ដោយវុត្ថា

ខេត្តព្រះសីហនុ៖ ក្រុមហ៊ុន យូណាយ អ៊ិនធើណេសិនណល (ខេមបូឌា) ហ្វរេន អ៊ិនវេសមេន គ្រុប ខមភេនី លីមីធីត និង ក្រុមហ៊ុន យិៈចៀ ធួរីហ្សឹម ឌីវេឡុបមេន ខមភេនី ដែលជាក្រុមហ៊ុន បានប្តេជ្ញា អភិវឌ្ឍន៍“ឆ្នេរមាសឆ្នេរប្រាក់” ឱ្យក្លាយជាឋានសួគ៌ វិស្សមកាលទេសចរណ៍អន្តរជាតិ និងទាក់ទាញមួយនៅក្នុងតំបន់អស៊ី ទោះកម្ពុជាស្ថិតក្នុងកាលៈទេសៈលំបាកយ៉ាងក្តី។

លោក FU XIANTING ប្រធានក្រុមប្រឹក្សាភិបាលក្រុមហ៊ុននេះ នៅក្នុងពិធី បរិច្ចាគម៉ាស់ ជូនខេត្តព្រះសីហនុកាលពីថ្ងៃទី ៨ ខែមេសា ឆ្នាំ ២០២០ ឱ្យដឹងថា ទោះបីថ្ងៃក្រោយ ជួបទុក្ខលំបាកអ្វីក៏ដោយ ក្រុមហ៊ុននៅតែបន្ត វិនិយោគតំបន់ឆ្នេរមាសឆ្នេរប្រាក់ ដើម្បីធ្វើឱ្យទីក្រុងថ្មី ព្រះសីហនុ-“ឆ្នេរមាសឆ្នេរប្រាក់” ក្លាយជាឋានសួគ៌ វិស្សមកាលទេសចរណ៍អន្តរជាតិ ដ៏ល្បីល្បាញនៅអាស៊ីអាគ្នេយ៍ និងទទួលស្វាគមន៍ភ្ញៀវ គ្រប់ជាតិសាសន៍ ក្រោយពីការយកឈ្នះ លើវីរុសកូវីដ-១៩នេះ។

លោកបន្តថា ទីក្រុងថ្មីព្រះសីហនុ-“ឆ្នេរមាសឆ្នេរប្រាក់” បានបញ្ចប់ការរៀបចំបែបបទ ទៅតាមនីតិវិធីច្បាប់ និងបានបញ្ចប់ការសាងសង់ ហេដ្ឋារចនាសម្ព័ន្ធ ដូចជា ទឹក អគ្គិសនី ផ្លូវ ប្រព័ន្ធទំនាក់ទំនង។ល។ ដែល សមស្របតាមលក្ខខណ្ ឌអភិវឌ្ឍន៍ខ្នាតធំ ហើយវីឡា និងសណ្ឋាគារមួយចំនួន ក៏បានចាប់ផ្តើមអាជីវកម្មផងដែរ។

លោកបន្ថែមថា លើសពីនេះ ក្រុមហ៊ុនបានបញ្ចប់ផ្លូវទេសចរណ៍មួយខ្សែ ដែលកំណត់យកសង្រ្គាម និងស្នេហារវាង“ព្រះរាជបុត្ រហ៊ុនទៀន និងរាម”ជាគោល ហើយផ្លូវទេសចរណ៍នេះទទួលបាន ការពេញចិត្តពីភ្ញៀវទេសចរជាតិ និងអន្តរជាតិ។

បច្ចុប្បន្ននេះ ក្រុមហ៊ុនកំពុងខិតខំវិនិយោគលើហេដ្ឋារចនាសម្ព័ន្ធនៃកំពង់ផែ រោងចក្រទឹកស្អាត និងអនុស្ថានីយអគ្គិសនី។ល។ ទន្ទឹមនឹងនេះ ក្រុមហ៊ុនកំពុងរៀបចំការងារសាងសង់មជ្ឈមណ្ឌលសន្និសីទអន្តរជាតិ សណ្ឋាគារសន្និសីទអន្តរជាតិ ទីលានវាយកូនហ្គោល មន្ទីរពេទ្យអន្តរជាតិ សាលារៀន និងអគារជាច្រើនទៀត ដែលទាំងអស់នេះអាចបំពេញលក្ខខណ្ឌទីផ្សារវិនិយោគបាន។

លោក FU XIANTING បញ្ជាក់ថា ទោះបីវីរុសកូវីដ-១៩បានដាក់កម្រិត លើការដឹកជញ្ជូន សម្ភារៈនិងការអភិវឌ្ឍន៍ នៅឆ្នេរមាសឆ្នេរប្រាក់ ក៏ដោយថ្នាក់ដឹកនាំក្រុមហ៊ុននេះ ជឿជាក់ថា វាគ្រាន់តែជាការលំបាកបណ្តោះអាសន្នប៉ុណ្ណោះ ព្រោះពិភពលោក ក្នុងវាសនាតែមួយ”នេះ នឹងរួមសាមគ្គីគ្នា ព្រមទាំងយកឈ្នះវីរុសកូវីដ-១៩នេះ ដោយភាពវៃឆ្លាត របស់ប្រជាជនក្នុងសកលលោក៕

ដោយវុត្ថា

ភ្នំពេញ៖ រដ្ឋសភានៃប្រទេសកម្ពុជា នឹងលើកយកសេចក្តីព្រាងច្បាប់ស្តីពីការគ្រប់គ្រងប្រទេសជាតិក្នុងភាពអាសន្ន មកពិភាក្សា និងអនុម័ត នាព្រឹកថ្ងៃទី១០ មេសា ឆ្នាំ ២០២០ស្អែកនេះ ។ នេះ បើយោងាមកិច្ចប្រជុំគណៈកម្មាធិការអចិន្ត្រៃយ៍រដ្ឋសភានៅថ្ងៃទី៩ ខែមេសា ឆ្នាំ២០២០ ក្រោមអធិបតីភាពសម្ដេចអគ្គមហាពញាចក្រី ហេង សំរិន ប្រធានរដ្ឋសភា។

សម្តេចតេជោ ហ៊ុន សែន នាយកដ្ឋមន្ត្រីនៃកម្ពុជានៅក្នុងសន្និសីទសារព័ត៌មាននៅថ្ងៃទី៧ ខែ មេសា ឆ្នាំ ២០២០ នេះឱ្យដឹងថាបានប្រកាសថា កម្ពុជាមានលទ្ធភាពក្នុងកការដាក់ប្រទេស ស្ថិតនៅក្នុងគ្រាអាសន្នត្រឹមតែ០.១%ប៉ុណ្ណោះ ដែលបង្ករឡើង ដោយសារការរីករាលជំងឺCovid-19 ខណៈកម្ពុជាកំពន្លឿនការអនុម័តច្បាប់នេះ។

សម្តេចតេជោសម្តេចបន្តថា ការប្រកាសដាក់ប្រទេសនៅក្នុងគ្រាអាសន្ន នៅពេលដែលគ្រប់គ្រងលែងបាន នូវការរីករាលដាលនៃCovid-19 និងការអំពាវនាវរបស់រដ្ឋាភិបាលលែងបាន។សម្តេចតេជោថ្លែងថា “ទាក់ទិននឹងការប្រកាសអាសន្ន តើស្ថានភាពបែបណាដែលប្រកាស? សម្តេចគិតថាស្ថានភាពកូវីដនេះ ប្រហែលជាមិនអាច។ លទ្ធភាពដាក់ប្រទេសក្នុងគ្រាអាសន្នមានត្រឹមតែ០.១% ប៉ុណ្ណោះ ជាលទ្ធភាពនៃការប្រកាសអាសន្នដោយCovid-19 ដាក់ប្រទេសក្នុងគ្រាមានអាសន្ន”។

សម្តេចតេជោបន្តថា “អញ្ចឹងលទ្ធភាពវាតិចណាស់ ប៉ុន្តែទោះបីជាតិចយ៉ាងណាក៏ដោយ ក៏ត្រូវមានឧបករណ៍ច្បាប់ក្នុងដៃ ក្រែងលោ0.១% វាលេចឡើង។ បើលេចឡើង យើងត្រូវតែដាក់វានៅក្នុងស្ថានភាពមានអាសន្ន ព្រោះការអំពាវនាវមិនអាចធ្វើទៅរួច។ជម្រើសដែលនៅសេសសល់ គឺប្រកាសច្បាប់គ្រាមានអាសន្ន ដើម្បីយើងគ្រប់គ្រងសភាពការណ៍ក្នុងរយៈពេលណាមួយ”។

សេចក្តីព្រាងច្បាប់ស្តីពី ការគ្រប់គ្រងប្រទេសជាតិស្ថិតក្នុងភាពអាសន្ន មាន៥ជំពូក និង១១មាត្រា ដែលរៀបចំដោយរាជរដ្ឋាភិបាលកម្ពុជា ត្រូវបានបញ្ជូនទៅដល់រដ្ឋសភា នៅល្ងាចថ្ងៃទី៣ ខែមេសា ឆ្នាំ២០២០។

សេចក្តីព្រាងច្បាប់នេះ នឹងផ្តល់ជាមូលដ្ឋានគតិយុត្តិ ដើម្បីធានាដល់ការអនុវត្តមាត្រា២២ថ្មី នៃរដ្ឋធម្មនុញ្ញ និងជាមូលដ្ឋានគតិយុត្ត កំណត់សិទ្ធិអំណាចរបស់រាជរដ្ឋាភិបាល ក្នុងការដាក់ចេញនូវវិធានការចាំបាច់ដែលមិនអាចខ្វះបាន ដើម្បីឆ្លើយតបទៅនឹងស្ថានភាពរបស់ប្រទេសក្នុងភាពអាសន្ន សំដៅការពារសន្តិសុខសណ្តាប់ធ្នាប់សាធារណៈ ការពារអាយុជីវិត និងសុខភាពរបស់ប្រជាពលរដ្ឋ ព្រមទាំងការពាំរទ្រព្យសម្បត្តិ និងបរិស្ថាន

សម្តេចតេជោបញ្ជាក់ថា សេចក្តីព្រាងច្បាប់ស្តីពី ការគ្រង់គ្រងប្រទេសជាតិ ស្ថិតក្នុងភាពអាសន្នអាចនឹងត្រូវព្រឹទ្ធសភា អនុម័តក្រោយចូលឆ្នាំខ្មែរ ៕

ដោយវុត្ថា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានផ្ញើរសារជូនប្រជាពលរដ្ឋនៅក្នុងឱកាសប្រារព្ធពិធី បុណ្យចូលឆ្នាំថ្មី ប្រពៃណីជាតិ ឈានចូលមកដល់ នាពេលខាងមុខន ដើម្បីបង្ហាញ ពីសមិទ្ធផលទាំង ឡាយ ដែលរាជរដ្ឋាភិបាល ខិតខំសម្រេចបាននៅក្នុងឆ្នាំ និងបង្ហាញ ពីការប្តេជ្ញាចិត្តដទៃទៀតសម្រាប់ អភិវឌ្ឍន៍ប្រទេសជាតិ និងលើកម្ពុជាជីវភាព របស់ប្រជាពលរដ្ឋ នៅក្នុងឆ្នាំថ្មី។

នៅក្នុងឆ្នាំ ២០២០នេះ បើទោះបី រាជរដ្ឋាភិបាល មិនអនុញ្ញាឱ្យមានការឈប់សម្រាកថ្ងៃបុណ្យចូលឆ្នាំថ្មីប្រពៃណីជាតិយ៉ាងណាក្តី តែសម្តេចតេជោ ហ៊ុន សែន នៅតែបន្តចេញសារជូនប្រជាពលរដ្ឋខ្មែរ បង្ហាញនូវរាល់សមិទ្ធផលទាំងឡាយដែលរាជរដ្ឋាភិបាលសម្រេចបាននៅក្នុងឆ្នាំ២០១៩ និងបង្ហាញពីការងារជាច្រើនទៀត ដែលរាជរដ្ឋាភិបាលត្រូវយកចិត្តទុកដាក់ដើម្បីជំរុញការអភិវឌ្ឍប្រទេសជាតិ និងជំរុញលើកកម្ពស់ជីវភាពរបស់ប្រជាពលរដ្ឋឱ្យកាន់តែប្រសើរ។

សម្តេចតេជោ តាមរយៈ សារលិខិត ផ្ញើជូនប្រជាពលរដ្ឋខ្មែរក្នុងឱកាសបុណ្យចូលឆ្នាំថ្មីនេះ ដែលត្រូវបានផ្សព្វផ្សាយនាព្រឹកថ្ងៃទី០៩ ខែមេសា ឆ្នាំ២០២០នេះ បានរៀបរាប់ថា ឈរលើមូលដ្ឋានដែលប្រទេសជាតិមានសុខសន្តិភាព ស្ថិរភាពនិយោបាយ និងសន្តិភាពពេញលេញ នេះ ក្នុងឆ្នាំ ២០១៩ កន្លងទៅនេះ តាមការប៉ាន់ស្មាន សេដ្ឋកិច្ចកម្ពុជា សម្រចបានកំណើនខ្ពស់ប្រមាណ ៧,១%។

កំណើនដ៏រឹងមាំងនេះ ត្រូវបានឆ្លុះបញ្ចាំងតាមរយៈការរីកចំរើននៃវិស័យឧស្សាហកម្ម កម្មន្តសាលសំណង់ កសិកម្ម និងសេវាកម្ម ដូចជា ទេសេចរណ៍ និងអចលនទ្រព្យជាដើ។ គួរកត់សម្គាល់ថា កម្ពុជាកម្ពុជាកំពុងតែផ្លាស់ប្តូររចនាសម្ព័ន្ធសេដ្ឋកិច្ចពីប្រទេសដែលពឹងផ្អែកលើវិស័យកសិកម្ម ទៅជាប្រទេសដែលពឹងផ្អែកលើវិស័យឧស្សាហកម្ម និងសេវាកម្ម។

កម្ពុជាបានអនុវត្តគោលនយោបាយម៉ាក្រូសេដ្ឋកិច្ចប្រកបដោយភាពប្រុងប្រយ័ត្ន និងធ្វើឱ្យសេដ្ឋកិច្ចមានស្ថិរភាព ហើយបានជំរុញនិងលើកកម្ពស់ការធ្វើពិពិធកម្មសេដ្ឋកិច្ច ភាពប្រកួតប្រជែង ព្រមទាំងការផលិតនិងការប្រើប្រាស់ក្នុងស្រុក ។ ទំហំពាណិជ្ជកម្មអន្តរជាតិមានប្រមាណជាង ៣៤ ៥៩៦ លានដុល្លារអាមេរិក ចំណែកឯការនាំចេញមាន ប្រមាណ ជាំង ១៤ ៩១ ៥ លានដុល្លារអាមេរិក ។

អត្រាប្តូរប្រាក់មានស្ថិរភាព អត្រាអតិផរណាស្ថិតក្នុងកម្រិត ទាប និងអាចគ្រប់គ្រងបាន ទុនបម្រុងអន្តរជាតិ បានកើនឡើងជារៀងរាល់ឆ្នាំ អាស្រ័យដោយវិនិយោគផ្ទាល់ពីបរទេសមានកំណើនល្អ និងតុល្យភាពជញ្ជីងទូទាត់ ក៏មានភាពកាន់តែប្រសើរឡើងដែរ។

រាជរដ្ឋាភិបាលកម្ពុជា បានប្រកាសពីការប្តេជ្ញាចិត្តយ៉ាងមុតមាំក្នុងការកែទម្រង់ឱ្យកាន់តែស៊ីជម្រៅ និងលើកទឹកចិត្តដល់អ្នកវិនិយោគឱ្យមកបោះទុននៅកម្ពុជាកាន់តែច្រើន ខណៈដែលកម្ពុជាបានរៀបចំការម្របសម្រួលពាណិជ្ជកម្ម ពង្រឹងភាពប្រកួតប្រជែងជូនេះវិនិយោគិននៅកម្ពុជា ក្រោមដំបូលសន្តិភាព លទ្ធិប្រជាធិប្បតេយ្យសេរិពហុបក្ស ដោយមិនមានការរើសអើង៕

ដោយ ៖ រ៉ាណេត

ភ្នំពេញ ៖ បន្ថែពីលើការដាក់ចេញនូវវិធានការនានាជាច្រើនកាលពីពេលកន្លងទៅនោះ រដ្ឋាភិបាលកម្ពុជា បានសម្រេចចេញសេចក្ដីជូនដំណឹងថ្មីមួយទៀតដែលបញ្ជាក់បន្ថែមទៅលើគោលការណ៍នៃការជួយសម្របសម្រួលដល់វិស័យឯកជន ក៏ដូចជាដោះស្រាយផលលំបាករបស់កម្មកររោងចក្រ និងនយោជិតបម្រើការងារនៅក្នុងវិស័យផ្សេងទៀត។

តាមរយៈសេចក្ដីប្រកាសរបស់រដ្ឋាភិបាលដែលបានផ្សព្វផ្សាយជាសាធារណៈកាលពីល្ងាចថ្ងៃទី៨ ខែមេសា ឆ្នាំ២០២០ បានលើកឡើងថា ការរីករាលដាលនៃជំងឺកូវីដ១៩ នៅលើពិភពលោកកំពុងបន្ដបង្កើនផលប៉ះពាល់វិជ្ជមាន មកលើសេដ្ឋកិច្ច និងសង្គមកម្ពុជា ដែលក្នុងនោះរដ្ឋាភិបាល បាន និងកំពុងខិតខំប្រយុទ្ធប្រឆាំង និងទប់ស្កាល់ការរីករាដាលនៃវិបត្តិជំងែឆ្លង រួមជាមួយនឹងការព្យាយាមដោះស្រាយបញ្ហានានាដែលកំពុងប្រឈម ជាពិសេសជួយដល់វិស័យឯកជន និងកម្មករ និយោជិត ដែលទទួលរងផលប៉ះពាល់ធ្ងន់ធ្ងរ។

នៅក្នុងសេចក្ដីប្រកាសដដែលនេះ រដ្ឋាភិបាលបានលើកឡើងថា វិស័យកាត់ដេរដែលពីមុន រងផលប៉ះពាល់ខ្វះវត្ថុធាតុដើម ដើម្បីផលិត ឥឡូវនេះបានជួបបញ្ហាប្រឈមថ្មីទៀត ដែលមានលក្ខណៈធ្ងន់ធ្ងរជាងមុន គឺភាពមិនមានតម្រូវការទំនិញ ពីទីផ្សារធំៗដែលជំងឺកូវីដ១៩ កំពុងតែបន្ដរាលត្បាតពិសេសនៅអឺរ៉ុប និងអាមេរិក។ ទន្ទឹមនឹងនេះវិស័យទេសចរណ៍ ក៏រងផលប៉ះពាល់កាន់តែខ្លាំងឡើង ដោយសារតែការភ័យខ្លាច ទូទៅរបស់ប្រជាពលរដ្ឋ និងការដាក់ចេញនូវវិធានការបន្ថែម របស់រដ្ឋាភិបាលនៃប្រទេសនានា ដែលរឹតត្បិតដល់ការធ្វើដំណើរ។

ឆ្លើយតបនឹងសភាពការណ៍ខាងលើនេះ រាជរដ្ឋាភិបាលកម្ពុជាសម្រេចដាក់ចេញនូវវិធានការអន្ដរាគមន៍បន្ថែមជុំទី៣ ដើម្បីរួមចំណែកជួយដល់រោងចក្រ សហគ្រាស និងអាជីវកម្មក៏ដូចជា ការជួយសម្រួលដល់ជីវភាពរស់នៅរបស់បងប្អូនកម្មករ និយោជិត ដោយបានដាក់ចេញនូវ វិធានការចំនួន ៩ចំណុច បន្ថែមទៀត ។
សេចក្ដីលម្អិត មានបញ្ជា់នៅក្នុងសេចក្ដីប្រកាសព័ត៌មានដូចខាងក្រោម ៖