ដោយៈ សហសេវិក

កំពតៈ ដោយសារអតិថិជនផ្តល់ទំនុកចិត្ត ភាពជឿជាក់ និងមានការគាំទ្រយ៉ាងខ្លាំងដល់ Bokor Land គម្រោងទី1 កន្លងមក បច្ចុបន្បន៏នេះគម្រោងBokor Land បានធ្វើការបើកលក់ដីលំហែរគម្រោងទី2បន្តទៀត លើផ្ទៃដីទំហំ14.5ហិកតា ដែលមានទីតាំងលើផ្លូវជាតិលេខ43 ភូមិទ្វាថ្មី ឃុំព្រៃថ្នង ស្រុកទឹកឈូ ខេត្តកំពត។

Bokor Land គម្រោងទី2មានសម្រស់កាន់តែស្អាត ជាមួយនិងក្បាច់រចនាម៉ូតខ្លោងទ្វាពណ៍បៃតងបែបធម្មជាតិ តាមដងផ្លូវនីមួយៗ ក្នុងគម្រោងអមទៅដោយសួនផ្កាចំរុះនិងរុក្ខជាតិបៃតងកាន់តែទាក់ទាញភ្នែក ពិសេសជាងនេះទៅទៀតក្នុងគម្រោង ក៏មានសួនច្បារលំហែរទំហំ 3000មការ៉េ នៅចំចំនុចកណ្តាលនៃគម្រោងសំរាប់លំហែរកាយ អង្គុយអានសៀវភៅ ហាត់ប្រាណ ក្មេងៗលេងកំសាន្ត និងអាចបោះតង់កេងកំសាន្តនាពេលរាត្រីផងដែរ។

ក្នុងគម្រោងមានរៀបចំប្រពន្ធ័ហេដ្ឋារចនាសម្ពន្ធ័ទឹក ភ្លើង លូ ផ្លូវតាមស្តង់ដា ព្រមទាំបំពាក់អំពូល Sola បំភ្លឺផ្លូវទាំងមូលក្នុងគម្រោង ទំហំដីឡូតិ៏កាន់តែធំជាងមុន មានប្រភេទទំហំ15x30m និង20x40mសំរាប់ធ្វើការជ្រើសរើស។

កក់ថ្ងៃនេះនឹងទទួលបានកាបញ្ចោះតំលៃចាប់ពី3000$ដល់10000$/ឡូតិ៏ ការបង់ប្រាក់ងាយស្រួល និងមានរយៈពេលវែង លោកអ្នកអាចបង់រំលស់ផ្ទាល់ ជាមួយគម្រោង រយៈពេល5ឆ្នាំដោយឥតការប្រាក់។

ប្រញាប់ឡើង កក់500$ភ្លាម ចូលធ្វើផ្ទះលំហែរបានភ្លាមៗ !!!Bokor Landជាកន្លែងផ្តល់ក្តីសុខ និងសុភមង្គលក្នុងគ្រួសាអ្នក!!!

☎️ទរស័ព្ទផ្នែកលក់គម្រោងផ្ទាល់ 086 399 686; 095 585 049៕

ដោយៈ លក្ខិណា

ភ្នំពេញ៖ អ្នកវិនិយោគនៅក្នុងវិស័យអចលនទ្រព្យនៅក្នុងប្រទេសកម្ពុជា អ្នកឧកញ៉ាសៀ ឬទ្ធី ដែលគេដឹងថាជាអ្នកវិនិយោគចម្រុះមួយនៅកម្ពុជា បានបញ្ជាក់ថានៅក្នុងវិបត្តិនៃជំងឺកូវីដ១៩អ្នកវិនិយោគមិនគួរបង្អង់ល្បឿននៃការវិនិយោគនោះទេ តែផ្ទុយទៅវិញគួរតែបន្ថែមល្បឿននិងនិយាយថានៅក្នុងវិបត្តិនេះ វាជាឱកាសនៃការបន្ថែមល្បឿនសម្រា់បវិនិយោគ។

អ្នកឧកញ៉ាសៀ ឬទ្ធីជាអ្នកវិនិយោគលើគម្រោងអគារខ្ពស់ៗនៅកម្ពុជា ជាអ្នកវិនិយោគលើលំនៅឋានតម្លៃសមរម្យដំបូងគេនៅកម្ពុជា ជាអ្នកវិនិយោគលើវិស័យដឹកជញ្ជូន និងតំបន់សេដ្ឋកិច្ចពិសេសផងដែរ ។ នៅក្នុងវិបត្តិនៃជំងឺកូវីដ១៩អ្នកឧកញ៉ាថា បើសិនជាយើងបន្ថយល្បឿនឬពន្លត់ម៉ាស៊ីន អ្នកដទៃទៀតគេនឹងទៅ មុខចោលហើយ មិននៅចាំយើងទេ ដូច្នេះទោះយើងត្រូវសម្លឹងពីឱកាសនៅក្នុងពេលមានបញ្ហា ដែលអាចធ្វើការវិនិយោគជាបន្តបន្ទាប់ដោយសម្លឹងមើលទៅលើតើអ្វីដែលមានតម្រូវការនិងនៅតែមានទីផ្សារសម្រាប់រកប្រាក់ចំនេញនៅក្នុងវិបត្តិ ។

អ្នកឧកញ៉ាបន្តថា ជាការពិតណាស់កូវីដ១៩ ពិតជាធ្វើឱ្យមានបញ្ហានិងផលប៉ះពាល់ គ្រាន់តែថាមានវិស័យខ្លះប៉ះពាល់តិច វិស័យខ្លះទៀតប៉ះពាលខ្លាំង ក្នុងនោះយើងឃើញថាវិស័យទេសចរណ៍ទទួលផលប៉ះពាល់ធ្ងន់ធ្ងរជាងគេ ហើយវិស័យដែលពាក់ព័ន្ធនឹងទេសចរណ៍ក៏ប៉ះពាល់ដែរ ។ ប៉ុន្តែនៅក្នុងវិបត្តិនៃយើងឃើញថាវិស័យផ្សេងទៀតមិនត្រឹមតែមិនប៉ះពាល់ទេ វាបែរជារីកចម្រើនដូចជាវិស័យកសិកម្ម ។

អ្នកឧកញ៉ាបន្ថែមថាទន្ទឹមនឹងវិបត្តិកូវីដ១៩នេះដែរ ក៏មានវិនិយោគិនបរទេសបានចូលមកកម្ពុជាដើម្បីស្វែងរកដៃគូវិនិយោគនៅក្នុងប្រទេសកម្ពុជា ដូចជាវិនិយោគិនអាមេរិកនិងប្រទេសផ្សេង ។ អ្វីដែលកម្ពុជានិងវិនិយោគិនក្នុងស្រុកត្រូវធ្វើនោះគឺភាពស្របច្បាប់និងធនធានមនុស្សច្បាស់លាស់ដើម្បីបម្រើជូន វិនិយោគិនមកពីបរទេស ។ លោកថា “អ្នកវិនិយោគក្នុងស្រុកទាំងអស់ ត្រូវធ្វើអ្វីដែលស្របច្បាប់ ដូចជាបង់ពន្ធជូនរដ្ឋត្រឹមត្រូវ រកស៊ីមានបញ្ជីស្នាមច្បាស់លាស់ និងមានបុគ្គលិកដែលមានទំនួលខុសត្រូវនឹងការងារ ។ នៅពេលវិនិយោគិនបរទេសចូលមកគេនឹងចង់ចាប់ដៃរកស៊ីជាមួយគ្នា “។

យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាឱ្យដឹងថា ស្ថិតនៅក្នុងវិបត្តិកូវីដ១៩នេះ កម្ពុជានៅតែទទួលបានទុនវិនិយោគជាបន្តបន្ទាប់ពីបរទេស និងវិនិយោគិនក្នុងស្រុកទៅលើការអភិវឌ្ឍគម្រោងវិនិយោគជាច្រើន ។ ការណ៍នេះ បានជំរុញឱ្យសេដ្ឋកិច្ចកម្ពុជានៅតែមានសកម្មភាពនិងជៀសវាងនូវការដួលរលំនៃសេដ្ឋកិច្ចនៅក្នុងវិបត្តិកូវីដ១៩ ៕

ដោយៈ ម៉ាណេត

ភ្នំពេញៈ អ្នកជំនាញបានបង្ហើបពីតំបន់មួយចំនួននៅទីក្រុងភ្នំពេញ ពិសេសតំបន់នៅជាយក្រុង ដែលនៅតែមានសក្ដានុពល ក្នុងការវិនិយោគលើវិស័យអចលនទ្រព្យ ដែលអាចយកផលចំណេញបានខ្ពស់ ក្រោយវិបត្តិកូវីដ១៩បានបញ្ចប់។

អគ្គនាយកក្រុមហ៊ុនអចលនទ្រព្យ ស៊ីអិល រៀលធី លោកស៊ា ឆៃលីន បានថ្លែងប្រាប់នៅក្នុងសប្តាហ៍នេះថា វិនិយោគិនគួរសម្លឹងការវិនិយោគនៅតំបន់ជាយក្រុងភ្នំពេញ ពិសេសនៅភាគខាងត្បូង និងក្រវាត់ក្រុងទីបី ដោយសារតែតំបន់នោះមានការអភិវឌ្ឍលឿន និងមិនទាន់មានការអភិវឌ្ឍន៍ឆ្អែត ដូច្នេះវិនិយោគនៅតែអាចរកផលចំណេញពីតំបន់ទាំងនេះបាន។

លោកបានថ្លែងបន្តថា បើនិយាយពីការវិនិយោគអចលនទ្រព្យសម្រាប់ផលចំណេញ គឺភាគច្រើនគេនិយាយពីការវិនិយោគលើវិស័យដីធ្លីនេះតែម្តង។ លោកបានបន្តថា អំឡុងពេលដែលវិបត្តិនេះ នៅពេលដែលវិនិយោគិនឆ្លាតវៃណា អាចរកបានអចលនទ្រព្យណាមួយដែលមានតម្លៃក្រោមទីផ្សារ និងរួចទិញយកសម្រាប់យកផលចំណេញនាពេលអនាគត នេះគឺជាឱកាសមួយដ៏ល្អប្រសើរ ។

លោកបន្តថា ដើម្បីទទួលបានផលចំណេញ នៅពេលខាងមុខអ្នកវិនិយោគគួរ ការវិនិយោគពីពេលឥឡូវនេះនៅពេលដែលវិបត្តិកូវីដបញ្ចប់ តម្លៃអចលនទ្រព្យនឹងកើនឡើងខ្លាំង នៅពេលនោះហើយដែលអ្នកវិនិយោគទទួលបានផលចំណេញខ្ពស់ពីការវិនិយោគវិស័យអចលនទ្រព្យរបស់ខ្លួន។

ជាមួយគ្នានេះដែរ លោកឌឹត ចណ្ណានាយកប្រតិបត្តិក្រុមហ៊ុនអចលនទ្រព្យ ឡាក់គី រៀលធី បានថ្លែងឱ្យដឹងថា ចលនានៃការទិញលក់អចលនទ្រព្យបានចាប់ផ្តើមកម្រើកបន្តិច បន្ទាប់ពីរដ្ឋាភិបាលបានបន្ធូរបន្ថយដល់ការធ្វើដំណើររបស់ប្រជាជន។

លោកបានថ្លែងថា ជាធម្មតា អ្នកវិនិយោគ ឬអ្នករកទទួលទាននៅក្នុងវិស័យអចលនទ្រព្យមិនសូវជាចេះនៅស្ងាមនោះទេ ហើយការបន្ធូរបន្ថយដល់ការធ្វើដំណើររបស់ប្រជាជន បានធ្វើឱ្យប្រជាជន ពិសេសអ្នករកស៊ីក្នុងវិស័យអចលនទ្រព្យចាប់ផ្តើមបន្តសកម្មភាពវិនិយោគរបស់ពួកគាត់ឡើងវិញ។

ជាមួយគ្នានេះដែរ លោកមើលឃើញថា សកម្មភាពទិញលក់មានការកម្រើកឡើងនៅជាយក្រុង ពិសេសការទិញលក់លំនៅដ្ឋាន និងដីធ្លីនៅជាយក្រុង ហើយនៅតាមខណ្ឌនៅជាយក្រុង ឃើញមានសកម្មភាពកម្រើកឡើងវិញ ទាំងនៅខណ្ឌសែនសុខ និងខណ្ឌដង្កោជាដើម។

លោកបានថ្លែងបន្តថា មួយរយៈពេលចុងក្រោយនេះ តំបន់ជាយក្រុងនៅទិសទាំងអស់នៃរាជធានីភ្នំពេញមានរីកលូតលាស់ព្រមគ្នាតែម្តង ខណៈតំបន់នៅជាយក្រុងនៅប៉ែកខាងកើតនៅមានតម្លៃសមរម្យជាងបន្តិច ដោយសារស្ពានមិនទាន់សាងសង់ ប៉ុន្តែចលនានៃការទិញលក់នៅតែមាន៕

ដោយៈស៊ីវ ម៉េង

ភ្នំពេញៈ ជាមួយនឹងមហិច្ឆតាពង្រីកទីក្រុងកាន់តតែធំ ដើម្បីពង្រីកវិសាលភាពនៃការអភិវឌ្ឍ ដោយសារកំនើនសេដ្ឋកិច្ច នគរូបនីយកម្ម រដ្ឋាភិបាលនឹងអនុម័តនូវគំរោងធំៗចំនួន៩ជាអាទិភាព។

យោងតាមផែនការមេអភិវឌ្ឍក្រុងដល់ឆ្នាំ២០៣៥ រដ្ឋាភិបាលសម្រេចយកគម្រោងសាងសង់ហេដ្ឋារចនាសម្ព័ន្ធ៩គម្រោង ជាគម្រោងដែលត្រូវអនុម័តបន្ទាន់ តើមានគម្រោងអ្វីខ្លះ ហើយតាំងពីឆ្នាំ២០១៥ ដែលចេញផែនការមេមកទល់បច្ចុប្បន្ន មានគម្រោងណាខ្លះចាប់ផ្ដើមហើយ និងគម្រោងណាខ្លះនៅមិនទាន់អនុវត្តន៍។
ទី១ ការអនុម័តបទប្បញ្ញត្តិ និងប្លង់នៃការបម្រុងទុកធំៗនៃវិស័យសាធារណៈ ផ្លូវធំៗ ផ្លូវដែក និងការបង្ហូរទឹកនៅតំបន់ជាយក្រុងនានា

ផែនការនេះត្រូវបានអនុវត្តខ្លះៗ ហើយជាក់ស្ដែងដូចជា សេចក្តីព្រាងអនុក្រឹត្យស្តីពីការគ្រប់គ្រងដីចំណីផ្លូវនៅតាមបណ្តាញផ្លូវថ្នល់ និងផ្លូវរថភ្លើង ដែលកំពុងត្រៀម ដោយក្រសួងសាធារណៈការ និងដឹកជញ្ជូន។ ច្បាប់ថ្មីនេះ គឺដើម្បីជួយឱ្យសមត្ថកិច្ចពាក់ព័ន្ធងាយស្រួលក្នុងការដោះស្រាយ ផលប៉ះពាល់ដល់ប្រជាជន ក្នុងករណីរដ្ឋមានគម្រោងស្ដារហេដ្ឋារចនាសម្ព័ន្ធណាមួយ។

លើសពីនេះ ក្រសួងក៏កំពុងបន្តពិនិត្យ លើសេចក្ដីសម្រេចលើច្បាប់ស្តីពី ទឹកកខ្វក់ និងប្រព័ន្ធលូ ឡើងវិញ ពោលគឺនឹងពន្លឿនឱ្យច្បាប់នេះ ដាក់ឱ្យប្រើប្រាស់ជាផ្លូវការឱ្យបានលឿនបំផុតផងដែរ។

ទី២ ការអនុម័តកំណត់ទីតាំងស្ថានីយ៍រថភ្លើងសម្រាប់ទំនិញ និងទីតាំងផែស្ងួតធំ នៅសំរោង ខណ្ឌពោធិ៍សែនជ័យ
មិនទាន់មានប្រភពព័ត៌មាន ដែលបញ្ជាក់ពីវិវឌ្ឍនភាព នៃគម្រោងនេះនៅឡើយទេ ទាក់ទងនឹងគំរោងនេះថា តើមានការវិវត្តបែបណា និងត្រូវវិនិយោគបែបណានាពេលអនាគត។

ទី៣ ការអនុម័តជាគោលការណ៍នូវគម្រោងផ្លូវដែកភ្នំពេញ-ហូជីមិញ
តាមផែនការ គម្រោងនេះនឹងមានការសាងសង់ស្ពានមួយ ឆ្លងទន្លេមេគង្គនៅភ្នំពេញ និងផ្លូវដែក ដែលតភ្ជាប់ពីស្ថានីយសំរោង ទៅតំបន់ជាយក្រុងខាងត្បូងឆ្លងកាត់ទន្លេបាសាក់ផងដែរ។ មកទល់បច្ចុប្បន្ន គម្រោងនៅមិនទាន់អនុវត្ត តែក្រសួងប្រកាសថាគម្រោងនៅតែស្ថិតក្នុងបញ្ជីគម្រោងអាទិភាពរបស់រដ្ឋ តែនឹងគិតគូរក្រោយផ្លូវល្បឿនលឿន។

ទី៤ ការស្ថាបនាពង្រីកបន្តនូវផ្លូវចុះចតរបស់អាកាសយានដ្ឋានអន្តរជាតិភ្នំពេញ
ជាក់ស្ដែង ជំនួសឱ្យការពង្រីកផ្លូវចុះចត នៅព្រលានដែលមានស្រាប់ រដ្ឋាភិបាលបានអនុម័ត គម្រោងសាងសង់ព្រលានថ្មីនៅខេត្តកណ្តាល ដែលមកទល់ពេលនេះសម្រេចបានប្រមាណ៤០ភាគរយហើយ ដោយគ្រោងបញ្ចប់និងដាក់ឱ្យប្រើប្រាស់នៅឆ្នាំ២០២៣។

ទី៥ ការស្ថាបនានូវទំនប់មួយ និងការធ្វើច្រាំងបេតុងជាច្រកចូលរបស់ទន្លេបាសាក់
គម្រោងនេះ ឃើញថាសាលាក្រុងកំពុងអនុវត្តបណ្ដើរៗ។ ឧទាហរណ៍ដូចជា កាលពីខែមីនាកន្លងទៅ សាលាខណ្ឌច្បារអំពៅ បានចុះបោះបង្គោលកំណត់ទីតាំង ដើម្បីស្ថាបនាផ្លូវ និងច្រាំងទន្លេបាសាក់ត្រើយខាងកើត ចាប់ពីគល់ស្ពានព្រះមុនីវង្សចាស់ រហូតដល់កោះនរា។

ទី៦ ការកំណត់ស្តង់ដាដែលមានអគារខ្ពស់ៗ នៅច្បារអំពៅនៅបឹងក្រពើ បឹងពោងពាយទល់មុខទន្លេបាសាក់ និងបឹងកក់

រហូតមកទល់ពេលនេះ មិនទាន់មានប្រភពព័ត៌មាន ដែលបញ្ជាក់ពីវិវឌ្ឍនភាពនៃគម្រោងនេះនៅឡើយទេ ប៉ុន្តែគេហទំព័រ Propertyarea.asia នឹងធ្វើបច្ចុប្បន្នភាពជូននាពេលបន្តបន្ទាប់ទៀត។

ទី៧ ការកំណត់ទីតាំងទីលានចាក់សំរាម និងការកែលម្អទីតាំងចាក់សំរាមដង្កោ
តាមផែនការគម្រោងនេះ នឹងធ្វើឡើងក្រោមរូបភាពនៃការវិនិយោគ ជារោងចក្រកែច្នៃសំរាម និងការរៀបចំសួនឧទ្យាននៅទីលានចាក់សំរាមមានជ័យ។ ចាប់តាំងពីឆ្នាំ ២០១៥ ក៏មានព័ត៌មានមួយចំនួនទាន់ទិននឹងវិស័យនេះ។ ជាក់ស្ដែង កាលពីខែមីនាឆ្នាំ ២០២០ ក្រសួងរ៉ែ និងថាមពល បង្ហាញផែនការចង់អភិវឌ្ឍគម្រោងបំប្លែង សំណល់រឹងទីប្រជុំជន ទៅជាថាមពលអគ្គិសនី នៅទីលានចាក់សំរាមរបស់រាជធានីភ្នំពេញ។

គម្រោ​​ងនេះសហការដោយ ADB និងក្រុមហ៊ុន Infrastructure of Asia របស់សិង្ហបូរី។

លើសពីនេះ កាលពីដើមឆ្នាំ ២០២១ ក្រសួងបរិស្ថាន ក៏បានស្នើឱ្យក្រុមហ៊ុនសិង្ហបុរី Infrastructure Asia (IA) និង Singapore Corporation Enterprise (SCE) ជួយសិក្សារៀបចំផែនការប្លង់មេ សម្រាប់ការសាងសង់ទីលានចាក់សំរាមថ្មី មួយនៅរាជធានីភ្នំពេញ។

កាលពីឆ្នាំមុននេះ ក៏មានក្រុមហ៊ុនជប៉ុនចង់វិនិយោគសាងសង់ រោងចក្រផលិតថាមពលពីការដុតសំរាមនៅកម្ពុជាផងដែរ។

ទី៨ ការកំណត់តំបន់អេកូឡូស៊ីព្រែកព្នៅ
គម្រោងនេះកំពុងអនុវត្តន៍បណ្តើរហើយ ដោយកាលពីខែមីនា កន្លងទៅ រដ្ឋបាលរាជធានីភ្នំពេញ បានចាប់ផ្ដើមដាំដើមឈើលើដីជាង៧៥ហិកតា នៅបឹងតាមោក ក្នុងខណ្ឌព្រែកព្នៅ។ គម្រោងនេះ នឹងប្រែក្លាយតំបន់នោះជាឧទ្យាជាតិដ៏ធំមួយ។ តាមផែនការ គម្រោងនឹងបញ្ចប់នៅឆ្នាំ ២០២៣ តែអាចនឹងយឺតយ៉ាវបន្ដិចដោយសារបញ្ហាកូវីដ។

ទី៩ ការអនុវត្តការថែរក្សា និងលើកតម្កើងមជ្ឈមណ្ឌលប្រវត្តិសាស្ត្រ
មិនទាន់មានប្រភពព័ត៌មាន ដែលបញ្ជាក់ពីវិវឌ្ឍនភាព នៃគម្រោងនេះនៅឡើយទេ ប៉ុន្តែ Propertyarea.asia នឹងធ្វើបច្ចុប្បន្នភាពជូនជាបន្តបន្ទាប់ទៀត។

ប្លង់គោលប្រើប្រាស់ដីរាជធានីភ្នំពេញនេះ អាចត្រូវកែសម្រួលក្នុងរយៈពេល៥ឆ្នាំម្តង ក្នុងករណីចាំបាច់នៃការអភិវឌ្ឍសេដ្ឋកិច្ច និងសង្គម៕