អ្នកជំនាញប្រាប់ពីទីតាំងដីចំនួន៤មិនគួរវិនិយោគ

February 6, 2019

ដោយស៊ីវ ម៉េង
ភ្នំពេញ៖ អ្នកជនាញផ្នែកអចលនទ្រព្យ ពិសេសជាអ្នកជំនាញផ្នែកទិញលក់ដីធ្លីបានប្រាប់ពីលក្ខខ័ណ្ឌដីមួយចំនួន ដែលអ្នកវិនិយោគមិនគួរទិញនោះទេ ដោយសារវាពិបាកក្នុងការលក់ចេញ។

លោកកាង សុធីអគ្គនាយអគ្គនាយកនៃក្រុមហ៊ុន Century21 Land Station Real Estateបានមានប្រសាសន៍ ឲ្យដឹងតាមទូរស័ព្ទកាលពីពេលថ្មីៗនេះថា ការវិនិយោគដីធ្លីអ្នកណាក៏ចង់លក់ឆាប់ដាច់ និងទទួលបានផលចំណេញលឿនដែរ ប៉ុន្តែលក្ខខ័ណ្ឌទីតាំង សណ្ឋានដីពិតជាកត្តាសំខាន់ ដើម្បីឲ្យដីរបស់ខ្លួនលក់ឆាប់ដាច់ និងទទួលបានផលចំណេញខ្ពស់។

ទីតាំងនៅជុំវិញវត្តអារ៉ាម
លោកកាង សុធីបានឲ្យដឹងថា ទោះជាប្រជាជនខ្មែរនិយមទៅធ្វើបុណ្យនៅវត្តអារ៉ាមក្តី តែទីតាំងដីដែលនៅក្បែរវត្តអារ៉ាម ទាំងខាងមុខខាងក្រោយ និងជាប់របងវត្ត ពិតជាដីមិនងាយលក់ចេញនោះទេ ទោះជាដីនោះមានតម្លៃទាបជាងទីផ្សារក៏ដោយ។លោកបន្តថា ដីនៅតាមជុំវិញវត្តអារ៉ាម ពិតជាមិនងាយទាក់ទាញការចាប់អារម្មណ៍ច្រើននោះទេ និងមិនងាយលក់ចេញបានឡើយ។

ប្រហែលពួកគេមិនចង់មានសម្លេងរំខាន នៅពេលមានកម្មវិធីបុណ្យទាននានា ក៏ដូចជាបញ្ហាហុងស៊ុយផងដែរ។

ដីមានផ្នូរឬម៉ុងខ្មោចនៅក្បែរ
ជាទូទៅមនុស្សណាក៏ស្លាប់ដែរ តែពេលស្លាប់ពួកគេនឹងក្លាយជាខ្មោច ហេតុនេះទីតាំងដីដែលនៅក្បែរផ្នូរខ្មោច ឬចេតិយ មិនគួរទិញនោះទេ ដោយសារមនុស្សមិនចូលចិត្តផ្នូរ ឬម៉ុងខ្មោចនោះឡើយ។

ការទិញដីមានទីតាំងបែបនេះ ពិតជាពិបាកលក់ចេញ និងមិនងាយបានផលចំណេញ។

រាងឬសណ្ឋានដី
រាងឬសណ្ឋានដីក៏មានសារៈសំខាន់ ដើម្បីទាក់ទាញអ្នកទិញបន្ត ឬអ្នកវិនិយោគផងដែរ ព្រោះបើរាងដីមិនសមស្រប និងមានសណ្ឋានវៀច ពិតជាមិនធ្វើឲ្យដីនោះងាយលក់នោះទេ ហើយវាក៏មិនឡើងថ្លៃលឿនដែរ។

លោកកាង សុធីបានឲ្យដឹងថា ដើម្បីដឹងពីរាងឬសណ្ឋានដីណាមួយ សូមកុំមើលនឹងភ្នែកទទេ តែត្រូវសុំប្លង់ម្ចាស់ដីយកមកមើល ទើបយើងអាចដឹងថារាងឬសណ្ឋានដីនោះមានលក្ខណៈដូចម្តេច។

ការខ្ចីប្រាក់ពីធនាគារ
ការខ្ចីប្រាក់ឬឥណទានពីធនាគារជារឿងគួរឲ្យប្រុងប្រយ័ត្នមួយ ព្រោះអ្នកវិនិយោគឬទិញដីធ្លី ត្រូវសិក្សាលំហូរសាច់ប្រាក់របស់ខ្លួនឲ្យបានច្បាស់លាស់ ដើម្បីកុំឲ្យមានបញ្ហាហិរញ្ញវត្ថុនៅពេលដីជាប់គាំង ឬលក់មិនចេញ។

លោកកាង សុធីបានបញ្ជាក់ថា ដីធ្លីនៅតំបន់ណាមួយអាចជាប់គាំងមួយរយៈ និងកញ្រ្ជោលតម្លៃឡើងខ្ពស់ភ្លាមៗ ហើយតម្លៃដីធ្លីមិនកើនឡើងគ្រប់តំបន់នោះទេ ហេតុនេះការសិក្សាពីចរន្តសាច់ប្រាក់របស់យើង បើសិនជារកឃើញថា លំហូរសាច់ប្រាក់របស់យើងមិនរលូន និងមិនធានាបាននូវការជាប់គាំងណាមួយ មិនគួរប្រើប្រាស់ឥណទានពីធនាគារដើម្បីវិនិយោគទិញដីធ្លីនោះទេ៕

ស្វែងយល់ពីអាស៊ាន! ឥណ្ឌូនេស៊ីនឹងដាក់ដំណើរផ្លូវរថភ្លើងចូលព្រលាន យន្តហោះនៅឆ្នាំនេះ

February 6, 2019

0

ដោយវុត្ថា
ភ្នំពេញ៖ រដ្ឋាភិបាលនៃប្រទេសឥណ្ឌូនេះស៊ី គ្រោងនឹងដាក់ឪ្យដំណើការជាផ្លូវការនូវផ្លូវរថភ្លើងរត់ចូលព្រលានហោះ នៅពាក់កណ្តាលឆ្នាំ២០១៩នេះ ខណៈការស្ថាបនាត្រូវបានជិតបញ្ចប់ទាំងស្រុង។

លោក Kemenhub រដ្ឋមន្ត្រីដឹកជញ្ជូននៃប្រទេសឥណ្ឌូនេស៊ីបានឲ្យដឹងកាលពីពេលថ្មីៗនេះថា គំរោងផ្លូវភ្លើងរត់ចូលក្នុងព្រលានយន្តហោះអន្តរជាតិ Soemarmo ស្ថិតនៅក្នុងកណ្តាលទីក្រុងJava នឹងបញ្ចប់ទាំងស្រុងនៅក្នុងពាក់កណ្តាលឆ្នាំ២០១៩ នេះ។

លោកបន្តថា “គម្រោងនេះស្ទើរតែបញ្ចប់ការសាងសង់ទាំងស្រុងហើយ គ្រាន់តែនៅម មានការការងារសាងសង់ខ្លះ មិនទាន់ត្រូវបានបញ្ចប់”។

គម្រោងAdi Soemarmo Airport Railroad មានប្រវែងប្រមាណ១៣គីឡូម៉ែតរួមជាមួយនឹងងវត្តមានផ្លូវរួម ជាមួយខ្សែរត់ភ្លើងប្រមាណ៣គីឡូថែមទៀត ដែលមានប្រវែង ១០គីឡូម៉ែត្រ។ គំរោងនេះបានចាប់ផ្តើមសាងសង់នៅក្នុងឆ្នាំ២០១៧ តែយ៉ាងណាក៏ទំហំទឺកប្រាក់នៃការសាងសង់នេះ មិនត្រូវបានគេបង្ហាញនោះទេ។

បើបូកបញ្ចូលគម្រោងផ្លូវ Adi Soemarmo International Airport Railway រត់ចូលព្រលានយន្តហោះអន្តរជាតិនេះ គឺមានន័យថាចំនួនខ្សែរថភ្លើងតភ្ជាប់ជាមួយព្រលានយន្តហោះគឺកើនឡើងចំនួន៥ខ្សែហើយ បន្ទាប់ពីព្រះលានយន្តហោះ Kualanamu International Airport Train និង Soekarno Hatta International Airport Train និង Palembang LRT Train iព្រមទាំង Minangkabau International Airport Train៕
.

បណ្តាផ្សារប្រពៃណីនានាមានភាពស្ងប់ស្ងាត់ក្នុងឳកាសបុណ្យចូលឆ្នាំចិន

February 5, 2019

0

ដោយគង់ សូរិយា

ភ្នំពេញ៖ បណ្តាផ្សារប្រពៃណីនានានៅទីក្រុងភ្នំពេញ បានស្ងប់ស្ងាត់និងស្ទើរតែបិទទ្វារ ខណៈផ្សារទំនើបនានាបានបន្តបើកទ្វារ ដើម្បីស្វាគមន៍ប្រជាជនដែលមិនចេញដំនើរកំសាន្តដោយសារជាប់រវល់បំពេញការងារ ។

យោងតាមប្រតិទិនបានឲ្យដឹងថា បុណ្យចូលឆ្នាំចិន វៀតណាមឆ្នាំ២០១៩នេះ ប្រព្រឹត្តទៅចាប់ពីថ្ងៃទី៥ ដល់ថ្ងៃទី៧ ខែកុម្ភះខាងមុខនេះ។

ប្រធានផ្សារអូរឬស្សីលោក ហ៊ត វ៉ាន់ធីបានមានប្រសាសន៍ប្រាប់ឲ្យដឹងនាព្រឹកថ្ងៃទី៥ កុម្ភៈនេះថា បើទោះបីជាមានអាជីវករមកបើកលក់លក់តិចតួចក្តី ប៉ុន្តែកងកម្លាំងរបស់ផ្សារនៅតែយាមកាមទាំងក្នុងផ្សារនិងក្រៅផ្សារជាប់ជាប្រចាំ។

ចំណែកប្រធានផ្សារធំថ្មីបានឲ្យដឹងដែរថា ជារៀងរាល់ឆ្នាំឲ្យតែរដូវបុណ្យធំៗ ដូចជា បុណ្យចូលឆ្នាំចិន-វៀតណាម បុណ្យប្រពៃណីជាតិខ្មែរ និងបុណ្យភ្ជុំបុណ្យភ្ជុំបិណ្ឌ ផ្សារតែងតែបិទច្រកទ្វារចេញចូលមួយចំនួន ដោយសារខ្វះកម្លាំងការពារ ប៉ុន្តែសម្រាប់អាជីវករវិញ អាចមានសិទ្ធិមកបើកលក់ជាធម្មតាបាននិងគ្រប់ពេល។

លោកបន្តថា “ការលក់នៅខាងក្រៅផ្សាររបស់អាជីវករមួយចំនួន ធ្វើឡើងតាម សំណូមពររបស់អាជីវករ ដោយសារដាក់លក់នៅខាងក្រៅ លក់ដាច់បានច្រើនជាងខាងក្នុងផ្សារនារដូវបុណ្យទានម្តងៗ”៕

Economy ministers: Government cuts price of containers in early April

February 5, 2019

0

By Den Chengchang
Phnom Penh: The government will lower the price for container export and import for the garment and footwear sector from April 1, a senior minister at the Ministry of Economy and Finance said.

Deputy Prime Minister, Minister of Economy and Finance Aun Porn Moniroth said at a meeting on tax law and governance last week that lowering the price of container scan will begin from April 1, 2019.

With the elimination of the spending, the garment and footwear industry will gain $ 80 million profit and $3.2 million from the reduction of container scan, he said, the discount for container shipments would be similar to that of rice exports with a $10 fee for a 20-feet container and $16 for 40-feet container.

The government would also lose about $32 million in revenue, but the private sector would earn about $43 million from the cancel of Camcontrol’s permanent position from the international, border gate, airports and ports, he added.

After the elimination of CO, garment and footwear sector would gain around $13 million, with the government reducing the minimum export and import costs for business people in the sector and garment and footwear industry is in the price scan of a container for importing and exporting, so that the sector can produce fruitful results with additional profits.

រដ្ឋមន្ត្រីសេដ្ឋកិច្ច៖ រដ្ឋាភិបាលនឹងបញ្ចុះថ្លៃការស្កែនកុងតឺន័រនៅដើមខែមេសាខាងមុខ

February 5, 2019

0

ដោយ ដែន ចែងចាំង

ភ្នំពេញ៖ មន្ត្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុបានថ្លែងឲ្យដឹង រដ្ឋាភិបាលនឹងចាប់អនុវត្តន៍ការបញ្ចុះថ្លៃស្កែនកុងតឺន័រ ទាំងនាំចេញនិងនាំចូល សម្រាប់វិស័យកាត់ដេរសំលៀកបំពាក់ និងផលិតស្បែកជើងចាប់ពីថ្ងៃទី១ មេសាខាងមុខនេះ។
ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុលោក អូន ព័ន្ធមុនីរ័ត្ន បាន មានប្រសាសន៍ឲ្យដឹងក្នុងកិច្ចប្រជុំក្រុមការងារផ្នែកនីតិកម្ម ពន្ធដារ និងអភិបាលកិច្ចកាលពីចុងសប្តាហ៍មុនថា ការបញ្ចុះថ្លៃស្គេនកុងទីណ័រនេះនឹងចាប់អនុវត្ត ពីថ្ងៃទី១ ខែមេសា ឆ្នាំ ២០១៩ តទៅ។

ចំណែកការលុបបំបាត់នូវចំណាយនេះ វិស័យកាត់ដេរសំលៀកបំពាក់ និងផលិត ស្បែកជើង នឹងចំណេញជាទឹកប្រាក់ប្រមាណពី៨០លានដុល្លារអាមេរិក និងចំណេញពីការកាត់បន្ថយថ្លៃស្កែនកុងតឺន័រ ប្រមាណ៣,២លានដុល្លារអាមេរិក។
លោកបន្តថា ការបញ្ចុះថ្លៃស្កែនកុងតឺន័រ រាជរដ្ឋាភិបាលនឹងអនុវត្តន៍ដូចគ្នា នឹងការនាំចេញអង្ករដែលមានតម្លៃសេវាត្រឹម១០ដុល្លារអាមេរិក សម្រាប់កុងតឺន័រ២០ហ្វិត និង១៦ដុល្លារអាមេរិកសម្រាប់កុងតឺន័រ៤០ហ្វិត។

លោកបន្តថា ជាមួយគ្នានេះដែររាជរដ្ឋាភិបាល ក៏នឹងបាត់បង់ចំណូលប្រមាណ៣២លានដុល្លារអាមេរិក តែវិស័យឯកជននឹងចំណេញជាទឹកប្រាក់ប្រមាណ៤៣លានដុល្លារអាមេរិក ពីការបញ្ចប់តួនាទីអចិន្ត្រៃយ៍ របស់អគ្គនាយកដ្ឋានកាំកុងត្រូលពីមាត់ច្រកអន្តរជាតិ ព្រំដែនគោក អាកាសយានដ្ឋាន និងកំពង់ផែ។

លោកអូន ព័ន្ឋមុនីរ័ត្នបានបន្តឲ្យដឹងថា បន្ទាប់ពីការលុប CO វិស័យកាត់ដេរសំលៀកបំពាក់ និងផលិតស្បែកជើង នឹងចំណេញជាទឹកប្រាក់ប្រមាណ១៣លានដុល្លារអាមេរិក ក្នុងនោះរាជរដ្ឋាភិបាលបានកាត់បន្ថយថ្លៃនាំចេញ និងនាំចូល ឱ្យបានជាអតិបរិមាដល់ធុរជន នៅក្នុងវិស័យកាត់ដេរសំលៀកបំពាក់ និងផលិតស្បែកជើង គឺថ្លៃស្កែនកុងតឺន័រទាំងនាំចេញនិងនាំចូល ដើម្បីឲ្យវិស័យនេះទទួលបានផ្លែផ្កានៃប្រាក់ចំណេញបន្ថែម៕

Let’s explore the potential of Svay Rieng’s Bavet

February 5, 2019

0

By Kong Soriya

Phnom Penh, Bavet City of Svay Rieng province has been attracting investment due to a number of important geographical, infrastructure and government policies.

Bavet City has been incorporated by the government in the 2015-2025 Industry Development Policy, which is one of the reasons that has attracted investment from international investors, especially Chinese investors.

Mr. Andy, vice president of Cambodia Real Estate Association, said that Bavet has been in the same situation as Sihanoukville three years ago, because three years ago Sihanoukville had few investors, but now Sihanoukville has been developed incredibly fast.

Bavet is just like Sihanoukville before, but now the development in Bavet has started with 2 satellite cities and has nearly 10 special economic zones which employ about 50,000 people, he added.

“I believe that Bavet will grow fast and see as potential as the Sihanoukville province and Poipet City,” Mr. Andy said said.

The development of Bavet has been underway as the high speed road project, Phnom Penh-Bavet Expressway, announced by a Chinese company, will be built in the near future.

In a meeting with Samdech Techo Hun Sen, Prime Minister of the Kingdom of Cambodia, who visited China recently, the representative of the China Road and Bridge Corporation (CRBC) Company said that the company planned to construct highways from Phnom Penh to the Cambodian-Vietnamese border, Bavet and construction of Street 15-51 connecting Koh Kong, Pursat and Battambang.

At the same time, representatives of China Road and Bridge Corporation CRBC also reported to Samdech Prime Minister about the update of their investment projects in Cambodia and plans for implementation in the near future as over the past years many investment companies joint corporations and contributed bridges and roads in Cambodia, for the time being, the company will build the expressway from Phnom Penh to Sihanoukville, which is scheduled to open the construction site in the near future.

Empire World CEO Eric Luu, who has been building a satellite city, covering 1,150 hectares of land in Bavet, said he had studied in geographical areas in Cambodia and finally his company chose Bavet as an investment site for Empire World City project because Bavet will be a central trading hub between Phnom Penh and Ho Chi Minh City, Vietnam and the Cambodian government policies put Bavet Citya as a special economic and industrial zone with its Industrial Development Policy.

“These geographical factor is particularly favorable for investment, especially there is the expressway project and the One Belt and One Road project, connecting to this area,” he said, adding, “Therefore, we invested in the OBC project to meet the growing demand for office, residential, casinos and technology centers to help the government control Game Online in Cambodia.”

“So far, we have about 100 partner companies to make sure that the satellite city is functioning and built in time because the government has allowed us only two years to complete the first phase which covers an area of 52 hectares,” Mr. Eric Luu said, adding that the construction of the satellite city will contribute to the development of the Cambodian economy, in particular to help manage online gaming, which is growing in Cambodia.

ស្វែងយល់ពីអាស៊ាន! ទីផ្សារអលចនទ្រព្យនៅក្នុងប្រទេសសឹង្ហបុរីនៅតែមានភាពវិជ្ជមាន

February 5, 2019

0

ដោយ វុត្ថា

ភ្នំពេញ៖ ទីផ្សារអចលនទ្រព្យនៅប្រទេសសឹង្ហបុរី នៅតែមានសញ្ញាវិជ្ជមានដោយសារកំនើននៃការវិនិយោគ និងតម្រូវការលំនៅដ្ឋានកើនឡើង។

យោងតាមគេហទំព័រសារព័ត៌មាន The Business Times បានចុះផ្សាយថា ទីផ្សារអចនទ្រព្យនៅក្នុងប្រទេសសឹង្ហបុរី នៅតែរក្សាបាននូវកំណើការល្អសម្រាប់ឆ្នាំ២០១៩នេះតទៅ ដោយសារទីផ្សារពាណិជ្ជកម្ម និងលំនៅដ្ឋាន និងការផ្គត់ផ្គង់បន្តកើនឡើងខ្ពស់។

សារព័ត៌មានដដែលនេះបានចុះផ្សាយទៀតថា តម្លៃអចលនទ្រព្យនៅក្នុងប្រទេសសឹង្ហបុរី និងការជួលអគារនឹងបន្តកើនឡើង ហើយរំពឹងថាតម្លៃទីផ្សារភាគហ៊ុន នឹងបង្រួបគម្លាត ដើម្បីជាមួយមូលដ្ឋានគ្រឹះអចលនទ្រព្យ ដែលកំពុងមានសុខភាពល្អ ជាពិសេសម្រាប់អ្នកអភិវឌ្ឍន៍។

សារព័ត៌មានបានព្យាករណ៍ថា តម្លៃលំនៅដ្ឋាននៅប្រទេសដែនកោះនេះ នឹងបន្តកើនឡើង៥ភាគរយបន្ថែមទៀត ដោយសារការវិលត្រឡប់នៃការកើនឡើងនិន្ននាការចំពោះការផ្គត់ផ្គង់ និងតម្រូវការនៅក្នុងទីផ្សារអចលនទ្រព្យ។ ជាមួយគ្នានោះការជួលអគារការិយាល័យ ក៏នឹងកើនឡើងតួលេខទ្វេដង នៅក្នុងឆ្នាំ២០១៩នេះ។

ប្រទេសសឹង្ហបុរី គឺជាប្រទេសមួយដែលមានទីផ្សារអចលនទ្រព្យល្អបំផុត ក្នុងតំបន់អាស៊ី ដែលធ្វើឲ្យកំណើន GDP កើនឡើង អត្រាអ្នកអត់ការងារធ្វើមានកម្រិតទាប និង ស្ថេរិភាពសេដ្ឋកិច្ចសង្គម ។

ជាមួយគ្នានោះ អ្នកវិភាគសេដ្ឋកិច្ចសេដ្ឋកិច្ចបានលើកឡើងថា វិស័យអចលនទ្រព្យនៅក្នុងប្រទេសមួយនេះ នឹងនៅតែរក្សានូវកមណើនល្អប្រសើរ សម្រាប់រយៈពេលមួយទសវត្សរ៍ទៅមុខទៀត៕

តោះស្វែងយល់ពីសក្តានុពលក្រុងបាវិត ខេត្តស្វាយរៀង

February 5, 2019

0

ដោយ គង់ សូរិយា

ភ្នំពេញ៖ ក្រុងបាវិត ខេត្តស្វាយរៀងបាននិងកំពុងទាក់ទាញការវិនិយោគ ដោយសារកត្តាសំខាន់ៗជាច្រើន ទាក់ទងនឹងទីតាំងភូមិសាស្រ្ត ហេដ្ឋារចនាសម្ព័ន្ឋ និងគោលនយោបាយរបស់រដ្ឋាភិបាល។

ក្រុងបាវិតត្រូវបានរដ្ឋាភិបាលដាក់បញ្ចូលក្នុងគោលនយោបាយអភិវឌ្ឍន៍ឧស្សាហកម្មឆ្នាំ២០១៥-២០២៥ ដែលជាមូលហេតុមួយក្នុងចំណោមមូលហេតុជាច្រើន ដែលបានធ្វើឲ្យទីក្រុងនេះ ទាក់ទាញការវិនិយោគពីអ្នកវិនិយោគជាតិ អន្តរជាតិ ពិសេសអ្នកវិនិយោគចិន។

លោក សោម កែវម៉ាលីដា (Andy) អនុប្រធានសមាគមអ្នកជំនាញអចលនទ្រព្យកម្ពុជាបានមានប្រសាសន៍ថា ក្រុងបាវិតបច្ចប្បុន្នមានសភាពដូចគ្នា នឹងក្រុងព្រះសីហនុកាលពី៣ឆ្នាំមុន ដោយសារកាលពី៣ឆ្នាំមុនក្រុងព្រះសីហនុ មិនសូវមានអ្នកវិនិយោគចូលទៅវិនិយោគច្រើននៅឡើយ ប៉ុន្តែពេលនេះក្រុងព្រះសីហនុ មានការអភិវឌ្ឍលឿនស្ទើរមិនគួរឲ្យជឿ។

លោកបន្តថា ក្រុងបាវិតដូចក្រុងព្រះសីហនុកាលពីមុន តែពេលនេះចរន្តនៃការអភិវឌ្ឍបានចាប់ផ្តើមហើយ ជាមួយក្រុងរណបចំនួន២ និងតំបន់សេដ្ឋកិច្ចពិសេសជិត ១០កន្លែង ដែលបានផ្តល់ការងារដល់ប្រជាពលរដ្ឋប្រមាណ៥ម៉ឺននាក់។
លោកបន្តថា “ខ្ញុំជឿថាក្រុងបាវិតនឹងមានការរីកចម្រើនឆាប់រហ័ស និងមានសក្តានុពលមិនចាញ់ក្រុងព្រះសីហនុ និងក្រុងប៉ោយប៉ែតនោះទេ”។

ចរន្តនៃការអភិវឌ្ឍនៅក្រុងបាវិតបាននិងកំពុងចាប់ផ្តើម ខណៈគំរោងផ្លូវល្បឿនលឿនភ្នំពេញ បាវិតត្រូវបានក្រុមហ៊ុនរបស់ចិនប្រកាសសាងសង់ផ្លូវនេះ នាពេលខាងមុខនេះ។

ក្នុងជំនួបជាមួយសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលបានបំពេញទស្សនកិច្ចនៅប្រទេសចិនកាលពីពេលថ្មីៗនេះ តំណាក្រុមហ៊ុនវិនិយោគសាជីវកម្មស្ពាន និងថ្នល់ចិន (China Road and Bridge Corporation CRBC) បានមានប្រសាសន៍ជំរាបជូនសម្តេចថា ក្រុមហ៊ុនមានគម្រោងសាងសង់ផ្លូវល្បឿនលឿន ពីភ្នំពេញទៅកាន់ព្រំដែនកម្ពុជា វៀតណាមបាវិត ការស្ថាបនាផ្លូវលេខ ១៥-៥១ ដែលតភ្ជាប់ខេត្តកោះកុង ពោធិសាត់ និងខេត្តបាត់ដំបងផងដែរ។

ជាមួយគ្នានេះតំណាងក្រុមហ៊ុន China Road and Bridge Corporation CRBC បានរាយការណ៍ជូនសម្តេចនាយករដ្ឋមន្រ្តី អំពីបច្ចុប្បន្នភាពនៃគម្រោងវិនិយោគរបស់ខ្លួន នៅក្នុងប្រទេសកម្ពុជា និងផែនការសម្រាប់អនុវត្តន៍នៅពេលខាងមុខ ដែលកន្លងមកក្រុមហ៊ុនវិនិយោគសាជីវកម្មស្ពាន និងថ្នល់ចិន បានរួមចំណែកសាងសង់ផ្លូវ និងស្ពាន ជាច្រើនក្នុងប្រទេសកម្ពុជា ហើយសម្រាប់ពេលខាងមុខ ក្រុមហ៊ុននិងសាងសង់ផ្លូវល្បឿនលឿន ពីភ្នំពេញទៅកាន់ខេត្តព្រះសីហនុ ដែលគ្រោងនឹងបើកការដ្ឋានសាងសង់ក្នុងពេលដ៏ខ្លីខាងមុខ។

អគ្គនាយកក្រុមហ៊ុន Empire World លោក Eric Luu ដែលបាននិងកំពុងសាងសង់ទីក្រុងរណបលើផ្ទៃដីជាង ១១៥០ហិកតា នៅក្រុងបាវិតបានមានប្រសាសន៍ឲ្យដឹងផងដែរថា លោកបានសិក្សានៅតាមបណ្តាទីតាំងភូមិសាស្រ្តជាច្រើននៅកម្ពុជា ហើយចុងក្រោយក្រុមហ៊ុនលោកបានសម្រេចជ្រើសរើសក្រុងបាវិត សម្រាប់ជាទីតាំងវិនិយោគគំរោង Empire World City ដោយសារក្រុងបាវិតនឹងក្លាយជាមជ្ឈមណ្ឌលពាណិជ្ជកម្មកណ្តាលតភ្ជាប់រវាងទីក្រុងភ្នំពេញ និងក្រុងហូជីម៉ិញប្រទេសវៀតណាម ហើយគោលនយោបាយរបស់រដ្ឋាភិបាលកម្ពុជាបានដាក់ក្រុងបាវិតជាតំបន់សេដ្ឋកិច្ច និងឧស្សាហកម្មពិសេសមួយក្នុងគោលនយោបាយរបស់ខ្លួន។

លោកបន្តថា “កត្តាទីតាំងភូមិសាស្រ្តបែបនេះ ពិតជាមានភាពអំណោយផលដល់ការវិនិយោគ ពិសេសគំរោងផ្លូវល្បឿនលឿន និងផ្លូវនៃគំរោងខ្សែក្រវ៉ាត់១ ផ្លូវ១នឹងតភ្ជាប់នៅតំបន់នេះ”។លោកបន្តថា “ហេតុនេះទើបយើងវិនិយោគគំរោង OBC ឡើង ដើម្បីឆ្លើយតបនឹងតម្រូវការនៃកំនើនប្រើប្រាស់ការិយាល័យ សេវាកម្មស្នាក់នៅ កាស៊ីណូ និងមជ្ឈមណ្ឌលបច្ចេកវិទ្យា ដើម្បីជួយរដ្ឋាភិបាលក្នុងការគ្រប់គ្រង Game Online នៅកម្ពុជា”។

លោក Eric Luu បានបន្តថា រហូតមកទល់ពេលនេះ យើងមានក្រុមហ៊ុនជាដៃគូប្រមាណ ១០០ក្រុមហ៊ុន ដើម្បីជំរុញធ្វើយ៉ាងណាឲ្យទីក្រុងរណបនេះដំណើរការ និងសាងសង់ទាន់ពេលវេលា ព្រោះរដ្ឋាភិបាលបានអនុញ្ញាត្តិ ពេលវេលាឲ្យយើងតែ២ឆ្នាំប៉ុណ្ណោះ ដើម្បីបញ្ចប់គំរោងដំណាក់កាលទី១ ដែលមានផ្ទៃដី៥២ហិកតា។លោកបន្តថា ការសាងសង់ទីក្រងរណបនេះ នឹងចូលរូមចំណែកអភិវឌ្ឍន៍សេដ្ឋកិច្ចកម្ពុជា ពិសេសជួយគ្រប់គ្រង Game Online ដែលកំពុងមានការកើនឡើងនៅកម្ពុជា៕

CDC អនុម័តគំរោងវិនិយោគចំនួន៤ មានទឹកប្រាក់ ១៥លានដុល្លារអាមេរិក

February 5, 2019

0

ដោយ វុត្ថា

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានអនុញ្ញាតឲ្យក្រុមហ៊ុនចំនួន៤វិនិយោគនៅកម្ពុជា ដោយមានទុនវិនិយោគ១៥លានដុល្លារវិនិយោគ ទៅលើរោងចក្រផលិតខ្សែក្រវាត់ និងកាបូបគ្រប់ប្រភេទនៅក្នុងប្រទេសកម្ពុជា។

យោងតាមសេចក្តីសម្រេចរបស់ក្រុមប្រឹក្សាអភិវឌ្ឍន៍កម្ពុជា ដែលបានផ្សព្វផ្សាយនៅថ្ងៃទី៥ ខែមករា ឆ្នាំ២០១៩ នេះបានឲ្យដឹងថាក្នុងចំណោមក្រុមហ៊ុនវិនិយោគទាំងនោះរួមមាន ទី ១-“SHINING (CAMBODIA) BELT & BAG CO.,LTD.” គម្រោងបង្កើតរោងចក្រផលិតខ្សែក្រវាត់ និងកាបូបគ្រប់ប្រភេទ ដែលមានទីតាំងវិនិយោគស្ថិតនៅដីឡូត៍ A ភូមិព្រៃខ្វាវ ឃុំរកាកោះ ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ៣,៣៦លានដុល្លារអាមេរិក និងអាចបង្កើតការងារបានចំនួន ៧៣៥កន្លែង។

ទី២-“FIDELITY (CAMBODIA) HANDBAG FACTORY CO.,LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិព្រែកតាកែ សង្កាត់បឹងធំ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ៣,៦០លានដុល្លារអាមេរិក និងអាចបង្កើតការងារបានចំនួន១.៧៤៥កន្លែង។

ទី៣-“PARTAGE (CAMBODIA) CO.,LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិសង្គ្រោះជាតិ ឃុំត្រពាំងគង ស្រុងសំរោងទង ខេត្តកំពង់ស្ពឺ មានទុនវិនិយោគប្រមាណ៥,៦៨លានដុល្លារអាមេរិក និងអាចបង្កើតការងារបានចំនួន ២.០៥៩កន្លែង។

៤- “JIN BAO LI (CAMBODIA) CO.,LTD.” គម្រោងបង្កើតរោងចក្រផលិតកាបូប និងគ្រឿងបន្សំកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ២,៣៧លានដុល្លារអាមេរិក និងអាចបង្កើតការងារបានចំនួន១.១២២កន្លែង៕

អ្នកជំនាញអះអាងថា រាជធានី ខេត្តចំនួន៥ទាក់ទាញការវិនិយោគអចលនទ្រព្យច្រើនជាងគេ

February 5, 2019

0

ដោយគង់ សូរិយា
ភ្នំពេញ៖ រាជធានី ខេត្តចំនួន៥បាននិងកំពុងទាក់ទាញការវិនិយោគលើវិស័យសំណង់ និងអចលនទ្រព្យច្រើនជាងគេនៅកម្ពុជា ដែលការវិនិយោគទាំងនោះផ្តោតលើលំនៅដ្ឋាន ការិយាល័យ និងមជ្ឈមណ្ឌលពាណិជ្ជកម្មចម្រុះ។

សេដ្ឋកិច្ចរបស់ប្រទេសកម្ពុជាកំពុង រក្សាបាននូវកំណើន៧ភាគរយ អស់រយៈពេលជាង២០ឆ្នាំកន្លងនេះ បង្ហាញថាប្រទេសកម្ពុជា ជាប្រទេសមានការអភិវឌ្ឍរីកចម្រើនច្រើនជាងគេនៅក្នុងតំបន់។នេះគឺជាលទ្ធផលនៃស្ថិរភាពនយោបាយ សង្គមនិងសេដ្ឋកិច្ចរបស់កម្ពុជា និងអ្នកវិនិយោគបរទេសនៅក្នុងរដ្ឋាភិបាល។ លើសពីនេះទៀតរដ្ឋាភិបាល បានធានាមិនឱ្យមានភាពជាម្ចាស់នៃការវិនិយោគ និងភាពងាយស្រួលនៃការធ្វើមាតុភូមិនិវត្តន៍ដើមទុន និងប្រាក់ចំណេញ។

យោងតាមសេចក្តីប្រកាសព៌តមាន របស់ក្រុមហ៊ុនអចលនទ្រព្យលំដាប់ពិភពលោក Century21 Cambodiaបានឲ្យដឹងថា ប្រទេសកម្ពុជាបានទាក់ទាញវិនិយោគបរទេសកាន់តែច្រើន រួមបញ្ចូលទាំងស័យអភិវឌ្ឃនអចនលទ្រព្យ ពីប្រទេសជប៉ុន សឹង្ហបុរី ម៉ាឡេស៊ី ចិន តៃវ៉ាន់ កូរ៉េខាងត្បូង និងប្រទេសដទៃទៀត វិនិយោគនៅក្នុងប្រទេសកម្ពុជា ការបង្កើតតម្រូវការសម្រាប់អចលនទ្រព្យពាណិជ្ជកម្ម និងលំនៅដ្ឋាន។

វិនិយោគភាគច្រើនគឺនៅក្នុងទីក្រុង រួមមាន រាជធានីភ្នំពេញ ក្រុងព្រះសីហនុ កែប កំពត និងសៀមរាប ។ខេត្តកោះកុងមានមនុស្សកាន់តែច្រើនឡើងៗ កំពុងធ្វើចំណាកស្រុកពីតំបន់ជនបទ ចូលទៅកាន់ទីក្រុងដើម្បីស្វែងរកការងារធ្វើ និងបង្កើតមុខរបសផ្សេងៗ ។

កត្តាសំខាន់ផ្សេងទៀត គឺ ដើរយឺត ប៉ុន្តែមានការកើនឡើងជាលំដាប់នូកម្មកកម្រិតថ្នាក់កណ្តាល និងកម្រិងកណ្តាលមធ្យម ដែលបានរួមចំណែកនូវតម្រូវការ នៅពេលដែលយុវវ័យស្វែងរកការរស់នៅផ្ទះពីក្រុមគ្រួសារ ដោយចាប់ផ្តើមបង្កើតគ្រួសារផ្ទាល់ខ្លួន។

ទីផ្សារអចលនទ្រព្យនៅប្រទេសនេះនៅតែមានសញ្ញាវិជ្ជមាន ហើយអ្នកវិនិយោគផ្ទាល់ក្នុងវិស័យនេះនៅតែមានសុទិដ្ឋិនិយមដដែល។

ប្រធានសមាគមអ្នកអភិវឌ្ឍន៍លំនៅដ្ឋានកម្ពុជា លោកឧកញ៉ាលី ហួរបានថ្លែងថា កំនើនសេដ្ឋកិច្ច និងការរក្សាបាននូវស្ថិរភាពនយោបាយ និងការកើនឡើងនូវប្រាក់ចំនូលរបស់ប្រជាពលរដ្ឋ នឹងធ្វើឲ្យទីផ្សារអចលនទ្រព្យនៅកម្ពុជា នឹងបន្តរីកចម្រើនរយៈពេលវែងបន្តទៀត។លោកបន្តថា យោងតាមតួលេខរបស់ក្រសួងរៀបចំដែនដី នគរូបនីយកម្ម និងសំណង់គឺកម្ពុជាត្រូវការលំនៅដ្ឋានប្រមាណ១លានខ្នងទៀត គិតពីបច្ចុប្បន្នដល់ឆ្នាំ២០៣០ខាងមុខនេះ។

លោកយិន លាងគង់អនុប្រធានក្រុមប្រឹក្សាភិបាលសមាគមអ្នកជំនាញអចលនទ្រ ព្យបានមានប្រសាសន៍យល់ស្របនឹងរបាយការណ៍ខាងលើ ដោយលោកបានមានប្រសាសន៍ថា វាមិនមែនជារឿងចៃដន្យឬភ្ញាក់ផ្អើល ដែលរាជធានី ខេត្តទាំង៥មានភាពទាក់ទាញអ្នកវិនិយោគជាតិ និងអន្តរជាតិ ពិសេសរាជធានីភ្នំពេញ គឺជារាជធានីរបស់ប្រទេសដែលជាមជ្ឈមណ្ឌលប្រមូលផ្តុំនូវសេដ្ឋកិច្ច ពាណិជ្ជកម្ម និងវប្បធ៌ម ចំណែកខេត្តជាប់តំបន់ឆ្នេរ ជាខេត្តដែលមានសក្តានុពលដោយសារកម្ពុជាមានឆ្នេរស្អាត ជាប់ជាសមាជិកក្លឹបឆ្នេរស្អាតជាងគេលើពិភពលោក ពិសេសអ្នកវិនិយោគចិនចូលចិត្តតំបន់សមុទ្រ។

លោកបន្តថា “អ្វីកាន់តែពិសេសប្រមុខរដ្ឋាភិបាលកម្ពុជា បានចាត់ទុកខេត្តព្រះសីហនុជាក្បាលនាគ ហើយរដ្ឋាភិបាលដាក់ខេត្តព្រះសីហនុ ជាតំបន់ឧស្សាហកម្មពិសេសមួយ ហេតុនេះការពង្រីកនិងឥទ្ឋិពលនៃការវិនិយោគ បានសាយភាយដល់ខេត្តកំពត និងកែប ដែលមានសក្តានុពលពិសេសផងដែរ”។លោកបន្តថា “ចំណែកខេត្តសៀមរាប គឺជាខេត្តដែលបរទេសមានការស្គាល់យ៉ាងច្បាស់ ដោយសារប្រាសាទអង្គរវត្តដ៏ល្បីល្បាញដែលត្រូវបានអង្គការយូណេស្កូ ដាក់បញ្ចូលក្នុងបញ្ជីរសម្បត្តិបេតិកភ័ណ្ឌវប្បធ៌មពិភពលោក”។

លោកយិន លាងគង់បានបន្តថា ខេត្តនិមួយៗមានសក្តានុពលដោយឡែកៗពីគ្នា ដែលជាឳកាសមាសសម្រាប់អ្នកវិនិយោគជាតិ អន្តរជាតិបាននិងកំពុងទាញយកសក្តានុពល សម្រាប់គំរោងអភិវឌ្ឍន៍របស់ខ្លួន ខណៈកម្ពុជាជាប្រទេសដែលមានប្រាក់ចំណេញពីការវិនិយោគខ្ពស់ជាងគេ បើធៀបជាមួយបណ្តាប្រទេសក្នុងតំបន់៕