ដោយ ប៊ី

ភ្នំពេញៈ ថ្នាក់ដឹកនាំស្ថាប័នអន្តរជាតិជាច្រើន និងក្រុមអ្នកធ្វើដំណើរលើនាវា MS Westerdam ដែលសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាអនុញ្ញាតឱ្យចូលចតនៅកំពង់ផែព្រះសីហនុ បានថ្លែងអំណរគុណដល់កម្ពុជាសម្រាប់ចូលចតនេះ បន្ទាប់ពីប្រ​ទេស និងកោះចំនួន៦បានបដិសេធមិនឲ្យចូលចត ក្រោមហេតុផលបារម្ភពីCOVID-19។

ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក W. Patrick Murphy កាលពីថ្ងៃទី១៣ កុម្ភៈកន្លងមកនេះ បានផ្ញើសារជាវីដេអូដល់បងប្អូនប្រជាពលរដ្ឋអាមេរិក ដែលធ្វើដំណើរតាមនាវា Westerdam ចូលសំចតនៅក្រុងព្រះសីហនុបានថ្លែងថា ទូតរបស់អ្នកនៅទីនេះ ចាំទទួលស្វាគមន៍អ្នកដែលមកដល់កម្ពុជា។ អ្នកបានឆ្លងកាត់ច្រើនណាស់រយៈពេលច្រើនថ្ងៃកន្លងមកនេះ ហើយសង្ឈមថា អ្នកនឹងត្រឡប់ទៅផ្ទះវិញក្នុងពេលឆាប់ៗនេះ។

លោកបានថ្លែងថា “យើងធ្វើការយ៉ាងជិតសិទ្ធិជាមួយក្រុមហ៊ុន Holland America និងរដ្ឋាភិបាលកម្ពុជា ដើម្បីសម្រួលដល់ការចុះចតនៅទីក្រុងព្រះសីហនុ។ យើងសូមថ្លែងអំណរគុណដល់កម្ពុជា ដែលមានឆន្ទៈក្នុងការផ្តល់ជំនួយដល់នាវា Westerdam”។

លោកបានបន្តថា “សុវត្តិភាពរបស់ប្រជាជនអាមេរិក នៅក្រៅប្រទេសគឺអទិភាពខ្លាំងបំផុតរបស់ខ្ញុំ។ ក្រុមការងាររបស់ទូតយើងឥឡូវនេះ មានវត្តមាននៅទីក្រុងព្រះសីហនុតៀមខ្លួនរួចជាស្រេច ជួយអាជ្ញាធរកម្ពុជាជាមួយការចូលចត និងផ្ទេរអ្នកតំណើរអាមេរិកទៅកន្លែងបន្ទាប់”។

លោកបន្ថែមថា “យើងដឹងថាអាជ្ញាធរកម្ពុជា កំពុងធ្វើត្រួតពិនិត្យសុខភាព ដែលទាមទាររយៈពេលមួយចំនួន ហើយវានឹងទាមទារឱ្យមានអត់ធ្មត់ និងកិច្ចសហប្រតិបត្តិការ ប៉ុន្តែយើងកំពុងធ្វើការជាមួយនឹងអាជ្ញាធរ ដើម្បីសម្រេចកិច្ចការនេះធ្វើបានឆាប់តាមដែលធ្វើទៅបាន។ អរគុណច្រើន”។

ប្រតិភូសហភាពអឺរ៉ុបប្រចាំកម្ពុជា ក៏បានផ្ញើរសារអរគុណផងដែរថា ប្រតិភូសហភាពអឺរ៉ុបប្រចាំនៅកម្ពុជា សូមថ្លែងអំណរគុណដល់ អាជ្ញាធរកម្ពុជាដែលបានផ្តល់សិទ្ធិឱ្យ​នាវា Westerdam ចូលចត និងសូមសម្តែងនូវការអាណិតអាសូរ ចំពោះអ្នកដំណើរនិង សមាជិកនាវិកនៃនាវាទាំងអស់ ដោយសង្ឃឹមថាពួកគាត់ នឹងធ្វើមាតុភូមិ និវត្តន៍ប្រកប​ដោយសុវត្ថិភាពនាពេលឆាប់ៗ។

ស្ថានទូតបារាំងប្រចាំនៅកម្ពុជា សូមថ្លែងអំណរគុណដល់អាជ្ញាធរកម្ពុជា ចំពោះជំនួយដ៏មានតម្លៃរបស់ពួកគេ ក្នុងការដោះស្រាយបញ្ហាសម្រាប់អ្នកដំណើរនៃនាវា Westerdam ក្រោមការការពារកុងស៊ុលរបស់ស្ថានទូតបារាំង។

ជាមួយគ្នានេះដែរ លោក Tedros Adhanom Ghebreyesus អគ្គនាយកអង្គការសុខភាពពិភពលោកបានសរសេលើTwitterរបស់ខ្លួន ដោយបានសំដែងការរីករាយ ចំពោះ​លទ្ធផលតេស្តិ៍អវិជ្ជមាន សម្រាប់ជំងឺរលាកសួត COVID-19 លើអ្នកដំណើរ២០នាក់ លើនាវាMS Westerdam ដែលមានអាការៈមិនស្រួល។

សម្រាប់អគ្គនាយកអង្គការសុខភាពពិភពលោករូបនេះ វាជាដំណឹងដ៏ល្អមួយ ហើ​យលោកបានអរគុណម្តងទៀត ចំពោះក្រសួងសុខាភិបាល និងរដ្ឋាភិបាលកម្ពុជាចំពោះសាមគ្គីភាព និងសកម្មភាពមនុស្សធម៌។

លោក Tedros ក៏បានបង្ហាញពីក្តីរំភើបផងដែរ ពេលនាវា Westerdam ដែលផ្ទុកអ្នកដំណើរ២២៥៧នាក់ (បុគ្គលិកនាវា៨០២នាក់) បានសំចតនៅកំពង់ផែព្រះសីហនុ នាល្ងាចថ្ងៃព្រហស្បតិ៍ បន្ទាប់ពីប្រទេស និងកោះចំនួន៦បានបរិសេធ ក្រោមហេតុផលបារម្ភពី COVID-19 ដែលក្នុងនោះរួមមាន ជប៉ុន កូរ៉េ តៃវ៉ាន់ ហ្គាម ហ្វីលីពីន និងថៃ។

ពាក្យពេចន៍ថ្លែងអំណរគុណយ៉ាងព្រោងព្រាត ត្រូវបានក្រុមអ្នកទេសចរនៅលើនាវា Westerdam បានបង្ហោះចេញក្រអៅបេះដូងរបស់ពួកគាត់ និងបានប្រាប់ទៅកាន់ទីភ្នាក់ងារព័ត៌មានបរទេសធំៗ លើកសរសើរយ៉ាងពន់ពេក ចំពោះទឹកចិត្តដ៏មនុស្សធម៌មិនអាចរកបាន របស់សម្ដេចតេជោហ៊ុន សែន នាយករដ្ឋមន្ដ្រីនៃកម្ពុជា ដែលបានសម្រេចអនុញ្ញាតឲ្យកប៉ាល់របស់ពួកគេ ដែលកំពុងតែលតោលនៅលើផ្ទៃសមុទ្របានចូលចត នៅកំពង់ផែខេត្តព្រះសីហនុ កាលពីថ្ងៃទី១៣ ខែកុម្ភៈ ឆ្នាំ២០២០។

ក្រុមទេសចរខ្លះបានប្រើពាក្យ និងចាត់ទុកសម្ដេចតេជោ ហ៊ុន សែន ជា “នាយករដ្ឋមន្ដ្រីម្នាក់ មានបេះដូងដ៏អស្ចារ្យ”។

អ្នកនាងAnna Marie Melone (មកពីអូស្ត្រាលី) ថ្លែងប្រាប់ទីភ្នាក់ងារសារព័ត៌មានអាមេរិកAPបានថ្លែងយ៉ាងដូច្នេះថា “វាពិតជាអស្ចារ្យណាស់ ដែលបានមកដល់ទីនេះ។ សូមអរគុណ លោកនាយករដ្ឋមន្ត្រី។ លោកមានបេះដូងដ៏អស្ចារ្យ។ ខ្ញុំពិតជារំភើបខ្លាំងណាស់ (ពេលមកដល់កម្ពុជា)”។

សម្រាប់អ្នកនាង Christina Kerby បានបង្ហោះសារនៅលើបណ្តាញសង្គម Twitter ថា “យើងកំពុងបង់កជាមួយក្រម៉ាប្រពៃណី ដែលជាអំណោយពីប្រទេសកម្ពុជា។ ខ្ញុំស្រក់ទឹកភ្នែក ព្រោះការបង្ហាញការគាំទ្រនៅពេលនេះ គឺច្រើនលើសលុប”។

ស្របពេលនេះដែរ សារព័ត៌មានអន្តរជាតិជាច្រើនដូច CNN New, York Times, Reuters, BBC, AP, AFP, Kyodo, BBC,និងសារព័ត៌មានអន្តរជាតិជាច្រើនទៀត  ក៏បានចុះផ្សាយពីកម្ពុជា ដែលមានទឹកចិត្តសប្បុរសធម៌ជួយដល់នាវា Westerdam ដែលផ្ទុកអ្នកដំណើរ២២៥៧នាក់។

ចំណែកលោកកឹម សុខាអតីតប្រធានគណបក្សសង្រ្គោះជាតិ ក៏ត្រូវបានលោក មុត ចន្ថា មនុស្សជំនិត លោក កឹម សុខា បាន ស្រង់ សម្តី មេដឹកនាំ ខ្លួន មក សរសេរ លើ ហ្វេ ស ប៊ុ ក ដូច្នេះ ថា “ការអនុញ្ញាត នេះ គឺជា កាយវិការមនុស្សធម៌ និងការចូលរួមរក ដំណោះស្រាយរបស់រាជរដ្ឋាភិបាលកម្ពុជា ចំពោះអ្នកទេសចរ ដែលមកពីបណ្តាប្រទេស ផ្សេងៗ”។

លោកកឹម សុខា បានថ្លែងបែបនេះ ទៅកាន់អ្នកកាសែតបរទេសម្នាក់ ដែលបានសួរ លោក ពាក់ព័ន្ធនឹងការសម្រេចចិត្តរបស់រាជរដ្ឋាភិបាលកម្ពុជា ក្នុងការអនុញ្ញាតឱ្យកប៉ាល់ ដែលដឹកអ្នកទេសចរជាង២,០០០នាក់ ជាប់គាំង នៅលើនាវាអស់ រយៈពេលជាច្រើនថ្ងៃ ចូលចតនៅ ខេត្តព្រះសីហនុនេះ។ នេះ បើតាមលោកមុត ចន្ថា៕

ដោយៈ រ៉ាណេត

ភ្នំពេញៈ ក្រសួងរៀបចំដែនដី នគរូបនីយកម្ម និងសំណង់ គ្រោងនឹងរៀបចំវគ្គផ្សព្វផ្សាយអំពីច្បាប់ស្ដីពីសំណង់ នៅត្រឹមព្រឹកថ្ងៃទី១៨ ខែកុម្ភៈ ឆ្នាំ២០២០ នាដើមសប្ដាហ៍ក្រោយនេះ ដើម្បីពង្រឹងការអនុវត្តច្បាប់សំណង់ឱ្យបានរឹងមាំនៅទូទាំងប្រទេស។

យោងតាមសេចក្ដីប្រកាសរបស់ក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា ក្រសួងនឹងរៀបចំវគ្គផ្សព្វផ្សាយអំពីច្បាប់ ស្ដីពីសំណង់ ដោយមានការចូលរួមពីបណ្តាប្រធានក្រុមហ៊ុន ប្រកបអាជីវកម្មសិក្សាគម្រោង និងសាងសង់ ក្រុមហ៊ុនបច្ចេ​កទេស ក៏ដូចជារូបវ័ន្តបុគ្គលសិក្សាគម្រោងប្លង់។

កម្មវិធីនេះនឹងមានការចូលរួមជាអធិបតី ដ៏ខ្ពង់ខ្ពស់របស់លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែន នគរូបនីយកម្ម និងសំណង់ នៅសណ្ឋាគារ សុខាភ្នំពេញ វេលាម៉ោង៨ព្រឹក។

លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ធ្លាប់បានឱ្យដឹងថា ការបង្កើតឱ្យមានច្បាប់ស្តីពីសំណង់នេះ គឺដើម្បីឆ្លើយតបទៅនឹងវិស័យសំណង់ ដែលមានកំណើនយ៉ាងឆាប់រហ័ស ដូចជា អគារស្នាក់នៅ ផ្សារទំនើប មជ្ឈមណ្ឌលពាណិជ្ជកម្ម អគារការិយាល័យ សណ្ឋាគារ សំណង់ទីក្រុងរណប បុរី ភូមិគ្រឹះ ធនាគារ រោងចក្រ និងគ្រឹះស្ថានសិក្សាជាដើម។

ច្បាប់ស្ដីពីសំណង់ មានគោលបំណង និងសារប្រយោជន៍ ក្នុងការពង្រឹងការគ្រប់​គ្រងគ្រប់ភាគីពាក់ព័ន្ធ និងការប្រតិបត្តិការងារទាំងឡាយ ក្នុងវិស័យសំណង់ ដើម្បីធានាសន្តិសុខ សុវត្ថិភាព និងសណ្ដាប់ធ្នាប់សាធារណៈ ការពារផលប្រយោជន៍ម្ចាស់សំណង់ អ្នកប្រើប្រាស់ និងសាធារណជន៕

ដោយយិន លាងគង់ស្ថាបនិកនិងជាអគ្គនាយកគេហទំព័រPropertyarea.asia

ភ្នំពេញៈ ការបើកបេះដូងចំហ ពោរពេញដោយមនុស្សធ៌ម និងគ្មានការរើសអើងរបស់សម្តេចតេជោហ៊ុន​ សែននាយករដ្ឋមន្រ្តីនៃកម្ពុជា បានបង្ហាញទៅកាន់ពិភពលោកជាថ្មីនូវកម្ពុជា ជាដែនដីនៃអរិយធ៌មឡើងវិញ បន្ទាប់ពីប្រទេសនេះបានរងសោកនាដកម្មរាប់មិនអស់ជាច្រើនសតវត្សរ៍កន្លងមក។

អរិយជន ជាការសំដៅទៅរកជនដែលមានចំណេះដឹង មានជំនាញ មានសីលធ៌ម និងគុណធ៌ម។

ការអញ្ជើញទៅកាន់ប្រទេសចិន ដើម្បីសួរសុខទុក្ខនិស្សិតខ្មែរ និងលើកទឹកចិត្តមេដឹកនាំចិន ដើម្បីប្រយុទ្ឋប្រឆាំងការផ្ទុះឡើងនៃកូរ៉ូណាវីរុស កាលពីថ្ងៃទី៥ ខែកុម្ភៈកន្លងមកនេះ បានបង្ហាញឲ្យពិភពលោកឃើញថា កម្ពុជាមានមេដឹកនាំពោរពេញដោយការទទួល​ខុសត្រូវ ក្នុងនាមជាមនុស្សជាតិ និងជាមេដឹកនាំអាចឲ្យមេដឹកនាំចិនទុកចិត្តបាន ហើយប្រទេសទាំងពីរបានដាក់ចេញនូវគោលនយោបាយថ្មីមួយ គឺ “ប្រទេស២ វាសនាតែ១”។

ជាមួយនឹងការបង្ហាញនូវសន្តានចិត្ត “ស្គាល់មិត្តក្នុងគ្រាលំបាក និងជួយមិត្តក្នុងគ្រាលំបាកនេះ” បានធ្វើឲ្យមេដឹកនាំ និងប្រជាជនចិនស្គាល់ច្បាស់ពីបេះដូងមេដឹកនាំកម្ពុជា ខណៈបណ្តាប្រទេសជាមិត្តរបស់ចិន ដទៃទៀតបានរត់ចោលចិន ហើយមានប្រទេសដ៏ធំមួយនោះបានសំពងចិន ដោយអសីលធ៌មបន្ថែមទៀត ខណៈចិនកំពុងរងទុក្ខលំបាក។

មេដឹកនាំ និងប្រជាជនចិនបានដឹងអ្នកណាស្រលាញ់ខ្លួនពិតប្រាកដ ហើយប្រជាជនចិនមានអារម្មណ៍ជំពាក់គុណកម្ពុជា ដោយពួកគេសន្យានឹងមកទស្សនា និងវិនិយោគ​

នៅកម្ពុជាកាន់តែច្រើន បន្ទាប់ពីបញ្ហាកូរ៉ូណាវីរុសអាចដោះស្រាយបាន។

សារដ៏ច្បាស់លាស់

សម្តេចតេជោ ហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជាបានថ្លែងក្នុងពេ​លអញ្ជើញទៅទទួលអ្នកដំណើរលើកប៉ាល់យក្ស ដែលផ្ទុកអ្នកដំណើរជាង២២៥៧នាក់នាព្រឹកថ្ងៃទី១៤ កុម្ភៈ ដែលត្រូវនឹងថ្ងៃបុណ្យទិវានៃក្តីស្រលាញ់ថា “នៅពេលនេះមិនមែនជាពេលវេលាដែលត្រូវភ័យខ្លាច និងជាពេលវេលាត្រូវរើសអើងនោះទេ តែជាពេលត្រូវរួបរួមគ្នា សាមគ្គីគ្នា ដើម្បីដោះស្រាយបញ្ហាប្រឈមនានាលើសកលលោក”។

សម្ដេចតេជោ ហ៊ុន សែនបានបញ្ជាក់ថា “គេនិយាយអំពីការភ័យខ្លាចកូរ៉ូណា ឬ Covid-19 ប៉ុន្ដែសម្រាប់ខ្ញុំ ខ្ញុំយល់ផ្សេងអ្នកដ៏ទៃ ឬប្រទេសដ៏ទៃអាចយល់ថា ចុះបើមានជំងឺកូរ៉ូណានេះនៅលើនាវា តើកម្ពុជាអនុញ្ញាតឲ្យចូលទេ?”។សម្តេចបន្ថែមថា “ខ្ញុំអាចឆ្លើយតបយ៉ាងច្បាស់ថា ប្រសិនមានអ្នកជំងឺនេះនៅលើនាវា ខ្ញុំនឹងឲ្យចូលយ៉ាងលឿនបំផុតតាមដែលអាចធ្វើទៅបាន។

មូលហេតុនៅត្រង់ថា ប្រសិនមានអ្នកជំងឺនៅលើនាវានេះ តើយើងទុកឲ្យអ្នកជំងឺនោះ ស្លាប់នៅលើនាវានេះ បន្ទាប់ទៅសាកសពតើត្រូវទម្លាក់ចោលក្នុងទឹកសមុទ្រ ឬក៏ត្រូវទុកនៅលើនាវា។

សម្ដេចតេជោបានបន្តថា “នេះជាបញ្ហាដែលត្រូវឃើញ អំពីការទទួលខុសត្រូវរបស់ពិភពលោក ក៏ដូចជាការទទួលខុសត្រូវរបស់កម្ពុជា ក្នុងឋានៈជាសមាជិក នៃសហគមន៍អន្ដរជាតិដែលមានការទទួលខុសត្រូវ”។

សម្ដេចតេជោនាយករដ្ឋមន្ដ្រី នៅតែអះអាងថា សម្ដេចមកទីនេះទោះបីរយៈពេលខ្លី តែសម្ដេចក៏នឹងបញ្ជូនសារនេះ ទៅកាន់ប្រជាពលរដ្ឋកម្ពុជានៅទូទាំងប្រទេស ក៏ដូចជាទៅកាន់សហគមន៍អន្ដរជាតិផងដែរថា ពេលនេះមិនមែនជាពេលភ័យខ្លាច និងមិនមែនជាពេលត្រូវធ្វើការរើសអើងនោះទេ តែជាពេលដែលត្រូវរួបរួមគ្នា សាមគ្គីគ្នា ដើម្បីដោះស្រា​យបញ្ហាប្រឈមនានា ដែលបាននិងកំពុងយាយី មិនគ្រាន់តែប្រទេសមួយទេ ប្រទេសជាច្រើនបានជួបប្រទះរឿងរ៉ាវនេះរួចទៅហើយ។

បើតាមប្រសាសន៍របស់សម្ដេចតេជោ ហ៊ុន សែន នៅពេលនេះប្រទេសកម្ពុជា បានធ្វើនូវកិច្ចការទាក់ទងនឹងដំណើរ នៃការគោរពសិទ្ធិមនុស្ស គឺសិទ្ធិរស់រានមានជីវិត សិទ្ធិមិនត្រូវបានគេរើសអើង និងសិទ្ធិមនុស្សវិលត្រឡប់ទៅកាន់ប្រទេសវិញ ដោយសុវត្ថិភាព សម្រាប់អ្នកដំណើរទាំងជាង២,២០០នាក់នៅលើនាវានេះ។

សម្ដេចតេជោនាយករដ្ឋមន្ដ្រី បានគូសបញ្ជាក់ថា ប្រជាជនកម្ពុជា គួរតែយល់និងមានមោទនភាព នៅពេលរាជរដ្ឋាភិបាលសម្រេចចិត្តបែបនេះ។ បន្ថែមពីនេះ សម្ដេចក៏បានអរគុណដល់ប្រជាជនកម្ពុជា ដែលបានលើកទឹកចិត្ត ហើយគាំទ្រដល់ការសម្រេចចិត្តរបស់សម្ដេច ក្នុងការដែលឲ្យនាវានេះបានចូលមកកាន់ទឹកដីកម្ពុជា ដែលតាមរយៈទឹកដីកម្ពុជា មនុស្សទាំង៤១សញ្ជាតិនេះ បានធ្វើដំណើរត្រឡប់ទៅកាន់ប្រទេសរៀងៗខ្លួន ជួបជុំក្រុមគ្រួសារ ដោយពុំមានការភ័យខ្លាចនោះទេ។

ភាពជាអរិយជន

ទោះបីកម្ពុជាជាប្រទេសតូច តែបេះដូងកម្ពុជាមិនតូចទេ។ ទោះបីកម្ពុជាក្រីក្រ តែមិនក្រចិត្តនោះទេ។ នេះជាបេះដូងនៃអរិយជន ដែលភាពជាអរិយជនបានបាត់បង់ជាយូរមកហើយ ដោយសារសង្រ្គាម និងភាពអញនិយម បន្ទាប់ពីទទួលរងការបំពុលមនោគមវិជ្ជាពីសាសនាមួយ។

សារដ៏ច្បាស់លាស់របស់សម្តេច បានបង្ហាញពីបេះដូងមេដឹកនាំ ដែលតែងតែគិតគូមិនត្រឹមតែប្រជាជនកម្ពុជាខ្លួនឯងនោះទេ ប៉ុន្តែជាការបង្ហាញទៅកាន់ពិភពលោកថា “កម្ពុជាមិននៅខាងចិនតែមួយនោះទេ កម្ពុជានៅជាមួយអាមេរិក និងជាតិសាសន៍ដទៃទៀតនៅលើពិភពលោក”។

សម្ដេចតេជោ ហ៊ុន សែន ក៏បានបង្ហាញនូវការហួសចិត្ត និងមិនយល់ក្នុងចិត្ដនូវពាក្យដែលថា “តើឲ្យយើងនិយាយអំពីការគោរពសិទ្ធិមនុស្សអ្វីទៅ ប្រសិនបើសិទ្ធិរស់រានមានជីវិតមិនត្រូវបានគោរពផងនោះ”។

សម្ដេចសង្កត់ធ្ងន់ថា “កម្ពុជាយកការទទួលខុសត្រូវមួយ នៅលើបញ្ហាគោរពសិទ្ធិមនុស្សជាចំបង ហើយដំបូងបំផុត ត្រូវគោរពដល់ការរស់រានមានជីវិតរបស់មនុស្ស ដែលមានជាង២,២០០នាក់នៅលើនាវានេះ និងមានរហូតដល់៤១សញ្ជាតិ”។

តើអ្វីទៅជាសិទ្ឋមនុស្សរបស់លោកខាងលិច អ្វីទៅជាលទ្ឋិប្រជាធិបតេយ្យ ដែលមានតែលើក្រដាស និងបង្កប់ដោយភាពអាស្រូវនៅពីក្រោយនោះ? ខណៈមេដឹកនាំកម្ពុជាបានដឹកនាំាំប្រទេសចេញពីឆ្នាំសូន្យ មកកាន់ពន្លឺត្រចះត្រចង់ និងវុបុលភាព។

តើការរំលាយបក្សប្រឆាំងមួយ ដែលនាំមកនូវភាពស្លោកស្រពោន សំរាប់់ប្រទេសនេះ ជាការរំលោភសិទ្ឋមនុស្ស ជាការមិនគោរពលទ្ឋិប្រជាធិបតេយ្យ? ខណៈមេដឹកនាំអតីតបក្សប្រឆាំង ត្រូវបានបញ្ញវ័ន្តបានដឹងរួចជាស្រេចថា “ពួកគេគ្មានសមត្ថភាពដឹកនាំ​ប្រទេសនេះនោះទេ ពួកគេក៏គ្មានក្រមសីលធ៌ម គួរឲ្យគោរពសំរាប់ប្រជាជាតិនេះនោះដែរ ព្រោះពួកគេទះដៃអបអរសាទរ នៅពេលគេដកប្រព័ន្ឋអនុគ្រោះពន្ឋ ពីអង្កររបស់កម្ពុជា ហើយក្រោយមកពួកគេដោះសារថា ពួកគេមិនបាននិយាយបែបនេះ ខណៈភស្តុតាងត្រូវ​បានប្រមូលទុករួចទៅហើយ។

ផលចំណេញ

ការពិតមេដឹកនាំកម្ពុជា មិ​នបានគិតពីផលចំណេញនៅពេលក្រោយនោះទេ ដោយសម្តេចគិតគូរតែលើភាពសន្តោស ការសង្រ្គោះប៉ុណ្ណោះ ប៉ុន្តែនៅពីក្រោយបេះដូងមនុស្សធ៌ម និងទឹកចិត្តដ៏មហាសាល និងមានតម្លៃមិនអាចកាត់ថ្លៃបាននេះ បានធ្វើឲ្យបណ្តាសារព៌តមានធំៗនៅលើពិភពលោកដូចជា CNN, BBC, Chanel News Asia, AFP, AP, Bangkok Post, Reuteurs។ល។ បានចូលរួមផ្សព្វផ្សាយពីការសង្រ្គោះនេះទៅកាន់ពិភពលោក ដែលជាការបង្ហាញពីមុខមាត់កម្ពុជានៅលើឆាកអន្តរជាតិ និងពិភពលោក។

មុខមាត់កម្ពុជា ដែលធ្លាប់បង្ហាញតែភាពសោកនាដកម្មកន្លងមក ត្រូវបានជំនួសដោយស្នាមញញឹម និងផ្កាកុលាប ដែលជាសារមួយបញ្ជាក់ពីបេះដូងមេត្តាធ៌ម និងក្តីស្រលាញ់់របស់សម្តេចទៅកាន់ជាតិសាសន៍ទាំង៤១ ដែលបានជាប់នៅលើកប៉ាល់យក្សMS  WESTERDAM ដែលបានរសាត់អណ្តែតលើផ្ទៃសមុទ្ររយៈពេល២១ថ្ងៃ បន្ទាប់ពីប្រទេសជាច្រើនបានបដិសេធមិនឲ្យចូលចត។

ប្រទេសបដិសេធមិនឲ្យកប៉ាល់យក្សនេះ ចូលចត រួមមាន ប្រទេសជប៉ុន កូរ៉េ ហ្វីលីពីន កោះហ្កាំ កោះតៃវ៉ាន់ និងប្រទេសថៃ។

ការសម្រេចចិត្តដ៏ត្រឹមត្រូវនេះ បាននិងកំពុងបង្ហាញភាពជាមេដឹកនាំ ដែលមានការទទួលខុសត្រូវក្នុងនាមមនុស្សជាតិ និងបានចាប់ផ្តើមបង្ហាញនូវស្នាមញញឹមថ្មីពីកម្ពុជាទៅកាន់ពិភពលោក និងបង្ហាញពីភាពជាអរិយប្រទេសជាថ្មី ដែលយើងគួររួមដៃគ្នា ដើម្បីនាំកម្ពុជាទៅកាន់ពិភពលោកក្នុងទស្សនថ្មី “កម្ពុជាដឹកដីនៃមេត្តាធ៌ម និងស្នាមញញឹម”៕

ដោយៈ រ៉ាណេត

ព្រះសីហនុៈ ហេដ្ឋារចនាសម្ព័ន្ធសំខាន់ៗចំនួន១១ខ្សែ ក្នុងចំណោម៣៤ខ្សែ នៅទូទាំងខេត្តព្រះសីហនុ ត្រូវបានប្រកាសបើកការដ្ឋានស្ថាបនាជាផ្លូវការហើយ ដើម្បីពន្លឿន ឱ្យចប់ទៅតាមផែនការដូចដែលបានគ្រោងទុក។

ហេដ្ឋារចនាសម្ព័ន្ធផ្លូវថ្នល់សំខាន់ៗចំនួន១១ខ្សែ ដែលមានប្រវែងសរុបជាង ១៦,៣៧៤គីឡូម៉ែត្រ នៅក្នុងខេត្តព្រះសីហនុ ត្រូវបានប្រកាសបើកការដ្ឋានសាងសង់ជាផ្លូវការក្រោមវត្តមានរបស់លោក សួង ហេង រដ្ឋលេខាធិការនៃក្រសួងសាធារណការ និងដឹកជញ្ជូន និងមន្រ្តីពាក់ព័ន្ឋ។

គម្រោងធ្វើឱ្យប្រសើរឡើងវិញ នូវហេដ្ឋារចនាសម្ព័ន្ធផ្លូវថ្នល់ចំនួន១១ខ្សែនេះមានប្រវែងសរុបជាង១៦គីឡូម៉ែត្រ ដែលក្នុងនោះ រួមមានការពង្រីកកំណាត់ផ្លូវ កំណាត់ផ្លូវជាតិលេខ៤ ពី២គន្លង ទៅ ៦គន្លង ខ័ណ្ឌដោយសួនច្បារតាមបណ្ដោយទ្រូងផ្លូវ ដែលមានប្រវែងសរុប ៦,៧០គីឡូម៉ែត្រ និងស្ថាបនាផ្លូវថ្នល់ក្នុងក្រុងចំនួន១០ខ្សែ ប្រវែងសរុប៩ ៦៧៤ គីឡូម៉ែត្រផងដែរ។

រដ្ឋលេខាធិការ លោក សួង ហេង បានមានប្រសាសន៍ថា ខេត្តព្រះសីហនុត្រូវបានរាជរដ្ឋាភិបាលដឹកនាំ ដោយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា យកចិត្តទុកដាក់ខ្ពស់ និងមានចក្ខុវិស័យមុតស្រួច និងវែងឆ្ងាយក្នុងការប្រែក្លាយខេត្តភាគនិរតី ដែលមានសក្ដានុពលមួយនេះ ឱ្យក្លាយទៅជាទីក្រុងទំនើប រមណីយដ្ឋានឆ្នេរសមុទ្រស្អាត និងជាតំបន់សេដ្ឋកិច្ចពិសេសគំរូពហុបំណងក្នុងពេលដ៏ខ្លីខាងមុខនេះ៕

ដោយវុត្ថា

ភ្នំពេញៈ រដ្ឋបាលខេត្តព្រះសីហនុ បានបើកកិច្ចប្រជុំពិភាក្សាលើសំណើសុំអនុញ្ញាត និងការគាំទ្រគោលការណ៍ដល់ការងារជួសជុល កែលម្អ និងពង្រីកឆ្នេរខ្សាច់លំហែកាយ កោះពស់ របស់ក្រុមហ៊ុនកោះពស់ ខេមបូឌា អ៉ិនវេសមេនគ្រុប អិលធីឌី។

លោកគួច ចំរើន អភិបាលខេត្តព្រះសីហនុ  នៅក្នុងកិច្ចប្រជុំកាលពីពេលថ្មីនេះបា​ន​ឱ្យដឹងថា  នៅថ្ងៃទី២២ ខែកុម្ភ: ឆ្នាំ២០២០ខាងមុខនេះ រដ្ឋបាលខេត្តព្រះសីហនុ នឹងដឹក​នាំមន្ត្រីជំនាញចុះពិនិត្យពីស្ថានភាព នៃការអភិវឌ្ឍរបស់ក្រុមហ៊ុនជាក់ស្តែង ដើម្បីបញ្ជាក់ពីភាពច្បាស់លាស់។

ជាមួយគ្នានេះលោក បានជំរុញឱ្យក្រុមហ៊ុនត្រូវធ្វើ ផែនការមេឱ្យខានតែបាន បើមានផែនការមេ រដ្ឋបាលខេត្តគាំទ្រ និងឯកភាពដោយផ្អែកតាមផែនការមេ គោរពទៅតាមបទដ្ឋានបច្ចេកទេស ដែលទទួលស្គាល់ដោយមន្ទីរ និងស្ថាប័នជំនាញ។

លោក Karkov Pavel តំណាងក្រុមហ៊ុន កោះពស់ ខេមបូឌា អ៉ិនវេសមេន គ្រុប អិលធីឌីបានបញ្ជាក់ថា ក្រុមហ៊ុនទទួលបានការអនុញ្ញាត ពីរាជរដ្ឋាភិបាលនូវគម្រោងអភិវ​ ឌ្ឍន៍នៅលើកោះពស់មានទំហំ១១៦ហិកតា។

លោកបន្តថា “ក្រុមហ៊ុនបានសាងសង់ស្ពាន ឆ្លងសមុទ្រប្រវែង៩០០ម៉ែត្រនិងសាងសង់ហេដ្ឋារចនាសម្ព័ន្ធលើកោះពស់ មានដូចជា ផ្លូវបេតុងបាន ៦០ភាគរយ នៃផ្លូវប្រវែងជាង៥គីឡូម៉ែត្រ និងហេដ្ឋារចនាសម្ព័ន្ធ ភូមិគ្រឹះ៣៦ ក៏ប៉ុន្តែមកដល់បច្ចុប្បន្ន ក្រុមហ៊ុនបានសាងសង់ភូមិគ្រឹះបាន១៨ ទន្ទឹមនោះរក្សាព្រៃឈើនៅលើកោះពស់បាន៦០ភាគរយ ព្រមទាំងបានរៀបចំប្រព័ន្ធទឹកស្អាត និងភ្លើងរួចរាល់ ក្រៅពីប្រព័ន្ធផ្លូវមេ ក៍មានសាងសង់ផ្លូវតូចៗជាច្រើនទៀត”។

លោកបញ្ជាក់ថា ការអភិវឌ្ឍនៅលើកោះពស់ គឺដើម្បីបំរើសេវាទេសចរណ៍៕

ដោយ ប៊ី

ភ្នំពេញៈ ប្រទេសកម្ពុជាបានបិទរាល់អាជីវកម្ម និងគណនីធនាគារ អនុញ្ញាតកម្មកររបស់កូរ៉េខាងជើងចាកចេញទាំងអស់ ដោយគោរពតាមដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិ (UNSC) ផ្សេងទៀតនៅចុងឆ្នាំ២០១៩ ខណៈកម្ពុជាបានអះអាងនៅក្នុងរបាយការណ៍អនុវត្តដំបូងរបស់ខ្លួន ទៅកាន់អង្គការសហប្រជាជាតិទាក់ទងនឹងការអនុវត្តច្បាប់ទណ្ឌកម្ម។

របាយការណ៍នេះដែលត្រូវបានដាក់នៅថ្ងៃទី២០ ខែ មករា ខណៈរបាយការណ៍ត្រូវបានបានចេញផ្សាយជាសាធារណៈ នៅលើគេហទំព័ររបស់គណៈកម្មាធិការដាក់ទណ្ឌ​កម្មអង្គការសហប្រជាជាតិ ដែលបានចុះបញ្ជីពលករកូរ៉េខាងជើងចំនួន១១៥នាក់ ក្រុមហ៊ុនចំនួន១២ ភោជនីយដ្ឋានចំនួន៨ និងសារមន្ទីរអង្គរប៉ាណូរ៉ាម៉ាដ៏ល្បីល្បាញ ក្នុងឆ្នាំ ២០១៩។

សេចក្តីណែនាំនៃរបាយការណ៍បានឱ្យដឹងថា “ប្រទេសកម្ពុជាតែងតែប្រកាន់ជំហររឹងមាំរបស់ខ្លួន ក្នុងការគាំទ្រការមិនរីកសាយអាវុធប្រល័យលោក ឆ្ពោះទៅរកការលុបបំបាត់អាវុធទាំងនេះ”។របាយការណ៍បានបន្ថែមថា “ក្នុងនាមជាសមាជិកមានការទទួលខុសត្រូវរបស់អង្គការសហប្រជាជាតិ ប្រទេសកម្ពុជាបានបំពេញកាតព្វកិច្ចអន្តរជាតិរបស់ខ្លួនទាំងស្រុង នៅក្រោមធម្មនុញ្ញរបស់អង្គការសហប្រជាជាតិ និងបានអនុវត្តសេចក្តីសម្រេចចិត្តរបស់ក្រុមប្រឹក្សាសន្តិសុខ លើការដាក់ទណ្ឌកម្មទាក់ទងនឹងសាធារណរដ្ឋប្រជា​ធិបតេយ្យប្រជាមានិតកូរ៉េ”។

ដំណោះស្រាយនៃការដាក់ទណ្ឌកម្ម របស់ក្រុមប្រឹក្សាសន្តិសុខអង្គការសហប្រជាជាតិស្តីពីប្រទេសកូរ៉េខាងជើងតាំងពីឆ្នាំ២០០៦ បានតម្រូវឱ្យមានការដាក់ស្នើរបាយការ​ណ៍អនុវត្ត ទោះបីប្រទេសជាសមាជិកភាគច្រើន ចាប់ផ្តើមអនុវត្តតាមការទាមទារនេះបន្ទា​ប់ពីដំណោះស្រាយថ្មី ត្រូវបានអនុម័តក្នុងឆ្នាំ២០១៦ និង ២០១៧៕ NK News៕