ដោយយិន លាងគង់ ស្ថាបនិក និងជាអគ្គនាយក Propertyarea.asia
ព្រះសីហនុៈ ភាសាកាទូតក្នុងនាមជាមិត្តយល់ចិត្ត ដែលស្គាល់សុខទុក្ខគ្នាក្នុងគ្រាលំបាក ពិតជាមិនងាយរកបាននោះទេ ហេតុនេះទើបក្នុងជំនួបក៏ក្រៀមក្រំមួយ ក្នុងពេលប្រជាជនខ្លួនឯងមានទុក្ខសោក សម្តេចតេជោបានបង្ហាញខ្លួន ក្នុងនាមជាមិត្ត ជាមេដឹកនាំ ពោរពេញដោយសមាណចិត្តម្នាក់ ដើម្បីចូលរួមផ្តល់កំលាំងចិត្តដល់មហាមិត្តចិន។
ក្នុងជំនួបរយៈពេលខ្លីមួយ ក្រៅពីការបង្ហាញនូវក្តីរីករាយ និងចែករំលែកនូវទស្សនរួម តាមរយៈកិច្ចប្រជុំកំពូល ប្រធានាធិបតីចិនលោកហ្សី ជីនពីងបានថ្លែងថា ចិន និងកម្ពុជាជាមិត្តដែកថែប។
ជាមួយនឹងសារប្រកបដោយភាពកក់ក្តៅ ប្រធានាធិបតីចិនរូបនេះ បានសន្យាជាមួយសម្តេចតេជោហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជាថា លោកនឹងជំរុញអ្នកវិនិយោគចិន ឲ្យមកវិនិយោគនៅកម្ពុជាកាន់តែច្រើន ប៉ុន្តែលោកបានស្នើសុំភាគីកម្ពុជាការពារអ្នកវិនិយោគចិន ដែលបាននិងកំពុងមកវិនិយោគនៅកម្ពុជាផងដែរ។
លោកប្រធានាធិបតីចិនបានប្រាប់សម្តេចតេជោផងដែរថា លោកនឹងផ្តល់ជំនួយ និងជំរុញការអភិវឌ្ឍន៍នៅខេត្តព្រះសីហនុ ដែលកំពុងរងការស្លោកស្រពោនបន្តិច បន្ទាប់ពីការបិទហ្គេមអនឡាញយ៉ាងតក់ក្រហក់ពីសំណាក់រដ្ឋាភិបាល។
សក្តានុពលខេត្តព្រះសីហនុ
យុគមាសនៃហ្គេមអនឡាញនៅកម្ពុជាបានបញ្ចប់ ជាមួយនឹងការខកចិត្តមួយចំនួន ពិសេសប្រជាពលរដ្ឋដែលបានវិនិយោគ សាងសង់អាគារនៅក្រុងព្រះសីហនុ។ ប៉ុន្តែការបញ្ចប់ហ្គេមអនឡាញមិនមែនមានន័យថា ជាការបញ្ចប់នូវសក្តានុពល និងការអភិវឌ្ឍនៅក្រុងព្រះសីហនុនោះទេ។
ប៉ុន្តែសំណួរនៅត្រង់ថា តើខេត្តនេះអាចអភិវឌ្ឍន៍ និងបន្តក្លាយជាកំលាំងស្រូបទាញ ដើម្បីបង្កើនលំហូរវិនិយោគបន្ថែមទៀតយ៉ាងដូចម្តេច? នោះជារឿងមួយដែលយើងត្រូវសម្លឹងមើល ទៅលើគោលនយោបាយរបស់រដ្ឋាភិបាល និងកំលាំងចលករជំរុញកំនើនសេដ្ឋកិច្ចរបស់ខេត្តនេះដោយប្រុងប្រយ័ត្ន។
គោលនយោបាយរបស់រដ្ឋាភិបាល
រដ្ឋាភិបាលបានដាក់ចេញនូវគោលនយោបាយអភិវឌ្ឍន៍ វិស័យឧស្សាហកម្មឆ្នាំ២០១៥ ២០២៥ នៅខែតុលា ឆ្នាំ២០១៥។ គោលនយោបាយនេះ មានគោលដៅដើម្បីជំរុញ និងពន្លឿនកំនើនសេដ្ឋកិច្ចរបស់ប្រទេសពីអតិពលកម្ម ទៅជាសេដ្ឋកិច្ចដែលពឹងផ្អែកលើជំនាញ ពិសេសនៅក្នុងគោលនយោបាយនេះ រដ្ឋាភិបាលកម្ពុជាបានដាក់ខេត្តព្រះសីហនុជាតំបន់ឧស្សាហកម្ម និងកាលពីពេលថ្មីៗនេះ បានដាក់ចឲ្យខេត្តព្រះសីហនុ ជាតំបន់សេដ្ឋកិច្ចពហុបំណង។
ជាលទ្ឋផលនៃគោលនយោបាយនេះ បានធ្វើឲ្យខេត្តនេះមានល្បឿននៃការអភិវឌ្ឍថ្មីមួយ ដោយទាក់ទាញការវិនិយោគដ៏ច្រើនពីប្រទេសចិន និងបណ្តាប្រទេសក្នុងតំបន់។
ការរីកចម្រើនដ៏លឿននេះ បានធ្វើឲ្យមនុស្សជាច្រើនរីករាយ នឹងផលប្រយោជន៍ជាច្រើនដែលទទួលបានពីកំនើននៃការវិនិយោគ។ ជាលទ្ឋផលប្រជាពលរដ្ឋរស់នៅក្នុងក្រុងនេះ បានទទួលចំណូល៣៧២៦ដុល្លារ សំរាប់មនុស្សម្នាក់ក្នុងមួយឆ្នាំនៅឆ្នាំ២០១៩នេះ។
ការកើនឡើងនូវប្រាក់ចំណូលរបស់ប្រជាពលរដ្ឋ បានធ្វើឲ្យអំណាចនៃការទិញកើនឡើងជាស្វ័យប្រវត្តិ ដែលធ្វើឲ្យខេត្តនេះមានការរីកចម្រើន លើវិស័យបដិសណ្ឋារកិច្ច វិស័យលក់រាយ និងកំនើននៃការមកដល់របស់ភ្ញៀវទេសចរណ៍ជាតិ អន្តរជាតិ។
គោលនយោបាយខ្សែក្រវ៉ាត់ និងផ្លូវ
ក្រុងព្រះសីហនុ បានស្ថិតនៅក្នុងរបៀង នៃការអនុវត្តគោលនយោបាយខ្សែក្រវ៉ាត់១ ផ្លូវ១របស់ប្រទេសចិន ដែលធ្វើឲ្យខេត្តនេះប្រៀបបាននឹងមេដែកឆក់មួយ ក្នុងការអូសទាញអ្នកវិនិយោគជាតិ និងអន្តរជាតិ ពិសេសអ្នកវិនិយោគមកពីប្រទេសចិន ហើយភាពទាក់ទាញរបស់ខេត្តនេះបាននិងកំពុងបន្ត។
ជាក់ស្តែងខេត្តនេះ បានទាក់ទាញការវិនិយោគ ដោយបច្ចុប្បន្មមានតំបន់សេដ្ឋកិច្ចពិសេសចំនួន៥ កំពុងដំណើរការ មានរោងចក្រ តូច -ធំ សរុប ២១០កន្លែង សិប្បកម្ម អាជីវកម្ម ខ្នាត តូច ១.០៣៧ កន្លែង និងស្រូបយកកម្លាំងពលកម្ម ៨១.៤៧៥នាក់ ហើយទុនវិនិយោគ លើវិស័យឧស្សាហកម្ម មានទំហំប្រមាណ៨ពាន់លានដុល្លារអាមេរិក។
ការរីកចម្រើនវិស័យឧស្សាហកម្មបាននិងកំពុងបន្ត ជាមួយនឹងសក្តានុពលរបស់ខេត្ត ដែលមានស្រាប់់ទាំងកំលាំងពលកម្មថោក ទាំងហេដ្ឋារចនាសម្ព័ន្ឋល្អប្រសើរ ទាំងធនធានធម្មជាតិដ៏សម្បូរបែប។
នេះជាសក្តានុពលមួយដែលបាន និងកំពុងស្រោចស្រពលំហូរសាច់ប្រាក់ទៅគ្រប់ទីកន្លែង និងជាកំលាំងចលករថ្មី ក្នុងការទាក់ទាញការវិនិយោគជាតិ និងអន្តរជាតិកាន់តែច្រើនថែមទៀត។
ខេត្តព្រះសីហនុអាចនិយាយបានថា ជាខេត្តមានលក្ខណៈពិសេសជាងគេផ្នែកភូមិសាស្រ្ត និងធនធានធម្មជាតិដ៏កម្រ។ ហេតុនេះហើយទើប ខេត្តនេះនៅតែរក្សាបាននូវឧត្តមភាពរបស់ខ្លួន។
វិស័យគមនាគមន៍
ដោយសារវាស្ថិតក្នុងផែនការអភិវឌ្ឍន៍របស់រដ្ឋាភិបាល និងការប្រែក្លាយខេត្តនេះជាតំបន់សេដ្ឋកិច្ចពហុបំណង ខេត្តនេះមានហេដ្ឋារចនាសម្ព័ន្ឋតភ្ជាប់សំខាន់ៗ ជាច្រើនដូចជា ផ្លូវជាតិលេខ៤ ដែលត្រូវចាក់បន្ថែមនៅពេលខាងមុខ ផ្លួវល្បឿនលឿនជាប្រវត្តិសាស្រ្ត ដែលបាននិងកំពុងសាងសង់ រថរថភ្លើងដែលបាន និងកំពុងដាក់ឲ្យដំណើរការដោយក្រុមហ៊ុន Toll Royal Railway និងបច្ចុប្បន្ននេះក្រុមហ៊ុនចិនបាន និងកំពុងសិក្សាលទ្ឋភាព ដើម្បីសាងសង់រថភ្លើងល្បឿនលឿនពីភ្នំពេញ ទៅកាន់ខេត្តនេះផងដែរ។
ហេដ្ឋារចនាសម្ព័ន្ឋជាអំណាចនៃសេដ្ឋកិច្ច ហេដ្ឋារចនាសម្ព័ន្ឋជាកំណប់នៃសេដ្ឋកិច្ច ហើយហេដ្ឋារចនាសម្ព័ន្ឋ នឹងជួយអូសក្បាលម៉ាស៊ីនសេដ្ឋកិច្ចទៅកាន់ខេត្តនេះ ក៏ដូចប ណ្តាខេត្តទូទាំងប្រទេសផងដែរ។
ហេតុនេះការរីកចម្រើនរបស់ខេត្តនឹងមិនបញ្ចប់ ឬធ្វើឲ្យមានភាពយឺតយ៉ាវដល់អំណាចនៃការទិញ អំណាចនៃការតភ្ជាប់ ប៉ុន្តែវាក៏ជួយសម្រួលដល់ការធ្វើដំណើរ និងដឹកជញ្ជូនផងដែរ។
វិស័យអាកាសចរណ៍
ភាពរីកចម្រើននៃវិស័យទេសចរណ៍ក្នុងខេត្ត ក៏ដូចជាលំហូរចូលនៃកំនើនអ្នកវិនិយោគបាននិងកំពុងបន្ត បាននិងកំពុងធ្វើឲ្យវិស័យអាកាសចរណ៍ ដែលជាការតភ្ជាប់ផ្លួវអាកាសស្របនឹងគោលនយោបាយ បើកដំហជើងមេឃរបស់រដ្ឋាភិបាល បានធ្វើឲ្យចំនួនការចុះចតនៅព្រលានយន្តហោះកងកេង ក្រុងព្រះសីហនុបានកើនឡើងជាប្រចាំ។
ជាក់ស្តែងបច្ចុប្បន្ននេះ ព្រលានយន្តហោះ អន្តរជាតិ ខេត្តព្រះសីហនុកំពុងប្រតិបត្តិ ការមានក្រុមហ៊ុនអាកាសចរណ៍ចំនួន១៤ក្រុមហ៊ុន មានជើងហោះហើរចំនួន១៣៣ជើង ក្នុងមួយសប្តាហ៍ ក្នុងនោះជើងហោះហើរ អន្តរជាតិមាន៩១ជើង ក្នុងមួយសប្តាហ៍ ដែលក្រុមហ៊ុនអាកាសចរណ៍ទាំងនោះ បានភ្ជាប់ការហោះហើរមកពីប្រទេសជាច្រើន ដូចជា ប្រទេស ថៃ ម៉ាឡេស៊ី វៀតណាម និងមកពីទីក្រុងចំនួន២៥នៅប្រទេសចិន។
ការមកដល់របស់អ្នកដំណើរតាមផ្លូវអាកាសកាន់តែច្រើន បានធ្វើឲ្យខេត្តនេះកាន់តែល្បីល្បាញលើឆាកអន្តរជាតិ ហើយនៅពេលភាពល្បីល្បាញ លំហូរនៃកំនើនភ្ញៀវទេសចរណ៍ និងអ្នកធុរកិច្ចនឹងកើនឡើងជាស្វ័យប្រវត្តិផងដែរ។
កាលពីឆ្នាំ២០១៨ខេត្តព្រះសីហនុ ទទួលបានភ្ញៀវទេសចរណ៍ជាតិ អន្តរជាតិជាង ២លាននាក់ កើនឡើង២.៦៣ភាគរយ ធៀបនឹងឆ្នាំ២០១៧ ហើយ ទេសចរចិនបានឈរលំដាប់លេខរៀងទី១។
ការស្រោចស្រពលំហូរសេដ្ឋកិច្ច បាននិងកំពុងចាក់បញ្ចូល នៅក្នុងទីក្រុងមួយនេះ ដែលពីមុនមានតែអាគារកំពស់ ៧ឬ១០ជាន់ ប៉ុន្តែបច្ចុប្បន្នខេត្តនេះមានវត្តមានអាគារខ្ពស់ចាប់ពី៥ជាន់ដល់៤០ជាន់ជាង២០០អាគារ។
កំពង់ផែអន្តរជាតិ
ការកាត់បន្ថយនិតិវិធី ដូចជា ការលុបចោលស្ថាប័នកាំសាប ការរំសាយមន្រ្តីកាំកុងត្រូល និងប្រព័ន្ឋនៃការិយាធិបតេយ្យមួយចំនួនទៀត បាននិងកំពុងធ្វើឲ្យការដឹកជញ្ជូនតាមកំពង់ផែព្រះសីហនុ ដែលជាកំពង់ផែទឹកជ្រៅតែមួយគត់បានកើនឡើងឆាប់រហ័ស។
ជាមួយគ្នានេះកំពង់ផែនេះ បាននិងកំពុងដើរតួនាទីកាន់់តែសកម្ម និងមានប្រសិទ្ឋភាពជាងមុន និងប្រកបដោយស័ក្តិសិទ្ឋភាព តាមរយៈការតភ្ជាប់ការដឹកទំនិញផ្ទាល់ទៅកាន់ប្រទេសចិន ជាជាងពឹងផ្អែកកំពង់ផែប្រទេសជិតខាង ដែលធ្វើឲ្យលការលើកដាក់ត្រូវ ចំណាយរយៈពេលវែង និតិវិធីស្មុគ្រស្មាញ ពិសេសតម្លៃនៃការនាំចេញខ្ពស់។
យោងតាមរបាយការណ៍របស់កំពង់ផែស្វយ័ត្ន ខេត្តព្រះសីហនុបានឲ្យដឹងថា ការដឹកជញ្ជូនតាមផ្លូវសមុទ្រ មានលក្ខណៈ ជាតិ និងអន្តរជាតិ ដែលមានទំនិញជាកុងទីណ័រចេញ -ចូល ប្រមាណ៧៣ភាគរយ នៃបរិមាណនាំចេញ -ចូលទូទាំងប្រទេស។
ការតភ្ជាប់់ផ្លូវទឹកកាន់់តែមានសារៈសំខាន់ខ្លាំងឡើង ទាំងការដឹកជញ្ជូនទំនិញ ការមកដល់របស់ភ្ញៀវទេសចរណ៍តាមកប៉ាល់ធំៗ និងក្លាយជាចំណែកថ្មីមួយនៃការទាញយកមកប្រើប្រាស់នូវធនធានធម្មជាតិ ពិសេសប្រេងដំបូងនឹងត្រូវចំរាញ់នៅក្នុងខេត្តនេះ ខណៈប្រព័ន្ឋដឹកជញ្ជូនផ្លូវគោក ផ្លូវអាកាសបាននិងកំពុងសមាហរណកម្មគ្នា ដើម្បីរុញផលនៃកំនើនសេដ្ឋកិច្ចចូលមកកាន់ខេត្ត ដែលស្ថិតក្នុងចំណោមខេត្ត K4 នៃតំបន់ឆ្នេរកម្ពុជា។
វិស័យទេសចរណ៍ និងការធ្វើឲ្យរស់ឡើងវិញ
នៅឆ្នាំ២០១៩នេះ វិស័យទេសចរណ៍នៅកម្ពុជា បានជួបប្រទះនូវភាពស្រអាប់ ដោយសារបញ្ហាអសកម្មមួយចំនួន ពិសេសអ្នកនៅក្នុងវិស័យនេះ កំពុងតែដើរតួនាទីជាអ្នកសម្លាប់ឆ្នាំងបាយខ្លួនឯង។
បើក្រឡេកមើលក្រុងព្រះសីហនុពីមុន គឺខេត្តនេះមិនមានភាពល្បីល្បាញអ្វីក្រៅពីវិស័យទេសចរណ៍នោះឡើយ ប៉ុន្តែពេលនេះវិស័យនេះ ក៏កំពុងជួបប្រទះនូវបញ្ហាជាច្រើនផងដែរ ដោយសារការហូរចូលនូវទេសចរណ៍ចិន ដែលធ្វើឲ្យទេសចរណ៍ស្បែកសដើរចេញ ពិសេសការបង្កើតពាក្យចចាមអារ៉ាមដ៏ច្រើន (មានការចាត់តាំង) ដើម្បីសម្លាប់ទេសចរ ណ៍ និងធ្វើឲ្យស្លោកស្រពោននូវកិត្តិនាម ខេត្តដ៏មានសក្តានុពលនេះ។
ហេតុនេះការចូលរួមធ្វើឲ្យរស់ឡើងវិញនូវវិស័យនេះ មិនអាចធ្វើឡើងដោយអាជ្ញាធរខេត្ត ឬរដ្ឋាភិបាលតែឯងនោះទេ ប៉ុន្តែទាមទារឲ្យមានការចូលរួមយ៉ាងសម្មពីប្រជាពលរដ្ឋ ពីអ្នកវិនិយោគជាតិ អន្តរជាតិ ពិសេសអ្នកពាក់ព័ន្ឋក្នុងវិស័យនេះ គួរបង្កើតនូវភាពស្មោះត្រង់ គួរកាត់បន្ថយភាពអាត្មានិយម តាមរយៈការបញ្ចប់នូវការលក់ផលិតផលក្លែងក្លាយដល់ភ្ញៀវទេសចរណ៍ជាតិ អន្តរជាតិ។
ការមិនដំឡើងថ្លៃបន្ទប់ផ្ទះសំណាក់ ឬសណ្ឋាគារខ្ពស់កប់ពពក រាប់់ទាំងចំណីអាហារ បរិស្ថាន និងរបៀបរបបសណ្តាប់ធ្នាប់សង្គម ដែលគួរតែយើងទាំងអស់គ្នាប្រែក្លាយខ្លួនឯងជាប្រជាជាតិ ដែលមានភាពស៊ីវិល័យ និងឈរលើមូលដ្ឋាននៃភាពជាអរិយជន។
ដូច្នេះការបិទអាជីវកម្មហ្គេមអនឡាញ មិនគួរជារឿងសោកសៅនោះទេ ប៉ុន្តែជារឿងគួរត្រេកអរ (ទោះមនុស្សចំនួនតិចបាត់បង់ផលប្រយោជន៍) ព្រោះវាធ្វើឲ្យសណ្តាប់ធ្នាប់របៀបរៀបរយ ក្នុងទីក្រុងនេះមានភាពរសរវើក និងប្រកបដោយភាពសុខដុមឡើងវិញ។
សេដ្ឋកិច្ចកម្ពុជានៅតែរក្សា បានកំនើនក្នុងរង្វង់៧ភាគរយ កម្ពុជានៅតែមានស្ថេរភាពសង្គម ស្ថេរភាពនយោបាយ និងអំណាចនៃការទិញកើនឡើង ដែលកំនើនសេដ្ឋកិច្ចនេះកំពុងសាបព្រួសនូវទស្សនទានវិជ្ជមាន និងចរន្តសាច់ប្រាក់យ៉ាងសកម្មក្នុងសេដ្ឋកិច្ចជាតិ។
ខេត្តព្រះសីហនុ មិនគួររងភាពស្រអាប់ ដោយសារបញ្ហាល្បែងអនឡាញនោះទេ ព្រោះខេត្តនេះ មានសក្តានុពលយ៉ាងច្រើនលើវិស័យសំខាន់ៗ ដែលស័ក្តិសមជាតារារះនាទិសនារតី ក្រោមការប្រសិទ្ឋនាម របស់ប្រមុខរដ្ឋាភិបាលសម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីកម្ពុជា៕
អ្នកជំនាញផ្នែកស្ថាបត្យកម្ម និងនគរូបនីយកម្ម លោកបណ្ឌិត វ៉ាន់ វ៉ាត បានមានប្រសាសន៍ឲ្យដឹងនាព្រឹកថ្ងៃទី៧ កុម្ភៈនេះថា រចនាបទមួយដែលអាចធានាបាននូវការចាប់អារម្មណ៍ក្នុងរយៈពេលយូរ គឺត្រូវមានបង្កប់នូវបច្ចេកទេសនៃស្ថាបត្យកម្ម ដែលអាចរក្សាបាននូវផាសុកភាពក្នុងការរស់នៅល្អប្រសើរ។ អ្វីដែលជាគន្លឹះក្នុងការស្រមើលស្រមៃប្រកបដោយគុណភាពខ្ពស់ គឺការសង្កេតមើលពីស្ថាបត្យកម្មដែលមានស្រាប់ និងមានភាពលេចធ្លោបន្សល់ពីអ្នកជំនាញជំនាន់មុន ជាក់ស្ដែងដូចជា សំណង់ដែលបន្សល់ទុកពីលោកតាបណ្ឌិតសាស្ត្រាចារ្យ វណ្ណ មូលីវណ្ណ ដែលជាបិតាស្ថាបត្យករខ្មែរ ហើយបូកបន្ថែមនូវគំនិតស្រមើស្រមៃផ្ទាល់ផ្ទាល់ខ្លួន។
លោកបន្តថា “អ្វីដែលជាចំណុចសំខាន់ គឺការចេះវិភាគ និងស្រមើលស្រមៃរបស់ស្ថាបត្យករ ទៅលើស្ថានភាព និងនៃទំហំតួក្នុងនៃអគារ ក៏ដូចជាការរៀបចំនូវទីតាំងបន្ទប់ ជណ្ដើរ ផ្ទះបាយ ក៏ដូចជាបន្ទប់រួមដែលធ្វើយ៉ាងណាមិនឱ្យមានភាពសាំញាំ ដោយត្រូវមានគម្លាតសមល្មម ដែលអាចទទួលបានពន្លឺធម្មជាតិគ្របគ្រាន់ រួមជាមួយនឹងលំហូរខ្យល់ចេញចូលផងដែរ”។
យោងតាម មន្ទីរសាធារណៈការ និងដឹកជញ្ជូនរាជធានីភ្នំពេញ ដែលបានចុះផ្សាយនៅថ្ងៃទី៧ខែកុម្ភៈ ឆ្នាំ២០២០នេះឱ្យដឹងថា ផ្លូវថ្មីនេះក៏បានតភ្ជាប់ចរាចរពីផ្លូវល្បឿនលឿនភ្នំពេញ-ក្រុងព្រះសីហនុ ចេញចូលរាជធានីភ្នំពេញផងដែរ។
គណៈកម្មការអឺរ៉ុប ដែលជាក្រុមប្រតិបត្តិរបស់សហគមន៍អឺរ៉ុប មានគោលបំណងនៅសប្តាហ៍ក្រោយដើម្បីសំរេចព្យួរគោលនយោបាយ ដែលអនុញ្ញាតឱ្យប្រទេសកម្ពុជានាំចេញទំនិញទាំងអស់លើកលែងតែអាវុធគ្មានពន្ធ និងកូតាទៅក្នុងប្លុកនេះ។ នេះបើយោងតាមមន្រ្តីដែលបានដឹងពីផែនការនេះ។
គណៈកម្មការនេះ បានឱ្យដឹងថា ការនាំចូលពីសហគមន៍អឺរ៉ុបពីប្រទេសកម្ពុជាក្នុងឆ្នាំ ២០១៨ មានតម្លៃ ៥,៤ ពាន់លានអឺរ៉ូ (៥,៩ ពាន់លានដុល្លារ) ការនាំចេញមានដូចជា សម្លៀកបំពាក់ និងវាយនភ័ណ្ឌមានប្រមាណ ៣ ភាគ ៤ នៃចំនួនសរុប។
មានមនុស្សជាច្រើន បានចាប់ផ្តើមដំណើរការអាជីវកម្ម ហើយក៏បិទទ្វារទៅវិញក្នុងរយៈពេលដ៏ខ្លី ដោយសារតែពួកគេទាំងនោះគិតថា ការបើអាជីវកម្ម ឬផ្តើមធ្វើជំនួញគឺជារឿងងាយស្រួល ដូចបើកទ្វារការិយាល័យ សំខាន់ឱ្យតែមានលុយដំណើរការ។ តាមពិតទៅការរកលុយក្នុងអាជីវកម្ម គឺមានបញ្ហាស្មុគស្មាញជាច្រើនដែលត្រូវប្រឈម និងដោះស្រាយ។
ជាការចូលរួមចំណែកចែកជាគំនិត និងចំណេះដឹងខ្លីៗក្នុងការបង្កើតអាជីវកម្ម គេហទំព័រ Propertyarea.asia សូមលើកយកគន្លឹះសំខាន់ចំនួន៨ ដែលដកស្រង់ចេញពីគម្ពីមគ្គុទេសអាជីវកម្ម មកបង្ហាញលោកអ្នក ដើម្បីចាប់អនុវត្តឱ្យទទួលបានជោគជ័យក្នុងអាជីវកម្មរបស់ខ្លូន។
មូលដ្ឋានគិតពន្ធ = (តម្លៃអចលនទ្រព្យសរុប x ៨០%)-១០០.០០០.០០០ រៀល
ស្របពេលដែលដំណើរពិនិត្យប្រព័ន្ធអនុគ្រោះ EBA នេះ សមាគមប្រជាជាតិអាស៊ីអាគ្នេយ៍ (អាស៊ាន) បាងបង្ហាញថា អឺរ៉ុបសព្វថ្ងៃនេះ មានទំនាក់ទំនងមិនល្អជាមួយអាស៊ាន។
កម្មករចំនួន៧៥០,០០០នាក់នៅក្នុងឧស្សាហកម្មនេះ តំណាងជាងពាក់កណ្តាលនៃកម្លាំងការងារសរុប ក្នុងប្រព័ន្ធរបស់ប្រទេសកម្ពុជា ហើយឧស្សាហកម្មនេះផ្តល់ការគាំទ្រចំណូលផ្ទាល់ដល់គ្រួសារជាង២០ភាគរយ នៃគ្រួសារទាំងអស់នៅក្នុងប្រទេសកម្ពុជា។ ជាង៨០ភាគរយ នៃកម្មកររបស់យើងជាស្ត្រី ហើយពួកគេភាគច្រើនបំផុតមានអាយុក្រោម ៣៥ឆ្នាំ។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA) លោក ច្រឹក សុខនីម បានឱ្យដឹងកាលពីពេលថ្មីៗនេះដែរថា នៅកម្ពុជានៅពេលរដ្ឋាភិបាលប្រកាសការសាងសង់ហេដ្ឋារចនាសម្ព័ន្ឋនៅតំបន់ណា តំបន់នោះដីបានឡើងថ្លៃ ដោយសារសកម្មភាពនៃការអភិវឌ្ឈនឹងសាយភាយទៅកាន់តំបន់នោះ។
