ដោយគង់ សូរិយា
ភ្នំពេញ៖ កាលពីមុនតំបន់ផ្សារព្រែកអញ្ចាញមានសភាពស្ងប់ស្ងាត់ ប៉ុន្តែរយៈពេលប៉ុន្មានឆ្នាំចុងក្រោយនេះ វត្តមានបុរីសំណង់លំនៅដ្ឋាន និងមជ្ឈមណ្ឌលពាណិជ្ជកម្មដ៏ធំមួយបានបង្ហាញខ្លួននៅតំបន់នេះ ដែលធ្វើឲ្យផ្សារនេះកាន់តែមានភាពរសរវើក និងសកម្មភាពពាណិជ្ជកម្មកាន់តែផុសផុល។
ការកើនឡើងនូវប្រជាសាស្រ្ត និងវត្តមានធនាគារនានា សាលារៀន ហាងកាហ្វេ បានធ្វើឲ្យផ្សារព្រែកអញ្ចាញដែលស្ថិតនៅតាមបណ្តោយផ្លូវជាតិលេខ៦អា កាន់តែខិតមកកៀកនឹងរាជធានីភ្នំពេញ ដោយសារការពង្រីកផ្លូវជាតិដ៏សំខាន់នេះជាពីរគន្លងដែលធ្វើឲ្យការធ្វើដំណើរចូលមកកាន់រាជធានីភ្នំពេញកាន់តែមានភាពងាយស្រួល និងចំណាយរយៈពេលខ្លី។
លោកស្រីឆាយ ស៊ីណា ប្រធានផ្នែកលក់ និងទីផ្សារនៃបុរីវិមានភ្នំពេញមង្គលរតនៈ បានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី២០ កញ្ញានេះថា ការវិនិយោគហេដ្ឋារចនាសម្ព័ន្ឋរបស់រដ្ឋាភិបាលបានលើកទឹកចិត្តវិស័យឯកជនក្នុងការបោះទុនវិនិយោគសាងសង់បុរី ឬលំនៅដ្ឋាននៅតាមតំបន់នានាកៀកនឹងក្រុងភ្នំពេញ។
ដូចគ្នានេះដែរវត្តមាននៃបុរីវិមានភ្នំពេញមង្គលរតនៈ បាននិងកំពុងដើរតាមលំអាននៃការអភិវឌ្ឍរបស់រដ្ឋាភិបាលពិសេសលើកទឹកចិត្តប្រជាពលរដ្ឋនៅតំបន់់នេះឲ្យមានជីវភាពកាន់តែប្រសើរអាចទទួលបានសេវាកម្មដែលឆ្លើយតបនឹងកំនើនសេដ្ឋកិច្ចនិងជីវភាពរស់នៅរបស់ពួកគាត់។
ជាក់ស្តែងបុរីវិមានភ្នំពេញមង្គលរតនៈ ស្ថិតនៅលើផ្ទៃដី៣០ហិកតា ដែលជាបណ្តុំនូវផ្ទះអាជីវកម្មសាលរៀបចំអាពាហ៍ពិពាហ៍ក្លឹបកីឡាសួនច្បារតំបន់ផ្លូវថ្មើជើង និងសេវាកម្មជាច្រើនទៀតដែលឆ្លើយតបនឹងតម្រូវការរបស់ប្រជាពលរដ្ឋក្នុង និងក្រៅតំបន់នេះ។
ដោយទទួលបានជោគជ័យក្នុងការលក់ដំណាក់កាលទី១ ក្រុមហ៊ុនលីហួរឌីវេឡុបម៉ិនវិមានភ្នំពេញឯ.ក បានបើកដំណើរការលក់ “បុរីវិមានភ្នំពេញមង្គលរតនៈ” ដំណាក់កាលទី២ ជាប្រភេទផ្ទះវីឡាកូនកាត់ដ៏ប្រណីតជាមួយនឹងការបញ្ចុះតម្លៃពិសេសរហូតដល់ 8%ភាគរយ។
លោកស្រីឆាយ ស៊ីណា បានបន្តថាដោយទទួលបានការគាំទ្រពីអតិថិជនលើការលក់ដំណាក់កាលទី១ ប្រមាណ ៩០ភាគរយពេលនេះ ក្រុមហ៊ុនបានប្រកាសលក់គម្រោងដំណាក់កាលទី២ ដែលមានផ្ទះចំនួន៥០០យូនីតជាប្រភេទវីឡាកូនកាត់។
លោកស្រីបន្តថា “គម្រោងនេះស្ថិតនៅទីតាំងដ៏ល្អប្រសើរព្រោះទីតាំងជាប់នឹងផ្សារព្រែកអញ្ចាញដែលជាតំបន់ពាណិជ្ជកម្មរស់រវើកមួយហើយមានចម្ងាយជិតរាជធានីភ្នំពេញនិងស្តាតមរតកសម្តេចតេជោដែលជាតំបន់មានការរីកចម្រើនយ៉ាងលឿននាពេលបច្ចុប្បន្ននេះ”។
ផ្ទះក្នុងគំរោងនេះលក់ក្នុងតម្លៃចាប់ពី 47,000ដុល្លាអាមេរិកឡើងទៅដែលតម្លៃផ្ទះនិមួយៗមានភាពខុសគ្នាអាស្រ័យលើប្រភេទផ្ទះនិងទីតាំងនិមួយៗ។
លោកឧកញ៉ាលី ហួរ ប្រធានសមាគមអ្នកអភិវឌ្ឍន៍លំនៅដ្ឋានកម្ពុជានិងជាអគ្គនាយកក្រុមហ៊ុនលីហួរគ្រុបបាននិងកំពុងឆ្ពោះទៅកាន់តំបន់នេះតាមរយៈការវិនិយោគបុរីវិមានភ្នំពេញមង្គលរតនៈដើម្បីប្រែក្លាយតំបន់នេះក្លាយជាសហគមន៍ដ៏ស៊ីវិល័យមួយ។
លោកឧកញ៉ាបានមានប្រសាសន៍ថាតំបន់នេះនឹងមានការរីកចម្រើនលឿនពិសេសបុរីវិមានភ្នំពេញមង្គលរតនៈនឹងធ្វើឲ្យតំបន់នេះមានរបៀបរៀបរយនិងមានសួនច្បារកន្លែងហាត់ប្រាណនិងមានផ្លូវថ្មើជើងដែលនឹងធ្វើឲ្យតំបន់នេះកាន់តែមានរបៀបរៀបរយនិងស៊ីវិល័យមួយ។
លោកបន្តថា “វានឹងក្លាយជាទីប្រជុំជនដែលបង្ហាញពីការរីកចម្រើនមួយនៅតំបន់នេះនាពេលអនាគតឆាប់ៗនេះ”។អតិថិជនអាចទាក់ទងតាមរយៈលេខទូរស័ព្ទ ០៨៥៧៥៦៦៦៦,០៧៧៦៦៧៦០៨៕
