ដោយ ប៊ី
អន្តរជាតិៈ ក្រុមប្រឹក្សារដ្ឋនៃគណៈកម្មាធិការមជ្ឈឹមចិន បានផ្សព្វផ្សាយចំណុចសំខាន់ៗមួយចំនួន ក្នុងការប្រជុំគណៈកម្មាធិការជាតិលើកទី១៣ស្តីពី ការពិគ្រោះយោបល់នយោបាយប្រជាជនចិន ដែលនឹងប្រព្រឹត្តិទៅនៅទីក្រុងប៉េកាំង កាលពីថ្ងៃព្រហស្បតិ៍ទី ២១ ខែឧសភានេះ។
កិច្ចប្រជុំនេះនឹងផ្តោតលើគោលការណ៍ “សករាជថ្មី” និងការអភិវឌ្ឍតំបន់ភាគខាងលិចរបស់ប្រទេសចិន។
តំបន់ទាំងនេះរបស់ចិនមានការអភិវឌ្ឍតិចតួច លើកលែងតែការទាញយកឧស្ម័ន ប្រេង និងរ៉ែ។ ក្រុមជនជាតិភាគតិចធំជាងគេនៅប្រទេសចិន (ជនជាតិ Uighurs ដែលមានដើមកំណើតចេញរុស្ស៊ី និយាយភាសាទួគី) ត្រូវបានទទួលរងការគាបសង្កត់យ៉ាងខ្លាំងពីសំណាក់កម្លាំងនយោបាយ និងយោធា បន្ទាប់ពីការទាមទារឯករាជ្យជាយូរមកហើយ។ ប្រទេសចិនក៏បានពង្រីកឥទ្ធិពលរបស់ខ្លួន ទៅក្នុងអតីតសហភាពសូវៀត ដែលនៅជិតតំបន់ស៊ីនជាំង។ (តំបន់ Uighurs ជាតំបន់មួយនៅក្នុងប្រទេសចិន)
នៅក្នុងបញ្ជីនៃគោលការណ៍ណែនាំចំនួន៣៣ចំណុច គំនិតផ្តួចផ្តើមខ្សែក្រវ៉ាត់ និងផ្លូវ (BRI) ដែលត្រូវបានយកចិត្តទុកដាក់ខ្ពស់ ធ្លាក់ចុះពីការងារអាទិភាពកំពូល ពោលគឺ ផ្តោតលើការកាត់បន្ថយភាពក្រីក្ររបស់ខ្លួន ដោយរក្សាសណ្តាប់ធ្នាប់សង្គម និងពិភាក្សាអំពីការកសាង និងពង្រីកកំពង់ផែទឹកជ្រៅនៅប្រទេសចិន និងនៅបរទេស។ នោះបង្ហាញថា គ្រោងការណ៍ BRI ឥឡូវត្រូវបានធ្លាក់ចុះពីការងារអទិភាពរបស់ស់ចិន។
គម្រោងបង្កើតកំពង់ផែថ្នាក់ជាតិ នៅតាមតំបន់ដីគោកកំពុងដំណើរការ។ ការបង្កើតតំបន់អភិវឌ្ឍន៍កំពង់ផែសេដ្ឋកិច្ចអន្តរជាតិ ផ្លូវដែកអន្តរជាតិChengdu គឺកំពុងដំណើរការទៅតាមនីតិវិធី។
ឯកសារនេះ (បញ្ជីនៃគោលការណ៍ណែនាំចំនួន៣៣ចំណុច)បានបង្ហាញថា ភារកិច្ច រក្សាឯកភាពជាតិស្ថិរភាពសង្គម និងសន្តិសុខជាតិនៅតែជាឧបសគ្គ ដោយសារការខ្វះខាត និងការផ្សារភ្ជាប់ខ្សោយ ក្នុងការសម្រេចបាននូវទំនើបភាវូបនីយកម្មសង្គមនិយម។ ប៉ុន្តែមិនមានការបញ្ជាក់ជាក់លាក់អំពីនរណា ឬអ្វីដែលជា “ភាពខ្សោយ” នោះទេ។
របាយការណ៍៍នៃគោលការណ៍ណែនាំទាំងនេះបានឱ្យដឹងថា ប្រទេសចិនឥឡូវនេះកំពុងប្រឈមនឹង “ស្ថានភាពថ្មី” ។
ដោយមើលឃើញបែបនេះ ថ្នាក់ដឹកនាំចិនបានបង្ហាញមនោគមវិជ្ជាចម្បងរបស់មេដឹកនាំបក្សកុម្មុយនិស្តចិន ដោយបានផ្លាស់ប្តូរពី “សុបិនចិន” ឬChina Dream របស់លោក ស៊ី ជីនពីង ទៅជាទស្សនវិស័យសង្គមនិយមថ្មីផ្តោតលើ “សករាជថ្មី”។ បញ្ហានេះភាគច្រើនពាក់ព័ន្ធ នឹងការអនុវត្តគំនិតសន្តិសុខជាតិទាំងមូល ដោយផ្តោតខ្លាំងទៅលើប ច្ចេកវិទ្យាជាន់ខ្ពស់។
ទោះបីជាមិនត្រូវបានលើកឡើងនៅក្នុងឯកសារនេះក៏ដោយ ប្រទេសចិនបានប្រកាសពីផែនការ ដើម្បីបង្កើនឃ្លាំងអាវុធនុយក្លេអ៊ែររបស់ខ្លួន។ មានភាពចម្រូងចម្រាសគួរឱ្យកត់សម្គាល់ និងការប្រឆាំងនឹងការទាមទាររបស់ចិន នៅតាមតំបន់ព្រំដែនដែលមានជម្លោះជាច្រើន ជាពិសេសជាមួយឥណ្ឌា ជប៉ុន វៀតណាម ហ្វីលីពីន និងប្រទេសដទៃទៀតជុំវិញការទាមទាររបស់ខ្លួនចំពោះសមុទ្រចិនខាងត្បូង។
ឯកសារខាងលើស្នើឱ្យកសាងសង្គម ឱ្យមានភាពល្អប្រសើរគ្រប់បែបយ៉ាងទូទាំងប្រទេសនៅឆ្នាំ២០៣៥។ វានឹងទទួលបានជោគជ័យ ដោយមានការគាំទ្រយ៉ាងខ្លាំងសម្រាប់សហគ្រាស និងការច្នៃប្រឌិតដ៏ធំ។ ជំរុញការអភិវឌ្ឍដែលមានគុណភាពខ្ពស់នៅក្នុងតំបន់ខាងលិច និងកំណែថ្មីនៃ “ការច្នៃប្រឌិតទ្វេរដង”។
រដ្ឋាភិបាលចិន នឹងគាំទ្រមូលនិធិណែនាំការផ្លាស់ប្តូរសមិទ្ធិផលវិទ្យាសាស្ត្រ និងបច្ចេកវិទ្យាជាតិ ដើម្បីបង្កើតមូលនិធិអនុមូលធន ដែលបណ្តាក់ទុននៅភាគខាងលិចនៃប្រទេសចិន។
បក្សកុម្មុនិស្តចិន នឹងបង្កើនប្រសិទ្ធភាពផលិតកម្ម និងការប្រើប្រាស់ធ្យូងថ្ម – លើកកម្ពស់ “ថាមពេលធ្យូងថ្មស្អាត” និងការរុករករ៉ែប្រកបដោយប្រសិទ្ធភាព និងការជំរុញការធ្វើចំណាត់ថ្នាក់ និងការចាត់ថ្នាក់ធ្យូងថ្ម និងការធ្វើឱ្យប្រសើរឡើងនូវបច្ចេកវិទ្យាសាកល្បង ដូចជា ធ្យូងថ្មទៅប្រេង ធ្យូងថ្មទៅហ្គាស និងធ្យូងថ្មទៅជាអូលីហ្វីន (olefins)។ ការស្ថាបនាមូលដ្ឋានផលិតកម្មប្រេង និងឧស្ម័នមួយចំនួនក៏ត្រូវបានគ្រោងទុកផងដែរ។ មេដឹកនាំជាតិ ក៏ចង់ពន្លឿនការរុករក ការអភិវឌ្ឍន៍ និងការប្រើប្រាស់មេតានគ្រែធ្យូងថ្មផងដែរ។
ប្រទេសចិនក៏នឹងបង្កើតមូលដ្ឋានថាមពលស្អាត
ចិនក៏មានគម្រោងបង្កើតតំបន់អ៊ិនធឺរណែតដូចជា “ អ៊ិនធឺណិត + ការអប់រំ” “អ៊ិនធឺណិត + វេជ្ជសាស្ត្រ (សុខភាព)” និង“ អ៊ិនធឺណិត + ទេសចរណ៍” ។ រដ្ឋាភិបាលចិនចង់ជំរុញល្បឿននៃបណ្តាញនេះ និងដើម្បីកាត់បន្ថយថ្លៃសេវាសម្រាប់ការប្រើប្រាស់ បូករួមទាំងបង្កើនការអភិវឌ្ឍពាណិជ្ជកម្ម តាមប្រព័ន្ធអេឡិចត្រូនិចឆ្លងកាត់ព្រំដែន។
ឯកសាររបស់ក្រុមប្រឹក្សារដ្ឋ ដែលវែងអន្លាយបានផ្តោតលើប្រធានបទរបស់ខ្លួន ដើម្បីអភិវឌ្ឍ “ទិសខាងលិច” និងសន្យាថា នឹងបង្កើតតំបន់ឧស្សាហកម្មថ្មីជាច្រើន និងការថែរក្សាមនុស្សចាស់ ដែលមានសន្តិសុខប្រសើរជាងមុន ក្នុងចំណោមបញ្ហាផ្សេងទៀត។
វាបង្ហាញសញ្ញានៃការផ្លាស់ប្តូរទិសដៅបន្តិច នៅពេលដែលប្រទេសនេះកំពុងដោះស្រាយជាមួយនឹងជំងឺឆ្លង COVID-19 និងភាពតានតឹងអន្តរជាតិ ដែលកំពុងកំពុងកើតមាន។
វាមើលទៅដូចជា “សករាជថ្មី” ដែលមើលទៅខាងក្នុង និងមានលក្ខណៈនយោបាយកាន់តែច្រើន នៅពេលដែលពិភពលោកចាប់ផ្តើមក្តោបក្តាប់នូវសភាពធម្មតា៕ប្រភព Asia Times
សូមបញ្ជក់ផងដែរថាបច្ចុប្បន្ននេះមានគម្រោងលំនៅដ្ឋានលំដាប់ខ្ពស់ជាច្រើន រួមគ្នាក្នុងនោះផងដែរ បុរី ប៉េង ហួត ដែលគេស្គាល់ថាជាក្រុមហ៊ុនលេចធ្លោឈានមុខគេមួយ ខាងវិស័យអចលនទ្រព្យ ក្នុងប្រទេសកម្ពុជា ក៏បានអភិវឌ្ឍគម្រោងរបស់ខ្លួន ចំនួនពីរផងដែរ គឺគម្រោង ដឹស្តា ជូមីរ៉ាហ៍ និង ដឹស្តា មុនីរ៉ាហ៍ ដែលជាការរួមចំណែកក្នុងការអភិវឌ្ឍតំបន់ជ្រោយចង្វារ អោយក្លាយជាទីក្រុងរណបមួយនាពេលអនាគត។
លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងពិធីចុះត្រួតពិនិត្យវឌ្ឍនភាពការសាងសង់ផ្លូវជាតិលេខ៣ នៅថ្ងៃទី ២១ ខែឧសភា ឆ្នាំ ២០២០នេះ ឱ្យដឹងថា ផ្លូវជាតិលេខ ៣ ដែលកំពុងសាងសង់នេះ សាងសង់ជា ៤គន្លង ពោលទៅ ២ មក២ ដែលធ្វើឱ្យការបើកបរមានល្បឿនលឿន ដែលងាយនឹងបង្កគ្រោះថ្នាក់ជាយថាហេតុផ្សេងៗដល់ប្រជាពលរដ្ឋ។
លោកបន្ថែមថា “ ចំណែកមូតូ ឬ ឡានដែលមានការជិះចូលផ្សារយើងអនុញ្ញាតឱ្យគាត់ជិះវាង ប្រមាណ ១៥០ ម៉ែត្រ សងខាង ទើបអាចឆ្លងបាន។ ជាមួយគ្នានេះ យើងក៏ដាក់កាមេរាសុវត្ថិភាពផងដែរ ដើម្បីចាប់ល្បឿននៅក្នុងតំបន់ទីប្រជុំជន ដូចតំបន់ផ្សារត្រាំខ្នារនេះ កុំឱ្យមានការបើកល្បឿនហួសកំណត់”។
