ក្រុមហ៊ុនថៃ គ្រោងបោះទុនជាង 20លានដុល្លារវិនិយោគរមណីដ្ឋាន និងលំនៅដ្ឋាននៅតាមបណ្តោយផ្លូវជាតិលេខ 3

November 24, 2018

ដោយ វុត្ថា

ភ្នំពេញ៖ TPI Polene Public Company Limited ជាក្រុមហ៊ុនថៃដ៏ធំលំដាប់ទី2 សហការជាមួយក្រុមហ៊ុនក្នុងស្រុក គ្រោងបោះទុនជាង 20លានដុល្លារវិនិយោគលើរម្មណីយដ្ឋាន សាងសង់ផ្ទះល្វែង និងខុនដូរនៅតាមណ្តោយផ្លូវជាតិលេខ3 នាពេលខាងមុខនេះ បន្ទាប់ពីសិក្សាលើគម្រោងរួចរាល់កាលពីម្សិលមិញនៅក្នុងប្រទេសកម្ពុជា។

លោក Nara Pom អ្នកដឹកនាំក្រុមអ្នកវិនិយោគថៃ របស់ក្រុមហ៊ុន TPI Polene Public Company Limited បានអោយដឹងថា ក្រុមហ៊ុនថៃមួយនេះបានសិក្សាពីផែនការវិនិយោគ និងទីតាំងវិនិយោគរួចរាល់ហើយនឹងចាប់ផ្តើមវិនិយោកនាពេលខាងមុខដ៏ខ្លីនេះ តែជាជំហ៊ានដំបូងខាងក្រុមហ៊ុនបោះទុន 20 ទៅ 25លានដុល្លារជាមុនសិន។

លោកបន្តថា ការវិយោគនេះគឺដើម្បីចូលរួមអភិវឌ្ឍន៍លើវិស័យទេសចរណ៍ជាមួយរាជរដ្ឋាភិបាលកម្ពុជា និងកាត់បន្ថយភាពក្រីក្រជូនប្រជាពលរដ្ឋ ។ បន្ថែមពីនេះវិស័យទេសចរណ៍ និងវិស័យសំណង់ នៅក្នុងប្រទេសកម្ពុជានាពេលបច្ចុប្បន្ន កំពុងរីកលូតលាស់ខ្លាំងនិងចាប់អារម្មណ៍ បំផុតពីសំណាក់ក្រុមហ៊ុនវិយោគក្នុងស្រុក និងក្រៅស្រុក។

លោក Nara Pom បញ្ជាក់ទៀតថា ការវិយោគទៅលើវិស័យរម្មណីយដ្ឋាន ផ្ទះល្វែងនិងខុនដូននេះ នៅមិនឆ្ងាយពីរាជធានីភ្នំពេញឡើយប្រហែលជា15 ទៅ 30គីឡូម៉ែត្រពីរង្វង់មូលចោមចៅ នៅតាមបណ្តោយផ្លូវជាតិលេខ3 លើទំហំដីពី20 ទៅ 30ហិកតា ។

មិនតែប៉ុណ្ណោះក្រុមហ៊ុនដ៏ធំនេះគ្រោងវិនិយោគលើវិស័យផ្សេងៗទៀតជាច្រើននៅក្នុងប្រទេសកម្ពុជា រួមមានអគ្គិសនីយ៍ដើរដោយថាមពល រោងចក្រកែឆ្នៃសម្រាម និងតំបន់សេដ្ឋកិច្ចពិសេស៕

Century21 នឹងនាំសក្តានុពលទីផ្សារអចលនទ្រព្យកម្ពុជាទៅកាន់ពិភពលោក

November 24, 2018

ដោយ ស៊ីវ ម៉េង

ភ្នំពេញ៖ សន្និបាតនៃក្រុមហ៊ុនអចលនទ្រព្យលំដាប់ពិភពលោក នឹងប្រារពធ្វើឡើងនៅទីក្រុងភ្នំពេញនាថ្ងៃទី១ធ្នូខាងមុខនេះ ដោយព្រឹត្តិការណ៍នេះ នឹងមានអ្នកជំនាញអចលនទ្រព្យមកពីជាង១០ប្រទេស មកចូលរួមក្នុងព្រឹត្តិការណ៍មិនធ្លាប់មាននេះ។

នាយិកក្រុមហ៊ុនអចលនទ្រព្យ Century21 Cambodia អ្នកនាង Grace Rachy Fongបានមានប្រសាសន៍ឲ្យដឹងកាលពីថ្ងៃទី២៣ វិច្ឆិកាកន្លងមកថា ព្រឹត្តិការណ៍នេះមិនធ្លាប់មាននៅកម្ពុជា ហើយកម្ពុជាជាប្រទេសទី៧៥ ដែលមាននាំយកមកនូវសិទ្ឋអាជីវកម្មពីក្រុមហ៊ុន Century21ពិភពលោក ដែលបច្ចុប្បន្ន Century21 បានពង្រីកទីតាំងនិងការិយាល័យរហូតដល់៨១ប្រទេសរួចហើយ។

អ្នកនាងបន្តថា “នេះជាលើកទី១ដែលកម្ពុជារៀបចំព្រឹត្តិការណ៍នេះ ដើម្បីបង្ហាញពីកំលាំងនៃការរួបរួមរបស់យើង និងបង្ហាញពីសក្តានុពលនៃ Century21 Cambodiaពិសេសការផ្តល់ទំនុកចិត្តក្នុងទីផ្សារពីសេវាកម្មរបស់យើង។

កម្មវិធីនេះនឹងមានការចូលរួមពីអ្នកវិនិយោគជាតិ អន្តរជាតិ អ្នកជំនាញផ្នែកធនាគារនិងដៃគូអាជីវកម្មជាច្រើនទៀត។ កម្មវិធីនេះនឹងប្រារពឡើងនៅសណ្ឋាគារសុខារ៉េស៊ីដេន។

អ្នកនាង Grace Rachny Fong បានបន្តថា កម្មវិធីនេះនឹងបង្ហាញពីឳកាសនៃការវិនិយោគ និងទាក់ទាញការវិនិយោគពីអ្នកវិនិយោគអន្តរជាតិមកកម្ពុជា ព្រោះភ្ញៀវខ្លះពួកគេមិនធ្លាប់មកកម្ពុជា ហេតុនេះពេលពួកគេមកកាន់កម្ពុជា ពួកគេនឹងចាប់យកឳកាសចេញពីទីនេះ និងផ្សព្វផ្សាយពីសក្តានុពលវិស័យសំណង់ និងអចលនទ្រព្យនៅកម្ពុជាទៅកាន់ពិភពលោក។

អគ្គនាយកក្រុមហ៊ុន Century21 Mekong លោកច្រឹក សុខនីមបានថ្លែងថា សន្និបាតនេះជាឳកាស សម្រាប់ការផ្លាស់ប្តូរបទពិសោធន៍ ពង្រឹងចំណងមត្តភាព និងកិច្ចសហប្រតិបត្តិការរវាងភ្នាក់ងារអចលនទ្រព្យនៅកម្ពុជា និងភ្នាក់ងារអចលនទ្រព្យនៃក្រុមហ៊ុនCentury21 មកពីបណ្តាប្រទេសនានាអាចជួបជុំគ្នាក្នុងពិធីនេះ។ លោកបន្តថា កន្លងមកក្រុមហ៊ុនភ្នាក់ងារ Century21 កម្ពុជាចេញក្រៅប្រទេស ប៉ុន្តែពេលនេះ យើងអញ្ជើញពួកគេមកវិញ ដើម្បីសិក្សា និងទាញយកកាលានុវត្តន៍ភាពពីការរីកចម្រើន ក្នុងវិស័យនេះនៅកម្ពុជា។

លោកបន្តថា “កម្មវិធីនេះក៏ជាការផ្តល់ឳកាស និងទាក់ទាញការវិនិយោគពីអ្នកវិនិយោគមកកម្ពុជាផងដែរ ពិសេសការពង្រឹងនិងពង្រីកទំនុកចិត្តក្នុងទីផ្សារនេះ។

ជាមួយគ្នានេះសន្និបាតនេះ នឹងមានការផ្តល់ពានរង្វាន់ដល់ក្រុមហ៊ុនអចលនទ្រព្យដែលជាក្រុមគ្រួសារ Century21 ដែលបានលក់អចលនទ្រព្យ និងទទួលបានកម្រៃជើងសារបានច្រើនជាងគេផងដែរ។

លោក គុយ វ៉ាត ប្រធានក្រុមប្រឹក្សាភិបាលនៃក្រុមហ៊ុន Century21 Cambodia បានថ្លែងឲ្យដឹងផងដែរថា នេះជាព្រឹត្តិការណ៍ដ៏សំខាន់ ដែលយើងអាចពង្រីកការផ្សព្វផ្សាយពីសក្តានុពលនៃវិស័យសំណង់ និងអចលនទ្រព្យកម្ពុជាទៅកាន់ពិភពលោក និងជាការពង្រីកទីផ្សារ និងឪកាសសម្រាប់ក្រុមហ៊ុនជាសមាជិក Century21 Family ទៅកាន់ទីផ្សារនៅក្រៅប្រទេស។ លោកបន្តថា ដើម្បីពង្រីកទីផ្សារទៅក្រៅប្រទេសបាន ក្រុមហ៊ុនភ្នាក់ងារ អចលនទ្រព្យ Century21 ត្រូវឆ្លងកាត់ប្រព័ន្ឋការងារទាំងនេះ ដើម្បីពួកគេអាចធ្វើការជាមួយភ្នាក់ងារនៃក្រុមហ៊ុន Century21 នៅអន្តរជាតិបាន។

លោកបន្តថា “ចង់មិនចង់ទីផ្សាររបស់យើងនឹងរីកទៅកាន់បរទេស ហេតុនេះការចាប់បានឳកាស និងពង្រីកសក្តានុពលនៃក្រុមហ៊ុននិមួយៗ វាអាស្រ័យលើសេវាកម្មនិងទំនុកចិត្តដែលពួកគេផ្តល់ឲ្យដៃគូ”៕

ភ្ញៀវទេសចរណ៍សំរុកទៅទស្សនានៅភូមិភាគឥសាន្តនាឳកាសឈប់សំរាកបុណ្យអុំទូក

November 24, 2018

ដោយ គង់ សូរិយា

ភ្នំពេញ៖ ភ្ញៀវទេសចរណ៍ជាតិ និងអណ្តរជាតិបានសំរុកទៅទស្សនានៅតាមបណ្តាខេត្តភូមិភាគឥសាន្ត ក្នុងឳកាសបុណ្យឈប់សំរាកនាពិធីបុណ្យអុំទូក បណ្តែតប្រទីត និងសំពះព្រះខែ រយៈពេលបីថ្ងៃកន្លងមកនេះ។

ប្រធានមន្ទីរទេសចរណខេត្តរតនគិរីលោកង៉ែត ពិទូបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី២៤ វិច្ឆិកានេះថា ក្នុងឳកាសឈប់សម្រាកបុណ្យអុំទូកឆ្នាំនេះ ភ្ញៀវទេសចរណ៍ជាតិ អន្តរជាតិមកទស្សនានៅខេត្តរតនៈគិរី មានចំនួនជាង១៨,០០០នាក់ កើនឡើង១១២ភាគរយ ធៀបរយៈពេលដូចគ្នាកាលពីឆ្នាំមុន។ លោកបន្តថា ជាមួយនឹងកំនើនទេសចរណ៍នេះ បន្ទប់សណ្ឋាគារ និងផ្ទះសំណាក់ដែលមានជាង១៤០០បន្ទប់នៅក្នុងខេត្ត គឺមានការខ្វះខាត ប៉ុន្តែតម្លៃមិនកើនឡើងខ្ពស់ខ្លាំងនោះទេ ទោះជាការផ្គត់ផ្គង់ មិនឆ្លើយតបនឹងតម្រូវការក្តី។

លោកបន្តថា “កំនើនភ្ញៀវទេសចរណ៍មកតំបន់នេះ ដោយសារកត្តាសុសន្តិភាព សុវត្ថិភាព កំនើនប្រាក់ចំណូលរបស់ប្រជាពលរដ្ឋ បណ្តាញគមនាគមន៍មានភាពងាយស្រួល ការឈប់សំរាកមានរយៈពេលវែង ពិសេសតំបន់ភូមិភាគឥសាន្ត ជាគោលដៅទេសចរណ៍ធំមួយ ក្រៅពីខេត្តសៀមរាប និងតំបន់ឆ្នេរ។

លោកង៉ែត ពិទូបានបន្តថា ខេត្តរតនគិរីមានរមណីយដ្ឋាន និងសហគមន៍ទេសចរណ៍ដែលស្ថិត ក្នុងការចងក្រងរៀបចំដោយមន្ទីរទេសចរណ៍ខេត្តមានចំនួន១៤កន្លែង ប៉ុន្តែរមណីយដ្ឋានជាច្រើនទៀតក៏អាចកំសាន្តបានដែរ តែភាគច្រើនស្ថិតនៅក្នុងព្រៃជ្រៅ។

ខេត្តមណ្ឌលគិរី ក៏ទទួលបានភ្ញៀវទេសចរណ៍ជាតិ អន្តរជាតិកើនឡើងខ្ពស់ផងដែរ។ ដោយរយៈពេលបីថ្ងៃនេះ ភ្ញៀវទេសចរណ៍ទៅទស្សនាក្នុងខេត្ត កើនឡើងខ្ពស់រហូតដល់៦០ភាគរយផងដែរ ដោយភ្ញៀវទេសចរណ៍ទៅទស្សនាខេត្តមណ្ឌលគិរីមានចំនួនជាង២២,០០០នាក់ ក្នុងឳកាសឈប់សម្រាករយៈពេលបីថ្ងៃ នៃព្រះរាជពិធីបុណ្យអុំទូក

អកអំបុក និងសំពះព្រះខែនេះ។ នេះបើតាមលោកគង់ វិមានប្រធានមន្ទីរទេសចរណ៍ខេត្តមណ្ឌលគិរី។

លោកបន្តថា “ដោយសារកំនើនភ្ញៀវទេសចរកើនឡើងច្រើនបែបនេះ ធ្វើឲ្យបន្ទប់សណ្ឋាគារ និងផ្ទះសំណាក់ដែលមានជាង ១០០០បន្ទប់ មិនអាចឆ្លើយតបបាននឹងកំនើនភ្ញៀវ។ លោកបន្តថា “ភ្ញៀវទេសចរណ៍មួយចំនួនបានបោះតង់ ស្នាក់នៅតាមវត្តអារ៉ាមនិងតាមផ្ទះប្រជាពលរដ្ឋជាដើម។

ខេត្តមណ្ឌលគិរីបច្ចុប្បន្នមានរមណីយដ្ឋាន និងសហគមន៍ទេសចរណ៍សរុបជាង២០ទីតាំង ដែលភ្ញៀវទេសចរណ៍ជាតិ និងអន្តរជាតិអាចទស្សនាកំសាន្តបាន៕

មហាសេដ្ឋីលំដាប់ពិភពលោក៥រូបជិះរថយន្តថោកនិងមានជីវិតសាមញ្ញបំផុត

November 21, 2018

ដោយ : វុត្ថា
ភ្នំពេញ : មហាសេដ្ឋីនៅលើពិភពលោកតែងតែជិះរថយន្តទំនើប និងបង្ហាញពីការរស់នៅប្រកបដោយភាពស៊ីវីល័យនៅក្នុងសង្គម តែពិតជាមិនគួរអោយជឿឡើយ សម្រាប់មហាសេដ្ឋី៥ ដែលមានលុយច្រើនជាគេនៅលើពិភពលោក បែរជាជិះរថយន្តថោក និងប្រើប្រាស់ការរស់នៅប្រកបដោយភាពសមញ្ញបំផុត ដោយពួកគេគិតថា មានផាសុខភាព និងភាពស្រស់ស្រាយជាមួយជីវិតបែបនេះ។

គេហទំព័រ Propertyarea.asia សូមបកប្រែពីគេហទំព័រGURU ដែលបានចុះផ្សាយចុះផ្សាយពីមហាសេដ្ឋីពិភពលោក៥រូបនេះ កាលពីពេលថ្មីៗនេះនៅក្នុងគេហទំព័រពត៌មានរបស់ខ្លួន។

១ លោក Jeff Bezos
លោក Jeff Bezos ជាមហាសេដ្ឋីពិភពលោក ឈរនៅក្នុងលំដាប់លេខរៀងទី១ ដែលមានលុយរហូតដល់ចំនួន១៥៧ពាន់លានដុល្លារ សហរដ្ឋអាមេរិកប្រចាំឆ្នាំ២០១៨នេះ គឺជាស្ថាបនិកនិងម្ចាស់ភាគហ៊ុនដ៏ធំរបស់ក្រុមហ៊ុន Amazon ដែលជាក្រុមហ៊ុនលក់រាយតាមអនឡាញ ដ៏ធំបំផុតនៅក្នុងពិភពលោក។
មហាសេដ្ឋីរូបនេះជិះរថយន្តម៉ាក Honda Accord សេរី ឆ្នាំ១៩៩៦ តម្លៃ $24,509 ប៉ុណ្ណោះ។

២. លោក Steve Ballmer
លោក Steve Ballmer ជាអតីតអគ្គនាយកក្រុមហ៊ុន ក្រុមហ៊ុន Microsoft ចន្លោះឆ្នាំ ២០០០ ដល់ឆ្នាំ២០១៤ និងបច្ចុប្បន្នជាម្ចាស់ក្រុមហ៊ុន Los Angeles Clippers ដែលមានលុយរហូតដល់៤១,២ពាន់លានដុល្លារអាមេរិក តែបែរជាជិះរថយន្តម៉ាក Ford Fusion Hybrid តម្លៃ$16,299។

៣.លោក Jack Ma
លោក Jack Ma Yun ជាមហាសេដ្ឋីជនជាតិចិន និងជាម្ចាក់ក្រុមហ៊ុន Alibaba Group ដែលមានលុយរហូតដល់៣៥.៦ពាន់លានដុល្លារ ជិះរថយន្តម៉ាក SUV Roewe RX5 តម្លៃ $22,300។

៤.លោក Mark Zuckerberg
លោក Mark Zuckerberg ជាម្ចាស់និងស្ថាបនិកក្រុមហ៊ុន Facebook ដែលមានលុយរហូតដល់៥៦.៤ពាន់់លានដុល្លារ ជិះរថយន្តម៉ាកAcura TSX, Volkswagon GTI តម្លៃ $31,555 ។

៥. លោក Warren Buffet
លោក Warren Buffett ជាមហាសេដ្ឋីពិភពលោក លោកមានលុយចំនួន៨៥,៦ពាន់លានដុល្លារសហរដ្ឋអាមេរិក និងម្ចាស់ភាគហ៊ុនធំបំផុតនៃក្រុមហ៊ុន Berkshire Hathaway ជិះរថយន្តម៉ាក2014 Cadillac XTS តម្លៃចាប់ពី $17,896 – $24,380 ប៉ុ ណ្ណោះ៕

តោះទៅមើលសក្តានុពលសំខាន់ៗនៃភាគខាងត្បូងរាជធានីភ្នំពេញ

November 21, 2018

ដោយស៊ីវ ម៉េង

ភ្នំពេញ: គំរោងជាច្រើនបានឆ្ពោះទៅកាន់ភាគខាងត្បូងរាជធានីភ្នំពេញ ពិសេសសកម្មភាពអភិវឌ្ឍន៍បានផ្តោតលើទីក្រុងរណប ING CITY ទំហំជាង២០០០ហិកតា ដែលជាទីក្រុងមានទំហំធំជាងគេនៅទីក្រុងភ្នំពេញ។

ក្រុងរណប ING City ដែលស្ថិតនៅតំបន់ភាគខាងត្បូងរាជធានីភ្នំពេញ និងមានផ្លូវសម្តេចតេជោហ៊ុន សែនឬហៅថាផ្លូវ៦០ម៉ែត្រ ពុះកាត់ចំកណ្ដាលនិងផ្លូវធំៗចំនួនពីរចេញពីផ្លូវជាតិលេខ២ ឆ្ពោះភ្ជាប់ទៅកាន់ផ្លូវ២៧១ និងមហាវិថីមួយទៀតចេញពីម្តុំរង្វង់មូល មុខសាលាខេត្តកណ្តាលឆ្ពោះទៅកាន់ផ្លូវលេខ៣៧១បាន និងកំពុងសាងសង់យ៉ាងសក ម្ម។

បច្ចុប្បន្នគំរោងអភិវឌ្ឍន៍ជាច្រើនបានឆ្ពោះទៅកាន់តំបន់នេះ ដូចជាគំរោង កសាងទីក្រុង និងមជ្ឈមណ្ឌលពាណិជ្ជកម្ម នៃក្រុមហ៊ុន R&F Property ដែលបាននិងកំពុងបើកការដ្ឋានសាងសង់គំរោងរបស់ខ្លួន ក្នុងតម្លៃទឹកប្រាក៧០០លានដុល្លារអាមេរិក។

គំរោងបុរីWoodland , បុរី ប៉េង ហួត ដែកកាលពីសប្តាហ៍មុន ក្រុមហ៊ុន បុរី ប៉េង ហួត បានសម្ពោធបុកគ្រឹះសាងសង់គម្រោងផ្សារទំនើបថ្មីមួយរបស់ខ្លួនPH Diamond Place ដោយបានវិនិយោគប្រមាណ ៦០លានដុល្លារអាមេរិក នៅលើផ្ទៃដីជិត៦ហិកតា។

សាលាអន្តរជាតិISPP និងសាលតាំងបង្ហាញរថយន្តម៉ាកម៊ែកសឺដេសក៏បានបើកការិយាល័យរបស់ខ្លួននៅតំបន់នេះផងដែរ។

ផ្សារទំនើប PH Diamond Place ដែលសង់លើផ្ទៃដីជិត៦ហិកតា ផ្សារទំនើបនៃបុរីជីព ម៉ុង និងគំរោងផ្សារទំនើបAEON MALL3កាន់តែធ្វើឲ្យតំបន់នេះកាន់តែរសរវើកនាពេលអនាគត។

លោកជា សុផារ៉ា ទេសរដ្ឋមន្ត្រី រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ បានលើកឡើងថា តំបន់ទីក្រុងរណប ING City នេះ គឺជាតំបន់ដែលមានសក្ដានុពលខ្លាំង ក្នុងការសាងសង់លំនៅដ្ឋាន និងអគារពាណិជ្ជកម្មចម្រុះ ដើម្បីពង្រីកកំណើនសេដ្ឋកិច្ចសង្គមទៅថ្ងៃអនាគត។

លោកបន្តថា “ទោះយ៉ាងណាការលូតលាស់ នៃការអភិវឌ្ឍក្នុងតំបន់នេះ ហាក់នៅមានកម្រិតនៅឡើយ ខណៈដែលគម្រោងភាគច្រើនមានតែក្នុងគំនូររូបភាព តែមិនទាន់ឃើញសាងសង់ចេញជារូបរាងនៅឡើយទេ”។

លោកជា សុផារ៉ាបានបន្តថា តំបន់នេះគឺជាតំបន់មួយ ដែលលោកឧកញ៉ា អ៊ឹង ប៊ុនហ៊ូវ ជាអ្នករៀបចំការអភិវឌ្ឍ ហើយការអភិវឌ្ឍដែលជាដុំកំភួននោះ គឺផ្លូវ ៦០ម៉ែត្រ ហើយការអភិវឌ្ឍផ្លូវនេះទៀតសោត គឺធ្វើឡើងលក្ខណៈបដិភាគ មានន័យថា អភិវឌ្ឍឆ្លងកាត់ដីនរណា បដិភាគកន្លែងហ្នឹង ហើយការអភិវឌ្ឍនេះ តាំងពីជំនាន់អភិបាលក្រុងឯកឧត្តម ប៉ា សុជាតិវង្ស មកម្ល៉េះ ដោយមានការពិភាក្សាគ្នារវាងខេត្តកណ្ដាល និងរាជធានីភ្នំពេញ។ ឥឡូវនេះ អត់ទាន់ក្លាយទៅជាការពិត ដូចគម្រោងនៅឡើយ។

លោកឧកញ៉ាអ៊ឹង ប៊ុនហូវមិនអាចទាក់ទងសុំការអត្ថាធិប្បាយបានទេ។

អ្នកនាំពាក្យសាលាក្រុងភ្នំពេញ លោកមាស ម៉េតភ័ក្តីបានថ្លែងបដិសេធប
ញ្ជាក់លំអិតពីគំរោងអភិវឌ្ឍន៍នេះ ភ្ជាប់គ្នាជាមួយផ្លូវក្រវ៉ាត់ក្រុងទីបីឬយ៉ាងណាទេ
ដោយលោកបានមានប្រសាសន៍ថា គំរោងអភិវឌ្ឍន៍នៅភាគខាងត្បូងក្រុងភ្នំពេញ និងទីក្រុងរណបING CITYធ្វើឡើងតាមប្លង់គោល(master Plan)របស់ក្រុងភ្នំពេញ ហើយគំរោងអភិវឌ្ឈន៍ណាក៏ដោយ ក៏ត្រូវគោរពតាមប្លង់គោលរបស់ក្រុងភ្នំពេញ។

អតីតវិរស្ថាត្យករកម្ពុជា លោកវណ្ណ ម៉ូលីវណ្ណដែលបានទទួលមរណៈភាពទៅហើយនោះធ្លាប់បានថ្លែងថា ទីក្រុងភ្នំពេញគួរអភិវឌ្ឍន៍ឆ្ពោះទៅភាគខាងត្បូងរាជធានី ដោយសារតំបន់នោះមានសណ្ឋានដីល្អ មានលក្ខខ័ណ្ឌអាកាសធាតុល្អ និងមិនប្រឈមមុខនឹងការលិចទឹក។

អគ្គនាយកក្រុមហ៊ុនCentury21 Mekong លោកច្រឹក សុខនីមបានថ្លែងថា តំបន់ភាគខាងត្បូងក្រុងភ្នំពេញ ពិសេសទីក្រុងរណបING CITY ជាតំបន់ដ៏មានសក្តានុពលមួយ ដែលបច្ចុប្បន្នស្ទើរតែស្ថិតនៅកណ្តាលក្រុងរួចទៅហើយ ដោយសារទី១ ទីតាំងនេះជាទីតាំងBest of The bestឬនិយាយពីការវិនិយោគគឺគេនិយាយពីទីតាំង ទីតាំង ទី២ វាជាតំបន់ថ្មីដែលអាចសាងសង់អាគារបានខ្ពស់ៗ និងផ្សារទំនើបនានាងាយស្រួល។ ទី៣ ជាតំបន់មានសណ្ឋានដីល្អ និងជាតំបន់តភ្ជាប់ជាមួយក្រុងតាខ្មៅ និងស្ថិតនៅកៀកនឹងស្ថាប័នរដ្ឋាភិបាលនានា។

លោកបន្តថា “វាមិនមែនជាតំបន់ទើបមានសក្តានុពលទេ តែជាតំបន់មានសក្តានុពលយូរហើយ”។

ទាក់ទងនឹងការបំពុលផ្សែងពីរោងចក្រ សហគ្រាសនៅតំបន់នេះ លោកសុខនីមបានថ្លែងថា ដោយសារដីឡើងថ្លៃ នាពេលអនាគតរោងចក្រ សហគ្រាសទាំងនោះនឹងរើចេញពីតំបន់នេះមិនខាន ហេតុនេះលោកជឿថា រោងចក្រ សហគ្រាសនៅតំបន់នេះ មិនប៉ះពាល់ដល់ការសម្រេចចិត្តទិញ ឬវិនិយោគពីក្រុមហ៊ុនអភិវឌ្ឍន៍នានានោះទេ។

លោកបន្តថា “តាមធម្មតាគំរោងសាងសង់និមួយៗ ទម្រាំសាងសង់ចប់ចំណាយពេលបីទៅ៥ឆ្នាំ ហេតុនេះទម្រាំគំរោងទាំងនោះសាងសង់ចប់ រោងចក្រ ទាំងនោះនឹងរើចាកចេញហើយ”។

អ្នកនាំពាក្យសាលារាជធានីភ្នំពេញ លោកម៉េត មាសភក្តីបានបដិសេធមិនលើកឡើងពីគម្រោងប្រព័ន្ឋបង្ហូរទឹកចេញពីរាជធានីចូលតំបន់នេះ ដែលត្រូវបានក្រុមហ៊ុនING CITYចាក់ខ្សាច់លុបនោះទេ។

កន្លងមកសាលារាជធានីភ្នំពេញបានសម្រេចរួចហើយ ជាមួយក្រសួងស្ថាប័នពាក់ព័ន្ឋ ដោយកាត់ផ្ទៃបឹងមួយចំនួនចេញពីគំរោងអភិវឌ្ឈន៍នេះ ដើម្បីរក្សាបឹងស្តុកទឹកភ្លៀង និងទឹកសំអុយដែលបង្ហូរចេញពីរាជធានីភ្នំពេញ ទៅកាន់តំបន់នេះ៕

តំបន់កោះដាច់កំពុងរង់ចាំស្ពានដើម្បីជំរុញល្បឿននៃការអភិវឌ្

November 21, 2018

ដោយគង់ សូរិយា

ភ្នំពេញ : ជាទឹកដីដែលមានអាកាសធាតុអំណោយផល មានទន្លេព័ទ្ឋជុំវិញមានដីពោរពេញដោយជីវជាតិ និងមានការត្បាញហូលផាមួង កោះដាច់ប្រហែលមិនស្ថិតនៅឆ្ងាយទៀតទេ នៅពេលរដ្ឋាភិបាលសាងសង់ស្ពានភ្ជាប់ទៅកាន់សង្កាត់ ដែលទើបកាត់ចូលដែនដីរាជធានីភ្នំពេញកាលពីដើមអាណត្តិទី៥កន្លងមកនេះ។

ចៅសង្កាត់កោះដាច់ លោកប៉ាត់ អ៊ែលបានថ្លែងឲ្យដឹងតាមទូរស័ព្ទកាលពីពេលថ្មីៗនេះថា ប្រជាពលរដ្ឋពិតជាត្រេកអរខ្លាំងណាស់ នៅពេលលឺពីគំរោងសាងសង់ស្ពាន របស់រដ្ឋាភិបាលមកកាន់ដីកោះនេះ ហើយមានប្រជាពលរដ្ឋមួយចំនួន បានដំឡើងថ្លៃដីរបស់ពួកគាត់ខ្លះៗផងដែរ ប៉ុន្តែមិនមានឈ្មួញចុះសាកសួររកទិញដីគគ្រឹកគគ្រេងនោះទេ។លោកបន្តថា តំលៃដីនៅជាប់ផ្លូវបេតុង នៅលើកោះមានតំលៃចន្លោះពី៤០ ទៅ៨០ដុល្លារ និងនៅតាមផ្លូវលំតូចៗមានតំលៃចន្លោះពី១០ ទៅ២០ដុល្លារក្នុងមួយម៉ែត្រការ៉េ។

លោកបន្តថា “នៅកោះដាច់មានដីធំៗច្រើន សម្រាប់លក់ឲ្យតែមានតម្រូវការ ប៉ុន្តែការឡើងថ្លៃដីបច្ចុប្បន្ន ប្រជាជនចេះតែទាមទារខ្លួនឯងប៉ុណ្ណោះ”។លោកបន្តថា “ខ្ញុំ និងប្រជាជនដទៃទៀតនៅលើកោះនេះពិតជាសប្បាយរីករាយ នឹងគំរោងសាងសង់ស្ពានេះ តែមិនដឹងថាការសាងសង់នឹងចាប់ផ្តើមនៅពេលណាទេ”។

សង្កាត់កោះដាក់មានភូមិចំនួន៥ និងមានប្រជាពលរដ្ឋរស់នៅជាង១៣០០០នាក់នាពេលបច្ចុប្បន្ននេះ។
កាលពីដើមខែឧសភានេះ លោកប៉ា សុជាតិវង្សអភិបាលរាជធានីភ្នំពេញធ្លាប់បានប្រកាសពីគំរោងសាងសង់ស្ពានភ្ជាប់ទៅកាន់សង្កាត់កោះដាច់ និងស្ពានភ្ជាប់ទៅតំបន់ស្វាយជ្រុំ និងតំបន់អរិយក្សត្រភ្ជាប់មកតំបន់ក្តីតាកុយ ស្ថិតនៅតាមបណ្តោយផ្លូវជាតិលេខ១។ លោកអភិបាលក្រុងបានថ្លែងថា បច្ចុប្បន្នមានក្រុមហ៊ុនកំពុងសិក្សាពីគំរោងសាងសង់ស្ពានទាំងបីនេះហើយ។

ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យDaily Realty Groupលោកហៃ រ៉ាវីបានថ្លែងថា ព៌តមានពីការសាងសង់ស្ពានទៅកាន់តំបន់នេះ មានជាយូរមកហើយ ប៉ុន្តែការសាងសង់ពេលណាមិនទាន់ដឹងជាក់លាក់នៅឡើយទេ ហេតុនេះទើបមិនសូវមានតម្រូវការដីធ្លីនៅតំបន់នេះ បើទោះតំបន់នេះមានដីមានជីវជាតិល្អ មានខ្យល់អាកាសល្អ និងមានទន្លេព័ទ្ឋជុំវិញក្តី។

លោកបន្តថា “តំបន់នេះអភិវឌ្ឍន៍លឿន ឬយឺតអាស្រ័យលើស្ពានសាងសង់រួចនៅពេលណា ប៉ុន្តែខ្ញុំគិតថាតំបន់នេះទាមទាររយៈពេល៥ ទៅ១០ឆ្នាំទៀតទើបមានសកម្មភាពអភិវឌ្ឍន៍ផ្សេងៗ”។លោកបន្តថា “ដីនៅក្បែរៗក្រុងនៅសល់ច្រើននៅឡើយ ហើយការអភិវឌ្ឍនៅតំបន់ក្បែរក្រុងក៏មិនទាន់អស់ដីដែរ ហេតុនេះខ្ញុំគិតថាតំបន់នេះនឹងមិនមានការអភិវឌ្ឍន៍ឆាប់រហ័សទេ”។

លោកវ៉ន ចាន់ថនអគ្គនាយកក្រុមហ៊ុនTown City Real Estateមានសុទិដ្ឋិនិយមជាងនេះ ដោយលោកបានថ្លែងថា ប្រសិនជាស្ពានសាងសង់ភ្ជាប់ទៅកាន់តំបន់នេះ តំលៃដីពិតជាឡើងថ្លៃមិនខាន ព្រោះជាធម្មតានៅពេលហេដ្ឋារចនាសម្ព័ន្ឋរបស់រដ្ឋាភិបាលសាងសង់ទៅដល់ទីណា ប្រជាពលរដ្ឋនៅតំបន់នោះនឹងទទួលបានផលប្រយោជន៍ ហើយតំបន់នោះនឹងមានការអភិវឌ្ឍ ព្រោះបើធៀបនឹងតំបន់អរិយក្សត្រ តំបន់នេះមានចម្ងាយជិត និងមានភាពអំណោយផលជាង។
លោកបន្តថា “ប្រសិនជាស្ពានសាងសង់រួច តំបន់នេះគួរអភិវឌ្ឍន៍ជាលំនៅ ដ្ឋានលំដាប់high class និងគួរកែច្នៃឲ្យដូចជាកោះបាលីរឹតតែល្អ ព្រោះតំបន់នេះមានខ្យល់អាកាសល្អ និងមានទន្លេព័ទ្ឋជុំវិញ”។

លោកបន្តថា “សណ្ឋាគារ បឹងហ្កាឡូ ផ្ទះបែបសម្រាកកំសាន្ត ទាំងគេទាំងខ្ញុំនឹងចាប់អារម្មណ៍ទៅរស់នៅតំបន់នេះនាពេលអនាគត”។

សង្កាត់កោះដាច់ ស្ថិតនៅប្របដងទន្លេមេគង្គលើ និងមានចម្ងាយប្រមាណ៥គីឡូម៉ែត្រពីស្ពានជ្រោយចង្វារ។ សង្កាត់កោះដាច់ស្ថិតក្នុងខ័ណ្ឌជ្រោយចង្វារ រាជធានីភ្នំពេញ៕

តើគួរវិនិយោគខុនដូបែបណាដើម្បីឆ្លើយតបប្រជាពលរដ្ឋវណ្ណៈកណ្តាល

November 21, 2018

ដោយ ស៊ីវ ម៉េង

ភ្នំពេញ: ការឌីសាញខុនដូថ្មីមួយ ដែលមានទំហំបន្ទប់តូចល្មម និងតំលៃសមរម្យដើម្បីឆ្លើយតបប្រជាជនមានជីវភាពមធ្យម ជាអ្វីដែលអ្នកវិនិយោគក្នុងស្រុកនិងបរទេសមួយចំនួនកំពុងចាប់អារម្មណ៍។

លោកទុយ ប៊ុនអគ្គនាយកទទួលបន្ទុកផ្នែកបច្ចេកទេសនៃក្រុមហ៊ុនលំនៅដ្ឋានL កម្ពុជាភ្នំពេញបានថ្លែងឲ្យដឹងកាលពីពេលថ្មីៗនេះថា ការវិនិយោគខុនដូរបស់ក្រុមហ៊ុនលោកដែលផ្តោតលើប្រជាជនថ្នាក់កណ្តាល ដោយសារហេតុផលចំនួនពីរ ទី១ ទីតាំងរបស់លោកមិនអាចទាក់ទាញអ្នកមានប្រាក់ច្រើន និងទី២ ផ្តោតលើប្រជាជនមានជីវភាពមធ្យម ដែលប្រជាជនក្នុងស្រទាប់នេះ មានចំនួនច្រើនជាងទីផ្សារសម្រាប់អ្នកមានជីវភាពធូរធារ។លោកបន្តថា ខុនដូរបស់លោកបានលក់ចាប់ពីតំលៃ៤ ដល់៨ម៉ឺនដុល្លារអាមេរិកអាស្រ័យលើចំនួនបន្ទប់ និងជាន់និមួយៗ។

លោកបន្តថា “មនុស្សអាចរស់នៅខុនដូច្រើននាពេលអនាគត ប៉ុន្តែវាអាស្រ័យលើទីកន្លែងការងាររបស់ពួកគេផងដែរ ប្រសិនជាការងារពួកគេផ្លាស់ប្តូរទៅជាយក្រុងច្រើន ការស្នាក់នៅខុនដូក៏មិនមានចំនួនច្រើនទេ”។លោកបន្តថា “ក្រុមហ៊ុនបានផ្តល់ការបង់រំលោះនូវលក្ខខ័ណ្ឌសមស្រប ដែលអតិថិជនមានប្រាក់ចំណូលមធ្យមអាចមានលទ្ឋភាពបង់បាន”។

ក្រុមហ៊ុនលំនៅដ្ឋានLកម្ពុជាភ្នំពេញ បានធ្វើការវិនិយោគសាងសង់ខុនដូចំនួន៥ទីតាំងខុសៗគ្នា ក្នុងនោះពីរទីតាំងបានអនុញ្ញាត្តឲ្យអតិថិជនចូលស្នាក់នៅរួចហើយ និងអាគារទីបី គ្រោងបញ្ចប់នៅដើមឆ្នាំ២០១៧ខាងមុខនេះ និងពីរទីតាំងទៀតត្រៀមបញ្ចប់ការសាងសង់នៅឆ្នាំ២០១៨។ អាគារទី១ ដែលអនុញ្ញាត្តឲ្យអតិថិជនចូលស្នាក់នៅ មានអ្នកចូលទៅរស់នៅប្រមាណ៨០ភាគរយ និងអាគារទី២មានអ្នកចូលស្នាក់នៅប្រមាណ១០ភាគរយប៉ុណ្ណោះ ដោយសារទើបបើកឲ្យអតិថិជនចូលទៅរស់នៅ។លោកទុយ ប៊ុនបញ្ជាក់ឲ្យដឹង។

លោកបន្តថា“ការវិនិយោគខុនដូរបស់យើងធ្វើឡើងសម្រាប់គ្រួសារតូច ព្រោះបន្ទប់មានទំហំចាប់ពី៣០ម៉ែត្រ ទៅ៥០ម៉ែត្រការ៉េប៉ុណ្ណោះ ដូច្នេះគ្រួសារដែលមានសមាជិកត្រឹម៣នាក់ ជាការសមស្របក្នុងការរស់នៅខុនដូបែបនេះ”។

ជាក់ស្តែងអត្រាមានកូនក្នុងចំណោមប្រជាពលរដ្ឋកម្ពុជា កាន់តែមានទំហំតូច ដោយការអង្កេតប្រជាសាស្រ្ត និងសុខភាពរបស់ក្រសួងសុខាភិបាលបានរកឃើញថា អត្រាមានកូនក្នុងចំណោមប្រជាពលរដ្ឋកម្ពុជាជាមធ្យមបានថយចុះពី៣.0នាក់កាលពីឆ្នាំ២០១០ មកនៅត្រឹម២.៧នាក់នៅឆ្នាំ២០១៤។

អ្នកនាងអាន សុធីតានាយិកាក្រុមហ៊ុនCBRE Cambodiaបានថ្លែងថា ខុនដូដែលមានទំហំតូចៗ មិនសមស្របសម្រាប់រស់នៅរយៈពេលវែងនោះទេ តែសមស្របសម្រាប់ការរស់នៅសម្រាប់អ្នកមកពីខេត្តមកសិក្សា ហើយអាគារបន្ទប់តូចៗបែបនេះ គេហៅថាអាផាតម៉ិន មិនមែនខុនដូទេ ព្រោះខុនដូសំដៅអាគារមានលក្ខណៈទំនើប និងមានការបំពាក់សម្ភារៈបរិក្ខាទំនើប។អ្នកនាងបន្តថា តំលៃចាប់ពីជាង២ម៉ឺនដុល្លារឡើង សមស្របសម្រាប់ប្រជាពលរដ្ឋថ្នាក់កណ្តាល ដែលជាទីផ្សារធំសំរាប់វិស័យនេះ។

អ្នកនាងបន្តថា “ប្រជាជនថ្នាក់កណ្តាលជាអតិថិជនរបស់អ្នកវិនិយោគខុនដូ ដែលផ្តោតលើក្រុមប្រជាជនលំដាប់នេះ ដែលមានចំនួនច្រើន ហើយពួកគេនឹងរស់នៅខុនដូច្រើន”។អ្នកនាងបន្ថែមថា “ប្រជាពលរដ្ឋកម្ពុជាចាប់ផ្តើមវិវត្តន៍ពីរស់នៅតាមផ្ទះល្វែង វីឡាមករស់នៅខុនដូ ដោយសារដីក្នុងទីក្រុងចង្អៀត និងកាន់តែឡើងថ្លៃ និងចរាចរណ៍កាន់តែចង្អៀត”។

ប្រធានសមាគមអ្នកវាយតំលៃ និងភ្នាក់ងារអចលនវត្ថុកម្ពុជាលោកគីម ហ៊ាងបានថ្លែងថា ពេលនិយាយពីខុនដូ ត្រូវមានចំណតរថយន្ត មានសន្តិសុខ សុវត្ថិភាព មានកន្លែងសាធារណៈដែលអាចប្រើប្រាស់រួម មានអាងហែលទឹក និងកន្លែងហាត់ប្រាណផ្សេងៗ តែបើមិនមានសេវាទាំងនេះ ប្រៀបបីដូចជាយកស្រាសដាក់ក្នុងកំប៉ុងប៊ឺយ៉ែរ។

លោកបន្តថា “បើសាងសង់ខុនដូមិនមានសេវាទាំងអស់នេះទេ ហើយបន្ទប់មានទំហំត្រឹម១៦ម៉ែត្រការ៉េ គឺជាបន្ទប់សម្រាប់លក់មិនមែនខុនដូទេ កុំយកពាក្យខុនដូមកប្រើ នាំឲ្យខូចកេរ្ត៍ឈ្មោះខុនដូរបស់គេ”។លោកបន្តថា “ខុនដូដែលមានទំំហំ៣០ម៉ែត្រការ៉េទៅជាការសមរម្យ ហើយលក់ក្នុងតំលៃចន្លោះពី៤ទៅ៦ម៉ឺនដុល្លារអាចទទួលយកបានហើយ”។

ក្រុមហ៊ុន Prince Real Estate ត្រៀមទុន ១០ពាន់លានដុល្លារវិនិយោគនៅកម្ពុជាសម្រាប់ ១០ឆ្នាំខាងមុខ

November 20, 2018

ដោយ គង់ សូរិយា

ភ្នំពេញ៖ ថ្នាក់ដឹកនាំជាន់ខ្ពស់នៃក្រុមហ៊ុនអចលនទ្រព្យយក្សចិន Prince Real Estate Group បានបង្ហើបថា ក្រុមហ៊ុននេះគ្រោងពង្រីកទុន១០ពាន់លានដុល្លារបន្ថែមទៀត សម្រាប់១០ឆ្នាំខាងមុខនិងជ្រើសយកប្រទេសកម្ពុជា ធ្វើជាទីតាំងយុទ្ធសាស្ត្រស្នូល ដើម្បីពង្រីកវិសាលភាពអាជីវកម្មរបស់ខ្លួនទៅកាន់តំបន់។

លោក លី ម៉ិញ នាយកប្រតិបត្តិនៃក្រុមហ៊ុនបានមានប្រសាសន៍ឲ្យដឹងក្នុងពិធីសម្ភោធការដ្ឋានសាងសង់ការិយាល័យកណ្តាលរបស់ខ្លួន នៅទីក្រុងកោះពេជ្រកាលពីថ្ងៃទី១៩ វិច្ឆិកាកន្លងមកនេះ បានមានប្រសាសន៍ឲ្យដឹងថា ក្នុងរយៈពេល១០ឆ្នាំខាងមុខនេះ ក្រុមហ៊ុននឹងយកប្រទេសកម្ពុជាជាទីតាំងយុទ្ធសាស្ត្រស្នូល ក្នុងការវិនិយោគលើវិស័យអចលនទ្រព្យ ដោយក្រុមហ៊ុន នឹងបន្តបណ្តាក់ទុនយ៉ាងតិចចំនួន១០ពាន់លានដុល្លារអាមេរិកបន្ថែម ដើម្បីពង្រីកវិសាលភាពក្រុមហ៊ុន ទៅកាន់ប្រទេសសឹង្ហបុរី ប្រទេសថៃ និងប្រទេសម៉ាឡេស៊ីជាដើម។

លោកបន្តថា “Prince នឹងក្លាយខ្លួនទៅជាក្រុមហ៊ុនមួយ ក្នុងចំណោមក្រុមហ៊ុនខ្នាតអន្តរជាតិ ដែលមានឥទ្ធិពលជាងគេក្នុងតំបន់អាស៊ីអាគ្នេយ៍ ខណៈលោកមើលឃើញថា កម្ពុជាជាប្រទេសមួយស្ថិតនៅចំកណ្ដាលនៃប្រទេសជាសមាជិកអាស៊ាន។

វត្តមានរយៈពេលបីឆ្នាំ ក្នុងប្រទេសកម្ពុជាក្រុមហ៊ុន ព្រីនស៍ រៀល អ៊ីស្ទេត គ្រុប មានស្ថាប័ន និងក្រុមហ៊ុនបុត្រសម្ព័ន្ធចំនួន៣០ក្រុមហ៊ុន ដែលបានវិនិយោគទុនជាទឹប្រាក់សរុបលើសពី២០០០ លានដុល្លារអាមេរិក និងមានដីបម្រុងសរុបជាង ១០លានម៉ែត្រការ៉េ សម្រាប់ធ្វើការអភិវឌ្ឍ ដែលស្មើនឹងទំហំគម្រោងអភិវឌ្ឍន៍សរុបចំនួន១៥លានម៉ែត្រការ៉េ។

លោក លី ម៉ិញ បានបន្ថែមថា ដើម្បីបង្កភាពងាយស្រួល និងទំនុកចិត្តក្នុងការវិនិយោគនៅកម្ពុជា ក្រុមហ៊ុនបានសាងសង់អគារទីស្នាក់ការកណ្តាលរួមមួយរបស់ក្រុមហ៊ុន ព្រីនស៍ ហូល ឌីង គ្រុប ដើម្បីប្រមូលផ្តុំក្រុមហ៊ុនបុត្រសម្ព័ន្ធទាំងអស់របស់ខ្លួនក្នុងប្រទេសកម្ពុជា អាចធ្វើការជារួមជុំគ្នា នៅទីតាំងតែមួយ ដោយអគារទាំងមូលបានប្រើប្រាស់រចនាបថបែបថ្មីទំនើប ដោយរួមបញ្ចូលគ្នា ជាមួយនិងការិយាល័យលក្ខណៈអេកូឡូស៊ី និងសន្សំសំចៃថាមពល ដែលជាកាត់បន្ថយការបំពុលបរិស្ថាន៕

ក្រុមហ៊ុនបុរីប៉េង ហួតបង្ហាញម៉ូតវីឡាឃ្វីន ម្រាប់គ្រួសារសម័យថ្មី

November 20, 2018

ដោយ រតនៈ

ភ្នំពេញ៖ គេហដ្ឋានជាទីកន្លែងដែលផ្តល់នូវសេចក្តីសុខសុភមង្គល ភាពកក់ក្តៅ សម្រាប់រស់នៅដល់គ្រួសារ ។ ទន្ទឹងនឹងនោះ ការជ្រើសរើសគេហដ្ឋានប្រកបដោយគុណតម្លៃ ផ្តល់ជូននូវភាពប្រណីតទាន់សម័យ និងផាសុកភាព ក៏ជាផ្នែកមួយសំខាន់ សម្រាប់គ្រួសារផងដែរ។

ដើម្បីផ្តល់ជូនអតិថិជននូវគេហដ្ឋាន ប្រកបដោយការរចនាម៉ូដដ៏ល្អឯកដែលផ្អែកទៅលើគុណភាពនៃសោភណ្ឌភាព បុរី ប៉េង ហួតបានសាងសង់ វីឡាឃ្វីន ដែលជាប្រភេទ វីឡាទោលយ៉ាងពិសេស ល្អឥតខ្ចោះនៃការរួមបញ្ជូលរចនាបទអឺរ៉ុបបែបបុរាណ និងស្របទៅនឹងវប្បធម៍របស់ខ្មែរ។

ដោយផ្អែកទៅលើគុណភាព សោភណ្ឌភាព និងភាពច្នៃប្រឌិតខ្ពស់ សក្តិសមសម្រាប់គ្រួសារទាន់សម័យ។ គេហដ្ឋានប្រភេទនេះ មានទំហំ 12ម x 12ម កម្ពស់ ៣ជាន់
ដែលបែងចែកជាបន្ទប់គេង៥ បន្ទប់ទឹក៦ បន្ទប់ទទួលភ្ញៀវ២ បន្ទប់ចម្អិនអាហារ១ បន្ទប់ទទួលអាហារ១ ជាមួយនឹងទីធ្លាចតរថយន្តធំទូលាយ ថែមទៀតផង។

មិនត្រឹមតែប៉ុណ្ណោះ យើងខ្ញុំក៏មានសម្ភារៈបន្ថែមជូន ដូចជា ទូតាំងទូរទស្សន៍ ទូតាំងសម្ភារៈស៊ុមច្រកចូល ទូចង្ក្រានលើក្រោម ស៊ីងលាងចាននិងម៉ាស៊ីនបឺតផ្សែង និងទូរសម្លៀកបំពាក់ក្នុងបន្ទប់មេគ្រួសារផងដែរ។

វីឡាឃ្វីនមានទីតាំងស្ថិតនៅក្នុង គម្រោងដឹស្តាអ៊េមឺរ៉លដ៏២ ស្ថិតនៅតាមបណ្តោយផ្លូវឧកញ៉ាបណ្ឌិតម៉ុង រិទ្ធី ចំងាយប្រមាណ៦០០ម៉ែត្រប៉ុណ្ណោះ ពីរង្វង់មូលកាំកូស៊ីធី។ គម្រោងនេះជាតំបន់អភិវឌ្ឍក្នុងប្លង់មេ ភាគពាយព្យនៃរាជធានីភ្នំពេញ ប្រមូលផ្តុំដោយហេដ្ឋារចនាសម្ព័ន្ធល្អៗ មានផ្លូវថ្នល់ធំៗខ្វាត់ខ្វែង ដែលជាច្រកសេដ្ឋកិច្ច តភា្ជប់ជាមួយផ្លូវជាតិសំខាន់ៗ ដូចជាផ្លូវជាតិលេខ៣ លេខ៤ និងលេខ៥ ព្រមទាំងជាបណ្តុំនៃទីប្រជុំជន ដែលមាន សាលារៀន មន្ទីរពេទ្យ ខុនដូ ជាពិសេស ដែលមានចំងាយត្រឹមតែ ១គីឡូម៉ែត្រប៉ុណ្ណោះ ពីផ្សារទំនើប អ៊ីអន ២ និងផ្សារម៉ាក្រូ ជាទីប្រជុំជនដ៏ធំមួយ បានស្រូបទាញនិងមានសក្តានុពល សម្រាប់ការធ្វើពាណិជ្ជកម្ម។

លោក អ្នកទំនាក់ទំនងមកកាន់ការិយាល័យលក់របស់យើង ដើម្បីទទួលបានប្រូម៉ូសិនពិសេស ដោយលោកអ្នកធ្វើការបង់រំលស់ ដោយគ្មានប្រាក់កក់ ដែលមានសុពលភាពរហូតដល់ដំណាចខែវិច្ឆិកានេះតែប៉ណ្ណោះ។ សម្រាប់ព័ត៌មានបន្ថែមសូមទាក់ទងទៅលេខ015 90 6789, Email: [email protected] ឬចូល ទៅគេហទំព័រ Facebook ៖ www.facebook.com/boreypenghuoth group៕

ស្វែងយល់ពីអាស៊ាន! តើប្រទេសណាក្នុងតំបន់អាស៊ានកំពុងសាងសង់អាគារកប់ពពក

November 20, 2018

ដោយ វុត្ថា

ភ្នំពេញ៖ ប្លុកអាស៊ាន ជាតំបន់មានសេដ្ឋកិច្ចរីកចម្រើនលូតលាស់លឿនជាងគេមួយក្នុងពិភពលោក ដែលធ្វើឲ្យបណ្តាប្រទេសជាសមាជិកសហគមន៍ដែលមាន១០ប្រទេសនេះកំពុងប្រកួតប្រជែងគ្នា ក្នុងការកសាងកិត្យានុភាព និងឧត្តមភាពរបស់ខ្លួនតាមរយៈការសាងសង់អាគារកប់ពពកបង្អួតគ្នា។

យោងតាមទិន្ន័យអគារខ្ពស់ពិភពលោកនៃក្រុមប្រឹក្សាស្តីពី អគារខ្ពស់ និងលំនៅដ្ឋាទីប្រជុំជន (Council on Tall Buildings and Urban Habitat) ដែលបានធ្វើការសិក្សាស្រាវជ្រាវព័ត៌មានចុងក្រោយស្តីពីអការខ្ពស់ ការអភិវឌ្ឍន៍ទីប្រជុំជន និងការសាងសងប្រកបដោយចីរភាពនៅជុំវិញពិភពលោកបានបង្ហាញថា មានអគារខ្ពស់កប់ពពកចំនួន ១០០ ដែលមានរចនាសម្ព័ន្ធខ្ពស់ជាងគេនៅក្នុងតារាងរបស់ខ្លួន ដោយក្នុងនោះអគារខ្ពស់កប់ពពកជាច្រើនបាននឹងកំពុងសាងសង់ និងបានស្នើរសុំសាងសង់រួចរាល់នៅក្នុងតំបន់អាស៊ាន។

តើអគារខ្ពស់ទាំងនេះស្ថិតនៅក្នុងប្រទេសណាខ្លះ?

១/ អគារ TRADEWINDS SQUARE TOWER A

អគារ TRADEWINDS SQUARE TOWER A មានកំពស់ ៧៧៥ម៉ែត្រ ស្ថិតនៅក្នុងទីក្រុងកូឡាឡាំពួ ក្នុងប្រទេសម៉ាឡេស៊ី ដែលកំពុងសាងសង់នៅចំកណ្តាលនៃបេះដូទីក្រុងកូឡាឡាំពួ។ អគារនេះនឹងក្លាយជានិមិត្តរូបថ្មីរបស់ប្រទេសម៉ាឡេស៊ី និងជាផ្នែកមួយនៃការរីកចម្រើនរចនាសម្ព័ន្ធ និងស្ថាបត្យកម្មសំណង់ដ៏ទំនើបបំផុត របស់ប្រទេសម៉ឡេស៊ី។

២/ អគារ JAKARTA SIGNATURE TOWER

អគារ JAKARTA SIGNATURE TOWER មានកំពស់ ៦៣៨ ម៉ែត្រស្ថិតនៅក្នុងទីក្រុងJakarta ប្រទេសឥណ្ឌូនេស៊ី ដែលត្រូវបានគូប្លង់ដោយក្រុមហ៊ុន Smallwood ក្រុមហ៊ុន Reynoldsក្រុមហ៊ុន Stevward and Stevwart Assoaiction ។ អគារនេះ ត្រូវបានគេរំពឹងថា ជាអគារខ្ពស់កប់ពពកមួយនៅក្នុងតំបន់អាស៊ីអាគ្នេយ៍ ហើយត្រូវបានសាងសង់នៅក្នុងពាណិជ្ជកម្មរបស់ទីក្រុងរបស់ប្រទេម៉ាឡេស៊ី។

៣/ អគារ RAMA IX SUPER TOWER

អគារ RAMA IX SUPER TOWER ជាអគារខ្ពស់កប់ពពកមួយ ស្ថិតក្នុងកំពុងសាងសង់ ដែលមានកំពស់៦១៥ ម៉ែត្រស្ថិតនៅក្នុងទីក្រុងបាងកកប្រទេសថៃ។ អគារនេះនឹងក្លាយជាអគារខ្ពស់បំផុតក្រោយពីសាងសងរួចនៅក្នុងប្រទេសថៃបន្ទាប់អគារ Mahanakhorn ។

៤/ អគារ THAI BOON ROONG TWIN TOWER

អគារភ្លោះTHAI BOON ROONG TWIN TOWER នេះ មានកំពស់៥៦១ ម៉ែត្រដែលកំពុងសាងនៅក្នុងទីក្រុងភ្នំពេញប្រទេសកម្ពុជា។ អគារនេះគ្រោងចំណាយលុយសាងសង់ប្រហែល២ពាន់លានុដល្លារ។

៥/ អគារ PERTAMINA ENERGY TOWER

អគារPERTAMINA ENERGY TOWER នេះ គឺជាអគារខ្ពស់កប់ពពកដែលមានកំពស់ចំនួន៥៣០ ម៉ែត្រ និងកំពុងសាងសង់ស្ថិតនៅក្នុងទីក្រុងហ្សាកាតា ប្រទេសឥណ្ឌូនេស៊ី គ្រោងនឹងបញ្ចប់សាងសង់នៅក្នុងឆ្នាំ២០២០ខាងមុខនេះ។

៦/ អគារ LANDMARK 81

អគារ LANDMARK 81មានកំពស់៤៦២ ម៉ែត្រកំពុងសាងសង់ស្ថិតនៅក្នុងទីក្រុងហូជីមីញ ប្រទេសវៀតណាម។ អគារនេះ គឺជានិមិត្តរូបនៃការលូតលាស់នៃស្ថាបត្យកម្មរបស់ប្រទេសវៀតណាម ហើយនឹងក្លាយជាអគារដែលប្រើប្រាស់រួម ដូចជា សណ្ឋាគារ កន្លែងស្នាក់នៅ និង បន្ទប់ការិយាល័យជួល។

៧/ អគារ BANGKOK OBSERVATION TOWER

អគារ BANGKOK OBSERVATION TOWER មានកំពស់៤៥៩ ម៉ែត្រស្ថិតនៅក្នុងទីក្រុងបាងកកប្រទេសថៃ ។ ការសាងសង់អគារនេះ ឡើងក្នុងគោលបំណងទាក់ទាញភ្ញៀវទេសចរណ៍ អោយមកចូលលេងកម្សាន្តនៅក្នុងប្រទេសស មិនត្រឹមតែប៉ុណ្ណោះរចនាបទនៃអគារនេះ ជានិមិត្តរូបនៃអតិតព្រះមហាក្សត្ស Bhumibol Adulydej ក្នុងចំណោមអាគារផ្សេងទៀត៕

1...3,0133,0143,015...3,228 Page 3,014 of 3,228