ទីលានប្រវត្តិសាស្ត្រវិមានឈ្នះ ឈ្នះ បានក្លាយជារមណីយដ្ឋានលំហែរកំសាន្តពេលសាយ័នដ៏មានប្រជាប្រិយភាព

ដោយគង់ សូរិយា

ភ្នំពេញៈ ក្រោមជំនោរព៌ណមាសនាពេលសាយ័ន្ត មនុស្សម្នាមនុស្សស្រីទាំងជាតិ និងអន្តរជាតិបានឈរថតរុបសែលហ្វី ខ្លះដឹកដៃកូន ខ្លះអង្គុយទទួលទានអាហារ និងផឹកស្រាបៀរជាមួយធុងបាស់ ប្រគុំតន្ត្រីយ៉ាងពិរោះរងំ។

ប្រវត្តិសាស្ត្រនៃការបង្ហូរឈាមបានដៅជាប់នៅទីនេះ ជាមួយនឹងស្នាដៃនៃបុរសខ្លាំងកម្ពុជាសម្តេចអគ្គមហាសេនាបតីតេជោហ៊ុន សែនដែលបានតស៊ូ និងដឹកនាំប្រទេសចេញពីបាតដៃទទេ មករកអនាគតភ្លឺស្វាងនៅលើដែនដីកំសត់មួយនេះ។

សាងសង់ដោយស្ថាបត្យករជំនាញ និងគូរប្លង់ប្រដោយដោយគិតបណ្ឌិត ជាមួយនឹងការរចនា និងកសាងរូបសំណាកមានភាពរសរវើក ពិសេសរចនាបទនៃវិមាននេះបានបង្ហាញនូវសមិទ្ឋិផលជាតិដ៏សម្បើម និងរំលឹកឡើងពីពលិកម្មដោយយកជីវិតទៅប្តូររបស់មេដឹកនាំកម្ពុជា។

ឈរនៅលើខឿននៃវិមានឈ្នះ ឈ្នះ ដែលឈរយ៉ាងត្រដែតត្រដឹម ទល់មុខនឹងពហុកីឡាដ្ឋានមរតកសម្តេចតេជោ ហាក់ធ្វើឲ្យស្មេរនឹកដល់អតីតកាលដ៏ខ្លោចផ្សារ និងពលិកម្មរាប់មិនអស់របស់បុព្វបុរសខ្មែរ ពិសេសសម្តេចតេជោហ៊ុន សែនដែលលោកបានរងរបួសរហូតពិកាភ្នែកម្ខាង ដើម្បីជាតិ មាតុភូមិ។

រវល់តែបណ្តែងអារម្មណ៍៍នឹករឿងកន្លង ដែលធ្លាប់់ឆ្លងកាត់ (តែស្មេរស្ថិតក្នុងវ័យកុមារភាព) យើងក៏បានលឺសម្លេងនិយាយភាសាអង់គ្លេស ដែលបញ្ចេញសម្លេងបែបជនជាតិឥណ្ឌា នោះពួកគេពិតជាជនជាតិឥណ្ឌា និងអឺរ៉ុបមួយក្រុមដែលបានឈរថតរូប និងជជែកគ្នាលេងពីនេះពីនោះ តាមរសនិយមនៃថ្វីមាត់របស់ពួកគេ។

ស្ថិតនៅប្របមហាវិថីឈ្នះ ឈ្នះ វិមានឈ្នះ ឈ្នះមិនត្រង់តែសំណង់នៃវីរៈភាព និងឧត្តមគតិជាតិនោះទេ ប៉ុន្តែវាបាននិងកំពុងបង្ហាញកម្ពុជាកំពុងដើរលើផ្លូវត្រូវ ធ្វើឲ្យកិត្យានុភាពជាតិកាន់តែលេចត្រដែតលើឆាកអន្តរជាតិ។

ប្រវត្តិវិមានឈ្នះ ឈ្នះ

វិមានឈ្នះឈ្នះ បានចាប់ផ្តើមសាងសង់ឡើងកាលពីខែកុម្ភៈ ឆ្នាំ២០១៦ ដោយទំហំដី៨ហិចតា ស្ថិតនៅសង្កាត់ព្រែកតាសេក ខណ្ឌជ្រោយចង្វាររាជធានីភ្នំពេញ ហើយនឹងត្រូវសម្ពោធជាផ្លូវការចំនួនបីថ្ងៃ គឺចាប់ពីថ្ងៃទី២៩ដល់ថ្ងៃទី៣១ខែធ្នូឆ្នាំ២០១៨កន្លងមកនេះ។ ថ្ងៃសម្ភោធវិមានឈ្នះ ឈ្នះ គឺចំថ្ងៃដែលរាជរដ្ឋាភិបាលប្រារព្ឋពិធីខួប២០ឆ្នាំនៃគោលនយបាយឈ្នះ ឈ្នះផងដែរដោយកម្មវិធីនេះ នឹងប្រព្រឹត្តិទៅក្រោមអធិបតីភាពស ម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា។

សំណង់វិមាន ឈ្នះឈ្នះនេះតំណាងឲ្យវីរៈភាពរបស់សមមិត្តហ៊ុន សែនដែលហ៊ានប្រថុយជីវិតធ្វើដំណើរទៅកាន់ប្រទេសវៀតណាម ដើម្បីស្នើសុំកម្លាំងភាគីវៀតណាមជួយផ្តួលរំលំរបបប្រល័យជូពសាសន៍ប៉ុល ពត។ មួយវិញទៀតការសាងសង់វិមាន ឈ្នះឈ្នះនេះ គឺដើម្បីរំឭកដល់គុណូបការៈ របស់បុព្វបុរសខ្មែរគ្រប់សម័យកាលដែលបានលះបង់ជីវិត ក្នុងបុព្វហេតុជាតិមាតុភូមិផងដែរ ហើយរួមទាំងជានិម្មិតរូប នៃសុខសន្តិភាពដែលកម្ពុជាទទួលបានក្រោយពីបញ្ចប់សង្គ្រាមស៊ីវិលដ៏រ៉ាំរ៉ៃជាច្រើនទសវត្សរ៍កន្លងមក និងក៏ទុកជាកេរមរតកសម្រាប់កូនចៅជំនាន់ក្រោយជាដើមផងដែរ៕

គម្រោងលើកកម្ពស់ផ្លូវជាតិលេខ៤១ បានចរចាប្រាក់កម្ចីរួចរាល់ហើយ

ដោយៈរ៉ាណេត

ភ្នំពេញៈ ក្រសួងសាធារណៈការ និងដឹកជញ្ជូន គ្រោងបើកការរដ្ឋានស្ថាបនាលើកកម្ពស់ផ្លូវជាតិលេខ៤១ តភ្ជាប់ពីផ្លូវជាតិលេខ៤ ទៅកាន់ផ្លូវជាតិលេខ៣នៅឆ្នាំនេះ ឬឆ្នាំក្រោយ ខណៈការចរចាប្រាក់កម្ចីយកមកស្ថាបនាផ្លូវនេះបានបញ្ចប់ហើយ។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន បានឱ្យដឹងកាលពីពេលថ្មីៗនេះថា សម្រាប់ផ្លូវជាតិលេខ៤១នេះ ក្រសួងបានចរចាប្រាក់កម្ចីរួចហើយ នៅឡើយតែក្រសួងសេដ្ឋកិច្ច និងហិរញ្ញវត្ថុទៅចុះហត្ថលេខាយកប្រាក់ទាំងនេះមកស្ថាបនាប៉ុណ្ណោះ ។

លោកទេសរដ្ឋមន្ត្រីថា “ប្រាក់កម្ចីបានចរចារួចហើយ ខ្ញុំសង្ឃឹមថានៅក្នុងឆ្នាំនេះ ឬ ឆ្នាំក្រោយ ទើបអាចបើករដ្ឋានស្ថាបនាបានដោយចាក់ជាប្រភេទ AC “ ។

លោកបន្តថា គម្រោងទាំងបី រួមមាន គម្រោងផ្លូវ៤១នេះ តភ្ជាប់ពីផ្លូវជាតិលេខ៤ មកលេខ៣ ។ គម្រោងផ្លូវលេខ៣១ពីតំបន់បាយគូស ចូលមកស្រុកកំពង់ត្រាច។គម្រោងផ្លូវលេខ៣៣ពីកំពត មកខេត្តកែប បានចរចាចប់សព្វគ្រប់អស់ហើយ ចាំតែក្រសួងសេដ្ឋកិច្ច និងហិរញ្ញវត្ថុទៅចុះហត្ថលេខាលើប្រាក់កម្ចីនេះ។

លោកបន្តថា “អញ្ចឹងពេលណាវាអាស្រ័យលើក្រសួងសេដ្ឋកិច្ច និងហិរញ្ញវត្ថុប៉ុណ្ណោះ ពេលចុះហត្ថលេខាហើយទើបបើកការដ្ឋានបាន” ។

ផ្លូវជាតិលេខ៤១ ឆ្លងកាត់កំពង់ស្ពឺ តាកែវ និងកំពត កន្លងមកបានរងការខូចខាតដោយសារជំនន់ទឹកភ្លៀង និងការដឹកជញ្ជូនធ្ងន់ៗឆ្លងកាត់ ខណៈដែលផ្លូវជាតិលេខ៤បានផ្អាកចរាចរណ៍ខ្លះៗ ដោយសារការជន់លិចកាលពីឆ្នាំ២០១៨ ។

ផ្លូវជាតិលេខ៤១ មានប្រវែងជាង៩៥គីឡូម៉ែត្រ ដោយរាប់ចាប់ពីថ្នល់ទទឹងចំណុចប្រសព្វជាមួយផ្លូវជាតិលេខ៤ ដល់ស្រុកជុំគិរីត្រូវបានស្ថាបនាម្តងរួចហើយ កាលពីថ្ងៃទី១៨ ឧសភា ឆ្នាំ២០១១ ជាប្រភេទផ្លូវក្រាលថ្ម ចាក់កៅស៊ូ២ជាន់ប្រភេទ DBST ដែលបានចំណាយថវិកាសរុប ប្រមាណ៤៦លានដុល្លារអាមេរិក ដោយប្រើរយៈពេលស្ថាបនាចំនួន៤០ខែ បញ្ចប់នៅឆ្នាំ២០១៤ ។

នៅតាមបណ្តោយផ្លូវជាតិលេខ៤១ នាពេលបច្ចុប្បន្ននេះ កំពុងតែបង្ហាញពីសក្ដានុពល និងកំពុងទាក់ទាញលើការវិនិយោគលើគម្រោងជាច្រើន រួមមាន គម្រោងបង្កើតរោងចក្រ សហគ្រាស សិប្បកម្ម ឃ្លាំង និងគម្រោងដីឡូតិ៍ ដែលស្របតាមការកំណត់ទីតាំងរបស់រដ្ឋាភិបាល ហើយក៏មានគម្រោងអភិវឌ្ឍន៍ វិស័យលំនៅដ្ឋានតម្លៃកម្រិតមធ្យម និងក្រោមមធ្យមផងដែរ។

អភិបាលខេត្តកំពង់ស្ពឺ លោក វ៉ី សំណាង បានទទួលស្គាល់ពីតម្រូវការនៃការប្រើប្រាស់ដីនៅតំបន់ស្ថិតតាមបណ្តោយផ្លូវជាតិ៤១ ដោយលោកបានអះអាងថា ភាគច្រើនគម្រោងនៅតំបន់នេះ ជាគម្រោងបង្កើតទីតាំងរោងចក្រច្រើនជាងលំនៅដ្ឋាន។ លោកបន្តថា នៅតំបន់ហ្នឹងភាគច្រើនជាគម្រោងរោងចក្រ និងសិប្បកម្មកម្រិតតូច និងមធ្យម ហើយចំពោះគម្រោងអភិវឌ្ឍលំនៅដ្ឋាន នៅមិនទាន់មានលក្ខណៈធំដុំនៅឡើយនោះទេ។

លោកបានបន្តទៀតថា តាមការស្នើសុំពីសំណាក់ក្រុមហ៊ុនអភិវឌ្ឍន៍ ក៏ដូចជាការសម្រេចអនុម័តរបស់រដ្ឋាភិបាល តាមរយៈក្រុមប្រឹក្សាអភិវឌ្ឍន៍កម្ពុជា CDC កាលពីពេលកន្លងទៅនេះ ភាគច្រើនរោងចក្រ ដែលទៅតាំងនៅតាមតំបន់ផ្លូវលេខ៤១ ជារោងចក្រផលិតស្បែកជើង រោងចក្រផលិតកាបូប រោងចក្រផលិតគ្រឿងបង្គុំ និងរោងចក្រផលិតគ្រឿងបរិក្ខាអគ្គិសនី ហើយក្រៅពីនេះជាប្រភេទសិប្បកម្មកម្រិតតូច និងមធ្យម៕

ចំណេះដឹង! តើគណៈកម្មាធិការគោលនយោបាយរូបិយវត្ថុមានភារកិច្ចអ្វីខ្លះ?

ដោយ វុត្ថា

ភ្នំពេញៈ គណៈកម្មាធិការគោលនយោបាយរូបិយវត្ថុ ជាគណៈកម្មាធិការគោលនយោបាយកម្រិតខ្ពស់របស់ធនាគារជាតិនៃកម្ពុជា ដែលត្រូវបានបង្កើតឡើង ដើម្បីវាយតម្លៃការអភិវឌ្ឍន៍សេដ្ឋកិច្ច និងហិរញ្ញវត្ថុ និងធ្វើសេចក្តីសម្រេចចិត្តលើគោលនយោបាយរូបិយវត្ថុ ក្នុងគោលបំណងរក្សាស្ថិរភាពថ្លៃ។

គណៈកម្មាធិការគោលនយោបាយរូបិយវត្ថុ ជួបប្រជុំជាប្រចាំត្រីមាស ពោលគឺ៤ដងក្នុងមួយឆ្នាំ។ មុនកិច្ចប្រជុំចាប់ផ្តើម ក្រុមលេខាធិការដ្ឋាន រួមមានអ្នកសេដ្ឋកិច្ច និងមន្ត្រីបុគ្គលិកផ្សេងទៀត ពីនាយកដ្ឋានស្រាវជ្រាវសេដ្ឋកិច្ច និងសហប្រតិបត្តិការអន្តរជាតិ និងនាយកដ្ឋានស្ថិតិ នឹងរៀបចំរបាយការណ៍វិភាគលំអិត សម្រាប់គណៈកម្មាធិការគោលនយោបាយរូបិយវត្ថុ ។

យោងតាមរបាយការណ៍នេះ គណៈកម្មាធិការគោលនយោបាយរូបិយវត្ថុ នឹងពិភាក្សា និងវាយតម្លៃទិដ្ឋភាពផ្សេងគ្នានៃសេដ្ឋកិច្ច ដោយផ្តោតលើការអភិវឌ្ឍន៍សេដ្ឋកិច្ច និងហិរញ្ញវត្ថុគន្លឹះៗ គិតចាប់ពីកិច្ចប្រជុំចុងក្រោយ ។

គណៈកម្មាធិការគោលនយោបាយរូបិយវត្ថុ នឹងប្រមូលផ្តុំការវិភាគនេះ គួបផ្សំនឹងការវិនិច្ឆ័យ និងការព្យាករណ៍ពីអ្វី ដែលនឹងអាចកើតមានក្នុងសេដ្ឋកិច្ច និងថ្លៃក្នុងអំឡុងពេលខាងមុខ រួចធ្វើការសម្រេចចិត្តលើជម្រើសគោលនយោបាយរូបិយវត្ថុ ដើម្បីធានាស្ថិរភាពថ្លៃរយៈពេលវែង៕

រដ្ឋាភិបាលបាននិងកំពុងពិពិធកម្មពង្រីកកំពង់ផែដើម្បីជំរុញការដឹកជញ្ជជូននិងសេដ្ឋកិច្ច

ដោយវុត្ថា

ភ្នំពេញៈ រាជរដ្ឋាភិបាលតាមរយៈក្រសួងសាធារណការ និងដឹកជញ្ជូនបាននឹងកំពុងធ្វើពិពិធកម្មពង្រីកកំពង់ផែ នៅតាមបណ្តារាជធានីខេត្តជាប់សមុទ្រ និងទន្លេ ដើម្បីបង្កើនការដឹកជញ្ជូន តាមផ្លូវទឹកឱ្យកាន់តែមានភាពល្អប្រសើរ និងអាចអាចប្រកួតប្រជែងនៅក្នុងតំបន់។

១) កំពង់ផែក្រុងព្រះសីហនុ

គម្រោងពង្រីកំពង់ផែអន្តរជាតិទឹកជ្រៅ នៅក្រុងព្រះសីហនុ ក្រោមជំនួយរបស់រដ្ឋាភិបាលជប៉ុន នឹងបង្កើនលទ្ធភាពកាន់តែធំទូលាយ និងមានជម្រៅរហូតដល់១៨ម៉ែត្រ ដែលអាចទទួលការចូលចតនាវាដឹកជញ្ជូនធំៗ កំពុងចរាចរណ៍នៅលើសមុទ្រអន្តរជាតិបានប្រមាណ៩៧ភាគរយ។

បច្ចុប្បន្ននេះ កំពង់ផែដែលបម្រើដល់វិស័យដឹកជញ្ជូនតាមផ្លូវទឹក ក្នុងខេត្តព្រះសីហនុ មានចំនួន៣ រួមមាន កំពង់ផែស្វយ័តក្រុងព្រះសីហនុ កំពង់ផែឧកញ៉ាម៉ុង និងកំពង់ផែអន្តរជាតិស្ទឹងហាវ ស្ថិតនៅក្នុងស្រុកស្ទឹងហាវ។

២)កំពង់ផែខេត្តកែប

គម្រោងសាងសង់កំពង់ផែទេសចរណ៍អន្តរជាតិខេត្តកែប ដែលស្ថិតនៅកោះទន្សាយមានតម្លៃជាង១លានដុល្លារ ដែលអនុវត្តផ្ទាល់ដោយក្រសួងសាធារណៈការ និងដឹកជញ្ជូន គ្រោងបញ្ចប់នៅត្រឹមខែធ្នូ ឆ្នាំ២០២០ឆាប់ៗខាងមុខនេះ។

គម្រោងអភិវឌ្ឍន៍កំពង់ផែទេសចរណ៍អន្តរជាតិ ដែលមានទំហំសរុបចំនួន៣៤០០ម៉ែត្រការ៉េនេះ ក្រោមការយកចិត្តទុកដាក់ដោយក្រសួងសាធារណៈការ និងដឹកជញ្ជូន សហការជាមួយរដ្ឋបាលខេត្តកែប ដើម្បីធ្វើយ៉ាងណាជម្រុញឱ្យសម្រេចបាន ទៅតាមផែនការដែលបានគ្រោងទុក។

៣)កំពង់ផែទេសចរណ៍ខេត្តកំពត

គម្រោង អភិវឌ្ឍកំពង់ផែទេសចរណ៍នៅខេត្តកំពត ដែលបាននឹងកំពុងសាងសាង់ អាចឈានទៅការដាក់ឱ្យប្រើប្រាស់ជាផ្លូវការ យ៉ាងយូរត្រឹមដើមឆ្នាំ២០២១ ខាងមុខនេះ ។កំពង់ផែមួយនេះ គឺជាចំណែកមួយយ៉ាងសំខាន់ ក្នុងការបម្រើនៅក្នុងវិស័យទេសចរណ៍បន្ថែមពីលើសក្ដានុពលដែលមានស្រាប់ ដែលក្នុងនោះមានតំបន់រមណីយដ្ឋានសរុបចំនួន១៧ សហគមន៍ទេសចរណ៍ចំនួន៤ និងតំបន់គោលដៅទាក់ទាញទេសចរណ៍ចំនួន៤។

៤)កំពង់ផែស្វយ័តភ្នំពេញ

កំពង់ផែភ្នំពេញគ្រោងនឹង ពង្រីកហេដ្ឋារចនាសម្ព័ន្ធចំណតផែកុងតឺន័រ ឱ្យបានធំទូលាយជាងមុន ដែលគ្រោងចំណាយទុនវិនិយោគ ប្រមាណ៣៥លានដុល្លារបន្ថែមទៀត ដើម្បីបង្កើនសមត្ថភាព ក្នុងការផ្ទុកកុងតឺន័រឱ្យបានរហូតដល់៥០ម៉ឺនTEUs ក្នុងមួយឆ្នាំ។

គម្រោងអភិវឌ្ឍន៍ពង្រីកចំណតផែកុងតឺន័រ ក្នុងជំហានទី៣បន្ដទៀតនេះ ដោយសារតែកំពង់ផែស្វយ័តភ្នំពេញ ជាច្រកទ្វារសេដ្ឋកិច្ចជាតិមួយដ៏សំខាន់ សម្រាប់ដោះដូរផលិតផលកសិកម្ម និងកសិឧស្សាហកម្មរបស់កម្ពុជាទៅកាន់ទីផ្សារតំបន់ និងអន្ដរជាតិ។

បច្ចុប្បន្ននេះកំពង់ផែស្វយ័តភ្នំពេញគឺជាចំណត ផែយ៉ាងសំខាន់ដែលស្ថិតនៅជាប់នឹងផ្លូវជាតិលេខ១ ដែលផ្លូវជាតិនេះ នឹងត្រូវធ្វើការពង្រីកបន្ថែមទៀត នៅតាមកន្លែងកដបមួយចំនួន ដើម្បីងាយស្រួលការធ្វើចរាចរ ជាពិសេសរថយន្ដ កុងតឺន័រចេញ ចូលឆ្លងកាត់ផ្លូវជាតិលេខ១មកកាន់កំពង់ផែ”។

៥) កំពងផែនៃទន្លេវ៉ៃគោ

រដ្ឋាភិបាលបាននឹងកំពុងសាងសង់កំពង់ផែថ្មីមួយ ដើម្បីសម្រួលដល់ការដោះដូរទំនិញតាមផ្លូវទឹក ជាមួយខេត្តឡុងអាន នៃប្រទេសវៀតណាម ខណៈខេត្តជាប់ព្រំដែនមួយនេះ មានសក្តានុពលខ្ពស់លើវិស័យសេដ្ឋកិច្ច និងពាណិជ្ជកម្ម។

ការកសាងកំពង់ផែ និងស្តារផ្លូវទឹក នៃទន្លេវ៉ៃគោនេះ មានទីតាំងកំពង់ផែស្ថិតនៅភូមិចុងព្រែក សង្កាត់ស្វាយរៀង ក្រុងស្វាយរៀង ខេត្តស្វាយរៀង ដែលកំពុងដំណើរការស្ថាបនានាពេលនេះ និងផ្តល់អត្ថប្រយោជន៍ជាច្រើន ក្នុងការសម្រួល ដល់ការដឹកជញ្ជូនទំនិញតាមផ្លូវទឹក ទៅមករវាងខេត្តស្វាយរៀងប្រទេសកម្ពុជា និងខេត្តឡុងអានប្រទេសវៀតណាមនៅថ្ងៃអនាគត។

ជាមួយគ្នានេះ រាជរដ្ឋាភិបាលបាននឹងកំពុងសិក្សាលម្អិត និងដាក់ផែនការកសាងកំពង់ផែទឹកសាប នៅតាមខេត្តសំខាន់ៗមួយចំនួនទៀត រួមជាមួយនឹងការស្នើសុំឱ្យមានការចូលរួមវិនិយោគពីវិស័យឯកជន ដើម្បីធ្វើយ៉ាងណាជួយសម្រួល ដល់វិស័យដឹកជញ្ជូនតាមផ្លូវទឹកឱ្យកាន់តែមានប្រសិទ្ធភាពខ្ពស់៕

ដីល្អទំហំជាង២ហិកតានៅក្រុងកែបប្រកាសលក់ក្រោមតម្លៃទីផ្សារ

ដោយគង់ សូរិយា

កែបៈ នៅតំបន់ជុំវិញមានភ្នំ និងដីមានតម្លៃខ្ពស់ ប៉ុន្តែដីមួយទំហំជាង២,៦ហិកតាបាននិងកំពុងប្រកាសដាក់លក់ ក្រោមតម្លៃទីផ្សារដែលអ្នកវិនិយោគជាតិ អន្តរជាតិគួរចាប់យកឳកាសនេះដើម្បីយកផលចំណេញ ឬវិនិយោគលើរមណីយដ្ឋានអ្វីមួយ។

ដីនេះមានទីតាំងស្ថិតនៅក្នុងសង្កាត់ព្រៃធំ ក្រុងកែប និងមានចម្ងាយប្រមាណ៣គីឡូម៉ែត្រពីមាត់សមុទ្រ ប៉ុន្តែដោយសារលក្ខខ័ណ្ឌដីនេះនៅជាប់ជើងភ្នំ គឺអាចមើលឃើញសមុទ្រ មានទេសភាពដ៏ស្រស់ស្អាត ដែលស័ក្តិសមសំរាប់ការវិនិយោគសាងសង់រមណីយដ្ឋានលំហែរកាយ។

ដីទំហំជាង២,៦ហិកតានេះ មានលក្ខណៈពិសេស ដោយស្ថិតនៅជាប់ជើងភ្នំ ទល់មុខមើលឃើញសមុទ្រ និងថ្ងៃលិច ពិសេសស្ថិតនៅជាប់គម្រោងអភិវឌ្ឍន៍ដី លំនៅដ្ឋានឯកជនជាច្រើន និងស្ថិតនៅជាប់ផ្លូវក្រួសក្រហមទំហំ១៥ម៉ែត្រ និងគម្រោងផ្លូវបេតុង ទំហំ១៦ម៉ែត្រ។

ក្រសួងទេសចរណ៍បាន និងកំពុងរៀបចំផែនការមេ ដើម្បីរៀបចំខេត្តកែបជាតំបន់លំហែរកាយកម្រិតខ្ពស់ ពិសេសរដ្ឋាភិបាលនឹងមិនអនុញ្ញាត្តឲ្យសាងសង់រោងចក្រ សហគ្រាស ដែលបង្កការបំពុលផ្សែង ឬធ្វើឲ្យមានផលប៉ះពាល់ដល់បរិស្ថាននោះទេ។

ជាមួយនឹងលក្ខខ័ណ្ឌ និងងទីតាំងមានភាពអំណោយផលនេះ ដីនេះដាក់លក់ត្រឹមតែ៦០ដុល្លារប៉ុណ្ណោះក្នុងមួយម៉ែត្រការ៉េ ជាតម្លៃទាបជាងទីផ្សារ៣០ទៅ៤០ភាគរយ។
អតិថិជន ឬឬអ្នកវិនិយោគមានចំណាប់អារម្មណ៍ អាចទាក់ទងតាមរយៈលេខទូរស័ព្ទ 088 533 05 27, 077 66 55 12, 069 854 321។

#Great opportunity for all investor who looking for property in Kep, Cambodia.

#The owner want to back to France, So need to sell asp in 1-2 months.

#Feature : Good for resort, Hotel, bungalows

U Can see the sunset in to the sea from this land while standing.

#Next to the private residential land project

#Big 2 access road 15m and 16m (concrete road)

#Price $60 per meter only, lower than market price around 40%

#Inbox for more detail and special price OR CONTACT NUMBER 088 533 05 27, 077 66 55 12, 069 854 321៕

តម្លៃមាសនៅទីផ្សារអន្តរជាតិនឹងកើនឡើងដល់២០០០ដុល្លារក្នុងមួយអោន

ដោយ ប៊ី

អន្តរជាតិៈ តម្លៃមាសនៅទីផ្សារអន្តរជាតិ បានបន្តកើនឡើងជាបន្តបន្ទាប់ បន្ទាប់ធនាគារកណ្តាលអាមេរិកសន្សាថា នឹងបន្តរក្សាអត្រាការប្រាក់ទាប និងអ្នកវិនិយោគមើលឃើញពីភាពធូរស្រាល នៃអត្រាឆ្លងជំងឺកូវីដ១៩នៅរដ្ឋមួយចំនួនរបស់អាមេរិក។

មាសត្រូវបានចាត់ទុកថា ជាការវិនិយោគដែលមានសុវត្ថិភាពបំផុត និងរក្សានូវតម្លៃពិត បើប្រៀបធៀបទៅនឹងរូបិយប័ណ្ណជាតិ ដែលមិនមានការគាំទ្រនៅជុំវិញពិភពលោក។

ស្របពេលដែល មាសត្រូវបានអ្នកវិនិយោគចាត់ទុកថា ជាការវិនិយោគមានសុវត្ថិភាពបំផុត ក្រុមហ៊ុនដ៏របស់អាមេរិកបានព្យាករណ៍ថា តម្លៃមាសនៅទីផ្សារអន្តរជាតិអាចនឹងកើនឡើងដល់២.០០០ដុល្លារក្នុងមួយអោន ឬជាងមួយតម្លឹង។

តម្លៃមាសបានកើនឡើងកាន់ខ្ពស់ បន្ទាប់ពីលោក Jerome Powell ប្រធានធនាគារកណ្តាល បានលើកឡើងកាលពីថ្ងៃពុធថា “ធនាគារកណ្តាលនឹងធ្វើអ្វីគ្រប់យ៉ាង ដែលយើងអាចធ្វើបាន និងមិនថាយូរប៉ុណ្ណាទេ ដើម្បីជួយសង្គ្រោះសេដ្ឋកិច្ចពីជំងឺរាតត្បាត។មន្ត្រីជាន់ខ្ពស់ស្ទើតែទាំងអស់ បានព្យាករណ៍ថា នឹងមានការរក្សាអត្រាការប្រាក់ជិតសូន្យភាគរយរហូតដល់ឆ្នាំ២០២០”។

លោក Matt Weller អ្នកដឹកនាំផ្នែកស្រាវជ្រាវទីផ្សារនៅឯក្រុមហ៊ុន Gain Capital Group LLC បានថ្លែងថា “អ្នកមិនអាចលើកឡើងបានល្អ សម្រាប់ការវិនិយោគលើមាស ដូចដែលធនាគារកណ្តាល បានលើកឡើងកាលពីម្សិលមិញនោះទេ”។

គិតត្រឹមម៉ោង១:៣០នាទីថ្ងៃ ម៉ោងនៅទីក្រុងញូវយ៉ក តម្លៃមាសមាន១.៧៣៩,៨០ ដុល្លារក្នុងមួយអោន (ជិតមួយតម្លឹង) បានកើនឡើង១,១ភាគរយ។

ក្រុមហ៊ុន Goldman Sachs Group Inc បានព្យាករណ៍ថាមាសនឹងកើនឡើងដល់១.៨០០ដុល្លារ ក្នុងមួយអោនក្នុងរយៈពេល១២ខែ ហើយអាចនឹងឃើញមានការកើនឡើងជាង២០០០ដុល្លារ ប្រសិនបើអតិផរណា មានលើសអត្រាការប្រាក់ប្រហាក់ប្រហែលនឹងអ្វីដែលបានកើតឡើងនៅត្រីមាសទី៣ ឆ្នាំ២០០៩៕

គម្រោងអភិវឌ្ឍន៍លំនៅឋាន និងដីឡូតិ៍ Show Up Real Estate ខេត្តកំពង់ឆ្នាំង ចាប់ដំណើរការ និងផ្តល់ចំណេញយ៉ាងច្រើនដល់អតិថិជន

ដោយ ៖ រ៉ាណេត

កំពង់ឆ្នាំង៖ ស្របទៅនឹងផែនការដែលបានគ្រោងទុក គម្រោងអភិវឌ្ឍន៍លំនៅដ្ឋាន និងដីឡូតិ៍ Show Up Real Estate ខេត្តកំពង់ឆ្នាំង ដែលមានការអភិវឌ្ឍជាតំបន់រមណីយដ្ឋាន សួនច្បារចំរុះ ផ្សារសហគមន៍ រួមទាំងទីលានបាល់ទាត់ផងដែរនោះ បានចាប់ដំណើរការហើយ ដែលកាន់តែផ្តល់នូវផលចំណេញយ៉ាងច្រើនសម្រាប់អតិថិជន។

គម្រោអភិវឌ្ឍន៍នៅក្នុងសហគមន៍ជាច្រើនរួមមានដូចជា ការអភិវឌ្ឍហេដ្ឋារចនាសម្ព័ន្ធ តំបន់រមណីយដ្ឋាន ផ្ទះបែបបុរាណលំហែរកាយជាប់អូរធម្មជាតិ កន្លែងស្ទូចត្រី ចំការផ្កាចំរុះ ផ្សារសហគមន៍ និងទីលានកីឡា នៅក្នុងគម្រោងអភិវឌ្ឍន៍លំនៅដ្ឋាន និងដីឡូតិ៍ Show Up Real Estate បច្ចុប្បន្ននេះបាន និងកំពុងមានសកម្មភាពយ៉ាងមមាញឹក ដែលកាន់តែទទួលបានចំណាប់អារម្មណ៍ពីសំណាក់មហាជនទូទៅ ក៏ដូចជាអតិថិជនផងដែរ។

ប្រធានគ្រប់គ្រងគម្រោង និងទីផ្សារ ក្រុមហ៊ុនអភិវឌ្ឍន៍លំនៅឋាន និងដីឡូតិ៍ Show Up Real Estate អ្នកនាង ញឹម សុខគង់ បានមានប្រសាសន៍ប្រាប់តាមទូរស័ព្ទកាលពីព្រឹកថ្ងៃទី១៣ ខែមិថុនា ឆ្នាំ២០២០នេះថា គ្រប់គម្រោងអភិវឌ្ឍន៍របស់ក្រុមហ៊ុនទាំងអស់ សុទ្ធតែត្រូវបានអនុវត្ត ប៉ុន្តែបែងចែកតាមដំណាក់កាល។

អ្នកនាងបានបន្តទៀតថា “បច្ចុប្បន្ននេះ ក្រៅពីធ្វើការឈូសឆាយពង្រាបដី និងបោះបង្គោលព្រំតាមឡូតិ៍នីមួយៗ គឺយើងបានរៀបចំហេដ្ឋារចនាសម្ព័ន្ធនានាជាច្រើន ដូចជាផ្លូវភ្លោះទំហំ១៥ម៉ែត្រ ដោយមានសួនច្បារ និងដាំផ្កា ដើមឈើធ្វើជាទ្រូងផ្លូវ មានតភ្ជាប់បណ្តាញអគ្គិសនី និងបំពាក់អំពូលភ្លើងសូឡាបំភ្លឺពេលយប់ និងមានបង្កប់បណ្តាញបង្ហូរទឹកយ៉ាងត្រឹមត្រូវ”។

អ្នកនាង ញឹម សុខគង់ បានបន្តទៀតថា “នៅក្នុងផែនការមេ ការអភិវឌ្ឍន៍តំបន់រមណីយដ្ឋានឹងមានការសាងសង់ផ្ទះបែបបុរាណនៅជាប់មាត់អូរធម្មជាតិ ដែលអាចស្ទូចត្រីកម្សាន្ត មានចំការចំរុះទំហំជាងកន្លះហិកតា ទីលានកីឡាបាល់ទាត់កន្លះហិកតា មានផ្សារសហគមន៍សម្រាប់បងប្អូនប្រជាពរដ្ឋក្នុងតំបន់នៃគម្រោងសម្រាប់ប្រកបអាជីវកម្ម រួមជាមួយ មីនីម៉ាត (Mart) នៅជិតកន្លែងលេងកីឡាផងដែរ”។

គម្រោងអភិវឌ្ឍន៍លំនៅដ្ឋាន និងដីឡូតិ៍ Show Up Real Estate ស្ថិតនៅលើផ្ទៃដីទំហំជាង១៣ហិកតា ស្មើនឹងជាង៧០០ឡូតិ៍ នៅជាប់ផ្លូវអាស៊ានទំហំ៣០ម៉ែត្រ តភ្ជាប់រវាងផ្លូវ ៥១ និងផ្លូវជាតិលេខ៥ ក្បែរតំបន់អភិវឌ្ឍន៍ និងសេដ្ឋកិច្ចពិសេស ចៀមមាស ដែលជាបណ្តុំរោងចក្រ សហគ្រាស ជាង១០០ កំពុងដំណើរការ ។ គម្រោងនេះ មានចម្ងាយប្រមាណ២៦គីឡូម៉ែត្រពីភ្នំឧដុង្គ ដែលធ្វើដំណើរចេញពីភ្នំពេញដល់ចន្លោះបង្គោលលេខ ៦៨-៦៩ បត់ឆ្វេង ចុះពីផ្លូវជាតិលេខ៥ចម្ងាយប្រមាណ២គីឡូម៉ែត្រតែប៉ុណ្ណោះ។

សម្រាប់អតិថិជនដែលទិញដីឡូតិ៍ នៅក្នុងគម្រោងថ្មីមួយនេះ នឹងទទួលបានផលចំណេញយ៉ាងច្រើន ដែលក្រៅពីមានតម្លៃទាបមិនធ្លាប់មាន ថែមទាំងអាចអាស្រ័យផលពីការរស់នៅ ក្នុងតំបន់ខាងលើនេះ តាមរយៈការបើកអាជីវកម្ម លក្ខណៈគ្រួសារបានយ៉ាងប្រសើរថែមទាំងផង ជាពិសេសផ្តល់ឱកាសចំណេញ ក្នុងអត្រាខ្ពស់សម្រាប់អ្នកដែលទិញទុកលក់បន្ត ដោយតម្លៃដីក្នុងមួយឡូតិ៍មានចាប់ពី ២៥០០ដុល្លារឡើង។

ជាមួយគ្នានេះ សម្រាប់អតិថិជនដែលទិញដីឡូតិ៍តម្លៃចាប់ពី ២៥០០ដុល្លារ ចំនួន៥ឡូតិ៍ ហើយបង់ផ្តាច់ នឹងទទួលបានការផ្តល់ជូននូវម៉ូតូម៉ាក Wave ស៊រីថ្មីឆ្នាំ២០២០ មួយគ្រឿងភ្លាមៗ។ ដោយឡែកសម្រាប់ការទិញដីឡូតិ៍តម្លៃចាប់ពី៤០០០ដុល្លារក្នុងមួយឡូតិ៍ចំនួន៤ឡូតិ៍ ក៏ទទួលបានម៉ូតូ ម៉ាក Wave ចំនួន១គ្រឿងផងដែរ។ ក្រៅពីនេះក៏មានការផ្ដល់ជូននូវការដូជាច្រើនយ៉ាងសន្ធឹកសន្ធាប់ទៀត ដូចជាទូរទឹកកក ទូរស័ព្ទទំនើប (Smart Phone) ឆ្នាំងដាំអគ្គិសនី រួមជាមួយនឹងឧបករណ៍ច្រៀងខារ៉ាអូខេ ផងដែរ។ ដោយឡែកសម្រាប់អ្នកដែលទិញដីឡូតិ៍ក្នុងគម្រោង ហើយចង់សង់លំនៅឋាន ក្រុមហ៊ុននឹងផ្តល់ជូននូវសេវារចនាម៉ូដប្លង់ផ្ទះដោយឥតគិតថ្លៃ។
សម្រាប់ព័ត៌មានបន្ថែម សូមទាក់ទងទូរស័ព្ទលេខ ៖ ០១៦ ៦៨៨ ៩៧៨/ ០៨៦ ៨៩ ១៦ ៦៨ / ០១២ ៩៥៤ ៨៥១/ ០១៧ ៣០៨ ៨៨៩

គន្លឹះនៃការដើរទីផ្សារអចលនទ្រព្យឱ្យល្អប្រសើរក្រោយវិបត្តិ Covid-19

ដោយ ហ្សូលី

ភ្នំពេញៈ បច្ចុប្បន្នប្រទេសកម្ពុជា មានភាពរីករាយដោយសារជំងឺ Covid-19 ក្នុងប្រទេសបានឈានចូលដល់សភាពធូរស្រាល និងមិនមានភាពធ្ងន់ធ្ងរ ដែលជាហេតុឱ្យសេដ្ឋកិច្ចមានសកម្មភាពតិចៗឡើងវិញ។

ក្នុងនោះវិស័យអចលនទ្រព្យ ធ្លាប់ជួបប្រទះភាពជាប់គាំងនោះ ក៏ត្រូវចាប់ផ្តើមមានដំណើរការស្វែងរកវិធីសាស្ត្រយ៉ាងណា ឱ្យទីផ្សារអចលនវត្ថុ ទៅដល់ដៃគោលដៅអតិថិជន។

ជាក់ស្តែងទាំងក្រុមហ៊ុនអចលនទ្រព្យក្តី ឬភ្នាក់ងារលក់អចលនទ្រព្យក្តី សុទ្ធតែមានគន្លឹះនៃការស្វែងរកទីផ្សាររៀងៗខ្លួន ប៉ុន្តែដើម្បីកាន់តែជោគជ័យ ចាំបាច់ត្រូវអភិវឌ្ឍចំនេះដឹងបន្ថែមឱ្យបានច្រើន។ ក្រៅពីថតវីដេអូ ថតរូប បញ្ជូនផលិតផលទៅដល់ដៃអតិថិជននោះ អ្នកលក់ត្រូវស្វែងរកប្រព័ន្ធផ្សព្វផ្សាយបន្ថែម ដែលអាចនាំឱ្យការផ្សាយលិតផលមានភាពទូលំទូលាយបន្ថែមទៀត។ ថ្វីត្បិតតែចំណាយប្រាក់កាស លើការផ្សព្វផ្សាយច្រើន ប៉ុន្តែលទ្ធផលត្រឡប់មកនោះ គឺពិតជាទទួលបានទ្វេរដង។

អត្ថប្រយោជន៍មានដូចជា អតិថិជនស្គាល់ច្រើន និងបង្កើនកេរ្តិ៍ឈ្មោះឱ្យមានវិជ្ជាជីវៈត្រឹមត្រូវផងដែរ។

លោកម៉ន សុខា អគ្គនាយកក្រុមហ៊ុនអចលនទ្រព្យ UTRUST បានមានប្រសាសន៍ថា តាមពិតការផ្សព្វផ្សាយមានច្រើនដូចជា ការប្រើប្រាស់បណ្តាញទំនាក់ទំនងសង្គមហ្វេសប៊ុក និងទំនាក់ទំនងផ្សេងៗទៀត។ អញ្ចឹងសកម្មភាពដែលត្រូវធ្វើ គឺត្រូវធ្វើសកម្មភាពប្រូម៉ូតផ្សព្វផ្សាយ តាមរយៈការថតវីដេអូឬក៏រូបភាពជាសន្លឹកៗ ដើម្បីផ្សព្វផ្សាយបញ្ជាក់ថា ស្ថានភាពបច្ចុប្បន្នគម្រោងអភិវឌ្ឍដល់ណា ច្បាស់លាស់កម្រិតណា។

យោងតាមគេហទំព័រ ចែករំលែកការលក់អចលនទ្រព្យមួយបានឱ្យដឹងថា អតិថិជនហាក់បីដូចជាមានការធុញទ្រាន់នឹងការផ្ញើសារសួរ ខលទូរសព្ទញឹកញាប់ ព្រោះនេះជាការរំខានមួយដែលអតិថិជនតែងរអ៊ូរទាំ។ ប៉ុន្តែពួកគេងាកត្រឡប់មកអានអត្ថបទបែបផ្សព្វផ្សាយ ដោយសារតែមានព័ត៌មានលម្អិត ភ្ជាប់ជាមួយរូបភាពនិងវីដេអូរួចស្រាប់។ កត្តានេះ អាចបណ្តារចិត្តអតិថិជនមានសក្តានុពលទិញ និងចាប់អារម្មណ៍ទៅលើក្រុមហ៊ុនអភិវឌ្ឍអចលនទ្រព្យនោះ។

គន្លឹះចំបងបន្ថែម ក្រុមហ៊ុនអភិវឌ្ឍអចលនទ្រព្យ និងភ្នាក់ងារលក់អចលនទ្រព្យត្រូវស្វែងយល់ថា តើអតិថិជនចង់បានអ្វី? តម្រូវការមានដូចម្តេចខ្លះ? ថ្វីត្បិតតែវិស័យអចលនទ្រព្យនៅតែមានចរន្តក្តី ប៉ុន្តែអតិថិជននៅតែស្វែងរក និងទាមទារការផ្តល់ជូនពិសេសពីក្រុមហ៊ុនអភិវឌ្ឍដដែល។

អ្នកជំនាញអចលនទ្រព្យ លោកស្រី តាំង ហ៊ួរ មានប្រសាសន៍ថា ម្ចាស់គម្រោងអចលនទ្រព្យនានា គួរណាតែមានការបញ្ចុះតម្លៃ ឬផ្តល់ជាតម្លៃពិសេសឱ្យអតិថិជន និងត្រូវសម្រួលដល់ការបង់ប្រាក់ ធ្វើយ៉ាងណាឱ្យមានភាពងាយស្រួល មានន័យថាម្ចាស់អចលនវត្ថុអនុញ្ញាតឱ្យអតិថិជនបង់តិច តែរយៈពេលយូរនោះ ច្បាស់ជាមានទីផ្សារវិញជាមិនខាន។

ដូច្នេះភ្នាក់ងារលក់អចលនទ្រព្យ គប្បីចេះស៊ើបសួរពីគម្រោង ទីតាំងមានសក្តានុពល តម្លៃថោកសមរម្យ ឬលក្ខខណ្ឌបង់ប្រាក់គ្មានភាពស្មុគស្មាញ ដល់អតិថិជននោះទើបអាចនាំឱ្យទីផ្សារ នៃការលក់អចលនទ្រព្យមានភាពកាន់តែរលូនស្រួល៕

អ្នកជំនាញ៖ តម្រូវការទីផ្សារជួលអគារធ្វើអាជីវកម្មនៅតែបន្តជួបឱនភាព

ដោយៈ រ៉ាណេត

ភ្នំពេញៈ បើទោះជាកម្ពុជាហាក់មានភាពធូរស្រាល ពីការគំរាមកំហែងពីវិបត្តិនៃជំងឺ Covid-19 ក៏ដោយ ប៉ុន្តែសម្រាប់ទីផ្សារជួយអគារ សម្រាប់ដំណើរការអាជីវកម្មនានា ហាក់នៅបន្តជួបឱនភាពដដែល ហើយអាចនឹងបន្តរហូតដើមត្រីមាសទី៤ នៃឆ្នាំ២០២០ខាងមុខនេះ។

ស្ថាបនិកក្រុមហ៊ុនអចលនទ្រព្យ King Residence លោក ខុម មុនីរតន៍ បានមានប្រសាសន៍ប្រាប់តាមទូរស័ព្ទ កាលពីល្ងាចថ្ងៃទី១២ ខែមិថុនា ឆ្នាំ២០២០ថា ស្រដៀងគ្នាទៅនឹងទីផ្សារនៃការជួលអគារ និងឃ្លាំងទំនិញនានានៅជាយរាជធានីភ្នំពេញដែរ សម្រាប់ការជួលទីតាំងធ្វើអាជីវកម្ម ក៏នៅតែបន្តជួបឱនភាពដដែល បើទោះជាស្ថានភាពទូទៅហាក់លែងភ័យខ្លាចការឆ្លងជំងឺក៏ដោយ។

លោកបន្តទៀតថា “ភាពជាក់ស្ដែងយើងឃើញមានមនុស្សចេញដើរ ចេញធ្វើការ និងធ្វើអាជីវកម្ម តាមលក្ខណៈគ្រួសារពិតមែន ប៉ុន្តែសម្រាប់ទីផ្សារនៃការជួយអគារមួយចំនួននៅតែបន្តជួបឱនភាពដដែល។លោកបន្ថែមថា “នេះដោយសារមួយចំណែកអនុវត្តទៅតាមវិធានការរបស់រដ្ឋាភិបា លដែលតម្រូវឱ្យមានការផ្អាកអាជីវកម្ម ហើយចំណែកទៀតដោយសារអ្នកធ្វើអាជីវកម្ម ក៏ដូចជាក្រុមហ៊ុនអភិវឌ្ឍន៍មួយចំនួន មកពីក្រៅប្រទេស ដូច្នេះស្ថិតនៅក្នុងដំណាក់កាលនេះ ពួកគេនៅមិនទាន់វិលត្រឡប់មកកម្ពុជាវញនោះឡើយ” ។

លើកឡើងស្រដៀងគ្នាខាងលើនេះ លោក នី ទីណាត អគ្គនាយកក្រុមហ៊ុនអចលនទ្រព្យ Basac Realty បានមានប្រសាសន៍ថា មិនថាតែចំពោះអាគារសម្រាប់បម្រើឱ្យវិស័យការិយាល័យកម្រិតខ្ពស់ អគារជាន់ផ្ទាល់ដី ឬអាគារដទៃទៀត សម្រាប់ជួលនោះទេ ភាគច្រើន កំពុងជួបភាពប្រឈមដោយសារតែអតិថិជនបញ្ឈប់កុងត្រាជួល។

លោកបានបញ្ជាក់ថា “ហេតុផលដែលបញ្ឈប់កុងត្រា ក៏ព្រោះដំណើរការអាជីវកម្មជួបភាពរាំងស្ទះ ជាក់ស្ដែងដូចជាក្រុមហ៊ុនផ្នែកបដិសណ្ឋារកិច្ច និងទេសចរណ៍ មណ្ឌលកម្សាន្ត និងមណ្ឌលស្ទីមសូណា ជាដើមដែលត្រូវផ្អាកសកម្មភាព ហើយក្រុមហ៊ុនបម្រើសេវាខ្លះក៏ជួបបញ្ហាដូចគ្នា ដោយសារតែបាត់ចំណូលពីប្រតិបត្តិការរបស់ខ្លួន” ។

ដើម្បីចូលរួមលើកស្ទួយវិស័យនេះឱ្យមានភាពរឹងមាំ និងយូរអង្វែង ហើយអាចរក្សាបាននូវចំណែកទីផ្សារស្ថិតស្ថេរ លោក នី ទីណាត បានផ្តល់ជាយោបល់ថា ម្ចាស់អាគារ ក៏ដូចជា ក្រុមហ៊ុនអភិវឌ្ឍន៍អាគារសម្រាប់ជួល គួរតែមានការបន្ធូរបន្ថយ ឬបញ្ចុះតម្លៃសម្រាប់អតិថិជនរបស់ខ្លួន ដែលយ៉ាងហោចណាស់ក្នុងរង្វង់ចាប់ពី៣០ ទៅ៥០ភាគរយ នៃតម្លៃចាស់ ទម្រាំវិបត្តិមួយនេះមានភាពស្ងប់ស្ងាត់ ហើយចរន្តសេដ្ឋកិច្ចចាប់ផ្តើមល្អប្រសើរឡើងវិញ ៕

អភិបាលខេត្តបាត់ដំបងព្រមានអ្នកធ្វើអាជីវកម្មវិស័យអចលនទ្រព្យត្រូវពិនិត្យទីតាំងឱ្យច្បាស់មុនវិនិយោគ

ដោយៈ រ៉ាណេត

បាត់ដំបងៈ លោកអភិបាលខេត្តបាត់ដំបង លោកងួន រតនៈបានធ្វើការដាស់តឿន និងព្រមានទៅដល់អ្នកធ្វើអាជីវកម្ម ក្នុងវិស័យអចលនទ្រព្យគ្រប់រូបភាព ត្រូវតែសិក្សាលម្អិតទៅលើទីតាំងឱ្យបានច្បាស់លាស់មុនវិនិយោគ និងអភិវឌ្ឍន៍ជៀសវាងអនុវត្តន៍ប្រាស់ចាកពីច្បាប់ដែនដី។

ជាមួយនឹងការទទួលបានកំណើនទុនវិនិយោគ នៅក្នុងវិស័យសំណង់ទូទាំងខេត្ត លោក ងួន រតនៈ អភិបាលខេត្តបាត់ដំបង បានមានប្រសាសន៍កាលពីថ្ងៃទី១២ ខែមិថុនា ឆ្នាំ២០២០ថា ការធ្វើអាជីវកម្ម និងអភិវឌ្ឍន៍នៅក្នុងវិស័យអចលនទ្រព្យ ក្នុងខេត្តកាលពីពេលកន្លងទៅ មានគម្រោងមួយចំនួនបានអនុវត្តបំពានលើច្បាប់ដែនដី ដូចជា ការចាក់ដីលុបស្ទឹង លុបប្រឡាយរបស់រដ្ឋជាដើម ដើម្បីទទួលបានផលប្រយោជន៍ខ្ពស់ ដែលសកម្មភាពនេះត្រូវតែជៀសវាងជាដាច់ខាត។

លោកបញ្ជាក់ថា “អ្នកធ្វើអាជីវកម្មវិស័យអចលនទ្រព្យ មុននឹងចង់វិនិយោគលើអាជីវកម្មរបស់ខ្លួន ត្រូវសិក្សាស្វែងយល់ពីតំបន់នីមួយៗឱ្យបានច្បាស់លាស់ មុននឹងដាក់ទុនវិនិយោគ ជៀសវាងមានផលប៉ះពាល់” ។ លោកបន្តថា “អាជ្ញាធរខេត្ត នឹងផ្ដល់លទ្ធភាព លើកទឹកចិត្ត ឱ្យមានការវិនិយោគផ្នែកអចលនាទ្រព្យក្នុងខេត្ត តាមរយៈការផ្ដល់ឯកសាររដ្ឋបាលដោយមានគណនេយ្យភាព តម្លាភាព លឿនរហ័ស ប៉ុន្តែខាងម្ចាស់អាជីវកម្ម ក៏ត្រូវសិក្សាពីប្រព័ន្ធលូ បណ្ដាញអគ្គិសនី ទឹក និងផ្លូវជាដើម ដោយអនុវត្តឱ្យត្រឹមត្រូវតាមកិច្ចសន្យា និងផ្នែកច្បាប់” ។

ចាប់តាំងពីឆ្នាំ២០១២ រហូតដើមឆ្នាំ២០២០កន្លងទៅ វិស័យសំណង់ និងអចលនទ្រព្យនៅទូទាំងខេត្តបាត់ដំបង ការរៀបចំពុះដីឡូតិ៍ សំណង់បុរីលំនៅដ្ឋាន រោងចក្រសហគ្រាសជាដើម មានសរុបរហូតដល់ ៨៣៩គម្រោង ស្មើនឹងប្រមាណ ៣២៥,៣១៨ម៉ែត្រការ៉េ ដែលមានទុនវិនិយោគសរុបចំនួន ៧៦,១៨៤,៤១០ដុល្លារ ដែលជាទិន្នន័យបង្ហាញពីភាពរីកចម្រើននៅក្នុងវិស័យមួយនេះ។

ជាមួយនឹងការទទួលបានកំណើនទុនវិនិយោគ ក្នុងវិស័យសំណង់នេះ លោកងួន រតនៈ ក៏បានធ្វើការព្រមានទៅដល់មន្ត្រីថ្នាក់មូលដ្ឋានផងដែរថា ដើម្បីជៀសវាងមានបញ្ហាក្រោយការអភិវឌ្ឍគម្រោងនានា គ្រប់មេឃុំ/ចៅសង្កាត់ ទាំងអស់ មុននឹងអនុញ្ញាតធ្វើអ្វីមួយ ត្រូវសិក្សាពីច្បាប់ជាមុនសិន មិនត្រូវប្រើច្បាប់ស្វ័យភាពរបស់ខ្លួន ដោយមិនបានមើលមុខមើលក្រោយ នៃច្បាប់ឱ្យបានច្បាស់លាស់ ធ្វើអ្វីដោយចិត្តឯង បើក្រុមប្រឹក្សាឃុំសង្កាត់ធ្វើបែបនេះ គឺអាចរំសាយចោល ហើយរៀបចំឡើងវិញ។

ទោះរដ្ឋបាលខេត្តមិនមានសិទ្ធិបញ្ឈជើង ឬបញ្ចប់ការងាររបស់ក្រុមប្រឹក្សាឃុំសង្កាត់ធ្វើខុសច្បាប់ ប៉ុន្តែខេត្តមានសិទ្ធិដាក់សំណើទៅថ្នាក់លើ ឱ្យដកចេញបាន ដូច្នេះត្រូវមានការប្រុងប្រយ័ត្ន និងមិនត្រូវធ្វើខុសច្បាប់ជាដាច់ខាត៕