ដោយវុត្ថា
ភ្នំពេញៈ អ្នកជំនាញបានឱ្យដឹងថា ការប្រតិបត្តិការលើកវិនិយោគលើវិស័យដីធ្លីនៅតាមបណ្តោយផ្លូវក្រវ៉ាត់ក្រុង និងជាយក្រុងកំពុងមានសន្ទុះរីកចំរើនច្រើន ជាងនៅក្នុងក្រុង ខណៈដីធ្លីនៅក្នុងក្រុងស្ថិតនៅក្នុងតម្លៃខ្ពស់។
លោកស្រីអាន សុធិតា នាយិកាប្រចាំប្រទេសក្រុមហ៊ុន CBRE Cambodia បានប្រាប់គេហទំព័រ propertyarea.asia កន្លងមកថា ការធ្វើប្រតិបត្តិការ និងការវិនិយោគដីធ្លីនៅតាមជាយក្រុង ជាពិសេសនៅតាមបណ្តោយផ្លូវក្រវ៉ាត់ក្រុងទី៣ ហាក់មានសន្ទុះរីកចម្រើនខ្លាំងជាងនៅក្នុងទីក្រុងភ្នំពេញ។
លោកស្រីបន្តថា “មានកត្តាជាច្រើន ដែលធ្វើឱ្យការធ្វើប្រតិបត្តិការវិនិយោគលើវិស័យដីធ្លីនៅតាមជាយក្រុង និង នៅតាមផ្លូវក្រវ៉ាត់ក្រុងមានការកើនឡើង ដោយសារតែ តម្លៃដីនៅក្នុងទីក្រុងមានការកើនឡើងខ្ពស់ នៅក្នុងឆ្នាំ ២០១៩ និងមានតម្រូវការខ្ពស់នៅក្នុងឆ្នាំ ២០១៨”។
លោកស្រីបន្តថា សម្រាប់តម្លៃដីធ្លីនៅតាមបណ្តោយ ផ្លូវក្រវ៉ាត់ក្រុងទី៣ នាពេលបច្ចុប្បន្ននេះ គឺមានតម្លៃចន្លោះចាប់ពី៥០ ទៅ២០០ដុល្លារអាមេរិក ក្នុងមួយម៉ែត្រការ៉េ ហើយដីនៅតាមផ្លូវជានេះ ជាប្រភេទដីលំនៅឋានសមរម្យ និងពាណិជ្ជកម្ម។ លោកស្រីបញ្ជាក់តម្លៃដីក្នុងកម្រិតនេះ គឺអាចអាចអភិវឌ្ឍលើវិស័យលំនៅឋាន បានតែមិនអាចអភិវឌ្ឍន៍លើវិស័យឧស្សាហកម្មបានទេ។
អ្នកស្រីបន្តថា “តម្លៃដីក្នុងរង្វង់៥០ ទៅ៨០ដុល្លារអាមេរិក គឺអាចអភិវឌ្ឍឧស្សាហកម្មបានដូចជាបង្កើតរោងចក្រ និងសហគ្រាសផ្សេងៗ”។
លោក ស៊ា ឆៃលីន អគ្គនាយកក្រុមហ៊ុន Chailin Sear Realty Co., Ltd បានឯកភាពជាមួយលោកស្រីអាន សុធីតាដែរថា នាពេលបច្ចុប្បន្ននេះសន្ទុះ នៃការប្រតិបត្តិការទិញលក់អចលនវត្ថុនៅតាមជាយក្រុង គឺមានសន្ទុះរីកចំរើនខ្លាំងជាង នៅក្នុងទីក្រុងភ្នំពេញ ជាពិសេសដីធលីនៅតាមបណ្តោយផ្លូវក្រវ៉ាត់ក្រុង។
លោកពន្យល់ថា “មូលហេតុដែលធ្វើឱ្យដីធ្លី នៅតាមជាយក្រុងមានសន្ទុះរីកចំរើនខ្លាំងជាពិសេសផ្លូវក្រវ៉ាត់ក្រុងទី៣ គឺដោយសារមានហេដ្ឋារចនាសម្ព័ន្ធល្អ តម្លៃដីធ្លីស្ថិតនៅក្នុងតធូថ្លៃជានៅក្នុងក្រុង និងជាពិសេសគឺហេដ្ឋារចនាសម្ព័ន្ធថ្មី ដែលរដ្ឋាភិបាលបាននឹងកំពុងអនុវត្ត ដោយមិនមែនស្ថិតនៅក្នុងគម្រោង”។
លោកបន្តថា “មូលហេតុដែលការទិញលក់ដីធ្លី នៅក្នុងក្រុងធ្លាក់ចុះ ដោយសារតែតម្លៃដីខ្ពស់ អ្នកដែលចង់ទិញហើយខ្វះទីផ្សារ ក្នុងការវិនិយោគ ដូចជាការសាងសង់អគារខ្ពស់ៗ និងមនុស្សមួយចំនួនសម្រុកទិញផ្ទះក្នុងបុរី ជាដើម”។
ទោះជាយ៉ាងណា ចំណែក លោក ហៃ រ៉ាវី នាយកក្រុមហ៊ុន Daily Realty Group បានឱ្យដឹងថា សន្ទុះនៃការវិនិយោគដីធ្លីនៅក្នុងទីក្រុងភ្នំពេញ ហាក់មានសន្ទុះរីកចំរើនខ្លាំង ជាងនៅតាមជាយក្រុង ដោយសារតែនៅទីក្រុងភ្នំពេញមានការតម្រូវការច្រើន ដូចជាសាងសង់ខុនដូ អគារពាណិជ្ជកម្ម និងអគារការិយាល័យជាដើម។
លោកបន្តថា “ដីធ្លីនៅតាមជាយក្រុង ហាក់មិនសូវមានសន្ទុះ ដោយសារតែវាយនៅឆ្ងាយពីកណ្តាលក្រុង ពិបាកធ្វើដំណើរមកធ្វើការនៅក្នុងក្រុង និងមិនសូវមានតម្រូវការ”៕
គម្រោងអភិវឌ្ឍន៍ទីក្រុងរណបនីមួយៗ បានធ្វើឡើងដើម្បីបង្កើនភាពទាក់ទាញ និងចាប់អារម្មណ៍ ឱ្យមានមនុស្សចូលទៅរស់នៅកាន់តែច្រើន ក្រៅពីមានលក្ខណៈប្រសើរនៃហេដ្ឋារចនាសម្ព័ន្ធ មានផាសុកភាពខ្ពស់ក្នុងការរស់នៅជាមួយនឹងធម្មជាតិ នៅក្នុងគម្រោងក៏ត្រូវមានរួមបញ្ចូល នូវការអភិវឌ្ឍន៍តំបន់ពាណិជ្ជកម្ម អគាររដ្ឋបាល តំបន់កម្សាន្ត មជ្ឈមណ្ឌលពាណិជ្ជកម្ម ផ្សារទំនើប ក្លឹបហាត់បា្រណ សួនឧស្សាហកម្ម សាលារៀន មន្ទីរពេទ្យ និងសេវាសាធារណៈផ្សេងៗទៀត។
លោកបណ្ឌិតបន្តថា “គម្រោងបង្កើតទីក្រុងរណប ដែលស្របទៅតាមប្លង់គោលរបស់រាជធានី គឺជាការអភិវឌ្ឍន៍ប្រកបដោយភាពត្រឹមត្រូវ ដែលក្រៅពីអាចទាក់ទាញមនុស្សឱ្យចាប់អារម្មណ៍ជាមួយគម្រោង ថែមទាំងអាចចូលរួមចំណែកជាមួយរាជរដ្ឋាភិបាលក្នុងការបែងចែកល្បាយនៃការរស់នៅ ក៏ដូចជាការប្រកបអាជីកម្មរបស់មនុស្សទូទៅយ៉ាងប្រសើរ”។លោកបន្តថា “ប្រសិនបើគម្រោងនៃការបង្កើតទីក្រុងរណប ដែលមិនស្របតាមប្លង់គោលនៅតែ វាអាចនឹងបង្កើតជាបញ្ហានៅពេលអនាគត ហើយក៏អាចធ្វើឱ្យគម្រោងទាំងមូលជួបភាពខាត់បង់ផងដែរ”។
លោក នី ទីណាត ជាអគ្គនាយកក្រុមហ៊ុន បាសាក់ រៀលធី ឯ.ក (BASAC REALTY CO., LTD) បានប្រឡូកក្នុងវិស័យនេះអស់រយៈពេល ៥ ឆ្នាំដោយជួបប្រទះបញ្ហាជាច្រើន ទម្រាំតែបានបង្កើតបានជាក្រុមហ៊ុនផ្ទាល់ខ្លួន ដែលសម្បូរដោយធនធានមនុស្សសម្រាប់បម្រើឱ្យវិស៏យអចលនទ្រព្យ។
កាលចុងឆ្នាំ ២០១៩ ក្រុមហ៊ុន បាសាក់ រៀលធី ឯ.ក (BASAC REALTY CO., LTD.) សូមចូលរួមអបអរសាទរដល់លោក នី រ៉ាស៊ីន ដែលជាបុគ្គលិកផ្នែកលក់ និងជួលរបស់ ក្រុមហ៊ុនបានចូលរួមក្នុងការប្រកួតប្រជែងក្នុងកម្មវិធី Cambodia Real Estate Awards 2019 ហើយបានឈ្នះនូវពានរង្វាន់ជា ភ្នាក់ងារអចលនទ្រព្យថ្មី ឆ្នើមបំផុត ប្រចាំឆ្នាំ២០១៩ (BEST UP & COMING NEW AGENT OF THE YEAR 2019)។
លទ្ឋភាពនេះហាក់នៅឆ្ងាយ ប៉ុន្តែកម្ពុជាអាចធ្វើបានឬអត់ អាស្រ័យលើសេដ្ឋកិច្ច ធនធានមនុស្ស និងឆន្ទៈនិយោបាយរបស់រដ្ឋាភិបាល។
អនុប្រធានសភាពាណិជ្ជកម្មកម្ពុជា លោក ឧកញ៉ា លឹម ហេងបានមានប្រសាសន៍ឱ្យដឹងនៅថ្ងៃទី ៧ ខែកុម្ភៈ ឆ្នាំ ២០២០ នេះថា មានក្រុមហ៊ុនអាមេរិកចំនួន១៥ ដែលបាននឹងកំពុងចាប់អារម្មណ៍ វិនិយោគលើវិស័យកសិកម្មនៅកម្ពុជា ខណៈក្រុមហ៊ុនទាំងនេះ បានធ្វើការសិក្សារួចរាល់ហើយ អំពីសក្តានុពលកសិកម្មកម្ពុជា ក្នុងវិនិយោគសម្រាប់នាំចេញទៅអាមេរិក និងអឺរ៉ុប។
លោកបណ្ឌិត គី សិរីវឌ្ឍន៍ អ្នកស្រាវជ្រាសេដ្ឋកិច្ចនៃរាជបណ្ឌិតសភាកម្ពុជា បានឱ្យដឹងថា កម្ពុជាគឺមានសក្តាខ្ពស់ ចំពោះការវិនិយោគរបស់អាមេរិក លើវិស័យអាទិភាពចំនួន៣ ដែលរួមមានវិស័យកសិកម្ម ទេសចរណ៍ និងការកែឆ្នៃជាដើម ។
ទំហំពាណិជ្ជកម្មទ្វេភាគីកម្ពុជា-សហរដ្ឋអាមេរិក ក្នុងឆ្នាំ២០១៩ គឺមានសរុបប្រមាណ ៥,៤ពាន់លានដុល្លារអាមេរិក គិតត្រឹមខែវិច្ឆិកា ស្មើនឹងកំណើនប្រមាណ២៧,៤% បើប្រៀបនឹងឆ្នាំ២០១៨។ ក្នុងនោះផងដែរ វិស័យកសិកម្មក៏រួមចំណែកមួយចំនួនដ៏សំខាន់ ក្នុងទំនាក់ទំនងពាណិជ្ជកម្មនៃប្រទេសទាំងពីរ៕
ការសាងសង់ផ្លូវកង់នេះធ្វើឡើង ដោយសារតែមានការគិតគូរខ្ពស់ចំពោះសុវត្ថិភាពក្នុងការធ្វើដំណើរទៅមក ប្រកបដោយសុវត្ថិភាពរបស់ប្រជាជន សិស្សានុសិស្ស ភ្ញៀវទេសចរ ក៏ដូចជាយកចិត្តទុកដាក់ខ្ពស់លើបញ្ហាបរិស្ថាន។
លោកបានថ្លែងថា “មុនស្ថាបនា អាជ្ញាធរជាតិអប្សរាបានគិតគូរច្បាស់ ពីការលើតម្លៃបរិស្ថាន តម្លៃវប្បធម៌ ក៏ដូចជាតម្លៃបេតិកភណ្ឌបែបជនបទ ដោយមានអ្នកជំនាញបុរាណវិទ្យាសិក្សាយ៉ាងច្បាស់លាស់មុនកសាងផ្លូវកង់នេះ”។ លោកបន្តថា “ផ្លូវកង់នេះ កសាងជាប្រភេទផ្លូវស្រាល មិនប៉ះពាល់ដល់ស្រទាប់ដី និងមានភាពបត់បែនទៅតាមដើមឈើតូចធំជាច្រើន”។
លោកបានឲ្យដឹងទៀតថា ផ្លូវកង់នេះ បានចាប់ផ្ដើមធ្វើកាលពីខែធ្នូឆ្នាំ២០១៩ ហើយរួចរាល់ប្រវែង៥០០ម៉ែត្រ។ បច្ចុប្បន្នកំពុងតែបន្តឈូសឆាយធ្វើបន្ត បានចំនួន១៧គីឡូម៉ែត្រក្នុងចំណោម២៣គីឡូម៉ែត្រ។ តាមផែនការគម្រោងនេះ និងធ្វើឱ្យចប់រួចរាល់នៅខែមិថុនា ឆ្នាំ២០២០ខាងមុខនេះ។
ជាខេត្តដែលកំពុងតែមានសក្ដានុពល លើការវិនិយោគលើវិស័យអចលនទ្រព្យ និងដីធ្លី ចំនួន៤ រួមមានខេត្តកណ្តាល កំពង់ចាម ត្បូងឃ្មុំ និងខេត្តស្វាយរៀង សម្រាប់តែខេត្តព្រៃវែង ដែលស្ថិតនៅចំណុចកណ្តាល បែរជាមានសភាពស្ងប់ស្ងាត់ ឬមានសកម្មភាពអភិវឌ្ឍន៍លើវិស័យសំណង់តិចតួចប៉ុណ្ណោះ នៅតំបន់ទីប្រជុំជនកណ្តាលខេត្ត។
