ដោយ ៖ វុត្ថា

ឌូបៃ ៖ ស្របពេលដែលការរីករាលដាលនៃជំងឺ Covid-19 ដែលបានបំផ្លាញដល់វិស័យឧស្សាហកម្មទេសចរណ៍ និងបដិសណ្ឋារកិច្ចនៅទូទាំងពិភពលោក ក្រុមហ៊ុនអភិវឌ្ឍន៍ The First Group បាននឹងកំពុងឈានទៅមុខជាមួយនឹងការសាងសង់សណ្ឋាគារខ្ពស់ជាងគេនៅលើពិភពលោកគឺសណ្ឋាគារ Ciel Hotel នៅក្នុងទីក្រុង Dubai ។

យោងតាមការចុះផ្សាយរបស់គេហទំព័រ lifestyleasia.com កាលពីពេលថ្មីៗនេះឱ្យដឹងថា សណ្ឋាគារនេះ ត្រូវបានរចនាឡើងដោយក្រុមហ៊ុនស្ថាបត្យកម្មអន្តរជាតិ ដែលមាន ៣៦៥ ម៉ែត្រ ដោយមានអាងហែលចំនួន ៧ ប្រកបដោយស្តង់ដារ Olympic បន្ទប់ស្នាក់នៅចំនួន ១.០៤២ រួមជាមួយនឹងបន្ទប់ដ៏ទំនើប ១៥០ ។

សណ្គាគារដ៏ទំនើបនេះ បំពាក់ទៅដោយគ្រឿងបរិក្ខារដ៏ទំនើបសម្រាប់ភ្ញៀវដែលរួមបញ្ចូលទាំងកន្លែងមើលទេសភាពនៅជាន់ទី ៨១ដែលនឹងផ្តល់ឱកាសឱ្យភ្ញៀវ ទស្សនាទេសភាពពីលើកអាកាសនៅក្នុងទីក្រុងឌូបៃ និងឈូងសមុទ្រអារ៉ាប់ផងដែរ។

ក្រុមហ៊ុនអភិវឌ្ឍន៍ The First Group ឱ្យដឹងទៀតថា សណ្ឋាគារ Ciel Hotel ត្រូវបានរចនាប្លង់សាងសង់ប្រកបដោយភាពច្នៃប្រឌិត មិនមែនជាសណ្ឋាគារខ្ពស់នៅក្នុងទីក្រុងឌូបៃប៉ុណ្ណោះទេ ប៉ុន្តែជាសណ្ឋាគារដែលខ្ពស់ជាងគេនៅលើពិភពលោក។

គម្រោងនេះ នឹងក្លាយជា សណ្ឋាគារថ្មីខ្ពស់កប់ពពកមួយនៅក្នុងទីក្រុងឌូបៃដ៏ល្បីល្បាញ ដែលនឹងទាក់ទាញភ្ញៀវទេសចរអន្តរជាតិកាន់តែច្រើនបន្ថែមទៀត បន្ទាប់ពីដាក់ឱ្យដំណើរការជាផ្លូវការ។
សណ្ឋាគារនេះ នឹងខ្ពស់ជាងសណ្ឋាគារ Gevora នៅផ្លូវ Shaikh Zayed ក្នុងទីក្រុងឌូបៃ កំពស់ត្រឹមតែ ៣៥៦ ម៉ែត្រ ដែលបច្ចុប្បន្នជាសណ្ឋាគារខ្ពស់ជាងគេបំផុតនៅលើពិភពលោកដែលមាន ៧៥ ជាន់។

ក្រុមហ៊ុនអភិវឌ្ឍន៍ The First Grou បញ្ជាក់ថា សណ្ឋាគារ Ciel Hotel នេះ បាននឹងកំពុងសាងសង់បានច្រើនភាគរយហើយ ដែលនឹងដាក់ឱ្យដំណើរកា និងស្វាគមន៍ភ្ញៀវដំបូងរបស់ខ្លួននៅឆ្នាំ ២០២៣ ខាងមុខន ៕

ដោយ ៖ រ៉ាណេត

សៀមរាប ៖ តំបន់ការពារធម្មជាតិនៅទូទងខេត្តសៀមរាប បច្ចុប្បន្ននេះមានសរុបជាង២៣ម៉ឺនហិកតា ដែលត្រូវបានកំណត់រៀបចំបោះបង្គោលគ្រប់គ្រង និងចុះបញ្ជីរដ្ឋ។

តំបន់ការពារធម្មជាតិ ចំនួន ៨កន្លែង នៅក្នុងខេត្តសៀមរាប គ្របដណ្តប់លើផ្ទៃដីសរុបប្រមាណ ២៣៣ ៦៨៨ ហិកតា ក្នុង នោះមាន៖ ឧទ្យានជាតិព្រះជ័យវរ្ម័ន-នរោត្តម (ភ្នំគូលែន) តំបន់ការពារទេសភាពអង្គរ ដែនជម្រកសត្វព្រៃគូលែនព្រហ្មទេព ដែនជម្រកសត្វព្រៃបឹងពែរ ដែនជម្រកសត្វព្រៃភ្នំត្នោត-ភ្នំពក តំបន់ប្រើប្រាស់ច្រើនយ៉ាងបឹងទន្លេសាប តំបន់ការពារទេសភាព ទំនាបខាងជើងបឹងទន្លេសាប តំបន់ស្នូលបឹងទន្លេឆ្មារ និងរបៀងអភិរក្ស ជីវៈ ចម្រុះឧត្តរ ដែល រាជ រដ្ឋាភិបាលកម្ពុជា បានសម្រេចបង្កើតជាតំបន់ការពារធម្មជាតិ។

នេះបើតាមការលើកឡើងនៅកិច្ចប្រជុំក្រុមការងារសម្របសម្រួល ការរៀបចំកំណត់ បែងចែកតំបន់គ្រប់គ្រង បោះបង្គោលព្រំប្រទល់ រៀបចំផែនការគ្រប់គ្រង និងចុះបញ្ជីដីរដ្ឋ នៅតាមបណ្តាតំបន់ការពារធម្មជាតិ ភូមិសាស្រ្តខេត្តសៀមរាប នៅថ្ងៃទី៨ ខែកញ្ញា ឆ្នាំ២០២០។

ដើម្បីចូលរួមចំណែកថែរក្សា ការពារសម្បត្តិធម្មជាតិដ៏មានតម្លៃទាំងនោះ អាជ្ញាធរខេត្តសៀមរាប បាន និងកំពុងសហការយ៉ាងជិតស្និទ្ធជាមួយក្រសួងបរិស្ថាន អគ្គនាយកដ្ឋានរដ្ឋបាលការពារ និងអភិរក្សធម្មជាតិ គម្រោងព្រៃឡង់បៃតង ក្រោមជំនួយរបស់ USAID ក្នុងការចូលរួមរៀបចំការកំណត់ និងការបែងចែកតំបន់គ្រប់គ្រង ការបោះបង្គោលព្រំប្រទល់ ការរៀបចំផែនការគ្រប់គ្រង និងការចុះបញ្ជីដីរដ្ឋ នៅតាមបណ្តាតំបន់ការពារធម្មជាតិក្នុងភូមិសាស្រ្តខេត្តសៀមរាប គឺជាលទ្ធផលមួយ ក្នុងចំណោមលទ្ធផលសំខាន់ ៗ របស់គម្រោង ដែលគាំទ្រដល់ យុទ្ធសាស្ត្រ គ្រប់គ្រង ទូទៅ ដើម្បីឆ្លើយតបទាំងការអភិរក្ស និងការអភិវឌ្ឍន៍ ដែលជាគំរូ សម្រាប់ការគ្រប់គ្រងធនធានធម្មជាតិ ប្រកប ដោយ ចីរភាព នៅ កម្ពុជា។

ដូចនេះ ដើម្បីចូលរួមចំណែកក្នុងការអនុវត្ត តាមគោល ការ ណ៍ណែនាំស្តីពីការកំណត់ និងបែងចែកតំបន់គ្រប់គ្រងស ម្រាប់ តំបន់ ការពារ ធម្មជាតិ ក្នុង ប្រទេសកម្ពុជា ដែលជា ឯកសារ គតិយុត្តសម្រាប់ជាមគ្គុទេសក៍ក្នុងការ បង្កើន ប្រសិទ្ធ ភាព នៃការ គ្រប់គ្រង តំបន់ ការពារ ធម្មជាតិ និងការអភិរក្សជីវៈចម្រុះ តាម រយៈ ការ កំណត់តំបន់គ្រប់គ្រងឱ្យបាន ច្បាស់ លាស់ ធានាបាននូវការគ្រប់គ្រងធនធានធម្មជាតិ ជីវៈចម្រុះ និងប្រព័ន្ធអេកូឡូស៊ី ជាពិសេសតំបន់ទេសភាពនៃព្រៃធម្មជាតិ និងបង្កើនផលិតភាពធម្មជាតិ ព្រមទាំងផលប្រយោជន៍នានាសម្រាប់ការអភិរក្ស និងអភិវឌ្ឍន៍។

ខេត្តសៀមរាបមានតំបន់ការពារធម្មជាតិ ចំនួន ៨កន្លែង គ្របដណ្តប់លើផ្ទៃដីសរុបប្រមាណ ២៣៣. ៦៨៨ ហិកតា ក្នុង នោះមាន៖ ឧទ្យានជាតិព្រះជ័យវរ្ម័ន-នរោត្តម (ភ្នំគូលែន) តំបន់ការពារទេសភាពអង្គរ ដែនជម្រកសត្វព្រៃគូលែនព្រហ្មទេព ដែនជម្រកសត្វព្រៃបឹងពែរ ដែនជម្រកសត្វព្រៃភ្នំត្នោត-ភ្នំពក តំបន់ប្រើប្រាស់ច្រើនយ៉ាងបឹងទន្លេសាប តំបន់ការពារទេសភាព ទំនាបខាងជើងបឹងទន្លេសាប តំបន់ស្នូលបឹងទន្លេឆ្មារ និងរបៀងអភិរក្ស ជីវៈ ចម្រុះឧត្តរ ដែល រាជ រដ្ឋាភិបាលកម្ពុជា បានសម្រេចបង្កើតជាតំបន់ការពារធម្មជាតិ ដែលទាំងនេះ គឺសបញ្ជាក់ឱ្យឃើញយ៉ាងច្បាស់អំពីសក្តានុពលធនធាន ធម្មជាតិដ៏សម្បូរបែបរបស់ខេត្តសៀមរាប និងភាពចាំបាច់ នៃការគ្រប់គ្រងធនធានធម្មជាតិទាំងនេះឱ្យមាននិរន្តរភាព សម្រាប់តម្រូវការនាពេលបច្ចុប្បន្ន និងអនាគត៕

ដោយៈ ប៊ី

ភ្នំពេញៈ ក្រុមហ៊ុន​អចលនទ្រព្យ និង​កសិកម្ម Hong Lai Huat បាន​ចុះ​អនុស្សារណៈ​យោគយល់​គ្នា (MOU) ជាមួយ​ក្រុមហ៊ុន Skiold A/S សម្រាប់​គម្រោង​តំបន់​សេដ្ឋកិច្ច​ពិសេស​កសិកម្ម​កម្ពុជា-សឹង្ហ​បុរី ដែលមាន​តម្លៃ​វិនិយោគ​ប្រមាណ១ពាន់​លាន​ដុល្លារ​អាមេរិក។

គោលបំណង​របស់​អនុស្សារណៈ នៃ​ការយោគយល់​គ្នា​នេះ គឺ​ដើម្បី​បង្កើត​មូលដ្ឋានគ្រឹះ​សម្រាប់​វេទិកា សម្រាប់​កិច្ចសហប្រតិបត្តិការ​ទៅវិញទៅមក ដើម្បី​លើកកម្ពស់​កិច្ចសហប្រតិបត្តិការ​ពា​ណិ​ជ្ជ​កម្ម និង​សេដ្ឋកិច្ច និង​ការផ្លាស់ប្តូរ​បច្ចេកទេស​នៅក្នុង​វិស័យ​ប​សុ​បក្សី និង​ការចិញ្ចឹម​គោ ក៏ដូចជា​ការកែច្នៃ​គ្រាប់ពូជ​សម្រាប់​ប្រទេស​កម្ពុជា។ នេះ​ប​សេចក្តីថ្លែងការណ៍​របស់​ក្រុមហ៊ុន​ថ្ងៃទី ៧ ខែកញ្ញា​កន្លងមកនេះ។

ក្រោម​អនុស្សរណៈ​យោគយល់​នេះ ក្រុមហ៊ុន​ទាំងពីរ​បាន​ឯកភាព​ផ្តួចផ្តើម​បង្កើត​ផលិតកម្ម​បសុសត្វ និង​ពូជ​នៅក្នុង​តំបន់​សេដ្ឋកិច្ច​កសិកម្ម អនុវត្ត​ការសិក្សា​លទ្ធភាព​នៃ​គម្រោង​ថ្មី​សម្រាប់​គំនិត​ផ្តួចផ្តើម ដែល​រួមមាន​ការអភិវឌ្ឍ និង​ការអនុវត្ត​ផលិតកម្ម​បសុសត្វ និង​កសិកម្ម​និង​បង្កើត​បន្ថែ​ឱកាស​ការងារ​ក្នុង​រយៈពេល​ប្រាំ​មួយខែ​បន្ទាប់។

លោក Ong Jia Jing អគ្គនាយក និង​ជានា​យក​ប្រតិបត្តិ​ក្រុមហ៊ុន Hong Lai Huat មានប្រសាសន៍ថា “យើង​មាន​សេចក្តី​រីករាយ​ណាស់ ដែល​បាន​ចុះ​អនុស្សរណៈ​យោគយល់​គ្នា​ជាមួយ​ក្រុមហ៊ុន​SKIOLDA/S លើ​ការសហការ​សក្តានុពល នៃ​តំបន់​សេដ្ឋកិច្ច​ពិសេស​កសិកម្ម​កម្ពុជា-សឹង្ហ​បុរី” ។

លោក Ong បាន​ថ្លែងថា “ជាពិសេស​នៅក្នុង​ពិភពលោក ដែល​កំពុង​រង​ការប៉ះពាល់​យ៉ាងខ្លាំង​ពី​ជំងឺ Covid-19 សន្តិសុខ​ស្បៀង​គឺជា​បញ្ហាសំខាន់ ដែល​ប្រទេស​ទាំងអស់​កំពុង​ស្វែងរក​ដំណោះស្រាយ។ លោក​បន្តថា “យើង​ជឿជាក់ថា កិច្ចសហការ​នេះ​នឹងមាន​អត្ថន័យ និង​ជោគជ័យ​សម្រាប់​ក្រុមហ៊ុន​យើង​ទាំងពីរ ហើយនឹង​អនុញ្ញាតឱ្យ​យើង​ចូលរួមចំណែក​ដល់​ប្រទេស​កម្ពុជា ក៏ដូចជា​ប្រទេស​សឹង្ហ​បូរី​ផងដែរ” ។

ចំណែក​លោកស្រី Sussie Ketit នាយ​កា​ប្រចាំ​តំបន់​នៃ​ក្រុមហ៊ុន SKIOLD A/S បានឱ្យដឹងថា ក្នុងនាម​ជា​ក្រុមហ៊ុន​ដែលមាន​ជំនាញ ទូលំទូលាយ​នៅក្នុង​ឧស្សាហកម្ម​ចិញ្ចឹមសត្វ យើង​ឃើញថា ការសហការ​នេះ គឺជា​ការតភ្ជាប់​ដ៏​ល្អប្រសើរ​ហើយ​សង្ឃឹមថា នឹង​ទទួលបាន​លទ្ធផល​វិជ្ជមាន​ពី​គំនិត​ផ្តួចផ្តើម មិន​ត្រឹមតែ​ចំពោះ​ប្រទេស​កម្ពុជា​ប៉ុណ្ណោះ​ទេ ប៉ុន្តែ​ក៏​សម្រាប់​ប្រទេស​សឹង្ហ​បុរី​ផងដែរ តាមរយៈ​គំនិត​ផ្តួចផ្តើម​នេះ ពិសេស​ការប្រើ​ប   ច្ចេក​វិទ្យា​ដា​ណឺ​ម៉ាក ដើម្បី​បង្កើន​ផលិតភាព អនុវត្ត R&D ពង្រឹង​ភាព​ធន់​ចំណីអាហារ និង​និរន្តរភាព។

ទោះបីយ៉ាងណា ក្រុមហ៊ុន​មិនបាន​បង្ហាញ ទីតាំង​នៃ​តំបន់​សេដ្ឋកិច្ច​ពិសេស​កសិកម្ម​កម្ពុជា-សឹង្ហ​បុរី និង​ចាប់ផ្តើម​នៅពេលណា​នោះទេ។

ក្រុមហ៊ុន Skiold A / S គឺជា​ក្រុមហ៊ុន​មាន​មូលដ្ឋាន​នៅ​ប្រទេស​ដា​ណឺ​ម៉ាក ដែលមាន​អាយុ១៤០ឆ្នាំ និង​ជា​ក្រុមហ៊ុន​ផ្តោតលើ​វិស័យ កសិកម្ម និង​កសិដ្ឋាន​ផងដែរ៕ TheEdge ៕

ដោយៈ​ប៊ី

ភ្នំពេញៈ ប្រទេស​ចិន​បាន​បង្កើន​កិច្ចសហប្រតិបត្តិការ​សេដ្ឋកិច្ច និង​ពាណិជ្ជកម្ម​ជាមួយ​ប្រទេស តាម​បណ្តោយ​ខ្សែក្រវាត់ និង​ផ្លូវ​ដោយបាន និង​កំពុង​ជំរុញ​ការ​បង្កើតជា​និម្មាបនកម្ម​ថ្មី នៃ​សេដ្ឋកិច្ចពិភពលោក។ នេះ​បើ​យោងតាម​របាយការណ៍រ​បស់​ប្រទេស​ចិន។

មន្ទីរ​ស្រាវជ្រាវ​ស្តីពី កិច្ចសហប្រតិបត្តិការ​ពាណិជ្ជកម្ម និង​សេដ្ឋកិច្ច​អន្តរជាតិ​នៃ​ក្រសួងពាណិជ្ជកម្ម​ចិន បានចេញ​របាយការណ៍​កាលពី​ថ្ងៃទី៧ ខែកញ្ញា ស្តីពី​ការអភិវឌ្ឍ​ពាណិជ្ជកម្ម និង​វិនិយោគ​ខ្សែក្រវាត់ និង​ផ្លូវ​នៃ​ប្រទេស​ចិន​ប្រចាំឆ្នាំ២០២០កន្លងមកនេះ។

របាយការណ៍​នេះ បានបង្ហាញ​ជាសំខាន់​នូវ​សមិទ្ធផល​ជា​ផ្លែផ្កា របស់​ប្រទេស​ចិន​និង​ប្រទេស​ពាក់ព័ន្ធ​តាម​បណ្តោយ​ខ្សែក្រវាត់ និង​ផ្លូវ ក្នុង​វិស័យ​កិច្ចសហប្រតិបត្តិការ​ផ្នែក​សេដ្ឋកិច្ច និង​ពាណិជ្ជកម្ម ដោយ​ធ្វើការ​បូកសរុប​គ្រប់​ជ្រុងជ្រោយ​នូវ​បម្រែបម្រួល​ថ្មី សមិទ្ធផល​ថ្មី និង​ទិសដៅ​ថ្មី នៃ​កិច្ចសហប្រតិបត្តិការ​ផ្នែក​សេដ្ឋកិច្ច និង​ពាណិជ្ជកម្ម​តាម​បណ្តោយ​ខ្សែក្រវាត់ និង​ផ្លូវ។

របាយការណ៍​នេះ​បង្ហាញថា រយៈពេល៧ឆ្នាំ​កន្លងទៅនេះ ប្រទេស​ចិន​បានធ្វើឱ្យ​ស៊ីជម្រៅ​ជា​បន្តបន្ទាប់ នូវ​កិច្ចសហប្រតិបត្តិការ​សេដ្ឋកិច្ច និង​ពាណិជ្ជកម្ម​ជាមួយ​ប្រទេស​តាម​បណ្តោយ​ខ្សែក្រវាត់ និង​ផ្លូវ ហើយ​បាន​លើកកម្ពស់​នូវ​សេរីភាព និង​កិច្ច​សម្រួល​ផ្នែក​ពាណិជ្ជកម្ម​និង​វិនិយោគ ក៏ដូចជា​ជំរុញ​ដោយ​ឥតឈប់ឈរ នូវ​ការបើក​ទូលាយ​ចំពោះ​អន្តរជាតិ ដែលមាន​កម្រិត​ខ្ពស់ និង​បាន​ជំរុញ​ការ​បង្កើតជា​និម្មាបនកម្ម​ថ្មី នៃ​សេដ្ឋកិច្ចពិភពលោក​ផងដែរ។

គិត​រហូតដល់​ខែឧសភា​ឆ្នាំ២០២០ រដ្ឋាភិបាល​ចិន​បាន​ចុះហត្ថលេខា​លើ​ឯកសារ​សហប្រតិបត្តិកា​រ​ស្តីពី ការរួម​គ្នា​កសាង​ខ្សែក្រវាត់ និង​ផ្លូវ​ចំនួន២រយ​ជាមួយ​ប្រទេស​ចំនួន១៣៨និង​អង្គការ​អន្តរជាតិ​ចំនួន៣០ជា​បន្តបន្ទាប់៕

ដោយ .វុត្ថា

តូក្យូ ៖ លោក MAEDA Ryuhei ទីប្រឹក្សាជាន់ខ្ពស់ ទទួលបន្ទុកកិច្ចការអន្តរជាតិរបស់ក្រុមហ៊ុន ANA បានបញ្ជាក់ថា ក្នុងស្ថានភាពបច្ចុប្បន្ននេះ ក្រុមហ៊ុនANA មិនទាន់អាចហោះហើរធម្មតាឡើងវិញបានទេ តែអាចមានការហោះហើរពិសេស (Charter flight) ក្នុងករណីមានការស្នើសុំរបស់អ្នកដំណើរជាក្រុម ។

លោក MAEDA Ryuhei ឱ្យដឹងបែបនេះ នៅក្នុងជំនួបពិភាក្សាការងារជាមួយឯកអគ្គរាជទូតកម្ពុជា ប្រចាំនៅក្នុងប្រទេសជប៉ុន និង TAKAHASHI Fumiaki ប្រធានសមាគមជប៉ុនកម្ពុជាកាលពីថ្ងៃទី ៧ ខែកញ្ញា ម្សិលមិញនេះ អំពីលទ្ធភាពនៃការហោះហើររបស់ក្រុមហ៊ុនអាកាសចរណ៍ ANA ណារីតា-ភ្នំពេញ-ណារីតា ឡើងវិញក្នុងពេលខាងមុខ។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងជំនួបពិភាក្សាជាមួយ លោក ម៉ូតេហ្គី តូស៊ីមីត្សឹ រដ្ឋមន្ត្រីក្រសួងការបរទេសជប៉ុនដែលមកពេញទស្សនកិច្ចនៅកម្ពុជា កាលពីចុងខែសីហាឆ្នាំ ២០២០កន្លងមកនេះ បានស្នើភាគីជប៉ុនសម្របសម្រួលធ្វើយ៉ាងណាឱ្យក្រុមហ៊ុនអាកាសចរណ៍បើកដំណើរការហោះហើរឡើងវិញ ដើម្បីបង្កើនទំហំពាណិជ្ជកម្ម។

សម្តេចតេជោថ្លែងថា “ការហោះហើរឡើងវិញនេះ នឹងអាចនាំអោយការធ្វើដំណើររវាងប្រទេសទាំងពីរមានសភាពការណ៍ធម្មតាឡើងវិញ ជាពិសេសត្រូវអនុវត្តនូវវិធានការមួយចំនួនផងដែរ។ សម្តេចតេជោបន្តថា “ការហោះហើរឡើងវិញនេះ នាំអោយមានការកើនឡើងក្នុងទំហំពាណិជ្ជកម្មការ និងវិនិយោគផងដែរ”។

សម្ដេចតេជោបញ្ជាក់ថា ក្នុងឆ្នាំ២០១៩ កម្ពុជា- ជប៉ុនមានទំហំពាណិជ្ជកម្មប្រមាណ២ពាន់លានដុល្លារសហរដ្ឋអាមេរិក ក្នុងនោះកម្ពុជានាំចេញទៅជប៉ុន១,២ ពាន់លានដុល្លារហើយជប៉ុននាំចូលមកកម្ពុជាវិញ០,៨ ពាន់លានដុល្លារ ។ ដោយឡែកនៅក្នុងឆ្នាំ២០២០ នេះ រយៈពេល៩ខែ ទំហំពាណិជ្ជកម្មប្រទេសទាំងពីរមានប្រមាណ៨០០លានដុល្លារសហរដ្ឋអាមេរិក ក្នុងនោះកម្ពុជានាំចេញទៅជប៉ុនប្រមាណ៥០០លានដុល្លារ និងជប៉ុននាំចូលមកកម្ពុជាប្រមាណ៣០០លានដុល្លារ៕