ដោយៈ រ៉ាណេត
ពោធិ៍សាត់ៈ រដ្ឋបាលខេត្តពោធិ៍សាត់ តាមរយៈមន្ទីរទេសចរណ៍ខេត្ត បានបង្កើត និងរៀបចំគម្រោង ពង្រីកសក្ដានុពលទេសចរណ៍នៅទូទាំងខេត្ត ជាពិសេសនៅតំបន់ធម្មជាតិវិថីបុប្ផាលាក់ខ្លួន ដែលកំពុងមានភាពទាក់ទាញ។
ប្រធានមន្ទីរទេសចរណ៍ ខេត្តពោធិ៍សាត់ លោក សំ ឃីម បានមានប្រសាសន៍នៅក្នុងសន្និសីទសារព័ត៌មានស្ដីពីវឌ្ឍនភាព និងទិសដៅការងារបន្តរបស់រដ្ឋបាលខេត្ត នៅទីស្ដីការគណៈរដ្ឋមន្ត្រី នាព្រឹកថ្ងៃទី២១ ខែឧសភា ឆ្នាំ២០២០កន្លងមកថា មន្ទីរទេសចរណ៍ខេត្ត បានរៀបចំគម្រោងអភិវឌ្ឍន៍ តំបន់រមណីយដ្ឋានទេសចរណ៍ធម្មជាតិ និងកែច្នៃជាច្រើនកន្លែង នៅជុំវិញវិថីបុប្ផាលាក់ខ្លួន ដើម្បីបង្កើនភាពទាក់ទាញដល់ទេសចរជាតិ និងអន្តរជាតិ ឱ្យមកទស្សនាកម្សាន្ត។
លោកបានបញ្ជាក់ថា “បន្ទាប់បានដាក់ដំណើរការផ្លូវមួយខ្សែនេះ យើងក៏បានសិក្សាទីតាំងជុំវិញ ដើម្បីរៀបចំនិងកែច្នៃ ដែលធ្វើយ៉ាងណាឱ្យមានភាពទាក់ទាញ។ លោកបន្តថា “យើងមានសម្បទាជាច្រើននៅជុំវិញនេះ ដូចជាភ្នំទំព័រ ដែលបានដំណើរការហើយនៅស្រុកវាលវែង ហើយភ្នំទំព័រនេះក៏បានចែកចេញជាពីរផងដែរ គឺតំបន់ទេសចរណ៍ផ្សងព្រេង និងទេសចរណ៍កម្សាន្ត ហើយអីឡូវយើងកំពុងតែសិក្សាអូនសោមបន្ថែមទៀត” ។
អូសោមនេះ មានស្ថានភាពល្អណាស់ នៅពេលដែលផ្លូវជាតិលេខ១០ដំណើរការហើយ លោកជឿថាភ្ញៀវទេសចរមានអារម្មណ៍ថា បែ្លកមួយទៀតជាមួយនឹងស្ពានដែលខ្ពស់ជាងគេនៅព្រះរាជាណាចក្រកម្ពុជា។
ក្រៅអំពីការទស្សនាវិថីបុប្ផាលាក់ខ្លួន អ្នកទេសចរអាចចូលទៅទស្សនាតំបន់ធម្មជាតិតំបន់ទឹកធ្លាក់ ដែលមានដូចជាតំបន់ទស្សនាភ្នំ១៥០០ តំបន់ទស្សនាធនធានធម្មជាតិក្រពើ២ ទស្សនាភ្នំទំព័រ ទស្សនាតំបន់ព្រៃ ដែលជាតំបន់អភិរក្សធនធានធម្មជាតិ និងសត្វព្រៃនៃខេត្តពោធិ៍សាត់ ក៏ដូចជាទស្សនានូវជីវភាពរស់នៅប្រចាំថ្ងៃ និងការបង្កើតមុខរបបរបស់ប្រជាជនតាមដងវិថីបុប្ផាលាក់ខ្លួនផងដែរ៕
លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងពិធីចុះពិនិត្យគុណភាព នៃការសាងសង់ពង្រីកកំណាត់ផ្លូវជាតិលេខ៣ ចាប់់ពីចោមចៅ ទៅកាន់ក្រុងកំពត នៅថ្ងៃទី២១ ខែឧសភា ឆ្នាំ២០២០ នេះបញ្ជាក់ថា តាមគម្រោងពង្រីក និងលើកកម្រិតផ្លូវជាតិលេខ៣នេះ ត្រូវបញ្ចប់នៅឆ្នាំ២០២២ ប៉ុន្តែដោយសារវឌ្ឍនភាព នៃការសាងសង់បានដំណើរការដោយភាពរលូន ហើយការសាងសង់អាចនឹង ត្រូវបញ្ចប់នៅចុងឆ្នាំ២០២១។
គម្រោងពង្រីកនិងលើកកម្រិតផ្លូវជាតិលេខ៣ ពីភ្នំពេញទៅក្រុងកំពត ដែលមានប្រវែង សរុប១៣៤,៨២៦ គីឡូម៉ែត្រនេះ ត្រូវបានចែកជាពីរដំណាក់កាល៖ ដំណាក់កាលទី១ពីចោមចៅ(ភ្នំពេញ) ទៅបាយគូសប្រវែង៦៩,៩០ គីឡូម៉ែត្រ ត្រូវពង្រីកទទឹងតួផ្លូវរហូតដល់ ២៤,៥ម៉ែត្រ ជាប្រភេទផ្លូវបេតុង កៅស៊ូ(AC) កម្រាស់៩សង់ទីម៉ែត្រ ចែកចេញជា៤គន្លង (២គន្លងទៅ២គន្លងមក)។ ដំណាក់កាលទី២ ពីបែកគូសទៅក្រុងកំពតប្រវែង៦៤,៩២៦គីឡូម៉ែត្រ ជាប្រភេទផ្លូវACកម្រាស់៧សង់ទីម៉ែត្រ ត្រូវពង្រីកទទឹងតួផ្លូវរហូតដល់១២ ម៉ែត្រចែកជា២គន្លង។
ជាមួយនឹងគម្រោងនៃការសាងសង់សារមន្ទីរថាមពលកើតឡើងវិញ និងឧទ្យានជាតិ សម្ដេច ហ៊ុន សែន កំពត ទាំង២ខាងលើនេះ នៅព្រឹកថ្ងៃទី២១ ខែឧសភា ឆ្នាំ២០២០ មន្ត្រីជំនាញដែលពាក់ព័ន្ធទៅនឹងការអនុវត្តគម្រោងបានបើកកិច្ចប្រជុំពិភាក្សាលម្អិតទៅលើការដោះស្រាយផលប៉ះពាល់នានាទាំងនៅក្នុង និងក្រៅគម្រោងផងដែរ។
លោកបានបញ្ជាក់ថា ទីតាំងនៃគម្រោង គឺស្ថិតនៅតំបន់សហគមន៍នៃឧទ្យានជាតិព្រះមុនីវង្ស “បូកគោ” លើផ្ទៃដីកោះទំហំ ៨,៦០ហិចតា នៅក្នុងភូមិសាស្ត្រ ភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូខេត្តកំពត។ ទំហំការកសាងនូវហេដ្ឋារចនាសម្ព័ន្ធ មានច្រើនគួរសមដែលបម្រើឱ្យការសិក្សាស្រាវជ្រាវបទពិសោធន៍ និងចង់ដឹងពីបច្ចេកវិទ្យាវិស័យវារីអគ្គិសនីនៅកម្ពុជា ក៏ដូចជាបំរើឱ្យវិស័យទេចរណ៍ក្នុងតំបន់នៃខេត្តកំពតនេះផងដែរ។
ក្នុងចំណោមថវិកានោះ មានថវិកាចំនួន៥លានដុល្លារអាមេរិក សម្រាប់ការស្តារសម្បទាសេដ្ឋកិច្ចកម្ពុជាឡើងវិញ បន្ទាប់ពីរងផលប៉ះពាល់ដោយសារជំងឺកូវីដ-១៩ និងថវិកាចំនួន ២,៥ លានដុល្លារអាមេរិកទៀត ជាហិរញ្ញប្បទានបន្ថែមសម្រាប់ការឆ្លើយតបនឹងការការពារសុខមាលភាពប្រឆាំងនឹងជំងឺកូវីដ-១៩ នៅកម្ពុជា។
លោកPatrick Murphy ឯកអគ្គរដ្ឋទូតសហរដ្ឋអាមេរិកប្រចាំកម្ពុជាបានឱ្យដឹងថា ការប្រើប្រាស់ហិរញ្ញប្បទានឥតសំណងនេះ ក្នុងរយៈពេលខ្លីនឹងត្រូវប្រើប្រាស់ ក្នុងការជួយលើកកម្ពស់ជីវភាព រស់នៅប្រចាំថ្ងៃរបស់ប្រជាពលរដ្ឋកម្ពុជា ដែលរងប៉ះពាល់ខ្លាំងពីជំងឺរាតត្បាតនេះ ហើយដោយឡែក ក្នុងរយៈពេលមធ្យមនឹងជួយរៀបចំ កម្មវិធីបណ្តុះបណ្តាលជំនាញការងារឡើងវិញ ដល់ប្រជាពលរដ្ឋរងគ្រោះក្នុងវិស័យឯកជន។
លោកទេសរដ្ឋមន្ត្រី ស៊ុន ចាន់ថុល នៅក្នុងការចុះត្រួតពិនិត្យវឌ្ឍនភាពការសាងសង់ផ្លូវជាតិលេខ៣ (រង្វង់មូលចោមចៅ-ខេត្តកំពត កំពត-វាលរិញនាថ្ងៃទី ២១ ខែឧសភា ឆ្នាំ ២០២០នេះថា ខណៈពេលនេះក្រសួងបានឱ្យក្រុមហ៊ុនសិក្សា គម្រោងសាងសង់ផ្លូវថ្មីពីកំពត ទៅវាលរេញ ពង្រីកជា៤គន្លង។
