ ២០២៦ ដោយចង់ចាប់ផ្តើមពីខេត្តសៀមរាប ឬកំពង់សោម ឬខេត្តបាត់ដំបងមុនគេ!

4. ម្ចាស់ដី ឬអ្នកស្គាល់ម្ចាស់ដីទំហំលើសពី ២០ហត ស្ថិតនៅចំងាយត្រឹម ៥គម ទៅ ១០គម ចេញពីទីរួមខេត្តសៀមរាប ឬកំពង់សោម ឬខេត្តបាត់ដំបង អាចទាក់ទងមកលេខ 092 96 2000 & 085 96 2000 ដើម្បីអោយក្រុមការងារតាមខេត្តចុះទៅមើលទីតាំងដីនោះដោយផ្ទាល់!

5. ខ្ញុំបាទ គីម ហ៊ាង សូមទៅសាងសង់នៅខេត្តសៀមរាប កំពង់សោម និងខេត្តបាត់ដំបងសិន ទើបអាចទៅខេត្តផ្សេងទៀត!
បណ្ឌិត គីម ហ៊ាង

1...180181182...3,342 Page 181 of 3,342