ដោយៈ រ៉ាណេត

កណ្តាលៈ បន្ថែមពីលើការផ្ដល់ឱកាសចំណេញ ដល់អតិថិជនរបស់ខ្លួន គម្រោងដីឡូតិ៍ ស្យូអាប់ រៀល អ៊ីស្ទេតផ្សារអង្គស្នួល បានបង្កើតកម្មវិធីដ៏អស្ចារ្យ ដោយរាល់ការទិញចំនួន៣ឡូតិ៍ នឹងទទួលបានការផ្តល់ជូនយ៉ាងពិសេសនូវម៉ូតូស៊េរីថ្មី ម៉ាក HONDA Dream ឆ្នាំ២០២០ ចំនួន១គ្រឿងភ្លាមៗ រួមជាមួយនឹងការបញ្ចុះតម្លៃជាច្រើនទៀត។

អគ្គនាយកក្រុមហ៊ុនអចលនទ្រព្យ Show Up Real Estate លោកអ៊ិន ណាង បានមានប្រសាសន៍នៅល្ងាចថ្ងៃទី២៩ ខែមិថុនា ឆ្នាំ២០២០ថា បច្ចុប្បន្ននេះ គម្រោងរបស់ក្រុមហ៊ុន ស្យូអាប់ រៀល អ៊ីស្ទេត ដែលមានចម្ងាយប្រមាណ៤០០ម៉ែត្រ ចុះពីផ្លូវជាតិ៤ កំពុងបើកលក់នៅពេលនេះ មានតម្លៃចាប់ពី១២,៥០០ដុល្លារឡើងទៅក្នុងមួយឡូតិ៍ ដែលក្រៅពីស្ថិតតំបន់ទីប្រជុំជនជិតផ្សារអង្គស្នួល ជាភូមិចាស់មានប្រជាជនរស់នៅស្រាប់ និងមានរោងចក្រ សហគ្រាស ឃ្លាំង រួមនឹងការអភិវឌ្ឍបណ្តាញហេដ្ឋារចនាសម្ព័ន្ធរួចជាស្រេច។

ទីតាំងដីនេះស្ថិតនៅជាប់ផ្លូវធំ៣០ម៉ែត្ររបស់រដ្ឋ ហើយនៅក្នុងគម្រោងជាប្រភេទផ្លូវបេតុងទំហំ៨ម៉ែត្រ មានភ្ជាប់បណ្តាញអគ្គិសនី បំពាក់អំពូលសូឡា មានបណ្តាញទឹកស្អាត និងប្រព័ន្ធបង្ហូរទឹកយ៉ាងត្រឹមត្រូវ ហើយក៏មានដាំដើមឈើនៅតាមដងផ្លូវ បង្កើនសោភ័ណភាព ជាពិសេសមានសេវាសន្តិសុខ២៤ម៉ោងក្នុងគម្រោងផងដែរ។

ជាការលើកទឹកចិត្តដល់អតិថិជន ក្រុមហ៊ុនបានបង្កើតកម្មវិធីពិសេស ដោយរាល់ការទិញដីឡូតិ៍ចំនួន៣ឡូតិ៍ ដោយការបង់ផ្ដាច់នឹងទទួលបានម៉ូតូម៉ាក HONDA Dream ស៊េរីឆ្នាំ២០២០ចំនួន១គ្រឿងភ្លាមៗ ហើយសម្រាប់អ្នកទិញចំនួន២ឡូតិ៍ ដោយការបង់ផ្ដាច់ នឹងទទួលបានទូរស័ព្ទស្មាតហ្វូន OPPO ស៊េរីទំនើបមួយគ្រឿង ហើយក៏មានការផ្តល់ជូននួវទូរទឹកកកមួយគ្រឿងផងដែរ (សម្រាប់ផ្ទះល្វែង) ដែលកម្មវិធីពិសេសមានរយៈពេលត្រឹមមួយខែប៉ុណ្ណោះ។ ដោយឡែកសម្រាប់លក្ខខណ្ឌ នៃការទិញដោយបង់រំលោះ ក្រុមហ៊ុនក៏បានរៀបចំកម្មវិធីពិសេសផងដែរ ដូចជា ៖

– បង់មុន ៣០% សល់៧០% រំលស់ ៦ឆ្នាំ ដោយអត្រាការប្រាក់ ១%/ខែ

– បង់មុន ៣០% សល់៧០% រំលស់ ១២ខែ ដោយគ្មានការប្រាក់

– បង់មុន ៤០% សល់៦០%  រំលស់ ១២ខែ ដោយគ្មានការប្រាក់ ចុះជូន ២%

– បង់មុន ៥០% សល់៥០%  រំលស់ ១២ខែ ដោយគ្មានការប្រាក់ ចុះជូន ៣%

សម្រាប់ព័ត៌មានបន្ថែមសូមទាក់ទងទូរស័ព្ទលេខ៖ ០១០ ៧៨៤ ១៧៧/ ០១២ ៥៥៥ ២៦៥ / ០៩៦ ៨៦៤ ៩៩៩៦ / ០៧៧ ៩៧៧ ៧២៦ ៕

ដោយៈ រ៉ាណេត

ភ្នំពេញៈ បន្ទាប់ពីគម្រោងអភិវឌ្ឍន៍ធំៗ ដែលវិនិយោគដោយរាជរដ្ឋាភិបាលកម្ពុជាចំនួន៣ នៅភាគខាងត្បូងរាជធានីភ្នំពេញត្រូវបានបង្ហាញ បានជំរុញឱ្យវិស័យដីធ្លីនៅតំប​ន់នេះកាន់តែមានសក្ដានុពលខ្ពស់ ប៉ុន្តែសម្រាប់តម្រូវការទីផ្សារ ហាក់មិនទាន់មានសកម្ម​ភាពទិញ-លក់ខ្លាំងក្លានោះទេនៅក្នុងដំនាក់កាលនេះ។

អគ្គនាយកក្រុមហ៊ុនភ្នាក់ងារអចលនទ្រព្យ Century21 Fortuna Investment លោក វ៉ា វីរៈ បានមានប្រសាសន៍ប្រាប់តាមទូរស័ព្ទនៅព្រឹកថ្ងៃទី២៩ ខែមិថុនា ឆ្នាំ២០២០ នេះថា វត្តមាននៃគម្រោងអភិវឌ្ឍន៍ ដែលវិនិយោគដោយរាជរដ្ឋាភិបាលកម្ពុជាទាំង៣ រួមមានគម្រោងសាងសង់ផ្លូវក្រវ៉ាត់ទីក្រុងទី៣ គម្រោងស្ថាបនាផ្លូវជាតិលេខ២ ជាពិសេសគម្រោងសាងសង់ព្រលានយន្តហោះអន្តរជាតិ-ភ្នំពេញថ្មី បានបង្កើនប្រជាប្រិយភាពវិស័យដីធ្លីនៅភាគខាងត្បូងក្រុងយ៉ាងខ្លាំង។

លោកបន្តទៀតថា “ភាពរីកចម្រើន និងតម្រូវការទីផ្សារដីធ្លីនៅភាគខាងត្បូងរាជធានីភ្នំពេញខាងលើនេះ គឺមានភាពខុសគ្នា ហើយកម្រិតនៃការឡើងថ្លៃក៏ខុសគ្នាដែរ ដែលវាអាស្រ័យទៅតាមគម្រោងអភិវឌ្ឍន៍នីមួយៗ”។លោកបន្តថា “នៅក្នុងអំឡុងពេលនេះ បើទោះស្ថានភាពនៃវិស័យដីធ្លី នៅតំបន់ខាងលើមានភាពល្អប្រសើរក្ដី សម្រាប់ការវិនិយោគ និងអភិវឌ្ឍន៍របស់វិស័យឯកជននៅមានកម្រិតនោះឡើយ ដោយហេតុថាជាប់ពាក់ព័ន្ធទៅនឹងវិបត្តិសេដ្ឋកិច្ចដែលកំពុងកើតមាន”។

ស្ថាបនិកក្រុមហ៊ុន King Residence លោក ខុម មុនីរតន៍ បានមានប្រសាសន៍ថា “តម្លៃដីនៅតំបន់អភិវឌ្ឍន៍លើនេះ បានឡើងថ្លៃតាំងពីពាក់កណ្តាលឆ្នាំ២០១៩ គ្រាដែលគម្រោងសាងសង់ព្រលានយន្តហោះទើបតែប្រកាស ហើយលទ្ធផលនៃការសាងសង់ផ្លូវក្រវ៉ាត់ក្រុងទី៣ក៏នៅមិនទាន់សម្រេចបានច្រើនឡើយ”។ លោកបញ្ជាក់ទៀតថា “យើងទទួលស្គាល់ថាបច្ចុប្បន្ននេះ វិស័យដីធ្លីនៅភាគខាងត្បូងរាជធានីភ្នំពេញ នៅតែបន្តរក្សាបានស្ថានភាពល្អ បន្តែសម្រាប់តម្លៃគឺនៅមិនទាន់មានការកើនឡើងខ្ពស់ ជាងតម្លៃចាស់នោះទេ ហើយបើឡើង គឺឡើងតិចតួចប៉ុណ្ណោះ”។

លោកខុម មុនីរតន៍ បានបញ្ជាក់ថា នៅក្នុងដំណាក់កាលនេះ មិនថាចំពោះតែអ្នកវិនិយោគក្នុងវិស័យដីធ្លី ក៏ដូចជាអ្នកអភិវឌ្ឍន៍នោះទេ ភាគច្រើនពួកគេមិនសូវបញ្ចេញកញ្ចប់សាច់ប្រាក់ច្រើននោះទេ លើកលែងតែពួកគេសំឡឹងឃើញច្បាស់ថា មានឱកាសចំណេញខ្ពស់ ឬតម្លៃដីធ្លីទាបជាងទីផ្សារខ្លាំង ទើបពួកគេសម្រេចចិត្ត ប៉ុន្តែទោះជាយ៉ាងណា ការបញ្ចេញកញ្ចប់ថវិកា សម្រាប់វិនិយោគទាំងនេះក៏នៅតែមានកម្រិតដដែល។

អគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ Coldwell Banker លោក Ken Lo បានមានប្រសាសន៍ថា “គម្រោងអភិវឌ្ឍន៍ធំៗ ដែលវិនិយោគដោយរាជរដ្ឋាភិបាលខាងលើនេះ បានជំរុញនិងទាក់ទាញឱ្យមានការវិនិយោគបន្ថែម ពីវិស័យឯកជនជាច្រើន ជាពិសេសទៅលើវិស័យអចលនទ្រព្យ ដែលជាការចូលរួមអភិវឌ្ឍន៍នៅភាគខាងត្បូងក្រុងមួយនេះកាន់តែខ្លាំង។

លោកបានបន្តថា “បច្ចុប្បន្ននេះ មានអ្នកវិនិយោគនៅក្នុងវិស័យដីធ្លីជាច្រើន បាន និងកំពុងផ្តោតគោលដៅទៅតំបន់ខាងលើនេះ ដែលបានជំរុញឱ្យសកម្មភាពនៃទិញ លក់ មានចលនា ហើយតម្លៃក៏មានការកើនឡើងផងដែរ”។ លោកបន្តថា “ជាក់ស្ដែងតម្លៃដីដែលស្ថិតនៅស្របផ្លូវជាតិលេខ២ មានការកើនឡើងខ្លាំងរហូតដល់តំបន់ខ្លះ មានតម្លៃចាប់ពី៣០០-៥០០ដុល្លារក្នុងមួយម៉ែត្រការ៉េ ខណៈដែលកាលពី២ឆ្នាំំមុន ទីតាំងដដែលនេះមានតម្លៃត្រឹមជាង១០០-២០០ដុល្លារក្នុងមួយម៉ែត្រតែប៉ុណ្ណោះ”។

លោកបន្តទៀតថា សម្រាប់តម្លៃដីនៅជាប់តំបន់ផ្លូវក្រវ៉ាត់ទីក្រុង ដែលស្ថិតនៅប៉ែកខាងត្បូងក្រុងក៏មានការកើនឡើងផងដែរ ដែលកាលពីឆ្នាំកន្លងទៅមានតម្លៃក្រោម១០០ដុល្លារ ឬ ត្រឹម១០០ដុល្លារក្នុងមួយម៉ែត្រការ៉េ ប៉ុន្តែក្រោយពេលគម្រោងសាងសង់ផ្លូវក្រវ៉ាត់ក្រុងទី៣លេចចេញជារូបរាង តម្លៃបានកើនឡើងរហូតដល់ជិត២០០ដុល្លារ ហើយវានឹងបន្តឡើងទៀត នៅឆ្នាំបន្ទាប់ក្រោយគម្រោងត្រូវបានបញ្ចប់។ ដោយឡែកសម្រាប់តំបន់ដែលស្ថិតក្បែរព្រលានយន្ដហោះអន្តរជាតិ-ភ្នំពេញថ្មី ក៏កំពុងបន្តការកើនឡើងនូវតម្លៃផងដែរ ខណៈដែលមានវិស័យឯកជនក្នុងស្រុក និងក្រៅស្រុកកំពុងតែសម្លឹងកមណត់គោលដៅក្នុងការវិនិយោគ និងអភិវឌ្ឍន៍៕

ដោយវុត្ថា

ភ្នំពេញៈ ស្របពេលដែលកម្ពុជាកំពុងតែជួបវិបត្តិ នៃការរីករាលដាលជាសកល នៃជំងឺCovid-19 នាពេលបច្ចុប្បន្ននេះ ក្រុមអ្នកអភិវឌ្ឍន៍លើវិស័យលំនៅឋាន បានឱ្យអះអាងថា ការទិញលក់លំនៅឋាននៅតែមានតម្រូវការ ខណៈដែលម្ចាស់គម្រោងបានផ្តល់លក្ខ​ខណ្ឌពិសេសជូនដល់អតិថិជន។

លោកម៉ាន់ ចាន់ឌី  អគ្គនាយកក្រុមហ៊ុន Premium Group បានប្រាប់គេហទំព័រPropertyarea.asia នៅថ្ងៃទី ២៩ ខែមិថុនា ឆ្នាំ ២០២០នេះឱ្យដឹងថា បើទោះបីកម្ពុជាស្ថិតនៅក្នុងវិបត្តិជំងឺ Covid-19 យ៉ាងណាក្តី តែការតម្រូវការលំនៅឋាននៅតែមានជារៀងរាល់ថ្ងៃ ជាពិសេសគឺអ្នកដែលស្វែងរកទិញ ទទួលបាននូវលក្ខខណ្ឌពិសេសពីម្ចាស់គម្រោង។

លោកបន្តថ្លែងថា “តម្រូវការទិញលក់លំនៅឋាននៅតែមាន ហើយស្ថិតនៅក្នុងលក្ខណពិសេស ដូចជាទិញដោយគ្មានប្រាក់កក់ និងមានការថែមនូវសម្ភារៈប្រើប្រាស់ផ្សេងៗនៅក្នុងផ្ទះបាយ ដូចជាទូទឹកកកជាដើម” ។ លោកបន្ថែមថា “ទំាងលក្ខខណ្ឌនៃការបង់រំលស់ផ្ទះក៏ស្ថិតនៅក្នុងស្ថានភាពល្អប្រសើរផងដែរ”។

តែយ៉ាងណាក៏ដោយ  លោកច័ន្ឌឌីបានអះអាងថា ការទិញលក់លំនៅឋាននេះ ស្ថិតនៅក្នុងស្ថានភាពយឺតយ៉ាជាងពេលមុន ដែលមិនទាន់មានការផ្ទុះឡើយនៅជំងឺ Covid-19 កាលពីកន្លងមកនេះ។  លោកបន្តថា ទន្ទឹមនឹងការទិញលក់នៅតែមាន ក៏គម្រោងអភិវឌ្ឍន៍លំនៅឋាននានា នៅតែបន្តមានផងដែរ ដើម្បីឆ្លើយតបទៅនឹងតម្រូវការនេះ។

ចំណែក លោក អ៊ីន ណាងអគ្គនាយកក្រុមហ៊ុន Show Up Real Estate   បានឱ្យដឹងដែរថា ជាការពិតតម្រូវការលំនៅឋានសម្រាប់រស់នៅនៅតែមាន ហើយមានលក្ខខណ្ឌពិសេស ខណៈការទិញលក់លំនៅឋានសម្រាប់ធ្វើការវិនិយោគបន្តមិនទាន់មាននោះទេ។

លោកថ្លែងថា “នាពេលបច្ចុប្បន្ននេះម្ចាស់គម្រោងមួយចំនួន បាននឹងកំពុងបន្ធូរបន្ថ​យនូវលក្ខខណ្ឌពិសេសដល់អតិថិជនរបស់ខ្លួន តាមរយៈការបោះរំលស់១០០ភាគរយ និងផ្តល់នូវសម្ភារៈប្រាស់ប្រាស់ផ្សេងៗ  ហើយបើមិនបន្ធូរបន្ថយទេ យើងមានការលំបាក”។

​លោកបន្ថែមថា  “នៅពេលដែលអ្នកអភិវឌ្ឍន៍បន្ធូបន្ថយ នូវលក្ខខណ្ឌពិសេនេះអតិ​ថិ​ជនដែលជាអ្នកស្វែងរកលំនៅឋានសម្រាប់រស់នៅ ហើយមានលទ្ធភាពគួរតែទិញទុកអោយហើយ  ជាពិសេសតម្លៃក៏មានលក្ខខណៈសមរម្យ  បើទៅមុខទៀត តម្លៃនឹងមានការកើនឡើង”។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ធ្លាប់បានមានប្រសាសន៍កាលពីពេលថ្មីៗនេះថា វិបត្តិនៃជំងឺ Covid-19 មិនមែនជាឧបសគ្គ ក្នុងអភិវឌ្ឍហេដ្ឋារចនាសម្ព័ន្ធទូទាំងប្រទេសកម្ពុជានោះទេ ជាពិសេសគម្រោងលំនៅឋានដែលមានតម្លៃសមរម្យ ខណៈដែលប្រជាពលរដ្ឋកម្ពុជានៅតែមានលទ្ធភាពទិញសម្រាប់រស់នៅ៕