ព្រះរាជក្រឹត្យស្តីពីការគណៈវិស្វករកម្ពុជា
សញ្ញាវិជ្ជមាន៖ សេដ្ឋកិច្ចសកលអាចនឹងចាប់ផ្តើមងើបឡើងវិញនៅដើមត្រីមាសទី ១ ឆ្នាំ ២០២០
ដោយ Donald Lee
ភ្នំពេញ៖ ប្រធានសេដ្ឋវិទូមួយនៅធនាគារ Morgan Stanley ដែលមូលដ្ឋាននៅអាមេរិក ជឿជាក់ថា សេដ្ឋកិច្ចពិភពលោកអាចនឹងឆ្ពោះទៅរកការផ្លាស់ប្តូរមួយដែលនឹងកើនឡើងនៅចុងឆ្នាំ ២០១៩ និងឈានដល់កំណើនសេដ្ឋកិច្ចពិភពលោកជិត ៣,២ ភាគរយនៅក្នុងត្រីមាសទីមួយនៃឆ្នាំ ២០២០។
សេដ្ឋវិទូរូបនេះបានកែប្រែការព្យាករមុននៃកំណើនជាសកលចំនួន ២,៩ ភាគរយសម្រាប់ឆ្នាំ ២០១៩ ដោយសារធនាគារកណ្តាលនៅជុំវិញពិភពលោកកាត់បន្ថយអត្រាការប្រាក់ដើម្បីជំរុញសេដ្ឋកិច្ច និងវឌ្ឍនភាពថ្មីៗនៅក្នុងកិច្ចពិភាក្សាពាណិជ្ជកម្មរវាងអាមេរិក និងចិន។
លោក Chetan Ahya ប្រធានសេដ្ឋវិទូរបស់ធនាគារ Morgan បានថ្លែងនៅក្នុងរបាយការណ៍ថា “ក្នុងរយៈពេល ១៥ ខែកន្លងមកនេះទិន្នន័យកំណើនសេដ្ឋកិច្ចពិភពលោកចង្អុលបង្ហាញពីទិសដៅធ្លាក់ចុះថេរ។ វាជារឿងធម្មតាទេដែលគិតថា វដ្តនេះនឹងមិនអាចត្រឡប់មក ហើយយើងនឹងបន្តឃើញការធ្លាក់ចុះក្នុងប៉ុន្មានខែខាងមុខនេះ”។
លោកបានបន្ថែមថា “ទោះយ៉ាងណាយើងឃើញអ្វីៗខុសគ្នា៖ តាមរូបភាពទស្សនៈវិស័យធំមួយ យើងគិតថា ទស្សនៈវិស័យសេដ្ឋកិច្ចសកលពឹងផ្អែកលើកម្លាំងសំខាន់ពីរដែលផ្តោតលើការកាត់បន្ថយគោលនយោបាយ និងភាពតានតឹងផ្នែកពាណិជ្ជកម្ម។ ហើយឥឡូវនេះចាប់តាំងពីឆ្នាំ ២០១៨ យើងមានកម្លាំងទាំងពីរកំពុងដើរក្នុងទិសដៅតែមួយដើម្បីជួយបញ្ច្រាសទិសដៅធ្លាក់ចុះ។
ការបន្ធូរបន្ថយរបស់ធនាគារកណ្តាលកាន់តែខ្លាំងឡើងៗ ហើយជម្លោះពាណិជ្ជកម្មកំពុងធ្លាក់ចុះ។ អង្គការ UNCTAD ដែលជាស្ថាប័នសំខាន់របស់អង្គការសហប្រជាជាតិទាក់ទងនឹងបញ្ហាពាណិជ្ជកម្ម និងការអភិវឌ្ឍបានចេញរបាយការណ៍ស្តីពីផលប៉ះពាល់នៃការធ្វើសង្រ្គាមពាណិជ្ជកម្មអស់រយៈពេលជាងមួយឆ្នាំទៅលើសេដ្ឋកិច្ចពិភពលោកទាំងមូល។
របាយការណ៍របស់អង្គការសហប្រជាជាតិបានឱ្យដឹងថា “ជម្លោះពន្ធពាណិជ្ជកម្មរវាងចិន និងអាមេរិកគឺជាស្ថានភាពចាញ់ ចាញ់ សម្រាប់ប្រទេសទាំងពីរ និងពិភពលោកទាំងមូល ហើយវាទំនងជាយ៉ាប់យ៉ឺន ដរាបណាមិនមានកិច្ចព្រមព្រៀងណាមួយត្រូវបានធ្វើឡើង៕
កម្ពុជានឹងទទួលប្រតិភូជាង ២០០០នាក់មកពីជុំវិញពិភពលោកជាង ១៥០ប្រទេស
ដោយៈ រ៉ាណេត
ភ្នំពេញៈ ប្រទេសកម្ពុជានឹងទទួលប្រតិភូជាង ២០០០លានមកពី ១៥០ប្រទេសនៅលើពិភពលោក ដើម្បីចូលរួមកិច្ចប្រជុំកំពូលអាស៊ីប៉ាស៊ីហ្វិកលើកទី២ ឆ្នាំ២០១៩នេះ ដែលអ្នកជំនាញនិងសេដ្ឋវិទូអះអាងថា តាមរយៈព្រឹត្តិការណ៍ដ៏មានកិត្យានុភាពនេះ កម្ពុជា នឹងទទួលបានផលប្រយោជន៍ជាច្រើន លើកិច្ចសហប្រតិបត្តិការជាមួយបណ្តាប្រទេសផ្សេងៗ ដែលជាសមាសភាពចូលរួមប្រជុំ ថែមទាំងមានឱកាសជំរុញវិស័យពាណិជ្ជកម្មឱ្យមានភាពល្អប្រសើរ។
កិច្ចប្រជុំកំពូលអាស៉ីប៉ាស៉ីហ្វិក ២០១៩ ឬ Asia Pacific Summit 2019 នឹងត្រូវធ្វើឡើងចាប់ពីថ្ងៃទី១៨ ដល់ថ្ងៃទី២១ ខែវិច្ឆិកា ឆ្នាំ២០១៩ នៅរាជធានីភ្នំពេញ ដោយផ្ដោតទៅលើប្រធានបទស្ដីពី ការឆ្លើយតបចំពោះបញ្ហាប្រឈមគន្លឹះនាពេលបច្ចុប្បន្ន៖ សន្តិភាព ការបង្រួបបង្រួមជាតិ ការពឹងពាក់គ្នាទៅវិញទៅមក វិបុលភាព និងតម្លៃសកល។ តាមការគ្រោងទុក សម្តេចតេជោហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញធ្វើជាប្រធានដឹកនាំកិច្ចប្រជុំមួយនេះ។
អនុប្រធានសភាពាណិជ្ជកម្មកម្ពុជា លោកឧកញ៉ាលឹម ហេង បានមានប្រសាសន៍ប្រាប់តាមទូរស័ព្ទកាលពីរសៀលថ្ងៃទី១៨ ខែវិច្ឆិកា ឆ្នាំ២០១៩នេះថា តាមរយៈកិច្ចប្រជុំវិលជុំកំពូលអាស៊ីប៉ាស៊ីហ្វិកលើកទី២ ឆ្នាំ២០១៩នេះ កម្ពុជានឹងទទួលបានផលប្រយោជន៍ជាច្រើន បន្ថែពីលើការផ្តល់ទំនុកចិត្តពីបណ្តាប្រទេសនានា ដែលជាសមាសភាពចូលរួមប្រជុំក្រោមការផ្តល់ឱកាសក្នុងនាមជាម្ចាស់ផ្ទះ។
លោកឧកញ៉ាបានមានប្រសាសន៍បន្តទៀតថា “យើងអាចទទួលបានផលចំណេញច្រើនពីកិច្ចប្រជុំមួយនេះ ដែលក្នុងនោះរួមមានដូចជា ភាពល្អប្រសើរទាំងផ្នែកនយោបាយ ទាំងវិស័យការទូតអន្តរជាតិ ជាពិសេសវិស័យពាណិជ្ជកម្មថ្នាក់អន្តរជាតិ”។ លោកឧកញ៉ាបានបន្តទៀតថា “នៅក្នុងកិច្ចប្រជុំមួយនេះ ថ្នាក់ដឹកនាំនឹងលើកយកពីចំណុចខ្វះខាត និងចំណុចល្អប្រសើររបស់កម្ពុជា ដែលបង្ហាញពីសក្ដានុពល និងឱកាសក្នុងការវិនិយោគនៅកម្ពុជា ដើម្បីអាចអូសទាញការចាប់អារម្មណ៍ ពីសំណាក់អ្នកតំណាងប្រទេសក៏ដូចជាបណ្តាធុរកិច្ចដែលបានចូលរួមប្រជុំ”។
លោកឧកញ៉ាបន្តទៀតថា ក្រៅពីមានសក្ដានុពលលើវិស័យកសិឧស្សាហកម្ម កម្ពុជា នៅមានវិស័យទេសចរណ៍វប្បធម៌ ធម្មជាតិជាច្រើនទៀត រួមជាមួយនឹងសក្ដានុពលធនធានធម្មជាតិដ៏សប្បូរបែបដែលយើងនៅមិនទាន់ប្រើប្រាស់នៅឡើយ។
អ្នកស្រាវជ្រាវសេដ្ឋកិច្ចនៃរាជបណ្ឌិតសភាកម្ពុជា លោកបណ្ឌិតហុង វណ្ណៈ បានឱ្យដឹងដែរថា កាលពីពេលកន្លងទៅការចាត់ ចែងកិច្ចប្រជុំមួយនេះ គឺត្រូវធ្វើឡើងដោយសហរដ្ឋអាមេរិក និងបានទាញយកផលប្រយោជន៍មួយចំនួនធំ ចេញពីកិច្ចប្រជុំបណ្តាប្រទេសនានានៅទូទាំងពិភពលោកមួយនេះ។
លោកបន្តទៀតថា “កាលដែលយើងមានឱកាសបានក្លាយជាម្ចាស់ផ្ទះ ក្នុងការរៀបចំនេះ ខ្ញុំគិតថាមានគុណសម្បត្តិច្រើនសម្រាប់កម្ពុជា ដែលទាញយកផលចំណេញទាំងផ្នែកសហប្រតិបត្តិការសេដ្ឋកិច្ច ការពង្រីកវិស័យពាណិជ្ជកម្ម ក៏ដូចជាបង្កើនកិច្ចទំនាក់ទំនងលើការវិនិយោគបន្ថែមទៀតផងដែរ”។
លោកហុង វណ្ណៈ បានបន្តទៀតថា “នៅក្នុងកិច្ចប្រជុំនេះ ថ្នាក់ដឹកនាំប្រទេស ក៏ដូចជាវាគ្មិនតំណាងប្រទេស នឹងឡើងធ្វើបទបង្ហាញពីផែនការប្លង់គោលនៃការអភិវឌ្ឍប្រទេសរៀងៗខ្លួន ខណៈដែលកម្ពុជា គឺជាប្រទេសមួយដែលតូចនៅក្នុងតំបន់ អាចមានលទ្ធភាពត្រឹមតែសម្របសម្រួល រៀបចំដោយមិនមានភាពលំអៀង និងទាញយកផលប្រយោជន៍ពីបណ្តាប្រទេសដែលរីកចម្រើន ជឿនលឿនក្នុងផ្នែកណាមួយដែលអាចធ្វើទៅបាន”។
លោកបានបញ្ជាក់ថា បច្ចុប្បន្ននេះ មានប្រទេសមហាអំណាចមួយចំនួនបានគិតថា កម្ពុជាហាក់មានភាពលំអៀងទៅកាន់រដ្ឋាភិបាលចិន ប៉ុន្តែវាជាឱកាសដ៏ល្អបំផុតសម្រាប់កម្ពុជា ក្នុងការបង្ហាញពីភាពស្អាតស្អំរបស់ខ្លួនក្នុងការរៀបចំ និងសម្រប សម្រួលកិច្ចប្រជុំកំពូលអាស៊ីប៉ាស៊ីហ្វិកលើកទី២ ឆ្នាំ២០១៩នេះ៕
សម្តេចតេជោ៖ កម្ពុជាមានលុយជាសាច់ប្រាក់សុទ្ធចំនួនជាង ៣០០០លានដុល្លារ និងលុយខ្មែរ ១៥លានលានរៀល
ដោយ វុត្ថា
ភ្នំពេញៈ សម្តេចតេជោហ៊ុន សែន ប្រមុខរាជនៃរាជរដ្ឋាភិបាលកម្ពុជាបានគូសបញ្ជាក់ឱ្យដឹងថា ជានិច្ចជាកាល និងនៅក្នុងពេលបច្ចុប្បន្ននេះ ប្រសកម្ពុជាមានលុយជាប្រាក់សុទ្ធិដែលអាចចាយបានចំនួនជាង ៣០០០លានដុល្លារអាមេរិក និងប្រាក់រៀលចំនួន ១៥លានលានរៀល។
សម្តេចតេជោ ហ៊ុន សែន នៅក្នុងពិធីប្រគល់សញ្ញាបត្រដល់និស្សិត សាកលវិទ្យាល័យធនធានមនុស្សចំនួន១,៩៥៨នាក់នាព្រឹកថ្ងៃទី ១៨ ខែវិច្ឆិកា ឆ្នាំ ២០១៩ នេះបានឱ្យដឹងថា “ធ្វើជានាយករដ្ឋមន្ត្រីដែលពិបាកជាងគេ គឺនាយករដ្ឋមន្ត្រីអត់សាច់ប្រាក់ក្នុងការចាយវាយ”។
សម្តេចតេជោថា កាលពីមុនមន្ត្រីរាជការមានប្រាក់ខែតិចហើយ អត់ប្រាក់បើកឱ្យទៀត ។ មិនតែប៉ុណ្ណោះ ការបើកប្រាក់ទៀតសោតក៏យឺតផងដែរ ។ រដ្ឋាភិបាលសម្រួលឱ្យមានការបើកប្រាក់បៀវត្សនៅបំណាច់ខែ ឬមុខដាច់ខែ តែរហូតដល់បច្ចុប្បន្ននេះបើកកន្លះខែបើកម្តង។ នេះក៏ដោយសារតែរាជរដ្ឋាភិបាលមានប្រាក់ ហើយប្រាក់ទាំងនេះមិនបានយកពីមកEBA នោះ ហើយក៏គ្មានការព្រួយបារម្ភដែរ។
សម្តេចតេជោបញ្ជាក់ថា រារដ្ឋាភិបាលកម្ពុជាទទួលបានចំណូលពីការនាំចូលនានា ជាពិសេសចំណូលពីការនាំចូលរថយន្តប្រមាណ៥២ភាគរយ ក្នុងចំណោមការនាំចូលផលិតផលផ្សេងៗទៀត ដោយសារតែបច្ចុប្បន្ននេះប្រជាពលរដ្ឋកម្ពុជា មានលទ្ធភាពទិញរថយន្តជិះ។
បើតាមសម្តេចតេជោហ៊ុន សែនបានអះអាងថា កម្ពុជារកចំណូលបានពីពន្ធគយលើសពីផែនការក្នុងរង្វង់ពី៧០០ ទៅ៧០០ លានដុល្លារអាមេរិក។ ចំណែកចំណូលបានមកពីពន្ធដារបានចំនួនពី៤០០ ទៅ៥០០លានដុល្លារអាមេរិក លើសផែនការដែលបានគ្រោងទុក។ នេះ បើគិតត្រឹមរយៈពេល១០ខែ នៃឆ្នាំ២០១៩ នេះ។
សម្តេចបញ្ជាក់ថា ប្រាក់ចំណូលសារពើពន្ធដែលលើសផែនការ មានចំនួនជាង ១០០០លានដុល្លារអាមេរិក ហើយនៅប្រាក់ចំណូលដែលមិនមែនសារពើពន្ធផ្សេងទៀត។ ដូច្នេះកម្ពុជាមានប្រាក់សម្រាប់ចាយវាយគ្រប់គ្រាន់៕
សេដ្ឋកិច្ចថៃកើនឡើង ២,៤ភាគរយ បើទោះបីជាការនាំចេញធ្លាក់ចុះក៏ដោយ
ដោយ Donald Lee
ភ្នំពេញ៖ ប្រទេសដែលមានសេដ្ឋកិច្ចធំទី២នៅអាស៊ីអាគ្នេយ៍ (ថៃ) បានកើនឡើង ២,៤ ភាគរយនៅក្នុងត្រីមាសទី៣ ទោះបីមានការធ្លាក់ចុះក្នុងការនាំចេញក៏ដោយ។ នេះបើយោងតាមរបាយការណ៍សេដ្ឋកិច្ច ដែលចេញផ្សាយដោយរដ្ឋាភិបាលថៃកាលពីថ្ងៃចន្ទ។
របាយការណ៍របស់ខ្លួនក្រុមប្រឹក្សាសេដ្ឋកិច្ច និងសង្គមជាតិថៃបានលើកឡើងថា “ផលិតផលក្នុងស្រុកសរុបក្នុងត្រីមាសទី៣ ឆ្នាំ២០១៩ បានកើនឡើង ២,៤ភាគរយបើប្រៀបធៀបនឹងការកើនឡើង ២,៣ភាគរយ នៅក្នុងត្រីមាសទី២ ឆ្នាំ ២០១៩ ដែលជំរុញដោយការកើនឡើងនូវការចំណាយប្រើប្រាស់ និងការវិនិយោគចុងក្រោយរបស់ឯកជន និងរដ្ឋាភិបាល។ ទោះជាការនាំចេញ និងនាំចូលទំនិញបានធ្លាក់ចុះជាបន្តបន្ទាប់ក៏ដោយ”។
សេដ្ឋកិច្ចថៃបានឈានទៅរកការធ្លាក់ចុះចាប់តាំងពីដើមឆ្នាំនេះ ដោយសារតែប្រាក់បាតឡើងថ្លៃ និងភាពតានតឹងនៃសង្គ្រាមពាណិជ្ជកម្មអាមេរិក និងចិន។ ធនាគារថៃបានទម្លាក់អត្រាការប្រាក់ពីរដងក្នុងឆ្នាំនេះ ដើម្បីគ្រប់គ្រងរូបិយវត្ថុជាតិ ដោយសារតែផលប៉ះពាល់លើការនាំចេញ និងវិស័យទេសចរណ៍។
រូបិយប័ណ្ណថៃស្ថិតក្នុងចំណោមរូបិយប័ណ្ណ ដែលកើនឡើងខ្លាំងបំផុតនៅលើពិភពលោកក្នុងរយៈពេលមួយឆ្នាំកន្លងមកនេះ។ ប្រាក់បាតឡើងថ្លៃជាង៥ភាគរយ ធៀបនឹងប្រាក់ដុល្លារអាមេរិកនៅឆមាសទីមួយនៃឆ្នាំនេះ។
ប្រាក់បាតឡើងថ្លៃជាងរូបិយប័ណ្ណផ្សេងៗទៀតនៅអាស៊ី។ ប្រាក់បាតឡើងដល់កម្រិតខ្ពស់ក្នុងរយៈពេល ៦ឆ្នាំនៅឆ្នាំនេះ។
ធនាគារកណ្តាលថៃ បានទម្លាក់អត្រាការប្រាក់មកនៅត្រឹម ១,២៥ភាគរយ កាលពីដើមខែនេះ ដែលជាអត្រាមួយដែលមិនបានមើលឃើញ ចាប់តាំងពីមានវិបត្តិហិរញ្ញវត្ថុពិភពលោកកាលពីឆ្នាំ២០០៩៕
វិនិយោគកូរ៉េខាងត្បូងកំពុងស្វែងរកឱកាសវិនិយោគលើវិស័យជាច្រើននៅកម្ពុជា
ដោយ ប៊ី
ភ្នំពេញៈ វិនិយោគកូរ៉េខាងត្បូង កំពុងស្វែងរកឱកាសវិនិយោគលើគ្រប់វិស័យនៅកម្ពុជា ខណៈរដ្ឋាភិបាលកម្ពុជាលើកទឹកចិត្ត រាល់ការវិនិយោគដើម្បីជំរុញដល់សេដ្ឋកិច្ច។
លោក Sang Won Park ប្រធានវេទិការអាសាន-កូរ៉េ និងសមាគមកម្ពុជា-កូរ៉េ និងបានដឹកក្រុមអ្នកវិនិយោគមកកាន់កម្ពុជា បានថ្លែងក្នុងកិច្ចពិភាក្សារវាងអ្នកវិនិយោគកូរ៉េ និងកម្ពុជានៅថ្ងៃទី១៨ ខែវិច្ឆិកាថា លោកមានមោទនភាព ដែលបេសកម្មលើកដំបូងមកាន់ភ្នំពេញ កម្ពុជា។
កិច្ចពិភាក្សារវាងអ្នកវិនិយោគកូរ៉េ ដែលស្វែងរកឱកាសវិនិយោគនៅកម្ពុជា គឺផ្តោតលើកិច្ចសហប្រតិបត្តិការលើវិនិស័យកែសម្ផស្ស គ្រឿងបន្លាស់រថយន្ត កសិកម្ម និងមានបំណងបើកសាកលវិទ្យាល័យកែសម្ផស្សនៅកម្ពុជា។
លោក Sang Won Park បានថ្លែងថា “ខ្ញុំសង្ឃឹមថា ជំហានដំបងនៃបេសកម្មនឹងកាន់តែការផ្លាស់ប្តូរសេដ្ឋកិច្ចបន្ថែមទៀតរវាងកូរ៉េ និងកម្ពុជា និងលើកកម្ពស់ការយោគយល់គ្នាទៅវិញទៅមក”។ លោកបន្តថា “យើងនឹងព្យាយាមឱ្យអស់ពីចិត្ត ដើម្បីធានាថានឹងបន្តអភិវឌ្ឍ និងលោកកម្ពស់បេសកម្មនេះជារៀងរាល់ឆ្នាំ ដើម្បីបម្រើជាវេទិកាមួយសម្រាប់កិច្ចសហប្រតិបត្តិការសេដ្ឋកិច្ច”។
លោក ទី សុគន្ឋ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានសា្វគមន៍ចំពោះរាល់ការវិនិយោគនៅកម្ពុជា ដែលរដ្ឋាភិបាលលើកទឹកចិត្តក្នុងការទាក់ទាញការវិនិយោគនៅកម្ពុជា។
លោកបានឱ្យដឹងថា បច្ចុប្បន្នកិច្ចសហប្រតិបត្តិការរវាងកម្ពុជា និងកូរ៉េខាងត្បូងមានភាពរីកចម្រើនលើគ្រប់វិស័យ ហើយការហោះហើររបស់កូរ៉េត្រង់មកកាន់កម្ពុជា មានជាង ៥០ ជើងក្នុងមួយសប្តាហ៍។ ចំណែកវិស័យទេសចរណ៍ ការមកដល់របស់ភ្ញៀវទេសចរកូរ៉េត្បូងមានចំនួនជាង៣០ម៉ឺននាក់។
ចំណែកពលករកម្ពុជាទៅធ្វើការនៅកូរ៉េចំនួន ៦១,៦០០នាក់ ក្នុងនោះស្ត្រីខ្មែរជាង ៨ ពាន់នាក់បានរៀបការជាមួយបរុសកូរ៉េ ហើយបុរសកម្ពុជាជាង៤០០នាក់ បានរៀបការជាមួយស្ត្រីកូរ៉េ។
ជំនួយឥតសំណងផ្លូវការរបស់កូរ៉េ សម្រាប់កម្ពុជាស្ថិតក្នុងចំណាត់ថ្នាក់ទី៤ បន្ទាប់ពីចិន ជប៉ុន និង ADB។ ចាប់ឆ្នាំ១៩៩៧ ទៅ ២០១៨ កូរ៉េបានផ្តល់ជំនួយឥតសំណងដល់កម្ពុជាជាង៣០០លានដុល្លារ និងផ្តល់ជាកម្ចីជាង៧៦០លានដុល្លារ។
លោកឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា បានស្វាគមន៍ និងលើកទឹកចិត្ត ហើយសន្យាជួយសម្របសម្រួលអ្នកវិនិយោគកូរ៉េ ដែលមានបំណងចង់វិនិយោគលើគ្របវិស័យនៅកម្ពុជា។
អ្នកវិនិយោគកូរ៉េអាចធ្វើការជាមួយសភាពាណិជ្ជកម្មកម្ពុជា ហើយសភាពាណិជ្ជកម្មកម្ពុជា នឹងជួយសម្របសម្រួលដល់ការស្វែងរកឱកាសវិនិយោគ របស់អ្នកវិនិយោគកូរ៉េនៅកម្ពុជា៕
ច្បាប់ស្តីពីការផ្តល់សិទ្ធិកម្មសិទ្ធិលើចំណែកឯកជននៃអគារសហកម្មសិទ្ធិដល់ជនបរទេស
អ្នកជំនាញបង្ហើបពីឱកាសអាជីវកម្មអាហារដ្ឋានបែបលម្ហែក្នុងមជ្ឈមណ្ឌលពាណិជ្ជកម្ម និងពិព័រណ៍
ដោយ ៖ រ៉ាណេត
ភ្នំពេញ ៖ ការបង្កើតអាជីវកម្មផ្នែកបម្រើសេវាចំណីអាហារនៅតាមបណ្តាទីប្រជុំជននានាហាក់មិនសូវពិបាកនោះទេ ប៉ុន្តែអ្វីដែលជារឿងពិបាកបំផុតនោះគឺការរក្សាដំណើរអាជីវកម្មបានប្រកបដោយភាពជោគជ័យ និងទទួលបានការគាំទ្រច្រើនពីសំណាក់អតិថិជន ជាពិសេសការជ្រើសរើសទីតាំងដែលមានសក្ដានុពល និងមានប្រសិទ្ធភាពក្នុងការលក់ខ្ពស់។
លោក ឡេង ឃេរី នាយកប្រតិបត្តិផ្នែកទីផ្សារឌីជីថលរបស់ក្រុមហ៊ុន រ៉ិច មី (Riich Me Co., Ltd) ដែលទទួលបានសិទ្ធិក្នុងការគ្រប់គ្រងទីផ្សារ នៃមជ្ឈមណ្ឌលពាណិជ្ជកម្ម និងពិព័រណ៍ B2B Park បានមានប្រសាសន៍នៅក្នុងអង្គសិក្ខាសាលាស្ដីពី “ឱកាសអាជីវកម្មនៅអាហារដ្ឋានបែបលម្ហែក្នុងមជ្ឈមណ្ឌលពាណិជ្ជកម្ម និងពិព័រណ៍” កាលពីចុងសប្ដាហ៍កន្លងទៅថា គ្រប់មុខអាជីវកម្មទាំងអស់ ការជ្រើសរើសទីតាំងគឺជារឿងសំខាន់បំផុត។
លោកបានបន្តទៀតថា ការបង្កើតអាជីវកម្មហាក់មិនមែនជារឿងដែលពិបាកធ្វើនោះទេ ប៉ុន្តែកាលដែលអាចរក្សាបាននូវដំណើរការអាជីវកម្ម និងប្រកដោយភាពជោគជ័យនោះទើបជារឿងដែលពិបាកធ្វើបំផុត”។
លោក ឡេង ឃេរី បានបន្តទៀតថា “ភាពជោគជ័យរបស់អាជីវកម្មផ្នែកចំណីអាហារ គឺពាក់ព័ន្ធសំខាន់ទៅនឹងការជ្រើសរើសទីតាំង គួបផ្សំជាមួយនឹងគុណភាពនៃសេវាកម្ម ការតុបតែងលម្អ បរិយាកាសជុំវិញ អនាម័យ ជាពិសេសគុណភាពនៃរសជាតិ”។
លោកបានបន្តទៀតថា “សម្រាប់សួនអាហារដ្ឋានបែបលម្ហែដែលបង្កើតឡើងនៅក្នុងមជ្ឈមណ្ឌលពាណិជ្ជកម្ម និងពិព័រណ៍ B2B Park គឺបានផ្តោតសំខាន់ទៅលើការយកចិត្តទុកដាក់ផ្នែកសុវត្ថិភាព ផាសុកភាព សោភ័ណភាព អនាម័យ និងបរិយាកាសល្អគួរជាទីទាក់ទាញ ជាពិសេសផ្តល់ភាពងាយស្រួលដល់បណ្តាអាជីវករទាំងអស់ដែលជាដៃគូ”។
លោក រតន៍ ទិត្យាមុន្នី ម្ចាស់ហាងអាហារដ្ឋាន ទឹកស៊ុប ដែលបានជួលទីតាំងសួនអាហារបែបលម្ហែនៅក្នុងមជ្ឈមណ្ឌលពាណិជ្ជកម្ម និងពិព័រណ៍ B2BPark សម្រាប់ដំណើរការសាខាថ្មីបន្ថែមទៀតនោះ បានទទួលស្គាល់នូវការលើកឡើងខាងលើនេះ ដោយលោកបានលើកយកបទពិសោធន៍ផ្ទាល់ខ្លួននៅក្នុងដំណើរអាជីវកម្មរបស់លោកបានបង្ហាញថា “ការធ្វើអាជីវកម្មផ្នែកចំណីអាហារ ការបង្កើតរសជាតិគឺជារឿងសំខាន់ ប៉ុន្តែទន្ទឹមនឹងនេះ ក៏ត្រូវមានកត្តាផ្សេងៗជាច្រើនទៀតចូលរួម ដូចជា សោភ័ណភាព អនាម័យ ការផ្តល់សេវាកម្មល្អ រួមជាមួយនឹងទីធ្លាចំណតដែលប្រកបដោយសុវត្ថិភាពខ្ពស់ផងដែរ”។
លោកបានបន្តទៀតថា “បច្ចុប្បន្ននេះ ក្រោមការទទួលបានភាពជោគជ័យលើអាជីវកម្មរបស់ខ្ញុំ ខ្ញុំបានសម្រេចចិត្តបង្កើតសាខាបន្ថែមទៀត ដោយជ្រើសយកទីតាំងដែលគួរជាទីទាក់ទាញ ទំនើប ស្អាត ទាន់សម័យ ដែលស័ក្តិសមទៅនឹងប្រភេទអាជីវកម្មរបស់ខ្ញុំ”។
ស្រដៀងគ្នានេះ លោក អឿន តុលា ម្ចាស់ហាង Bee Cocktail ក៏បានគាំទ្រមតិដែលបានលើកឡើងខាងលើនេះផងដែរ។
លោកបានមានប្រសាសន៍ថា “ធម្មតា អតិថិជនតែងចង់បាននូវអ្វីដែលថ្មី ល្អ ប្លែក ដែលសូម្បីតែចំណីអាហារដែលមានចម្អិន ក៏ត្រូវតែមានសិល្បៈក្នុងការរៀបចំ រួមជាមួយនឹងការតុបតែងលម្អទីតាំង ឱ្យមានភាពស៊ីវិល័យផងដែរ”។
លោកបានបន្តទៀតថា “ទីតាំងល្អស្អាត គឺជាចំណុចមួយដ៏ទាក់ទាញបំផុត ដែលអាចអនុញ្ញាតឱ្យអតិថិជនអង្គុយលេង បណ្តែតអារម្មណ៍ ជាមួយនឹងការទទួលទានអាហារដែលមានរសជាតិឆ្ងាញ់”។
លោកស្រី សុត សីម៉ា ម្ចាស់ហាងអាហារដ្ឋាន Happy Plate បានមានប្រសាសន៍ថា ក្រៅពីមានទីតាំងល្អ ប្រមូលផ្តុំទៅដោយអតិថិជនច្រើន ក៏ត្រូវតែចក្ខុវិស័យវែងឆ្ងាយ ច្បាស់លាស់ រួមជាមួយនឹងការចេះធ្វើផែនការអាជីវកម្ម និងការផ្សព្វផ្សាយពីចំណុចល្អ ភាពលេចធ្លោរបស់ហាងចេញទៅកាន់ទីផ្សាររួមផងដែរ ៕
ច្បាប់ភូមិបាលឆ្នាំ ២០០១ (As amended by LACC – 2011)
ច្បាប់ភូមិបាល
