សម្ដេចធិបតី៖ គោលនយោបាយអភិវឌ្ឍន៍ និងការពារទឹកដីរបស់រាជរដ្ឋាភិបាលគឺអភិវឌ្ឍន៍នៅតាមព្រុំដែនជាយុទ្ធសាស្ត្របំផុត

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងឱ្យដឹងថា ការអភិវឌ្ឍនៅតាមព្រំដែនគឺជា យុទ្ធសាស្រ្តល្អបំផុតក្នុងការការពារបូរណភាពទឹកដី ក្នុងរយៈពេលវែងតាមរយៈការយកប្រជាជន និងការអភិវឌ្ឍជាខឿនការពារព្រំដែន ដែលជាគោលនយោបាយក្នុងការ អភិវឌ្ឍនិងការពារទឹកដីដែលរាជរដ្ឋាភិបាលត្រូវបន្តធ្វើ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងបែបនេះក្នុងឱកាសអញ្ជើញជាអធិបតី សម្ពោធដាក់ឱ្យប្រើប្រាស់ជាផ្លូវការនូវសមិទ្ធផល ទាំងឡាយក្នុងវិស័យអប់រំ នៅខេត្តរតនគិរី ដែលជាមរតករបស់សម្តេចតេជោ ហ៊ុន សែន៕

ម៉ាឡេសុីក្លាយជាគោលដៅយុទ្ធសាស្ត្ររបស់បណ្តាអ្នកវិនិយោគអចលនទ្រព្យ ដែលផ្តោតលើនិរន្តរភាព និងភាពធន់

ដោយ: គង់ លាងហួរ
អន្តរជាតិ: បច្ចុប្បន្ន ប្រទេសម៉ាឡេស៊ីត្រូវបានគេទទួលស្គាល់ថា ជាអ្នកទទួលផលយ៉ាងធំមួយពីការផ្លាស់ប្តូរទិដ្ឋភាពទីផ្សារអចលនទ្រព្យសកល ខណៈក្រុមហ៊ុនធំៗព្យាយាមសម្របផលបត្រអចលនទ្រព្យជាមួយនឹងភាពធន់ និរន្តរភាព និងការត្រៀមរួចជាស្រេចសម្រាប់អនាគត។

យោងតាមរបាយការណ៍ថ្មី“YOUR SPACE”ឆ្នាំ២០២៥ របស់ក្រុមហ៊ុនប្រឹក្សាអចលនទ្រព្យ Knight Frank បានឱ្យដឹងថា ប្រឈមមុខនឹងបញ្ហានៃការប្រែប្រួលសេដ្ឋកិច្ច ហានិភ័យភូមិសាស្ត្រនយោបាយ និងឌីជីថល បណ្តាក្រុមហ៊ុនសាជីវកម្មចំនួន៥០ភាគរយទូទាំងពិភពលោកគ្រោងពង្រីកការិយាល័យរបស់ពួកគេក្នុងរយៈពេល៣ឆ្នាំទៅ៥ឆ្នាំខាងមុខ ឬស្មើនឹង១០៤លានហ្វីតការ៉េ។

ការណ៍នេះធ្វើឱ្យប្រទេសម៉ាឡេស៊ីស្ថិតក្នុងស្ថានភាពយ៉ាងរឹងមាំមួយ ដែលអាចទាក់ទាញបណ្តាវិនិយោគិន និងអ្នកជួលមកពីជុំវិញពិភពលោក។តម្រូវការមានការកើនឡើងខ្លាំងជាពិសេសក្នុងចំណោមបណ្តាក្រុមហ៊ុន ដែលផ្តោតលើការផលិតកម្រិតខ្ពស់ បច្ចេកវិទ្យា និងការចែកចាយក្នុងតំបន់។

ក្រុមហ៊ុនប្រឹក្សាអចលនទ្រព្យ Knight Frank Malaysia បានកត់សម្គាល់ឃើញការចាប់អារម្មណ៍កាន់តែខ្លាំងឡើងពីបណ្តាក្រុមហ៊ុនពហុជាតិសាសន៍ ដែលមានបំណងបង្កើតទីស្នាក់ការកណ្តាលក្នុងតំបន់ មជ្ឈមណ្ឌលឧស្សាហកម្មដែលមានលក្ខណៈពិសេសខ្ពស់ និងដំណោះស្រាយដឹកជញ្ជូនប្រកបដោយនិរន្តរភាពនៅរាជធានីគូឡាឡាំពួរ។

លោក Keith Ooi នាយកគ្រប់គ្រងក្រុមការងាររបស់ក្រុមហ៊ុន Knight Frank Malaysia បានមានប្រសាសន៍ឱ្យដឹងថា ម៉ាឡេស៊ីផ្តល់នូវប្រសិទ្ធភាពនៃការចំណាយ ស្ថិរភាពនយោបាយ និងលទ្ធភាពចូលទៅកាន់ទីផ្សារ ដែលបណ្តាក្រុមហ៊ុននានាជុំវិញពិភពលោកចង់បាន។

លោក Keith Ooi បានបន្ថែមថា ប្រទេសម៉ាឡេស៊ីមានភាពលេចធ្លោសម្រាប់ការកែលម្អផ្នែកឧស្សាហកម្ម និងការិយាល័យ ដែលត្រូវបានសាងសង់ឡើងដើម្បីឱ្យមានភាពធន់ និងស្របតាមស្តង់ដារបរិស្ថាន សង្គម និងអភិបាលកិច្ច (ESG)៕

ចិនប្រកាសផ្តល់ទិដ្ឋាការថ្មីដល់អ្នកដំណើរក្នុងគោលបំណងអាជីវកម្មមកពីកម្ពុជា និងប្រទេសអាស៊ាន៩ផ្សេងទៀត

ដោយ: គង់ លាងហួរ
ប៉េកាំង: ប្រទេសចិនបានប្រកាសដាក់ចេញនូវ“ទិដ្ឋាការអាស៊ានពិសេស”ឬ ASEAN visa សម្រាប់អ្នកដំណើរធុរកិច្ចមកពីបណ្តាប្រទេសសមាជិកអាស៊ានទាំង១០ បូករួមទាំងប្រទេសទីម័រខាងកើត។

បណ្តាប្រទេសរដ្ឋជាសមាជិកអាស៊ាន រួមមាន ប្រទេសឥណ្ឌូនេស៊ី ប្រទេសម៉ាឡេស៊ី ប្រទេសហ្វីលីពីន ប្រទេសសិង្ហបុរី ប្រទេសថៃ ប្រទេសប្រ៊ុយណេ ប្រទេសវៀតណាម ប្រទេសឡាវ ប្រទេសមីយ៉ាន់ម៉ា និងប្រទេសកម្ពុជា។

យោងតាមក្រសួងការបរទេសចិនបានបញ្ជាក់ឱ្យដឹងថា អ្នកដំណើរមកពីបណ្តាប្រទេសអាស៊ានទាំង១១ ដែលមកទស្សនាប្រទេសចិនក្នុងគោលបំណងអាជីវកម្ម ដោយនាំមកជាមួយប្តី ឬប្រពន្ធ និងកូនរបស់ពួកគេ នឹងត្រូវបានផ្តល់ជូន “ទិដ្ឋាការអាស៊ាន”។

អ្នកទទួលបានទិដ្ឋាការនេះមានសិទ្ធិចេញ-ចូលប្រទេសចិនបានច្រើនដង(Mutiple-entry)ក្នុងរយៈពេល៥ឆ្នាំ ហើយអនុញ្ញាតឱ្យមានការស្នាក់នៅមួយលើកៗរយៈពេល១៨០ថ្ងៃជាអតិបរមា។

លោក Lin Jian អ្នកនាំពាក្យក្រសួងការបរទេសចិន បានថ្លែងនៅក្នុងសន្និសីទសារព័ត៌មានថា “ដោយសារការធ្វើដំណើរទៅវិញទៅមកជាញឹកញាប់រវាងប្រជាជននៃប្រទេសចិន និងបណ្តាប្រទេសអាស៊ាន ទិដ្ឋាការថ្មីនេះមានគោលបំណងជួយសម្រួលដល់ការធ្វើដំណើរឆ្លងដែនបន្ថែមទៀតនៅក្នុងតំបន់”។

គម្រោងដាក់ចេញទិដ្ឋាការអាស៊ានថ្មីនេះ នឹងបូកបន្ថែមពីលើកិច្ចព្រមព្រៀងលើកលែងទិដ្ឋាការដែលមានស្រាប់ រវាងប្រទេសចិនជាមួយបណ្តាប្រទេសក្នុងតំបន់ រួមមានសិង្ហបុរី ថៃ និងម៉ាឡេស៊ី។

បច្ចុប្បន្ន ប្រជាជនសិង្ហបុរី និងពលរដ្ឋចិនអាចធ្វើដំណើរទៅវិញទៅមករវាងប្រទេសទាំង២ ដោយមិនចាំបាច់មានទិដ្ឋាការក្នុងរយៈពេល៣០ថ្ងៃ ក្រោមកិច្ចព្រមព្រៀង ដែលបានចូលជាធរមានកាលពីខែកុម្ភៈ,ឆ្នាំមុន។ ចំណែក ប្រជាជនម៉ាឡេស៊ី និងប្រជាជនថៃក៏ទទួលបានការលើកលែងទិដ្ឋាការដូចគ្នានេះផងដែរ។

ចំណែក គម្រោង“ទិដ្ឋាការ Lancang-Mekong” ដែលបានចាប់ផ្តើមនៅក្នុងខែវិច្ឆិកា ឆ្នាំ២០២៤ ផ្តល់ជូនអ្នកធ្វើដំណើរក្នុងគោលបំណងអាជីវកម្មមកពីប្រទេសកម្ពុជា ឡាវ មីយ៉ាន់ម៉ា ថៃ និងវៀតណាម នូវទិដ្ឋាការចូលបានច្រើនដងរយៈពេល៥ឆ្នាំជាមួយនឹងរយៈពេលនៃការស្នាក់នៅអតិបរមាចំនួន១៨០ថ្ងៃ៕

តើធនាគារណាខ្លះជាប់ចំណាត់ថ្នាក់កំពូលទាំង៥នៅសហរដ្ឋអាមេរិក?

ដោយៈ និស្ស័យ

អូស្រ្តាលីៈ ប្រទេសនេះមានធនាគារច្រើន ប៉ុន្តែបើគិតត្រឹមឆ្នាំ 2025 ធនាគារកំពូលទាំង5 នៅសហរដ្ឋអាមេរិក ដោយទ្រព្យសម្បត្តិសរុបច្រើនមានដួចជា។

JPMorgan Chase & Co.

ធនាគារដ៏ធំនេះ មានទីស្នាក់ការកណ្តាល៖ ញូវយ៉ក ញូវយ៉ក
ទ្រព្យសកម្មសរុប៖ ជាង4ពាន់ពាន់លានដុល្លារឬជាង៤ទ្រីលានដុល្លារ។
ចំណាំ៖ ធនាគារធំជាងគេនៅសហរដ្ឋអាមេរិក រ៉ឹងមាំក្នុងវិស័យធនាគារវិនិយោគ ការគ្រប់គ្រងទ្រព្យសកម្ម និងធនាគារអតិថិជន។

ធនាគារអាមេរិក

ធនាគារនេះ មានទីស្នាក់ការកណ្តាល៖ ទីក្រុង Charlotte, NC
ទ្រព្យសកម្មសរុប៖ ប្រហែល3.2ពាន់ពាន់លានដុល្លារ ឬជាង៣,២ទ្រីលានដុល្លារ។
កំណត់សម្គាល់៖ អ្នកលេងដ៏សំខាន់ នៅក្នុងធនាគារអតិថិជន និងសាជីវកម្ម ជាមួយនឹងការបោះជំហានដ៏ធំនៅទូទាំងប្រទេស។

Citigroup (Citi)

ជាប់ចំណាត់ថ្នាក់ទី៣ ជាធនាគារធំមួយ ធនាគារនេះមានទីស្នាក់ការកណ្តាល៖ ញូវយ៉ក ញូវយ៉ក។
ទ្រព្យសកម្មសរុប៖ ជាង2.4ពាន់ពាន់លានដុល្លារឬ២,៤ទ្រីលានដុល្លារ។
ចំណាំ៖ ស្គាល់សម្រាប់ប្រតិបត្តិការ ធនាគារពិភពលោក និងសេវាកម្មកាតឥណទាន។

Wells Fargo & Co.

វាមានទីស្នាក់ការកណ្តាល៖ San Francisco, CA
ទ្រព្យសកម្មសរុប៖ ប្រហែល 1.9 ពាន់ពាន់លានដុល្លារ ឬជិត២ទ្រីលានដុល្លារ។
កំណត់សម្គាល់៖ មានភាពរឹងមាំក្នុងការផ្តល់ប្រាក់កម្ចីទិញផ្ទះ និងធនាគារលក់រាយ ទោះបីជាបានប្រឈមមុខ នឹងការត្រួតពិនិត្យបទប្បញ្ញត្តិក្នុងប៉ុន្មានឆ្នាំថ្មីៗនេះក៏ដោយ។

U.S. Bancorp (ធនាគារអាមេរិក)

ធនាគារជាប់លំដាប់ទី៥នេះ មានទីស្នាក់ការកណ្តាល៖ Minneapolis, MN
ទ្រព្យសកម្មសរុប៖ ជាង៦៥០ពាន់លានដុល្លារអាមេរិក។
ចំណាំ៖ ធនាគារក្នុងតំបន់ដ៏ធំបំផុតនៅសហរដ្ឋអាមេរិក ដែលត្រូវបានគេស្គាល់ថាសម្រាប់ស្ថិរភាព និងវត្តមានដ៏រឹងមាំ នៅកណ្តាលខាងលិច និងខាងលិច៕

ការសិក្សា: ដីធ្លីនៅតាមទីក្រុងធំៗរបស់ប្រទេសចិនមានតម្លៃប៉ុន្មានក្នុងមួយម៉ែត្រការ៉េ?

ដោយ: គង់ លាងហួរ
អន្តរជាតិ: គិតត្រឹមពាក់កណ្តាលឆ្នាំ២០២៥ តម្លៃដីនៅទីក្រុងកំពូលៗរបស់ប្រទេសចិនបានកើនឡើងដល់កម្រិតខ្ពស់បំផុត ជាពិសេសដីនៅតាមទីក្រុងធំៗ។ខាងក្រោមនេះជាទិដ្ឋភាពទូទៅនៃតម្លៃដេញថ្លៃដីក្នុងទីក្រុងទាំងនោះ៖

ទី១: ទីក្រុងសៀងហៃ

តម្លៃដីនៅក្នុងសង្កាត់ Xuhui របស់ទីក្រុងសៀងហៃបានហក់ឡើងដល់កំណត់ត្រា១៣១.០០០យ័ន(ប្រមាណ១៨.៣៤៥ដុល្លារ)ក្នុងមួយម៉ែត្រការ៉េ។

តម្លៃបំបែកកំណត់ត្រានេះត្រូវបានសម្រេចក្នុងអំឡុងពេលនៃការដាក់ដេញថ្លៃជាសាធារណៈកាលពីខែសីហា ឆ្នាំមុន។ នេះជាការលក់ដីលំនៅដ្ឋានក្នុងតម្លៃខ្ពស់បំផុតមិនធ្លាប់មាននៅចិនដីគោកគិតរហូតមកដល់ពេលបច្ចុប្បន្ន។

ទី២: ទីក្រុងប៉េកាំង

តម្លៃដីនៅសង្កាត់ Haidian នៃរដ្ឋធានីមួយនេះបានហក់ឡើងដល់កំណត់ត្រា១០២.៣០០យ៉េនក្នុងមួយម៉ែត្រការ៉េ (ប្រហែល១៤.១៤០ ដុល្លារ)។ការដេញថ្លៃដីឡូតិ៍លំនៅដ្ឋានមួយកន្លែងនេះបានបំបែកកំណត់ត្រាថ្មីសម្រាប់ទីក្រុងប៉េកាំងកាលពីខែមីនា ឆ្នាំ២០២៥នេះ។

ទី៣: ទីក្រុង Chengdu

តម្លៃដីនៅសង្កាត់ Jinjiang នៃទីក្រុងឆឹងទូរ(Chengdu) បានហក់ឡើងដល់កំណត់ត្រា៤១.២០០យ័នក្នុងមួយម៉ែត្រការ៉េ(ប្រមាណ៥.៨០០ដុល្លារអាមេរិក)។

ដីឡូតិ៍លំនៅដ្ឋានមួយកន្លែងក្នុងសង្កាត់ Jinjiang នៃទីក្រុង Chengdu បានលក់ចេញក្នុងតម្លៃបំបែកកំណត់ត្រានេះនៅខែមីនា ឆ្នាំ២០២៥នេះ ដែលឆ្លុះបញ្ចាំងពីតម្រូវការខ្ពស់ក្នុងតំបន់ស្នូលរបស់ទីក្រុង។

ទី៤: ទីក្រុងសុិនជិន

តម្លៃដីនៅទីក្រុងសុិនជិនបានហក់ឡើងដល់ចន្លោះពី៣០.០០០យ័នទៅ៣៥.០០០យ័នក្នុងមួយម៉ែត្រការ៉េ។ខណៈតួលេខពិតប្រាកដមានភាពខុសប្លែកពីគ្នា ទីក្រុងសុិនជិន (Shenzhen) នៅតែបន្តសម្រេចបានកំណត់ត្រាតម្លៃដីខ្ពស់កប់ពពកនៅសង្កាត់សំខាន់ៗរបស់ខ្លួន។

ទី៥: ទីក្រុងក្វាងចូវ

តម្លៃដីនៅទីក្រុងក្វាងចូវ ដែលជាទីក្រុងលំដាប់ទី១របស់ប្រទេសចិនបានហក់ឡើងដល់១៨.៤៨៤យ័នក្នុងមួយម៉ែត្រការ៉េ ស្របពេលមានកំណើននៃតម្រូវការនៅតំបន់កណ្តាលទីក្រុង។

ចំណែកឯ ដីនៅទីក្រុងផ្សេងទៀត ដូចជា ដីនៅទីក្រុងហាងចូវ(Hangzhou)បានហក់ឡើងដល់៨៨.០០០យ័នក្នុងមួយម៉ែត្រការ៉េ ខណៈតម្លៃដីនៅទីក្រុង Xiamen បានហក់ឡើងដល់១៨.៧៤៧យ័នក្នុងមួយម៉ែត្រការ៉េ៕

តើអគារណាខ្លះ ដែលមានរចនាបថប្លែកៗនៅលើពិភពលោក?

ដោយ: គង់ លាងហួរ
អន្តរជាតិ: ស្របពេលបច្ចេកវិទ្យា និងនវានុវត្តន៍បន្តបោះជំហានឆ្ពោះទៅមុខ បណ្តាប្រទេសនានាលើពិភពលោកបានសាងសង់អគារខ្ពស់ៗកប់ពពកជាច្រើន ដែលមានរចនាបថ និងការកែច្នៃខុសៗប្លែកពីគេ។ការណ៍នេះជាការបង្ហាញពីសក្តានុពលទៅកាន់ពិភពលោក។

ខាងក្រោមនេះជាអគារខ្ពស់ៗចំនួន៥មកពីជុំវិញពិភពលោក ដែលមានភាពលេចធ្លោលើការរចនាឌីហ្សាញដ៏ប្លែក។ អគារកប់ពពកទាំងនេះមិនត្រឹមតែខ្ពស់ប៉ុណ្ណោះទេ ប៉ុន្តែថែមទាំងបង្ហាញពីភាពច្នៃប្រឌិត និងគោលគំនិតផងដែរ៖

ទី១: អគារ CCTV Headquarters

អគារ CCTV Headquarters ជាទីស្នាក់ការកណ្តាលរបស់ទូរទស្សន៍រដ្ឋចិន CCTV ដែលមានទីតាំងនៅក្នុងរដ្ឋធានីប៉េកាំង ប្រទេសចិន។អគារនេះមានកម្ពស់២៣៤ម៉ែត្រ ដែលរចនាឡើងដោយស្ថាបត្យករហូឡង់លោក Rem Koolhaas។

ទី២: អគារ The Big Bend

គម្រោងអគារ The Big Bend ត្រូវបានស្នើសាងសង់ឡើងក្នុងកម្ពស់ជាង១.២០០ម៉ែត្រនៅទីក្រុងញូវយ៉ករបស់សហរដ្ឋអាមេរិក ដែលរចនាឡើងដោយក្រុមហ៊ុនស្ថាបត្យកម្ម Oiio Studio។គម្រោងអគារនេះមានរាងជាអក្សរ“U”ស្ថិតលើផ្លូវ 57th Street។

ប្រសិនបើត្រូវបានសាងសង់ឡើងមែន នោះអគារ The Big Bend នឹងក្លាយជាអគារខ្ពស់ជាងគេបំផុតមិនធ្លាប់មាននៅលើពិភពលោក។

ទី៣: អគារ Absolute World Towers

អគារ Absolute World Towers នៅទីក្រុង Mississauga ក្នុងប្រទេសកាណាដាមានប៉មចំនួន២។ ប៉មទី១មានកម្ពស់១៧៩ម៉ែត្រ ខណៈប៉មទី២មានកម្ពស់១៥៨ម៉ែត្រ ដែលរចនាឡើងដោយក្រុមហ៊ុនស្ថាបត្យកម្ម MAD Architects។ ប៉មទាំង២នេះមានរាងរមួល និងរាងកោងដូចទៅនឹងដងខ្លួនរបស់មនុស្ស។

ទី៤: អគារ Capital Gate

អគារ Capital Gate មានទីតាំងស្ថិតនៅទីក្រុងអាប៊ុយដាប៊ីរបស់ប្រទេសអេមីរ៉ាត់អារ៉ាប់រួម។អគារនេះមានកម្ពស់១៦៥ម៉ែត្រ ដែលរចនាឡើងដោយក្រុមហ៊ុនស្ថាបត្យកម្ម RMJM។

លក្ខណៈពិសេសប្លែកស្ថិតនៅត្រង់ថា អគារ Capital Gate មានទំនោរផ្អៀង១៨ដឺក្រេទៅទិសខាងលិច ខ្លាំងជាងអគារ Tower of Pisa ដ៏ល្បីល្បាញនៅប្រទេសអុីតាលីទៅទៀត។

ទី៥: អគារ MahaNakhon Tower

អគារខ្ពស់កប់ពពក MahaNakhon Tower ជាអគារដ៏ល្បីល្បាញនៅទីក្រុងបាងកកនៃប្រទេសថៃ។អគារនេះមានកម្ពស់៣១៤ម៉ែត្រ ដែលរចនាឡើងដោយស្ថាបត្យករអាល្លឺម៉ង់លោក Ole Scheeren។អគារនេះជានិមត្តិរូបក្នុងយុគសម័យសម័យឌីជីថលទំនើប៕

អភិបាលខេត្តព្រះសីហនុបានដឹកនាំវេទិការជម្រុញការវិនិយោគមកកាន់កម្ពុជាជាមួយអ្នកធុរកិច្ចចិនរាប់រយនាក់

ដោយៈ គង់ សូរិយា

ភ្នំពេញៈ អភិបាល នៃគណៈអភិបាលខេត្តព្រះសីហនុ លោកម៉ាង ស៊ីណេតបានអញ្ជើញដឹកនាំវេទិកាជំរុញ ការវិនិយោគខេត្តព្រះសីហនុ នៅទីក្រុងហ័ងសាន ខេត្តអានហ៊ួយ សាធារណរដ្ឋប្រជាមានិតចិន។

វេទិកានេះ មានការចូលរួមពី លេខាធិការដ្ឋានក្រុមការងារជំរុញការវិនិយោគខេត្តព្រះសីហនុ លេខាធិការដ្ឋានក្រុមការងារបច្ចេកទេសអន្តរក្រសួង សម្របស្រួលការរៀបចំផែនការមេ ដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង អគ្គកុងស៊ុលកម្ពុជាប្រចាំទីក្រុងសៀងហៃ សមាគមអភិវឌ្ឍន៍សហគ្រិនកម្ពុជា-អាស៊ាន អ្នកឧកញ៉ា ឧកញ៉ា លោក លោកស្រី អគ្គនាយក នាយកក្រុមហ៊ុន អ្នកគ្រប់គ្រងរោងចក្រ សហគ្រាស និងសមាជិក សមាជិកាទាំងអស់ប្រមាណជាង២០០នាក់។

ថ្លែងបើកវេទិកានេះ លោកម៉ាង ស៊ីណេតបានបង្ហាញឱ្យឃើញកាន់តែច្បាស់អំពីការបន្តពូនជ្រុំ លើកកម្ពស់ទំនាក់ទំនងមិត្តភាព ជា «មិត្តដែកថែប និងជាដៃគូយុទ្ធសាស្ត្រគ្រប់ជ្រុងជ្រោយ» របស់ប្រទេសទាំងពីរ ដែលជាលទ្ធផលនៃភាពស៊ីសង្វាក់គ្នា រវាងយុទ្ធសាស្ត្រចតុកោណ និងយុទ្ធសាស្រ្តបញ្ចកោណ របស់រដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងគោលនយោបាយ គំនិតផ្តួចផ្តើម «ខ្សែក្រវាត់ និងផ្លូវ» របស់លោកប្រធានាធិបតី ស៊ី ជីនពីង។

ចំពោះកិច្ចសហប្រតិបត្តិការ និងទំនាក់ទំនងមិត្តភាពជាមួយប្រទេសចិន ខេត្តព្រះសីហនុបានបង្កើតសម្ព័ន្ធមេត្រីភាពខេត្ត-ក្រុងបងប្អូនជាមួយបណ្តាខេត្ត-ក្រុង នៃប្រទេសចិនចំនួន២០ រួមទាំងខេត្តអានហ៊ួយ ដែលទើបតែបានចុះហត្ថលេខាលើកិច្ចព្រមព្រៀងកាលពីថ្ងៃទី៥ ខែមិថុនា ឆ្នាំ២០២៥លន្លងមកនេះ។

វេទិកាជំរុញការវិនិយោគខេត្តព្រះសីហនុ នៅខេត្តអានហ៊ួយ នាពេលនេះ គឺមានគោលបំណងដើម្បីពង្រឹង និងពង្រីកការទំនាក់ទំនងមិត្តភាព និងកិច្ចសហប្រតិបត្តិការរវាងខេត្តព្រះសីហនុ និងខេត្តអានហ៊ួយ ព្រមទាំងស្វែងរកដៃគូវិនិយោគ លើវិស័យឧស្សាហកម្ម ពាណិជ្ជកម្ម ទេសចរណ៍ អចលនទ្រព្យ ការដឹកជញ្ជូននិងវិស័យមួយចំនួនទៀតដែលមានសក្តានុពល។

ក្នុងឱកាសនោះ លោកអភិបាលខេត្ត ស្វាគមន៍ចំពោះរាល់ការសម្រេចចិត្តដ៏ឈ្លាសវៃរបស់វិនិយោគិនទាំងអស់ ដែលមានបំណងជ្រើសរើសខេត្តព្រះសីហនុ ជាគោលដៅវិនិយោគ ព្រមទាំងអញ្ជើញធុរជន និងវិនិយោគិន ធ្វើទស្សនកិច្ចសិក្សាស្វែងយល់ អំពីសក្តានុពល និងកាលានុវត្តភាពវិនិយោគនៅខេត្តព្រះសីហនុ។

លោកម៉ាង ស៊ីណេតបានបញ្ជាក់ថា “រដ្ឋបាលខេត្តព្រះសីហនុ សូមធានាជូនអ្នកវិនិយោគ នូវការផ្តល់សេវាឆាប់រហ័ស ប្រកបដោយទំនុកចិត្ត តម្លាភាព ប្រសិទ្ធភាពខ្ពស់ ព្រមទាំងការសម្របសម្រួល ការលើកទឹកចិត្ត និងធានាសន្តិសុខ សុវត្ថិភាពដល់អ្នកវិនិយោគគ្រប់រូប និងមានសុទិដ្ឋិនិយមថា តាមរយៈវេទិកានេះ អ្នកវិនិយោគនឹងទទួលបានព័ត៌មានពិត និងច្បាស់លាស់ ដើម្បីធ្វើការសម្រេចចិត្តដ៏ត្រឹមត្រូវ ក្នុងការវិនិយោគនៅខេត្តព្រះសីហនុ”។

បន្ថែមពីលើនេះលោកម៉ាង ស៊ីណេតក៏មានប្រសាសន៍លើកឡើងអំពីព័ត៌មានមិនពិតពីខេត្តព្រះសីហនុ ដើម្បីវាយប្រហារ អុចអាល ញុះញង់ ឱ្យអ្នកវិនិយោគមានការភ័យខ្លាច។ ក្នុងនាមរដ្ឋបាលខេត្ត ឯកឧត្តមសូមបញ្ជាក់ថា ព័ត៌មានទាំងនោះគឺជាព័ត៌មាន មិនពិតប្រាកដទេ លោកធានាអះអាងការពារ សន្តិសុខ សុវត្ថិភាពជូនដល់អ្នកវិនិយោគឱ្យបានល្អប្រសើរ ព្រោះថាបេសកម្មរបស់រដ្ឋបាលខេត្តគឺ៖

“សុខសុវត្ថិភាពរបស់អ្នកវិនិយោគ គឺជាកាតព្វកិច្ចរបស់យើងខ្ញុំ” ហើយ “ភាពជោគជ័យលើអាជីវកម្មរបស់អ្នកវិនិយោគ គឺជាភាពរីករាយរបស់យើងខ្ញុំ”។

ក្នុងវេទិកានេះក៏មានបទបង្ហាញរបស់វាគ្មិន ពាក់ព័ន្ធនឹងសក្តានុពល និងឱកាសវិនិយោគនៅខេត្តព្រះសីហនុ ព្រមទាំងផ្តល់ពេលវេលាសម្រាប់កម្មវិធីសំណួរ ចម្លើយ ដោយបានធ្វើការបកស្រាយយ៉ាងក្បោះក្បាយជូនវិនិយោគិន និងធុរជនផងដែរ៕

តើអគារខុនដូថ្លៃជាងគេបំផុតទាំង៥ នៅរដ្ឋធានីម៉ានីលរបស់ហ្វីលីពីនមានតម្លៃប៉ុន្មានក្នុងមួយម៉ែត្រការ៉េ?

ដោយ: គង់ លាងហួរ
អន្តរជាតិ: គិតត្រឹមពាក់កណ្តាលឆ្នាំ២០២៥ ទីផ្សារខុនដូប្រណីតរបស់ទីក្រុងម៉ានីលនៃប្រទេសហ្វីលីពីនមានការរីកចម្រើនគួរឱ្យកត់សម្គាល់ ដោយមានអគារខុនដូខ្ពស់ៗជាច្រើនបានបំបែកកំណត់ត្រាតម្លៃខ្ពស់បំផុតក្នុងមួយម៉ែត្រការ៉េ។

ខាងក្រោមនេះជាបញ្ជីនៃអគារខុនដូថ្លៃបំផុតទាំង៥ នៅរដ្ឋធានីម៉ានីល (Metro Manila) ដែលចាត់ថ្នាក់ដោយផ្អែកលើតម្លៃជាមធ្យមក្នុងមួយម៉ែត្រការ៉េ៖

ទី១: អគារ Banyan Tree Residences

អគារខុនដូ Banyan Tree Residences មានទីតាំងនៅតំបន់ពាណិជ្ជកម្មកណ្តាល Makati របស់ទីក្រុងម៉ានីល។ខុនដូនៅអគារនេះមានតម្លៃជាមធ្យមចំនួន៨០មុឺនបេ៉សូ(ប្រមាណ១៤.៣៨០ដុល្លារ)ក្នុងមួយម៉ែត្រការ៉េ។

អគារខុនដូ Banyan Tree Residences នេះផ្តល់នូវការរស់នៅដ៏ប្រណីត ជាមួយនឹងសេវាកម្ម និងគ្រឿងបរិក្ខារទំនើបៗលំដាប់ពិភពលោក។

ទី២: អគារ The Suites

អគារខុនដូ The Suites មានទីតាំងនៅតំបន់ពាណិជ្ជកម្ម Bonifacio Global City។ខុនដូនៅអគារនេះមានតម្លៃជាមធ្យមចំនួន៥៦៦.០០០បេ៉សូ(ប្រមាណ១០.១៧២ដុល្លារ)ក្នុងមួយម៉ែត្រការ៉េ។ អគារខុនដូខ្ពស់កប់ពពកនេះផ្តល់ឱ្យអតិថិជននូវទិដ្ឋភាពរបស់ទីក្រុងម៉ានីលបែប Panoramic និងគ្រឿងបរិក្ខារលំដាប់កំពូល។

ទី៣: អគារ Two Roxas Triangle

អគារ Two Roxas Triangle មានទីតាំងនៅតំបន់ពាណិជ្ជកម្មកណ្តាល Makati របស់ទីក្រុងម៉ានីល។ខុនដូនៅអគារនេះមានតម្លៃជាមធ្យមចំនួន៤៥២.០០០បេ៉សូ(ប្រមាណ៨.១២៤ដុល្លារ)ក្នុងមួយម៉ែត្រការ៉េ។អគារខុនដូនេះផ្តល់ជូននូវបន្ទប់ធំទូលាយ និងបរិក្ខារពិសេស។

ទី៤: អគារ Grand Hyatt Residences

អគារ Grand Hyatt Residences មានទីតាំងនៅតំបន់ពាណិជ្ជកម្ម Bonifacio Global City។ខុនដូនៅអគារនេះមានតម្លៃជាមធ្យមចំនួន៤៥១.០០០បេ៉សូ(ប្រមាណ៨.១០៦ដុល្លារ)ក្នុងមួយម៉ែត្រការ៉េ។

អគារខុនដូ Grand Hyatt Residences ជាផ្នែកមួយនៃគម្រោង Grand Hyatt complex ដោយរួមបញ្ចូលគ្នានូវការរស់នៅដ៏ប្រណីតជាមួយនឹងសេវាកម្មប្រៀបដូចជាសណ្ឋាគារ។

ទី៥: អគារ Aurelia Residences

អគារ Aurelia Residences ក៏មានទីតាំងនៅតំបន់ពាណិជ្ជកម្ម Bonifacio Global City ផងដែរ។ខុនដូនៅអគារនេះមានតម្លៃជាមធ្យមចំនួន៤៣១.០០០បេ៉សូ(ប្រមាណ៧.៧៤៧ដុល្លារ)ក្នុងមួយម៉ែត្រការ៉េ។

អគារខុនដូ Aurelia Residences កើតចេញពីកិច្ចសហការរវាងក្រុមហ៊ុន Shang Properties និងក្រុមហ៊ុន Robinsons Land ដោយយកលំនាំរចនាបថបែបអុីតាលី និងបំពាក់ទៅដោយគ្រឿងបរិក្ខារពិសេសៗ៕

តើវិស័យអ្វីមានសក្តានុពលក្នុងការវិនិយោគនៅប្រទេសជប៉ុន នាពេលនេះ?

ដោយៈ ម៉ាណា

ជប៉ុនៈ ការវិនិយោគនៅក្នុងប្រទេសជប៉ុននាពេលនេះ ផ្តល់នូវឱកាសគួរឱ្យទាក់ទាញមួយចំនួន ដោយសារតែការធ្លាក់ចុះនៃសេដ្ឋកិច្ច ការផ្លាស់ប្តូរគោលនយោបាយ និងការវិវត្តនៃនិន្នាការអ្នកប្រើប្រាស់ និងបច្ចេកវិទ្យា។

ទាំងអស់នេះ គឺជាវិស័យដែលមានសក្តានុពលបំផុត សម្រាប់ការវិនិយោគនៅក្នុងប្រទេសជប៉ុនក្នុងឆ្នាំ 2025 ដោយផ្អែកលើសញ្ញាម៉ាក្រូសេដ្ឋកិច្ច គោលនយោបាយរបស់រដ្ឋាភិបាល ការផ្លាស់ប្តូរប្រជាសាស្រ្ត និងតម្រូវការសកលលោក។
🇯🇵 1. Advanced Manufacturing & Robotics

ហេតុអ្វី

ប្រទេសជប៉ុននៅតែជាប្រទេសឈានមុខគេ លើពិភពលោកក្នុងការផលិតភាពជាក់លាក់ មនុស្សយន្ត និងស្វ័យប្រវត្តិកម្ម។ ជាមួយនឹងការកើនឡើងជាសកល និងតម្រូវការស្វ័យប្រវត្តិកម្មកើនឡើង ក្រុមហ៊ុនជប៉ុនដូចជា Fanuc, Yaskawa, Keyence និង SMC មានទីតាំងល្អណាស់។

និន្នាការសំខាន់ៗ

កម្លាំងពលកម្មដែលមានវ័យចំណាស់ៈ តម្រូវការស្វ័យប្រវត្តិកម្មតម្រូវការសកល សម្រាប់ការផលិតប្រកបដោយប្រសិទ្ធភាពខ្ពស់។

Green Energy & Clean Tech

ហេតុអ្វី

ប្រទេសជប៉ុនកំពុងផ្លាស់ប្តូរ យ៉ាងឆាប់រហ័សពីនុយក្លេអ៊ែរ និងឥន្ធនៈហ្វូស៊ីលទៅជាថាមពលស្អាត។ គោលនយោបាយរបស់រដ្ឋាភិបាល (ដូចជា GX League និងគោលដៅអព្យាក្រឹតកាបូន 2050) គឺគាំទ្រដល់ហេដ្ឋារចនាសម្ព័ន្ធថាមពលព្រះអាទិត្យ ខ្យល់ អ៊ីដ្រូសែននិងEV។

ក្រុមហ៊ុនដែលត្រូវមើល

ENEOS ក្រុមហ៊ុន Mitsubishi Heavy Industries (អ៊ីដ្រូសែន) Panasonic Energy (អាគុយ EV) និងJERA (ខ្យល់នៅឆ្នេរសមុទ្រ)។

ប្រាក់រង្វាន់

សន្ទុះនៃការវិនិយោគ ESG គឺខ្លាំងនៅក្នុងប្រទេសជប៉ុន។

💊 3. Healthtech, Elder Care & Biopharma

ហេតុអ្វី

ប្រជាជនវ័យចំណាស់របស់ប្រទេសជប៉ុន (ជាង 29% គឺមានអាយុលើសពី៦៥ឆ្នាំ ដែលបង្កើតតម្រូវការរយៈពេលវែង ជាប់លាប់ក្នុងសេវាកម្មថែទាំសុខភាព មនុស្សយន្តវេជ្ជសាស្រ្ត ការធ្វើរោគវិនិច្ឆ័យ បច្ចេកវិទ្យាថែទាំមនុស្សចាស់ និងឱសថ។

តំបន់ដែលមានការលូតលាស់ខ្ពស់៖ ឱសថបង្កើតឡើងវិញ ការវិនិច្ឆ័យ AI ឧបករណ៍សុខភាពដែលអាចពាក់បាន។
ក្រុមហ៊ុនដែលត្រូវមើល៖ Astellas, Eisai, Sysmex, Nipro ។

Semiconductor & Tech Supply Chain

ហេតុអ្វី

ប្រទេសជប៉ុនគឺជាអ្នកលេងដ៏សំខាន់ នៅក្នុងខ្សែសង្វាក់ផ្គត់ផ្គង់គ្រឿងអេឡិចត្រូនិកសកល (សម្ភារៈ ឧបករណ៍ ឧបករណ៍ភាពជាក់លាក់) ហើយកំពុងទទួលបានអត្ថប្រយោជន៍ ពីសម្ព័ន្ធភាពរវាងសហរដ្ឋអាមេរិក និងជប៉ុនឡើងវិញ។

គួរឱ្យកត់សម្គាល់៖ Tokyo Electron, Screen Holdings, Shin-Etsu Chemical, Sumco។
Policy Tailwinds៖ ការឧបត្ថម្ភធនរបស់រដ្ឋាភិបាលជប៉ុន + កិច្ចសហការច្បាប់US CHIPS ។

ទេសចរណ៍ បដិសណ្ឋារកិច្ច និងសេវាកម្មអតិថិជន

ហេតុអ្វី?

ចំនួនភ្ញៀវទេសចរណ៍អន្តរជាតិបានកើនឡើងខ្លាំង ក្រោយជំងឺកូវីដបានផ្ទុះឡើង។ ប្រាក់យ៉េនទន់ខ្សោយ ធ្វើឱ្យប្រទេសជប៉ុនមានភាពទាក់ទាញចំពោះភ្ញៀវទេសចរចូល (បំបែកកំណត់ត្រាក្នុងឆ្នាំ 2024)។ កំណើនទេសចរណ៍ថ្នាក់កណ្តាលមកពីអាស៊ីអាគ្នេយ៍។

ឱកាស៖ សណ្ឋាគារ REITs ក្រុមហ៊ុនអាកាសចរណ៍ក្នុងតំបន់ ផ្លូវរថភ្លើងប្រណិត បទពិសោធន៍ភាសា/វប្បធម៌ អេហ្វ&ប៊ីកម្រិតខ្ពស់។
ETFs៖ ពិចារណាលើREITs ទេសចរណ៍ជប៉ុន ឬបដិសណ្ឋារកិច្ច។

AI & Digital Transformation (DX)

ហេតុអ្វី?

សាជីវកម្មជប៉ុន ស្ថិតនៅក្រោមសម្ពាធក្នុងការធ្វើឌីជីថល។ ការលើកទឹកចិត្តរបស់រដ្ឋាភិបាល និងការទទួលយកការងារពីចម្ងាយកំពុងជំរុញការវិនិយោគលើពពកSaaS និងAI។

ក្រុមហ៊ុនដែលត្រូវមើល៖ Rakuten, NTT Data, SoftBank, Digital Garage និង B2B SaaS ចាប់ផ្តើមឡើង៕

តម្លៃហាងឆេងមាសបានងើបឡើងថ្លៃនៅថ្ងៃសុក្រនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនៅព្រឹកថ្ងៃសុក្រនេះ ក្រោយពេលតម្លៃមាសប្រភេទ Spot Gold បានជួញដូរក្នុងទំហំទឹកប្រាក់ចំនួន៣៣៥៣,១១ដុល្លារអាមេរិកក្នុងមួយអោនគិតត្រឹមពេលបិទការជួញដូរកាលពីថ្ងៃព្រហស្បតិ៍ម្សិលមិញ។

តួយ៉ាង តម្លៃមាស Spot Gold បានងើបឡើង០,៥ភាគរយដល់ត្រឹម៣៣៦៩,៨៩ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានស្ថិតនៅទ្រឹងត្រឹម៣៣៥០,៧០ដុល្លារក្នុងមួយអោនគិតត្រឹមម៉ោង១០:៥៣នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៩៧,៥ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់ឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី១៨ ខែមិថុនានេះ។

ចំណែកឯ សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបជាមួយនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃដល់៩៨,៧៧ពិន្ទុនៅព្រឹកថ្ងៃសុក្រនេះ បន្ទាប់ពីបានបិទការជួញដូរត្រឹម៩៨,៧៤ពិន្ទុកាលពីថ្ងៃព្រហស្បតិ៍ម្សិលមិញ៕

1...312313314...3,344 Page 313 of 3,344