ដោយ ហ្សូលី
ភ្នំពេញ៖ ក្រុមហ៊ុនជំនាញអចលនទ្រព្យCBRE បានឱ្យដឹងថា អ្នកវិនិយោគអចលនទ្រព្យនៅតំបន់អាស៊ីប៉ាស៊ីហ្វិកនៅតែបន្តការវិនិយោគ និងកាន់តែមានសកម្មភាពច្រើននៅក្នុងឆ្នាំ ២០២០នេះ។
បើតាមការស្ទង់មតិនៅឆ្នាំ ២០២០នេះបង្ហាញថា អ្នកវិនិយោគទិញលក់អចលនទ្រព្យនានានៅបន្តចរន្តទិញលក់ដដែល បើទោះបីជាមានការរំខាន ដោយសារមេរោគក៏ដោយ។ កាវបណ្តាក់ទុនវិនិយោគលើវិស័យនេះ មានស្ថេរភាពល្អប្រសើរប្រមាណជា៧៥ ភាគរយឯណោះ ដូចគ្នាទៅនឹងឆ្នាំ២០១៩។
ក្រុមហ៊ុនCBRE បង្ហាញសញ្ញាវិជ្ជមានថា ការទម្លាក់ការប្រាក់ ស្របតាមសេដ្ឋកិច្ចនៅតាមតំបន់និមួយៗ ដើម្បីគាំទ្រតម្លៃអចលនវត្ថុ ចំពេលសក្តានុពលទីផ្សារ និងសេដ្ឋកិច្ចត្រូវបានគេប៉ាន់ប្រមាណថា នឹងមាននិរន្តភាពនៅក្នុងពេលឆាប់ៗខាងមុខនេះ។
លោក Henry Chin ប្រធានស្រាវជ្រាវនៅ APAC / EMEA នៅ CBRE បានមានប្រសាសន៍ថា “ប្រាក់ចំណូលមានស្ថេរភាព និងទិន្នផលខ្ពស់ដែលផ្តល់ដោយអចលនទ្រព្យពាណិជ្ជកម្ម ដែលទាក់ទងទៅនឹងទ្រព្យផ្សេងទៀត បានក្លាយជាអ្នកគាំទ្រដ៏សំខាន់នៅពីក្រោយការវិនិយោគអចលនទ្រព្យ”។
នៅកន្លែងផ្សេងទៀតដូចជាទីក្រុងប៉េកាំង បានដាក់ទីក្រុងសៀងហៃ ជាទិសដៅវិនិយោគដែលពេញនិយមតបំផុត នៅក្នុងប្រទេសចិនជាលើកដំបូង ដែលគាំទ្រដោយតម្រូវការនិងមូលដ្ឋានផ្គត់ផ្គង់ ដែលមានសុខភាពល្អ មានទីតាំងវិមជ្ឈការនៅលើរ៉ាដារបស់វិនិយោគិន។
លោកGreg Hyland ប្រធានទីផ្សារមូលធនCBRE បាននិយាយថា ការឆ្លើយតបដែលទទួលបានបន្ទាប់ពីការផ្ទុះឡើង នៃមេរោគឃើញថា មានអ្នកវិនិយោគកាន់តែច្រើន។ បរិយាកាសអត្រាការប្រាក់ទាបនេះ នឹងធានាបាននូវទិន្នផលអចលនទ្រព្យ រីករាលដាល បើធៀបនឹងថ្លៃដើម នៃហិរញ្ញប្បទាននៅតែមានភាពទាក់ទាញ។
វិនិយោគិនផ្តោតលើការទទួលបានប្រាក់ចំណេញខ្ពស់ នឹងបន្តអនុវត្តយុទ្ធសាស្រ្តបន្ថែមតម្លៃ ខណៈពេលដែលវិនិយោគិនតិចជាងមុន។ មួយវិញទៀត ត្រូវបន្តកិច្ចព្រមព្រៀង ដែលមានកាលានុវត្តភាពដោយសារតែហានិភ័យខ្ពស់។
ទោះយ៉ាងណាទស្សនវិស័យរយៈពេលវែង ត្រូវបានគេរំពឹងថានឹងមានភាពល្អប្រសើរដោយការស្ទុះងើបឡើងវិញ នៅអាស៊ីប៉ាស៊ីហ្វិកមានច្រើនជាង សេដ្ឋកិច្ចតំបន់ផ្សេងទៀត៕
លោកង៉ែត ជូអ្នកជំនាញអចលនទ្រព្យ និងជាទីប្រឹក្សាជាន់ខ្ពស់ផ្នែកសេដ្ឋកិច្ចនិងអភិវឌ្ឍន៍នៃក្រុមហ៊ុនEmerging Market Consultingបានសរសេរលើបណ្តាញទំនាក់ទំនងសង្គមរបស់ខ្លួនថា មានវិធីសាស្រ្ត៤យ៉ាង ដើម្បីអាចជួយអោយអ្នកឆ្លងផុតពីវិបត្តិនេះ និងអាចចាប់យកឱកាសបានទៀតផងដូចជា ទី១ ច្នៃអចលនទ្រព្យអោយមានលំហូរសាច់ប្រាក់: មានវិធីសាស្រ្ត២យ៉ាង ដែលអ្នកអាចច្នៃអចលនទ្រព្យ ឲ្យទទួលបានលំហូរសាច់ប្រាក់។
