ទិញផ្ទះ១ខ្នង ថែមផ្ទះ១ខ្នង! ថ្ងៃទី០៧ ខែមករា ចំថ្ងៃខួបកំណើត ឧកញ៉ាបណ្ឌិត គីម ហ៊ាង ប្រកាសផ្ដល់ប្រម៉ូសិនពិសេសបំផុតមិនធ្លាប់មាន

0

ថ្ងៃខួបកំណើតចំថ្ងៃពិសេសបុណ្យជាតិ ថ្ងៃទី០៧ ខែមករា ដែលត្រូវជា ទិវាជ័យជម្នះលើរបបប្រល័យពូជសាសន៍ លោកឧកញ៉ាបណ្ឌិត គីម ហ៊ាង ស្ថាបនិក និងជាអគ្គនាយកបុរី ខេអេស រេស៊ីដេន (កៀនស្វាយ) បានប្រកាសផ្ដល់ជូនកាដូពិសេសបំផុត និងមិនធ្លាប់មានជូនអតិថិជន ដែលចាប់អារម្មណ៍ទិញផ្ទះប្រភេទណាមួយ ពីគម្រោង បុរី ខេអេស រេស៊ីដេន នៅក្បែរផ្សារគគីរ ម្ដុំផ្លូវជាតិ កៀនស្វាយ នឹងទទួលបានការថែមជូនផ្ទះមួយល្វែងភ្លាមៗ។

តាមការបញ្ជាក់របស់ លោកឧកញ៉ាបណ្ឌិត គីម ហ៊ាង ថា ការផ្ដល់ជូនកាដូពិសេសទិញផ្ទះមួយ ទទួលបានផ្ទះរហូតដល់ទៅពីរនេះ គឺមានរយៈពេលតែមួយថ្ងៃប៉ុណ្ណោះ ពោលគឺនៅថ្ងៃទី០៧ ខែមករា ឆ្នាំ២០២៥ នេះតែម្ដង ដើម្បីចូលរួមអបអរសាទរ “ទិវាជ័យជម្នះលើរបបប្រល័យពូជសាសន៍ ថ្ងៃទី០៧ មករា” ។

សូមជម្រាបថា គម្រោង បុរី ខេអេស រ៉េស៊ីដេន (Borey KS Residence) របស់ឧកញ៉ាបណ្ឌិត គីម ហ៊ាង និងលោកជំទាវឧកញ៉ា គង់ សំណាង មានទីតាំងស្ថិតនៅ ភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ដែលជាគម្រោងលំនៅឋានសម្រាប់គ្រួសារវ័យក្មេងកម្ពុជា។ បុរី KS Residence មានចំនួនផ្ទះ សរុបចំនទួន ៣៣៨ល្វែង លាតសន្ធឹងនៅលើផ្ទៃដីទំហំប្រមាណ ៥០,៥៤៧ ម៉ែត្រការ៉េ។

គម្រោង មានបែងចែកជា ៥ប្លុក រួមមាន៖ ប្លុក A, B, C, D, E និងមានប្រភេទម៉ូដផ្ទះអាជីវកម្ម ផ្ទះវីឡាកូនកាត់ LS & LM និងប្រភេទផ្ទះវីឡាទោលផងដែរ។ អ្វីដែលពិសេស និងជាភាពទាក់ទាញចិត្តអតិថិជន គឺបុរី KS Residence សាងសង់ផ្ទះរួចរាល់ ១០០% ជូនអតិថិជន ដូច្នេះភ្ញៀវដែលមានតម្រូវការចូលរស់នៅប្រញាប់ អាចទិញ រួចចូលរស់នៅបានតែម្ដង ជាមួយនឹងលក្ខខណ្ឌបង់ប្រាក់ ងាយស្រួល និងមានភាពបត់បែន តាមការស្នើសុំរបស់អតិថិជន
សម្រាប់ព័ត៌មានលំអិតបន្ថែម សូមទំនាក់ទំនងទៅកាន់លេខទូរស័ទ្ទ៖ 𝟬𝟲𝟵 𝟵𝟲 𝟮𝟬𝟬𝟬 | 𝟬𝟵𝟵 𝟵𝟲 𝟮𝟬𝟬𝟬 ៕

Japan’s go-slow approach to selling high-speed rail globally

0

The shinkansen is an engineering wonder, an enduring symbol of Japan’s postwar economic miracle and the country’s technological prowess.

It’s still gee-wiz when so much is so ho-hum.

The world just doesn’t seem to want to buy it. Only one shinkansen system has ever been sold overseas, to Taiwan, even though bullet trains have become popular must-haves for nations trying to demonstrate their own advancement, or simply trying to move people faster.

At 60, the shinkansen has been mostly stuck in Japan as competitors from Europe and China sell their own high-speed trains in an increasing number of countries.

Money is the main issue. Building a shinkansen is expensive. The system is highly integrated and less flexible than the models offered by competitor nations, and it is designed to tolerances that account for worst-of-worst case scenarios rarely encountered.

Other high-speed trains can be customized and completed for less, allowing countries to acquire bullet-train bragging rights at bargain-basement prices.

Japan argues that the math is actually more complicated than just the sticker price and that potential buyers should more carefully consider full costs over time before making such a big purchase.

“The initial costs may be high due to the high quality and technology of the shinkansen system,” said Masafumi Shukuri, the chairman of the International High-speed Rail Association (IHRA), an industry group that promotes Japan’s shinkansen technology overseas.

“The upfront costs often become an issue. But what’s important is the life-cycle costs.”

Shinkansen trains are lighter than other high-speed rail rolling stock, so that they are energy-efficient and don’t damage rail track infrastructure as much, so maintenance is easier and cheaper.
Also, the shinkansen system has a proven safety record, with no fatal accidents ever.

The initial costs of a shinkansen system can be high because it requires special, dedicated tracks, meaning land must be acquired. Europe’s high speed rails, such as France’s TGV, are designed to run on existing rails.

Source: Japan Times

តើកត្តាអ្វីខ្លះនឹងជំរុញឱ្យទីផ្សារអចលនទ្រព្យម៉ាឡេសុីបន្តរីកចម្រើននៅក្នុងឆ្នាំ២០២៥?

0

ដោយ: គង់ លាងហួរ
អន្តរជាតិ: វិស័យអចលនទ្រព្យនៅក្នុងប្រទេសម៉ាឡេសុីត្រូវបានគេរំពឹងថា នឹងបន្តរក្សាសន្ទុះវិជ្ជមានរបស់ខ្លួននៅក្នុងឆ្នាំ២០២៥នេះ ដោយបន្តនូវដំណើរការយ៉ាងរឹងមាំកាលពីឆ្នាំ២០២៤។

ស្ថាប័នសិក្សាស្រាវជ្រាវ RHB Research បានលើកឡើងថា សន្ទស្សន៍តម្លៃអចលនទ្រព្យនៅក្នុងទីក្រុងគូឡាឡាំពួររបស់ម៉ាឡេសុីបានកើនឡើង៣១,៥ភាគរយនៅឆ្នាំ២០២៤ ក្រោយពីបានកើនឡើង៣៤,៥ភាគរយនៅក្នុងឆ្នាំ២០២៣។

នៅឆ្នាំ២០២៤ បណ្តាអ្នកអភិវឌ្ឍន៍ជាច្រើនបានចូលរួមចំណែកកាន់តែច្រើននៅក្នុងការវិនិយោគលើមជ្ឈមណ្ឌលទិន្នន័យ (DC) និងប្រតិបត្តិការទិញដីធ្លី ក៏ដូចជាការអភិវឌ្ឍន៍តំបន់ឧស្សាហកម្ម។

ជាពិសេស អ្នកអភិវឌ្ឍន៍ជាច្រើនបានងាកទៅទិញដីនៅក្នុងតំបន់ច្រករបៀងអភិវឌ្ឍន៍សេដ្ឋកិច្ច “Iskandar Malaysia”ដ៏សំខាន់ស្ថិតនៅក្នុងរដ្ឋ Johor ដែលជាព្រំប្រទល់រវាងប្រទេសម៉ាឡេស៊ី និងសិង្ហបុរី។

ស្ថាប័ន RHB Research បានវាយតម្លៃថា វិស័យអចលនទ្រព្យរបស់ម៉ាឡេសុីនៅក្នុងឆ្នាំ២០២៥ នឹងត្រូវបានជំរុញដោយការវិនិយោគលើអចលនទ្រព្យ ដែលអាចផ្តល់ប្រាក់ចំណូលអកម្មដល់អ្នកវិនិយោគ និងការវិនិយោគលើអាជីវកម្មដូចជាការថែទាំសុខភាព។

ស្ថាប័នខាងលើក៏រំពឹងផងដែរថា ទីផ្សារអចលនទ្រព្យម៉ាឡេសុីនឹងស្រូបទាញការចូលរួមចំណែកកាន់តែខ្លាំងពីផ្នែកឧស្សាហកម្ម ខណៈលោក ដូណាល់ ត្រាំ នឹងត្រឡប់ទៅកាន់សេតវិមានវិញក្នុងនាមជាប្រធានាធិបតីអាមេរិកទី៤៧។

លើសពីនេះ ប្រសិនបើគម្រោងតភ្ជាប់ផ្លូវរថភ្លើងល្បឿនលឿនរវាងទីក្រុងគូឡាឡាំពួរជាមួយទីក្រុងសិង្ហបុរី និងគម្រោងបង្កើតតំបន់ហិរញ្ញវត្ថុពិសេស Special Financial Zone (SFZ) ក្នុងរដ្ឋ Penang ត្រូវបានអនុវត្តន៍ នោះវានឹងជំរុញឱ្យទីផ្សារអចលនទ្រព្យម៉ាឡេសុីឈានឡើងមួយកម្រិតទៀត។

ការលក់អចលនទ្រព្យអាចកើនឡើងនៅឆ្នាំ២០២៥ ខណៈដែលស្ថាប័ន RHB Research រំពឹងថា បណ្តាអ្នកអភិវឌ្ឍន៍ភាគច្រើនកំណត់គោលដៅកំណើននៃការលក់របស់ខ្លួនចាប់ពី៥ភាគរយទៅដល់១០ភាគរយ៕ប្រភព: NST Online៕

China to focus on stabilising real estate market in 2025, housing regulator says

0

BEIJING: Efforts will continue in 2025 to stabilise and prevent further declines in China’s real estate market, China Construction News reported, citing a work conference held by the housing regulator on Tuesday and Wednesday (Dec 25).

China will vigorously promote the reform of the commercial housing sales system, and expand the scope of urban village renovation beyond the addition of 1 million units, the report said.

China will strictly control the supply of commercial housing, while increasing the supply of affordable housing to help solve the living problems of a large number of new citizens, young people and migrant workers, it said.

Policymakers have stepped up efforts to revive the real estate by introducing new measures to encourage home demand after a government-led campaign to rein in highly leveraged developers triggered a crisis in 2021.

Since September, measures aimed at encouraging homebuying have included cutting mortgage rates and minimum down-payments, as well as tax incentives to lower the cost of housing transactions.

The real estate market has shown some momentum of stabilising, with home transactions in October and November seeing year-on-year and month-on-month growth for two consecutive months, said the conference.

China’s home prices fell at the slowest pace in 17 months in November, supported by government efforts to revive the sector, official data showed.

An official of the Central Financial and Economic Affairs Commission in December called for policy measures with direct impact on stabilising the real estate market to be adopted as soon as possible, with local governments getting greater autonomy to buy housing stock.

Source: Reuters/gr

កម្ពុជាកំពុងបោះជំហានយ៉ាងធំនៅក្នុងវិស័យទេសចរណ៍ ដើម្បីប្រែក្លាយខ្លួនជាគោលដៅទេសចរណ៍ចម្រុះ

0

ដោយ: គង់ លាងហួរ
អន្តរជាតិ: ខណៈកម្ពុជាកំពុងជំរុញការប្រែក្លាយប្រទេសរបស់ខ្លួនជាគោលដៅទេសចរណ៍ដ៏សំខាន់មួយ ក្រុមប្រឹក្សាភិបាលទេសចរណ៍កម្ពុជា ក្នុងនាមជាស្ថាប័នមួយ ដែលត្រូវបានដាក់ឱ្យដំណើរការដោយក្រសួងទេសចរណ៍កំពុងទទួលបន្ទុកលើកិច្ចការងារនេះ។

នេះជាភាពជាដៃគូរវាងសាធារណៈ និងឯកជន ដែលមិនធ្លាប់មានពីមុនមកនៅក្នុងវិស័យទេសចរណ៍កម្ពុជា ដើម្បីអនុញ្ញាតឱ្យវិស័យឯកជនចូលរួមដោយផ្ទាល់ក្នុងការរៀបចំផែនការ ដោយជំរុញនូវអភិក្រមថ្នាក់ក្រោមជាតិ។នេះបើយោងតាម​លោក​ អុិត​ ​វិចិត្រ​ ​អគ្គនាយក​របស់​ក្រុមប្រឹក្សា​ភិ​បាល​ទេសចរណ៍​កម្ពុជា។

លោក​បានពន្យល់​ថា​ “វិស័យ​ឯកជន​ដឹង​ច្បាស់​បំផុត​នូវ​អ្វី​ដែល​កំពុង​ដំណើរការ អ្វី​ដែល​មិន​ដំណើរការ និង​អ្វី​ដែល​ខ្វះខាត”។

ជាស្នូល រដ្ឋាភិបាលមានតួនាទីបង្កើតបរិយាកាសអំណោយផលសម្រាប់អាជីវកម្ម ត្រួសត្រាយផ្លូវសម្រាប់ទេសចរណ៍លំដាប់អន្តរជាតិ និងអនុញ្ញាតឱ្យមានការបណ្តាក់ទុនឯកជននៅក្នុងសហគមន៍។

លោក អុិត វិចិត្រ បន្ថែមថា “នៅពេលវិស័យឯកជនរីកចម្រើន ហើយសហគមន៍រីកចម្រើន រដ្ឋាភិបាលក៏នឹងទទួលបានផលផងដែរ ហើយក្នុងគោលដៅចុងក្រោយ យើងលើកកម្ពស់ប្រទេសកម្ពុជាពីត្បូងមិនទាន់កែច្នៃ ទៅជាមជ្ឈមណ្ឌលទេសចរណ៍ដ៏រីកចម្រើនប្រកបដោយនិរន្តរភាព ជាមួយនឹងភាពទាក់ទាញចម្រុះដែលផ្តោតលើវប្បធម៌ ដំណើរផ្សងព្រេង និងធម្មជាតិ”។

យុទ្ធសាស្ត្រទេសចរណ៍របស់កម្ពុជាផ្តោតជាសំខាន់ទៅលើការលើកកម្ពស់ភាពទាក់ទាញ រួមទាំងឆ្នេរសមុទ្រស្រស់ស្អាត ទីតាំងសម្រាកលំហែកាយប្រកបដោយផាសុខភាព ទេសចរណ៍ធម្មជាតិ ព្រៃទឹកភ្លៀង និងបទពិសោធន៍វប្បធម៌។

ក្នុងន័យនេះ លោក អុិត វិចិត្រ បានគូសបញ្ជាក់​ថា​ “ប៉ុន្តែ អ្វី​ដែល​យើង​នៅខ្វះខាត​នោះ​ ជា​វិធីសាស្ត្រ​ក្នុង​ការ​ប្រែក្លាយប្រទេស​កម្ពុជា​ទៅជា​គោលដៅ​ទេសចរណ៍​ចម្រុះ​”។

ការលើកកម្ពស់យុទ្ធសាស្ដ្រ “4As” រួមមានដូចជា“Accessibility Amenities Accommodations and Attractions”ឬប្រែថា “ភាពងាយស្រួល ភាពរួសរាយ កន្លែងស្នាក់នៅ និងកន្លែងទាក់ទាញ” បានក្លាយជាអាទិភាពកំពូល ដើម្បី​ធ្វើឱ្យកម្ពុជា​សម្រេចបាន​សក្ដានុពល​ទេសចរណ៍របស់ខ្លួន។

តាមរយៈ​ការពង្រឹង​មូលដ្ឋានគ្រឹះ​ទាំងនេះ កម្ពុជា​មាន​គោលបំណង​កែលម្អ​ និងបង្កើនភាពទាក់ទាញ​ទេសចរណ៍​របស់ខ្លួន​ឱ្យលើសពី​ប្រាសាទអង្គរវត្ត និង​ខេត្តសៀមរាប​។

ស្របពេលជាមួយគ្នានេះ រដ្ឋាភិបាលក៏មានចក្ខុវិស័យក្នុងការជំរុញភាពជាដៃគូផងដែរ ដូចជាការបង្កើនចរាចរណ៍នៃនាវាទេសចរណ៍ជាមួយប្រទេសសិង្ហបុរី និងគំនិតផ្តួចផ្តើម “ព្រះរាជាណាចក្រពីរ ទិសដៅតែមួយ”ជាមួយប្រទេសថៃ៕ប្រភព: Los Angeles Times៕

 

តម្លៃហាងឆេងមាសបានងើបឡើងថ្លៃនៅថ្ងៃសុក្រនេះ

0

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃ ក្នុងការជួញដូរនៅព្រឹកថ្ងៃសុក្រនេះ ខណៈតម្រូវការទិញមាសមានការកើនឡើង ដោយសារភាពមិនច្បាស់លាស់នៃគោលនយោបាយរបស់រដ្ឋបាលប្រធានាធិបតីអាមេរិកជាប់ឆ្នោតថ្មីលោក ដូណាល់ ត្រាំ ដែលពិបាកទស្សន៍ទាយបាន។

តួយ៉ាង តម្លៃមាស Spot Gold បានងើបឡើង០,២២ភាគរយដល់ប្រមាណ២.៦៦៣ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,៤ភាគរយដល់២៦៧៩,៨ដុល្ល្លារក្នុងមួយអោនគិតត្រឹមម៉ោង១០:៣៨នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៨៨,៨ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់របស់ខ្លួនឱ្យនៅថេរក្នុងកិច្ចប្រជុំកំណត់គោលនយោបាយនៅថ្ងៃទី២៩ ខែមករា ឆ្នាំ២០២៥នេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានធ្លាក់ថ្លៃចុះដល់១០៩,១៦ពិន្ទុនៅព្រឹកថ្ងៃសុក្រនេះ បន្ទាប់ពីបានស្ទុះងើបឡើងដល់១០៩,៣៩ពិន្ទុ នៅក្នុងអំឡុងពេលបិទការជួញដូរកាលពីថ្ងៃព្រហស្បតិ៍ម្សិលមិញ។

ចំណែក តម្លៃលោហៈធាតុប្រាក់ Spot silver បានងើបឡើង០,៤៥ភាគរយដល់៣០,០៣ដុល្លារក្នុងមួយអោន ខណៈតម្លៃផ្លាទីនបានងើបឡើង០,៩៦ភាគរយដល់៩៣១,៣ដុល្លារក្នុងមួយអោន ហើយតម្លៃ palladium បានងើបឡើង០,៤៣ភាគរយដល់៩១៦ដុល្លារក្នុងមួយអោនគិតត្រឹមម៉ោង១០:៤០នាទីព្រឹក៕

ប្រទេសចិនគ្រោងនឹងផ្តោតលើការស្តារស្ថិរភាពទីផ្សារអចលនទ្រព្យរបស់ខ្លួននៅក្នុងឆ្នាំ២០២៥នេះ

0

ដោយ: គង់ លាងហួរ
ប៉េកាំង: យោងតាមសន្និសីទការងារ ដែលរៀបចំឡើងដោយក្រុមនិយតករលំនៅដ្ឋានបានឱ្យដឹងថា ប្រទេសចិននឹងបន្តកិច្ចខិតខំប្រឹងប្រែងនៅឆ្នាំ២០២៥នេះ ដើម្បីស្តារស្ថិរភាព និងទប់ស្កាត់ការធ្លាក់ចុះបន្ថែមទៀតនៅក្នុងទីផ្សារអចលនទ្រព្យរបស់ប្រទេសចិន។

សារពត៌មាន China Construction News បានរាយការណ៍ថា ប្រទេសចិននឹងជំរុញយ៉ាងខ្លាំងក្លានូវកំណែទម្រង់ប្រព័ន្ធលក់លំនៅដ្ឋានបែបពាណិជ្ជកម្ម និងពង្រីកវិសាលភាពនៃគម្រោងជួសជុលភូមិក្នុងទីក្រុងឱ្យលើសពីផែនការជួសជុលបន្ថែមចំនួន១លានយូនីត។

ប្រភពខាងលើបន្តថា ប្រទេសចិននឹងគ្រប់គ្រងយ៉ាងតឹងរ៉ឹងលើការផ្គត់ផ្គង់លំនៅដ្ឋាន ព្រមទាំងបង្កើនការផ្គត់ផ្គង់លំនៅដ្ឋានតម្លៃសមរម្យ ដើម្បីដោះស្រាយបញ្ហារស់នៅរបស់ប្រជាពលរដ្ឋថ្មី ក្រុមយុវជន និងពលករចំណាកស្រុកពីតំបន់ជនបទមកកាន់ទីក្រុងមួយចំនួនធំ។

ក្រុមមន្ត្រីទទួលបន្ទុកលើការបង្កើតគោលនយោបាយបានបង្កើនកិច្ចខិតខំប្រឹងប្រែងដើម្បីធ្វើឱ្យទីផ្សារអចលនទ្រព្យចិនកម្រើកឡើងវិញ តាមរយៈការដាក់ចេញនូវវិធានការថ្មីៗជាច្រើនដើម្បីលើកទឹកចិត្តតម្រូវការទិញផ្ទះ។

ចាប់តាំងពីខែកញ្ញា ឆ្នាំ២០២៤ ការដាក់ចេញវិធានការ ដែលមានគោលដៅលើកទឹកចិត្តដល់ការទិញផ្ទះ រួមមានការកាត់បន្ថយអត្រាការប្រាក់លើកម្ចីទិញផ្ទះ និងការបញ្ចុះប្រាក់កក់អប្បបរមា ក៏ដូចជាការលើកទឹកចិត្តផ្នែកពន្ធដើម្បីកាត់បន្ថយថ្លៃដើមនៃប្រតិបត្តិការលំនៅដ្ឋាន។

ក្រុមនិយតករលំនៅដ្ឋានបានលើកឡើងនៅក្នុងសិន្នសីទថា ទីផ្សារអចលនទ្រព្យចិនបានបង្ហាញពីស្ថិរភាព ខណៈការលក់ផ្ទះនៅក្នុងខែតុលា និងខែវិច្ឆិកាឆ្នាំ២០២៤កន្លងទៅ បានសម្រេចកំណើនទាំងក្នុងអត្រាប្រចាំឆ្នាំ និងអត្រាប្រចាំខែក្នុងរយៈពេលចំនួនពីរខែជាប់ៗគ្នា។

យោងតាមទិន្នន័យផ្លូវការបានបង្ហាញថា តម្លៃផ្ទះនៅប្រទេសចិនក្នុងខែវិច្ឆិកា ឆ្នាំ២០២៤ បានធ្លាក់ចុះក្នុងល្បឿនយឺតបំផុតមិនធ្លាប់មានក្នុងរយៈពេល១៧ខែ បន្ទាប់ពីមានកិច្ចខិតខំប្រឹងប្រែងរបស់រដ្ឋាភិបាលចិនក្នុងការធ្វើឱ្យវិស័យអចលនទ្រព្យស្ទុះងើបឡើងវិញ៕ប្រភព: Reuters៕

ហេតុអ្វីបណ្តាប្រទេសភាគច្រើនពុំមានលទ្ធភាពទិញរថភ្លើងល្បឿនលឿនដែលមានប្រព័ន្ធទំនើប Shinkansen របស់ប្រទេសជប៉ុន?

0

ដោយ: គង់ លាងហួរ
អន្តរជាតិ: រថភ្លើង Shinkansen ជាអច្ឆរិយៈផ្នែកវិស្វកម្ម និងជានិមិត្តសញ្ញាដ៏យូរអង្វែងនៃអព្ភូតហេតុសេដ្ឋកិច្ច ក្រោយសង្គ្រាមរបស់ប្រទេសជប៉ុន និងតំណាងឱ្យការរីកចម្រើនផ្នែកបច្ចេកវិទ្យារបស់ប្រទេសនេះ។

យ៉ាងណាមិញ បណ្តាប្រទេសជុំវិញពិភពលោកហាក់មិនចង់ទិញរថភ្លើង Shinkansen នេះទេ។

កន្លងទៅ គេសង្កេតឃើញមានតែកោះតៃវ៉ាន់មួយប៉ុណ្ណោះ ដែលបានទិញប្រព័ន្ធរថភ្លើង shinkansen ពីប្រទេសជប៉ុន ទោះបីជារថភ្លើងល្បឿនលឿនបានក្លាយជាតម្រូវការពេញនិយមសម្រាប់បណ្តាប្រទេសនានា ដែលព្យាយាមបង្ហាញពីវឌ្ឍនភាពរបស់ខ្លួនយ៉ាងណាក្តី។

ម៉្យាងវិញទៀត រថភ្លើងប្រភេទ shinkansen ភាគច្រើនត្រូវបានប្រើប្រាស់តែនៅក្នុងប្រទេសជប៉ុនប៉ុណ្ណោះ។ ផ្ទុយទៅវិញ បណ្តាប្រទេសជាច្រើនបានងាកទៅទិញរថភ្លើងល្បឿនលឿនមកពីតំបន់អឺរ៉ុប និងប្រទេសចិន។

ប្រាក់ជាបញ្ហាចម្បង ព្រោះការផលិតរថភ្លើង shinkansen ត្រូវចំណាយដើមទុនច្រើន។ ដូច្នេះ រថភ្លើងនេះក៏មានតម្លៃថ្លៃទៅតាមនោះដែរ។

ប្រព័ន្ធ shinkansen មានភាពបត់បែនតិចជាងម៉ូដែល ដែលផលិតឡើងដោយដៃគូប្រជែងរបស់ជប៉ុន ដូចជាចិន និងអឺរ៉ុប។ រថភ្លើង shinkansen ក៏ត្រូវបានរចនាឡើងឱ្យមានភាពធន់បំផុត ដើម្បីទប់ទល់នឹងករណីគ្រោះថ្នាក់ដ៏អាក្រក់បំផុតណាមួយ ដែលគេកម្រជួបប្រទះ។

ចំណែក ថ្លៃដើមនៃការដាក់ឱ្យដំណើរការប្រព័ន្ធ shinkansen ក៏មានកម្រិតផងដែរ ព្រោះរថភ្លើងនេះត្រូវការរត់នៅលើផ្លូវដែកពិសេសថ្មីដាច់ដោយឡែក ឬមានន័យថា គេត្រូវការទិញដីដើម្បីសាងសង់ផ្លូវដែកថ្មី សម្រាប់ដំណើរការតែរថភ្លើង shinkansen ប៉ុណ្ណោះ។

ផ្ទុយទៅវិញ រថភ្លើងល្បឿនលឿនរបស់តំបន់អឺរ៉ុប ដូចជារថភ្លើងប្រភេទ TGV របស់ប្រទេសបារាំង ត្រូវបានរចនាឡើងដើម្បីរត់នៅលើផ្លូវដែក ដែលមានស្រាប់។

រថភ្លើងល្បឿនលឿនរបស់ប្រទេសចិន និងអឺរ៉ុបមានភាពបត់បែនខ្ពស់ ដែលអាចត្រូវបានផលិតឡើងទៅតាមការចង់បានអតិថិជន និងចំណាយដើមទុនតិចក្នុងការផលិតបើប្រៀបធៀបនឹងរថភ្លើងរបស់ជប៉ុន។

ការណ៍នេះអនុញ្ញាតឱ្យបណ្តាប្រទេសនានាមានលទ្ធភាពខ្ពស់នៅក្នុងការទិញរថភ្លើងល្បឿនលឿន ដែលផលិតឡើងដោយដៃគូប្រជែងរបស់ជប៉ុន ជាពិសេសអតិថិជនអាចចរចាតម្លៃបាន។

យ៉ាងណាមិញ រថភ្លើង Shinkansen របស់ជប៉ុនមានគុណភាពខ្ពស់នៅត្រង់ថា រថភ្លើងនេះមានទម្ងន់ស្រាលជាងរថភ្លើងល្បឿនលឿនផ្សេងទៀត។

ដូច្នេះ រថភ្លើង shinkansen ផ្តល់ប្រសិទ្ធភាពផ្នែកថាមពល និងមិនបង្កការខូចខាតច្រើនដល់ហេដ្ឋារចនាសម្ព័ន្ធផ្លូវដែក ហើយការជួសជុលថែទាំរថភ្លើង shinkansen មានភាពងាយស្រួល និងចំណាយតិច។

ម្យ៉ាងវិញទៀត ប្រព័ន្ធរថភ្លើង shinkansen របស់ជប៉ុន បានបំបែកកំណត់ត្រាសុវត្ថិភាព ដោយមិនធ្លាប់មានករណីគ្រោះថ្នាក់ដល់អាយុជីវិតរបស់អ្នកដំណើរ និងអ្នកបើកបរនោះទេ។

លោក Masafumi Shukuri ប្រធានសមាគមរថភ្លើងល្បឿនលឿនអន្តរជាតិ (IHRA) ដែលជាក្រុមការងារផ្សព្វផ្សាយអំពីបច្ចេកវិទ្យា shinkansen របស់ជប៉ុននៅក្រៅប្រទេសបានលើកឡើងថា “ថ្លៃដើមនៃការផលិតមានកម្រិតខ្ពស់ ដោយសារតែគុណភាពខ្ពស់ និងបច្ចេកវិទ្យាដ៏ទំនើបនៃប្រព័ន្ធ shinkansen”៕ប្រភព: Japan Times៕

ទីផ្សារអចលនទ្រព្យនៅទីក្រុងហុងកុងរំពឹងបន្តរក្សាបានសន្ទុះវិជ្ជមាននៅឆ្នាំ២០២៥នេះ

0

ដោយ: គង់ លាងហួរ
អន្តរជាតិ: ទីផ្សារអចលនទ្រព្យនៅទីក្រុងហុងកុងរំពឹងថា នឹងបន្តរក្សាបានសន្ទុះនៅឆ្នាំ២០២៥នេះ បន្ទាប់ពីប្រតិបត្តិការទិញ-លក់បានកើនឡើងដល់កម្រិតខ្ពស់បំផុតក្នុងរយៈពេល៣ឆ្នាំកាលពីឆ្នាំ២០២៤ ខណៈទំនុកចិត្តអ្នកទិញមានភាពប្រសើរឡើង។

ការបង្ហាញសញ្ញាវិជ្ជមានប្រកបដោយសុទិដ្ឋិនិយមនេះលេចចេញឡើង ខណៈពេលដែលមានការកាត់បន្ថយអត្រាការប្រាក់ និងតម្រូវការរបស់ជនបរទេសដែលបោះទុនវិនិយោគនៅហុងកុងដើម្បីទទួលបានសិទ្ធិស្នាក់នៅ។

កិច្ចព្រមព្រៀងទិញ-លក់សរុបចំនួន៦៧.៦៦២ច្បាប់ រួមមានការលក់លំនៅដ្ឋាន ការិយាល័យ ហាង ទីតាំងឧស្សាហកម្ម និងទីតាំងចតរថយន្តត្រូវបានបិទបញ្ចប់រួចរាល់នៅត្រឹមថ្ងៃទី៣០ ខែធ្នូ ឆ្នាំ២០២៤កន្លងទៅ។

ចំនួនខាងលើមានការកើនឡើង១៦ភាគរយបើធៀបនឹងឆ្នាំ២០២៣ និងជាតួលេខខ្ពស់បំផុតមិនធ្លាប់ជួបប្រទះគិតចាប់តាំងពីឆ្នាំ២០២១។ នេះបើយោងតាមទិន្នន័យចងក្រងឡើងដោយក្រុមហ៊ុន Midland Realty។

លោក Lau Ka-fai ​អ្នក​វិភាគ​ជាន់ខ្ពស់នៅក្រុមហ៊ុន Midland Realty បានលើកឡើងថា “ខណៈចំនួនកិច្ចព្រមព្រៀងបានស្ទុះងើបឡើងវិញ តម្លៃអចលនទ្រព្យសរុបដែលបានចុះបញ្ជីកាលពីឆ្នាំមុនមានទំហំទឹកប្រាក់លើសពី៥៣០ពាន់លានដុល្លារហុងកុង កើនឡើងជាង១០ភាគរយបើធៀបនឹងឆ្នាំ២០២៣”។

យោងតាមទីភ្នាក់ងារអចលនទ្រព្យ Midland Realty ដដែលបានឱ្យដឹងបន្តថា ការកើនឡើងនៃការចុះបញ្ជីអចលនទ្រព្យកាលពីឆ្នាំមុនត្រូវបាននាំមុខដោយការចុះបញ្ជីលំនៅដ្ឋាន។

ការកើនឡើងនៃការលក់ផ្ទះថ្មី ត្រូវបានជំរុញ ដោយការលុបចោលវិធានការទប់ស្កាត់ការទិញអចលនទ្រព្យនៅក្នុងខែកុម្ភៈ ឆ្នាំមុន ក៏ដូចជាវិធានការផ្សេងទៀត ដែលបានប្រកាសដាក់ចេញដោយប្រធាននាយកប្រតិបត្តិរបស់ទីក្រុងហុងកុងលោក John Le Ka-chiu៕ប្រភព: SCMP៕

ការសិក្សាថ្មី: គ្រួសារភាគច្រើននៅទីក្រុងហូជីមិញពុំមានលទ្ធភាពគ្រប់គ្រាន់ក្នុងការទិញដី និងផ្ទះក្នុងរយៈពេល២ឆ្នាំខាងមុខ

0

ដោយ: គង់ លាងហួរ
អន្តរជាតិ: យោងតាមការសិក្សាបានរកឃើញថា គ្រួសារជាមធ្យមមួយនៅក្នុងទីក្រុងហូជីមិញ ប្រទេសវៀតណាម មានលទ្ធភាពបង់ប្រាក់បានត្រឹមតែពាក់កណ្តាលនៃតម្លៃផ្ទះ ឬដី ដែលខ្លួនចង់ទិញក្នុងរយៈពេល២ឆ្នាំខាងមុខ។

ចំពោះអាផាតមុិន គ្រួសារភាគច្រើនមានបំណងទិញអាផាតមុិន ដែលមានបន្ទប់គេងចំនួនពីរ និងទំហំ៦៥ម៉ែត្រការ៉េក្នុងតម្លៃចន្លោះពី៩០.០០០ដុល្លារទៅ៣១៥.០០០ដុល្លារអាមេរិក។នេះបើយោងតាមការសិក្សាថ្មីដោយវិទ្យាស្ថានសម្រាប់ការសិក្សាអភិវឌ្ឍន៍ក្នុងទីក្រុងហូជីមិញ។

ប៉ុន្តែ​ គ្រួសារភាគច្រើនពុំ​មាន​លទ្ធភាពគ្រប់គ្រាន់នោះទេ ដោយពួកគេមានសមត្ថភាពបង់ប្រាក់​ចំនួន៥៣ភាគរយប៉ុណ្ណោះនៃ​តម្លៃ​អាផាតមុិនខាងលើ។ ការសិក្សា​នេះក៏បានពិនិត្យមើល​តម្រូវការ​លំនៅដ្ឋាន​ចាប់ពី​ពេលនេះ​ដល់​ឆ្នាំ២០៣០ផងដែរ។

ចំពោះក្នុងករណីទិញផ្ទះ ផ្ទះទំហំ៦៦ម៉ែត្រការ៉េ ដែលមានតម្លៃចាប់ពី២,៨ពាន់លានដុងទៅ១៥ពាន់លានដុង ជាការចង់បានសម្រាប់គ្រួសារភាគច្រើន។ ប៉ុន្តែ ពួកគេអាចមានលទ្ធភាពបង់ប្រាក់ត្រឹមតែ៤៩% ប៉ុណ្ណោះនៃតម្លៃផ្ទះក្នុងក្តីស្រមៃ។

ដោយឡែក គ្រួសារ ដែល​មានបំណងទិញដី​ឡូតិ៍ក្នុង​តម្លៃចន្លោះ​ពី១,៧៤ពាន់លានដុងទៅ១០​ពាន់​លាន​ដុង អាច​បង់​ប្រាក់ត្រឹមតែ៦៨%ប៉ុណ្ណោះនៃតម្លៃដី ដែលពួកគេចង់ទិញក្នុងរយៈពេល២ឆ្នាំខាងមុខ។

យោងតាមការស្ទង់មតិពីមុនដោយវេទិកាចុះបញ្ជីអចលនទ្រព្យ Batdongsan បានរកឃើញថា បុគ្គលជាមធ្យម ដែលមានអាយុប្រហែល៣០ឆ្នាំត្រូវសន្សំប្រាក់ចំណូលសរុបចំនួន២៥,៨ឆ្នាំ ដើម្បីទិញអាផាតមុិនតម្លៃ៣ពាន់លានដុងនៅទីក្រុងហាណូយ និងទីក្រុងហូជីមិញ ប្រសិនបើតម្លៃបន្តស្ថិតនៅទ្រឹង៕ប្រភព: Vnexpress៕

1...310311312...3,232Page 311 of 3,232

- Advertisement -
© រក្សាសិទ្ធិគ្រប់យ៉ាងដោយ PROPERTY AREA ASIA | Host by KH71