រោងចក្រផលិតអគ្គិសនីទំហំ ៤០០មេហ្កាវ៉ាត់នឹងដាក់ឱ្យដំណើរការនៅមុនពាក់កណ្តាលឆ្នាំ២០២០

ដោយ វុត្ថា

ភ្នំពេញ៖ រោងចក្រផលិតអគ្គិសនីទំហំ ៤០០មេហ្កាវ៉ាត់នៅស្រុកល្វាឯម ខេត្តកណ្តាលនឹងតចូលមកបណ្តាញជាតិ នៅមុនពាក់កណ្តាលឆ្នាំ២០២០ ខណៈក្រុមជំនាញកំពុងសម្រុកធ្វើការសាងសង់ទាំងយប់ទាំងថ្ងៃ។

រដ្ឋមន្ត្រីក្រសួងរ៉ែ និងថាមពល លោក ស៊ុយ សែម បានឱ្យដឹងកាលពីថ្ងៃទី ១៧ ខែវិច្ឆិកាឆ្នាំ ២០១៩ ម្សិលមិញនេះ ខណៈចុះពិនិត្យរោងចក្រ អគ្គិសនីដើរដោយប្រេងខ្មៅ នៅឃុំកោះរះ ស្រុកល្វាឯម ខេត្តកណ្តាល បានឱ្យដឹងថា រាជរដ្ឋាភិបាលបានចំណាយថវិការបស់ជាតិ ដើម្បីបង្កើតរោងចក្រនេះឡើង ដែលមានកំលាំងថាមពលប្រមាណ ៤០០មេហ្គាវ៉ាត់ ដោយគ្រោងសាងសង់ឲ្យរួចរាល់ជាស្ថាពរ នៅមុនពាក់កណ្តាល ឆ្នាំ២០២០ ខាងមុខ ដើម្បីទ្រទ្រង់ការកង្វះអគ្គិសនីនៅរដូវប្រាំង នឹងទៅឆ្នាំខាងមុខបន្តបន្ទាប់ទៀត។

លោកបន្តថា នៅក្នុងរដូវប្រាំងខាងមុខនេះ នឹងទៅឆ្នាំខាងមុខបន្តទៀត កម្ពុជាមិនមានការខ្វះខាតថាមពលអគ្គិសនីសម្រាប់ប្រើប្រាស់ទៀតឡើយ ។

លោករដ្ឋមន្ត្រីបន្តថា ចំពោះគម្រោងនៃការសាងសង់រោងចក្រនេះ បើតាមការសន្យារបស់ក្រុមហ៊ុន គឺធ្វើយ៉ាងណាជំរុញការសាងសង់ នឹងគ្រោងដាក់ឲ្យដំណើរការ ១០០មេហ្គាវ៉ាត់ជាមុនសិន នៅក្នុងរដូវប្រាំង មុនឱកាសបុណ្យចូលឆ្នាំប្រពៃណីខ្មែរ ដើម្បីបំពេញនឹងតម្រូវការ នៃការប្រើប្រាស់អគ្គិសនីនៅកម្ពុជា ។

លោករដ្ឋមន្ត្រីបន្ថែមថា ដូច្នេះ នៅក្នុងរដូវប្រាំងខាងមុខនេះ កម្ពុជាមិនមានការខ្វះខាតថាមពលអគ្គិសនីសម្រាប់ប្រើប្រាស់ទៀតឡើយ ទោះបីរោងចក្រអគ្គិសនីដើរដោយប្រេងខ្មៅ ដែលគ្រោងដាក់ឲ្យដំណើរការនៅក្នុងរដូវប្រាំងខាងមុខនេះ សាងសង់មិនទាន់ចប់តាមផែនការយ៉ាងក៏ដោយ ។

សម្តេចតេជោ ហ៊ុន សែន នាយកដ្ឋមន្ត្រីនៃកម្ពុជាកាលពីកន្លងទៅថ្មីៗនេះផងដែរ បានតម្រូវឱ្យក្រុមហ៊ុនសាងសង់រោងចក្រផលិតអគ្គិសនីនេះ សាងសង់ទាំងយប់ទាំងថ្ងៃ ដើម្បីឆ្លើយតបទៅនឹងកង្វះខាតអគ្គិសនីប្រើប្រើប្រាស់នៅក្នុងទីក្រុងភ្នំពេញ និង ចែកចាយទៅកាន់ខេត្តជាគោលដៅរបស់កម្ពុជា។

រាជរដ្ឋាភិបាលកម្ពុជាសហការជាមួយអាជ្ញាធរអគ្គីសនីកម្ពុជាបកាលពីកន្លងទៅបានបោះទុនវិនិយោគជិត ៤០០លាន ដុល្លារអាមេរិកសាងសង់លើរោងចក្រ ៤០០មេហ្កាវ៉ាត់ HFO/LNG មួយនេះក្នុងគោលដៅដើម្បីរួមចំណែកមួយនៃផែនការបន្ថែម អានុភាពចំនួនជាង១០០០មេហ្កាវ៉ាត់ទៀត សម្រាប់ឆ្នាំ២០២០។

រោងចក្រផលិតអគ្គិសនី ៤០០មេហ្កាវ៉ាត់នៅស្រុកល្វាឯមនេះ ត្រូវបានបញ្ជាទិញម៉ាស៊ីន២០០មេហ្កាវ៉ាត់ ពីប្រទេស អាល្លឺម៉ង់២០០មេហ្កាវ៉ាត់ ពីប្រទេសហ្វាំងឡង់ ហើយក្រុមហ៊ុន ចិនពីរធំជាអ្នកសាងសង់។

គិតដល់ ឆ្នាំ២០១៩ នេះ រោងចក្រអគ្គិសនីរបស់កម្ពុជាដែលដាក់ឲ្យកំពុងដំណើរការមាន វារីអគ្គិសនីចំនួន៧កន្លែង អគ្គិសនីដុតធ្យូងថ្មចំនួន២ និងអគ្គិសនីដើរដោយថាមពលពន្លឺព្រះអាទិត្យចំនួន២ ក្នុងនោះចំពោះខ្សែបញ្ជូនអគ្គិសនីជាតិ តភ្ជាប់ទៅខេត្តផ្ទាល់មានចំនួន២០ និងមិនផ្ទាល់ចំនួន៥ បច្ចុប្បន្ន កំពុងផ្គត់ផ្គង់ថាមពលអគ្គិសនី គ្របដណ្តប់លើភូមិចំនួន ៩៣% នៃចំនួនភូមិទាំងអស់នៅទូទាំងប្រទេស នឹងបានតភ្ជាប់អគ្គិសនីប្រើប្រាស់ បានចំនួន ៧៤% នៃលំនៅឋានសរុបនៅកម្ពុជាផងដែរ៕

ក្រុមហ៊ុនកូរ៉េខាងត្បូង និងជប៉ុននឹងច្របាច់បញ្ចូលគ្នាជាក្រុមហ៊ុនបច្ចេកវិទ្យាធំបំផុតមួយនៅអាស៊ី

ដោយ Donald Lee

ភ្នំពេញ៖ ក្រុមហ៊ុនបច្ចេកវិទ្យាយក្សរបស់កូរ៉េខាងត្បូង និងជប៉ុននឹងសហការបង្កើតក្រុមហ៊ុន Internet ធំជាងគេមួយនៅអាស៊ីនៅខែ តុលា ឆ្នាំក្រោយ ខណៈសង្គ្រាមពាណិជ្ជកម្មរវាងជប៉ុន និងកូរ៉េខាងត្បូងនៅតែបន្តកើនឡើង ហើយប្រជាជនកូរ៉េនៅតែបន្តធ្វើពហិការទំនិញរបស់ជប៉ុនដោយគ្មានកំណត់។

ក្រុមហ៊ុន Naver Corp របស់ប្រទេសកូរ៉េខាងត្បូងដែលជាម្ចាស់នៃកម្មវិធីផ្ញើសារដ៏ធំ Line នឹងរួមបញ្ចូលគ្នាជាមួយក្រុមហ៊ុន Yahoo Japan និងបង្កើតប្រាក់ចំណេញជាង ៣០ ពាន់លានដុល្លារនៅក្នុងបច្ចេកវិទ្យាអាស៊ីបូព៌ា និងអាស៊ីអាគ្នេយ៍។ ក្រុមហ៊ុន Yahoo ជប៉ុនកាន់កាប់ដោយក្រុមហ៊ុនទូរគមនាគមន៍ Softbank Corp ដែលមានមូលដ្ឋាននៅទីក្រុងតូក្យូ។

ការរួមបញ្ចូលគ្នានេះអាចតំណាងឱ្យភាពជាដៃគូសេដ្ឋកិច្ចដ៏ធំបំផុតរវាងប្រទេសគូប្រជែងទាំងពីរនេះក្នុងរយៈពេល ១០ ឆ្នាំ និងជំហានដ៏សំខាន់មួយដើម្បីធ្វើឱ្យប្រសើរឡើងនូវទំនាក់ទំនងដែលមានភាពយ៉ាប់យ៉ឺនយ៉ាងខ្លាំង ដោយភាគីទាំងពីរបានដាក់ទណ្ឌកម្មពាណិជ្ជកម្មលើគ្នាទៅវិញទៅមកនៅឆ្នាំនេះ និងដកចេញបញ្ជីដៃគូធ្វើពាណិជ្ជកម្មរបស់ខ្លួន។ ក្រុមអ្នកវិភាគជឿជាក់ថា ភាពជាដៃគូសាជីវកម្មរវាងប្រទេសទាំងពីរអាចចាប់ផ្តើមបន្ធូរបន្ថយនូវទំនាក់ទំនងសេដ្ឋកិច្ចដែលបានកើនឡើងយ៉ាងខ្លាំងកាលពីឆ្នាំកន្លងទៅ។

លោក Jaewoong Lee ស្ថាបនិកក្រុមហ៊ុនបច្ចេកវិទ្យាយក្សរបស់កូរ៉េខាងត្បូង Daum បាននិយាយថា “នេះប្រហែលជាករណីសំខាន់បំផុតនៃកិច្ចសហប្រតិបត្តិការសេដ្ឋកិច្ចរវាងកូរ៉េ និងជប៉ុនក្នុងទសវត្សចុងក្រោយនេះ”។

លោកបានបន្ថែមថា “ពួកគេនឹងក្លាយជាក្រុមហ៊ុន Internet លេខ ១ នៅជប៉ុន ក៏ដូចជាអាស៊ីអាគ្នេយ៍។ វាមានរឿងជាច្រើនដែលក្រុមហ៊ុនទាំងពីរអាចធ្វើជាមួយគ្នាដូចជាការផ្ញើសារ ពាណិជ្ជកម្ម និងការបង់ប្រាក់សាមញ្ញ។ វាមិនដែលមានទំនាក់ទំនងល្អរវាងកូរ៉េ និងជប៉ុនទេនាពេលកន្លងមក”។

សង្រ្គាមពាណិជ្ជកម្មកូរ៉េខាងត្បូង និងជប៉ុនបានចាប់ផ្តើមកាលពីឆ្នាំមុន នៅពេលដែលតុលាការកំពូលកូរ៉េខាងត្បូងបានបញ្ជាឱ្យសាជីវកម្មជប៉ុនបង់ប្រាក់សំណងសម្រាប់ការចូលរួមរបស់ពួកគេនៅក្នុងពលកម្មទាសករនៅឧបទ្វីបកូរ៉េក្នុងអំឡុងពេលកាន់កាប់របស់ខ្លួនក្នុងឆ្នាំ ១៩១០ ដល់ ១៩៤៥ ។

រដ្ឋាភិបាលជប៉ុនបានអះអាងថា សេចក្តីសម្រេចរបស់តុលាការកូរ៉េគឺផ្ទុយពីសន្ធិសញ្ញាឆ្នាំ ១៩៦៥ រវាងប្រទេសទាំងពីរដែលបានបញ្ជាក់យ៉ាងច្បាស់ថា រាល់ការទាមទារសំណងពេលសង្គ្រាមគឺបានបញ្ចប់ទាំងស្រុង និងចុងក្រោយ៕

ការប្រកាសនីតិវិធី EBA របស់កម្ពុជាខិតជិតមកដល់ ខណៈទំនាក់ទំនងអាស៊ាន និងអឺរ៉ុបមិនសូវជាល្អ

ដោយ ប៊ី

ភ្នំពេញ៖ ខណៈប្រកាសការនីតិវិធីពិនិត្យលើការសម្រេចថាតើព្យួរ ឬអត់កម្មវិធីអនុគ្រោះពន្ធគ្រប់មុខទំនិញលើកលែងតែគ្រឿងសព្វាវុធ (EBA) របស់កម្ពុជាខិតជិតមកដល់ ទំនាក់ទំនងអាស៊ាន និងអឺរ៉ុបមិនសូវជាល្អដែលដូចជាករណីកម្ពុជា។

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានលើឡើងបែបនេះពីស្ថានភាពទំនាក់ទំនងអាស៊ាន និងអឺរ៉ុបនាពេលបច្ចុប្បន្នក្នុងកម្មពិធីប្រគល់សញ្ញាបត្រដល់និស្សិត នៃសាកលវិទ្យាល័យធនធានមនុស្សនៅថ្ងៃនេះ។

សម្តេចតេជោ ហ៊ុន សែន បានមានប្រសាសន៍ថា “ខាង EU ទៅគំរាមឥណ្ឌូនេស៊ី និងម៉ាឡេស៊ីដែរថានឹងឈប់ទិញដូងប្រេង ព្រោះវានាំទៅដល់កាប់ឈើ ដាំដូងប្រេង។ សម្តេចតេជោ បានបន្តថា “វាមិនខុសអ្វីពីយើង គេគំរាមផ្តាច់ EBA នោះទេ ដូច្នេះទំនាក់ទំនងអាស៊ានជាមួយ EU បញ្ហាជាមួយកម្ពុជាផង ជាមួយមីយ៉ាន់ម៉ា ជាមួយហ្វីលីពីនផងលើទិដ្ឋភាពសិទ្ធិមនុស្ស”។

សម្តេចតេជោ បានថ្លែងថា “បញ្ហាជាមួយនឹងម៉ាឡេស៊ី និងឥណ្ឌូនេស៊ីលើទិដ្ឋភាពបរិស្ថាន។ ដែលបន្តទិញដូងប្រេងពីម៉ាឡេស៊ី និងឥណ្ឌូនេស៊ីដែលឱ្យមានកាប់ព្រៃឈើ អីចឹងទំនាក់ទំនងអាស៊ានជាមួយ EU មិនសូវជាល្អទេ។ ខាងអឺរ៉ុបចង់ក្លាយជាដៃគូយុទ្ធសាស្ត្រជាអាស៊ាន ប៉ុន្តែពួកអាស៊ានបានប្រើភាសាថា បន្តការចរចាដើម្បីឆ្ពោះទៅរកដៃគូយុទ្ធសាស្ត្រ ប៉ុន្តែយើងនៅតែចរចាអំពីកិច្ចព្រមព្រៀងសេរីរវាងអាស៊ាន និងអឺរ៉ុបដែរ”។ សម្តេចតេជោ បានបន្ថែមថា “វាមិនមែនរឿងដោយឡែកតែមួយនឹងកម្ពុជានោះទេ”។

របាយការណ៍ថ្មីមួយដែលផ្សាយដោយសភាអឺរ៉ុប ឱ្យដឹងថា អង្គការស៊ីវិលនៅកម្ពុជាមួយចំនួនបញ្ជាក់ថា ប្រសិនបើក្តីបារម្ភពីសិទ្ធិធមនុស្សរបស់អឺរ៉ុបមានប្រសិទ្ធភាព ការព្យូរ EBA នឹងប៉ះពាល់ដោយផ្ទាល់ដល់ជីវភាពប្រជាជនកម្ពុជាដោយធ្វើឱ្យមានបាត់បង់ការងារក្នុងវិស័យវាយនភ័ណ្ឌ។

របាយការណ៍នេះបន្ថែមថា វានឹងថែមទាំងធ្វើឱ្យប៉ះពាល់ដល់ទំនាក់ទំនងទ្វេរភាគីអឺរ៉ុបជាមួយនឹងកម្ពុជាដោយធ្វើឱ្យប្រទេសនេះមានទំនាក់ទំនងកាន់តែខ្លាំងជាមួយចិន។ គណៈកម្មការសហគមន៍អឺរ៉ុបត្រូវសម្រេចចិត្តនៅខែកុម្ភៈឆ្នាំ ២០២០ ថាតើត្រូវផ្អាក ឬអត់ចំពោះ EBA របស់កម្ពុជា។

កាលពីពេលថ្មីៗនេះ សមាគមរោងចក្រកាត់ដេរនៅក្ពុជា (GMAC) បានជំរុញឱ្យសហភាពអឺរ៉ុបបន្តរក្សាកម្មវិធីអនុគ្រោះពន្ធ លើគ្រប់មុខទំនិញលើកលែងតែគ្រឿងសព្វាវុធ (EBA) ដល់កម្ពុជា ដើម្បីផ្តល់ការងារដល់កម្មករ និយោជិតចំនួន ៧៥០០០០នាក់ និងសុខមាលភាពប្រជាពលរដ្ឋប្រមាណ ៣លាននាក់ស្ថិតនៅក្នុងហានីភ័យ។

យោងតាមសេចក្តីប្រកាសព័ត៌មាន របស់សមាគមរោងចក្រកាត់ដេរនៅម្ពុជា (GMAC) ចេញផ្សាយកាលពីថ្ងៃទី១៣ ខែសីហាកន្លងមកនេះបានឱ្យដឹងថា ប្រទេសកម្ពុជាបានទទួលអត្ថប្រយោជន៍ពីកម្មវិធី EBA តាំងពីឆ្នាំ២០០១ ។ អ្នកដែលទទួលបានអត្ថប្រយោជន៍ចម្បងគឺកម្មករ កម្មការិនី ដែលកំពុងធ្វើការនៅក្នុងឧស្សាហកម្មកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (Travel Goods) ក្នុងប្រទេសកម្ពុជា។

ឧស្សាហកម្មទាំងនេះតំណាងឲ្យប្រមាណ៧៥ភាគរយ នៃការនាំចេញទំនិញសរុបរបស់កម្ពុជា និង៩០ភាគរយ នៃការនាំចេញរបស់កម្ពុជាទៅកាន់សហភាពអឺរ៉ុប។ ពាណិជ្ជកម្មចំនួន ៤,៧៧ ពាន់លានអឺរ៉ូក្នុងឆ្នាំ២០១៨ កើនឡើងចំនួន១០ដង ចាប់ពីកម្មវិធី EBA ត្រូវបានផ្តល់ឱ្យកម្ពុជាដំបូង។

សមាគមរោងចក្រកាត់ដេរនៅម្ពុជា ដែលជាតំណាងរោងចក្រចំនួន៥៨០ នៅកម្ពុជាបានអះអាងបន្តថា ដោយសារតែការគាំទ្ររបស់សហភាពអឺរ៉ុប តាមរយៈកម្មវិធី EBA ប្រជាពលរដ្ឋកម្ពុជា រាប់លាននាក់បានចេញផុតពីភាពក្រីក្រ និងបានរួមចំណែកយ៉ាងខ្លាំងដល់ការអភិវឌ្ឍសេដ្ឋកិច្ច និងសង្គមរបស់ប្រទេស។

កម្មករចំនួន ៧៥០,០០០នាក់នៅក្នុងឧស្សាហកម្មនេះ តំណាងជាងពាក់កណ្តាលនៃកម្លាំងការងារសរុបក្នុងប្រព័ន្ធរបស់ប្រទេសកម្ពុជា ហើយឧស្សាហកម្មនេះផ្តល់ការគាំទ្រចំណូលផ្ទាល់ដល់គ្រួសារជាង២០ភាគរយ នៃគ្រួសារទាំងអស់នៅក្នុងប្រទេសកម្ពុជា។ ជាង៨០ភាគរយនៃកម្មកររបស់យើងជាស្ត្រី ហើយពួកគេភាគច្រើនបំផុតមានអាយុក្រោម ៣៥ឆ្នាំ។

សរុបទៅកម្មវិធី EBA មានផលវិជ្ជមានដល់ជីវិត ប្រជាពលរដ្ឋប្រមាណ៣លាននាក់ក្នុងប្រទេសកម្ពុជា។ជាថ្មីម្តងទៀតសមាគមរោងចក្រកាត់ដេរនៅកម្ពុជា (GMAC) បានអះអាងថា ការព្យួរអត្ថប្រយោជន៍ EBA ពីសហភាពអឺរ៉ុប និងបណ្តាលឱ្យមានការបាត់បង់ការងារច្រើននៅក្នុងឧស្សាហកម្មកាត់ដេរសម្លៀកបំពាក់ ស្បែកជើង និងទំនិញធ្វើដំណើរ ហើយនឹងមិនបម្រើគោលបំណងលុបបំបាត់ភាពក្រីក្រ និងការអភិវឌ្ឍប្រកបដោយចីរភាពនៃកម្មវិធី EBA ទេ។

វានឹងជាលទ្ធផលក្រៀមក្រំនិងគួរឱ្យសោកស្តាយ សម្រាប់សមាគមរោងចក្រកាត់ដេរនៅកម្ពុជា (GMAC) និងកម្លាំងការងារដែលបានធ្វើការងារយ៉ាងច្រើន ក្នុងការសហការជាមួយអង្គការ ILO ហើយជាការពិតនៅក្នុងការលើកកម្ពស់តួនាទីរបស់ខ្លួន ក្នុងការតាមដានសិទ្ធិកម្មករ នៅក្នុងប្រទេសកម្ពុជាព្រមទាំងនៅក្នុងប្រទេសដទៃៗទៀត។

នៅថ្ងៃទី១២ ខែកុម្ភៈ ឆ្នាំ ២០១៩ សហភាពអឺរ៉ុប បានចាប់ផ្តើមស៊ើបអង្កេតទៅលើការចោទប្រកាន់ថាមានការរំលោភ បំពានសិទ្ធិមនុស្ស និងសិទ្ធិការងារដោយរដ្ឋាភិបាលកម្ពុជា។ ការស៊ើបអង្កេតនេះ អាចនឹងនាំឱ្យមានការដកកម្មវិធី អនុគ្រោះពន្ធលើគ្រប់មុខទំនិញលើកលែងតែគ្រឿងសព្វាវុធ (EBA) ពីកម្ពុជា៕

សម្តេចតេជោ៖ ដំណក់ប្រេងជាលើកដំបូងរបស់កម្ពុជានឹងទទួលបាននៅឆ្នាំ២០២០ខាងមុខនេះ

ដោយ វុត្ថា

ភ្នំពេញ៖ សម្តេចតេជោ ហ៊ុន សែន ប្រមុខនៃរាជរដ្ឋាភិបាលកម្ពុជាបានគូសបញ្ជាក់ថា ដំណក់ប្រេងជាលើកដំបូងរបស់កម្ពុជានឹងទទួលបាននៅឆ្នាំ២០២០ខាងនេះ តែមិនទាន់បញ្ជាក់កាលបរិច្ឆេទជាក់លាក់នៅឡើយនោះទេ។

សម្តេចតេជោ នៅក្នុងពិធីប្រគល់សញ្ញាបត្រដល់និស្សិត សាកលវិទ្យាល័យធនធានមនុស្សចំនួន ១,៩៥៨នាក់ នាព្រឹកថ្ងៃទី ១៨ ខែវិច្ឆិកា ឆ្នាំ ២០១៩ នេះ បានឱ្យដឹងថា កម្ពុជានឹងទទួលបានដំណក់ប្រេងជាលើកដំបូងនៅក្នុងឆ្នាំ ២០២០ ខាងមុខនេះ ខណៈខាងក្រុមហ៊ុនបាននិងកំពុងមមាញឹក និងពន្លឿនធ្វើកិច្ចការនេះ។

សម្តេចតេជោ បានថ្លែងថា “ខ្ញុំមិនទាន់ប្រកាសកាលបរិច្ឆេទកំណត់នៃដំណត់ប្រេងជាលើកដំបូងនៅឡើយទេ ព្រោះខ្ញុំមិនចង់ឱ្យមានកំហុស ដូចកាលពីឆ្នាំ ២០១២ ដែលពេលនោះ ខាងក្រុមហ៊ុន បានប្រាប់យើងនោះទេ” ។

សម្តេចបានបន្តថា “ហើយឥឡូវដំណក់ប្រេងដំបូងរបស់យើងនឹងចេញនៅក្នុងឆ្នាំ ២០២០ តែថ្ងៃខែជាក់លាក់ខ្ញុំនឹងប្រកាសជាលើកក្រោយ បន្ទាប់ពីធ្វើកិច្ចការងារ ជាមួយក្រុមហ៊ុនដែលបាននឹងកំពុងកសាងយ៉ាងមមាញឹកសម្រាប់ការបូបប្រេងដំបូងរបស់យើង”។

សម្តេចតេជោបន្ថែមថា នៅពេលកម្ពុជាទទួលបានដំណក់ប្រេងជាលើកដំបូងនេះ ទំហំសេដ្ឋកិច្ចរបស់កម្ពុជានឹង កើនឡើងប្រមាណជិត ៣០ពាន់លានដុល្លារអាមេរិក ហើយទំហំនេះនឹងផ្តល់ចំណូលប្រចាំឆ្នាំឱ្យមនុស្សម្នាក់ប្រមាណ ១៨០០ ដុល្លារអាមេរិក ដោយនៅក្នុងឆ្នាំ២០១៩ នេះ ចំណូលរបស់ពលរដ្ឋកម្ពុជាក្នុងមនុស្សម្នាក់ទទូលបាន ១៦០០ដុល្លារអាមេរិក។

សម្តេចតេជោ បញ្ជាក់ទៀតថា មកដល់ពេលនេះ កម្ពុជាមិនទាន់ប្រើប្រាស់ធនធានរបស់យើងអស់នៅឡើយទេដូចជាប្រេង ជាឧស្ម័ន រ៉ែមាសនិងជាឃ្យូងថ្មជាដើម។ ហើយកាលពីពេលថ្មីនេះកម្ពុជារកឃើញរ៉ែធ្យូងថ្មនៅក្នុងខេត្តឧត្តរមានជ័យ ហើយ នឹងបង្កើតជាកន្លែងផលិតថាមពលអគ្គិសនីដ៏ធំរបស់កម្ពុជាមួយទៀត។

សម្តេចជោថា ក្រៅពីរ៉ែប្រេង ធ្យូងថ្មហើយនោះ កម្ពុជានឹងមានការវិនិយោគលើរ៉ែមាសដោយក្រុមហ៊ុនអូស្ត្រាលី ដែលនឹងទទួលបានប្រាក់ចំណូលគួរសមផងដែរ។ តែយ៉ាងណាក៏សម្តេចតេជោ រំពឹងធំជាងគេគឺចំណូលបានមកពីដំណក់ប្រេងជាលើកដំបូងរបស់កម្ពុជាដែលនឹងទទួលបាននាពេលខាងមុខនេះផងដែរ។

បើតាមសម្តេចតេជោ ហ៊ុន សែន ថា កម្ពុជានឹងចរចាជាមួយភាគីថៃបន្ថែមទៀតលើការអភិវឌ្ឍន៍វិស័យប្រេងនៅក្នុងតំបន់ត្រួតគ្នា ដើម្បីទទួលចំណូលកាន់តែច្រើនបន្ថែមទៀត ។ ហើយចំណូលបានពីធនធានធម្មជាតិ នឹងចំណាយទៅលើហេដ្ឋារចនាសម្ព័ន្ធទាំងរឹង និងទន់ ពោលទាំងផ្លូវថ្នល់ ប្រឡាយទឹក និងការអប់រំ៕

ច្បាប់ស្តីពីការររៀបចំទឹកដី នគរូបនីយកម្ម និងសំណង់ ចុះថ្ងៃទី២៤ ខែឧសភា ឆ្នាំ១៩៩៤

[easy_media_download url=”https://dailypostjob.com/wp-content/uploads/2019/11/១.-ច្បាប់ស្តីពីការរៀបចំទឹកដី-នគរូបនីយ៍កម្មនិងសំណង់-១៩៩៤-1.pdf” force_dl=”1″]

បុរី KC លំនៅដ្ឋានដែលអាចប្រកបអាជីវកម្ម តម្លៃសមរម្យចាប់ផ្ដើមបើកលក់ជាផ្លូវការ

ដោយៈ រ៉ាណេត

ភ្នំពេញៈ លំនៅដ្ឋានបែបទំនើប និងទាន់សម័យ តម្លៃសមរម្យ ហើយអាចប្រកបអាជីវកម្មបានយ៉ាងប្រសើរ ស្ថិតនៅក្នុងបុរីKC នាតំបន់ផ្សារព្រែកព្នៅ បាននិងកំពុងលក់ជាផ្លូវការហើយ។

លំនៅដ្ឋានក្នុងបុរីនេះ បានផ្តល់នូវលក្ខខ័ណ្ឌលក់ជាពិសេស ដោយអតិថិជនបង់ត្រឹមតែ ១០០០ដុល្លារ រួមជាមួយនឹងការបង់រំលស់ជាមួយធនាគារឬម្ចាស់បុរីបាន។

បុរីខេ ស៊ី អំណោយផលដល់ការរស់នៅ និងប្រកអាជីវកម្មគ្រប់ប្រភេទ ដោយសារតែស្ថិតនៅជាប់ផ្លូវធំទំហំ៣០ម៉ែត្រ ជាផ្លូវតភ្ជាប់រវាងផ្លូវជាតិលេខ៥និងមហាវិថី ឈ្នះ ឈ្នះ នៃទីក្រុងមរតកសម្ដេចតេជោ ឆ្ពោះទៅកាន់ផ្លូវជាតិលេខ៤។ បន្ថែមពីនេះ ទីតាំងរបស់បុរី ខេ ស៊ី មានហ៊ុព័ទ្ធទៅដោយទីប្រជុំជនជាច្រើន ដូចជា ខាងក្រោយមានផ្សារព្រែកព្នៅចាស់ នៅខាងមុខជាប់ផ្លូវ មានផ្សារព្រែកព្នៅ សាលារៀនរដ្ឋ និងឯកជន មណ្ឌលសុខភាព គ្លីនិកឯកជន និងបណ្តាញហេដ្ឋារចនាសម្ព័ន្ធផ្លូវថ្នល់ខ្វាត់ខ្វែងជាច្រើន បន្ថែមដោយគម្រោងអភិវឌ្ឍបឹងតាម៉ោក និងតំបន់អភិវឌ្ឍរមណីយដ្ឋានគំរូ នៅតំបន់ជាយក្រុងនៃភ្នំប្រសិទ្ធិ ដែលជាគម្រោងអាទិភាពរបស់រដ្ឋបាលរាជធានីភ្នំពេញផងដែរ។

លំនៅដ្ឋាននៅក្នុង ខេស៊ី ត្រូវបានសាងសង់ឡើងជា៣ប្រភេទ រួមមានប្រភេទ Link House, Shop House និងប្រភេទ Twin Villa ដែលសុទ្ធតែសមស្របទៅនឹងការរស់នៅដែលពោរពេញទៅដោយផាសុកភាពខ្ពស់ទាំងអស់។

សម្រាប់ព័ត៌មានបន្ថែម លោកអ្នកអាចទំនាក់ទំនងបានតាមរយៈទូរស័ព្ទលេខ ៖ ០៨៩ ៧៨៧ ៧២១ / ០៨៧ ៣៦ ៩៥ ៣៦ / ០១៦ ៦៨៥ ៨៥៨ ៕

សម្តេចតេជោ៖ អគារខ្ពស់ៗនៅក្នុងទីក្រុងភ្នំពេញកំពុងមានសន្ទុះកើនឡើង

ដោយ វុត្ថា

ភ្នំពេញ៖ សម្តេចតេជោ ហ៊ុន សែន ប្រមុខរាជរដ្ឋាភិបាលម្ពុជា បានឱ្យដឹងថា អគារខ្ពស់ៗនៅក្នុងទីក្រុងភ្នំពេញបាននឹងកំពុងមានសន្ទុះការរីកចំរើន ដោយសារកត្តាសន្តិភាពរបស់ប្រទេសកម្ពុជាមានសព្វថ្ងៃ។

សម្តេចតេជោ ហ៊ុន សែន នៅក្នុងពិធីប្រគល់សញ្ញាបត្រដល់និស្សិត សាកលវិទ្យាល័យធនធានមនុស្ស ចំនួន ១,៩៥៨នាក់ នៅថ្ងៃទី ១៨ ខែវិច្ឆិកា ឆ្នាំ ២០១៩ នេះ បានឱ្យដឹងថា នៅក្នុងទីក្រុងភ្នំពេញអគារធំៗបាននឹងកំពុងកើតឡើង ដែលកាលពីមុនគ្មានអ្វីទាំងអស់ពោលគឺទទេស្អាត ហើយវាគឺជាចំណុចចាប់ផ្តើមរបស់កម្ពុជាប្រកបដោយភាពលំបាក។

សម្តេចតេជោ “ពីដើមឱ្យផ្ទះមិនព្រមទៅនៅខ្លាចខ្មោច។ ខ្ញុំដឹកនាំក្រសួងការបរទេស ជាមួយមនុស្ស ១៨ នាក់ហើយប្រមូលគ្នាមកបណ្តុះបណ្តាល ដោយបណ្តុះបណ្តាលរួចហើយ ចែកផ្ទះម្នាក់មួយៗ អត់ហ៊ាននៅទេ ដោយ បីគ្រួសារទៅនៅផ្ទះមួយ”។

សម្តេចតេជោបន្ថែមថា “ក្រោយមកទាស់គ្នាដោយសារដី ដែលកាលពីឆ្នាំទសវត្ស ៨០ បើសិនចង់ឱ្យគាត់ (មនុស្ស) ទៅរុករានដីត្រូវតែឱ្យលុយគាត់ តែឥឡូវដណ្តើមគ្នាយក ។ អានេះទៅជាន់អានោះ អានោះទៅជាន់នេះ ឈឺក្បាលដោយសារតែរឿងដី។ ឥលូវដីនៅក្នុងទីក្រុងភ្នំពេញកើនឡើងខ្ពស់ ហើយបើនៅកន្លែងផ្សេងវិញមានតម្លៃលើសហ្នឹងទៀត” ។

សម្តេចតេជោបញ្ជាក់ “កត្តាទាំងនោះហើយដោយសារតែសន្តិភាពរបស់ប្រទេសកម្ពុជា មានសន្តិភាព គឺមានការអភិវឌ្ឍដីធ្លីបាន និងប្រើប្រាស់ដីធ្លីឱ្យទៅជាប្រយោជន៍សេដ្ឋកិច្ច”។ ប្រទេសកម្ពុជាបច្ចុប្បន្នកំពុងមានសក្តានុពលខ្លាំងផ្នែកខាងសំណង់អគារខ្ពស់ នៅក្នុងរាជធានីភ្នំពេញ និងមានសំណង់អគារខ្ពស់ៗជាច្រើនលេចរូបរាងឡើង ។

ជាមួយគ្នានោះ សំណង់អគារផ្ទះល្វែង ក៏កំពុងកើតមានយ៉ាងច្រើនផងដែរ។យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា អគារខ្ពស់កំពស់ចាប់៣០ ជាន់ឡើងនៅក្នុងរាជរាជធានីភ្នំពេញ៦៦ អគារ។ នេះ បើយោងតាមតួលេខឆ្នាំ ២០១៨។

ក្រសួងសេដ្ឋកិច្ច និងហិរញ្ញវត្ថុ បានព្យាករណ៍ថា វិស័យសំណង់នៅតែរក្សាភាពរឹងមាំ ដោយសារ វិស័យសំណង់គាំទ្រដោយសន្ទុះកំណើននៃសំណង់តម្លៃមធ្យម និងសមរម្យ តាមរយៈការអនុវត្តគម្រោងអភិវឌ្ឍន៍លំនៅដ្ឋានតម្លៃសមរម្យ និងភាពជឿជាក់ចំពោះការវិនិយោគនៅកម្ពុជា ដែលជួយប៉ះប៉ូវការធ្លាក់ចុះនៃសំណង់តម្លៃខ្ពស់មួយផ្នែក។

យោងតាមរបាយការណ៍របស់ក្រសួងរៀបចំដែនដីនគរូបនីយកម្ម និងសំណង់ បានបង្ហាញថា សំណង់នៅទូទាំងប្រទេសមានចំនួនសរុប ៣៤៣៣ គម្រោង មានផ្ទៃក្រឡាសំណង់សរុបចំនួន ១៣,០០០,៦៥៣ ម៉ែត្រការ៉េ ដែលមានតម្លៃប៉ាន់ស្មានទុនវិនិយោគ ៦,៤៩៤, ៣៧២,៣៧១ ដុល្លារ។

បើធៀបនឹងរយៈពេល៩ខែ ឆ្នាំ២០១៨មានចំនួន ២៥៤១ គម្រោង មានផ្ទៃក្រឡាសំណង់សរុបចំនួន ១០,៧៩០,៥៩៧ ម៉ែត្រការ៉េ ដែលមានតម្លៃប៉ាន់ស្មានទុនវិយោគប្រមា ណ ៤៨២០,២០៨,៨៤៦ ដុល្លារ កើនឡើងចំនួន ៣៤,៧៣ ភាគរយ ៕

ក្រុមហ៊ុន គន្ធាម អចលនទ្រព្យ ផ្តល់ជូនអតិថិជននូវតម្លៃពិសេស ទៅលើគម្រោងដីឡូតិ៍ទីតាំងដ៏ល្អ

ដោយ ៖ រ៉ាណេត

ភ្នំពេញ ៖ បន្ទាប់ពីទទួលបានភាពជោគជ័យទៅលើការលក់គម្រោងដីឡូតិ៍ជាច្រើនរួចទៅហើយនោះ ក្រុមហ៊ុន គន្ធាម អចលនទ្រព្យ និងលក់ដីឡូតិ៍ បានឈានដល់ការបើកលក់គម្រោងទី៤របស់ខ្លួន ដែលមានទីតាំងស្ថិតនៅខាងក្រោយផ្សារបែកចាន ភូមិអណ្តូង ឃុំបែកចាន ស្រុកអង្គស្នួល ខេត្តកណ្តាល ដែលជាតំបន់ជាយរាជធានីភ្នំពេញ ។

អគ្គនាយកក្រុមហ៊ុន គន្ធាម អចលនទ្រព្យ លោក ហែម គន្ធាម បានមានប្រសាសន៍ថា ភាពជោជ័យរបស់ក្រុមហ៊ុន គន្ធាម អចលនទ្រព្យ ជាពិសេសទៅលើគម្រោងពុះដីឡូតិ៍ គឺដោយសារតែយើងបានផ្តល់នូវទំនុកចិត្តដល់អតិថិជន ក៏ដូចជាបណ្តាក្រុមហ៊ុនភ្នាក់ងារជាដៃគូផងដែរ។

លោកបានបន្តទៀតថា “ក្រុមហ៊ុនតែងស្វែងរកដីដែលមានតម្លៃធូរថ្លៃ ទីតាំងល្អ ដែលអាចផ្តល់ភាពល្អប្រសើរដល់អតិថិជនសម្រាប់ធ្វើជាលំនៅដ្ឋានសម្រាប់ស្នាក់នៅ ក៏ដូចជាផ្តល់ឱកាសចំណេញដល់ក្រុមហ៊ុនភ្នាក់ងារ និងអ្នកទិញទុកលក់បន្តផងដែរ”។

លោកបានបន្តទៀតថា “សម្រាប់គម្រោងទី៤ដែលទើបតែត្រូវបានបើកសម្ពោធប្រកាសលក់កាលពីព្រឹកថ្ងៃទី១៧ ខែវិច្ឆិកា ឆ្នាំ២០១៩នេះ គឺជាគម្រោងដែលមានភាពទាក់ទាញ និងល្អប្រសើរបំផុតសម្រាប់អ្នកដែលចង់ទិញសាងសង់លំនៅដ្ឋានកម្មសិទ្ធិ ជាពិសេសផ្តល់ឱកាសសម្រាប់អ្នកទិញទុកលក់បន្តយកចំណេញ”។ លោកបានបន្តទៀតថា “គម្រោងទី៤នេះ ស្ថិតនៅក្នុងតំបន់ទីប្រជុំជន បណ្តុំលំនៅដ្ឋាន និងជាតំបន់ដែលកំពុងតែមានការអភិវឌ្ឍស្ថិតនៅក្នុងគម្រោងប្លង់មេរបស់រាជរដ្ឋាភិបាលកម្ពុជានាពេលបច្ចុប្បន្ន និងទៅថ្ងៃអនាគត”។

ជាមួយគ្នានេះ លោក ព្រំ សុធា សហភាគហ៊ុន និងជាប្រធានផ្នែកលក់គម្រោងក្រុមហ៊ុន គន្ធាម អចលនទ្រព្យ បានបង្ហាញពីទំនុកចិត្តខ្ពស់ក្នុងការលក់គម្រោងទី៤ផងដែរថា “គម្រោងទី៤នេះស្ថិតនៅលើផ្ទៃដី២ហិកតា ដែលត្រូវបានពុះបែងចែកជាង៨០ឡូតិ៍នេះ គឺជាជម្រើសដ៏ល្អសម្រាប់អ្នកដែលប្រាថ្នាចង់បានដើម្បីសាងសង់លំនៅដ្ឋានស្នាក់នៅ ដោយសារតែមានអំណោយផលយ៉ាងខ្លាំង និងស្ថិតក្នុងតំបន់ដែលកំពុងមានការអភិវឌ្ឍ”។

លោកបានបន្តទៀតថា “គម្រោងនេះ ស្ថិតនៅក្រោយផ្ទះបែកចាន មានប្រមូលផ្តុំទៅដោយស្ថាប័ន គ្រឹះស្ថានរដ្ឋ និងឯកជនានា ដូចជាសាលារៀន មន្ទីរពេទ្យ ភោជនីយដ្ឋាន ធនាគារ ជាពិសេសបណ្តារោងចក្រ សហគ្រាសជាច្រើនស្ថិតនៅព័ទ្ធជុំវិញ ដែលជាតំបន់អភិវឌ្ឍន៍អាទិភាពនៃប្លង់មេរបស់រាជរដ្ឋាភិបាលផងដែរ”។

លោកបានបញ្ជាក់ថា “អ្វីដែលជាលក្ខណៈពិសេសរបស់គម្រោងដីឡូតិ៍ទី៤នេះ គឺក្រៅពីស្ថិតនៅលើទីតាំងដ៏ល្អ តម្លៃថោកសមរម្យ ថែមទាំងផ្តល់លក្ខណៈងាយស្រួលក្នុងទិញដោយបង់រំលស់ ជាពិសេសមានការផ្តល់ជូននូវប្លង់រឹងស្របច្បាប់ (ប្លង់បំបែកក្បាលដី) ដល់អតិថិជនថែមទៀតផង ដែលវាកាន់តែផ្តល់នូវទំនុកចិត្តខ្ពស់បំផុត”។

ប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាល ស្រុកអង្គស្នួល ខេត្តកណ្តាលលោក លី វឌ្ឍនា បានមានប្រសាសន៍ប្រាប់តាមទូរស័ព្ទកាលពីពេលកន្លងថា ពេលនេះក្រុមមន្ត្រីជំនាញពាក់ព័ន្ធថ្នាក់ស្រុក និងមូលដ្ឋានកំពុងតែធ្វើការផ្ទៀងផ្ទាត់លម្អិត ដើម្បីកែសម្រួលផែនទីហេដ្ឋារចនាសម្ព័ន្ធសាធារណៈ សម្រាប់អនុវត្តពេលអនាគតភ្ជាប់ទៅនឹងការចុះបញ្ជីមុនពេលដាក់សំណើរទៅថ្នាក់ខេត្ត។

លោកបន្តថា “នៅក្នុងគម្រោងអភិវឌ្ឍមូលដ្ឋាននៃស្រុកអង្គស្នួល រួមមានដូចជាការជួសជុល និងកែលម្អផ្លូវជាតិ ការស្ថាបនាផ្លូវនៅក្នុងឃុំនិមួយៗឱ្យមានភាពល្អប្រសើរ ដូចជាផ្លូវលំឃុំ ផ្លូវលំភូមិជាដើម និងមានការរំដោះប្រឡាយជាដើម”។ លោកបន្តថា មុនពេលអនុវត្តផែនការតាមប្លង់មេនេះបាន ក៏ត្រូវមានការបង្ហាញ និងពន្យល់ដល់ប្រជាពលរដ្ឋ ឱ្យបានយល់ដឹងពីច្បាប់ភូមិបាលជាមុនផងដែរ។

បច្ចុប្បន្ននេះ នៅក្នុងស្រុកអង្គស្នួល ខេត្តកណ្តាល មានឃុំចំនួន១០ និង២០០ភូមិ និងមានប្រជាពលរដ្ឋរស់នៅជាង ៨ម៉ឺននាក់។ នៅក្នុងស្រុកមួយនេះមានរោងចក្រ សហគ្រាសខ្នាត មធ្យម និងខ្នាតធំ ដែលកំពុងដំណើរការមានសរុបចំនួន៧៧ និងមានបុរីលំនៅដ្ឋានចំនួន២ទីតាំង ស្ថិតនៅក្នុងឃុំបែកចាន ហើយក្រៅពីនេះមានគម្រោងអភិវឌ្ឍដោយ វិនិយោគលើការពុះដីឡូតិ៍ជាច្រើនទីតាំង៕
សម្រាប់ព័ត៌មានលម្អិតនៃការទិញ-លក់ ដីឡូតិ៍ គម្រោងទី៤ ខាងលើនេះអាចទាក់ទងបានតាមរយៈទូរស័ព្ទលេខ ៖ ០១២ ៤០៧ ៤០៣ / ០៦៩ ៤៨០ ០០៩ / ០១៦ ៩៩២ ០០៨ / ០៩៦ ៤២២ ២២២២/ ០៨៦ ៥០០០ ៩៦ /០៧៨ ៨៨៨ ៥០៥

ជំនាញស្ថាបត្យកម្ម និងវិស្វកម្មកំពុងមានទីផ្សារការងារច្រើន និងរយៈពេលវែង

ដោយគង់ សូរិយា

ភ្នំពេញ៖ ខណៈវិស័យសំណង់នៅកម្ពុជា កំពុងមានសន្ទុះរីកចម្រើនយ៉ាងឆាប់រហ័សនោះបានធ្វើឱ្យវិស័យមួយនេះ ត្រូវប្រឈមមុខទៅនឹងបញ្ហាមួយចំនួន ដូចជា តម្រូវការកម្លាំងកម្មករ និងធនធានមនស្សដែលមានចំណេះដឹងច្បាស់លាស់ជាច្រីន។

លោកបណ្ឌិតទួស សាភឿន អគ្គលេខាធិការរងនៃគណៈស្ថាបត្យករកម្ពុជា និងជាស្ថាបត្យករកម្រិតអាស៊ាន បានមានប្រសាសន៍ឲ្យដឹងកាលពីពេលថ្មីៗនេះថា ធនធានមនុស្សផ្នែកវិស្វករសំណង់ស៊ីវិល និងស្ថាបត្យកម្ម នៅកម្ពុជានាពេលបច្ចុប្បន្ននេះ នៅមិនទាន់អាចឆ្លើយតបទៅនឹងតម្រូវនៃការរីកចម្រើន ដ៏ឆាប់រហ័សរបស់វិស័យសំណង់នៅកម្ពុជានារយៈពេល១ទសវត្សរ៍ចុងក្រោយនេះបានទេ។

លោកបានប្រាប់ទៀតថា “ជារៀងរាល់ឆ្នាំមានក្រុមហ៊ុនជាច្រើន បានមកទាក់ទងសាកលវិទ្យាល័យ ដើម្បីជ្រើសរើសនិស្សិតដែលកំពុងសិក្សាទៅធ្វើការ ប៉ុន្តែពេលខ្លះសាលាមិនអាចរកនិស្សិតបានគ្រប់គ្រាន់ សម្រាប់ផ្តល់ឲ្យក្រុមហ៊ុនទាំងអស់នោះបានទេ”។ លោកបន្តថា “ការងារក្នុងវិស័យសំណង់មានច្រើន ដូច្នេះនិស្សិតដែលសិក្សាជំនាញស្ថាបត្យកម្ម និងសំណង់ស៊ីវិល មិនខ្វះការងារធ្វើទេ។ ជាក់ស្តែងមាននិស្សិតខ្លះមានការងារធ្វើចាប់តាំងពីឆ្នាំទី១តែម្តង”។

បើតាមលោកទួស សាភឿនបានឲ្យដឹងថា ក្នុង១ឆ្នាំមាននិស្សិតខ្មែរចន្លោះពី២០០-៣០០នាក់បានបញ្ចប់ការសិក្សាលើផ្នែកស្ថាបត្យកម្ម ខណៈនៅកម្ពុជាបច្ចុប្បន្នមានគ្រឹះស្ថានសិក្សាពី៥-៦ប៉ុណ្ណោះ ដែលទទួលបណ្តុះបណ្តាលធនធានមនុស្សសម្រាប់ផ្នែកនេះ។

ព្រឹទ្ធបុរសនៃមហាវិទ្យាល័យស្ថាបត្យកម្ម និងសំណង់ស៊ីវិល នៃសាកលវិទ្យាល័យន័រតុន លោកលឹម សុខតៃបាននិយាយថា ធនធានមនុស្សដែលមានចំណេះដឹងទាក់ទងទៅនឹងវិស័យសំណង់ កំពុងមានតម្រូវការច្រើននៅក្នុងទីផ្សារប្រទេសកម្ពុជា ដោយនិស្សិតដែលរៀននៅសាកលវិទ្យាល័យន័រតុន ចាប់ពីឆ្នាំទី៣ឡើងទៅស្ទើរតែទាំងអស់ត្រូវបានក្រុមហ៊ុនមកទាក់ទងយកទៅធ្វើការ។ លោកបានបន្តថា ការងារទាក់ទងទៅនឹងវិស័យសំណង់នៅកម្ពុជា នឹងត្រូវការធនធានមនុស្សច្រើនបន្ថែមទៀត ជាពិសេសនៅពេលការការធ្វើ សមាហរណកម្មសេដ្ឋកិច្ចអាស៊ានឈានចូលមកដល់។

លោកបានបន្តថា “បច្ចុប្បន្ននេះនិស្សិត ដែលចូលសិក្សាផ្នែកវិស្វករសំណង់ស៊ីវិល និងស្ថាបត្យកម្មនៃសាកលវិទ្យាល័យន័រតុន បានកើនឡើងជាបន្តបន្ទាប់។ ជាក់ស្តែងបច្ចុ ប្បន្ននេះ និស្សិតដែលកំពុងរៀនផ្នែកវិស្វករសំណង់ស៊ីវិល មានប្រមាណជាង៣០០នាក់ ចំណែកខាងផ្នែកស្ថាបត្យកម្ម និងនគរូបនីយកម្ម មានប្រមាណប្រហែល១០០នាក់”។

លោកបន្តថា រហូតមកដល់ពេលនេះនិស្សិត ដែលបានបញ្ចប់ការសិក្សាលើផ្នែកទាំង២របស់សាកលវិទ្យាល័យ មានចំនួនប្រមាណប្រហែល ៣៨០០នាក់ហើយ។

វិស័យសំណង់នៅកម្ពុជាត្រូវបានគេចាត់ទុកជាវិស័យ១ នៅក្នុងចំណោមវិស័យសំខាន់ៗចំនួន៤ ដែលបានដើរតួនាទីយ៉ាងសំខាន់ នៅក្នុងរួមចំណែកលើកស្ទួយកំណើនសេដ្ឋកិច្ចជាតិ។

លោកម៉េង ចំរើន ប្រធានគ្រប់គ្រងគំរោង Olympia City បានថ្លែងឲ្យដឹងផងដែរថា បច្ចុប្បន្ននេះ នៅក្នុងការដ្ឋានសាងសង់ទីក្រុង Olympia City មានវិស្វករ និងស្ថាបត្យករកំពុងធ្វើការសរុបប្រហែល 100នាក់ ក្នុងនៅវិស្វករមានប្រហែល៧០ភាគរយ។ លោកបានបន្តថា ក្នុងចំណោមនោះមានវិស្វករ និងស្ថាបត្យករបរទេសប្រហែល៥ភាគរយ ដែលពួកគេទាំងនោះសុទ្ធតែជាអ្នកជំនាញ ដែលមានបទពិសោធ និងស្នាដៃលើគម្រោងធំៗជាច្រើន។

លោកបានថ្លែងថា “ខ្ញុំគិតថាវិស្វករ និងស្ថាបត្យករនាពេលបច្ចុប្បន្ន សុទ្ធតែមានសមត្ថភាព អាចធ្វើការនៅតាមការដ្ឋានសំណង់ធំៗបាន ដោយយើងគ្រាន់តែយកអ្នកជំនាញ (មកពីបរទេស) មកជួយបណ្តុះបណ្តាលតែបន្តិចបន្តួចប៉ុណ្ណ”។

តែទោះបីជាយ៉ាងណាលោកចំរើន ក៏បានបញ្ជាក់ថា “ខ្ញុំគិតថាសមត្ថភាពរបស់វិស្វករកម្ពុជា នឹងមិនសូវមានបញ្ហាសមត្ថភាពគ្រប់គ្រាន់នោះទេ បន្ទាប់ពីសមាហរណកម្មសេដ្ឋកិច្ចអាស៊ានឈានចូលមកដល់នោះទេ តែអ្វីដែលខ្ញុំគិតថាអាចមានបញ្ហានោះគឺខាងផ្នែកស្ថាបត្យកម្ម ព្រោះការ Design របស់អ្នកជំនាញនៅប្រទេសក្នុងតំបន់អាស៊ានមួយចំនួនអាចមានសមត្ថភាពលើសពីស្ថាបត្យករកម្ពុជា”៕

ទីក្រុងហូជីមិញជាប់ចំណាត់ថ្នាក់ទី៣ មានកំនើននៃការវិនិយោគលើវិស័យអចលនទ្រព្យក្នុងតំបន់អាស៊ីប៉ាស៊ីហ្វិក

ដោយ វុត្ថា

វៀតណាមៈ ទីក្រុងហូជីមិញជាប់ចំណាត់ថ្នាក់ទី៣ ក្នុងចំណោម២២ ទីក្រុងក្នុងតំបន់អាស៊ីប៉ាស៊ីហ្វិក ដែលមានកំនើនលើការវិនិយោគអចលនទ្រព្យ សំរាប់ឆ្នាំ២០២០ ខាងមុខនេះ។

យោងតាមរបាយការណ៍សិក្សាថ្មីមួយស្តីពី ការរីកចម្រើនខាងអចលនទ្រព្យអាស៊ីប៉ាស៊ីហ្វិកសំរាប់ឆ្នាំ២០២០ របស់ក្រុមហ៊ុនសេវាកម្មវិជ្ជាជីវៈ PricewaterhouseCoopers របស់សហរដ្ឋអាមេរិក ដែលបានសួរអ្នកជំនាញផ្នែកអចលនទ្រព្យចំនួន៤៦០នាក់ បាននិយាយថា ទីក្រុងហូជីមិញនេះ ស្ថិតនៅលេខ៣បន្ទាប់ពីទីក្រុងសិង្ហបុរី និងទីក្រុងតូក្យូ។

របាយការណ៍ដដែលបន្តថា ទីក្រុងហូជីមិញត្រូវបានគេមើលឃើញថា មានការកើនឡើងនៃប្រជាប្រិយភាព ក្នុងរយៈពេលប្រាំឆ្នាំចុងក្រោយនេះ ដោយសារកំណើនសេដ្ឋកិច្ចរឹងមាំ និងដោយសារវិនិយោគិនបរទេសភាគច្រើនមកពីប្រទេសជប៉ុន កូរ៉េខាងត្បូង និងសិង្ហបុរី បានចាប់អារម្មណ៍លើទីផ្សារអចលនទ្រព្យ នៅក្នុងទីក្រុងមួយនេះ ដោយរំពឹងថានឹងទទួលបានប្រាក់ចំណូលប្រចាំឆ្នាំពី២០ ទៅ២៥ភាគរយ។

ភាគច្រើននៃអចលនទ្រព្យ ដែលចូលទៅក្នុងទីក្រុងហូជីមិញ បានស្ថិតនៅលើគន្លងនៃការអភិវឌ្ឍ ជាពិសេសផ្តោតលើវិស័យលំនៅដ្ឋាន។ នេះបាននាំឱ្យមានបញ្ហាជាមួយនឹងការកសាងលើសលប់។ តម្លៃដី និងការជួលក៏មានការកើនឡើងយ៉ាងខ្លាំងផងដែរ។

របាយការណ៍ដែលបញ្ជាក់ថា “ការលក់រាយនៅទីក្រុងហូជីមិញឥឡូវនេះ គឺកើនឡើង៣ដង ឬច្រើនជាងនេះ ស្រដៀងគ្នានៅការជួល ឬការលក់រាយនៅក្នុងទីក្រុងម៉ានីលផងដែរ”។

ទោះយ៉ាងណារបាយការណ៍នេះ ក៏បានបង្ហាញពីបញ្ហាមួយសម្រាប់វិនិយោគិនអចលនទ្រព្យផងដែរ គឺទីក្រុងហូជីមិញនេះនៅតែជាទីផ្សារមួយ ដែលមានអចលនទ្រព្យដែលអាចវិនិយោគបានតិចតួចហើយហានិភ័យមានខ្ពស់៕